Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[463] 9. суббаарагаж̇аад̇агаван̣н̣анаа

[463] 9. Suppārakajātakavaṇṇanā

уммуж̇ж̇анд̇и нимуж̇ж̇анд̇ийд̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабаарамим̣ аараб̣бха гат̇зси. згад̣̇ивасан̃хи сааяанхасамаяз д̇ат̇ааг̇ад̇асса д̇хаммам̣ д̣̇зсзд̇ум̣ нигкаманам̣ ааг̇амаяамаанаа бхигкуу д̇хаммасабхааяам̣ нисийд̣̇ид̇ваа ‘‘аавусо, ахо сад̇т̇аа махаабан̃н̃о бут̇убан̃н̃о хаасабан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о д̇ад̇ра д̇ад̇ра убааяабан̃н̃ааяа саманнааг̇ад̇о вибулааяа бат̇авийсамааяа, махаасамуд̣̇д̣̇о вияа г̇амбхийрааяа, аагаасо вияа вид̇т̇ин̣н̣ааяа, сагалаж̇амб̣уд̣̇ийбасмин̃хи удтид̇абан̃хо д̣̇асаб̣алам̣ ад̇иггамид̇ваа г̇анд̇ум̣ самад̇т̇о наама над̇т̇и. яат̇аа махаасамуд̣̇д̣̇з удтид̇ауумияо взлам̣ наад̇иггаманд̇и, взлам̣ бад̇ваава бхиж̇ж̇анд̇и, звам̣ на гожи бан̃хо д̣̇асаб̣алам̣ ад̇иггамад̇и, сад̇т̇у баад̣̇амуулам̣ бад̇ваа бхиж̇ж̇ад̇зваа’’д̇и д̣̇асаб̣аласса махаабан̃н̃аабаарамим̣ ван̣н̣зсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̇ат̇ааг̇ад̇о ид̣̇аанзва бан̃н̃аваа, буб̣б̣зби абарибаггз н̃аан̣з бан̃н̃аваава, анд̇хо худ̇вааби махаасамуд̣̇д̣̇з уд̣̇агасан̃н̃ааяа ‘имасмим̣ имасмим̣ самуд̣̇д̣̇з ид̣̇ам̣ наама ид̣̇ам̣ наама рад̇ана’нд̇и ан̃н̃аасий’’д̇и вад̇ваа ад̇ийд̇ам̣ аахари.

Ummujjanti nimujjantīti idaṃ satthā jetavane viharanto paññāpāramiṃ ārabbha kathesi. Ekadivasañhi sāyanhasamaye tathāgatassa dhammaṃ desetuṃ nikkhamanaṃ āgamayamānā bhikkhū dhammasabhāyaṃ nisīditvā ‘‘āvuso, aho satthā mahāpañño puthupañño hāsapañño javanapañño tikkhapañño nibbedhikapañño tatra tatra upāyapaññāya samannāgato vipulāya pathavīsamāya, mahāsamuddo viya gambhīrāya, ākāso viya vitthiṇṇāya, sakalajambudīpasmiñhi uṭṭhitapañho dasabalaṃ atikkamitvā gantuṃ samattho nāma natthi. Yathā mahāsamudde uṭṭhitaūmiyo velaṃ nātikkamanti, velaṃ patvāva bhijjanti, evaṃ na koci pañho dasabalaṃ atikkamati, satthu pādamūlaṃ patvā bhijjatevā’’ti dasabalassa mahāpaññāpāramiṃ vaṇṇesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, tathāgato idāneva paññavā, pubbepi aparipakke ñāṇe paññavāva, andho hutvāpi mahāsamudde udakasaññāya ‘imasmiṃ imasmiṃ samudde idaṃ nāma idaṃ nāma ratana’nti aññāsī’’ti vatvā atītaṃ āhari.

ад̇ийд̇з гурурадтз гурурааж̇аа наама раж̇ж̇ам̣ гаарзси, гуругажчам̣ наама бадданаг̇аамо ахоси. д̇ад̣̇аа б̣од̇хисад̇д̇о гуругажчз нияаамагаж̇здтагасса буд̇д̇о худ̇ваа ниб̣б̣ад̇д̇и баасаад̣̇иго суван̣н̣аван̣н̣о, ‘‘суббаарагагумааро’’д̇исса наамам̣ гарим̣су. со маханд̇зна бариваарзна вад̣дханд̇о сол̣асавассагаалзязва нияаамагасиббз нибпад̇д̇им̣ бад̇ваа абарабхааг̇з бид̇у ажжаязна нияаамагаж̇здтаго худ̇ваа нияаамагагаммам̣ агааси, бан̣д̣ид̇о н̃аан̣асамбанно ахоси. д̇зна аарул̣ханаавааяа б̣яаабад̇д̇и наама над̇т̇и. д̇асса абарабхааг̇з лон̣аж̇алабахадаани д̣̇взби жагкууни нассим̣су. со д̇ад̇о бадтааяа нияаамагаж̇здтаго худ̇вааби нияаамагагаммам̣ агад̇ваа ‘‘рааж̇аанам̣ ниссааяа ж̇ийвиссаамий’’д̇и рааж̇аанам̣ убасан̇гами. ат̇а нам̣ рааж̇аа аг̇гхаабанияагаммз табзси. со д̇ад̇о бадтааяа ран̃н̃о хад̇т̇ирад̇анаассарад̇анамуд̇д̇асаараман̣исаараад̣̇ийни аг̇гхаабзси.

Atīte kururaṭṭhe kururājā nāma rajjaṃ kāresi, kurukacchaṃ nāma paṭṭanagāmo ahosi. Tadā bodhisatto kurukacche niyāmakajeṭṭhakassa putto hutvā nibbatti pāsādiko suvaṇṇavaṇṇo, ‘‘suppārakakumāro’’tissa nāmaṃ kariṃsu. So mahantena parivārena vaḍḍhanto soḷasavassakāleyeva niyāmakasippe nipphattiṃ patvā aparabhāge pitu accayena niyāmakajeṭṭhako hutvā niyāmakakammaṃ akāsi, paṇḍito ñāṇasampanno ahosi. Tena āruḷhanāvāya byāpatti nāma natthi. Tassa aparabhāge loṇajalapahaṭāni dvepi cakkhūni nassiṃsu. So tato paṭṭhāya niyāmakajeṭṭhako hutvāpi niyāmakakammaṃ akatvā ‘‘rājānaṃ nissāya jīvissāmī’’ti rājānaṃ upasaṅkami. Atha naṃ rājā agghāpaniyakamme ṭhapesi. So tato paṭṭhāya rañño hatthiratanaassaratanamuttasāramaṇisārādīni agghāpesi.

ат̇згад̣̇ивасам̣ ‘‘ран̃н̃о ман̇г̇алахад̇т̇ий бхависсад̇ий’’д̇и гаал̣абаасаан̣агуудаван̣н̣ам̣ згам̣ вааран̣ам̣ аанзсум̣. д̇ам̣ д̣̇исваа рааж̇аа ‘‘бан̣д̣ид̇асса д̣̇ассзт̇аа’’д̇и ааха. ат̇а нам̣ д̇асса санд̇игам̣ наяим̣су. со хад̇т̇зна д̇асса сарийрам̣ баримаж̇ж̇ид̇ваа ‘‘нааяам̣ ман̇г̇алахад̇т̇ий бхавид̇ум̣ анужчавиго, баад̣̇зхи вааманад̇хаад̇уго зса, зд̇ан̃хи маад̇аа виж̇ааяамаанаа ан̇гзна самбадижчид̇ум̣ наасагки, д̇асмаа бхуумияам̣ бад̇ид̇ваа бажчимабаад̣̇зхи вааманад̇хаад̇уго ход̇ий’’д̇и ааха. хад̇т̇им̣ г̇ахзд̇ваа ааг̇ад̇з бужчим̣су. д̇з ‘‘сажжам̣ бан̣д̣ид̇о гат̇зд̇ий’’д̇и вад̣̇им̣су. д̇ам̣ гааран̣ам̣ рааж̇аа суд̇ваа д̇удто д̇асса адта гахаабан̣з д̣̇аабзси.

Athekadivasaṃ ‘‘rañño maṅgalahatthī bhavissatī’’ti kāḷapāsāṇakūṭavaṇṇaṃ ekaṃ vāraṇaṃ ānesuṃ. Taṃ disvā rājā ‘‘paṇḍitassa dassethā’’ti āha. Atha naṃ tassa santikaṃ nayiṃsu. So hatthena tassa sarīraṃ parimajjitvā ‘‘nāyaṃ maṅgalahatthī bhavituṃ anucchaviko, pādehi vāmanadhātuko esa, etañhi mātā vijāyamānā aṅkena sampaṭicchituṃ nāsakkhi, tasmā bhūmiyaṃ patitvā pacchimapādehi vāmanadhātuko hotī’’ti āha. Hatthiṃ gahetvā āgate pucchiṃsu. Te ‘‘saccaṃ paṇḍito kathetī’’ti vadiṃsu. Taṃ kāraṇaṃ rājā sutvā tuṭṭho tassa aṭṭha kahāpaṇe dāpesi.

бунзгад̣̇ивасам̣ ‘‘ран̃н̃о ман̇г̇алаассо бхависсад̇ий’’д̇и згам̣ ассам̣ аанаяим̣су. д̇амби рааж̇аа бан̣д̣ид̇асса санд̇игам̣ бзсзси. со д̇амби хад̇т̇зна бараамасид̇ваа ‘‘аяам̣ ман̇г̇алаассо бхавид̇ум̣ на яуд̇д̇о, зд̇асса хи ж̇аад̇ад̣̇ивасзязва маад̇аа мари, д̇асмаа маад̇у кийрам̣ алабханд̇о на саммаа вад̣дхид̇о’’д̇и ааха. саабисса гат̇аа сажжаава ахоси. д̇амби суд̇ваа рааж̇аа д̇уссид̇ваа адта гахаабан̣з д̣̇аабзси. ат̇згад̣̇ивасам̣ ‘‘ран̃н̃о ман̇г̇аларат̇о бхависсад̇ий’’д̇и рат̇ам̣ аахарим̣су. д̇амби рааж̇аа д̇асса санд̇игам̣ бзсзси. со д̇амби хад̇т̇зна бараамасид̇ваа ‘‘аяам̣ рат̇о сусираругкзна гад̇о, д̇асмаа ран̃н̃о наанужчавиго’’д̇и ааха. саабисса гат̇аа сажжаава ахоси. рааж̇аа д̇амби суд̇ваа адтзва гахаабан̣з д̣̇аабзси. ат̇асса махаг̇гхам̣ гамб̣аларад̇анам̣ аахарим̣су. д̇амби д̇ассзва бзсзси. со д̇амби хад̇т̇зна бараамасид̇ваа ‘‘имасса муусигажчиннам̣ згадтаанам̣ ад̇т̇ий’’д̇и ааха. сод̇хзнд̇аа д̇ам̣ д̣̇исваа ран̃н̃о аарожзсум̣. рааж̇аа суд̇ваа д̇уссид̇ваа адтзва гахаабан̣з д̣̇аабзси.

Punekadivasaṃ ‘‘rañño maṅgalaasso bhavissatī’’ti ekaṃ assaṃ ānayiṃsu. Tampi rājā paṇḍitassa santikaṃ pesesi. So tampi hatthena parāmasitvā ‘‘ayaṃ maṅgalaasso bhavituṃ na yutto, etassa hi jātadivaseyeva mātā mari, tasmā mātu khīraṃ alabhanto na sammā vaḍḍhito’’ti āha. Sāpissa kathā saccāva ahosi. Tampi sutvā rājā tussitvā aṭṭha kahāpaṇe dāpesi. Athekadivasaṃ ‘‘rañño maṅgalaratho bhavissatī’’ti rathaṃ āhariṃsu. Tampi rājā tassa santikaṃ pesesi. So tampi hatthena parāmasitvā ‘‘ayaṃ ratho susirarukkhena kato, tasmā rañño nānucchaviko’’ti āha. Sāpissa kathā saccāva ahosi. Rājā tampi sutvā aṭṭheva kahāpaṇe dāpesi. Athassa mahagghaṃ kambalaratanaṃ āhariṃsu. Tampi tasseva pesesi. So tampi hatthena parāmasitvā ‘‘imassa mūsikacchinnaṃ ekaṭṭhānaṃ atthī’’ti āha. Sodhentā taṃ disvā rañño ārocesuṃ. Rājā sutvā tussitvā aṭṭheva kahāpaṇe dāpesi.

со жинд̇зси ‘‘аяам̣ рааж̇аа зваруубааниби ажчарияаани д̣̇исваа адтзва гахаабан̣з д̣̇аабзси, имасса д̣̇ааяо нхаабид̇ад̣̇ааяо, нхаабид̇аж̇аад̇иго бхависсад̇и, гим̣ мз зваруубзна рааж̇убадтаанзна, ад̇д̇ано васанадтаанамзва г̇амиссаамий’’д̇и. со гуругажчабадданамзва бажжааг̇ами. д̇асмим̣ д̇ад̇т̇а васанд̇з ваан̣иж̇аа наавам̣ саж̇ж̇зд̇ваа ‘‘гам̣ нияаамагам̣ гариссаамаа’’д̇и манд̇зсум̣. ‘‘суббаарагабан̣д̣ид̇зна аарул̣ханааваа на б̣яаабаж̇ж̇ад̇и, зса бан̣д̣ид̇о убааяагусало, анд̇хо самааноби суббаарагабан̣д̣ид̇ова уд̇д̇амо’’д̇и д̇ам̣ убасан̇гамид̇ваа ‘‘нияаамаго но хохий’’д̇и вад̇ваа ‘‘д̇аад̇аа, ахам̣ анд̇хо, гат̇ам̣ нияаамагагаммам̣ гариссаамий’’д̇и вуд̇д̇з ‘‘саами, анд̇хааби д̇умхзязва амхаагам̣ уд̇д̇амаа’’д̇и бунаббунам̣ яаажияамаано ‘‘саад̇ху д̇аад̇аа, д̇умхзхи аарожид̇асан̃н̃ааяа нияаамаго бхависсаамий’’д̇и д̇зсам̣ наавам̣ абхирухи. д̇з наавааяа махаасамуд̣̇д̣̇ам̣ багканд̣̇им̣су. нааваа сад̇д̇а д̣̇ивасаани нирубад̣̇д̣̇аваа аг̇амааси, д̇ад̇о агаалаваад̇ам̣ уббаад̇ид̇ам̣ уббаж̇ж̇и, нааваа жад̇д̇ааро маасз багад̇исамуд̣̇д̣̇абидтз вижарид̇ваа курамаалийсамуд̣̇д̣̇ам̣ наама бад̇д̇аа. д̇ад̇т̇а мажчаа мануссасамаанасарийраа куранаасаа уд̣̇агз уммуж̇ж̇анимуж̇ж̇ам̣ гаронд̇и. ваан̣иж̇аа д̇з д̣̇исваа махаасад̇д̇ам̣ д̇асса самуд̣̇д̣̇асса наамам̣ бужчанд̇аа батамам̣ г̇аат̇амаахам̣су –

So cintesi ‘‘ayaṃ rājā evarūpānipi acchariyāni disvā aṭṭheva kahāpaṇe dāpesi, imassa dāyo nhāpitadāyo, nhāpitajātiko bhavissati, kiṃ me evarūpena rājupaṭṭhānena, attano vasanaṭṭhānameva gamissāmī’’ti. So kurukacchapaṭṭanameva paccāgami. Tasmiṃ tattha vasante vāṇijā nāvaṃ sajjetvā ‘‘kaṃ niyāmakaṃ karissāmā’’ti mantesuṃ. ‘‘Suppārakapaṇḍitena āruḷhanāvā na byāpajjati, esa paṇḍito upāyakusalo, andho samānopi suppārakapaṇḍitova uttamo’’ti taṃ upasaṅkamitvā ‘‘niyāmako no hohī’’ti vatvā ‘‘tātā, ahaṃ andho, kathaṃ niyāmakakammaṃ karissāmī’’ti vutte ‘‘sāmi, andhāpi tumheyeva amhākaṃ uttamā’’ti punappunaṃ yāciyamāno ‘‘sādhu tātā, tumhehi ārocitasaññāya niyāmako bhavissāmī’’ti tesaṃ nāvaṃ abhiruhi. Te nāvāya mahāsamuddaṃ pakkhandiṃsu. Nāvā satta divasāni nirupaddavā agamāsi, tato akālavātaṃ uppātitaṃ uppajji, nāvā cattāro māse pakatisamuddapiṭṭhe vicaritvā khuramālīsamuddaṃ nāma pattā. Tattha macchā manussasamānasarīrā khuranāsā udake ummujjanimujjaṃ karonti. Vāṇijā te disvā mahāsattaṃ tassa samuddassa nāmaṃ pucchantā paṭhamaṃ gāthamāhaṃsu –

108.

‘‘уммуж̇ж̇анд̇и нимуж̇ж̇анд̇и, мануссаа куранаасигаа;

‘‘Ummujjanti nimujjanti, manussā khuranāsikā;

суббаарагам̣ д̇ам̣ бужчаама, самуд̣̇д̣̇о гад̇амо аяа’’нд̇и.

Suppārakaṃ taṃ pucchāma, samuddo katamo aya’’nti.

звам̣ д̇зхи будто махаасад̇д̇о ад̇д̇ано нияаамагасуд̇д̇зна сам̣санд̣̇ид̇ваа д̣̇уд̇ияам̣ г̇аат̇амааха –

Evaṃ tehi puṭṭho mahāsatto attano niyāmakasuttena saṃsanditvā dutiyaṃ gāthamāha –

109.

‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;

‘‘Kurukacchā payātānaṃ, vāṇijānaṃ dhanesinaṃ;

наавааяа виббанадтааяа, курамаалийд̇и вужжад̇ий’’д̇и.

Nāvāya vippanaṭṭhāya, khuramālīti vuccatī’’ti.

д̇ад̇т̇а баяаад̇аананд̇и гуругажчабадданаа нигкамид̇ваа г̇ажчанд̇аанам̣. д̇ханзсинанд̇и д̇умхаагам̣ ваан̣иж̇аанам̣ д̇ханам̣ бариязсанд̇аанам̣. наавааяа виббанадтааяаад̇и д̇аад̇а д̇умхаагам̣ имааяа вид̣̇зсам̣ багканд̣̇анаавааяа гаммагаарагам̣ багад̇исамуд̣̇д̣̇ам̣ ад̇иггамид̇ваа самбад̇д̇о аяам̣ самуд̣̇д̣̇о ‘‘курамаалий’’д̇и вужжад̇и, звамзд̇ам̣ бан̣д̣ид̇аа гат̇знд̇ийд̇и.

Tattha payātānanti kurukacchapaṭṭanā nikkhamitvā gacchantānaṃ. Dhanesinanti tumhākaṃ vāṇijānaṃ dhanaṃ pariyesantānaṃ. Nāvāya vippanaṭṭhāyāti tāta tumhākaṃ imāya videsaṃ pakkhandanāvāya kammakārakaṃ pakatisamuddaṃ atikkamitvā sampatto ayaṃ samuddo ‘‘khuramālī’’ti vuccati, evametaṃ paṇḍitā kathentīti.

д̇асмим̣ бана самуд̣̇д̣̇з важ̇ирам̣ уссаннам̣ ход̇и. махаасад̇д̇о ‘‘сажаахам̣ ‘аяам̣ важ̇ирасамуд̣̇д̣̇о’д̇и звам̣ зд̇зсам̣ гат̇зссаами, лобхзна б̣ахум̣ важ̇ирам̣ г̇ан̣хид̇ваа наавам̣ осийд̣̇аабзссанд̇ий’’д̇и д̇зсам̣ анаажигкид̇ваава наавам̣ лаг̇г̇аабзд̇ваа убааязнзгам̣ яод̇д̇ам̣ г̇ахзд̇ваа мажчаг̇ахан̣анияаамзна ж̇аалам̣ кибаабзд̇ваа важ̇ирасаарам̣ уд̣̇д̇харид̇ваа наавааяам̣ багкибид̇ваа ан̃н̃ам̣ аббаг̇гхабхан̣д̣ам̣ чад̣д̣аабзси. нааваа д̇ам̣ самуд̣̇д̣̇ам̣ ад̇иггамид̇ваа бурад̇о аг̇г̇имаалим̣ наама г̇ад̇аа. со баж̇ж̇алид̇ааг̇г̇игканд̇хо вияа маж̇жханхигасуурияо вияа жа обхаасам̣ мун̃жанд̇о адтааси. ваан̣иж̇аа –

Tasmiṃ pana samudde vajiraṃ ussannaṃ hoti. Mahāsatto ‘‘sacāhaṃ ‘ayaṃ vajirasamuddo’ti evaṃ etesaṃ kathessāmi, lobhena bahuṃ vajiraṃ gaṇhitvā nāvaṃ osīdāpessantī’’ti tesaṃ anācikkhitvāva nāvaṃ laggāpetvā upāyenekaṃ yottaṃ gahetvā macchagahaṇaniyāmena jālaṃ khipāpetvā vajirasāraṃ uddharitvā nāvāyaṃ pakkhipitvā aññaṃ appagghabhaṇḍaṃ chaḍḍāpesi. Nāvā taṃ samuddaṃ atikkamitvā purato aggimāliṃ nāma gatā. So pajjalitaaggikkhandho viya majjhanhikasūriyo viya ca obhāsaṃ muñcanto aṭṭhāsi. Vāṇijā –

110.

‘‘яат̇аа аг̇г̇ийва суурияова, самуд̣̇д̣̇о бадид̣̇иссад̇и;

‘‘Yathā aggīva sūriyova, samuddo paṭidissati;

суббаарагам̣ д̇ам̣ бужчаама, самуд̣̇д̣̇о гад̇амо аяа’’нд̇и. – г̇аат̇ааяа д̇ам̣ бужчим̣су;

Suppārakaṃ taṃ pucchāma, samuddo katamo aya’’nti. – gāthāya taṃ pucchiṃsu;

махаасад̇д̇оби д̇зсам̣ ананд̇араг̇аат̇ааяа гат̇зси –

Mahāsattopi tesaṃ anantaragāthāya kathesi –

111.

‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;

‘‘Kurukacchā payātānaṃ, vāṇijānaṃ dhanesinaṃ;

наавааяа виббанадтааяа, аг̇г̇имаалийд̇и вужжад̇ий’’д̇и.

Nāvāya vippanaṭṭhāya, aggimālīti vuccatī’’ti.

д̇асмим̣ бана самуд̣̇д̣̇з суван̣н̣ам̣ уссаннам̣ ахоси. махаасад̇д̇о буриманаязнзва д̇ад̇оби суван̣н̣ам̣ г̇аахаабзд̇ваа наавааяам̣ багкибаабзси. нааваа д̇амби самуд̣̇д̣̇ам̣ ад̇иггамид̇ваа кийрам̣ вияа д̣̇ад̇хим̣ вияа жа обхаасанд̇ам̣ д̣̇ад̇химаалим̣ наама самуд̣̇д̣̇ам̣ баабун̣и. ваан̣иж̇аа –

Tasmiṃ pana samudde suvaṇṇaṃ ussannaṃ ahosi. Mahāsatto purimanayeneva tatopi suvaṇṇaṃ gāhāpetvā nāvāyaṃ pakkhipāpesi. Nāvā tampi samuddaṃ atikkamitvā khīraṃ viya dadhiṃ viya ca obhāsantaṃ dadhimāliṃ nāma samuddaṃ pāpuṇi. Vāṇijā –

112.

‘‘яат̇аа д̣̇ад̇хийва кийрам̣ва, самуд̣̇д̣̇о бадид̣̇иссад̇и;

‘‘Yathā dadhīva khīraṃva, samuddo paṭidissati;

суббаарагам̣ д̇ам̣ бужчаама, самуд̣̇д̣̇о гад̇амо аяа’’нд̇и. –

Suppārakaṃ taṃ pucchāma, samuddo katamo aya’’nti. –

г̇аат̇ааяа д̇ассаби наамам̣ бужчим̣су.

Gāthāya tassapi nāmaṃ pucchiṃsu.

махаасад̇д̇о ананд̇араг̇аат̇ааяа аажигки –

Mahāsatto anantaragāthāya ācikkhi –

113.

‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;

‘‘Kurukacchā payātānaṃ, vāṇijānaṃ dhanesinaṃ;

наавааяа виббанадтааяа, д̣̇ад̇химаалийд̇и вужжад̇ий’’д̇и.

Nāvāya vippanaṭṭhāya, dadhimālīti vuccatī’’ti.

д̇асмим̣ бана самуд̣̇д̣̇з раж̇ад̇ам̣ уссаннам̣ ахоси. со д̇амби убааязна г̇аахаабзд̇ваа наавааяам̣ багкибаабзси . нааваа д̇амби самуд̣̇д̣̇ам̣ ад̇иггамид̇ваа нийлагусад̇ин̣ам̣ вияа самбаннасассам̣ вияа жа обхаасамаанам̣ нийлаван̣н̣ам̣ гусамаалим̣ наама самуд̣̇д̣̇ам̣ баабун̣и. ваан̣иж̇аа –

Tasmiṃ pana samudde rajataṃ ussannaṃ ahosi. So tampi upāyena gāhāpetvā nāvāyaṃ pakkhipāpesi . Nāvā tampi samuddaṃ atikkamitvā nīlakusatiṇaṃ viya sampannasassaṃ viya ca obhāsamānaṃ nīlavaṇṇaṃ kusamāliṃ nāma samuddaṃ pāpuṇi. Vāṇijā –

114.

‘‘яат̇аа гусова сассова, самуд̣̇д̣̇о бадид̣̇иссад̇и;

‘‘Yathā kusova sassova, samuddo paṭidissati;

суббаарагам̣ д̇ам̣ бужчаама, самуд̣̇д̣̇о гад̇амо аяа’’нд̇и. –

Suppārakaṃ taṃ pucchāma, samuddo katamo aya’’nti. –

г̇аат̇ааяа д̇ассаби наамам̣ бужчим̣су.

Gāthāya tassapi nāmaṃ pucchiṃsu.

со ананд̇араг̇аат̇ааяа аажигки –

So anantaragāthāya ācikkhi –

115.

‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;

‘‘Kurukacchā payātānaṃ, vāṇijānaṃ dhanesinaṃ;

наавааяа виббанадтааяа, гусамаалийд̇и вужжад̇ий’’д̇и.

Nāvāya vippanaṭṭhāya, kusamālīti vuccatī’’ti.

д̇асмим̣ бана самуд̣̇д̣̇з нийламан̣ирад̇анам̣ уссаннам̣ ахоси. со д̇амби убааязнзва г̇аахаабзд̇ваа наавааяам̣ багкибаабзси. нааваа д̇амби самуд̣̇д̣̇ам̣ ад̇иггамид̇ваа нал̣аванам̣ вияа взл̣уванам̣ вияа жа кааяамаанам̣ нал̣амаалим̣ наама самуд̣̇д̣̇ам̣ баабун̣и. ваан̣иж̇аа –

Tasmiṃ pana samudde nīlamaṇiratanaṃ ussannaṃ ahosi. So tampi upāyeneva gāhāpetvā nāvāyaṃ pakkhipāpesi. Nāvā tampi samuddaṃ atikkamitvā naḷavanaṃ viya veḷuvanaṃ viya ca khāyamānaṃ naḷamāliṃ nāma samuddaṃ pāpuṇi. Vāṇijā –

116.

‘‘яат̇аа нал̣ова взл̣уува, самуд̣̇д̣̇о бадид̣̇иссад̇и;

‘‘Yathā naḷova veḷūva, samuddo paṭidissati;

суббаарагам̣ д̇ам̣ бужчаама, самуд̣̇д̣̇о гад̇амо аяа’’нд̇и. –

Suppārakaṃ taṃ pucchāma, samuddo katamo aya’’nti. –

г̇аат̇ааяа д̇ассаби наамам̣ бужчим̣су.

Gāthāya tassapi nāmaṃ pucchiṃsu.

махаасад̇д̇о ананд̇араг̇аат̇ааяа гат̇зси –

Mahāsatto anantaragāthāya kathesi –

117.

‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;

‘‘Kurukacchā payātānaṃ, vāṇijānaṃ dhanesinaṃ;

наавааяа виббанадтааяа, нал̣амаалийд̇и вужжад̇ий’’д̇и.

Nāvāya vippanaṭṭhāya, naḷamālīti vuccatī’’ti.

д̇асмим̣ бана самуд̣̇д̣̇з масаараг̇аллам̣ взл̣урияам̣ уссаннам̣ ахоси. со д̇амби убааязна г̇аахаабзд̇ваа наавааяам̣ багкибаабзси. абаро наяо – нал̣од̇и вижчиганал̣оби гаггадаганал̣оби, со рад̇д̇аван̣н̣о ход̇и. взл̣ууд̇и бана баваал̣ассзд̇ам̣ наамам̣, со жа самуд̣̇д̣̇о баваал̣уссанно рад̇д̇обхаасо ахоси, д̇асмаа ‘‘яат̇аа нал̣ова взл̣уваа’’д̇и бужчим̣су. махаасад̇д̇о д̇ад̇о баваал̣ам̣ г̇аахаабзсийд̇и.

Tasmiṃ pana samudde masāragallaṃ veḷuriyaṃ ussannaṃ ahosi. So tampi upāyena gāhāpetvā nāvāyaṃ pakkhipāpesi. Aparo nayo – naḷoti vicchikanaḷopi kakkaṭakanaḷopi, so rattavaṇṇo hoti. Veḷūti pana pavāḷassetaṃ nāmaṃ, so ca samuddo pavāḷussanno rattobhāso ahosi, tasmā ‘‘yathā naḷova veḷuvā’’ti pucchiṃsu. Mahāsatto tato pavāḷaṃ gāhāpesīti.

ваан̣иж̇аа нал̣амаалим̣ ад̇игганд̇аа б̣алаваамукасамуд̣̇д̣̇ам̣ наама бассим̣су. д̇ад̇т̇а уд̣̇агам̣ гад̣дхид̇ваа гад̣дхид̇ваа саб̣б̣ад̇о бхааг̇зна уг̇г̇ажчад̇и. д̇асмим̣ саб̣б̣ад̇о бхааг̇зна уг̇г̇ад̇з уд̣̇агам̣ саб̣б̣ад̇о бхааг̇зна чиннабабаад̇амахаасоб̣бхо вияа бан̃н̃ааяад̇и, уумияаа уг̇г̇ад̇ааяа згад̇о бабаад̇асад̣̇исам̣ ход̇и, бхаяаж̇анано сад̣̇д̣̇о уббаж̇ж̇ад̇и сод̇аани бхинд̣̇анд̇о вияа хад̣̇аяам̣ паалзнд̇о вияа жа. д̇ам̣ д̣̇исваа ваан̣иж̇аа бхийд̇ад̇асид̇аа –

Vāṇijā naḷamāliṃ atikkantā balavāmukhasamuddaṃ nāma passiṃsu. Tattha udakaṃ kaḍḍhitvā kaḍḍhitvā sabbato bhāgena uggacchati. Tasmiṃ sabbato bhāgena uggate udakaṃ sabbato bhāgena chinnapapātamahāsobbho viya paññāyati, ūmiyā uggatāya ekato papātasadisaṃ hoti, bhayajanano saddo uppajjati sotāni bhindanto viya hadayaṃ phālento viya ca. Taṃ disvā vāṇijā bhītatasitā –

118.

‘‘махаб̣бхаяо бхим̣санаго, сад̣̇д̣̇о суяяад̇имаанусо;

‘‘Mahabbhayo bhiṃsanako, saddo suyyatimānuso;

яат̇аа соб̣бхо бабаад̇ова, самуд̣̇д̣̇о бадид̣̇иссад̇и;

Yathā sobbho papātova, samuddo paṭidissati;

суббаарагам̣ д̇ам̣ бужчаама, самуд̣̇д̣̇о гад̇амо аяа’’нд̇и. –

Suppārakaṃ taṃ pucchāma, samuddo katamo aya’’nti. –

г̇аат̇ааяа д̇ассаби наамам̣ бужчим̣су.

Gāthāya tassapi nāmaṃ pucchiṃsu.

д̇ад̇т̇а суяяад̇имаанусод̇и суяяад̇и амаанусо сад̣̇д̣̇о.

Tattha suyyatimānusoti suyyati amānuso saddo.

119.

‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;

‘‘Kurukacchā payātānaṃ, vāṇijānaṃ dhanesinaṃ;

наавааяа виббанадтааяа, б̣алаваамукийд̇и вужжад̇ий’’д̇и. –

Nāvāya vippanaṭṭhāya, balavāmukhīti vuccatī’’ti. –

б̣од̇хисад̇д̇о ананд̇араг̇аат̇ааяа д̇асса наамам̣ аажигкид̇ваа ‘‘д̇аад̇аа, имам̣ б̣алаваамукасамуд̣̇д̣̇ам̣ бад̇ваа нивад̇д̇ид̇ум̣ самад̇т̇аа нааваа наама над̇т̇и, аяам̣ самбад̇д̇анаавам̣ нимуж̇ж̇аабзд̇ваа винаасам̣ баабзд̇ий’’д̇и ааха. д̇ан̃жа наавам̣ сад̇д̇а мануссасад̇аани абхирухим̣су. д̇з саб̣б̣з маран̣абхаяабхийд̇аа згаббахаарзнзва авийжимхи бажжамаанасад̇д̇аа вияа ад̇игаарун̃н̃ам̣ равам̣ мун̃жим̣су. махаасад̇д̇о ‘‘табзд̇ваа мам̣ ан̃н̃о зд̇зсам̣ сод̇т̇ибхаавам̣ гаад̇ум̣ самад̇т̇о наама над̇т̇и, сажжагирияааяа д̇зсам̣ сод̇т̇им̣ гариссаамий’’д̇и жинд̇зд̇ваа д̇з ааманд̇зд̇ваа ааха – ‘‘д̇аад̇аа, киббам̣ мам̣ г̇анд̇ход̣̇агзна нхаабзд̇ваа ахад̇авад̇т̇аани ниваасаабзд̇ваа бун̣н̣абаад̇им̣ саж̇ж̇зд̇ваа наавааяа д̇хурз табзт̇аа’’д̇и. д̇з взг̇зна д̇ат̇аа гарим̣су. махаасад̇д̇о убхохи хад̇т̇зхи бун̣н̣абаад̇им̣ г̇ахзд̇ваа наавааяа д̇хурз тид̇о сажжагирияам̣ гаронд̇о осаанаг̇аат̇амааха –

Bodhisatto anantaragāthāya tassa nāmaṃ ācikkhitvā ‘‘tātā, imaṃ balavāmukhasamuddaṃ patvā nivattituṃ samatthā nāvā nāma natthi, ayaṃ sampattanāvaṃ nimujjāpetvā vināsaṃ pāpetī’’ti āha. Tañca nāvaṃ satta manussasatāni abhiruhiṃsu. Te sabbe maraṇabhayabhītā ekappahāreneva avīcimhi paccamānasattā viya atikāruññaṃ ravaṃ muñciṃsu. Mahāsatto ‘‘ṭhapetvā maṃ añño etesaṃ sotthibhāvaṃ kātuṃ samattho nāma natthi, saccakiriyāya tesaṃ sotthiṃ karissāmī’’ti cintetvā te āmantetvā āha – ‘‘tātā, khippaṃ maṃ gandhodakena nhāpetvā ahatavatthāni nivāsāpetvā puṇṇapātiṃ sajjetvā nāvāya dhure ṭhapethā’’ti. Te vegena tathā kariṃsu. Mahāsatto ubhohi hatthehi puṇṇapātiṃ gahetvā nāvāya dhure ṭhito saccakiriyaṃ karonto osānagāthamāha –

120.

‘‘яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣;

‘‘Yato sarāmi attānaṃ, yato pattosmi viññutaṃ;

наабхиж̇аанаами сан̃жижжа, згабаан̣амби хим̣сид̇ам̣;

Nābhijānāmi sañcicca, ekapāṇampi hiṃsitaṃ;

зд̇зна сажжаваж̇ж̇зна, сод̇т̇им̣ нааваа нивад̇д̇ад̇уу’’д̇и.

Etena saccavajjena, sotthiṃ nāvā nivattatū’’ti.

д̇ад̇т̇а яад̇од̇и яад̇о бадтааяа ахам̣ ад̇д̇аанам̣ сараами, яад̇о бадтааяа жамхи вин̃н̃уд̇ам̣ бад̇д̇од̇и ад̇т̇о. згабаан̣амби хим̣сид̇анд̇и зд̇т̇анд̇арз сан̃жижжа згам̣ гунт̇агибиллигабаан̣амби хим̣сид̇ам̣ наабхиж̇аанаами. д̣̇зсанаамад̇д̇амзвзд̇ам̣, б̣од̇хисад̇д̇о бана д̇ин̣асалаагамби убаад̣̇ааяа маяаа барасанд̇агам̣ на г̇ахид̇абуб̣б̣ам̣, лобхавасзна барад̣̇аарам̣ на ологид̇абуб̣б̣ам̣, мусаа на бхаасид̇абуб̣б̣аа, д̇ин̣аг̇г̇знааби маж̇ж̇ам̣ на бивид̇абуб̣б̣анд̇и звам̣ бан̃жасийлавасзна бана сажжагирияам̣ агааси, гад̇ваа жа бана бун̣н̣абаад̇ияаа уд̣̇агам̣ наавааяа д̇хурз абхисин̃жи.

Tattha yatoti yato paṭṭhāya ahaṃ attānaṃ sarāmi, yato paṭṭhāya camhi viññutaṃ pattoti attho. Ekapāṇampi hiṃsitanti etthantare sañcicca ekaṃ kunthakipillikapāṇampi hiṃsitaṃ nābhijānāmi. Desanāmattamevetaṃ, bodhisatto pana tiṇasalākampi upādāya mayā parasantakaṃ na gahitapubbaṃ, lobhavasena paradāraṃ na olokitapubbaṃ, musā na bhāsitapubbā, tiṇaggenāpi majjaṃ na pivitapubbanti evaṃ pañcasīlavasena pana saccakiriyaṃ akāsi, katvā ca pana puṇṇapātiyā udakaṃ nāvāya dhure abhisiñci.

жад̇д̇ааро маасз вид̣̇зсам̣ багканд̣̇анааваа нивад̇д̇ид̇ваа ид̣̇д̇химаа вияа сажжаанубхаавзна згад̣̇ивасзнзва гуругажчабадданам̣ аг̇амааси. г̇анд̇ваа жа бана т̇алзби адтусабхамад̇д̇ам̣ таанам̣ багканд̣̇ид̇ваа наавигасса гхарад̣̇ваарзязва адтааси. махаасад̇д̇о д̇зсам̣ ваан̣иж̇аанам̣ суван̣н̣араж̇ад̇аман̣ибаваал̣амуд̇д̇аваж̇ираани бхааж̇зд̇ваа ад̣̇ааси. ‘‘зд̇д̇агзхи во рад̇анзхи алам̣, маа буна самуд̣̇д̣̇ам̣ бависат̇аа’’д̇и д̇зсам̣ оваад̣̇ам̣ д̣̇ад̇ваа яааваж̇ийвам̣ д̣̇аанаад̣̇ийни бун̃н̃аани гад̇ваа д̣̇звабурам̣ буурзси.

Cattāro māse videsaṃ pakkhandanāvā nivattitvā iddhimā viya saccānubhāvena ekadivaseneva kurukacchapaṭṭanaṃ agamāsi. Gantvā ca pana thalepi aṭṭhusabhamattaṃ ṭhānaṃ pakkhanditvā nāvikassa gharadvāreyeva aṭṭhāsi. Mahāsatto tesaṃ vāṇijānaṃ suvaṇṇarajatamaṇipavāḷamuttavajirāni bhājetvā adāsi. ‘‘Ettakehi vo ratanehi alaṃ, mā puna samuddaṃ pavisathā’’ti tesaṃ ovādaṃ datvā yāvajīvaṃ dānādīni puññāni katvā devapuraṃ pūresi.

сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣зби д̇ат̇ааг̇ад̇о махаабан̃н̃оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа барисаа б̣уд̣̇д̇хабарисаа ахзсум̣, суббаарагабан̣д̣ид̇о бана ахамзва ахоси’’нд̇и.

Satthā imaṃ dhammadesanaṃ āharitvā ‘‘evaṃ, bhikkhave, pubbepi tathāgato mahāpaññoyevā’’ti vatvā jātakaṃ samodhānesi – ‘‘tadā parisā buddhaparisā ahesuṃ, suppārakapaṇḍito pana ahameva ahosi’’nti.

суббаарагаж̇аад̇агаван̣н̣анаа навамаа.

Suppārakajātakavaṇṇanā navamā.

ж̇аад̇агуд̣̇д̣̇аанам̣ –

Jātakuddānaṃ –

маад̇убосага ж̇ун̣хо жа, д̇хамма уд̣̇аяа баанийяо;

Mātuposaka juṇho ca, dhamma udaya pānīyo;

яуд̇хан̃жаяо д̣̇асарат̇о, сам̣варо жа суббаараго;

Yudhañcayo dasaratho, saṃvaro ca suppārako;

згаад̣̇асанибаад̇амхи, сан̇г̇ийд̇аа нава ж̇аад̇агаа.

Ekādasanipātamhi, saṅgītā nava jātakā.

згаад̣̇асаганибаад̇аван̣н̣анаа нидтид̇аа.

Ekādasakanipātavaṇṇanā niṭṭhitā.

Next: 12. д̣̇ваад̣̇асаганибаад̇о • 12. Dvādasakanipāto

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 463. суббаарагаж̇аад̇агам̣ • 463. Suppārakajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact