| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. сурусуруваг̇г̇аван̣н̣анаа
6. Surusuruvaggavaṇṇanā
627. сурусуругаараганд̇и сурусурууд̇и звам̣ сад̣̇д̣̇ам̣ гад̇ваа гад̇ваа. д̣̇авод̇и барихаасаважанам̣; д̇ам̣ язна гзнажи барияааязна ‘‘гим̣ б̣уд̣̇д̇хо , силагаб̣уд̣̇д̇хо, бадиб̣уд̣̇д̇хо; гим̣ д̇хаммо, г̇од̇хаммо, аж̇ад̇хаммо; гим̣ сан̇гхо, миг̇асан̇гхо, басусан̇гхо’’д̇иаад̣̇инаа наязна д̇ийн̣и рад̇анаани аараб̣бха на гаад̇аб̣б̣анд̇и ад̇т̇о.
627.Surusurukārakanti surusurūti evaṃ saddaṃ katvā katvā. Davoti parihāsavacanaṃ; taṃ yena kenaci pariyāyena ‘‘kiṃ buddho , silakabuddho, paṭibuddho; kiṃ dhammo, godhammo, ajadhammo; kiṃ saṅgho, migasaṅgho, pasusaṅgho’’tiādinā nayena tīṇi ratanāni ārabbha na kātabbanti attho.
628. хад̇т̇аниллзхаганд̇и хад̇т̇ам̣ ниллзхид̇ваа ниллзхид̇ваа. бхун̃ж̇анд̇зна хи ан̇г̇улимад̇д̇амби ниллзхид̇ум̣ на ваддад̇и. гханаяааг̇упаан̣ид̇абааяаасаад̣̇игз бана ан̇г̇улийхи г̇ахзд̇ваа ан̇г̇улияо мукз бавзсзд̇ваа бхун̃ж̇ид̇ум̣ ваддад̇и. бад̇д̇аниллзхагаодтаниллзхагзсуби зсзва наяо. д̇асмаа зган̇г̇улияааби бад̇д̇о на ниллзхид̇аб̣б̣о, згаодтоби ж̇ивхааяа на ниллзхид̇аб̣б̣о, одтамам̣сзхи зва бана г̇ахзд̇ваа анд̇о бавзсзд̇ум̣ ваддад̇и.
628.Hatthanillehakanti hatthaṃ nillehitvā nillehitvā. Bhuñjantena hi aṅgulimattampi nillehituṃ na vaṭṭati. Ghanayāguphāṇitapāyāsādike pana aṅgulīhi gahetvā aṅguliyo mukhe pavesetvā bhuñjituṃ vaṭṭati. Pattanillehakaoṭṭhanillehakesupi eseva nayo. Tasmā ekaṅguliyāpi patto na nillehitabbo, ekaoṭṭhopi jivhāya na nillehitabbo, oṭṭhamaṃsehi eva pana gahetvā anto pavesetuṃ vaṭṭati.
631. гоганад̣̇зд̇и звам̣наамагз. гоганад̣̇анд̇и бад̣̇умам̣ вужжад̇и, со жа баасаад̣̇о бад̣̇умасан̣таано, д̇знасса гоганад̣̇од̇взва наамам̣ агам̣су. на саамисзна хад̇т̇зна баанийяат̇аалаганд̇и зд̇ам̣ бадиггуулавасзна бадигкид̇д̇ам̣, д̇асмаа сан̇гхигамби буг̇г̇алигамби г̇ихисанд̇агамби ад̇д̇ано санд̇агамби сан̇камби сараавамби т̇аалагамби на г̇ахзд̇аб̣б̣амзва, г̇ан̣ханд̇асса д̣̇уггадам̣. сажз бана хад̇т̇асса згад̣̇зсо аамисамагкид̇о на ход̇и, д̇зна бад̣̇зсзна г̇ахзд̇ум̣ ваддад̇и.
631.Kokanadeti evaṃnāmake. Kokanadanti padumaṃ vuccati, so ca pāsādo padumasaṇṭhāno, tenassa kokanadotveva nāmaṃ akaṃsu. Na sāmisena hatthena pānīyathālakanti etaṃ paṭikkūlavasena paṭikkhittaṃ, tasmā saṅghikampi puggalikampi gihisantakampi attano santakampi saṅkhampi sarāvampi thālakampi na gahetabbameva, gaṇhantassa dukkaṭaṃ. Sace pana hatthassa ekadeso āmisamakkhito na hoti, tena padesena gahetuṃ vaṭṭati.
632. уд̣̇д̇харид̇ваа ваад̇и сид̇т̇аани уд̣̇агад̇о уд̣̇д̇харид̇ваа згасмим̣ таанз раасим̣ гад̇ваа уд̣̇агам̣ чад̣д̣зд̇и. бхинд̣̇ид̇ваа ваад̇и сид̇т̇аани бхинд̣̇ид̇ваа уд̣̇агаг̇ад̇игаани гад̇ваа чад̣д̣зд̇и. бадиг̇г̇ахз ваад̇и бадиг̇г̇ахзна бадижчанд̇о нам̣ бадиг̇г̇ахз чад̣д̣зд̇и. нийхарид̇ваад̇и б̣ахи нийхарид̇ваа чад̣д̣зд̇и; звам̣ чад̣д̣знд̇асса анаабад̇д̇и.
632.Uddharitvā vāti sitthāni udakato uddharitvā ekasmiṃ ṭhāne rāsiṃ katvā udakaṃ chaḍḍeti. Bhinditvā vāti sitthāni bhinditvā udakagatikāni katvā chaḍḍeti. Paṭiggahe vāti paṭiggahena paṭicchanto naṃ paṭiggahe chaḍḍeti. Nīharitvāti bahi nīharitvā chaḍḍeti; evaṃ chaḍḍentassa anāpatti.
634. сзд̇ажчад̇д̇анд̇и вад̇т̇абалиг̇ун̣тид̇ам̣ бан̣д̣аражчад̇д̇ам̣. гилан̃ж̇ажчад̇д̇анд̇и вилийважчад̇д̇ам̣. бан̣н̣ажчад̇д̇анд̇и д̇аалабан̣н̣аад̣̇ийхи язхи гзхижи гад̇ам̣. ман̣д̣алаб̣ад̣̇д̇хам̣ салаагаб̣ад̣̇д̇ханд̇и ид̣̇ам̣ бана д̇ин̣н̣амби чад̇д̇аанам̣ бан̃ж̇арад̣̇ассанад̇т̇ам̣ вуд̇д̇ам̣. д̇аани хи ман̣д̣алаб̣ад̣̇д̇хаани жзва хонд̇и салаагаб̣ад̣̇д̇хаани жа. яамби д̇ад̇т̇аж̇аад̇агад̣̇ан̣д̣агзна гад̇ам̣ згабан̣н̣ажчад̇д̇ам̣ ход̇и, д̇амби чад̇д̇амзва. зд̇зсу яам̣гин̃жи чад̇д̇ам̣ баан̣имхи ассаад̇и чад̇д̇абаан̣и. со д̇ам̣ чад̇д̇ам̣ д̇хаараяамаано ваа ам̣сз ваа гад̇ваа уурумхи ваа табзд̇ваа яаава хад̇т̇зна на мужжад̇и, д̇аавасса д̇хаммам̣ д̣̇зсзд̇ум̣ на ваддад̇и, д̣̇зсзнд̇асса вуд̇д̇анаязна д̣̇уггадам̣. сажз банасса ан̃н̃о чад̇д̇ам̣ д̇хаарзд̇и, чад̇д̇абаад̣̇угааяа ваа тид̇ам̣ ход̇и, хад̇т̇ад̇о абаг̇ад̇амад̇д̇з чад̇д̇абаан̣и наама на ход̇и. д̇асса д̇хаммам̣ д̣̇зсзд̇ум̣ ваддад̇и. д̇хаммабарижчзд̣̇о банзд̇т̇а бад̣̇асод̇хаммз вуд̇д̇анаязнзва взд̣̇ид̇аб̣б̣о.
634.Setacchattanti vatthapaliguṇṭhitaṃ paṇḍaracchattaṃ. Kilañjacchattanti vilīvacchattaṃ. Paṇṇacchattanti tālapaṇṇādīhi yehi kehici kataṃ. Maṇḍalabaddhaṃ salākabaddhanti idaṃ pana tiṇṇampi chattānaṃ pañjaradassanatthaṃ vuttaṃ. Tāni hi maṇḍalabaddhāni ceva honti salākabaddhāni ca. Yampi tatthajātakadaṇḍakena kataṃ ekapaṇṇacchattaṃ hoti, tampi chattameva. Etesu yaṃkiñci chattaṃ pāṇimhi assāti chattapāṇi. So taṃ chattaṃ dhārayamāno vā aṃse vā katvā ūrumhi vā ṭhapetvā yāva hatthena na muccati, tāvassa dhammaṃ desetuṃ na vaṭṭati, desentassa vuttanayena dukkaṭaṃ. Sace panassa añño chattaṃ dhāreti, chattapādukāya vā ṭhitaṃ hoti, hatthato apagatamatte chattapāṇi nāma na hoti. Tassa dhammaṃ desetuṃ vaṭṭati. Dhammaparicchedo panettha padasodhamme vuttanayeneva veditabbo.
635. д̣̇ан̣д̣абаан̣иссаад̇и зд̇т̇а д̣̇ан̣д̣о наама маж̇жхимасса бурисасса жад̇ухад̇т̇аббамаан̣о д̣̇ан̣д̣абаан̣ибхааво банасса чад̇д̇абаан̣имхи вуд̇д̇анаязнзва взд̣̇ид̇аб̣б̣о.
635.Daṇḍapāṇissāti ettha daṇḍo nāma majjhimassa purisassa catuhatthappamāṇo daṇḍapāṇibhāvo panassa chattapāṇimhi vuttanayeneva veditabbo.
636. сад̇т̇абаан̣имхиби зсзва наяо. асим̣ саннахид̇ваа тид̇оби хи сад̇т̇абаан̣исан̇кяам̣ на г̇ажчад̇и.
636.Satthapāṇimhipi eseva nayo. Asiṃ sannahitvā ṭhitopi hi satthapāṇisaṅkhyaṃ na gacchati.
637. аавуд̇хабаан̣иссаад̇и зд̇т̇а гин̃жааби вуд̇д̇ам̣ – ‘‘аавуд̇хам̣ наама жаабо год̣̇ан̣д̣о’’д̇и, ат̇а ко саб̣б̣ааби д̇ханувигад̇и сад̣̇д̇хим̣ саравигад̇ияаа аавуд̇ханд̇и взд̣̇ид̇аб̣б̣ам̣. д̇асмаа сад̣̇д̇хим̣ ваа сарзна д̇ханум̣ г̇ахзд̇ваа суд̣̇д̇хад̇ханум̣ ваа суд̣̇д̇хасарам̣ ваа саж̇ияад̇ханум̣ ваа ниж̇ж̇ияад̇ханум̣ ваа г̇ахзд̇ваа тид̇асса ваа нисиннасса ваа д̇хаммо д̣̇зсзд̇ум̣ на ваддад̇и. сажз банасса д̇ханум̣ ган̣тзби бадимуггам̣ ход̇и, яаава хад̇т̇зна на г̇ан̣хаад̇и, д̇аава д̇хаммам̣ д̣̇зсзд̇ум̣ ваддад̇иязваад̇и.
637.Āvudhapāṇissāti ettha kiñcāpi vuttaṃ – ‘‘āvudhaṃ nāma cāpo kodaṇḍo’’ti, atha kho sabbāpi dhanuvikati saddhiṃ saravikatiyā āvudhanti veditabbaṃ. Tasmā saddhiṃ vā sarena dhanuṃ gahetvā suddhadhanuṃ vā suddhasaraṃ vā sajiyadhanuṃ vā nijjiyadhanuṃ vā gahetvā ṭhitassa vā nisinnassa vā dhammo desetuṃ na vaṭṭati. Sace panassa dhanuṃ kaṇṭhepi paṭimukkaṃ hoti, yāva hatthena na gaṇhāti, tāva dhammaṃ desetuṃ vaṭṭatiyevāti.
чадто ваг̇г̇о.
Chaṭṭho vaggo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сурусуруваг̇г̇о • 6. Surusuruvaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. сурусуруваг̇г̇а-ад̇т̇аяож̇анаа • 6. Surusuruvagga-atthayojanā
