| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[292] 2. субад̇д̇аж̇аад̇агаван̣н̣анаа
[292] 2. Supattajātakavaṇṇanā
б̣аараан̣асяам̣ , махаарааж̇аад̇и ид̣̇ам̣ сад̇т̇аа ж̇зд̇аванз вихаранд̇о б̣имб̣аад̣̇звияаа саарибуд̇д̇ад̇т̇зрзна д̣̇иннам̣ рохид̇амажчарасам̣ навасаббимиссагам̣ саалибхад̇д̇ам̣ аараб̣бха гат̇зси. вад̇т̇у хздтаа гат̇ид̇ааб̣бханд̇араж̇аад̇агз (ж̇аа. 1.3.91-93) вад̇т̇усад̣̇исамзва. д̇ад̣̇ааби хи т̇зрияаа уд̣̇араваад̇о губби, раахулабхад̣̇д̣̇о т̇зрасса аажигки. т̇зро д̇ам̣ аасанасаалааяам̣ нисийд̣̇аабзд̇ваа госаларан̃н̃о нивзсанам̣ г̇анд̇ваа рохид̇амажчарасам̣ навасаббимиссагам̣ саалибхад̇д̇ам̣ аахарид̇ваа д̇асса ад̣̇ааси. со аахарид̇ваа маад̇у т̇зрияаа ад̣̇ааси, д̇ассаа бхуд̇д̇амад̇д̇ааяа уд̣̇араваад̇о бадиббассамбхи. рааж̇аа бурисз бзсзд̇ваа бариг̇г̇ан̣хаабзд̇ваа д̇ад̇о бадтааяа т̇зрияаа д̇ат̇ааруубам̣ бхад̇д̇ам̣ ад̣̇ааси. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо д̇хаммасзнаабад̇и, т̇зрим̣ зваруубзна наама бхож̇анзна санд̇аббзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва саарибуд̇д̇о раахуламаад̇ааяа бад̇т̇ид̇ам̣ д̣̇зд̇и, буб̣б̣зби ад̣̇аасиязваа’’д̇и вад̇ваа ад̇ийд̇ам̣ аахари.
Bārāṇasyaṃ, mahārājāti idaṃ satthā jetavane viharanto bimbādeviyā sāriputtattherena dinnaṃ rohitamaccharasaṃ navasappimissakaṃ sālibhattaṃ ārabbha kathesi. Vatthu heṭṭhā kathitaabbhantarajātake (jā. 1.3.91-93) vatthusadisameva. Tadāpi hi theriyā udaravāto kuppi, rāhulabhaddo therassa ācikkhi. Thero taṃ āsanasālāyaṃ nisīdāpetvā kosalarañño nivesanaṃ gantvā rohitamaccharasaṃ navasappimissakaṃ sālibhattaṃ āharitvā tassa adāsi. So āharitvā mātu theriyā adāsi, tassā bhuttamattāya udaravāto paṭippassambhi. Rājā purise pesetvā pariggaṇhāpetvā tato paṭṭhāya theriyā tathārūpaṃ bhattaṃ adāsi. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso dhammasenāpati, theriṃ evarūpena nāma bhojanena santappesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva sāriputto rāhulamātāya patthitaṃ deti, pubbepi adāsiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаагаяонияам̣ ниб̣б̣ад̇д̇ид̇ваа ваяаббад̇д̇о асийд̇ияаа гаагасахассаанам̣ ж̇здтаго субад̇д̇о наама гаагарааж̇аа ахоси, аг̇г̇амахзсий банасса супассаа наама гаагий ахоси, сзнаабад̇и сумуко наама. со асийд̇ияаа гаагасахассзхи баривуд̇о б̣аараан̣асим̣ убаниссааяа васи. со згад̣̇ивасам̣ супассам̣ аад̣̇ааяа г̇ожарам̣ бариязсанд̇о б̣аараан̣асиран̃н̃о махаанасамад̇т̇агзна аг̇амааси. сууд̣̇о ран̃н̃о наанаамажчамам̣савигад̇ибариваарам̣ бхож̇анам̣ самбаад̣̇зд̇ваа т̇огам̣ бхааж̇анаани виварид̇ваа усумам̣ балаабзнд̇о адтааси. супассаа мажчамам̣саг̇анд̇хам̣ гхааяид̇ваа рааж̇абхож̇анам̣ бхун̃ж̇ид̇угаамаа худ̇ваа д̇ам̣ д̣̇ивасам̣ агат̇зд̇ваа д̣̇уд̇ияад̣̇ивасз ‘‘зхи, бхад̣̇д̣̇з, г̇ожарааяа г̇амиссаамаа’’д̇и вуд̇д̇аа ‘‘д̇умхз г̇ажчат̇а, маяхам̣ зго д̣̇охал̣о ад̇т̇ий’’д̇и вад̇ваа ‘‘гийд̣̇исо д̣̇охал̣о’’д̇и вуд̇д̇з ‘‘б̣аараан̣асиран̃н̃о бхож̇анам̣ бхун̃ж̇ид̇угаамаамхи, на ко бана саггаа маяаа д̇ам̣ лад̣̇д̇хум̣, д̇асмаа ж̇ийвид̇ам̣ барижжаж̇иссаами, д̣̇зваа’’д̇и ааха. б̣од̇хисад̇д̇о жинд̇аяамаано нисийд̣̇и. сумуко ааг̇анд̇ваа ‘‘гим̣, махаарааж̇а, анад̇д̇аманосий’’д̇и бужчи, рааж̇аа д̇амад̇т̇ам̣ аарожзси. сзнаабад̇и ‘‘маа жинд̇аяи, махаарааж̇аа’’д̇и д̇з убхоби ассаасзд̇ваа ‘‘аж̇ж̇а д̇умхз ид̇хзва хот̇а, маяам̣ бхад̇д̇ам̣ аахариссаамаа’’д̇и вад̇ваа баггаами.
Atīte bārāṇasiyaṃ brahmadatte rajjaṃ kārente bodhisatto kākayoniyaṃ nibbattitvā vayappatto asītiyā kākasahassānaṃ jeṭṭhako supatto nāma kākarājā ahosi, aggamahesī panassa suphassā nāma kākī ahosi, senāpati sumukho nāma. So asītiyā kākasahassehi parivuto bārāṇasiṃ upanissāya vasi. So ekadivasaṃ suphassaṃ ādāya gocaraṃ pariyesanto bārāṇasirañño mahānasamatthakena agamāsi. Sūdo rañño nānāmacchamaṃsavikatiparivāraṃ bhojanaṃ sampādetvā thokaṃ bhājanāni vivaritvā usumaṃ palāpento aṭṭhāsi. Suphassā macchamaṃsagandhaṃ ghāyitvā rājabhojanaṃ bhuñjitukāmā hutvā taṃ divasaṃ akathetvā dutiyadivase ‘‘ehi, bhadde, gocarāya gamissāmā’’ti vuttā ‘‘tumhe gacchatha, mayhaṃ eko dohaḷo atthī’’ti vatvā ‘‘kīdiso dohaḷo’’ti vutte ‘‘bārāṇasirañño bhojanaṃ bhuñjitukāmāmhi, na kho pana sakkā mayā taṃ laddhuṃ, tasmā jīvitaṃ pariccajissāmi, devā’’ti āha. Bodhisatto cintayamāno nisīdi. Sumukho āgantvā ‘‘kiṃ, mahārāja, anattamanosī’’ti pucchi, rājā tamatthaṃ ārocesi. Senāpati ‘‘mā cintayi, mahārājā’’ti te ubhopi assāsetvā ‘‘ajja tumhe idheva hotha, mayaṃ bhattaṃ āharissāmā’’ti vatvā pakkāmi.
со гаагз саннибаад̇зд̇ваа д̇ам̣ гааран̣ам̣ гат̇зд̇ваа ‘‘зт̇а бхад̇д̇ам̣ аахариссаамаа’’д̇и гаагзхи сад̣̇д̇хим̣ б̣аараан̣асим̣ бависид̇ваа махаанасасса авид̣̇уурз гаагз ваг̇г̇з ваг̇г̇з гад̇ваа д̇асмим̣ д̇асмим̣ таанз аарагкад̇т̇ааяа табзд̇ваа саяам̣ адтахи гаагаяод̇хзхи сад̣̇д̇хим̣ махаанасачад̣̇анз нисийд̣̇и ран̃н̃о бхад̇д̇ахаран̣агаалам̣ ологаяамаано. д̇з жа гаагз ааха – ‘‘ахам̣ ран̃н̃о бхад̇д̇з харияамаанз бхааж̇анаани баад̇зссаами, бхааж̇анзсу бад̇ид̇зсу маяхам̣ ж̇ийвид̇ам̣ над̇т̇и, д̇умхзсу жад̇д̇ааро ж̇анаа мукабуурам̣ бхад̇д̇ам̣, жад̇д̇ааро мажчамам̣сам̣ г̇ахзд̇ваа нзд̇ваа субад̇д̇ам̣ сабаж̇аабад̇игам̣ гаагарааж̇аанам̣ бхож̇зт̇а, ‘гахам̣ сзнаабад̇ий’д̇и вуд̇д̇з ‘бажчад̇о зхид̇ий’д̇и вад̣̇зяяаат̇аа’’д̇и. ат̇а сууд̣̇о ран̃н̃о бхож̇анавигад̇им̣ самбаад̣̇зд̇ваа гааж̇зна г̇ахзд̇ваа рааж̇агулам̣ бааяааси. д̇асса рааж̇ан̇г̇ан̣ам̣ г̇ад̇агаалз гаагасзнаабад̇и гаагаанам̣ сан̃н̃ам̣ д̣̇ад̇ваа саяам̣ уббад̇ид̇ваа бхад̇д̇ахаарагасса урз нисийд̣̇ид̇ваа накабан̃ж̇арзна бахарид̇ваа ган̣аяаг̇г̇асад̣̇исзна д̇ун̣д̣зна наасаг̇г̇амасса абхиханд̇ваа удтааяа д̣̇вийхи багкзхи мукамасса бид̣̇ахи. рааж̇аа махаад̇алз жан̇гаманд̇о махааваад̇абаанзна ологзд̇ваа д̇ам̣ гаагасса гирияам̣ д̣̇исваа бхад̇д̇ахаарагасса сад̣̇д̣̇ам̣ д̣̇ад̇ваа ‘‘бхо бхад̇д̇агаарага, бхааж̇анаани чад̣д̣зд̇ваа гаагамзва г̇ан̣хаа’’д̇и ааха. со бхааж̇анаани чад̣д̣зд̇ваа гаагам̣ д̣̇ал̣хам̣ г̇ан̣хи. рааж̇ааби нам̣ ‘‘ид̇о зхий’’д̇и ааха.
So kāke sannipātetvā taṃ kāraṇaṃ kathetvā ‘‘etha bhattaṃ āharissāmā’’ti kākehi saddhiṃ bārāṇasiṃ pavisitvā mahānasassa avidūre kāke vagge vagge katvā tasmiṃ tasmiṃ ṭhāne ārakkhatthāya ṭhapetvā sayaṃ aṭṭhahi kākayodhehi saddhiṃ mahānasachadane nisīdi rañño bhattaharaṇakālaṃ olokayamāno. Te ca kāke āha – ‘‘ahaṃ rañño bhatte hariyamāne bhājanāni pātessāmi, bhājanesu patitesu mayhaṃ jīvitaṃ natthi, tumhesu cattāro janā mukhapūraṃ bhattaṃ, cattāro macchamaṃsaṃ gahetvā netvā supattaṃ sapajāpatikaṃ kākarājānaṃ bhojetha, ‘kahaṃ senāpatī’ti vutte ‘pacchato ehitī’ti vadeyyāthā’’ti. Atha sūdo rañño bhojanavikatiṃ sampādetvā kājena gahetvā rājakulaṃ pāyāsi. Tassa rājaṅgaṇaṃ gatakāle kākasenāpati kākānaṃ saññaṃ datvā sayaṃ uppatitvā bhattahārakassa ure nisīditvā nakhapañjarena paharitvā kaṇayaggasadisena tuṇḍena nāsaggamassa abhihantvā uṭṭhāya dvīhi pakkhehi mukhamassa pidahi. Rājā mahātale caṅkamanto mahāvātapānena oloketvā taṃ kākassa kiriyaṃ disvā bhattahārakassa saddaṃ datvā ‘‘bho bhattakāraka, bhājanāni chaḍḍetvā kākameva gaṇhā’’ti āha. So bhājanāni chaḍḍetvā kākaṃ daḷhaṃ gaṇhi. Rājāpi naṃ ‘‘ito ehī’’ti āha.
д̇асмим̣ кан̣з гаагаа ааг̇анд̇ваа ад̇д̇ано бахонагам̣ бхун̃ж̇ид̇ваа сзсам̣ вуд̇д̇анияаамзнзва г̇ахзд̇ваа аг̇амим̣су. д̇ад̇о сзсаа ааг̇анд̇ваа сзсам̣ бхун̃ж̇им̣су. д̇зби адта ж̇анаа г̇анд̇ваа рааж̇аанам̣ сабаж̇аабад̇игам̣ бхож̇зсум̣, супассааяа д̣̇охал̣о вуубасами. бхад̇д̇ахаараго гаагам̣ ран̃н̃о убанзси. ат̇а нам̣ рааж̇аа бужчи – ‘‘бхо гаага, д̇вам̣ маман̃жа на лаж̇ж̇и, бхад̇д̇ахаарагасса жа наасам̣ кан̣д̣зси, бхад̇д̇абхааж̇анаани жа бхинд̣̇и, ад̇д̇ано жа ж̇ийвид̇ам̣ на рагки, гасмаа зваруубам̣ гаммамагаасий’’д̇и? гааго ‘‘махаарааж̇а, амхаагам̣ рааж̇аа б̣аараан̣асим̣ убаниссааяа васад̇и, ахамасса сзнаабад̇и, д̇асса супассаа наама бхарияаа д̣̇охал̣иний д̇умхаагам̣ бхож̇анам̣ бхун̃ж̇ид̇угаамаа, рааж̇аа д̇ассаа д̣̇охал̣ам̣ маяхам̣ аажигки. ахам̣ д̇ад̇т̇зва мама ж̇ийвид̇ам̣ барижжаж̇ид̇ваа ааг̇ад̇о, ид̣̇аани мз д̇ассаа бхож̇анам̣ бзсид̇ам̣, маяхам̣ манорат̇о мад̇т̇агам̣ бад̇д̇о, иминаа гааран̣зна маяаа зваруубам̣ гаммам̣ гад̇а’’нд̇и д̣̇ийбзнд̇о имаа г̇аат̇аа ааха.
Tasmiṃ khaṇe kākā āgantvā attano pahonakaṃ bhuñjitvā sesaṃ vuttaniyāmeneva gahetvā agamiṃsu. Tato sesā āgantvā sesaṃ bhuñjiṃsu. Tepi aṭṭha janā gantvā rājānaṃ sapajāpatikaṃ bhojesuṃ, suphassāya dohaḷo vūpasami. Bhattahārako kākaṃ rañño upanesi. Atha naṃ rājā pucchi – ‘‘bho kāka, tvaṃ mamañca na lajji, bhattahārakassa ca nāsaṃ khaṇḍesi, bhattabhājanāni ca bhindi, attano ca jīvitaṃ na rakkhi, kasmā evarūpaṃ kammamakāsī’’ti? Kāko ‘‘mahārāja, amhākaṃ rājā bārāṇasiṃ upanissāya vasati, ahamassa senāpati, tassa suphassā nāma bhariyā dohaḷinī tumhākaṃ bhojanaṃ bhuñjitukāmā, rājā tassā dohaḷaṃ mayhaṃ ācikkhi. Ahaṃ tattheva mama jīvitaṃ pariccajitvā āgato, idāni me tassā bhojanaṃ pesitaṃ, mayhaṃ manoratho matthakaṃ patto, iminā kāraṇena mayā evarūpaṃ kammaṃ kata’’nti dīpento imā gāthā āha.
124.
124.
‘‘б̣аараан̣асяам̣ махаарааж̇а, гаагарааж̇аа ниваасаго;
‘‘Bārāṇasyaṃ mahārāja, kākarājā nivāsako;
асийд̇ияаа сахассзхи, субад̇д̇о бариваарид̇о.
Asītiyā sahassehi, supatto parivārito.
125.
125.
‘‘д̇асса д̣̇охал̣иний бхарияаа, супассаа бхагкид̇умижчад̇и;
‘‘Tassa dohaḷinī bhariyā, suphassā bhakkhitumicchati;
ран̃н̃о махаанасз баггам̣, бажжаг̇гхам̣ рааж̇абхож̇анам̣.
Rañño mahānase pakkaṃ, paccagghaṃ rājabhojanaṃ.
126.
126.
‘‘д̇зсаахам̣ бахид̇о д̣̇ууд̇о, ран̃н̃о жамхи ид̇хааг̇ад̇о;
‘‘Tesāhaṃ pahito dūto, rañño camhi idhāgato;
бхад̇д̇у абажид̇им̣ гумми, наасааяамагарам̣ ван̣а’’нд̇и.
Bhattu apacitiṃ kummi, nāsāyamakaraṃ vaṇa’’nti.
д̇ад̇т̇а б̣аараан̣асяанд̇и б̣аараан̣асияам̣. ниваасагод̇и ниб̣ад̣̇д̇хавасанаго. багганд̇и наанаббагаарзна самбаад̣̇ид̇ам̣. гзжи ‘‘сид̣̇д̇ха’’нд̇и саж̇жхааяанд̇и. бажжаг̇гханд̇и аб̣бхун̣хам̣ абаариваасигам̣, мажчамам̣савигад̇ийсу ваа бажжзгам̣ махаг̇гхам̣ зд̇т̇аад̇и бажжаг̇гхам̣. д̇зсаахам̣ бахид̇о д̣̇ууд̇о, ран̃н̃о жамхи ид̇хааг̇ад̇од̇и д̇зсам̣ убхиннамби ахам̣ д̣̇ууд̇о аан̣ад̇д̇игаро ран̃н̃о жа амхи бахид̇о, д̇асмаа ид̇ха ааг̇ад̇од̇и ад̇т̇о. бхад̇д̇у абажид̇им̣ гуммийд̇и сваахам̣ звам̣ ааг̇ад̇о ад̇д̇ано бхад̇д̇у абажид̇им̣ саггаарасаммаанам̣ гароми. наасааяамагарам̣ ван̣анд̇и, махаарааж̇а, иминаа гааран̣зна д̇умхз жа ад̇д̇ано жа ж̇ийвид̇ам̣ аг̇ан̣зд̇ваа бхад̇д̇абхааж̇анам̣ баад̇аабзд̇ум̣ бхад̇д̇ахаарагасса наасааяа мукад̇ун̣д̣агзна ван̣ам̣ агаасим̣, маяаа ад̇д̇ано ран̃н̃о абажид̇и гад̇аа, ид̣̇аани д̇умхз яам̣ ижчат̇а, д̇ам̣ д̣̇ан̣д̣ам̣ гарот̇аад̇и.
Tattha bārāṇasyanti bārāṇasiyaṃ. Nivāsakoti nibaddhavasanako. Pakkanti nānappakārena sampāditaṃ. Keci ‘‘siddha’’nti sajjhāyanti. Paccagghanti abbhuṇhaṃ apārivāsikaṃ, macchamaṃsavikatīsu vā paccekaṃ mahagghaṃ etthāti paccagghaṃ. Tesāhaṃ pahito dūto, rañño camhi idhāgatoti tesaṃ ubhinnampi ahaṃ dūto āṇattikaro rañño ca amhi pahito, tasmā idha āgatoti attho. Bhattu apacitiṃ kummīti svāhaṃ evaṃ āgato attano bhattu apacitiṃ sakkārasammānaṃ karomi. Nāsāyamakaraṃ vaṇanti, mahārāja, iminā kāraṇena tumhe ca attano ca jīvitaṃ agaṇetvā bhattabhājanaṃ pātāpetuṃ bhattahārakassa nāsāya mukhatuṇḍakena vaṇaṃ akāsiṃ, mayā attano rañño apaciti katā, idāni tumhe yaṃ icchatha, taṃ daṇḍaṃ karothāti.
рааж̇аа д̇асса важанам̣ суд̇ваа ‘‘маяам̣ д̇аава мануссабхууд̇аанам̣ маханд̇ам̣ яасам̣ д̣̇ад̇ваа амхаагам̣ сухаж̇ж̇з гаад̇ум̣ на саггома, г̇аамаад̣̇ийни д̣̇ад̣̇амаанааби амхаагам̣ ж̇ийвид̇ад̣̇ааяагам̣ на лабхаама, аяам̣ гааго самаано ад̇д̇ано ран̃н̃о ж̇ийвид̇ам̣ барижжаж̇ад̇и, ад̇ивияа саббурисо мад̇хурассаро д̇хаммагат̇иго’’д̇и г̇ун̣зсу басийд̣̇ид̇ваа д̇ам̣ сзд̇ажчад̇д̇зна бууж̇зси. со ад̇д̇анаа лад̣̇д̇хзна сзд̇ажчад̇д̇зна рааж̇аанамзва бууж̇зд̇ваа б̣од̇хисад̇д̇асса г̇ун̣з гат̇зси. рааж̇аа нам̣ баггосаабзд̇ваа д̇хаммам̣ суд̇ваа убхиннамби д̇зсам̣ ад̇д̇ано бхож̇ананияаамзна бхад̇д̇ам̣ бадтабзси, сзсагаагаанам̣ д̣̇звасигам̣ згам̣ д̇ан̣д̣уламб̣ан̣ам̣ бажаабзси, саяан̃жа б̣од̇хисад̇д̇асса оваад̣̇з тад̇ваа саб̣б̣асад̇д̇аанам̣ абхаяам̣ д̣̇ад̇ваа бан̃жа сийлаани рагки. субад̇д̇агааговаад̣̇о бана сад̇д̇а вассасад̇аани бавад̇д̇и.
Rājā tassa vacanaṃ sutvā ‘‘mayaṃ tāva manussabhūtānaṃ mahantaṃ yasaṃ datvā amhākaṃ suhajje kātuṃ na sakkoma, gāmādīni dadamānāpi amhākaṃ jīvitadāyakaṃ na labhāma, ayaṃ kāko samāno attano rañño jīvitaṃ pariccajati, ativiya sappuriso madhurassaro dhammakathiko’’ti guṇesu pasīditvā taṃ setacchattena pūjesi. So attanā laddhena setacchattena rājānameva pūjetvā bodhisattassa guṇe kathesi. Rājā naṃ pakkosāpetvā dhammaṃ sutvā ubhinnampi tesaṃ attano bhojananiyāmena bhattaṃ paṭṭhapesi, sesakākānaṃ devasikaṃ ekaṃ taṇḍulambaṇaṃ pacāpesi, sayañca bodhisattassa ovāde ṭhatvā sabbasattānaṃ abhayaṃ datvā pañca sīlāni rakkhi. Supattakākovādo pana satta vassasatāni pavatti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, сумуко сзнаабад̇и саарибуд̇д̇о, супассаа раахуламаад̇аа, субад̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, sumukho senāpati sāriputto, suphassā rāhulamātā, supatto pana ahameva ahosi’’nti.
субад̇д̇аж̇аад̇агаван̣н̣анаа д̣̇уд̇ияаа.
Supattajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 292. субад̇д̇аж̇аад̇агам̣ • 292. Supattajātakaṃ
