| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
5. гумбхаваг̇г̇о
5. Kumbhavaggo
[291] 1. сураагхадаж̇аад̇агаван̣н̣анаа
[291] 1. Surāghaṭajātakavaṇṇanā
саб̣б̣агаамад̣̇ад̣̇ам̣ гумбханд̇и ид̣̇ам̣ сад̇т̇аа ж̇зд̇аванз вихаранд̇о анаат̇абин̣д̣игасса бхааг̇инзяяам̣ аараб̣бха гат̇зси. со гира маад̇аабид̇уунам̣ санд̇агаа жад̇д̇аалийса хиран̃н̃агодияо баанаб̣яасанзна наасзд̇ваа сздтино санд̇игам̣ аг̇амааси. собисса ‘‘вохаарам̣ гарохий’’д̇и сахассам̣ ад̣̇ааси, д̇амби наасзд̇ваа буна аг̇амааси. бунасса бан̃жа сад̇аани д̣̇аабзси, д̇ааниби наасзд̇ваа буна ааг̇ад̇асса д̣̇вз т̇ууласаадагз д̣̇аабзси. д̇зби наасзд̇ваа буна ааг̇ад̇ам̣ г̇ийвааяам̣ г̇аахаабзд̇ваа нийхараабзси. со анаат̇о худ̇ваа барагуддам̣ ниссааяа гааламагааси, д̇амзнам̣ гад̣дхид̇ваа б̣ахи чад̣д̣зсум̣. анаат̇абин̣д̣иго вихаарам̣ г̇анд̇ваа саб̣б̣ам̣ д̇ам̣ бхааг̇инзяяасса бавад̇д̇им̣ д̇ат̇ааг̇ад̇асса аарожзси. сад̇т̇аа ‘‘д̇вам̣ зд̇ам̣ гат̇ам̣ санд̇аббзссаси, яамахам̣ буб̣б̣з саб̣б̣агаамад̣̇ад̣̇ам̣ гумбхам̣ д̣̇ад̇вааби санд̇аббзд̇ум̣ наасагки’’нд̇и вад̇ваа д̇зна яаажид̇о ад̇ийд̇ам̣ аахари.
Sabbakāmadadaṃkumbhanti idaṃ satthā jetavane viharanto anāthapiṇḍikassa bhāgineyyaṃ ārabbha kathesi. So kira mātāpitūnaṃ santakā cattālīsa hiraññakoṭiyo pānabyasanena nāsetvā seṭṭhino santikaṃ agamāsi. Sopissa ‘‘vohāraṃ karohī’’ti sahassaṃ adāsi, tampi nāsetvā puna agamāsi. Punassa pañca satāni dāpesi, tānipi nāsetvā puna āgatassa dve thūlasāṭake dāpesi. Tepi nāsetvā puna āgataṃ gīvāyaṃ gāhāpetvā nīharāpesi. So anātho hutvā parakuṭṭaṃ nissāya kālamakāsi, tamenaṃ kaḍḍhitvā bahi chaḍḍesuṃ. Anāthapiṇḍiko vihāraṃ gantvā sabbaṃ taṃ bhāgineyyassa pavattiṃ tathāgatassa ārocesi. Satthā ‘‘tvaṃ etaṃ kathaṃ santappessasi, yamahaṃ pubbe sabbakāmadadaṃ kumbhaṃ datvāpi santappetuṃ nāsakkhi’’nti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтигулз ниб̣б̣ад̇д̇ид̇ваа бид̇у ажжаязна сздтидтаанам̣ лабхи. д̇асса г̇зхз бхуумиг̇ад̇амзва жад̇д̇аалийсагодид̇ханам̣ ахоси, буд̇д̇о банасса згоязва. б̣од̇хисад̇д̇о д̣̇аанаад̣̇ийни бун̃н̃аани гад̇ваа гаалагад̇о сагго д̣̇зварааж̇аа худ̇ваа ниб̣б̣ад̇д̇и. ат̇асса буд̇д̇о вийт̇им̣ ааварид̇ваа ман̣д̣абам̣ гаарзд̇ваа махааж̇анабаривуд̇о нисийд̣̇ид̇ваа сурам̣ баад̇ум̣ аарабхи. со лан̇гханад̇хаавананажжаг̇ийд̇аад̣̇ийни гаронд̇аанам̣ сахассам̣ сахассам̣ д̣̇ад̣̇амаано ид̇т̇исон̣д̣асураасон̣д̣амам̣сасон̣д̣аад̣̇ибхаавам̣ аабаж̇ж̇ид̇ваа ‘‘гва г̇ийд̇ам̣, гва нажжам̣, гва ваад̣̇ид̇а’’нд̇и самаж̇ж̇ад̇т̇иго бамад̇д̇о худ̇ваа аахин̣д̣анд̇о нажирассзва жад̇д̇аалийсагодид̇ханам̣ убабхог̇абарибхог̇уубагаран̣аани жа винаасзд̇ваа д̣̇уг̇г̇ад̇о габан̣о билод̇игам̣ ниваасзд̇ваа вижари. сагго ааваж̇ж̇знд̇о д̇асса д̣̇уг̇г̇ад̇абхаавам̣ н̃ад̇ваа буд̇д̇абзмзна ааг̇анд̇ваа саб̣б̣агаамад̣̇ад̣̇ам̣ гумбхам̣ д̣̇ад̇ваа ‘‘д̇аад̇а, яат̇аа аяам̣ гумбхо на бхиж̇ж̇ад̇и, д̇ат̇аа нам̣ рагка, имасмим̣ д̇з сад̇и д̇ханасса барижчзд̣̇о наама на бхависсад̇и, аббамад̇д̇о хохий’’д̇и овад̣̇ид̇ваа д̣̇звалогамзва г̇ад̇о. д̇ад̇о бадтааяа сурам̣ биванд̇о вижари. ат̇згад̣̇ивасам̣ мад̇д̇о д̇ам̣ гумбхам̣ аагаасз кибид̇ваа самбадижчанд̇о згаваарам̣ вираж̇жхи , гумбхо бхуумияам̣ бад̇ид̇ваа бхиж̇ж̇и. д̇ад̇о бадтааяа буна д̣̇алид̣̇д̣̇о худ̇ваа билод̇игам̣ ниваасзд̇ваа габаалахад̇т̇о бхигкам̣ жаранд̇о барагуддам̣ ниссааяа гааламагааси.
Atīte bārāṇasiyaṃ brahmadatte rajjaṃ kārente bodhisatto seṭṭhikule nibbattitvā pitu accayena seṭṭhiṭṭhānaṃ labhi. Tassa gehe bhūmigatameva cattālīsakoṭidhanaṃ ahosi, putto panassa ekoyeva. Bodhisatto dānādīni puññāni katvā kālakato sakko devarājā hutvā nibbatti. Athassa putto vīthiṃ āvaritvā maṇḍapaṃ kāretvā mahājanaparivuto nisīditvā suraṃ pātuṃ ārabhi. So laṅghanadhāvananaccagītādīni karontānaṃ sahassaṃ sahassaṃ dadamāno itthisoṇḍasurāsoṇḍamaṃsasoṇḍādibhāvaṃ āpajjitvā ‘‘kva gītaṃ, kva naccaṃ, kva vādita’’nti samajjatthiko pamatto hutvā āhiṇḍanto nacirasseva cattālīsakoṭidhanaṃ upabhogaparibhogūpakaraṇāni ca vināsetvā duggato kapaṇo pilotikaṃ nivāsetvā vicari. Sakko āvajjento tassa duggatabhāvaṃ ñatvā puttapemena āgantvā sabbakāmadadaṃ kumbhaṃ datvā ‘‘tāta, yathā ayaṃ kumbho na bhijjati, tathā naṃ rakkha, imasmiṃ te sati dhanassa paricchedo nāma na bhavissati, appamatto hohī’’ti ovaditvā devalokameva gato. Tato paṭṭhāya suraṃ pivanto vicari. Athekadivasaṃ matto taṃ kumbhaṃ ākāse khipitvā sampaṭicchanto ekavāraṃ virajjhi , kumbho bhūmiyaṃ patitvā bhijji. Tato paṭṭhāya puna daliddo hutvā pilotikaṃ nivāsetvā kapālahattho bhikkhaṃ caranto parakuṭṭaṃ nissāya kālamakāsi.
сад̇т̇аа имам̣ ад̇ийд̇ам̣ аахарид̇ваа –
Satthā imaṃ atītaṃ āharitvā –
121.
121.
‘‘саб̣б̣агаамад̣̇ад̣̇ам̣ гумбхам̣, гудам̣ лад̣̇д̇хаана д̇худ̇д̇аго;
‘‘Sabbakāmadadaṃ kumbhaṃ, kuṭaṃ laddhāna dhuttako;
яаава нам̣ анубаалзд̇и, д̇аава со сукамзд̇хад̇и.
Yāva naṃ anupāleti, tāva so sukhamedhati.
122.
122.
‘‘яад̣̇аа мад̇д̇о жа д̣̇ид̇д̇о жа, бамаад̣̇аа гумбхамаб̣бхид̣̇аа;
‘‘Yadā matto ca ditto ca, pamādā kumbhamabbhidā;
д̇ад̣̇аа наг̇г̇о жа бод̇т̇о жа, бажчаа б̣аало вихан̃н̃ад̇и.
Tadā naggo ca pottho ca, pacchā bālo vihaññati.
123.
123.
‘‘звамзва яо д̇ханам̣ лад̣̇д̇хаа, бамад̇д̇о барибхун̃ж̇ад̇и;
‘‘Evameva yo dhanaṃ laddhā, pamatto paribhuñjati;
бажчаа д̇аббад̇и д̣̇уммзд̇хо, гудам̣ бхид̇ваава д̇худ̇д̇аго’’д̇и. –
Pacchā tappati dummedho, kuṭaṃ bhitvāva dhuttako’’ti. –
имаа абхисамб̣уд̣̇д̇хаг̇аат̇аа вад̇ваа ж̇аад̇агам̣ самод̇хаанзси.
Imā abhisambuddhagāthā vatvā jātakaṃ samodhānesi.
д̇ад̇т̇а саб̣б̣агаамад̣̇ад̣̇анд̇и саб̣б̣з вад̇т̇угаамз д̣̇аад̇ум̣ самад̇т̇ам̣ гумбхам̣. гуданд̇и гумбхавзважанам̣. яааваад̇и яад̇д̇агам̣ гаалам̣. анубаалзд̇ийд̇и яо гожи зваруубам̣ лабхид̇ваа яаава рагкад̇и, д̇аава со сукамзд̇хад̇ийд̇и ад̇т̇о. мад̇д̇о жа д̣̇ид̇д̇о жаад̇и сураамад̣̇зна мад̇д̇о д̣̇аббзна д̣̇ид̇д̇о. бамаад̣̇аа гумбхамаб̣бхид̣̇аад̇и бамаад̣̇зна гумбхам̣ бхинд̣̇и. наг̇г̇о жа бод̇т̇о жаад̇и гад̣̇аажи наг̇г̇о, гад̣̇аажи бод̇т̇агабилод̇игааяа нивад̇т̇ад̇д̇аа бод̇т̇о. звамзваад̇и звам̣ зва. бамад̇д̇од̇и бамаад̣̇зна. д̇аббад̇ийд̇и сожад̇и.
Tattha sabbakāmadadanti sabbe vatthukāme dātuṃ samatthaṃ kumbhaṃ. Kuṭanti kumbhavevacanaṃ. Yāvāti yattakaṃ kālaṃ. Anupāletīti yo koci evarūpaṃ labhitvā yāva rakkhati, tāva so sukhamedhatīti attho. Mattoca ditto cāti surāmadena matto dappena ditto. Pamādā kumbhamabbhidāti pamādena kumbhaṃ bhindi. Naggo ca pottho cāti kadāci naggo, kadāci potthakapilotikāya nivatthattā pottho. Evamevāti evaṃ eva. Pamattoti pamādena. Tappatīti socati.
‘‘д̇ад̣̇аа сураагхадабхзд̣̇аго д̇худ̇д̇о сздтибхааг̇инзяяо ахоси, сагго бана ахамзва ахоси’’нд̇и.
‘‘Tadā surāghaṭabhedako dhutto seṭṭhibhāgineyyo ahosi, sakko pana ahameva ahosi’’nti.
сураагхадаж̇аад̇агаван̣н̣анаа батамаа.
Surāghaṭajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 291. сураагхадаж̇аад̇агам̣ • 291. Surāghaṭajātakaṃ
