| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. ஸுப்பவாஸாஸுத்தவண்ணனா
7. Suppavāsāsuttavaṇṇanā
57. ஸத்தமே பஜ்ஜனிகந்தி தஸ்ஸ நிக³மஸ்ஸ நாமங். கோலியானந்தி கோலராஜகுலானங். ஆயுங் கோ² பன த³த்வாதி ஆயுதா³னங் த³த்வா. ஆயுஸ்ஸ பா⁴கி³னீ ஹோதீதி ஆயுபா⁴க³படிலாபி⁴னீ ஹோதி, ஆயுங் வா ப⁴ஜனிகா ஹோதி, ஆயுப்படிலாபி⁴னீதி அத்தோ². ஸேஸபதே³ஸுபி ஏஸேவ நயோ.
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
ரஸஸா உபேதந்தி ரஸேன உபேதங் ரஸஸம்பன்னங். உஜ்ஜுக³தேஸூதி காயவங்காதி³ரஹிதத்தா உஜுகமேவ க³தேஸு கீ²ணாஸவேஸு. சரணூபபன்னேஸூதி பஞ்சத³ஸஹி சரணத⁴ம்மேஹி ஸமன்னாக³தேஸு. மஹக்³க³தேஸூதி மஹத்தங் க³தேஸு. கீ²ணாஸவானஞ்ஞேவேதங் நாமங். புஞ்ஞேன புஞ்ஞங் ஸங்ஸந்த³மானாதி புஞ்ஞேன ஸத்³தி⁴ங் புஞ்ஞங் க⁴டயமானா. மஹப்ப²லா லோகவிதூ³ன வண்ணிதாதி ஏவரூபா தா³னஸங்கா²தா த³க்கி²ணா திவித⁴லோகங் விதி³தங் கத்வா டி²தத்தா லோகவிதூ³னங் பு³த்³தா⁴னங் வண்ணிதா, பு³த்³தே⁴ஹி பஸத்தா²தி அத்தோ². யஞ்ஞமனுஸ்ஸரந்தாதி யஞ்ஞங் தா³னங் அனுஸ்ஸரந்தா. வேத³ஜாதாதி துட்டி²ஜாதா.
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ஸுப்பவாஸாஸுத்தங் • 7. Suppavāsāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. ஸுப்பவாஸாஸுத்தாதி³வண்ணனா • 7-10. Suppavāsāsuttādivaṇṇanā
