| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
17. субаарижарияаваг̇г̇о
17. Supāricariyavaggo
1. субаарижарияад̇т̇зраабад̣̇аанам̣
1. Supāricariyattheraapadānaṃ
1.
1.
‘‘бад̣̇умо наама наамзна, д̣̇вибад̣̇инд̣̇о нараасабхо;
‘‘Padumo nāma nāmena, dvipadindo narāsabho;
баванаа абхинигкамма, д̇хаммам̣ д̣̇зсзд̇и жагкумаа.
Pavanā abhinikkhamma, dhammaṃ deseti cakkhumā.
2.
2.
‘‘яагкаанам̣ самаяо ааси, авид̣̇уурз махзсино;
‘‘Yakkhānaṃ samayo āsi, avidūre mahesino;
язна гижжзна самбад̇д̇аа, аж̇жхаабзгким̣су д̇аавад̣̇з.
Yena kiccena sampattā, ajjhāpekkhiṃsu tāvade.
3.
3.
‘‘б̣уд̣̇д̇хасса г̇ираман̃н̃ааяа, амад̇асса жа д̣̇зсанам̣;
‘‘Buddhassa giramaññāya, amatassa ca desanaṃ;
басаннажид̇д̇о сумано, абподзд̇ваа убадтахим̣.
Pasannacitto sumano, apphoṭetvā upaṭṭhahiṃ.
4.
4.
‘‘сужин̣н̣асса палам̣ басса, убадтаанасса сад̇т̇уно;
‘‘Suciṇṇassa phalaṃ passa, upaṭṭhānassa satthuno;
д̇им̣сагаббасахассзсу, д̣̇уг̇г̇ад̇им̣ нубабаж̇ж̇ахам̣.
Tiṃsakappasahassesu, duggatiṃ nupapajjahaṃ.
5.
5.
‘‘уунад̇им̣сз габбасад̇з, самалан̇гад̇анаамаго;
‘‘Ūnatiṃse kappasate, samalaṅkatanāmako;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
6.
6.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа субаарижарияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā supāricariyo thero imā gāthāyo abhāsitthāti.
субаарижарияад̇т̇зрассаабад̣̇аанам̣ батамам̣.
Supāricariyattherassāpadānaṃ paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. субаарижарияад̇т̇зраабад̣̇аанаван̣н̣анаа • 1. Supāricariyattheraapadānavaṇṇanā
