| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. сураад̇хасуд̇д̇ам̣
10. Surādhasuttaṃ
72. саавад̇т̇инид̣̇аанам̣. ат̇а ко ааяасмаа сураад̇хо бхаг̇аванд̇ам̣ зд̇ад̣̇авожа – ‘‘гат̇ам̣ ну ко, бханд̇з, ж̇аанад̇о гат̇ам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаабаг̇ад̇ам̣ маанасам̣ ход̇и, вид̇хаа самад̇игганд̇ам̣ санд̇ам̣ сувимуд̇д̇а’’нд̇и? ‘‘яам̣ гин̃жи, сураад̇ха, руубам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, саб̣б̣ам̣ руубам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа анубаад̣̇аавимуд̇д̇о ход̇и. яаа гаажи взд̣̇анаа… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа анубаад̣̇аавимуд̇д̇о ход̇и. звам̣ ко, сураад̇ха, ж̇аанад̇о звам̣ бассад̇о имасмин̃жа савин̃н̃аан̣агз гааяз, б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаабаг̇ад̇ам̣ маанасам̣ ход̇и вид̇хаа самад̇игганд̇ам̣ санд̇ам̣ сувимуд̇д̇а’’нд̇и…бз… ан̃н̃ад̇аро жа банааяасмаа сураад̇хо арахад̇ам̣ ахосийд̇и. д̣̇асамам̣.
72. Sāvatthinidānaṃ. Atha kho āyasmā surādho bhagavantaṃ etadavoca – ‘‘kathaṃ nu kho, bhante, jānato kathaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti, vidhā samatikkantaṃ santaṃ suvimutta’’nti? ‘‘Yaṃ kiñci, surādha, rūpaṃ atītānāgatapaccuppannaṃ…pe… yaṃ dūre santike vā, sabbaṃ rūpaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya disvā anupādāvimutto hoti. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya disvā anupādāvimutto hoti. Evaṃ kho, surādha, jānato evaṃ passato imasmiñca saviññāṇake kāye, bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhā samatikkantaṃ santaṃ suvimutta’’nti…pe… aññataro ca panāyasmā surādho arahataṃ ahosīti. Dasamaṃ.
араханд̇аваг̇г̇о сад̇д̇амо.
Arahantavaggo sattamo.
д̇ассуд̣̇д̣̇аанам̣ –
Tassuddānaṃ –
убаад̣̇ияаман̃н̃амаанаа, ат̇аабхинанд̣̇амаано жа;
Upādiyamaññamānā, athābhinandamāno ca;
анижжам̣ д̣̇угкам̣ анад̇д̇аа жа, анад̇д̇анийяам̣ раж̇анийяасан̣тид̇ам̣;
Aniccaṃ dukkhaṃ anattā ca, anattanīyaṃ rajanīyasaṇṭhitaṃ;
раад̇хасураад̇хзна д̇з д̣̇асаад̇и.
Rādhasurādhena te dasāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-10. раж̇анийяасан̣тид̇асуд̇д̇аад̣̇иван̣н̣анаа • 8-10. Rajanīyasaṇṭhitasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-10. раж̇анийяасан̣тид̇асуд̇д̇аад̣̇иван̣н̣анаа • 8-10. Rajanīyasaṇṭhitasuttādivaṇṇanā
