Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi

1. ஞாணகதா²

1. Ñāṇakathā

1. ஸுதமயஞாணனித்³தே³ஸோ

1. Sutamayañāṇaniddeso

1. கத²ங் ஸோதாவதா⁴னே பஞ்ஞா ஸுதமயே ஞாணங்?

1. Kathaṃ sotāvadhāne paññā sutamaye ñāṇaṃ?

‘‘இமே த⁴ம்மா அபி⁴ஞ்ஞெய்யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā abhiññeyyā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா பரிஞ்ஞெய்யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā pariññeyyā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா பஹாதப்³பா³’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā pahātabbā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா பா⁴வேதப்³பா³’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā bhāvetabbā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா ஸச்சி²காதப்³பா³’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā sacchikātabbā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா ஹானபா⁴கி³யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā hānabhāgiyā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா டி²திபா⁴கி³யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā ṭhitibhāgiyā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா விஸேஸபா⁴கி³யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā visesabhāgiyā’’ti sotāvadhānaṃ, taṃpajānanā paññā sutamaye ñāṇaṃ.

‘‘இமே த⁴ம்மா நிப்³பே³த⁴பா⁴கி³யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Ime dhammā nibbedhabhāgiyā’’ti sotāvadhānaṃ, taṃpajānanā paññā sutamaye ñāṇaṃ.

‘‘ஸப்³பே³ ஸங்கா²ரா அனிச்சா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Sabbe saṅkhārā aniccā’’ti sotāvadhānaṃ, taṃpajānanā paññā sutamaye ñāṇaṃ.

‘‘ஸப்³பே³ ஸங்கா²ரா து³க்கா²’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Sabbe saṅkhārā dukkhā’’ti sotāvadhānaṃ, taṃpajānanā paññā sutamaye ñāṇaṃ.

‘‘ஸப்³பே³ த⁴ம்மா அனத்தா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Sabbe dhammā anattā’’ti sotāvadhānaṃ, taṃpajānanā paññā sutamaye ñāṇaṃ.

‘‘இத³ங் து³க்க²ங் அரியஸச்ச’’ந்தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Idaṃ dukkhaṃ ariyasacca’’nti sotāvadhānaṃ, taṃpajānanā paññā sutamaye ñāṇaṃ.

‘‘இத³ங் து³க்க²ஸமுத³யங் ¹ அரியஸச்ச’’ந்தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Idaṃ dukkhasamudayaṃ ² ariyasacca’’nti sotāvadhānaṃ, taṃpajānanā paññā sutamaye ñāṇaṃ.

‘‘இத³ங் து³க்க²னிரோத⁴ங் ³ அரியஸச்ச’’ந்தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Idaṃ dukkhanirodhaṃ ⁴ ariyasacca’’nti sotāvadhānaṃ, taṃpajānanā paññā sutamaye ñāṇaṃ.

‘‘இத³ங் து³க்க²னிரோத⁴கா³மினீ படிபதா³ அரியஸச்ச’’ந்தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

‘‘Idaṃ dukkhanirodhagāminī paṭipadā ariyasacca’’nti sotāvadhānaṃ, taṃpajānanā paññā sutamaye ñāṇaṃ.

2. கத²ங் ‘‘இமே த⁴ம்மா அபி⁴ஞ்ஞெய்யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

2. Kathaṃ ‘‘ime dhammā abhiññeyyā’’ti sotāvadhānaṃ, taṃpajānanā paññā sutamaye ñāṇaṃ?

ஏகோ த⁴ம்மோ அபி⁴ஞ்ஞெய்யோ – ஸப்³பே³ ஸத்தா ஆஹாரட்டி²திகா. த்³வே த⁴ம்மா அபி⁴ஞ்ஞெய்யா – த்³வே தா⁴துயோ. தயோ த⁴ம்மா அபி⁴ஞ்ஞெய்யா – திஸ்ஸோ தா⁴துயோ. சத்தாரோ த⁴ம்மா அபி⁴ஞ்ஞெய்யா – சத்தாரி அரியஸச்சானி. பஞ்ச த⁴ம்மா அபி⁴ஞ்ஞெய்யா – பஞ்ச விமுத்தாயதனானி. ச² த⁴ம்மா அபி⁴ஞ்ஞெய்யா – ச² அனுத்தரியானி. ஸத்த த⁴ம்மா அபி⁴ஞ்ஞெய்யா – ஸத்த நித்³த³ஸவத்தூ²னி. அட்ட² த⁴ம்மா அபி⁴ஞ்ஞெய்யா – அட்ட² அபி⁴பா⁴யதனானி. நவ த⁴ம்மா அபி⁴ஞ்ஞெய்யா – நவ அனுபுப்³ப³விஹாரா. த³ஸ த⁴ம்மா அபி⁴ஞ்ஞெய்யா – த³ஸ நிஜ்ஜரவத்தூ²னி.

Eko dhammo abhiññeyyo – sabbe sattā āhāraṭṭhitikā. Dve dhammā abhiññeyyā – dve dhātuyo. Tayo dhammā abhiññeyyā – tisso dhātuyo. Cattāro dhammā abhiññeyyā – cattāri ariyasaccāni. Pañca dhammā abhiññeyyā – pañca vimuttāyatanāni. Cha dhammā abhiññeyyā – cha anuttariyāni. Satta dhammā abhiññeyyā – satta niddasavatthūni. Aṭṭha dhammā abhiññeyyā – aṭṭha abhibhāyatanāni. Nava dhammā abhiññeyyā – nava anupubbavihārā. Dasa dhammā abhiññeyyā – dasa nijjaravatthūni.

3. ‘‘ஸப்³ப³ங், பி⁴க்க²வே, அபி⁴ஞ்ஞெய்யங். கிஞ்ச, பி⁴க்க²வே, ஸப்³ப³ங் அபி⁴ஞ்ஞெய்யங்? சக்கு² ⁵, பி⁴க்க²வே, அபி⁴ஞ்ஞெய்யங்; ரூபா அபி⁴ஞ்ஞெய்யா; சக்கு²விஞ்ஞாணங் அபி⁴ஞ்ஞெய்யங்; சக்கு²ஸம்ப²ஸ்ஸோ அபி⁴ஞ்ஞெய்யோ; யம்பித³ங் ⁶ சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி அபி⁴ஞ்ஞெய்யங். ஸோதங் அபி⁴ஞ்ஞெய்யங்; ஸத்³தா³ அபி⁴ஞ்ஞெய்யா…பே॰… கா⁴னங் அபி⁴ஞ்ஞெய்யங்; க³ந்தா⁴ அபி⁴ஞ்ஞெய்யா… ஜிவ்ஹா அபி⁴ஞ்ஞெய்யா; ரஸா அபி⁴ஞ்ஞெய்யா… காயோ அபி⁴ஞ்ஞெய்யோ; பொ²ட்ட²ப்³பா³ அபி⁴ஞ்ஞெய்யா… மனோ அபி⁴ஞ்ஞெய்யோ; த⁴ம்மா அபி⁴ஞ்ஞெய்யா; மனோவிஞ்ஞாணங் அபி⁴ஞ்ஞெய்யங், மனோஸம்ப²ஸ்ஸோ அபி⁴ஞ்ஞெய்யோ; யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி அபி⁴ஞ்ஞெய்யங்.’’

3. ‘‘Sabbaṃ, bhikkhave, abhiññeyyaṃ. Kiñca, bhikkhave, sabbaṃ abhiññeyyaṃ? Cakkhu ⁷, bhikkhave, abhiññeyyaṃ; rūpā abhiññeyyā; cakkhuviññāṇaṃ abhiññeyyaṃ; cakkhusamphasso abhiññeyyo; yampidaṃ ⁸ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi abhiññeyyaṃ. Sotaṃ abhiññeyyaṃ; saddā abhiññeyyā…pe… ghānaṃ abhiññeyyaṃ; gandhā abhiññeyyā… jivhā abhiññeyyā; rasā abhiññeyyā… kāyo abhiññeyyo; phoṭṭhabbā abhiññeyyā… mano abhiññeyyo; dhammā abhiññeyyā; manoviññāṇaṃ abhiññeyyaṃ, manosamphasso abhiññeyyo; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi abhiññeyyaṃ.’’

ரூபங் அபி⁴ஞ்ஞெய்யங்; வேத³னா அபி⁴ஞ்ஞெய்யா; ஸஞ்ஞா அபி⁴ஞ்ஞெய்யா; ஸங்கா²ரா அபி⁴ஞ்ஞெய்யா; விஞ்ஞாணங் அபி⁴ஞ்ஞெய்யங்.

Rūpaṃ abhiññeyyaṃ; vedanā abhiññeyyā; saññā abhiññeyyā; saṅkhārā abhiññeyyā; viññāṇaṃ abhiññeyyaṃ.

சக்கு² அபி⁴ஞ்ஞெய்யங்; ஸோதங் அபி⁴ஞ்ஞெய்யங்; கா⁴னங் அபி⁴ஞ்ஞெய்யங்; ஜிவ்ஹா அபி⁴ஞ்ஞெய்யா; காயோ அபி⁴ஞ்ஞெய்யோ; மனோ அபி⁴ஞ்ஞெய்யோ. ரூபா அபி⁴ஞ்ஞெய்யா; ஸத்³தா³ அபி⁴ஞ்ஞெய்யா; க³ந்தா⁴ அபி⁴ஞ்ஞெய்யா; ரஸா அபி⁴ஞ்ஞெய்யா; பொ²ட்ட²ப்³பா³ அபி⁴ஞ்ஞெய்யா; த⁴ம்மா அபி⁴ஞ்ஞெய்யா. சக்கு²வ்த்த்ஞ்ஞாணங் அபி⁴ஞ்ஞெய்யங்; ஸோதவிஞ்ஞாணங் அபி⁴ஞ்ஞெய்யங்; கா⁴னவிஞ்ஞாணங் அபி⁴ஞ்ஞெய்யங்; ஜிவ்ஹாவிஞ்ஞாணங் அபி⁴ஞ்ஞெய்யங்; காயவிஞ்ஞாணங் அபி⁴ஞ்ஞெய்யங்; மனோவிஞ்ஞாணங் அபி⁴ஞ்ஞெய்யங். சக்கு²ஸம்ப²ஸ்ஸோ அபி⁴ஞ்ஞெய்யோ ; ஸோதஸம்ப²ஸ்ஸோ அபி⁴ஞ்ஞெய்யோ; கா⁴னஸம்ப²ஸ்ஸோ அபி⁴ஞ்ஞெய்யோ; ஜிவ்ஹாஸம்ப²ஸ்ஸோ அபி⁴ஞ்ஞெய்யோ; காயஸம்ப²ஸ்ஸோ அபி⁴ஞ்ஞெய்யோ; மனோஸம்ப²ஸ்ஸோ அபி⁴ஞ்ஞெய்யோ; சக்கு²ஸம்ப²ஸ்ஸஜா வேத³னா அபி⁴ஞ்ஞெய்யா; ஸோதஸம்ப²ஸ்ஸஜா வேத³னா அபி⁴ஞ்ஞெய்யா; கா⁴னஸம்ப²ஸ்ஸஜா வேத³னா அபி⁴ஞ்ஞெய்யா ; ஜிவ்ஹாஸம்ப²ஸ்ஸஜா வேத³னா அபி⁴ஞ்ஞெய்யா; காயஸம்ப²ஸ்ஸஜா வேத³னா அபி⁴ஞ்ஞெய்யா; மனோஸம்ப²ஸ்ஸஜா வேத³னா அபி⁴ஞ்ஞெய்யா. ரூபஸஞ்ஞா அபி⁴ஞ்ஞெய்யா; ஸத்³த³ஸஞ்ஞா அபி⁴ஞ்ஞெய்யா; க³ந்த⁴ஸஞ்ஞா அபி⁴ஞ்ஞெய்யா ; ரஸஸஞ்ஞா அபி⁴ஞ்ஞெய்யா; பொ²ட்ட²ப்³ப³ஸஞ்ஞா அபி⁴ஞ்ஞெய்யா; த⁴ம்மஸஞ்ஞா அபி⁴ஞ்ஞெய்யா. ரூபஸஞ்சேதனா அபி⁴ஞ்ஞெய்யா; ஸத்³த³ஸஞ்சேதனா அபி⁴ஞ்ஞெய்யா; க³ந்த⁴ஸஞ்சேதனா அபி⁴ஞ்ஞெய்யா; ரஸஸஞ்சேதனா அபி⁴ஞ்ஞெய்யா; பொ²ட்ட²ப்³ப³ஸஞ்சேதனா அபி⁴ஞ்ஞெய்யா; த⁴ம்மஸஞ்சேதனா அபி⁴ஞ்ஞெய்யா. ரூபதண்ஹா அபி⁴ஞ்ஞெய்யா; ஸத்³த³தண்ஹா அபி⁴ஞ்ஞெய்யா; க³ந்த⁴தண்ஹா அபி⁴ஞ்ஞெய்யா; ரஸதண்ஹா அபி⁴ஞ்ஞெய்யா; பொ²ட்ட²ப்³ப³தண்ஹா அபி⁴ஞ்ஞெய்யா; த⁴ம்மதண்ஹா அபி⁴ஞ்ஞெய்யா. ரூபவிதக்கோ அபி⁴ஞ்ஞெய்யோ; ஸத்³த³விதக்கோ அபி⁴ஞ்ஞெய்யோ; க³ந்த⁴விதக்கோ அபி⁴ஞ்ஞெய்யோ; ரஸவிதக்கோ அபி⁴ஞ்ஞெய்யோ; பொ²ட்ட²ப்³ப³விதக்கோ அபி⁴ஞ்ஞெய்யோ; த⁴ம்மவிதக்கோ அபி⁴ஞ்ஞெய்யோ. ரூபவிசாரோ அபி⁴ஞ்ஞெய்யோ; ஸத்³த³விசாரோ அபி⁴ஞ்ஞெய்யோ ; க³ந்த⁴விசாரோ அபி⁴ஞ்ஞெய்யோ; ரஸவிசாரோ அபி⁴ஞ்ஞெய்யோ; பொ²ட்ட²ப்³ப³விசாரோ அபி⁴ஞ்ஞெய்யோ; த⁴ம்மவிசாரோ அபி⁴ஞ்ஞெய்யோ.

Cakkhu abhiññeyyaṃ; sotaṃ abhiññeyyaṃ; ghānaṃ abhiññeyyaṃ; jivhā abhiññeyyā; kāyo abhiññeyyo; mano abhiññeyyo. Rūpā abhiññeyyā; saddā abhiññeyyā; gandhā abhiññeyyā; rasā abhiññeyyā; phoṭṭhabbā abhiññeyyā; dhammā abhiññeyyā. Cakkhuvttññāṇaṃ abhiññeyyaṃ; sotaviññāṇaṃ abhiññeyyaṃ; ghānaviññāṇaṃ abhiññeyyaṃ; jivhāviññāṇaṃ abhiññeyyaṃ; kāyaviññāṇaṃ abhiññeyyaṃ; manoviññāṇaṃ abhiññeyyaṃ. Cakkhusamphasso abhiññeyyo ; sotasamphasso abhiññeyyo; ghānasamphasso abhiññeyyo; jivhāsamphasso abhiññeyyo; kāyasamphasso abhiññeyyo; manosamphasso abhiññeyyo; cakkhusamphassajā vedanā abhiññeyyā; sotasamphassajā vedanā abhiññeyyā; ghānasamphassajā vedanā abhiññeyyā ; jivhāsamphassajā vedanā abhiññeyyā; kāyasamphassajā vedanā abhiññeyyā; manosamphassajā vedanā abhiññeyyā. Rūpasaññā abhiññeyyā; saddasaññā abhiññeyyā; gandhasaññā abhiññeyyā ; rasasaññā abhiññeyyā; phoṭṭhabbasaññā abhiññeyyā; dhammasaññā abhiññeyyā. Rūpasañcetanā abhiññeyyā; saddasañcetanā abhiññeyyā; gandhasañcetanā abhiññeyyā; rasasañcetanā abhiññeyyā; phoṭṭhabbasañcetanā abhiññeyyā; dhammasañcetanā abhiññeyyā. Rūpataṇhā abhiññeyyā; saddataṇhā abhiññeyyā; gandhataṇhā abhiññeyyā; rasataṇhā abhiññeyyā; phoṭṭhabbataṇhā abhiññeyyā; dhammataṇhā abhiññeyyā. Rūpavitakko abhiññeyyo; saddavitakko abhiññeyyo; gandhavitakko abhiññeyyo; rasavitakko abhiññeyyo; phoṭṭhabbavitakko abhiññeyyo; dhammavitakko abhiññeyyo. Rūpavicāro abhiññeyyo; saddavicāro abhiññeyyo ; gandhavicāro abhiññeyyo; rasavicāro abhiññeyyo; phoṭṭhabbavicāro abhiññeyyo; dhammavicāro abhiññeyyo.

4. பத²வீதா⁴து அபி⁴ஞ்ஞெய்யா; ஆபோதா⁴து அபி⁴ஞ்ஞெய்யா; தேஜோதா⁴து அபி⁴ஞ்ஞெய்யா; வாயோதா⁴து அபி⁴ஞ்ஞெய்யா; ஆகாஸதா⁴து அபி⁴ஞ்ஞெய்யா; விஞ்ஞாணதா⁴து அபி⁴ஞ்ஞெய்யா.

4. Pathavīdhātu abhiññeyyā; āpodhātu abhiññeyyā; tejodhātu abhiññeyyā; vāyodhātu abhiññeyyā; ākāsadhātu abhiññeyyā; viññāṇadhātu abhiññeyyā.

பத²வீகஸிணங் அபி⁴ஞ்ஞெய்யங்; ஆபோகஸிணங் அபி⁴ஞ்ஞெய்யங்; தேஜோகஸிணங் அபி⁴ஞ்ஞெய்யங்; வாயோகஸிணங் அபி⁴ஞ்ஞெய்யங்; நீலகஸிணங் அபி⁴ஞ்ஞெய்யங்; பீதகஸிணங் அபி⁴ஞ்ஞெய்யங்; லோஹிதகஸிணங் அபி⁴ஞ்ஞெய்யங்; ஓதா³தகஸிணங் அபி⁴ஞ்ஞெய்யங்; ஆகாஸகஸிணங் அபி⁴ஞ்ஞெய்யங்; விஞ்ஞாணகஸிணங் அபி⁴ஞ்ஞெய்யங்.

Pathavīkasiṇaṃ abhiññeyyaṃ; āpokasiṇaṃ abhiññeyyaṃ; tejokasiṇaṃ abhiññeyyaṃ; vāyokasiṇaṃ abhiññeyyaṃ; nīlakasiṇaṃ abhiññeyyaṃ; pītakasiṇaṃ abhiññeyyaṃ; lohitakasiṇaṃ abhiññeyyaṃ; odātakasiṇaṃ abhiññeyyaṃ; ākāsakasiṇaṃ abhiññeyyaṃ; viññāṇakasiṇaṃ abhiññeyyaṃ.

கேஸா அபி⁴ஞ்ஞெய்யா; லோமா அபி⁴ஞ்ஞெய்யா; நகா² அபி⁴ஞ்ஞெய்யா; த³ந்தா அபி⁴ஞ்ஞெய்யா; தசோ அபி⁴ஞ்ஞெய்யோ, மங்ஸங் அபி⁴ஞ்ஞெய்யங்; ந்ஹாரூ ⁹ அபி⁴ஞ்ஞெய்யா; அட்டீ² அபி⁴ஞ்ஞெய்யா; அட்டி²மிஞ்ஜா அபி⁴ஞ்ஞெய்யா ¹⁰; வக்கங் அபி⁴ஞ்ஞெய்யங்; ஹத³யங் அபி⁴ஞ்ஞெய்யங்; யகனங் அபி⁴ஞ்ஞெய்யங்; கிலோமகங் அபி⁴ஞ்ஞெய்யங்; பிஹகங் அபி⁴ஞ்ஞெய்யங்; பப்பா²ஸங் அபி⁴ஞ்ஞெய்யங்; அந்தங் அபி⁴ஞ்ஞெய்யங் அந்தகு³ணங் அபி⁴ஞ்ஞெய்யங்; உத³ரியங் அபி⁴ஞ்ஞெய்யங்; கரீஸங் அபி⁴ஞ்ஞெய்யங்; பித்தங் அபி⁴ஞ்ஞெய்யங்; ஸெம்ஹங் அபி⁴ஞ்ஞெய்யங்; புப்³போ³ அபி⁴ஞ்ஞெய்யோ; லோஹிதங் அபி⁴ஞ்ஞெய்யங்; ஸேதோ³ அபி⁴ஞ்ஞெய்யோ; மேதோ³ அபி⁴ஞ்ஞெய்யோ; அஸ்ஸு அபி⁴ஞ்ஞெய்யங்; வஸா அபி⁴ஞ்ஞெய்யா; கே²ளோ அபி⁴ஞ்ஞெய்யோ; ஸிங்கா⁴ணிகா அபி⁴ஞ்ஞெய்யா; லஸிகா அபி⁴ஞ்ஞெய்யா; முத்தங் அபி⁴ஞ்ஞெய்யங்; மத்த²லுங்க³ங் அபி⁴ஞ்ஞெய்யங்.

Kesā abhiññeyyā; lomā abhiññeyyā; nakhā abhiññeyyā; dantā abhiññeyyā; taco abhiññeyyo, maṃsaṃ abhiññeyyaṃ; nhārū ¹¹ abhiññeyyā; aṭṭhī abhiññeyyā; aṭṭhimiñjā abhiññeyyā ¹²; vakkaṃ abhiññeyyaṃ; hadayaṃ abhiññeyyaṃ; yakanaṃ abhiññeyyaṃ; kilomakaṃ abhiññeyyaṃ; pihakaṃ abhiññeyyaṃ; papphāsaṃ abhiññeyyaṃ; antaṃ abhiññeyyaṃ antaguṇaṃ abhiññeyyaṃ; udariyaṃ abhiññeyyaṃ; karīsaṃ abhiññeyyaṃ; pittaṃ abhiññeyyaṃ; semhaṃ abhiññeyyaṃ; pubbo abhiññeyyo; lohitaṃ abhiññeyyaṃ; sedo abhiññeyyo; medo abhiññeyyo; assu abhiññeyyaṃ; vasā abhiññeyyā; kheḷo abhiññeyyo; siṅghāṇikā abhiññeyyā; lasikā abhiññeyyā; muttaṃ abhiññeyyaṃ; matthaluṅgaṃ abhiññeyyaṃ.

சக்கா²யதனங் அபி⁴ஞ்ஞெய்யங்; ரூபாயதனங் அபி⁴ஞ்ஞெய்யங். ஸோதாயதனங் அபி⁴ஞ்ஞெய்யங்; ஸத்³தா³யதனங் அபி⁴ஞ்ஞெய்யங் . கா⁴னாயதனங் அபி⁴ஞ்ஞெய்யங்; க³ந்தா⁴யதனங் அபி⁴ஞ்ஞெய்யங். ஜிவ்ஹாயதனங் அபி⁴ஞ்ஞெய்யங்; ரஸாயதனங் அபி⁴ஞ்ஞெய்யங். காயாயதனங் அபி⁴ஞ்ஞெய்யங்; பொ²ட்ட²ப்³பா³யதனங் அபி⁴ஞ்ஞெய்யங். மனாயதனங் அபி⁴ஞ்ஞெய்யங்; த⁴ம்மாயதனங் அபி⁴ஞ்ஞெய்யங்.

Cakkhāyatanaṃ abhiññeyyaṃ; rūpāyatanaṃ abhiññeyyaṃ. Sotāyatanaṃ abhiññeyyaṃ; saddāyatanaṃ abhiññeyyaṃ . Ghānāyatanaṃ abhiññeyyaṃ; gandhāyatanaṃ abhiññeyyaṃ. Jivhāyatanaṃ abhiññeyyaṃ; rasāyatanaṃ abhiññeyyaṃ. Kāyāyatanaṃ abhiññeyyaṃ; phoṭṭhabbāyatanaṃ abhiññeyyaṃ. Manāyatanaṃ abhiññeyyaṃ; dhammāyatanaṃ abhiññeyyaṃ.

சக்கு²தா⁴து அபி⁴ஞ்ஞெய்யா; ரூபதா⁴து அபி⁴ஞ்ஞெய்யா; சக்கு²விஞ்ஞாணதா⁴து அபி⁴ஞ்ஞெய்யா. ஸோததா⁴து அபி⁴ஞ்ஞெய்யா; ஸத்³த³தா⁴து அபி⁴ஞ்ஞெய்யா; ஸோதவிஞ்ஞாணதா⁴து அபி⁴ஞ்ஞெய்யா. கா⁴னதா⁴து அபி⁴ஞ்ஞெய்யா; க³ந்த⁴தா⁴து அபி⁴ஞ்ஞெய்யா; கா⁴னவிஞ்ஞாணதா⁴து அபி⁴ஞ்ஞெய்யா. ஜிவ்ஹாதா⁴து அபி⁴ஞ்ஞெய்யா ; ரஸதா⁴து அபி⁴ஞ்ஞெய்யா; ஜிவ்ஹாவிஞ்ஞாணதா⁴து அபி⁴ஞ்ஞெய்யா. காயதா⁴து அபி⁴ஞ்ஞெய்யா; பொ²ட்ட²ப்³ப³தா⁴து அபி⁴ஞ்ஞெய்யா; காயவிஞ்ஞாணதா⁴து அபி⁴ஞ்ஞெய்யா. மனோதா⁴து அபி⁴ஞ்ஞெய்யா; த⁴ம்மதா⁴து அபி⁴ஞ்ஞெய்யா; மனோவிஞ்ஞாணதா⁴து அபி⁴ஞ்ஞெய்யா.

Cakkhudhātu abhiññeyyā; rūpadhātu abhiññeyyā; cakkhuviññāṇadhātu abhiññeyyā. Sotadhātu abhiññeyyā; saddadhātu abhiññeyyā; sotaviññāṇadhātu abhiññeyyā. Ghānadhātu abhiññeyyā; gandhadhātu abhiññeyyā; ghānaviññāṇadhātu abhiññeyyā. Jivhādhātu abhiññeyyā ; rasadhātu abhiññeyyā; jivhāviññāṇadhātu abhiññeyyā. Kāyadhātu abhiññeyyā; phoṭṭhabbadhātu abhiññeyyā; kāyaviññāṇadhātu abhiññeyyā. Manodhātu abhiññeyyā; dhammadhātu abhiññeyyā; manoviññāṇadhātu abhiññeyyā.

சக்கு²ந்த்³ரியங் அபி⁴ஞ்ஞெய்யங்; ஸோதிந்த்³ரியங் அபி⁴ஞ்ஞெய்யங்; கா⁴னிந்த்³ரியங் அபி⁴ஞ்ஞெய்யங்; ஜிவ்ஹிந்த்³ரியங் அபி⁴ஞ்ஞெய்யங்; காயிந்த்³ரியங் அபி⁴ஞ்ஞெய்யங்; மனிந்த்³ரியங் அபி⁴ஞ்ஞெய்யங்; ஜீவிதிந்த்³ரியங் அபி⁴ஞ்ஞெய்யங்; இத்தி²ந்த்³ரியங் அபி⁴ஞ்ஞெய்யங்; புரிஸிந்த்³ரியங் அபி⁴ஞ்ஞெய்யங்; ஸுகி²ந்த்³ரியங் அபி⁴ஞ்ஞெய்யங்; து³க்கி²ந்த்³ரியங் அபி⁴ஞ்ஞெய்யங்; ஸோமனஸ்ஸிந்த்³ரியங் அபி⁴ஞ்ஞெய்யங்; தோ³மனஸ்ஸிந்த்³ரியங் அபி⁴ஞ்ஞெய்யங்; உபெக்கி²ந்த்³ரியங் அபி⁴ஞ்ஞெய்யங்; ஸத்³தி⁴ந்த்³ரியங் அபி⁴ஞ்ஞெய்யங்; வீரியிந்த்³ரியங் ¹³ அபி⁴ஞ்ஞெய்யங்; ஸதிந்த்³ரியங் அபி⁴ஞ்ஞெய்யங்; ஸமாதி⁴ந்த்³ரியங் அபி⁴ஞ்ஞெய்யங்; பஞ்ஞிந்த்³ரியங் அபி⁴ஞ்ஞெய்யங்; அனஞ்ஞாதஞ்ஞஸ்ஸாமீதிந்த்³ரியங் அபி⁴ஞ்ஞெய்யங்; அஞ்ஞிந்த்³ரியங் அபி⁴ஞ்ஞெய்யங்; அஞ்ஞாதாவிந்த்³ரியங் அபி⁴ஞ்ஞெய்யங்.

Cakkhundriyaṃ abhiññeyyaṃ; sotindriyaṃ abhiññeyyaṃ; ghānindriyaṃ abhiññeyyaṃ; jivhindriyaṃ abhiññeyyaṃ; kāyindriyaṃ abhiññeyyaṃ; manindriyaṃ abhiññeyyaṃ; jīvitindriyaṃ abhiññeyyaṃ; itthindriyaṃ abhiññeyyaṃ; purisindriyaṃ abhiññeyyaṃ; sukhindriyaṃ abhiññeyyaṃ; dukkhindriyaṃ abhiññeyyaṃ; somanassindriyaṃ abhiññeyyaṃ; domanassindriyaṃ abhiññeyyaṃ; upekkhindriyaṃ abhiññeyyaṃ; saddhindriyaṃ abhiññeyyaṃ; vīriyindriyaṃ ¹⁴ abhiññeyyaṃ; satindriyaṃ abhiññeyyaṃ; samādhindriyaṃ abhiññeyyaṃ; paññindriyaṃ abhiññeyyaṃ; anaññātaññassāmītindriyaṃ abhiññeyyaṃ; aññindriyaṃ abhiññeyyaṃ; aññātāvindriyaṃ abhiññeyyaṃ.

5. காமதா⁴து அபி⁴ஞ்ஞெய்யா; ரூபதா⁴து அபி⁴ஞ்ஞெய்யா; அரூபதா⁴து அபி⁴ஞ்ஞெய்யா. காமப⁴வோ அபி⁴ஞ்ஞெய்யோ; ரூபப⁴வோ அபி⁴ஞ்ஞெய்யோ ; அரூபப⁴வோ அபி⁴ஞ்ஞெய்யோ. ஸஞ்ஞாப⁴வோ அபி⁴ஞ்ஞெய்யோ; அஸஞ்ஞாப⁴வோ அபி⁴ஞ்ஞெய்யோ; நேவஸஞ்ஞானாஸஞ்ஞாப⁴வோ அபி⁴ஞ்ஞெய்யோ. ஏகவோகாரப⁴வோ அபி⁴ஞ்ஞெய்யோ; சதுவோகாரப⁴வோ அபி⁴ஞ்ஞெய்யோ; பஞ்சவோகாரப⁴வோ அபி⁴ஞ்ஞெய்யோ.

5. Kāmadhātu abhiññeyyā; rūpadhātu abhiññeyyā; arūpadhātu abhiññeyyā. Kāmabhavo abhiññeyyo; rūpabhavo abhiññeyyo ; arūpabhavo abhiññeyyo. Saññābhavo abhiññeyyo; asaññābhavo abhiññeyyo; nevasaññānāsaññābhavo abhiññeyyo. Ekavokārabhavo abhiññeyyo; catuvokārabhavo abhiññeyyo; pañcavokārabhavo abhiññeyyo.

6. பட²மங் ஜா²னங் ¹⁵ அபி⁴ஞ்ஞெய்யங்; து³தியங் ஜா²னங் அபி⁴ஞ்ஞெய்யங்; ததியங் ஜா²னங் அபி⁴ஞ்ஞெய்யங்; சதுத்த²ங் ஜா²னங் அபி⁴ஞ்ஞெய்யங். மெத்தாசேதோவிமுத்தி அபி⁴ஞ்ஞெய்யா; கருணாசேதோவிமுத்தி அபி⁴ஞ்ஞெய்யா; முதி³தாசேதோவிமுத்தி அபி⁴ஞ்ஞெய்யா; உபெக்கா²சேதோவிமுத்தி அபி⁴ஞ்ஞெய்யா. ஆகாஸானஞ்சாயதனஸமாபத்தி அபி⁴ஞ்ஞெய்யா; விஞ்ஞாணஞ்சாயதனஸமாபத்தி அபி⁴ஞ்ஞெய்யா; ஆகிஞ்சஞ்ஞாயதனஸமாபத்தி அபி⁴ஞ்ஞெய்யா; நேவஸஞ்ஞானாஸஞ்ஞாயதனஸமாபத்தி அபி⁴ஞ்ஞெய்யா.

6. Paṭhamaṃ jhānaṃ ¹⁶ abhiññeyyaṃ; dutiyaṃ jhānaṃ abhiññeyyaṃ; tatiyaṃ jhānaṃ abhiññeyyaṃ; catutthaṃ jhānaṃ abhiññeyyaṃ. Mettācetovimutti abhiññeyyā; karuṇācetovimutti abhiññeyyā; muditācetovimutti abhiññeyyā; upekkhācetovimutti abhiññeyyā. Ākāsānañcāyatanasamāpatti abhiññeyyā; viññāṇañcāyatanasamāpatti abhiññeyyā; ākiñcaññāyatanasamāpatti abhiññeyyā; nevasaññānāsaññāyatanasamāpatti abhiññeyyā.

அவிஜ்ஜா அபி⁴ஞ்ஞெய்யா; ஸங்கா²ரா அபி⁴ஞ்ஞெய்யா; விஞ்ஞாணங் அபி⁴ஞ்ஞெய்யங்; நாமரூபங் அபி⁴ஞ்ஞெய்யங்; ஸளாயதனங் அபி⁴ஞ்ஞெய்யங்; ப²ஸ்ஸோ அபி⁴ஞ்ஞெய்யோ; வேத³னா அபி⁴ஞ்ஞெய்யா; தண்ஹா அபி⁴ஞ்ஞெய்யா; உபாதா³னங் அபி⁴ஞ்ஞெய்யங்; ப⁴வோ அபி⁴ஞ்ஞெய்யோ; ஜாதி அபி⁴ஞ்ஞெய்யா; ஜராமரணங் அபி⁴ஞ்ஞெய்யங்.

Avijjā abhiññeyyā; saṅkhārā abhiññeyyā; viññāṇaṃ abhiññeyyaṃ; nāmarūpaṃ abhiññeyyaṃ; saḷāyatanaṃ abhiññeyyaṃ; phasso abhiññeyyo; vedanā abhiññeyyā; taṇhā abhiññeyyā; upādānaṃ abhiññeyyaṃ; bhavo abhiññeyyo; jāti abhiññeyyā; jarāmaraṇaṃ abhiññeyyaṃ.

7. து³க்க²ங் அபி⁴ஞ்ஞெய்யங்; து³க்க²ஸமுத³யோ அபி⁴ஞ்ஞெய்யோ; து³க்க²னிரோதோ⁴ அபி⁴ஞ்ஞெய்யோ; து³க்க²னிரோத⁴கா³மினீ படிபதா³ அபி⁴ஞ்ஞெய்யா. ரூபங் அபி⁴ஞ்ஞெய்யங்; ரூபஸமுத³யோ அபி⁴ஞ்ஞெய்யோ; ரூபனிரோதோ⁴ அபி⁴ஞ்ஞெய்யோ; ரூபனிரோத⁴கா³மினீ படிபதா³ அபி⁴ஞ்ஞெய்யா. வேத³னா அபி⁴ஞ்ஞெய்யா…பே॰… ஸஞ்ஞா அபி⁴ஞ்ஞெய்யா…பே॰… ஸங்கா²ரா அபி⁴ஞ்ஞெய்யா…பே॰… விஞ்ஞாணங் அபி⁴ஞ்ஞெய்யங். சக்கு² அபி⁴ஞ்ஞெய்யங்…பே॰… ஜராமரணங் அபி⁴ஞ்ஞெய்யங்; ஜராமரணஸமுத³யோ அபி⁴ஞ்ஞெய்யோ; ஜராமரணனிரோதோ⁴ அபி⁴ஞ்ஞெய்யோ; ஜராமரணனிரோத⁴கா³மினீ படிபதா³ அபி⁴ஞ்ஞெய்யா.

7. Dukkhaṃ abhiññeyyaṃ; dukkhasamudayo abhiññeyyo; dukkhanirodho abhiññeyyo; dukkhanirodhagāminī paṭipadā abhiññeyyā. Rūpaṃ abhiññeyyaṃ; rūpasamudayo abhiññeyyo; rūpanirodho abhiññeyyo; rūpanirodhagāminī paṭipadā abhiññeyyā. Vedanā abhiññeyyā…pe… saññā abhiññeyyā…pe… saṅkhārā abhiññeyyā…pe… viññāṇaṃ abhiññeyyaṃ. Cakkhu abhiññeyyaṃ…pe… jarāmaraṇaṃ abhiññeyyaṃ; jarāmaraṇasamudayo abhiññeyyo; jarāmaraṇanirodho abhiññeyyo; jarāmaraṇanirodhagāminī paṭipadā abhiññeyyā.

து³க்க²ஸ்ஸ பரிஞ்ஞட்டோ² அபி⁴ஞ்ஞெய்யோ; து³க்க²ஸமுத³யஸ்ஸ பஹானட்டோ² அபி⁴ஞ்ஞெய்யோ; து³க்க²னிரோத⁴ஸ்ஸ ஸச்சி²கிரியட்டோ² அபி⁴ஞ்ஞெய்யோ; து³க்க²னிரோத⁴கா³மினியா படிபதா³ய பா⁴வனட்டோ² அபி⁴ஞ்ஞெய்யோ. ரூபஸ்ஸ பரிஞ்ஞட்டோ² அபி⁴ஞ்ஞெய்யோ; ரூபஸமுத³யஸ்ஸ பஹானட்டோ² அபி⁴ஞ்ஞெய்யோ; ரூபனிரோத⁴ஸ்ஸ ஸச்சி²கிரியட்டோ² அபி⁴ஞ்ஞெய்யோ; ரூபனிரோத⁴கா³மினியா படிபதா³ய பா⁴வனட்டோ² அபி⁴ஞ்ஞெய்யோ. வேத³னாய…பே॰… ஸஞ்ஞாய… ஸங்கா²ரானங்… விஞ்ஞாணஸ்ஸ… சக்கு²ஸ்ஸ…பே॰… ஜராமரணஸ்ஸ பரிஞ்ஞட்டோ² அபி⁴ஞ்ஞெய்யோ; ஜராமரணஸமுத³யஸ்ஸ பஹானட்டோ² அபி⁴ஞ்ஞெய்யோ; ஜராமரணனிரோத⁴ஸ்ஸ ஸச்சி²கிரியட்டோ² அபி⁴ஞ்ஞெய்யோ; ஜராமரணனிரோத⁴கா³மினியா படிபதா³ய பா⁴வனட்டோ² அபி⁴ஞ்ஞெய்யோ.

Dukkhassa pariññaṭṭho abhiññeyyo; dukkhasamudayassa pahānaṭṭho abhiññeyyo; dukkhanirodhassa sacchikiriyaṭṭho abhiññeyyo; dukkhanirodhagāminiyā paṭipadāya bhāvanaṭṭho abhiññeyyo. Rūpassa pariññaṭṭho abhiññeyyo; rūpasamudayassa pahānaṭṭho abhiññeyyo; rūpanirodhassa sacchikiriyaṭṭho abhiññeyyo; rūpanirodhagāminiyā paṭipadāya bhāvanaṭṭho abhiññeyyo. Vedanāya…pe… saññāya… saṅkhārānaṃ… viññāṇassa… cakkhussa…pe… jarāmaraṇassa pariññaṭṭho abhiññeyyo; jarāmaraṇasamudayassa pahānaṭṭho abhiññeyyo; jarāmaraṇanirodhassa sacchikiriyaṭṭho abhiññeyyo; jarāmaraṇanirodhagāminiyā paṭipadāya bhāvanaṭṭho abhiññeyyo.

து³க்க²ஸ்ஸ பரிஞ்ஞாபடிவேத⁴ட்டோ² அபி⁴ஞ்ஞெய்யோ; து³க்க²ஸமுத³யஸ்ஸ பஹானபடிவேத⁴ட்டோ² அபி⁴ஞ்ஞெய்யோ; து³க்க²னிரோத⁴ஸ்ஸ ஸச்சி²கிரியாபடிவேத⁴ட்டோ² அபி⁴ஞ்ஞெய்யோ; து³க்க²னிரோத⁴கா³மினியா படிபதா³ய பா⁴வனாபடிவேத⁴ட்டோ² அபி⁴ஞ்ஞெய்யோ. ரூபஸ்ஸ பரிஞ்ஞாபடிவேத⁴ட்டோ² அபி⁴ஞ்ஞெய்யோ; ரூபஸமுத³யஸ்ஸ பஹானபடிவேத⁴ட்டோ² அபி⁴ஞ்ஞெய்யோ; ரூபனிரோத⁴ஸ்ஸ ஸச்சி²கிரியாபடிவேத⁴ட்டோ² அபி⁴ஞ்ஞெய்யோ; ரூபனிரோத⁴கா³மினியா படிபதா³ய பா⁴வனாபடிவேத⁴ட்டோ² அபி⁴ஞ்ஞெய்யோ. வேத³னாய…பே॰… ஸஞ்ஞாய… ஸங்கா²ரானங்… விஞ்ஞாணஸ்ஸ… சக்கு²ஸ்ஸ…பே॰… ஜராமரணஸ்ஸ பரிஞ்ஞாபடிவேத⁴ட்டோ² அபி⁴ஞ்ஞெய்யோ; ஜராமரணஸமுத³யஸ்ஸ பஹானபடிவேத⁴ட்டோ² அபி⁴ஞ்ஞெய்யோ; ஜராமரணனிரோத⁴ஸ்ஸ ஸச்சி²கிரியாபடிவேத⁴ட்டோ² அபி⁴ஞ்ஞெய்யோ; ஜராமரணனிரோத⁴கா³மினியா படிபதா³ய பா⁴வனாபடிவேத⁴ட்டோ² அபி⁴ஞ்ஞெய்யோ.

Dukkhassa pariññāpaṭivedhaṭṭho abhiññeyyo; dukkhasamudayassa pahānapaṭivedhaṭṭho abhiññeyyo; dukkhanirodhassa sacchikiriyāpaṭivedhaṭṭho abhiññeyyo; dukkhanirodhagāminiyā paṭipadāya bhāvanāpaṭivedhaṭṭho abhiññeyyo. Rūpassa pariññāpaṭivedhaṭṭho abhiññeyyo; rūpasamudayassa pahānapaṭivedhaṭṭho abhiññeyyo; rūpanirodhassa sacchikiriyāpaṭivedhaṭṭho abhiññeyyo; rūpanirodhagāminiyā paṭipadāya bhāvanāpaṭivedhaṭṭho abhiññeyyo. Vedanāya…pe… saññāya… saṅkhārānaṃ… viññāṇassa… cakkhussa…pe… jarāmaraṇassa pariññāpaṭivedhaṭṭho abhiññeyyo; jarāmaraṇasamudayassa pahānapaṭivedhaṭṭho abhiññeyyo; jarāmaraṇanirodhassa sacchikiriyāpaṭivedhaṭṭho abhiññeyyo; jarāmaraṇanirodhagāminiyā paṭipadāya bhāvanāpaṭivedhaṭṭho abhiññeyyo.

8. து³க்க²ங் அபி⁴ஞ்ஞெய்யங்; து³க்க²ஸமுத³யோ அபி⁴ஞ்ஞெய்யோ; து³க்க²னிரோதோ⁴ அபி⁴ஞ்ஞெய்யோ; து³க்க²ஸ்ஸ ஸமுத³யனிரோதோ⁴ அபி⁴ஞ்ஞெய்யோ; து³க்க²ஸ்ஸ ச²ந்த³ராக³னிரோதோ⁴ அபி⁴ஞ்ஞெய்யோ; து³க்க²ஸ்ஸ அஸ்ஸாதோ³ அபி⁴ஞ்ஞெய்யோ; து³க்க²ஸ்ஸ ஆதீ³னவோ அபி⁴ஞ்ஞெய்யோ; து³க்க²ஸ்ஸ நிஸ்ஸரணங் அபி⁴ஞ்ஞெய்யங். ரூபங் அபி⁴ஞ்ஞெய்யங்; ரூபஸமுத³யோ அபி⁴ஞ்ஞெய்யோ; ரூபனிரோதோ⁴ அபி⁴ஞ்ஞெய்யோ; ரூபஸ்ஸ ஸமுத³யனிரோதோ⁴ அபி⁴ஞ்ஞெய்யோ; ரூபஸ்ஸ ச²ந்த³ராக³னிரோதோ⁴ அபி⁴ஞ்ஞெய்யோ; ரூபஸ்ஸ அஸ்ஸாதோ³ அபி⁴ஞ்ஞெய்யோ; ரூபஸ்ஸ ஆதீ³னவோ அபி⁴ஞ்ஞெய்யோ; ரூபஸ்ஸ நிஸ்ஸரணங் அபி⁴ஞ்ஞெய்யங். வேத³னா அபி⁴ஞ்ஞெய்யா…பே॰… ஸஞ்ஞா அபி⁴ஞ்ஞெய்யா… ஸங்கா²ரா அபி⁴ஞ்ஞெய்யா… விஞ்ஞாணங் அபி⁴ஞ்ஞெய்யங்… சக்கு² அபி⁴ஞ்ஞெய்யங்…பே॰… ஜராமரணங் அபி⁴ஞ்ஞெய்யங்; ஜராமரணஸமுத³யோ அபி⁴ஞ்ஞெய்யோ; ஜராமரணனிரோதோ⁴ அபி⁴ஞ்ஞெய்யோ; ஜராமரணஸ்ஸ ஸமுத³யனிரோதோ⁴ அபி⁴ஞ்ஞெய்யோ; ஜராமரணஸ்ஸ ச²ந்த³ராக³னிரோதோ⁴ அபி⁴ஞ்ஞெய்யோ; ஜராமரணஸ்ஸ அஸ்ஸாதோ³ அபி⁴ஞ்ஞெய்யோ; ஜராமரணஸ்ஸ ஆதீ³னவோ அபி⁴ஞ்ஞெய்யோ; ஜராமரணஸ்ஸ நிஸ்ஸரணங் அபி⁴ஞ்ஞெய்யங்.

8. Dukkhaṃ abhiññeyyaṃ; dukkhasamudayo abhiññeyyo; dukkhanirodho abhiññeyyo; dukkhassa samudayanirodho abhiññeyyo; dukkhassa chandarāganirodho abhiññeyyo; dukkhassa assādo abhiññeyyo; dukkhassa ādīnavo abhiññeyyo; dukkhassa nissaraṇaṃ abhiññeyyaṃ. Rūpaṃ abhiññeyyaṃ; rūpasamudayo abhiññeyyo; rūpanirodho abhiññeyyo; rūpassa samudayanirodho abhiññeyyo; rūpassa chandarāganirodho abhiññeyyo; rūpassa assādo abhiññeyyo; rūpassa ādīnavo abhiññeyyo; rūpassa nissaraṇaṃ abhiññeyyaṃ. Vedanā abhiññeyyā…pe… saññā abhiññeyyā… saṅkhārā abhiññeyyā… viññāṇaṃ abhiññeyyaṃ… cakkhu abhiññeyyaṃ…pe… jarāmaraṇaṃ abhiññeyyaṃ; jarāmaraṇasamudayo abhiññeyyo; jarāmaraṇanirodho abhiññeyyo; jarāmaraṇassa samudayanirodho abhiññeyyo; jarāmaraṇassa chandarāganirodho abhiññeyyo; jarāmaraṇassa assādo abhiññeyyo; jarāmaraṇassa ādīnavo abhiññeyyo; jarāmaraṇassa nissaraṇaṃ abhiññeyyaṃ.

து³க்க²ங் அபி⁴ஞ்ஞெய்யங்; து³க்க²ஸமுத³யோ அபி⁴ஞ்ஞெய்யோ ; து³க்க²னிரோதோ⁴ அபி⁴ஞ்ஞெய்யோ; து³க்க²னிரோத⁴கா³மினீ படிபதா³ அபி⁴ஞ்ஞெய்யா; து³க்க²ஸ்ஸ அஸ்ஸாதோ³ அபி⁴ஞ்ஞெய்யோ; து³க்க²ஸ்ஸ ஆதீ³னவோ அபி⁴ஞ்ஞெய்யோ; து³க்க²ஸ்ஸ நிஸ்ஸரணங் அபி⁴ஞ்ஞெய்யங். ரூபங் அபி⁴ஞ்ஞெய்யங்; ரூபஸமுத³யோ அபி⁴ஞ்ஞெய்யோ; ரூபனிரோதோ⁴ அபி⁴ஞ்ஞெய்யோ; ரூபனிரோத⁴கா³மினீ படிபதா³ அபி⁴ஞ்ஞெய்யா; ரூபஸ்ஸ அஸ்ஸாதோ³ அபி⁴ஞ்ஞெய்யோ; ரூபஸ்ஸ ஆதீ³னவோ அபி⁴ஞ்ஞெய்யோ; ரூபஸ்ஸ நிஸ்ஸரணங் அபி⁴ஞ்ஞெய்யங். வேத³னா அபி⁴ஞ்ஞெய்யா…பே॰… ஸஞ்ஞா அபி⁴ஞ்ஞெய்யா… ஸங்கா²ரா அபி⁴ஞ்ஞெய்யா… விஞ்ஞாணங் அபி⁴ஞ்ஞெய்யங்… சக்கு² அபி⁴ஞ்ஞெய்யங்…பே॰… ஜராமரணங் அபி⁴ஞ்ஞெய்யங்; ஜராமரணஸமுத³யோ அபி⁴ஞ்ஞெய்யோ; ஜராமரணனிரோதோ⁴ அபி⁴ஞ்ஞெய்யோ; ஜராமரணனிரோத⁴கா³மினீ படிபதா³ அபி⁴ஞ்ஞெய்யா; ஜராமரணஸ்ஸ அஸ்ஸாதோ³ அபி⁴ஞ்ஞெய்யோ; ஜராமரணஸ்ஸ ஆதீ³னவோ அபி⁴ஞ்ஞெய்யோ; ஜராமரணஸ்ஸ நிஸ்ஸரணங் அபி⁴ஞ்ஞெய்யங்.

Dukkhaṃ abhiññeyyaṃ; dukkhasamudayo abhiññeyyo ; dukkhanirodho abhiññeyyo; dukkhanirodhagāminī paṭipadā abhiññeyyā; dukkhassa assādo abhiññeyyo; dukkhassa ādīnavo abhiññeyyo; dukkhassa nissaraṇaṃ abhiññeyyaṃ. Rūpaṃ abhiññeyyaṃ; rūpasamudayo abhiññeyyo; rūpanirodho abhiññeyyo; rūpanirodhagāminī paṭipadā abhiññeyyā; rūpassa assādo abhiññeyyo; rūpassa ādīnavo abhiññeyyo; rūpassa nissaraṇaṃ abhiññeyyaṃ. Vedanā abhiññeyyā…pe… saññā abhiññeyyā… saṅkhārā abhiññeyyā… viññāṇaṃ abhiññeyyaṃ… cakkhu abhiññeyyaṃ…pe… jarāmaraṇaṃ abhiññeyyaṃ; jarāmaraṇasamudayo abhiññeyyo; jarāmaraṇanirodho abhiññeyyo; jarāmaraṇanirodhagāminī paṭipadā abhiññeyyā; jarāmaraṇassa assādo abhiññeyyo; jarāmaraṇassa ādīnavo abhiññeyyo; jarāmaraṇassa nissaraṇaṃ abhiññeyyaṃ.

9. அனிச்சானுபஸ்ஸனா அபி⁴ஞ்ஞெய்யா; து³க்கா²னுபஸ்ஸனா அபி⁴ஞ்ஞெய்யா; அனத்தானுபஸ்ஸனா அபி⁴ஞ்ஞெய்யா; நிப்³பி³தா³னுபஸ்ஸனா அபி⁴ஞ்ஞெய்யா; விராகா³னுபஸ்ஸனா அபி⁴ஞ்ஞெய்யா; நிரோதா⁴னுபஸ்ஸனா அபி⁴ஞ்ஞெய்யா; படினிஸ்ஸக்³கா³னுபஸ்ஸனா அபி⁴ஞ்ஞெய்யா. ரூபே அனிச்சானுபஸ்ஸனா அபி⁴ஞ்ஞெய்யா; ரூபே து³க்கா²னுபஸ்ஸனா அபி⁴ஞ்ஞெய்யா; ரூபே அனத்தானுபஸ்ஸனா அபி⁴ஞ்ஞெய்யா; ரூபே நிப்³பி³தா³னுபஸ்ஸனா அபி⁴ஞ்ஞெய்யா; ரூபே விராகா³னுபஸ்ஸனா அபி⁴ஞ்ஞெய்யா; ரூபே நிரோதா⁴னுபஸ்ஸனா அபி⁴ஞ்ஞெய்யா; ரூபே படினிஸ்ஸக்³கா³னுபஸ்ஸனா அபி⁴ஞ்ஞெய்யா. வேத³னாய…பே॰… ஸஞ்ஞாய… ஸங்கா²ரேஸு… விஞ்ஞாணே… சக்கு²ஸ்மிங்…பே॰… ஜராமரணே அனிச்சானுபஸ்ஸனா அபி⁴ஞ்ஞெய்யா; ஜராமரணே து³க்கா²னுபஸ்ஸனா அபி⁴ஞ்ஞெய்யா; ஜராமரணே அனத்தானுபஸ்ஸனா அபி⁴ஞ்ஞெய்யா; ஜராமரணே நிப்³பி³தா³னுபஸ்ஸனா அபி⁴ஞ்ஞெய்யா; ஜராமரணே விராகா³னுபஸ்ஸனா அபி⁴ஞ்ஞெய்யா ; ஜராமரணே நிரோதா⁴னுபஸ்ஸனா அபி⁴ஞ்ஞெய்யா; ஜராமரணே படினிஸ்ஸக்³கா³னுபஸ்ஸனா அபி⁴ஞ்ஞெய்யா.

9. Aniccānupassanā abhiññeyyā; dukkhānupassanā abhiññeyyā; anattānupassanā abhiññeyyā; nibbidānupassanā abhiññeyyā; virāgānupassanā abhiññeyyā; nirodhānupassanā abhiññeyyā; paṭinissaggānupassanā abhiññeyyā. Rūpe aniccānupassanā abhiññeyyā; rūpe dukkhānupassanā abhiññeyyā; rūpe anattānupassanā abhiññeyyā; rūpe nibbidānupassanā abhiññeyyā; rūpe virāgānupassanā abhiññeyyā; rūpe nirodhānupassanā abhiññeyyā; rūpe paṭinissaggānupassanā abhiññeyyā. Vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā abhiññeyyā; jarāmaraṇe dukkhānupassanā abhiññeyyā; jarāmaraṇe anattānupassanā abhiññeyyā; jarāmaraṇe nibbidānupassanā abhiññeyyā; jarāmaraṇe virāgānupassanā abhiññeyyā ; jarāmaraṇe nirodhānupassanā abhiññeyyā; jarāmaraṇe paṭinissaggānupassanā abhiññeyyā.

10. உப்பாதோ³ அபி⁴ஞ்ஞெய்யோ; பவத்தங் அபி⁴ஞ்ஞெய்யங்; நிமித்தங் அபி⁴ஞ்ஞெய்யங்; ஆயூஹனா ¹⁷ அபி⁴ஞ்ஞெய்யா; படிஸந்தி⁴ அபி⁴ஞ்ஞெய்யா; க³தி அபி⁴ஞ்ஞெய்யா; நிப்³ப³த்தி அபி⁴ஞ்ஞெய்யா; உபபத்தி அபி⁴ஞ்ஞெய்யா; ஜாதி அபி⁴ஞ்ஞெய்யா; ஜரா அபி⁴ஞ்ஞெய்யா; ப்³யாதி⁴ அபி⁴ஞ்ஞெய்யோ , மரணங் அபி⁴ஞ்ஞெய்யங்; ஸோகோ அபி⁴ஞ்ஞெய்யோ; பரிதே³வோ அபி⁴ஞ்ஞெய்யோ; உபாயாஸோ அபி⁴ஞ்ஞெய்யோ.

10. Uppādo abhiññeyyo; pavattaṃ abhiññeyyaṃ; nimittaṃ abhiññeyyaṃ; āyūhanā ¹⁸ abhiññeyyā; paṭisandhi abhiññeyyā; gati abhiññeyyā; nibbatti abhiññeyyā; upapatti abhiññeyyā; jāti abhiññeyyā; jarā abhiññeyyā; byādhi abhiññeyyo , maraṇaṃ abhiññeyyaṃ; soko abhiññeyyo; paridevo abhiññeyyo; upāyāso abhiññeyyo.

அனுப்பாதோ³ அபி⁴ஞ்ஞெய்யோ; அப்பவத்தங் அபி⁴ஞ்ஞெய்யங்; அனிமித்தங் அபி⁴ஞ்ஞெய்யங்; அனாயூஹனா ¹⁹ அபி⁴ஞ்ஞெய்யா; அப்படிஸந்தி⁴ அபி⁴ஞ்ஞெய்யா; அக³தி அபி⁴ஞ்ஞெய்யா; அனிப்³ப³த்தி அபி⁴ஞ்ஞெய்யா; அனுபபத்தி அபி⁴ஞ்ஞெய்யா; அஜாதி அபி⁴ஞ்ஞெய்யா; அஜரா அபி⁴ஞ்ஞெய்யா; அப்³யாதி⁴ அபி⁴ஞ்ஞெய்யோ; அமதங் அபி⁴ஞ்ஞெய்யங்; அஸோகோ அபி⁴ஞ்ஞெய்யோ; அபரிதே³வோ அபி⁴ஞ்ஞெய்யோ; அனுபாயாஸோ அபி⁴ஞ்ஞெய்யோ.

Anuppādo abhiññeyyo; appavattaṃ abhiññeyyaṃ; animittaṃ abhiññeyyaṃ; anāyūhanā ²⁰ abhiññeyyā; appaṭisandhi abhiññeyyā; agati abhiññeyyā; anibbatti abhiññeyyā; anupapatti abhiññeyyā; ajāti abhiññeyyā; ajarā abhiññeyyā; abyādhi abhiññeyyo; amataṃ abhiññeyyaṃ; asoko abhiññeyyo; aparidevo abhiññeyyo; anupāyāso abhiññeyyo.

உப்பாதோ³ அபி⁴ஞ்ஞெய்யோ; அனுப்பாதோ³ அபி⁴ஞ்ஞெய்யோ; பவத்தங் அபி⁴ஞ்ஞெய்யங்; அப்பவத்தங் அபி⁴ஞ்ஞெய்யங். நிமித்தங் அபி⁴ஞ்ஞெய்யங்; அனிமித்தங் அபி⁴ஞ்ஞெய்யங். ஆயூஹனா அபி⁴ஞ்ஞெய்யா; அனாயூஹனா அபி⁴ஞ்ஞெய்யா. படிஸந்தி⁴ அபி⁴ஞ்ஞெய்யா; அப்படிஸந்தி⁴ அபி⁴ஞ்ஞெய்யா. க³தி அபி⁴ஞ்ஞெய்யா; அக³தி அபி⁴ஞ்ஞெய்யா. நிப்³ப³த்தி அபி⁴ஞ்ஞெய்யா; அனிப்³ப³த்தி அபி⁴ஞ்ஞெய்யா. உபபத்தி அபி⁴ஞ்ஞெய்யா; அனுபபத்தி அபி⁴ஞ்ஞெய்யா . ஜாதி அபி⁴ஞ்ஞெய்யா; அஜாதி அபி⁴ஞ்ஞெய்யா. ஜரா அபி⁴ஞ்ஞெய்யா; அஜரா அபி⁴ஞ்ஞெய்யா. ப்³யாதி⁴ அபி⁴ஞ்ஞெய்யோ; அப்³யாதி⁴ அபி⁴ஞ்ஞெய்யோ. மரணங் அபி⁴ஞ்ஞெய்யங்; அமதங் அபி⁴ஞ்ஞெய்யங். ஸோகோ அபி⁴ஞ்ஞெய்யோ; அஸோகோ அபி⁴ஞ்ஞெய்யோ. பரிதே³வோ அபி⁴ஞ்ஞெய்யோ; அபரிதே³வோ அபி⁴ஞ்ஞெய்யோ. உபாயாஸோ அபி⁴ஞ்ஞெய்யோ; அனுபாயாஸோ அபி⁴ஞ்ஞெய்யோ.

Uppādo abhiññeyyo; anuppādo abhiññeyyo; pavattaṃ abhiññeyyaṃ; appavattaṃ abhiññeyyaṃ. Nimittaṃ abhiññeyyaṃ; animittaṃ abhiññeyyaṃ. Āyūhanā abhiññeyyā; anāyūhanā abhiññeyyā. Paṭisandhi abhiññeyyā; appaṭisandhi abhiññeyyā. Gati abhiññeyyā; agati abhiññeyyā. Nibbatti abhiññeyyā; anibbatti abhiññeyyā. Upapatti abhiññeyyā; anupapatti abhiññeyyā . Jāti abhiññeyyā; ajāti abhiññeyyā. Jarā abhiññeyyā; ajarā abhiññeyyā. Byādhi abhiññeyyo; abyādhi abhiññeyyo. Maraṇaṃ abhiññeyyaṃ; amataṃ abhiññeyyaṃ. Soko abhiññeyyo; asoko abhiññeyyo. Paridevo abhiññeyyo; aparidevo abhiññeyyo. Upāyāso abhiññeyyo; anupāyāso abhiññeyyo.

உப்பாதோ³ து³க்க²ந்தி அபி⁴ஞ்ஞெய்யங். பவத்தங் து³க்க²ந்தி அபி⁴ஞ்ஞெய்யங். நிமித்தங் து³க்க²ந்தி அபி⁴ஞ்ஞெய்யங். ஆயூஹனா து³க்க²ந்தி அபி⁴ஞ்ஞெய்யங். படிஸந்தி⁴ து³க்க²ந்தி அபி⁴ஞ்ஞெய்யங். க³தி து³க்க²ந்தி அபி⁴ஞ்ஞெய்யங். நிப்³ப³த்தி து³க்க²ந்தி அபி⁴ஞ்ஞெய்யங். உபபத்தி து³க்க²ந்தி அபி⁴ஞ்ஞெய்யங். ஜாதி து³க்க²ந்தி அபி⁴ஞ்ஞெய்யங். ஜரா து³க்க²ந்தி அபி⁴ஞ்ஞெய்யங். ப்³யாதி⁴ து³க்க²ந்தி அபி⁴ஞ்ஞெய்யங். மரணங் து³க்க²ந்தி அபி⁴ஞ்ஞெய்யங். ஸோகோ து³க்க²ந்தி அபி⁴ஞ்ஞெய்யங். பரிதே³வோ து³க்க²ந்தி அபி⁴ஞ்ஞெய்யங். உபாயாஸோ து³க்க²ந்தி அபி⁴ஞ்ஞெய்யங்.

Uppādo dukkhanti abhiññeyyaṃ. Pavattaṃ dukkhanti abhiññeyyaṃ. Nimittaṃ dukkhanti abhiññeyyaṃ. Āyūhanā dukkhanti abhiññeyyaṃ. Paṭisandhi dukkhanti abhiññeyyaṃ. Gati dukkhanti abhiññeyyaṃ. Nibbatti dukkhanti abhiññeyyaṃ. Upapatti dukkhanti abhiññeyyaṃ. Jāti dukkhanti abhiññeyyaṃ. Jarā dukkhanti abhiññeyyaṃ. Byādhi dukkhanti abhiññeyyaṃ. Maraṇaṃ dukkhanti abhiññeyyaṃ. Soko dukkhanti abhiññeyyaṃ. Paridevo dukkhanti abhiññeyyaṃ. Upāyāso dukkhanti abhiññeyyaṃ.

அனுப்பாதோ³ ஸுக²ந்தி அபி⁴ஞ்ஞெய்யங். அப்பவத்தங் ஸுக²ந்தி அபி⁴ஞ்ஞெய்யங். அனிமித்தங் ஸுக²ந்தி அபி⁴ஞ்ஞெய்யங். அனாயூஹனா ஸுக²ந்தி அபி⁴ஞ்ஞெய்யங். அப்படிஸந்தி⁴ ஸுக²ந்தி அபி⁴ஞ்ஞெய்யங். அக³தி ஸுக²ந்தி அபி⁴ஞ்ஞெய்யங். அனிப்³ப³த்தி ஸுக²ந்தி அபி⁴ஞ்ஞெய்யங். அனுபபத்தி ஸுக²ந்தி அபி⁴ஞ்ஞெய்யங். அஜாதி ஸுக²ந்தி அபி⁴ஞ்ஞெய்யங். அஜரா ஸுக²ந்தி அபி⁴ஞ்ஞெய்யங். அப்³யாதி⁴ ஸுக²ந்தி அபி⁴ஞ்ஞெய்யங். அமதங் ஸுக²ந்தி அபி⁴ஞ்ஞெய்யங். அஸோகோ ஸுக²ந்தி அபி⁴ஞ்ஞெய்யங். அபரிதே³வோ ஸுக²ந்தி அபி⁴ஞ்ஞெய்யங். அனுபாயாஸோ ஸுக²ந்தி அபி⁴ஞ்ஞெய்யங்.

Anuppādo sukhanti abhiññeyyaṃ. Appavattaṃ sukhanti abhiññeyyaṃ. Animittaṃ sukhanti abhiññeyyaṃ. Anāyūhanā sukhanti abhiññeyyaṃ. Appaṭisandhi sukhanti abhiññeyyaṃ. Agati sukhanti abhiññeyyaṃ. Anibbatti sukhanti abhiññeyyaṃ. Anupapatti sukhanti abhiññeyyaṃ. Ajāti sukhanti abhiññeyyaṃ. Ajarā sukhanti abhiññeyyaṃ. Abyādhi sukhanti abhiññeyyaṃ. Amataṃ sukhanti abhiññeyyaṃ. Asoko sukhanti abhiññeyyaṃ. Aparidevo sukhanti abhiññeyyaṃ. Anupāyāso sukhanti abhiññeyyaṃ.

உப்பாதோ³ து³க்க²ங், அனுப்பாதோ³ ஸுக²ந்தி அபி⁴ஞ்ஞெய்யங். பவத்தங் து³க்க²ங், அப்பவத்தங் ஸுக²ந்தி அபி⁴ஞ்ஞெய்யங். நிமித்தங் து³க்க²ங், அனிமித்தங் ஸுக²ந்தி அபி⁴ஞ்ஞெய்யங். ஆயூஹனா து³க்க²ங், அனாயூஹனா ஸுக²ந்தி அபி⁴ஞ்ஞெய்யங். படிஸந்தி⁴ து³க்க²ங், அப்படிஸந்தி⁴ ஸுக²ந்தி அபி⁴ஞ்ஞெய்யங். க³தி து³க்க²ங், அக³தி ஸுக²ந்தி அபி⁴ஞ்ஞெய்யங். நிப்³ப³த்தி து³க்க²ங், அனிப்³ப³த்தி ஸுக²ந்தி அபி⁴ஞ்ஞெய்யங். உபபத்தி து³க்க²ங், அனுபபத்தி ஸுக²ந்தி அபி⁴ஞ்ஞெய்யங். ஜாதி து³க்க²ங், அஜாதி ஸுக²ந்தி அபி⁴ஞ்ஞெய்யங். ஜரா து³க்க²ங், அஜரா ஸுக²ந்தி அபி⁴ஞ்ஞெய்யங். ப்³யாதி⁴ து³க்க²ங், அப்³யாதி⁴ ஸுக²ந்தி அபி⁴ஞ்ஞெய்யங். மரணங் து³க்க²ங், அமதங் ஸுக²ந்தி அபி⁴ஞ்ஞெய்யங். ஸோகோ து³க்க²ங், அஸோகோ ஸுக²ந்தி அபி⁴ஞ்ஞெய்யங். பரிதே³வோ து³க்க²ங், அபரிதே³வோ ஸுக²ந்தி அபி⁴ஞ்ஞெய்யங். உபாயாஸோ து³க்க²ங், அனுபாயாஸோ ஸுக²ந்தி அபி⁴ஞ்ஞெய்யங்.

Uppādo dukkhaṃ, anuppādo sukhanti abhiññeyyaṃ. Pavattaṃ dukkhaṃ, appavattaṃ sukhanti abhiññeyyaṃ. Nimittaṃ dukkhaṃ, animittaṃ sukhanti abhiññeyyaṃ. Āyūhanā dukkhaṃ, anāyūhanā sukhanti abhiññeyyaṃ. Paṭisandhi dukkhaṃ, appaṭisandhi sukhanti abhiññeyyaṃ. Gati dukkhaṃ, agati sukhanti abhiññeyyaṃ. Nibbatti dukkhaṃ, anibbatti sukhanti abhiññeyyaṃ. Upapatti dukkhaṃ, anupapatti sukhanti abhiññeyyaṃ. Jāti dukkhaṃ, ajāti sukhanti abhiññeyyaṃ. Jarā dukkhaṃ, ajarā sukhanti abhiññeyyaṃ. Byādhi dukkhaṃ, abyādhi sukhanti abhiññeyyaṃ. Maraṇaṃ dukkhaṃ, amataṃ sukhanti abhiññeyyaṃ. Soko dukkhaṃ, asoko sukhanti abhiññeyyaṃ. Paridevo dukkhaṃ, aparidevo sukhanti abhiññeyyaṃ. Upāyāso dukkhaṃ, anupāyāso sukhanti abhiññeyyaṃ.

உப்பாதோ³ ப⁴யந்தி அபி⁴ஞ்ஞெய்யங். பவத்தங் ப⁴யந்தி அபி⁴ஞ்ஞெய்யங். நிமித்தங் ப⁴யந்தி அபி⁴ஞ்ஞெய்யங். ஆயூஹனா ப⁴யந்தி அபி⁴ஞ்ஞெய்யங். படிஸந்தி⁴ ப⁴யந்தி அபி⁴ஞ்ஞெய்யங். க³தி ப⁴யந்தி அபி⁴ஞ்ஞெய்யங். நிப்³ப³த்தி ப⁴யந்தி அபி⁴ஞ்ஞெய்யங். உபபத்தி ப⁴யந்தி அபி⁴ஞ்ஞெய்யங். ஜாதி ப⁴யந்தி அபி⁴ஞ்ஞெய்யங். ஜரா ப⁴யந்தி அபி⁴ஞ்ஞெய்யங். ப்³யாதி⁴ ப⁴யந்தி அபி⁴ஞ்ஞெய்யங். மரணங் ப⁴யந்தி அபி⁴ஞ்ஞெய்யங். ஸோகோ ப⁴யந்தி அபி⁴ஞ்ஞெய்யங். பரிதே³வோ ப⁴யந்தி அபி⁴ஞ்ஞெய்யங். உபாயாஸோ ப⁴யந்தி அபி⁴ஞ்ஞெய்யங்.

Uppādo bhayanti abhiññeyyaṃ. Pavattaṃ bhayanti abhiññeyyaṃ. Nimittaṃ bhayanti abhiññeyyaṃ. Āyūhanā bhayanti abhiññeyyaṃ. Paṭisandhi bhayanti abhiññeyyaṃ. Gati bhayanti abhiññeyyaṃ. Nibbatti bhayanti abhiññeyyaṃ. Upapatti bhayanti abhiññeyyaṃ. Jāti bhayanti abhiññeyyaṃ. Jarā bhayanti abhiññeyyaṃ. Byādhi bhayanti abhiññeyyaṃ. Maraṇaṃ bhayanti abhiññeyyaṃ. Soko bhayanti abhiññeyyaṃ. Paridevo bhayanti abhiññeyyaṃ. Upāyāso bhayanti abhiññeyyaṃ.

அனுப்பாதோ³ கே²மந்தி அபி⁴ஞ்ஞெய்யங். அப்பவத்தங் கே²மந்தி அபி⁴ஞ்ஞெய்யங். அனிமித்தங் கே²மந்தி அபி⁴ஞ்ஞெய்யங். அனாயூஹனா கே²மந்தி அபி⁴ஞ்ஞெய்யங். அப்படிஸந்தி⁴ கே²மந்தி அபி⁴ஞ்ஞெய்யங். அக³தி கே²மந்தி அபி⁴ஞ்ஞெய்யங். அனிப்³ப³த்தி கே²மந்தி அபி⁴ஞ்ஞெய்யங். அனுபபத்தி கே²மந்தி அபி⁴ஞ்ஞெய்யங். அஜாதி கே²மந்தி அபி⁴ஞ்ஞெய்யங் . அஜரா கே²மந்தி அபி⁴ஞ்ஞெய்யங். அப்³யாதி⁴ கே²மந்தி அபி⁴ஞ்ஞெய்யங். அமதங் கே²மந்தி அபி⁴ஞ்ஞெய்யங். அஸோகோ கே²மந்தி அபி⁴ஞ்ஞெய்யங். அபரிதே³வோ கே²மந்தி அபி⁴ஞ்ஞெய்யங். அனுபாயாஸோ கே²மந்தி அபி⁴ஞ்ஞெய்யங்.

Anuppādo khemanti abhiññeyyaṃ. Appavattaṃ khemanti abhiññeyyaṃ. Animittaṃ khemanti abhiññeyyaṃ. Anāyūhanā khemanti abhiññeyyaṃ. Appaṭisandhi khemanti abhiññeyyaṃ. Agati khemanti abhiññeyyaṃ. Anibbatti khemanti abhiññeyyaṃ. Anupapatti khemanti abhiññeyyaṃ. Ajāti khemanti abhiññeyyaṃ . Ajarā khemanti abhiññeyyaṃ. Abyādhi khemanti abhiññeyyaṃ. Amataṃ khemanti abhiññeyyaṃ. Asoko khemanti abhiññeyyaṃ. Aparidevo khemanti abhiññeyyaṃ. Anupāyāso khemanti abhiññeyyaṃ.

உப்பாதோ³ ப⁴யங், அனுப்பாதோ³ கே²மந்தி அபி⁴ஞ்ஞெய்யங். பவத்தங் ப⁴யங், அப்பவத்தங் கே²மந்தி அபி⁴ஞ்ஞெய்யங். நிமித்தங் ப⁴யங், அனிமித்தங் கே²மந்தி அபி⁴ஞ்ஞெய்யங். ஆயூஹனா ப⁴யங், அனாயூஹனா கே²மந்தி அபி⁴ஞ்ஞெய்யங். படிஸந்தி⁴ ப⁴யங், அப்படிஸந்தி⁴ கே²மந்தி அபி⁴ஞ்ஞெய்யங். க³தி ப⁴யங், அக³தி கே²மந்தி அபி⁴ஞ்ஞெய்யங். நிப்³ப³த்தி ப⁴யங், அனிப்³ப³த்தி கே²மந்தி அபி⁴ஞ்ஞெய்யங். உபபத்தி ப⁴யங், அனுபபத்தி கே²மந்தி அபி⁴ஞ்ஞெய்யங். ஜாதி ப⁴யங், அஜாதி கே²மந்தி அபி⁴ஞ்ஞெய்யங். ஜரா ப⁴யங், அஜரா கே²மந்தி அபி⁴ஞ்ஞெய்யங். ப்³யாதி⁴ ப⁴யங், அப்³யாதி⁴ கே²மந்தி அபி⁴ஞ்ஞெய்யங். மரணங் ப⁴யங், அமதங் கே²மந்தி அபி⁴ஞ்ஞெய்யங். ஸோகோ ப⁴யங், அஸோகோ கே²மந்தி அபி⁴ஞ்ஞெய்யங். பரிதே³வோ ப⁴யங், அபரிதே³வோ கே²மந்தி அபி⁴ஞ்ஞெய்யங். உபாயாஸோ ப⁴யங், அனுபாயாஸோ கே²மந்தி அபி⁴ஞ்ஞெய்யங்.

Uppādo bhayaṃ, anuppādo khemanti abhiññeyyaṃ. Pavattaṃ bhayaṃ, appavattaṃ khemanti abhiññeyyaṃ. Nimittaṃ bhayaṃ, animittaṃ khemanti abhiññeyyaṃ. Āyūhanā bhayaṃ, anāyūhanā khemanti abhiññeyyaṃ. Paṭisandhi bhayaṃ, appaṭisandhi khemanti abhiññeyyaṃ. Gati bhayaṃ, agati khemanti abhiññeyyaṃ. Nibbatti bhayaṃ, anibbatti khemanti abhiññeyyaṃ. Upapatti bhayaṃ, anupapatti khemanti abhiññeyyaṃ. Jāti bhayaṃ, ajāti khemanti abhiññeyyaṃ. Jarā bhayaṃ, ajarā khemanti abhiññeyyaṃ. Byādhi bhayaṃ, abyādhi khemanti abhiññeyyaṃ. Maraṇaṃ bhayaṃ, amataṃ khemanti abhiññeyyaṃ. Soko bhayaṃ, asoko khemanti abhiññeyyaṃ. Paridevo bhayaṃ, aparidevo khemanti abhiññeyyaṃ. Upāyāso bhayaṃ, anupāyāso khemanti abhiññeyyaṃ.

உப்பாதோ³ ஸாமிஸந்தி அபி⁴ஞ்ஞெய்யங். பவத்தங் ஸாமிஸந்தி அபி⁴ஞ்ஞெய்யங் . நிமித்தங் ஸாமிஸந்தி அபி⁴ஞ்ஞெய்யங். ஆயூஹனா ஸாமிஸந்தி அபி⁴ஞ்ஞெய்யங். படிஸந்தி⁴ ஸாமிஸந்தி அபி⁴ஞ்ஞெய்யங். க³தி ஸாமிஸந்தி அபி⁴ஞ்ஞெய்யங். நிப்³ப³த்தி ஸாமிஸந்தி அபி⁴ஞ்ஞெய்யங். உபபத்தி ஸாமிஸந்தி அபி⁴ஞ்ஞெய்யங். ஜாதி ஸாமிஸந்தி அபி⁴ஞ்ஞெய்யங். ஜரா ஸாமிஸந்தி அபி⁴ஞ்ஞெய்யங். ப்³யாதி⁴ ஸாமிஸந்தி அபி⁴ஞ்ஞெய்யங். மரணங் ஸாமிஸந்தி அபி⁴ஞ்ஞெய்யங். ஸோகோ ஸாமிஸந்தி அபி⁴ஞ்ஞெய்யங். பரிதே³வோ ஸாமிஸந்தி அபி⁴ஞ்ஞெய்யங். உபாயாஸோ ஸாமிஸந்தி அபி⁴ஞ்ஞெய்யங்.

Uppādo sāmisanti abhiññeyyaṃ. Pavattaṃ sāmisanti abhiññeyyaṃ . Nimittaṃ sāmisanti abhiññeyyaṃ. Āyūhanā sāmisanti abhiññeyyaṃ. Paṭisandhi sāmisanti abhiññeyyaṃ. Gati sāmisanti abhiññeyyaṃ. Nibbatti sāmisanti abhiññeyyaṃ. Upapatti sāmisanti abhiññeyyaṃ. Jāti sāmisanti abhiññeyyaṃ. Jarā sāmisanti abhiññeyyaṃ. Byādhi sāmisanti abhiññeyyaṃ. Maraṇaṃ sāmisanti abhiññeyyaṃ. Soko sāmisanti abhiññeyyaṃ. Paridevo sāmisanti abhiññeyyaṃ. Upāyāso sāmisanti abhiññeyyaṃ.

அனுப்பாதோ³ நிராமிஸந்தி அபி⁴ஞ்ஞெய்யங். அப்பவத்தங் நிராமிஸந்தி அபி⁴ஞ்ஞெய்யங். அனிமித்தங் நிராமிஸந்தி அபி⁴ஞ்ஞெய்யங். அனாயூஹனா நிராமிஸந்தி அபி⁴ஞ்ஞெய்யங். அப்படிஸந்தி⁴ நிராமிஸந்தி அபி⁴ஞ்ஞெய்யங். அக³தி நிராமிஸந்தி அபி⁴ஞ்ஞெய்யங். அனிப்³ப³த்தி நிராமிஸந்தி அபி⁴ஞ்ஞெய்யங். அனுபபத்தி நிராமிஸந்தி அபி⁴ஞ்ஞெய்யங். அஜாதி நிராமிஸந்தி அபி⁴ஞ்ஞெய்யங். அஜரா நிராமிஸந்தி அபி⁴ஞ்ஞெய்யங். அப்³யாதி⁴ நிராமிஸந்தி அபி⁴ஞ்ஞெய்யங். அமதங் நிராமிஸந்தி அபி⁴ஞ்ஞெய்யங். அஸோகோ நிராமிஸந்தி அபி⁴ஞ்ஞெய்யங். அபரிதே³வோ நிராமிஸந்தி அபி⁴ஞ்ஞெய்யங். அனுபாயாஸோ நிராமிஸந்தி அபி⁴ஞ்ஞெய்யங்.

Anuppādo nirāmisanti abhiññeyyaṃ. Appavattaṃ nirāmisanti abhiññeyyaṃ. Animittaṃ nirāmisanti abhiññeyyaṃ. Anāyūhanā nirāmisanti abhiññeyyaṃ. Appaṭisandhi nirāmisanti abhiññeyyaṃ. Agati nirāmisanti abhiññeyyaṃ. Anibbatti nirāmisanti abhiññeyyaṃ. Anupapatti nirāmisanti abhiññeyyaṃ. Ajāti nirāmisanti abhiññeyyaṃ. Ajarā nirāmisanti abhiññeyyaṃ. Abyādhi nirāmisanti abhiññeyyaṃ. Amataṃ nirāmisanti abhiññeyyaṃ. Asoko nirāmisanti abhiññeyyaṃ. Aparidevo nirāmisanti abhiññeyyaṃ. Anupāyāso nirāmisanti abhiññeyyaṃ.

உப்பாதோ³ ஸாமிஸங், அனுப்பாதோ³ நிராமிஸந்தி அபி⁴ஞ்ஞெய்யங். பவத்தங் ஸாமிஸங், அப்பவத்தங் நிராமிஸந்தி அபி⁴ஞ்ஞெய்யங். நிமித்தங் ஸாமிஸங், அனிமித்தங் நிராமிஸந்தி அபி⁴ஞ்ஞெய்யங். ஆயூஹனா ஸாமிஸங், அனாயூஹனா நிராமிஸந்தி அபி⁴ஞ்ஞெய்யங். படிஸந்தி⁴ ஸாமிஸங், அப்படிஸந்தி⁴ நிராமிஸந்தி அபி⁴ஞ்ஞெய்யங் . க³தி ஸாமிஸங், அக³தி நிராமிஸந்தி அபி⁴ஞ்ஞெய்யங். நிப்³ப³த்தி ஸாமிஸங், அனிப்³ப³த்தி நிராமிஸந்தி அபி⁴ஞ்ஞெய்யங். உபபத்தி ஸாமிஸங், அனுபபத்தி நிராமிஸந்தி அபி⁴ஞ்ஞெய்யங். ஜாதி ஸாமிஸங், அஜாதி நிராமிஸந்தி அபி⁴ஞ்ஞெய்யங். ஜரா ஸாமிஸங், அஜரா நிராமிஸந்தி அபி⁴ஞ்ஞெய்யங். ப்³யாதி⁴ ஸாமிஸங், அப்³யாதி⁴ நிராமிஸந்தி அபி⁴ஞ்ஞெய்யங். மரணங் ஸாமிஸங், அமதங் நிராமிஸந்தி அபி⁴ஞ்ஞெய்யங். ஸோகோ ஸாமிஸங், அஸோகோ நிராமிஸந்தி அபி⁴ஞ்ஞெய்யங். பரிதே³வோ ஸாமிஸங், அபரிதே³வோ நிராமிஸந்தி அபி⁴ஞ்ஞெய்யங். உபாயாஸோ ஸாமிஸங், அனுபாயாஸோ நிராமிஸந்தி அபி⁴ஞ்ஞெய்யங்.

Uppādo sāmisaṃ, anuppādo nirāmisanti abhiññeyyaṃ. Pavattaṃ sāmisaṃ, appavattaṃ nirāmisanti abhiññeyyaṃ. Nimittaṃ sāmisaṃ, animittaṃ nirāmisanti abhiññeyyaṃ. Āyūhanā sāmisaṃ, anāyūhanā nirāmisanti abhiññeyyaṃ. Paṭisandhi sāmisaṃ, appaṭisandhi nirāmisanti abhiññeyyaṃ . Gati sāmisaṃ, agati nirāmisanti abhiññeyyaṃ. Nibbatti sāmisaṃ, anibbatti nirāmisanti abhiññeyyaṃ. Upapatti sāmisaṃ, anupapatti nirāmisanti abhiññeyyaṃ. Jāti sāmisaṃ, ajāti nirāmisanti abhiññeyyaṃ. Jarā sāmisaṃ, ajarā nirāmisanti abhiññeyyaṃ. Byādhi sāmisaṃ, abyādhi nirāmisanti abhiññeyyaṃ. Maraṇaṃ sāmisaṃ, amataṃ nirāmisanti abhiññeyyaṃ. Soko sāmisaṃ, asoko nirāmisanti abhiññeyyaṃ. Paridevo sāmisaṃ, aparidevo nirāmisanti abhiññeyyaṃ. Upāyāso sāmisaṃ, anupāyāso nirāmisanti abhiññeyyaṃ.

உப்பாதோ³ ஸங்கா²ராதி அபி⁴ஞ்ஞெய்யங். பவத்தங் ஸங்கா²ராதி அபி⁴ஞ்ஞெய்யங். நிமித்தங் ஸங்கா²ராதி அபி⁴ஞ்ஞெய்யங். ஆயூஹனா ஸங்கா²ராதி அபி⁴ஞ்ஞெய்யங். படிஸந்தி⁴ ஸங்கா²ராதி அபி⁴ஞ்ஞெய்யங். க³தி ஸங்கா²ராதி அபி⁴ஞ்ஞெய்யங். நிப்³ப³த்தி ஸங்கா²ராதி அபி⁴ஞ்ஞெய்யங். உபபத்தி ஸங்கா²ராதி அபி⁴ஞ்ஞெய்யங். ஜாதி ஸங்கா²ராதி அபி⁴ஞ்ஞெய்யங். ஜரா ஸங்கா²ராதி அபி⁴ஞ்ஞெய்யங். ப்³யாதி⁴ ஸங்கா²ராதி அபி⁴ஞ்ஞெய்யங். மரணங் ஸங்கா²ராதி அபி⁴ஞ்ஞெய்யங். ஸோகோ ஸங்கா²ராதி அபி⁴ஞ்ஞெய்யங். பரிதே³வோ ஸங்கா²ராதி அபி⁴ஞ்ஞெய்யங். உபாயாஸோ ஸங்கா²ராதி அபி⁴ஞ்ஞெய்யங்.

Uppādo saṅkhārāti abhiññeyyaṃ. Pavattaṃ saṅkhārāti abhiññeyyaṃ. Nimittaṃ saṅkhārāti abhiññeyyaṃ. Āyūhanā saṅkhārāti abhiññeyyaṃ. Paṭisandhi saṅkhārāti abhiññeyyaṃ. Gati saṅkhārāti abhiññeyyaṃ. Nibbatti saṅkhārāti abhiññeyyaṃ. Upapatti saṅkhārāti abhiññeyyaṃ. Jāti saṅkhārāti abhiññeyyaṃ. Jarā saṅkhārāti abhiññeyyaṃ. Byādhi saṅkhārāti abhiññeyyaṃ. Maraṇaṃ saṅkhārāti abhiññeyyaṃ. Soko saṅkhārāti abhiññeyyaṃ. Paridevo saṅkhārāti abhiññeyyaṃ. Upāyāso saṅkhārāti abhiññeyyaṃ.

அனுப்பாதோ³ நிப்³பா³னந்தி அபி⁴ஞ்ஞெய்யங். அப்பவத்தங் நிப்³பா³னந்தி அபி⁴ஞ்ஞெய்யங். அனிமித்தங் நிப்³பா³னந்தி அபி⁴ஞ்ஞெய்யங். அனாயூஹனா நிப்³பா³னந்தி அபி⁴ஞ்ஞெய்யங். அப்படிஸந்தி⁴ நிப்³பா³னந்தி அபி⁴ஞ்ஞெய்யங். அக³தி நிப்³பா³னந்தி அபி⁴ஞ்ஞெய்யங். அனிப்³ப³த்தி நிப்³பா³னந்தி அபி⁴ஞ்ஞெய்யங். அனுபபத்தி நிப்³பா³னந்தி அபி⁴ஞ்ஞெய்யங். அஜாதி நிப்³பா³னந்தி அபி⁴ஞ்ஞெய்யங். அஜரங் நிப்³பா³னந்தி அபி⁴ஞ்ஞெய்யங். அப்³யாதி⁴ நிப்³பா³னந்தி அபி⁴ஞ்ஞெய்யங். அமதங் நிப்³பா³னந்தி அபி⁴ஞ்ஞெய்யங் . அஸோகோ நிப்³பா³னந்தி அபி⁴ஞ்ஞெய்யங். அபரிதே³வோ நிப்³பா³னந்தி அபி⁴ஞ்ஞெய்யங். அனுபாயாஸோ நிப்³பா³னந்தி அபி⁴ஞ்ஞெய்யங்.

Anuppādo nibbānanti abhiññeyyaṃ. Appavattaṃ nibbānanti abhiññeyyaṃ. Animittaṃ nibbānanti abhiññeyyaṃ. Anāyūhanā nibbānanti abhiññeyyaṃ. Appaṭisandhi nibbānanti abhiññeyyaṃ. Agati nibbānanti abhiññeyyaṃ. Anibbatti nibbānanti abhiññeyyaṃ. Anupapatti nibbānanti abhiññeyyaṃ. Ajāti nibbānanti abhiññeyyaṃ. Ajaraṃ nibbānanti abhiññeyyaṃ. Abyādhi nibbānanti abhiññeyyaṃ. Amataṃ nibbānanti abhiññeyyaṃ . Asoko nibbānanti abhiññeyyaṃ. Aparidevo nibbānanti abhiññeyyaṃ. Anupāyāso nibbānanti abhiññeyyaṃ.

உப்பாதோ³ ஸங்கா²ரா, அனுப்பாதோ³ நிப்³பா³னந்தி அபி⁴ஞ்ஞெய்யங். பவத்தங் ஸங்கா²ரா, அப்பவத்தங் நிப்³பா³னந்தி அபி⁴ஞ்ஞெய்யங். நிமித்தங் ஸங்கா²ரா, அனிமித்தங் நிப்³பா³னந்தி அபி⁴ஞ்ஞெய்யங். ஆயூஹனா ஸங்கா²ரா, அனாயூஹனா நிப்³பா³னந்தி அபி⁴ஞ்ஞெய்யங். படிஸந்தி⁴ ஸங்கா²ரா, அப்படிஸந்தி⁴ நிப்³பா³னந்தி அபி⁴ஞ்ஞெய்யங். க³தி ஸங்கா²ரா, அக³தி நிப்³பா³னந்தி அபி⁴ஞ்ஞெய்யங். நிப்³ப³த்தி ஸங்கா²ரா, அனிப்³ப³த்தி நிப்³பா³னந்தி அபி⁴ஞ்ஞெய்யங். உபபத்தி ஸங்கா²ரா, அனுபபத்தி நிப்³பா³னந்தி அபி⁴ஞ்ஞெய்யங். ஜாதி ஸங்கா²ரா, அஜாதி நிப்³பா³னந்தி அபி⁴ஞ்ஞெய்யங். ஜரா ஸங்கா²ரா, அஜரா நிப்³பா³னந்தி அபி⁴ஞ்ஞெய்யங். ப்³யாதி⁴ ஸங்கா²ரா, அப்³யாதி⁴ நிப்³பா³ன’’ந்தி அபி⁴ஞ்ஞெய்யங். மரணங் ஸங்கா²ரா, அமதங் நிப்³பா³னந்தி அபி⁴ஞ்ஞெய்யங். ஸோகோ ஸங்கா²ரா, அஸோகோ நிப்³பா³னந்தி அபி⁴ஞ்ஞெய்யங். பரிதே³வோ ஸங்கா²ரா, அபரிதே³வோ நிப்³பா³னந்தி அபி⁴ஞ்ஞெய்யங். உபாயாஸோ ஸங்கா²ரா, அனுபாயாஸோ நிப்³பா³னந்தி அபி⁴ஞ்ஞெய்யங்.

Uppādo saṅkhārā, anuppādo nibbānanti abhiññeyyaṃ. Pavattaṃ saṅkhārā, appavattaṃ nibbānanti abhiññeyyaṃ. Nimittaṃ saṅkhārā, animittaṃ nibbānanti abhiññeyyaṃ. Āyūhanā saṅkhārā, anāyūhanā nibbānanti abhiññeyyaṃ. Paṭisandhi saṅkhārā, appaṭisandhi nibbānanti abhiññeyyaṃ. Gati saṅkhārā, agati nibbānanti abhiññeyyaṃ. Nibbatti saṅkhārā, anibbatti nibbānanti abhiññeyyaṃ. Upapatti saṅkhārā, anupapatti nibbānanti abhiññeyyaṃ. Jāti saṅkhārā, ajāti nibbānanti abhiññeyyaṃ. Jarā saṅkhārā, ajarā nibbānanti abhiññeyyaṃ. Byādhi saṅkhārā, abyādhi nibbāna’’nti abhiññeyyaṃ. Maraṇaṃ saṅkhārā, amataṃ nibbānanti abhiññeyyaṃ. Soko saṅkhārā, asoko nibbānanti abhiññeyyaṃ. Paridevo saṅkhārā, aparidevo nibbānanti abhiññeyyaṃ. Upāyāso saṅkhārā, anupāyāso nibbānanti abhiññeyyaṃ.

பட²மபா⁴ணவாரோ.

Paṭhamabhāṇavāro.

11. பரிக்³க³ஹட்டோ² அபி⁴ஞ்ஞெய்யோ; பரிவாரட்டோ² அபி⁴ஞ்ஞெய்யோ; பரிபூரட்டோ² ²¹ அபி⁴ஞ்ஞெய்யோ; ஏகக்³க³ட்டோ² அபி⁴ஞ்ஞெய்யோ; அவிக்கே²பட்டோ² அபி⁴ஞ்ஞெய்யோ ; பக்³க³ஹட்டோ² அபி⁴ஞ்ஞெய்யோ; அவிஸாரட்டோ² அபி⁴ஞ்ஞெய்யோ; அனாவிலட்டோ² அபி⁴ஞ்ஞெய்யோ; அனிஞ்ஜனட்டோ² அபி⁴ஞ்ஞெய்யோ; ஏகத்துபட்டா²னவஸேன சித்தஸ்ஸ டி²தட்டோ² அபி⁴ஞ்ஞெய்யோ; ஆரம்மணட்டோ² அபி⁴ஞ்ஞெய்யோ; கோ³சரட்டோ² அபி⁴ஞ்ஞெய்யோ; பஹானட்டோ² அபி⁴ஞ்ஞெய்யோ; பரிச்சாக³ட்டோ² அபி⁴ஞ்ஞெய்யோ; வுட்டா²னட்டோ² அபி⁴ஞ்ஞெய்யோ; விவட்டனட்டோ² ²² அபி⁴ஞ்ஞெய்யோ; ஸந்தட்டோ² அபி⁴ஞ்ஞெய்யோ; பணீதட்டோ² அபி⁴ஞ்ஞெய்யோ; விமுத்தட்டோ² அபி⁴ஞ்ஞெய்யோ; அனாஸவட்டோ² அபி⁴ஞ்ஞெய்யோ; தரணட்டோ² அபி⁴ஞ்ஞெய்யோ; அனிமித்தட்டோ² அபி⁴ஞ்ஞெய்யோ; அப்பணிஹிதட்டோ² அபி⁴ஞ்ஞெய்யோ; ஸுஞ்ஞதட்டோ² அபி⁴ஞ்ஞெய்யோ; ஏகரஸட்டோ² அபி⁴ஞ்ஞெய்யோ ; அனதிவத்தனட்டோ² அபி⁴ஞ்ஞெய்யோ; யுக³னத்³த⁴ட்டோ² ²³ அபி⁴ஞ்ஞெய்யோ; நிய்யானட்டோ² அபி⁴ஞ்ஞெய்யோ; ஹேதுட்டோ² ²⁴ அபி⁴ஞ்ஞெய்யோ; த³ஸ்ஸனட்டோ² அபி⁴ஞ்ஞெய்யோ; ஆதி⁴பதெய்யட்டோ² அபி⁴ஞ்ஞெய்யோ.

11. Pariggahaṭṭho abhiññeyyo; parivāraṭṭho abhiññeyyo; paripūraṭṭho ²⁵ abhiññeyyo; ekaggaṭṭho abhiññeyyo; avikkhepaṭṭho abhiññeyyo ; paggahaṭṭho abhiññeyyo; avisāraṭṭho abhiññeyyo; anāvilaṭṭho abhiññeyyo; aniñjanaṭṭho abhiññeyyo; ekattupaṭṭhānavasena cittassa ṭhitaṭṭho abhiññeyyo; ārammaṇaṭṭho abhiññeyyo; gocaraṭṭho abhiññeyyo; pahānaṭṭho abhiññeyyo; pariccāgaṭṭho abhiññeyyo; vuṭṭhānaṭṭho abhiññeyyo; vivaṭṭanaṭṭho ²⁶ abhiññeyyo; santaṭṭho abhiññeyyo; paṇītaṭṭho abhiññeyyo; vimuttaṭṭho abhiññeyyo; anāsavaṭṭho abhiññeyyo; taraṇaṭṭho abhiññeyyo; animittaṭṭho abhiññeyyo; appaṇihitaṭṭho abhiññeyyo; suññataṭṭho abhiññeyyo; ekarasaṭṭho abhiññeyyo ; anativattanaṭṭho abhiññeyyo; yuganaddhaṭṭho ²⁷ abhiññeyyo; niyyānaṭṭho abhiññeyyo; hetuṭṭho ²⁸ abhiññeyyo; dassanaṭṭho abhiññeyyo; ādhipateyyaṭṭho abhiññeyyo.

12. ஸமத²ஸ்ஸ அவிக்கே²பட்டோ² அபி⁴ஞ்ஞெய்யோ; விபஸ்ஸனாய அனுபஸ்ஸனட்டோ² அபி⁴ஞ்ஞெய்யோ; ஸமத²விபஸ்ஸனானங் ஏகரஸட்டோ² அபி⁴ஞ்ஞெய்யோ; யுக³னத்³த⁴ஸ்ஸ அனதிவத்தனட்டோ² அபி⁴ஞ்ஞெய்யோ; ஸிக்கா²ய ஸமாதா³னட்டோ² அபி⁴ஞ்ஞெய்யோ; ஆரம்மணஸ்ஸ கோ³சரட்டோ² அபி⁴ஞ்ஞெய்யோ; லீனஸ்ஸ சித்தஸ்ஸ பக்³க³ஹட்டோ² அபி⁴ஞ்ஞெய்யோ; உத்³த⁴தஸ்ஸ சித்தஸ்ஸ நிக்³க³ஹட்டோ² அபி⁴ஞ்ஞெய்யோ; உபோ⁴விஸுத்³தா⁴னங் அஜ்ஜு²பெக்க²னட்டோ² அபி⁴ஞ்ஞெய்யோ; விஸேஸாதி⁴க³மட்டோ² அபி⁴ஞ்ஞெய்யோ; உத்தரி படிவேத⁴ட்டோ² அபி⁴ஞ்ஞெய்யோ; ஸச்சாபி⁴ஸமயட்டோ² அபி⁴ஞ்ஞெய்யோ; நிரோதே⁴ பதிட்டா²பகட்டோ² அபி⁴ஞ்ஞெய்யோ .

12. Samathassa avikkhepaṭṭho abhiññeyyo; vipassanāya anupassanaṭṭho abhiññeyyo; samathavipassanānaṃ ekarasaṭṭho abhiññeyyo; yuganaddhassa anativattanaṭṭho abhiññeyyo; sikkhāya samādānaṭṭho abhiññeyyo; ārammaṇassa gocaraṭṭho abhiññeyyo; līnassa cittassa paggahaṭṭho abhiññeyyo; uddhatassa cittassa niggahaṭṭho abhiññeyyo; ubhovisuddhānaṃ ajjhupekkhanaṭṭho abhiññeyyo; visesādhigamaṭṭho abhiññeyyo; uttari paṭivedhaṭṭho abhiññeyyo; saccābhisamayaṭṭho abhiññeyyo; nirodhe patiṭṭhāpakaṭṭho abhiññeyyo .

ஸத்³தி⁴ந்த்³ரியஸ்ஸ அதி⁴மொக்க²ட்டோ² அபி⁴ஞ்ஞெய்யோ; வீரியிந்த்³ரியஸ்ஸ பக்³க³ஹட்டோ² அபி⁴ஞ்ஞெய்யோ; ஸதிந்த்³ரியஸ்ஸ உபட்டா²னட்டோ² அபி⁴ஞ்ஞெய்யோ; ஸமாதி⁴ந்த்³ரியஸ்ஸ அவிக்கே²பட்டோ² அபி⁴ஞ்ஞெய்யோ; பஞ்ஞிந்த்³ரியஸ்ஸ த³ஸ்ஸனட்டோ² அபி⁴ஞ்ஞெய்யோ.

Saddhindriyassa adhimokkhaṭṭho abhiññeyyo; vīriyindriyassa paggahaṭṭho abhiññeyyo; satindriyassa upaṭṭhānaṭṭho abhiññeyyo; samādhindriyassa avikkhepaṭṭho abhiññeyyo; paññindriyassa dassanaṭṭho abhiññeyyo.

ஸத்³தா⁴ப³லஸ்ஸ அஸ்ஸத்³தி⁴யே அகம்பியட்டோ² அபி⁴ஞ்ஞெய்யோ; வீரியப³லஸ்ஸ கோஸஜ்ஜே அகம்பியட்டோ² அபி⁴ஞ்ஞெய்யோ; ஸதிப³லஸ்ஸ பமாதே³ அகம்பியட்டோ² அபி⁴ஞ்ஞெய்யோ; ஸமாதி⁴ப³லஸ்ஸ உத்³த⁴ச்சே அகம்பியட்டோ² அபி⁴ஞ்ஞெய்யோ; பஞ்ஞாப³லஸ்ஸ அவிஜ்ஜாய அகம்பியட்டோ² அபி⁴ஞ்ஞெய்யோ.

Saddhābalassa assaddhiye akampiyaṭṭho abhiññeyyo; vīriyabalassa kosajje akampiyaṭṭho abhiññeyyo; satibalassa pamāde akampiyaṭṭho abhiññeyyo; samādhibalassa uddhacce akampiyaṭṭho abhiññeyyo; paññābalassa avijjāya akampiyaṭṭho abhiññeyyo.

ஸதிஸம்பொ³ஜ்ஜ²ங்க³ஸ்ஸ உபட்டா²னட்டோ² அபி⁴ஞ்ஞெய்யோ; த⁴ம்மவிசயஸம்பொ³ஜ்ஜ²ங்க³ஸ்ஸ பவிசயட்டோ² அபி⁴ஞ்ஞெய்யோ; வீரியஸம்பொ³ஜ்ஜ²ங்க³ஸ்ஸ பக்³க³ஹட்டோ² அபி⁴ஞ்ஞெய்யோ; பீதிஸம்பொ³ஜ்ஜ²ங்க³ஸ்ஸ ப²ரணட்டோ² அபி⁴ஞ்ஞெய்யோ; பஸ்ஸத்³தி⁴ஸம்பொ³ஜ்ஜ²ங்க³ஸ்ஸ உபஸமட்டோ² அபி⁴ஞ்ஞெய்யோ; ஸமாதி⁴ஸம்பொ³ஜ்ஜ²ங்க³ஸ்ஸ அவிக்கே²பட்டோ² அபி⁴ஞ்ஞெய்யோ; உபெக்கா²ஸம்பொ³ஜ்ஜ²ங்க³ஸ்ஸ படிஸங்கா²னட்டோ² அபி⁴ஞ்ஞெய்யோ.

Satisambojjhaṅgassa upaṭṭhānaṭṭho abhiññeyyo; dhammavicayasambojjhaṅgassa pavicayaṭṭho abhiññeyyo; vīriyasambojjhaṅgassa paggahaṭṭho abhiññeyyo; pītisambojjhaṅgassa pharaṇaṭṭho abhiññeyyo; passaddhisambojjhaṅgassa upasamaṭṭho abhiññeyyo; samādhisambojjhaṅgassa avikkhepaṭṭho abhiññeyyo; upekkhāsambojjhaṅgassa paṭisaṅkhānaṭṭho abhiññeyyo.

ஸம்மாதி³ட்டி²யா த³ஸ்ஸனட்டோ² அபி⁴ஞ்ஞெய்யோ; ஸம்மாஸங்கப்பஸ்ஸ அபி⁴னிரோபனட்டோ² அபி⁴ஞ்ஞெய்யோ; ஸம்மாவாசாய பரிக்³க³ஹட்டோ² அபி⁴ஞ்ஞெய்யோ; ஸம்மாகம்மந்தஸ்ஸ ஸமுட்டா²னட்டோ² அபி⁴ஞ்ஞெய்யோ; ஸம்மாஆஜீவஸ்ஸ வோதா³னட்டோ² அபி⁴ஞ்ஞெய்யோ ; ஸம்மாவாயாமஸ்ஸ பக்³க³ஹட்டோ² அபி⁴ஞ்ஞெய்யோ; ஸம்மாஸதியா உபட்டா²னட்டோ² அபி⁴ஞ்ஞெய்யோ; ஸம்மாஸமாதி⁴ஸ்ஸ அவிக்கே²பட்டோ² அபி⁴ஞ்ஞெய்யோ.

Sammādiṭṭhiyā dassanaṭṭho abhiññeyyo; sammāsaṅkappassa abhiniropanaṭṭho abhiññeyyo; sammāvācāya pariggahaṭṭho abhiññeyyo; sammākammantassa samuṭṭhānaṭṭho abhiññeyyo; sammāājīvassa vodānaṭṭho abhiññeyyo ; sammāvāyāmassa paggahaṭṭho abhiññeyyo; sammāsatiyā upaṭṭhānaṭṭho abhiññeyyo; sammāsamādhissa avikkhepaṭṭho abhiññeyyo.

13. இந்த்³ரியானங் ஆதி⁴பதெய்யட்டோ² அபி⁴ஞ்ஞெய்யோ; ப³லானங் அகம்பியட்டோ² அபி⁴ஞ்ஞெய்யோ; பொ³ஜ்ஜ²ங்கா³னங் நிய்யானட்டோ² அபி⁴ஞ்ஞெய்யோ; மக்³க³ஸ்ஸ ஹேதுட்டோ² அபி⁴ஞ்ஞெய்யோ; ஸதிபட்டா²னானங் உபட்டா²னட்டோ² அபி⁴ஞ்ஞெய்யோ; ஸம்மப்பதா⁴னானங் பத³ஹனட்டோ² அபி⁴ஞ்ஞெய்யோ; இத்³தி⁴பாதா³னங் இஜ்ஜ²னட்டோ² அபி⁴ஞ்ஞெய்யோ; ஸச்சானங் தத²ட்டோ² அபி⁴ஞ்ஞெய்யோ; பயோகா³னங் ²⁹ படிப்பஸ்ஸத்³த⁴ட்டோ² அபி⁴ஞ்ஞெய்யோ; ப²லானங் ஸச்சி²கிரியட்டோ² அபி⁴ஞ்ஞெய்யோ.

13. Indriyānaṃ ādhipateyyaṭṭho abhiññeyyo; balānaṃ akampiyaṭṭho abhiññeyyo; bojjhaṅgānaṃ niyyānaṭṭho abhiññeyyo; maggassa hetuṭṭho abhiññeyyo; satipaṭṭhānānaṃ upaṭṭhānaṭṭho abhiññeyyo; sammappadhānānaṃ padahanaṭṭho abhiññeyyo; iddhipādānaṃ ijjhanaṭṭho abhiññeyyo; saccānaṃ tathaṭṭho abhiññeyyo; payogānaṃ ³⁰ paṭippassaddhaṭṭho abhiññeyyo; phalānaṃ sacchikiriyaṭṭho abhiññeyyo.

விதக்கஸ்ஸ அபி⁴னிரோபனட்டோ² அபி⁴ஞ்ஞெய்யோ; விசாரஸ்ஸ உபவிசாரட்டோ² அபி⁴ஞ்ஞெய்யோ; பீதியா ப²ரணட்டோ² அபி⁴ஞ்ஞெய்யோ; ஸுக²ஸ்ஸ அபி⁴ஸந்த³னட்டோ² அபி⁴ஞ்ஞெய்யோ. சித்தஸ்ஸ ஏகக்³க³ட்டோ² அபி⁴ஞ்ஞெய்யோ. ஆவஜ்ஜனட்டோ² அபி⁴ஞ்ஞெய்யோ; விஜானநட்டோ² அபி⁴ஞ்ஞெய்யோ; பஜானநட்டோ² அபி⁴ஞ்ஞெய்யோ; ஸஞ்ஜானநட்டோ² அபி⁴ஞ்ஞெய்யோ; ஏகோத³ட்டோ² அபி⁴ஞ்ஞெய்யோ . அபி⁴ஞ்ஞாய ஞாதட்டோ² அபி⁴ஞ்ஞெய்யோ; பரிஞ்ஞாய தீரணட்டோ² அபி⁴ஞ்ஞெய்யோ; பஹானஸ்ஸ பரிச்சாக³ட்டோ² அபி⁴ஞ்ஞெய்யோ; பா⁴வனாய ஏகரஸட்டோ² அபி⁴ஞ்ஞெய்யோ; ஸச்சி²கிரியாய ப²ஸ்ஸனட்டோ² அபி⁴ஞ்ஞெய்யோ; க²ந்தா⁴னங் க²ந்த⁴ட்டோ² அபி⁴ஞ்ஞெய்யோ; தா⁴தூனங் தா⁴துட்டோ² ³¹ அபி⁴ஞ்ஞெய்யோ; ஆயதனானங் ஆயதனட்டோ² அபி⁴ஞ்ஞெய்யோ; ஸங்க²தானங் ஸங்க²தட்டோ² அபி⁴ஞ்ஞெய்யோ; அஸங்க²தஸ்ஸ அஸங்க²தட்டோ² அபி⁴ஞ்ஞெய்யோ.

Vitakkassa abhiniropanaṭṭho abhiññeyyo; vicārassa upavicāraṭṭho abhiññeyyo; pītiyā pharaṇaṭṭho abhiññeyyo; sukhassa abhisandanaṭṭho abhiññeyyo. Cittassa ekaggaṭṭho abhiññeyyo. Āvajjanaṭṭho abhiññeyyo; vijānanaṭṭho abhiññeyyo; pajānanaṭṭho abhiññeyyo; sañjānanaṭṭho abhiññeyyo; ekodaṭṭho abhiññeyyo . Abhiññāya ñātaṭṭho abhiññeyyo; pariññāya tīraṇaṭṭho abhiññeyyo; pahānassa pariccāgaṭṭho abhiññeyyo; bhāvanāya ekarasaṭṭho abhiññeyyo; sacchikiriyāya phassanaṭṭho abhiññeyyo; khandhānaṃ khandhaṭṭho abhiññeyyo; dhātūnaṃ dhātuṭṭho ³² abhiññeyyo; āyatanānaṃ āyatanaṭṭho abhiññeyyo; saṅkhatānaṃ saṅkhataṭṭho abhiññeyyo; asaṅkhatassa asaṅkhataṭṭho abhiññeyyo.

14. சித்தட்டோ² அபி⁴ஞ்ஞெய்யோ; சித்தானந்தரியட்டோ² அபி⁴ஞ்ஞெய்யோ; சித்தஸ்ஸ வுட்டா²னட்டோ² அபி⁴ஞ்ஞெய்யோ; சித்தஸ்ஸ விவட்டனட்டோ² அபி⁴ஞ்ஞெய்யோ; சித்தஸ்ஸ ஹேதுட்டோ² அபி⁴ஞ்ஞெய்யோ; சித்தஸ்ஸ பச்சயட்டோ² அபி⁴ஞ்ஞெய்யோ; சித்தஸ்ஸ வத்து²ட்டோ² ³³ அபி⁴ஞ்ஞெய்யோ; சித்தஸ்ஸ பூ⁴மட்டோ² ³⁴ அபி⁴ஞ்ஞெய்யோ; சித்தஸ்ஸ ஆரம்மணட்டோ² அபி⁴ஞ்ஞெய்யோ; சித்தஸ்ஸ கோ³சரட்டோ² அபி⁴ஞ்ஞெய்யோ; சித்தஸ்ஸ சரியட்டோ² அபி⁴ஞ்ஞெய்யோ; சித்தஸ்ஸ க³தட்டோ² அபி⁴ஞ்ஞெய்யோ; சித்தஸ்ஸ அபி⁴னீஹாரட்டோ² அபி⁴ஞ்ஞெய்யோ; சித்தஸ்ஸ நிய்யானட்டோ² அபி⁴ஞ்ஞெய்யோ; சித்தஸ்ஸ நிஸ்ஸரணட்டோ² அபி⁴ஞ்ஞெய்யோ.

14. Cittaṭṭho abhiññeyyo; cittānantariyaṭṭho abhiññeyyo; cittassa vuṭṭhānaṭṭho abhiññeyyo; cittassa vivaṭṭanaṭṭho abhiññeyyo; cittassa hetuṭṭho abhiññeyyo; cittassa paccayaṭṭho abhiññeyyo; cittassa vatthuṭṭho ³⁵ abhiññeyyo; cittassa bhūmaṭṭho ³⁶ abhiññeyyo; cittassa ārammaṇaṭṭho abhiññeyyo; cittassa gocaraṭṭho abhiññeyyo; cittassa cariyaṭṭho abhiññeyyo; cittassa gataṭṭho abhiññeyyo; cittassa abhinīhāraṭṭho abhiññeyyo; cittassa niyyānaṭṭho abhiññeyyo; cittassa nissaraṇaṭṭho abhiññeyyo.

15. ஏகத்தே ஆவஜ்ஜனட்டோ² அபி⁴ஞ்ஞெய்யோ; ஏகத்தே விஜானநட்டோ² அபி⁴ஞ்ஞெய்யோ ; ஏகத்தே பஜானநட்டோ² அபி⁴ஞ்ஞெய்யோ; ஏகத்தே ஸஞ்ஜானநட்டோ² அபி⁴ஞ்ஞெய்யோ; ஏகத்தே ஏகத³ட்டோ² அபி⁴ஞ்ஞெய்யோ; ஏகத்தே உபனிப³ந்த⁴ட்டோ² அபி⁴ஞ்ஞெய்யோ; ஏகத்தே பக்க²ந்த³னட்டோ² அபி⁴ஞ்ஞெய்யோ; ஏகத்தே பஸீத³னட்டோ² அபி⁴ஞ்ஞெய்யோ ; ஏகத்தே ஸந்திட்ட²னட்டோ² அபி⁴ஞ்ஞெய்யோ; ஏகத்தே விமுச்சனட்டோ² அபி⁴ஞ்ஞெய்யோ; ஏகத்தே ‘‘ஏதங் ஸந்த’’ந்தி பஸ்ஸனட்டோ² அபி⁴ஞ்ஞெய்யோ; ஏகத்தே யானீகதட்டோ² அபி⁴ஞ்ஞெய்யோ; ஏகத்தே வத்து²கதட்டோ² அபி⁴ஞ்ஞெய்யோ; ஏகத்தே அனுட்டி²தட்டோ² அபி⁴ஞ்ஞெய்யோ; ஏகத்தே பரிசிதட்டோ² அபி⁴ஞ்ஞெய்யோ; ஏகத்தே ஸுஸமாரத்³த⁴ட்டோ² அபி⁴ஞ்ஞெய்யோ ; ஏகத்தே பரிக்³க³ஹட்டோ² அபி⁴ஞ்ஞெய்யோ; ஏகத்தே பரிவாரட்டோ² அபி⁴ஞ்ஞெய்யோ; ஏகத்தே பரிபூரட்டோ² அபி⁴ஞ்ஞெய்யோ; ஏகத்தே ஸமோதா⁴னட்டோ² அபி⁴ஞ்ஞெய்யோ; ஏகத்தே அதி⁴ட்டா²னட்டோ² அபி⁴ஞ்ஞெய்யோ; ஏகத்தே ஆஸேவனட்டோ² அபி⁴ஞ்ஞெய்யோ; ஏகத்தே பா⁴வனட்டோ² அபி⁴ஞ்ஞெய்யோ; ஏகத்தே ப³ஹுலீகம்மட்டோ² அபி⁴ஞ்ஞெய்யோ; ஏகத்தே ஸுஸமுக்³க³தட்டோ² அபி⁴ஞ்ஞெய்யோ; ஏகத்தே ஸுவிமுத்தட்டோ² அபி⁴ஞ்ஞெய்யோ ; ஏகத்தே பு³ஜ்ஜ²னட்டோ² அபி⁴ஞ்ஞெய்யோ; ஏகத்தே அனுபு³ஜ்ஜ²னட்டோ² அபி⁴ஞ்ஞெய்யோ; ஏகத்தே படிபு³ஜ்ஜ²னட்டோ² அபி⁴ஞ்ஞெய்யோ; ஏகத்தே ஸம்பு³ஜ்ஜ²னட்டோ² அபி⁴ஞ்ஞெய்யோ; ஏகத்தே போ³த⁴னட்டோ² அபி⁴ஞ்ஞெய்யோ; ஏகத்தே அனுபோ³த⁴னட்டோ² அபி⁴ஞ்ஞெய்யோ; ஏகத்தே படிபோ³த⁴னட்டோ² அபி⁴ஞ்ஞெய்யோ; ஏகத்தே ஸம்போ³த⁴னட்டோ² அபி⁴ஞ்ஞெய்யோ; ஏகத்தே போ³தி⁴பக்கி²யட்டோ² அபி⁴ஞ்ஞெய்யோ; ஏகத்தே அனுபோ³தி⁴பக்கி²யட்டோ² அபி⁴ஞ்ஞெய்யோ; ஏகத்தே படிபோ³தி⁴பக்கி²யட்டோ² அபி⁴ஞ்ஞெய்யோ; ஏகத்தே ஸம்போ³தி⁴பக்கி²யட்டோ² அபி⁴ஞ்ஞெய்யோ; ஏகத்தே ஜோதனட்டோ² அபி⁴ஞ்ஞெய்யோ; ஏகத்தே உஜ்ஜோதனட்டோ² அபி⁴ஞ்ஞெய்யோ; ஏகத்தே அனுஜோதனட்டோ² அபி⁴ஞ்ஞெய்யோ; ஏகத்தே படிஜோதனட்டோ² அபி⁴ஞ்ஞெய்யோ; ஏகத்தே ஸஞ்ஜோதனட்டோ² அபி⁴ஞ்ஞெய்யோ.

15. Ekatte āvajjanaṭṭho abhiññeyyo; ekatte vijānanaṭṭho abhiññeyyo ; ekatte pajānanaṭṭho abhiññeyyo; ekatte sañjānanaṭṭho abhiññeyyo; ekatte ekadaṭṭho abhiññeyyo; ekatte upanibandhaṭṭho abhiññeyyo; ekatte pakkhandanaṭṭho abhiññeyyo; ekatte pasīdanaṭṭho abhiññeyyo ; ekatte santiṭṭhanaṭṭho abhiññeyyo; ekatte vimuccanaṭṭho abhiññeyyo; ekatte ‘‘etaṃ santa’’nti passanaṭṭho abhiññeyyo; ekatte yānīkataṭṭho abhiññeyyo; ekatte vatthukataṭṭho abhiññeyyo; ekatte anuṭṭhitaṭṭho abhiññeyyo; ekatte paricitaṭṭho abhiññeyyo; ekatte susamāraddhaṭṭho abhiññeyyo ; ekatte pariggahaṭṭho abhiññeyyo; ekatte parivāraṭṭho abhiññeyyo; ekatte paripūraṭṭho abhiññeyyo; ekatte samodhānaṭṭho abhiññeyyo; ekatte adhiṭṭhānaṭṭho abhiññeyyo; ekatte āsevanaṭṭho abhiññeyyo; ekatte bhāvanaṭṭho abhiññeyyo; ekatte bahulīkammaṭṭho abhiññeyyo; ekatte susamuggataṭṭho abhiññeyyo; ekatte suvimuttaṭṭho abhiññeyyo ; ekatte bujjhanaṭṭho abhiññeyyo; ekatte anubujjhanaṭṭho abhiññeyyo; ekatte paṭibujjhanaṭṭho abhiññeyyo; ekatte sambujjhanaṭṭho abhiññeyyo; ekatte bodhanaṭṭho abhiññeyyo; ekatte anubodhanaṭṭho abhiññeyyo; ekatte paṭibodhanaṭṭho abhiññeyyo; ekatte sambodhanaṭṭho abhiññeyyo; ekatte bodhipakkhiyaṭṭho abhiññeyyo; ekatte anubodhipakkhiyaṭṭho abhiññeyyo; ekatte paṭibodhipakkhiyaṭṭho abhiññeyyo; ekatte sambodhipakkhiyaṭṭho abhiññeyyo; ekatte jotanaṭṭho abhiññeyyo; ekatte ujjotanaṭṭho abhiññeyyo; ekatte anujotanaṭṭho abhiññeyyo; ekatte paṭijotanaṭṭho abhiññeyyo; ekatte sañjotanaṭṭho abhiññeyyo.

16. பதாபனட்டோ² ³⁷ அபி⁴ஞ்ஞெய்யோ; விரோசனட்டோ² அபி⁴ஞ்ஞெய்யோ; கிலேஸானங் ஸந்தாபனட்டோ² அபி⁴ஞ்ஞெய்யோ; அமலட்டோ² அபி⁴ஞ்ஞெய்யோ; விமலட்டோ² அபி⁴ஞ்ஞெய்யோ; நிம்மலட்டோ² அபி⁴ஞ்ஞெய்யோ; ஸமட்டோ² அபி⁴ஞ்ஞெய்யோ; ஸமயட்டோ² அபி⁴ஞ்ஞெய்யோ; விவேகட்டோ² அபி⁴ஞ்ஞெய்யோ; விவேகசரியட்டோ² அபி⁴ஞ்ஞெய்யோ; விராக³ட்டோ² அபி⁴ஞ்ஞெய்யோ; விராக³சரியட்டோ² அபி⁴ஞ்ஞெய்யோ; நிரோத⁴ட்டோ² அபி⁴ஞ்ஞெய்யோ; நிரோத⁴சரியட்டோ² அபி⁴ஞ்ஞெய்யோ; வோஸக்³க³ட்டோ² ³⁸ அபி⁴ஞ்ஞெய்யோ; வோஸக்³க³சரியட்டோ² அபி⁴ஞ்ஞெய்யோ; விமுத்தட்டோ² அபி⁴ஞ்ஞெய்யோ; விமுத்திசரியட்டோ² அபி⁴ஞ்ஞெய்யோ.

16. Patāpanaṭṭho ³⁹ abhiññeyyo; virocanaṭṭho abhiññeyyo; kilesānaṃ santāpanaṭṭho abhiññeyyo; amalaṭṭho abhiññeyyo; vimalaṭṭho abhiññeyyo; nimmalaṭṭho abhiññeyyo; samaṭṭho abhiññeyyo; samayaṭṭho abhiññeyyo; vivekaṭṭho abhiññeyyo; vivekacariyaṭṭho abhiññeyyo; virāgaṭṭho abhiññeyyo; virāgacariyaṭṭho abhiññeyyo; nirodhaṭṭho abhiññeyyo; nirodhacariyaṭṭho abhiññeyyo; vosaggaṭṭho ⁴⁰ abhiññeyyo; vosaggacariyaṭṭho abhiññeyyo; vimuttaṭṭho abhiññeyyo; vimutticariyaṭṭho abhiññeyyo.

ச²ந்த³ட்டோ² அபி⁴ஞ்ஞெய்யோ; ச²ந்த³ஸ்ஸ மூலட்டோ² அபி⁴ஞ்ஞெய்யோ; ச²ந்த³ஸ்ஸ பாத³ட்டோ² அபி⁴ஞ்ஞெய்யோ; ச²ந்த³ஸ்ஸ பதா⁴னட்டோ² அபி⁴ஞ்ஞெய்யோ; ச²ந்த³ஸ்ஸ இஜ்ஜ²னட்டோ² அபி⁴ஞ்ஞெய்யோ; ச²ந்த³ஸ்ஸ அதி⁴மொக்க²ட்டோ² அபி⁴ஞ்ஞெய்யோ; ச²ந்த³ஸ்ஸ பக்³க³ஹட்டோ² அபி⁴ஞ்ஞெய்யோ; ச²ந்த³ஸ்ஸ உபட்டா²னட்டோ² அபி⁴ஞ்ஞெய்யோ; ச²ந்த³ஸ்ஸ அவிக்கே²பட்டோ² அபி⁴ஞ்ஞெய்யோ; ச²ந்த³ஸ்ஸ த³ஸ்ஸனட்டோ² அபி⁴ஞ்ஞெய்யோ.

Chandaṭṭho abhiññeyyo; chandassa mūlaṭṭho abhiññeyyo; chandassa pādaṭṭho abhiññeyyo; chandassa padhānaṭṭho abhiññeyyo; chandassa ijjhanaṭṭho abhiññeyyo; chandassa adhimokkhaṭṭho abhiññeyyo; chandassa paggahaṭṭho abhiññeyyo; chandassa upaṭṭhānaṭṭho abhiññeyyo; chandassa avikkhepaṭṭho abhiññeyyo; chandassa dassanaṭṭho abhiññeyyo.

வீரியட்டோ² அபி⁴ஞ்ஞெய்யோ; வீரியஸ்ஸ மூலட்டோ² அபி⁴ஞ்ஞெய்யோ; வீரியஸ்ஸ பாத³ட்டோ² அபி⁴ஞ்ஞெய்யோ; வீரியஸ்ஸ பதா⁴னட்டோ² அபி⁴ஞ்ஞெய்யோ; வீரியஸ்ஸ இஜ்ஜ²னட்டோ² அபி⁴ஞ்ஞெய்யோ; வீரியஸ்ஸ அதி⁴மொக்க²ட்டோ² அபி⁴ஞ்ஞெய்யோ; வீரியஸ்ஸ பக்³க³ஹட்டோ² அபி⁴ஞ்ஞெய்யோ; வீரியஸ்ஸ உபட்டா²னட்டோ² அபி⁴ஞ்ஞெய்யோ; வீரியஸ்ஸ அவிக்கே²பட்டோ² அபி⁴ஞ்ஞெய்யோ; வீரியஸ்ஸ த³ஸ்ஸனட்டோ² அபி⁴ஞ்ஞெய்யோ.

Vīriyaṭṭho abhiññeyyo; vīriyassa mūlaṭṭho abhiññeyyo; vīriyassa pādaṭṭho abhiññeyyo; vīriyassa padhānaṭṭho abhiññeyyo; vīriyassa ijjhanaṭṭho abhiññeyyo; vīriyassa adhimokkhaṭṭho abhiññeyyo; vīriyassa paggahaṭṭho abhiññeyyo; vīriyassa upaṭṭhānaṭṭho abhiññeyyo; vīriyassa avikkhepaṭṭho abhiññeyyo; vīriyassa dassanaṭṭho abhiññeyyo.

சித்தட்டோ² அபி⁴ஞ்ஞெய்யோ; சித்தஸ்ஸ மூலட்டோ² அபி⁴ஞ்ஞெய்யோ; சித்தஸ்ஸ பாத³ட்டோ² அபி⁴ஞ்ஞெய்யோ; சித்தஸ்ஸ பதா⁴னட்டோ² அபி⁴ஞ்ஞெய்யோ; சித்தஸ்ஸ இஜ்ஜ²னட்டோ² அபி⁴ஞ்ஞெய்யோ; சித்தஸ்ஸ அதி⁴மொக்க²ட்டோ² அபி⁴ஞ்ஞெய்யோ; சித்தஸ்ஸ பக்³க³ஹட்டோ² அபி⁴ஞ்ஞெய்யோ; சித்தஸ்ஸ உபட்டா²னட்டோ² அபி⁴ஞ்ஞெய்யோ; சித்தஸ்ஸ அவிக்கே²பட்டோ² அபி⁴ஞ்ஞெய்யோ; சித்தஸ்ஸ த³ஸ்ஸனட்டோ² அபி⁴ஞ்ஞெய்யோ.

Cittaṭṭho abhiññeyyo; cittassa mūlaṭṭho abhiññeyyo; cittassa pādaṭṭho abhiññeyyo; cittassa padhānaṭṭho abhiññeyyo; cittassa ijjhanaṭṭho abhiññeyyo; cittassa adhimokkhaṭṭho abhiññeyyo; cittassa paggahaṭṭho abhiññeyyo; cittassa upaṭṭhānaṭṭho abhiññeyyo; cittassa avikkhepaṭṭho abhiññeyyo; cittassa dassanaṭṭho abhiññeyyo.

வீமங்ஸட்டோ² அபி⁴ஞ்ஞெய்யோ; வீமங்ஸாய மூலட்டோ² அபி⁴ஞ்ஞெய்யோ; வீமங்ஸாய பாத³ட்டோ² அபி⁴ஞ்ஞெய்யோ; வீமங்ஸாய பதா⁴னட்டோ² அபி⁴ஞ்ஞெய்யோ; வீமங்ஸாய இஜ்ஜ²னட்டோ² அபி⁴ஞ்ஞெய்யோ; வீமங்ஸாய அதி⁴மொக்க²ட்டோ² அபி⁴ஞ்ஞெய்யோ; வீமங்ஸாய பக்³க³ஹட்டோ² அபி⁴ஞ்ஞெய்யோ; வீமங்ஸாய உபட்டா²னட்டோ² அபி⁴ஞ்ஞெய்யோ; வீமங்ஸாய அவிக்கே²பட்டோ² அபி⁴ஞ்ஞெய்யோ; வீமங்ஸாய த³ஸ்ஸனட்டோ² அபி⁴ஞ்ஞெய்யோ.

Vīmaṃsaṭṭho abhiññeyyo; vīmaṃsāya mūlaṭṭho abhiññeyyo; vīmaṃsāya pādaṭṭho abhiññeyyo; vīmaṃsāya padhānaṭṭho abhiññeyyo; vīmaṃsāya ijjhanaṭṭho abhiññeyyo; vīmaṃsāya adhimokkhaṭṭho abhiññeyyo; vīmaṃsāya paggahaṭṭho abhiññeyyo; vīmaṃsāya upaṭṭhānaṭṭho abhiññeyyo; vīmaṃsāya avikkhepaṭṭho abhiññeyyo; vīmaṃsāya dassanaṭṭho abhiññeyyo.

17. து³க்க²ட்டோ² அபி⁴ஞ்ஞெய்யோ; து³க்க²ஸ்ஸ பீளனட்டோ² அபி⁴ஞ்ஞெய்யோ; து³க்க²ஸ்ஸ ஸங்க²தட்டோ² அபி⁴ஞ்ஞெய்யோ; து³க்க²ஸ்ஸ ஸந்தாபட்டோ² அபி⁴ஞ்ஞெய்யோ; து³க்க²ஸ்ஸ விபரிணாமட்டோ² அபி⁴ஞ்ஞெய்யோ. ஸமுத³யட்டோ² அபி⁴ஞ்ஞெய்யோ; ஸமுத³யஸ்ஸ ஆயூஹனட்டோ² ⁴¹ அபி⁴ஞ்ஞெய்யோ; ஸமுத³யஸ்ஸ நிதா³னட்டோ² அபி⁴ஞ்ஞெய்யோ; ஸமுத³யஸ்ஸ ஸஞ்ஞோக³ட்டோ² அபி⁴ஞ்ஞெய்யோ; ஸமுத³யஸ்ஸ பலிபோ³த⁴ட்டோ² அபி⁴ஞ்ஞெய்யோ; நிரோத⁴ட்டோ² அபி⁴ஞ்ஞெய்யோ ; நிரோத⁴ஸ்ஸ நிஸ்ஸரணட்டோ² அபி⁴ஞ்ஞெய்யோ; நிரோத⁴ஸ்ஸ விவேகட்டோ² அபி⁴ஞ்ஞெய்யோ; நிரோத⁴ஸ்ஸ அஸங்க²தட்டோ² அபி⁴ஞ்ஞெய்யோ; நிரோத⁴ஸ்ஸ அமதட்டோ² அபி⁴ஞ்ஞெய்யோ. மக்³க³ட்டோ² அபி⁴ஞ்ஞெய்யோ; மக்³க³ஸ்ஸ நிய்யானட்டோ² அபி⁴ஞ்ஞெய்யோ; மக்³க³ஸ்ஸ ஹேதுட்டோ² அபி⁴ஞ்ஞெய்யோ; மக்³க³ஸ்ஸ த³ஸ்ஸனட்டோ² அபி⁴ஞ்ஞெய்யோ; மக்³க³ஸ்ஸ ஆதி⁴பதெய்யட்டோ² அபி⁴ஞ்ஞெய்யோ.

17. Dukkhaṭṭho abhiññeyyo; dukkhassa pīḷanaṭṭho abhiññeyyo; dukkhassa saṅkhataṭṭho abhiññeyyo; dukkhassa santāpaṭṭho abhiññeyyo; dukkhassa vipariṇāmaṭṭho abhiññeyyo. Samudayaṭṭho abhiññeyyo; samudayassa āyūhanaṭṭho ⁴² abhiññeyyo; samudayassa nidānaṭṭho abhiññeyyo; samudayassa saññogaṭṭho abhiññeyyo; samudayassa palibodhaṭṭho abhiññeyyo; nirodhaṭṭho abhiññeyyo ; nirodhassa nissaraṇaṭṭho abhiññeyyo; nirodhassa vivekaṭṭho abhiññeyyo; nirodhassa asaṅkhataṭṭho abhiññeyyo; nirodhassa amataṭṭho abhiññeyyo. Maggaṭṭho abhiññeyyo; maggassa niyyānaṭṭho abhiññeyyo; maggassa hetuṭṭho abhiññeyyo; maggassa dassanaṭṭho abhiññeyyo; maggassa ādhipateyyaṭṭho abhiññeyyo.

தத²ட்டோ² அபி⁴ஞ்ஞெய்யோ; அனத்தட்டோ² அபி⁴ஞ்ஞெய்யோ; ஸச்சட்டோ² அபி⁴ஞ்ஞெய்யோ; படிவேத⁴ட்டோ² அபி⁴ஞ்ஞெய்யோ; அபி⁴ஜானநட்டோ² அபி⁴ஞ்ஞெய்யோ; பரிஜானநட்டோ² அபி⁴ஞ்ஞெய்யோ; த⁴ம்மட்டோ² அபி⁴ஞ்ஞெய்யோ; தா⁴துட்டோ² அபி⁴ஞ்ஞெய்யோ; ஞாதட்டோ² அபி⁴ஞ்ஞெய்யோ; ஸச்சி²கிரியட்டோ² அபி⁴ஞ்ஞெய்யோ; ப²ஸ்ஸனட்டோ² அபி⁴ஞ்ஞெய்யோ; அபி⁴ஸமயட்டோ² அபி⁴ஞ்ஞெய்யோ.

Tathaṭṭho abhiññeyyo; anattaṭṭho abhiññeyyo; saccaṭṭho abhiññeyyo; paṭivedhaṭṭho abhiññeyyo; abhijānanaṭṭho abhiññeyyo; parijānanaṭṭho abhiññeyyo; dhammaṭṭho abhiññeyyo; dhātuṭṭho abhiññeyyo; ñātaṭṭho abhiññeyyo; sacchikiriyaṭṭho abhiññeyyo; phassanaṭṭho abhiññeyyo; abhisamayaṭṭho abhiññeyyo.

18. நெக்க²ம்மங் அபி⁴ஞ்ஞெய்யங்; அப்³யாபாதோ³ அபி⁴ஞ்ஞெய்யோ; ஆலோகஸஞ்ஞா அபி⁴ஞ்ஞெய்யா; அவிக்கே²போ அபி⁴ஞ்ஞெய்யோ; த⁴ம்மவவத்தா²னங் அபி⁴ஞ்ஞெய்யங்; ஞாணங் அபி⁴ஞ்ஞெய்யங்; பாமோஜ்ஜங் ⁴³ அபி⁴ஞ்ஞெய்யங்.

18. Nekkhammaṃ abhiññeyyaṃ; abyāpādo abhiññeyyo; ālokasaññā abhiññeyyā; avikkhepo abhiññeyyo; dhammavavatthānaṃ abhiññeyyaṃ; ñāṇaṃ abhiññeyyaṃ; pāmojjaṃ ⁴⁴ abhiññeyyaṃ.

பட²மங் ஜா²னங் அபி⁴ஞ்ஞெய்யங்; து³தியங் ஜா²னங் அபி⁴ஞ்ஞெய்யங்; ததியங் ஜா²னங் அபி⁴ஞ்ஞெய்யங்; சதுத்த²ங் ஜா²னங் அபி⁴ஞ்ஞெய்யங். ஆகாஸானஞ்சாயதனஸமாபத்தி அபி⁴ஞ்ஞெய்யா; விஞ்ஞாணஞ்சாயதனஸமாபத்தி அபி⁴ஞ்ஞெய்யா; ஆகிஞ்சஞ்ஞாயதனஸமாபத்தி அபி⁴ஞ்ஞெய்யா; நேவஸஞ்ஞானாஸஞ்ஞாயதனஸமாபத்தி அபி⁴ஞ்ஞெய்யா.

Paṭhamaṃ jhānaṃ abhiññeyyaṃ; dutiyaṃ jhānaṃ abhiññeyyaṃ; tatiyaṃ jhānaṃ abhiññeyyaṃ; catutthaṃ jhānaṃ abhiññeyyaṃ. Ākāsānañcāyatanasamāpatti abhiññeyyā; viññāṇañcāyatanasamāpatti abhiññeyyā; ākiñcaññāyatanasamāpatti abhiññeyyā; nevasaññānāsaññāyatanasamāpatti abhiññeyyā.

அனிச்சானுபஸ்ஸனா அபி⁴ஞ்ஞெய்யா; து³க்கா²னுபஸ்ஸனா அபி⁴ஞ்ஞெய்யா; அனத்தானுபஸ்ஸனா அபி⁴ஞ்ஞெய்யா; நிப்³பி³தா³னுபஸ்ஸனா அபி⁴ஞ்ஞெய்யா; விராகா³னுபஸ்ஸனா அபி⁴ஞ்ஞெய்யா; நிரோதா⁴னுபஸ்ஸனா அபி⁴ஞ்ஞெய்யா; படினிஸ்ஸக்³கா³னுபஸ்ஸனா அபி⁴ஞ்ஞெய்யா; க²யானுபஸ்ஸனா அபி⁴ஞ்ஞெய்யா; வயானுபஸ்ஸனா அபி⁴ஞ்ஞெய்யா; விபரிணாமானுபஸ்ஸனா அபி⁴ஞ்ஞெய்யா; அனிமித்தானுபஸ்ஸனா அபி⁴ஞ்ஞெய்யா; அப்பணிஹிதானுபஸ்ஸனா அபி⁴ஞ்ஞெய்யா; ஸுஞ்ஞதானுபஸ்ஸனா அபி⁴ஞ்ஞெய்யா; அதி⁴பஞ்ஞாத⁴ம்மவிபஸ்ஸனா அபி⁴ஞ்ஞெய்யா; யதா²பூ⁴தஞாணத³ஸ்ஸனங் அபி⁴ஞ்ஞெய்யங்; ஆதீ³னவானுபஸ்ஸனா அபி⁴ஞ்ஞெய்யா; படிஸங்கா²னுபஸ்ஸனா அபி⁴ஞ்ஞெய்யா; விவட்டனானுபஸ்ஸனா அபி⁴ஞ்ஞெய்யா.

Aniccānupassanā abhiññeyyā; dukkhānupassanā abhiññeyyā; anattānupassanā abhiññeyyā; nibbidānupassanā abhiññeyyā; virāgānupassanā abhiññeyyā; nirodhānupassanā abhiññeyyā; paṭinissaggānupassanā abhiññeyyā; khayānupassanā abhiññeyyā; vayānupassanā abhiññeyyā; vipariṇāmānupassanā abhiññeyyā; animittānupassanā abhiññeyyā; appaṇihitānupassanā abhiññeyyā; suññatānupassanā abhiññeyyā; adhipaññādhammavipassanā abhiññeyyā; yathābhūtañāṇadassanaṃ abhiññeyyaṃ; ādīnavānupassanā abhiññeyyā; paṭisaṅkhānupassanā abhiññeyyā; vivaṭṭanānupassanā abhiññeyyā.

19. ஸோதாபத்திமக்³கோ³ அபி⁴ஞ்ஞெய்யோ; ஸோதாபத்திப²லஸமாபத்தி அபி⁴ஞ்ஞெய்யா; ஸகதா³கா³மிமக்³கோ³ அபி⁴ஞ்ஞெய்யோ; ஸகதா³கா³மிப²லஸமாபத்தி அபி⁴ஞ்ஞெய்யா; அனாகா³மிமக்³கோ³ அபி⁴ஞ்ஞெய்யோ ; அனாகா³மிப²லஸமாபத்தி அபி⁴ஞ்ஞெய்யா; அரஹத்தமக்³கோ³ அபி⁴ஞ்ஞெய்யோ; அரஹத்தப²லஸமாபத்தி அபி⁴ஞ்ஞெய்யா.

19. Sotāpattimaggo abhiññeyyo; sotāpattiphalasamāpatti abhiññeyyā; sakadāgāmimaggo abhiññeyyo; sakadāgāmiphalasamāpatti abhiññeyyā; anāgāmimaggo abhiññeyyo ; anāgāmiphalasamāpatti abhiññeyyā; arahattamaggo abhiññeyyo; arahattaphalasamāpatti abhiññeyyā.

அதி⁴மொக்க²ட்டே²ன ஸத்³தி⁴ந்த்³ரியங் அபி⁴ஞ்ஞெய்யங்; பக்³க³ஹட்டே²ன வீரியிந்த்³ரியங் அபி⁴ஞ்ஞெய்யங்; உபட்டா²னட்டே²ன ஸதிந்த்³ரியங் அபி⁴ஞ்ஞெய்யங்; அவிக்கே²பட்டே²ன ஸமாதி⁴ந்த்³ரியங் அபி⁴ஞ்ஞெய்யங்; த³ஸ்ஸனட்டே²ன பஞ்ஞிந்த்³ரியங் அபி⁴ஞ்ஞெய்யங்; அஸ்ஸத்³தி⁴யே அகம்பியட்டே²ன ஸத்³தா⁴ப³லங் அபி⁴ஞ்ஞெய்யங்; கோஸஜ்ஜே அகம்பியட்டே²ன வீரியப³லங் அபி⁴ஞ்ஞெய்யங்; பமாதே³ அகம்பியட்டே²ன ஸதிப³லங் அபி⁴ஞ்ஞெய்யங்; உத்³த⁴ச்சே அகம்பியட்டே²ன ஸமாதி⁴ப³லங் அபி⁴ஞ்ஞெய்யங்; அவிஜ்ஜாய அகம்பியட்டே²ன பஞ்ஞாப³லங் அபி⁴ஞ்ஞெய்யங்; உபட்டா²னட்டே²ன ஸதிஸம்பொ³ஜ்ஜ²ங்கோ³ அபி⁴ஞ்ஞெய்யோ; பவிசயட்டே²ன த⁴ம்மவிசயஸம்பொ³ஜ்ஜ²ங்கோ³ அபி⁴ஞ்ஞெய்யோ; பக்³க³ஹட்டே²ன வீரியஸம்பொ³ஜ்ஜ²ங்கோ³ அபி⁴ஞ்ஞெய்யோ; ப²ரணட்டே²ன பீதிஸம்பொ³ஜ்ஜ²ங்கோ³ அபி⁴ஞ்ஞெய்யோ ; உபஸமட்டே²ன பஸ்ஸத்³தி⁴ஸம்பொ³ஜ்ஜ²ங்கோ³ அபி⁴ஞ்ஞெய்யோ; அவிக்கே²பட்டே²ன ஸமாதி⁴ஸம்பொ³ஜ்ஜ²ங்கோ³ அபி⁴ஞ்ஞெய்யோ; படிஸங்கா²னட்டே²ன உபெக்கா²ஸம்பொ³ஜ்ஜ²ங்கோ³ அபி⁴ஞ்ஞெய்யோ.

Adhimokkhaṭṭhena saddhindriyaṃ abhiññeyyaṃ; paggahaṭṭhena vīriyindriyaṃ abhiññeyyaṃ; upaṭṭhānaṭṭhena satindriyaṃ abhiññeyyaṃ; avikkhepaṭṭhena samādhindriyaṃ abhiññeyyaṃ; dassanaṭṭhena paññindriyaṃ abhiññeyyaṃ; assaddhiye akampiyaṭṭhena saddhābalaṃ abhiññeyyaṃ; kosajje akampiyaṭṭhena vīriyabalaṃ abhiññeyyaṃ; pamāde akampiyaṭṭhena satibalaṃ abhiññeyyaṃ; uddhacce akampiyaṭṭhena samādhibalaṃ abhiññeyyaṃ; avijjāya akampiyaṭṭhena paññābalaṃ abhiññeyyaṃ; upaṭṭhānaṭṭhena satisambojjhaṅgo abhiññeyyo; pavicayaṭṭhena dhammavicayasambojjhaṅgo abhiññeyyo; paggahaṭṭhena vīriyasambojjhaṅgo abhiññeyyo; pharaṇaṭṭhena pītisambojjhaṅgo abhiññeyyo ; upasamaṭṭhena passaddhisambojjhaṅgo abhiññeyyo; avikkhepaṭṭhena samādhisambojjhaṅgo abhiññeyyo; paṭisaṅkhānaṭṭhena upekkhāsambojjhaṅgo abhiññeyyo.

த³ஸ்ஸனட்டே²ன ஸம்மாதி³ட்டி² அபி⁴ஞ்ஞெய்யா; அபி⁴னிரோபனட்டே²ன ஸம்மாஸங்கப்போ அபி⁴ஞ்ஞெய்யோ; பரிக்³க³ஹட்டே²ன ஸம்மாவாசா அபி⁴ஞ்ஞெய்யா; ஸமுட்டா²னட்டே²ன ஸம்மாகம்மந்தோ அபி⁴ஞ்ஞெய்யோ; வோதா³னட்டே²ன ஸம்மாஆஜீவோ அபி⁴ஞ்ஞெய்யோ; பக்³க³ஹட்டே²ன ஸம்மாவாயாமோ அபி⁴ஞ்ஞெய்யோ; உபட்டா²னட்டே²ன ஸம்மாஸதி அபி⁴ஞ்ஞெய்யா; அவிக்கே²பட்டே²ன ஸம்மாஸமாதி⁴ அபி⁴ஞ்ஞெய்யோ.

Dassanaṭṭhena sammādiṭṭhi abhiññeyyā; abhiniropanaṭṭhena sammāsaṅkappo abhiññeyyo; pariggahaṭṭhena sammāvācā abhiññeyyā; samuṭṭhānaṭṭhena sammākammanto abhiññeyyo; vodānaṭṭhena sammāājīvo abhiññeyyo; paggahaṭṭhena sammāvāyāmo abhiññeyyo; upaṭṭhānaṭṭhena sammāsati abhiññeyyā; avikkhepaṭṭhena sammāsamādhi abhiññeyyo.

ஆதி⁴பதெய்யட்டே²ன இந்த்³ரியா அபி⁴ஞ்ஞெய்யா; அகம்பியட்டே²ன ப³லா அபி⁴ஞ்ஞெய்யா; நிய்யானட்டே²ன பொ³ஜ்ஜ²ங்கா³ அபி⁴ஞ்ஞெய்யா; ஹேதுட்டே²ன மக்³கோ³ அபி⁴ஞ்ஞெய்யோ; உபட்டா²னட்டே²ன ஸதிபட்டா²னா அபி⁴ஞ்ஞெய்யா; பத³ஹனட்டே²ன ஸம்மப்பதா⁴னா அபி⁴ஞ்ஞெய்யா; இஜ்ஜ²னட்டே²ன இத்³தி⁴பாதா³ அபி⁴ஞ்ஞெய்யா; தத²ட்டே²ன ஸச்சா அபி⁴ஞ்ஞெய்யா; அவிக்கே²பட்டே²ன ஸமதோ² அபி⁴ஞ்ஞெய்யோ; அனுபஸ்ஸனட்டே²ன விபஸ்ஸனா அபி⁴ஞ்ஞெய்யா; ஏகரஸட்டே²ன ஸமத²விபஸ்ஸனா அபி⁴ஞ்ஞெய்யா; அனதிவத்தனட்டே²ன யுக³னத்³த⁴ங் அபி⁴ஞ்ஞெய்யங்.

Ādhipateyyaṭṭhena indriyā abhiññeyyā; akampiyaṭṭhena balā abhiññeyyā; niyyānaṭṭhena bojjhaṅgā abhiññeyyā; hetuṭṭhena maggo abhiññeyyo; upaṭṭhānaṭṭhena satipaṭṭhānā abhiññeyyā; padahanaṭṭhena sammappadhānā abhiññeyyā; ijjhanaṭṭhena iddhipādā abhiññeyyā; tathaṭṭhena saccā abhiññeyyā; avikkhepaṭṭhena samatho abhiññeyyo; anupassanaṭṭhena vipassanā abhiññeyyā; ekarasaṭṭhena samathavipassanā abhiññeyyā; anativattanaṭṭhena yuganaddhaṃ abhiññeyyaṃ.

ஸங்வரட்டே²ன ஸீலவிஸுத்³தி⁴ அபி⁴ஞ்ஞெய்யா; அவிக்கே²பட்டே²ன சித்தவிஸுத்³தி⁴ அபி⁴ஞ்ஞெய்யா; த³ஸ்ஸனட்டே²ன தி³ட்டி²விஸுத்³தி⁴ அபி⁴ஞ்ஞெய்யா; முத்தட்டே²ன விமொக்கோ² அபி⁴ஞ்ஞெய்யோ; படிவேத⁴ட்டே²ன விஜ்ஜா அபி⁴ஞ்ஞெய்யா ; பரிச்சாக³ட்டே²ன விமுத்தி அபி⁴ஞ்ஞெய்யா; ஸமுச்சே²த³ட்டே²ன க²யே ஞாணங் அபி⁴ஞ்ஞெய்யங்; படிப்பஸ்ஸத்³த⁴ட்டே²ன அனுப்பாதே³ ஞாணங் அபி⁴ஞ்ஞெய்யங்.

Saṃvaraṭṭhena sīlavisuddhi abhiññeyyā; avikkhepaṭṭhena cittavisuddhi abhiññeyyā; dassanaṭṭhena diṭṭhivisuddhi abhiññeyyā; muttaṭṭhena vimokkho abhiññeyyo; paṭivedhaṭṭhena vijjā abhiññeyyā ; pariccāgaṭṭhena vimutti abhiññeyyā; samucchedaṭṭhena khaye ñāṇaṃ abhiññeyyaṃ; paṭippassaddhaṭṭhena anuppāde ñāṇaṃ abhiññeyyaṃ.

20. ச²ந்தோ³ மூலட்டே²ன அபி⁴ஞ்ஞெய்யோ; மனஸிகாரோ ஸமுட்டா²னட்டே²ன அபி⁴ஞ்ஞெய்யோ; ப²ஸ்ஸோ ஸமோதா⁴னட்டே²ன அபி⁴ஞ்ஞெய்யோ; வேத³னா ஸமோஸரணட்டே²ன அபி⁴ஞ்ஞெய்யா; ஸமாதி⁴ பமுக²ட்டே²ன அபி⁴ஞ்ஞெய்யோ; ஸதி ஆதி⁴பதெய்யட்டே²ன அபி⁴ஞ்ஞெய்யா; பஞ்ஞா ததுத்தரட்டே²ன அபி⁴ஞ்ஞெய்யா; விமுத்தி ஸாரட்டே²ன அபி⁴ஞ்ஞெய்யா; அமதோக³த⁴ங் நிப்³பா³னங் பரியோஸானட்டே²ன அபி⁴ஞ்ஞெய்யங்.

20. Chando mūlaṭṭhena abhiññeyyo; manasikāro samuṭṭhānaṭṭhena abhiññeyyo; phasso samodhānaṭṭhena abhiññeyyo; vedanā samosaraṇaṭṭhena abhiññeyyā; samādhi pamukhaṭṭhena abhiññeyyo; sati ādhipateyyaṭṭhena abhiññeyyā; paññā tatuttaraṭṭhena abhiññeyyā; vimutti sāraṭṭhena abhiññeyyā; amatogadhaṃ nibbānaṃ pariyosānaṭṭhena abhiññeyyaṃ.

யே யே த⁴ம்மா அபி⁴ஞ்ஞாதா ஹொந்தி தே தே த⁴ம்மா ஞாதா ஹொந்தி. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இமே த⁴ம்மா அபி⁴ஞ்ஞெய்யாதி ஸோதாவதா⁴னங், தங்பஜானநா பஞ்ஞா ஸுதமயே ஞாண’’ந்தி.

Ye ye dhammā abhiññātā honti te te dhammā ñātā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā abhiññeyyāti sotāvadhānaṃ, taṃpajānanā paññā sutamaye ñāṇa’’nti.

து³தியபா⁴ணவாரோ.

Dutiyabhāṇavāro.

21. கத²ங் ‘‘இமே த⁴ம்மா பரிஞ்ஞெய்யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

21. Kathaṃ ‘‘ime dhammā pariññeyyā’’ti sotāvadhānaṃ, taṃpajānanā paññā sutamaye ñāṇaṃ?

ஏகோ த⁴ம்மோ பரிஞ்ஞெய்யோ – ப²ஸ்ஸோ ஸாஸவோ உபாதா³னியோ. த்³வே த⁴ம்மா பரிஞ்ஞெய்யா – நாமஞ்ச ரூபஞ்ச. தயோ த⁴ம்மா பரிஞ்ஞெய்யா – திஸ்ஸோ வேத³னா. சத்தாரோ த⁴ம்மா பரிஞ்ஞெய்யா – சத்தாரோ ஆஹாரா. பஞ்ச த⁴ம்மா பரிஞ்ஞெய்யா – பஞ்சுபாதா³னக்க²ந்தா⁴. ச² த⁴ம்மா பரிஞ்ஞெய்யா – ச² அஜ்ஜ²த்திகானி ஆயதனானி. ஸத்த த⁴ம்மா பரிஞ்ஞெய்யா – ஸத்த விஞ்ஞாணட்டி²தியோ. அட்ட² த⁴ம்மா பரிஞ்ஞெய்யா – அட்ட² லோகத⁴ம்மா. நவ த⁴ம்மா பரிஞ்ஞெய்யா – நவ ஸத்தாவாஸா. த³ஸ த⁴ம்மா பரிஞ்ஞெய்யா – த³ஸாயதனானி.

Eko dhammo pariññeyyo – phasso sāsavo upādāniyo. Dve dhammā pariññeyyā – nāmañca rūpañca. Tayo dhammā pariññeyyā – tisso vedanā. Cattāro dhammā pariññeyyā – cattāro āhārā. Pañca dhammā pariññeyyā – pañcupādānakkhandhā. Cha dhammā pariññeyyā – cha ajjhattikāni āyatanāni. Satta dhammā pariññeyyā – satta viññāṇaṭṭhitiyo. Aṭṭha dhammā pariññeyyā – aṭṭha lokadhammā. Nava dhammā pariññeyyā – nava sattāvāsā. Dasa dhammā pariññeyyā – dasāyatanāni.

‘‘ஸப்³ப³ங், பி⁴க்க²வே, பரிஞ்ஞெய்யங். கிஞ்ச, பி⁴க்க²வே, ஸப்³ப³ங் பரிஞ்ஞெய்யங்? சக்கு², பி⁴க்க²வே, பரிஞ்ஞெய்யங்; ரூபா பரிஞ்ஞெய்யா; சக்கு²விஞ்ஞாணங் பரிஞ்ஞெய்யங்; சக்கு²ஸம்ப²ஸ்ஸோ பரிஞ்ஞெய்யோ; யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி பரிஞ்ஞெய்யங். ஸோதங் பரிஞ்ஞெய்யங்; ஸத்³தா³ பரிஞ்ஞெய்யா…பே॰… கா⁴னங் பரிஞ்ஞெய்யங், க³ந்தா⁴ பரிஞ்ஞெய்யா… ஜிவ்ஹா பரிஞ்ஞெய்யா; ரஸா பரிஞ்ஞெய்யா… காயோ பரிஞ்ஞெய்யோ; பொ²ட்ட²ப்³பா³ பரிஞ்ஞெய்யா…பே॰… மனோ பரிஞ்ஞெய்யோ; த⁴ம்மா பரிஞ்ஞெய்யா… மனோவிஞ்ஞாணங் பரிஞ்ஞெய்யங்; மனோஸம்ப²ஸ்ஸோ பரிஞ்ஞெய்யோ; யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி பரிஞ்ஞெய்யங்.’’ ரூபங் பரிஞ்ஞெய்யங்…பே॰… வேத³னா பரிஞ்ஞெய்யா… ஸஞ்ஞா பரிஞ்ஞெய்யா… ஸங்கா²ரா பரிஞ்ஞெய்யா… விஞ்ஞாணங் பரிஞ்ஞெய்யங்… சக்கு² பரிஞ்ஞெய்யங்…பே॰… ஜராமரணங் பரிஞ்ஞெய்யங்… அமதோக³த⁴ங் நிப்³பா³னங் பரியோஸானட்டே²ன பரிஞ்ஞெய்யங். யேஸங் யேஸங் த⁴ம்மானங் படிலாப⁴த்தா²ய வாயமந்தஸ்ஸ தே தே த⁴ம்மா படிலத்³தா⁴ ஹொந்தி, ஏவங் தே த⁴ம்மா பரிஞ்ஞாதா சேவ ஹொந்தி தீரிதா ச.

‘‘Sabbaṃ, bhikkhave, pariññeyyaṃ. Kiñca, bhikkhave, sabbaṃ pariññeyyaṃ? Cakkhu, bhikkhave, pariññeyyaṃ; rūpā pariññeyyā; cakkhuviññāṇaṃ pariññeyyaṃ; cakkhusamphasso pariññeyyo; yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pariññeyyaṃ. Sotaṃ pariññeyyaṃ; saddā pariññeyyā…pe… ghānaṃ pariññeyyaṃ, gandhā pariññeyyā… jivhā pariññeyyā; rasā pariññeyyā… kāyo pariññeyyo; phoṭṭhabbā pariññeyyā…pe… mano pariññeyyo; dhammā pariññeyyā… manoviññāṇaṃ pariññeyyaṃ; manosamphasso pariññeyyo; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pariññeyyaṃ.’’ Rūpaṃ pariññeyyaṃ…pe… vedanā pariññeyyā… saññā pariññeyyā… saṅkhārā pariññeyyā… viññāṇaṃ pariññeyyaṃ… cakkhu pariññeyyaṃ…pe… jarāmaraṇaṃ pariññeyyaṃ… amatogadhaṃ nibbānaṃ pariyosānaṭṭhena pariññeyyaṃ. Yesaṃ yesaṃ dhammānaṃ paṭilābhatthāya vāyamantassa te te dhammā paṭiladdhā honti, evaṃ te dhammā pariññātā ceva honti tīritā ca.

22. நெக்க²ம்மங் படிலாப⁴த்தா²ய வாயமந்தஸ்ஸ நெக்க²ம்மங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அப்³யாபாத³ங் படிலாப⁴த்தா²ய வாயமந்தஸ்ஸ அப்³யாபாதோ³ படிலத்³தோ⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஆலோகஸஞ்ஞங் படிலாப⁴த்தா²ய வாயமந்தஸ்ஸ ஆலோகஸஞ்ஞா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அவிக்கே²பங் படிலாப⁴த்தா²ய வாயமந்தஸ்ஸ அவிக்கே²போ படிலத்³தோ⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. த⁴ம்மவவத்தா²னங் படிலாப⁴த்தா²ய வாயமந்தஸ்ஸ த⁴ம்மவவத்தா²னங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஞாணங் படிலாப⁴த்தா²ய வாயமந்தஸ்ஸ ஞாணங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. பாமோஜ்ஜங் படிலாப⁴த்தா²ய வாயமந்தஸ்ஸ பாமோஜ்ஜங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச.

22. Nekkhammaṃ paṭilābhatthāya vāyamantassa nekkhammaṃ paṭiladdhaṃ hoti. Evaṃ so dhammo pariññāto ceva hoti tīrito ca. Abyāpādaṃ paṭilābhatthāya vāyamantassa abyāpādo paṭiladdho hoti. Evaṃ so dhammo pariññāto ceva hoti tīrito ca. Ālokasaññaṃ paṭilābhatthāya vāyamantassa ālokasaññā paṭiladdhā hoti. Evaṃ so dhammo pariññāto ceva hoti tīrito ca. Avikkhepaṃ paṭilābhatthāya vāyamantassa avikkhepo paṭiladdho hoti. Evaṃ so dhammo pariññāto ceva hoti tīrito ca. Dhammavavatthānaṃ paṭilābhatthāya vāyamantassa dhammavavatthānaṃ paṭiladdhaṃ hoti. Evaṃ so dhammo pariññāto ceva hoti tīrito ca. Ñāṇaṃ paṭilābhatthāya vāyamantassa ñāṇaṃ paṭiladdhaṃ hoti. Evaṃ so dhammo pariññāto ceva hoti tīrito ca. Pāmojjaṃ paṭilābhatthāya vāyamantassa pāmojjaṃ paṭiladdhaṃ hoti. Evaṃ so dhammo pariññāto ceva hoti tīrito ca.

பட²மங் ஜா²னங் படிலாப⁴த்தா²ய வாயமந்தஸ்ஸ பட²மங் ஜா²னங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. து³தியங் ஜா²னங்…பே॰… ததியங் ஜா²னங்… சதுத்த²ங் ஜா²னங் படிலாப⁴த்தா²ய வாயமந்தஸ்ஸ சதுத்த²ங் ஜா²னங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஆகாஸானஞ்சாயதனஸமாபத்திங் படிலாப⁴த்தா²ய வாயமந்தஸ்ஸ ஆகாஸானஞ்சாயதனஸமாபத்தி படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. விஞ்ஞாணஞ்சாயதனஸமாபத்திங் படிலாப⁴த்தா²ய வாயமந்தஸ்ஸ விஞ்ஞாணஞ்சாயதனஸமாபத்தி படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஆகிஞ்சஞ்ஞாயதனஸமாபத்திங் படிலாப⁴த்தா²ய வாயமந்தஸ்ஸ ஆகிஞ்சஞ்ஞாயதனஸமாபத்தி படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. நேவஸஞ்ஞானாஸஞ்ஞாயதனஸமாபத்திங் படிலாப⁴த்தா²ய வாயமந்தஸ்ஸ நேவஸஞ்ஞானாஸஞ்ஞாயதனஸமாபத்தி படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச.

Paṭhamaṃ jhānaṃ paṭilābhatthāya vāyamantassa paṭhamaṃ jhānaṃ paṭiladdhaṃ hoti. Evaṃ so dhammo pariññāto ceva hoti tīrito ca. Dutiyaṃ jhānaṃ…pe… tatiyaṃ jhānaṃ… catutthaṃ jhānaṃ paṭilābhatthāya vāyamantassa catutthaṃ jhānaṃ paṭiladdhaṃ hoti. Evaṃ so dhammo pariññāto ceva hoti tīrito ca. Ākāsānañcāyatanasamāpattiṃ paṭilābhatthāya vāyamantassa ākāsānañcāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca. Viññāṇañcāyatanasamāpattiṃ paṭilābhatthāya vāyamantassa viññāṇañcāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca. Ākiñcaññāyatanasamāpattiṃ paṭilābhatthāya vāyamantassa ākiñcaññāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca. Nevasaññānāsaññāyatanasamāpattiṃ paṭilābhatthāya vāyamantassa nevasaññānāsaññāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca.

அனிச்சானுபஸ்ஸனங் படிலாப⁴த்தா²ய வாயமந்தஸ்ஸ அனிச்சானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. து³க்கா²னுபஸ்ஸனங் படிலாப⁴த்தா²ய வாயமந்தஸ்ஸ து³க்கா²னுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அனத்தானுபஸ்ஸனங் படிலாப⁴த்தா²ய வாயமந்தஸ்ஸ அனத்தானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. நிப்³பி³தா³னுபஸ்ஸனங் படிலாப⁴த்தா²ய வாயமந்தஸ்ஸ நிப்³பி³தா³னுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. விராகா³னுபஸ்ஸனங் படிலாப⁴த்தா²ய வாயமந்தஸ்ஸ விராகா³னுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. நிரோதா⁴னுபஸ்ஸனங் படிலாப⁴த்தா²ய வாயமந்தஸ்ஸ நிரோதா⁴னுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. படினிஸ்ஸக்³கா³னுபஸ்ஸனங் படிலாப⁴த்தா²ய வாயமந்தஸ்ஸ படினிஸ்ஸக்³கா³னுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. க²யானுபஸ்ஸனங் படிலாப⁴த்தா²ய வாயமந்தஸ்ஸ க²யானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. வயானுபஸ்ஸனங் படிலாப⁴த்தா²ய வாயமந்தஸ்ஸ வயானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. விபரிணாமானுபஸ்ஸனங் படிலாப⁴த்தா²ய வாயமந்தஸ்ஸ விபரிணாமானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அனிமித்தானுபஸ்ஸனங் படிலாப⁴த்தா²ய வாயமந்தஸ்ஸ அனிமித்தானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அப்பணிஹிதானுபஸ்ஸனங் படிலாப⁴த்தா²ய வாயமந்தஸ்ஸ அப்பணிஹிதானுபஸ்ஸனா படிலத்³தா⁴ ஹோதி . ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஸுஞ்ஞதானுபஸ்ஸனங் படிலாப⁴த்தா²ய வாயமந்தஸ்ஸ ஸுஞ்ஞதானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச.

Aniccānupassanaṃ paṭilābhatthāya vāyamantassa aniccānupassanā paṭiladdhā hoti. Evaṃ so dhammo pariññāto ceva hoti tīrito ca. Dukkhānupassanaṃ paṭilābhatthāya vāyamantassa dukkhānupassanā paṭiladdhā hoti. Evaṃ so dhammo pariññāto ceva hoti tīrito ca. Anattānupassanaṃ paṭilābhatthāya vāyamantassa anattānupassanā paṭiladdhā hoti. Evaṃ so dhammo pariññāto ceva hoti tīrito ca. Nibbidānupassanaṃ paṭilābhatthāya vāyamantassa nibbidānupassanā paṭiladdhā hoti. Evaṃ so dhammo pariññāto ceva hoti tīrito ca. Virāgānupassanaṃ paṭilābhatthāya vāyamantassa virāgānupassanā paṭiladdhā hoti. Evaṃ so dhammo pariññāto ceva hoti tīrito ca. Nirodhānupassanaṃ paṭilābhatthāya vāyamantassa nirodhānupassanā paṭiladdhā hoti. Evaṃ so dhammo pariññāto ceva hoti tīrito ca. Paṭinissaggānupassanaṃ paṭilābhatthāya vāyamantassa paṭinissaggānupassanā paṭiladdhā hoti. Evaṃ so dhammo pariññāto ceva hoti tīrito ca. Khayānupassanaṃ paṭilābhatthāya vāyamantassa khayānupassanā paṭiladdhā hoti. Evaṃ so dhammo pariññāto ceva hoti tīrito ca. Vayānupassanaṃ paṭilābhatthāya vāyamantassa vayānupassanā paṭiladdhā hoti. Evaṃ so dhammo pariññāto ceva hoti tīrito ca. Vipariṇāmānupassanaṃ paṭilābhatthāya vāyamantassa vipariṇāmānupassanā paṭiladdhā hoti. Evaṃ so dhammo pariññāto ceva hoti tīrito ca. Animittānupassanaṃ paṭilābhatthāya vāyamantassa animittānupassanā paṭiladdhā hoti. Evaṃ so dhammo pariññāto ceva hoti tīrito ca. Appaṇihitānupassanaṃ paṭilābhatthāya vāyamantassa appaṇihitānupassanā paṭiladdhā hoti . Evaṃ so dhammo pariññāto ceva hoti tīrito ca. Suññatānupassanaṃ paṭilābhatthāya vāyamantassa suññatānupassanā paṭiladdhā hoti. Evaṃ so dhammo pariññāto ceva hoti tīrito ca.

அதி⁴பஞ்ஞாத⁴ம்மவிபஸ்ஸனங் படிலாப⁴த்தா²ய வாயமந்தஸ்ஸ அதி⁴பஞ்ஞாத⁴ம்மவிபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. யதா²பூ⁴தஞாணத³ஸ்ஸனங் படிலாப⁴த்தா²ய வாயமந்தஸ்ஸ யதா²பூ⁴தஞாணத³ஸ்ஸனங் படிலத்³த⁴ங் ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஆதீ³னவானுபஸ்ஸனங் படிலாப⁴த்தா²ய வாயமந்தஸ்ஸ ஆதீ³னவானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. படிஸங்கா²னுபஸ்ஸனங் படிலாப⁴த்தா²ய வாயமந்தஸ்ஸ படிஸங்கா²னுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. விவட்டனானுபஸ்ஸனங் படிலாப⁴த்தா²ய வாயமந்தஸ்ஸ விவட்டனானுபஸ்ஸனா படிலத்³தா⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச.

Adhipaññādhammavipassanaṃ paṭilābhatthāya vāyamantassa adhipaññādhammavipassanā paṭiladdhā hoti. Evaṃ so dhammo pariññāto ceva hoti tīrito ca. Yathābhūtañāṇadassanaṃ paṭilābhatthāya vāyamantassa yathābhūtañāṇadassanaṃ paṭiladdhaṃ hoti. Evaṃ so dhammo pariññāto ceva hoti tīrito ca. Ādīnavānupassanaṃ paṭilābhatthāya vāyamantassa ādīnavānupassanā paṭiladdhā hoti. Evaṃ so dhammo pariññāto ceva hoti tīrito ca. Paṭisaṅkhānupassanaṃ paṭilābhatthāya vāyamantassa paṭisaṅkhānupassanā paṭiladdhā hoti. Evaṃ so dhammo pariññāto ceva hoti tīrito ca. Vivaṭṭanānupassanaṃ paṭilābhatthāya vāyamantassa vivaṭṭanānupassanā paṭiladdhā hoti. Evaṃ so dhammo pariññāto ceva hoti tīrito ca.

ஸோதாபத்திமக்³க³ங் படிலாப⁴த்தா²ய வாயமந்தஸ்ஸ ஸோதாபத்திமக்³கோ³ படிலத்³தோ⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. ஸகதா³கா³மிமக்³க³ங் படிலாப⁴த்தா²ய வாயமந்தஸ்ஸ ஸகதா³கா³மிமக்³கோ³ படிலத்³தோ⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அனாகா³மிமக்³க³ங் படிலாப⁴த்தா²ய வாயமந்தஸ்ஸ அனாகா³மிமக்³கோ³ படிலத்³தோ⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச. அரஹத்தமக்³க³ங் படிலாப⁴த்தா²ய வாயமந்தஸ்ஸ அரஹத்தமக்³கோ³ படிலத்³தோ⁴ ஹோதி. ஏவங் ஸோ த⁴ம்மோ பரிஞ்ஞாதோ சேவ ஹோதி தீரிதோ ச.

Sotāpattimaggaṃ paṭilābhatthāya vāyamantassa sotāpattimaggo paṭiladdho hoti. Evaṃ so dhammo pariññāto ceva hoti tīrito ca. Sakadāgāmimaggaṃ paṭilābhatthāya vāyamantassa sakadāgāmimaggo paṭiladdho hoti. Evaṃ so dhammo pariññāto ceva hoti tīrito ca. Anāgāmimaggaṃ paṭilābhatthāya vāyamantassa anāgāmimaggo paṭiladdho hoti. Evaṃ so dhammo pariññāto ceva hoti tīrito ca. Arahattamaggaṃ paṭilābhatthāya vāyamantassa arahattamaggo paṭiladdho hoti. Evaṃ so dhammo pariññāto ceva hoti tīrito ca.

யேஸங் யேஸங் த⁴ம்மானங் படிலாப⁴த்தா²ய வாயமந்தஸ்ஸ தே தே த⁴ம்மா படிலத்³தா⁴ ஹொந்தி. ஏவங் தே த⁴ம்மா பரிஞ்ஞாதா சேவ ஹொந்தி தீரிதா ச. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இமே த⁴ம்மா பரிஞ்ஞெய்யாதி ஸோதாவதா⁴னங், தங்பஜானநா பஞ்ஞா ஸுதமயே ஞாண’’ந்தி.

Yesaṃ yesaṃ dhammānaṃ paṭilābhatthāya vāyamantassa te te dhammā paṭiladdhā honti. Evaṃ te dhammā pariññātā ceva honti tīritā ca. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā pariññeyyāti sotāvadhānaṃ, taṃpajānanā paññā sutamaye ñāṇa’’nti.

23. கத²ங் ‘‘இமே த⁴ம்மா பஹாதப்³பா³’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

23. Kathaṃ ‘‘ime dhammā pahātabbā’’ti sotāvadhānaṃ, taṃpajānanā paññā sutamaye ñāṇaṃ?

ஏகோ த⁴ம்மோ பஹாதப்³போ³ – அஸ்மிமானோ. த்³வே த⁴ம்மா பஹாதப்³பா³ – அவிஜ்ஜா ச ப⁴வதண்ஹா ச. தயோ த⁴ம்மா பஹாதப்³பா³ – திஸ்ஸோ தண்ஹா. சத்தாரோ த⁴ம்மா பஹாதப்³பா³ – சத்தாரோ ஓகா⁴. பஞ்ச த⁴ம்மா பஹாதப்³பா³ – பஞ்ச நீவரணானி. ச² த⁴ம்மா பஹாதப்³பா³ – ச² தண்ஹாகாயா. ஸத்த த⁴ம்மா பஹாதப்³பா³ – ஸத்தானுஸயா. அட்ட² த⁴ம்மா பஹாதப்³பா³ – அட்ட² மிச்ச²த்தா. நவ த⁴ம்மா பஹாதப்³பா³ – நவ தண்ஹாமூலகா. த³ஸ த⁴ம்மா பஹாதப்³பா³ – த³ஸ மிச்ச²த்தா.

Eko dhammo pahātabbo – asmimāno. Dve dhammā pahātabbā – avijjā ca bhavataṇhā ca. Tayo dhammā pahātabbā – tisso taṇhā. Cattāro dhammā pahātabbā – cattāro oghā. Pañca dhammā pahātabbā – pañca nīvaraṇāni. Cha dhammā pahātabbā – cha taṇhākāyā. Satta dhammā pahātabbā – sattānusayā. Aṭṭha dhammā pahātabbā – aṭṭha micchattā. Nava dhammā pahātabbā – nava taṇhāmūlakā. Dasa dhammā pahātabbā – dasa micchattā.

24. த்³வே பஹானானி – ஸமுச்சே²த³ப்பஹானங், படிப்பஸ்ஸத்³தி⁴ப்பஹானங். ஸமுச்சே²த³ப்பஹானஞ்ச லோகுத்தரங் க²யகா³மிமக்³க³ங் பா⁴வயதோ; படிப்பஸ்ஸத்³தி⁴ப்பஹானஞ்ச ப²லக்க²ணே. தீணி பஹானானி – காமானமேதங் நிஸ்ஸரணங் யதி³த³ங் நெக்க²ம்மங்; ரூபானமேதங் நிஸ்ஸரணங் யதி³த³ங் ஆருப்பங்; யங் கோ² பன கிஞ்சி பூ⁴தங் ஸங்க²தங் படிச்சஸமுப்பன்னங், நிரோதோ⁴ தஸ்ஸ நிஸ்ஸரணங். நெக்க²ம்மங் படிலத்³த⁴ஸ்ஸ காமா பஹீனா சேவ ஹொந்தி பரிச்சத்தா ச. ஆருப்பங் படிலத்³த⁴ஸ்ஸ ரூபா பஹீனா சேவ ஹொந்தி பரிச்சத்தா ச. நிரோத⁴ங் படிலத்³த⁴ஸ்ஸ ஸங்கா²ரா பஹீனா சேவ ஹொந்தி பரிச்சத்தா ச. சத்தாரி பஹானானி து³க்க²ஸச்சங் பரிஞ்ஞாபடிவேத⁴ங் படிவிஜ்ஜ²ந்தோ பஜஹதி; ஸமுத³யஸச்சங் பஹானபடிவேத⁴ங் படிவிஜ்ஜ²ந்தோ பஜஹதி; நிரோத⁴ஸச்சங் ஸச்சி²கிரியாபடிவேத⁴ங் படிவிஜ்ஜ²ந்தோ பஜஹதி; மக்³க³ஸச்சங் பா⁴வனாபடிவேத⁴ங் படிவிஜ்ஜ²ந்தோ பஜஹதி. பஞ்ச பஹானானி – விக்க²ம்ப⁴னப்பஹானங், தத³ங்க³ப்பஹானங், ஸமுச்சே²த³ப்பஹானங், படிப்பஸ்ஸத்³தி⁴ப்பஹானங், நிஸ்ஸரணப்பஹானங். விக்க²ம்ப⁴னப்பஹானஞ்ச நீவரணானங் பட²மங் ஜா²னங் பா⁴வயதோ; தத³ங்க³ப்பஹானஞ்ச தி³ட்டி²க³தானங் நிப்³பே³த⁴பா⁴கி³யங் ஸமாதி⁴ங் பா⁴வயதோ; ஸமுச்சே²த³ப்பஹானஞ்ச லோகுத்தரங் க²யகா³மிமக்³க³ங் பா⁴வயதோ; படிப்பஸ்ஸத்³தி⁴ப்பஹானஞ்ச ப²லக்க²ணே; நிஸ்ஸரணப்பஹானஞ்ச நிரோதோ⁴ நிப்³பா³னங்.

24. Dve pahānāni – samucchedappahānaṃ, paṭippassaddhippahānaṃ. Samucchedappahānañca lokuttaraṃ khayagāmimaggaṃ bhāvayato; paṭippassaddhippahānañca phalakkhaṇe. Tīṇi pahānāni – kāmānametaṃ nissaraṇaṃ yadidaṃ nekkhammaṃ; rūpānametaṃ nissaraṇaṃ yadidaṃ āruppaṃ; yaṃ kho pana kiñci bhūtaṃ saṅkhataṃ paṭiccasamuppannaṃ, nirodho tassa nissaraṇaṃ. Nekkhammaṃ paṭiladdhassa kāmā pahīnā ceva honti pariccattā ca. Āruppaṃ paṭiladdhassa rūpā pahīnā ceva honti pariccattā ca. Nirodhaṃ paṭiladdhassa saṅkhārā pahīnā ceva honti pariccattā ca. Cattāri pahānāni dukkhasaccaṃ pariññāpaṭivedhaṃ paṭivijjhanto pajahati; samudayasaccaṃ pahānapaṭivedhaṃ paṭivijjhanto pajahati; nirodhasaccaṃ sacchikiriyāpaṭivedhaṃ paṭivijjhanto pajahati; maggasaccaṃ bhāvanāpaṭivedhaṃ paṭivijjhanto pajahati. Pañca pahānāni – vikkhambhanappahānaṃ, tadaṅgappahānaṃ, samucchedappahānaṃ, paṭippassaddhippahānaṃ, nissaraṇappahānaṃ. Vikkhambhanappahānañca nīvaraṇānaṃ paṭhamaṃ jhānaṃ bhāvayato; tadaṅgappahānañca diṭṭhigatānaṃ nibbedhabhāgiyaṃ samādhiṃ bhāvayato; samucchedappahānañca lokuttaraṃ khayagāmimaggaṃ bhāvayato; paṭippassaddhippahānañca phalakkhaṇe; nissaraṇappahānañca nirodho nibbānaṃ.

‘‘ஸப்³ப³ங், பி⁴க்க²வே, பஹாதப்³ப³ங். கிஞ்ச, பி⁴க்க²வே, ஸப்³ப³ங் பஹாதப்³ப³ங்? சக்கு², பி⁴க்க²வே, பஹாதப்³ப³ங்; ரூபா பஹாதப்³பா³; சக்கு²விஞ்ஞாணங் பஹாதப்³ப³ங்; சக்கு²ஸம்ப²ஸ்ஸோ பஹாதப்³போ³; யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி பஹாதப்³ப³ங். ஸோதங் பஹாதப்³ப³ங்; ஸத்³தா³ பஹாதப்³பா³…பே॰… கா⁴னங் பஹாதப்³ப³ங்; க³ந்தா⁴ பஹாதப்³பா³… ஜிவ்ஹா பஹாதப்³பா³; ரஸா பஹாதப்³பா³… காயோ பஹாதப்³போ³; பொ²ட்ட²ப்³பா³ பஹாதப்³பா³… மனோ பஹாதப்³போ³; த⁴ம்மா பஹாதப்³பா³… மனோவிஞ்ஞாணங் பஹாதப்³ப³ங்;… மனோஸம்ப²ஸ்ஸோ பஹாதப்³போ³; யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி பஹாதப்³ப³ங்.’’ ரூபங் பஸ்ஸந்தோ பஜஹதி, வேத³னங் பஸ்ஸந்தோ பஜஹதி, ஸஞ்ஞங் பஸ்ஸந்தோ பஜஹதி, ஸங்கா²ரே பஸ்ஸந்தோ பஜஹதி, விஞ்ஞாணங் பஸ்ஸந்தோ பஜஹதி. சக்கு²ங்…பே॰… ஜராமரணங்…பே॰… அமதோக³த⁴ங் நிப்³பா³னங் பரியோஸானட்டே²ன பஸ்ஸந்தோ பஜஹதி. யே யே த⁴ம்மா பஹீனா ஹொந்தி தே தே த⁴ம்மா பரிச்சத்தா ஹொந்தி. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இமே த⁴ம்மா பஹாதப்³பா³தி ஸோதாவதா⁴னங், தங் பஜானநா பஞ்ஞா ஸுதமயே ஞாண’’ந்தி.

‘‘Sabbaṃ, bhikkhave, pahātabbaṃ. Kiñca, bhikkhave, sabbaṃ pahātabbaṃ? Cakkhu, bhikkhave, pahātabbaṃ; rūpā pahātabbā; cakkhuviññāṇaṃ pahātabbaṃ; cakkhusamphasso pahātabbo; yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pahātabbaṃ. Sotaṃ pahātabbaṃ; saddā pahātabbā…pe… ghānaṃ pahātabbaṃ; gandhā pahātabbā… jivhā pahātabbā; rasā pahātabbā… kāyo pahātabbo; phoṭṭhabbā pahātabbā… mano pahātabbo; dhammā pahātabbā… manoviññāṇaṃ pahātabbaṃ;… manosamphasso pahātabbo; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pahātabbaṃ.’’ Rūpaṃ passanto pajahati, vedanaṃ passanto pajahati, saññaṃ passanto pajahati, saṅkhāre passanto pajahati, viññāṇaṃ passanto pajahati. Cakkhuṃ…pe… jarāmaraṇaṃ…pe… amatogadhaṃ nibbānaṃ pariyosānaṭṭhena passanto pajahati. Ye ye dhammā pahīnā honti te te dhammā pariccattā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā pahātabbāti sotāvadhānaṃ, taṃ pajānanā paññā sutamaye ñāṇa’’nti.

ததியபா⁴ணவாரோ.

Tatiyabhāṇavāro.

25. கத²ங் ‘‘இமே த⁴ம்மா பா⁴வேதப்³பா³’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

25. Kathaṃ ‘‘ime dhammā bhāvetabbā’’ti sotāvadhānaṃ, taṃpajānanā paññā sutamaye ñāṇaṃ?

ஏகோ த⁴ம்மோ பா⁴வேதப்³போ³ – காயக³தாஸதி ஸாதஸஹக³தா. த்³வே த⁴ம்மா பா⁴வேதப்³பா³ – ஸமதோ² ச விபஸ்ஸனா ச. தயோ த⁴ம்மா பா⁴வேதப்³பா³ – தயோ ஸமாதீ⁴. சத்தாரோ த⁴ம்மா பா⁴வேதப்³பா³ – சத்தாரோ ஸதிபட்டா²னா. பஞ்ச த⁴ம்மா பா⁴வேதப்³பா³ – பஞ்சங்கி³கோ ஸமாதி⁴ ⁴⁵. ச² த⁴ம்மா பா⁴வேதப்³பா³ – ச² அனுஸ்ஸதிட்டா²னானி. ஸத்த த⁴ம்மா பா⁴வேதப்³பா³ – ஸத்த பொ³ஜ்ஜ²ங்கா³. அட்ட² த⁴ம்மா பா⁴வேதப்³பா³ – அரியோ அட்ட²ங்கி³கோ மக்³கோ³. நவ த⁴ம்மா பா⁴வேதப்³பா³ – நவ பாரிஸுத்³தி⁴பதா⁴னியங்கா³னி. த³ஸ த⁴ம்மா பா⁴வேதப்³பா³ – த³ஸ கஸிணாயதனானி.

Eko dhammo bhāvetabbo – kāyagatāsati sātasahagatā. Dve dhammā bhāvetabbā – samatho ca vipassanā ca. Tayo dhammā bhāvetabbā – tayo samādhī. Cattāro dhammā bhāvetabbā – cattāro satipaṭṭhānā. Pañca dhammā bhāvetabbā – pañcaṅgiko samādhi ⁴⁶. Cha dhammā bhāvetabbā – cha anussatiṭṭhānāni. Satta dhammā bhāvetabbā – satta bojjhaṅgā. Aṭṭha dhammā bhāvetabbā – ariyo aṭṭhaṅgiko maggo. Nava dhammā bhāvetabbā – nava pārisuddhipadhāniyaṅgāni. Dasa dhammā bhāvetabbā – dasa kasiṇāyatanāni.

26. த்³வே பா⁴வனா – லோகியா ச பா⁴வனா, லோகுத்தரா ச பா⁴வனா. திஸ்ஸோ பா⁴வனா – ரூபாவசரகுஸலானங் த⁴ம்மானங் பா⁴வனா, அரூபாவசரகுஸலானங் த⁴ம்மானங் பா⁴வனா, அபரியாபன்னகுஸலானங் த⁴ம்மானங் பா⁴வனா. ரூபாவசரகுஸலானங் த⁴ம்மானங் பா⁴வனா அத்தி² ஹீனா, அத்தி² மஜ்ஜி²மா, அத்தி² பணீதா. அரூபாவசரகுஸலானங் த⁴ம்மானங் பா⁴வனா அத்தி² ஹீனா , அத்தி² மஜ்ஜி²மா, அத்தி² பணீதா. அபரியாபன்னகுஸலானங் த⁴ம்மானங் பா⁴வனா பணீதா.

26. Dve bhāvanā – lokiyā ca bhāvanā, lokuttarā ca bhāvanā. Tisso bhāvanā – rūpāvacarakusalānaṃ dhammānaṃ bhāvanā, arūpāvacarakusalānaṃ dhammānaṃ bhāvanā, apariyāpannakusalānaṃ dhammānaṃ bhāvanā. Rūpāvacarakusalānaṃ dhammānaṃ bhāvanā atthi hīnā, atthi majjhimā, atthi paṇītā. Arūpāvacarakusalānaṃ dhammānaṃ bhāvanā atthi hīnā , atthi majjhimā, atthi paṇītā. Apariyāpannakusalānaṃ dhammānaṃ bhāvanā paṇītā.

27. சதஸ்ஸோ பா⁴வனா – து³க்க²ஸச்சங் பரிஞ்ஞாபடிவேத⁴ங் படிவிஜ்ஜ²ந்தோ பா⁴வேதி, ஸமுத³யஸச்சங் பஹானப்படிவேத⁴ங் படிவிஜ்ஜ²ந்தோ பா⁴வேதி, நிரோத⁴ஸச்சங் ஸச்சி²கிரியாபடிவேத⁴ங் படிவிஜ்ஜ²ந்தோ பா⁴வேதி, மக்³க³ஸச்சங் பா⁴வனாபடிவேத⁴ங் படிவிஜ்ஜ²ந்தோ பா⁴வேதி. இமா சதஸ்ஸோ பா⁴வனா.

27. Catasso bhāvanā – dukkhasaccaṃ pariññāpaṭivedhaṃ paṭivijjhanto bhāveti, samudayasaccaṃ pahānappaṭivedhaṃ paṭivijjhanto bhāveti, nirodhasaccaṃ sacchikiriyāpaṭivedhaṃ paṭivijjhanto bhāveti, maggasaccaṃ bhāvanāpaṭivedhaṃ paṭivijjhanto bhāveti. Imā catasso bhāvanā.

அபராபி சதஸ்ஸோ பா⁴வனா – ஏஸனாபா⁴வனா, படிலாபா⁴பா⁴வனா, ஏகரஸாபா⁴வனா, ஆஸேவனாபா⁴வனா. கதமா ஏஸனாபா⁴வனா? ஸப்³பே³ஸங் ஸமாதி⁴ங் ஸமாபஜ்ஜந்தானங் தத்த² ஜாதா த⁴ம்மா ஏகரஸா ஹொந்தீதி – அயங் ஏஸனாபா⁴வனா. கதமா படிலாபா⁴பா⁴வனா? ஸப்³பே³ஸங் ஸமாதி⁴ங் ஸமாபன்னானங் தத்த² ஜாதா த⁴ம்மா அஞ்ஞமஞ்ஞங் நாதிவத்தந்தீதி – அயங் படிலாபா⁴பா⁴வனா. கதமா ஏகரஸாபா⁴வனா? அதி⁴மொக்க²ட்டே²ன ஸத்³தி⁴ந்த்³ரியங் பா⁴வயதோ ஸத்³தி⁴ந்த்³ரியஸ்ஸ வஸேன சத்தாரி இந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா. பக்³க³ஹட்டே²ன வீரியிந்த்³ரியங் பா⁴வயதோ வீரியிந்த்³ரியஸ்ஸ வஸேன சத்தாரி இந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா . உபட்டா²னட்டே²ன ஸதிந்த்³ரியங் பா⁴வயதோ ஸதிந்த்³ரியஸ்ஸ வஸேன சத்தாரி இந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா. அவிக்கே²பட்டே²ன ஸமாதி⁴ந்த்³ரியங் பா⁴வயதோ ஸமாதி⁴ந்த்³ரியஸ்ஸ வஸேன சத்தாரி இந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா. த³ஸ்ஸனட்டே²ன பஞ்ஞிந்த்³ரியங் பா⁴வயதோ பஞ்ஞிந்த்³ரியஸ்ஸ வஸேன சத்தாரி இந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா.

Aparāpi catasso bhāvanā – esanābhāvanā, paṭilābhābhāvanā, ekarasābhāvanā, āsevanābhāvanā. Katamā esanābhāvanā? Sabbesaṃ samādhiṃ samāpajjantānaṃ tattha jātā dhammā ekarasā hontīti – ayaṃ esanābhāvanā. Katamā paṭilābhābhāvanā? Sabbesaṃ samādhiṃ samāpannānaṃ tattha jātā dhammā aññamaññaṃ nātivattantīti – ayaṃ paṭilābhābhāvanā. Katamā ekarasābhāvanā? Adhimokkhaṭṭhena saddhindriyaṃ bhāvayato saddhindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā. Paggahaṭṭhena vīriyindriyaṃ bhāvayato vīriyindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā . Upaṭṭhānaṭṭhena satindriyaṃ bhāvayato satindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā. Avikkhepaṭṭhena samādhindriyaṃ bhāvayato samādhindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā. Dassanaṭṭhena paññindriyaṃ bhāvayato paññindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā.

அஸ்ஸத்³தி⁴யே அகம்பியட்டே²ன ஸத்³தா⁴ப³லங் பா⁴வயதோ ஸத்³தா⁴ப³லஸ்ஸ வஸேன சத்தாரி ப³லானி ஏகரஸா ஹொந்தீதி – ப³லானங் ஏகரஸட்டே²ன பா⁴வனா. கோஸஜ்ஜே அகம்பியட்டே²ன வீரியப³லங் பா⁴வயதோ வீரியப³லஸ்ஸ வஸேன சத்தாரி ப³லானி ஏகரஸா ஹொந்தீதி – ப³லானங் ஏகரஸட்டே²ன பா⁴வனா. பமாதே³ அகம்பியட்டே²ன ஸதிப³லங் பா⁴வயதோ ஸதிப³லஸ்ஸ வஸேன சத்தாரி ப³லானி ஏகரஸா ஹொந்தீதி – ப³லானங் ஏகரஸட்டே²ன பா⁴வனா. உத்³த⁴ச்சே அகம்பியட்டே²ன ஸமாதி⁴ப³லங் பா⁴வயதோ ஸமாதி⁴ப³லஸ்ஸ வஸேன சத்தாரி ப³லானி ஏகரஸா ஹொந்தீதி – ப³லானங் ஏகரஸட்டே²ன பா⁴வனா. அவிஜ்ஜாய அகம்பியட்டே²ன பஞ்ஞாப³லங் பா⁴வயதோ பஞ்ஞாப³லஸ்ஸ வஸேன சத்தாரி ப³லானி ஏகரஸா ஹொந்தீதி – ப³லானங் ஏகரஸட்டே²ன பா⁴வனா.

Assaddhiye akampiyaṭṭhena saddhābalaṃ bhāvayato saddhābalassa vasena cattāri balāni ekarasā hontīti – balānaṃ ekarasaṭṭhena bhāvanā. Kosajje akampiyaṭṭhena vīriyabalaṃ bhāvayato vīriyabalassa vasena cattāri balāni ekarasā hontīti – balānaṃ ekarasaṭṭhena bhāvanā. Pamāde akampiyaṭṭhena satibalaṃ bhāvayato satibalassa vasena cattāri balāni ekarasā hontīti – balānaṃ ekarasaṭṭhena bhāvanā. Uddhacce akampiyaṭṭhena samādhibalaṃ bhāvayato samādhibalassa vasena cattāri balāni ekarasā hontīti – balānaṃ ekarasaṭṭhena bhāvanā. Avijjāya akampiyaṭṭhena paññābalaṃ bhāvayato paññābalassa vasena cattāri balāni ekarasā hontīti – balānaṃ ekarasaṭṭhena bhāvanā.

உபட்டா²னட்டே²ன ஸதிஸம்பொ³ஜ்ஜ²ங்க³ங் பா⁴வயதோ ஸதிஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா. பவிசயட்டே²ன த⁴ம்மவிசயஸம்பொ³ஜ்ஜ²ங்க³ங் பா⁴வயதோ த⁴ம்மவிசயஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா. பக்³க³ஹட்டே²ன வீரியஸம்பொ³ஜ்ஜ²ங்க³ங் பா⁴வயதோ வீரியஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா. ப²ரணட்டே²ன பீதிஸம்பொ³ஜ்ஜ²ங்க³ங் பா⁴வயதோ பீதிஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா. உபஸமட்டே²ன பஸ்ஸத்³தி⁴ஸம்பொ³ஜ்ஜ²ங்க³ங் பா⁴வயதோ பஸ்ஸத்³தி⁴ஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா. அவிக்கே²பட்டே²ன ஸமாதி⁴ஸம்பொ³ஜ்ஜ²ங்க³ங் பா⁴வயதோ ஸமாதி⁴ஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா. படிஸங்கா²னட்டே²ன உபெக்கா²ஸம்பொ³ஜ்ஜ²ங்க³ங் பா⁴வயதோ உபெக்கா²ஸம்பொ³ஜ்ஜ²ங்க³ஸ்ஸ வஸேன ச² பொ³ஜ்ஜ²ங்கா³ ஏகரஸா ஹொந்தீதி – பொ³ஜ்ஜ²ங்கா³னங் ஏகரஸட்டே²ன பா⁴வனா.

Upaṭṭhānaṭṭhena satisambojjhaṅgaṃ bhāvayato satisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Pavicayaṭṭhena dhammavicayasambojjhaṅgaṃ bhāvayato dhammavicayasambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Paggahaṭṭhena vīriyasambojjhaṅgaṃ bhāvayato vīriyasambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Pharaṇaṭṭhena pītisambojjhaṅgaṃ bhāvayato pītisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Upasamaṭṭhena passaddhisambojjhaṅgaṃ bhāvayato passaddhisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Avikkhepaṭṭhena samādhisambojjhaṅgaṃ bhāvayato samādhisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Paṭisaṅkhānaṭṭhena upekkhāsambojjhaṅgaṃ bhāvayato upekkhāsambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā.

த³ஸ்ஸனட்டே²ன ஸம்மாதி³ட்டி²ங் பா⁴வயதோ ஸம்மாதி³ட்டி²யா வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. அபி⁴னிரோபனட்டே²ன ஸம்மாஸங்கப்பங் பா⁴வயதோ ஸம்மாஸங்கப்பஸ்ஸ வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. பரிக்³க³ஹட்டே²ன ஸம்மாவாசங் பா⁴வயதோ ஸம்மாவாசாய வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. ஸமுட்டா²னட்டே²ன ஸம்மாகம்மந்தங் பா⁴வயதோ ஸம்மாகம்மந்தஸ்ஸ வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. வோதா³னட்டே²ன ஸம்மாஆஜீவங் பா⁴வயதோ ஸம்மாஆஜீவஸ்ஸ வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா . பக்³க³ஹட்டே²ன ஸம்மாவாயாமங் பா⁴வயதோ ஸம்மாவாயாமஸ்ஸ வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. உபட்டா²னட்டே²ன ஸம்மாஸதிங் பா⁴வயதோ ஸம்மாஸதியா வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. அவிக்கே²பட்டே²ன ஸம்மாஸமாதி⁴ங் பா⁴வயதோ ஸம்மாஸமாதி⁴ஸ்ஸ வஸேன ஸத்த மக்³க³ங்கா³ ஏகரஸா ஹொந்தீதி – மக்³க³ங்கா³னங் ஏகரஸட்டே²ன பா⁴வனா. அயங் ஏகரஸாபா⁴வனா.

Dassanaṭṭhena sammādiṭṭhiṃ bhāvayato sammādiṭṭhiyā vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Abhiniropanaṭṭhena sammāsaṅkappaṃ bhāvayato sammāsaṅkappassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Pariggahaṭṭhena sammāvācaṃ bhāvayato sammāvācāya vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Samuṭṭhānaṭṭhena sammākammantaṃ bhāvayato sammākammantassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Vodānaṭṭhena sammāājīvaṃ bhāvayato sammāājīvassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā . Paggahaṭṭhena sammāvāyāmaṃ bhāvayato sammāvāyāmassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Upaṭṭhānaṭṭhena sammāsatiṃ bhāvayato sammāsatiyā vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Avikkhepaṭṭhena sammāsamādhiṃ bhāvayato sammāsamādhissa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Ayaṃ ekarasābhāvanā.

கதமா ஆஸேவனாபா⁴வனா? இத⁴ பி⁴க்கு² புப்³ப³ண்ஹஸமயங் ஆஸேவதி, மஜ்ஜ²ன்ஹிகஸமயம்பி ⁴⁷ ஆஸேவதி, ஸாயன்ஹஸமயம்பி ஆஸேவதி, புரேப⁴த்தம்பி ஆஸேவதி, பச்சா²ப⁴த்தம்பி ஆஸேவதி, புரிமேபி யாமே ஆஸேவதி, மஜ்ஜி²மேபி யாமே ஆஸேவதி, பச்சி²மேபி யாமே ஆஸேவதி, ரத்திம்பி ஆஸேவதி, தி³வாபி ஆஸேவதி, ரத்திந்தி³வாபி ⁴⁸ ஆஸேவதி, காளேபி ஆஸேவதி, ஜுண்ஹேபி ஆஸேவதி, வஸ்ஸேபி ஆஸேவதி, ஹேமந்தேபி ஆஸேவதி, கி³ம்ஹேபி ஆஸேவதி, புரிமேபி வயோக²ந்தே⁴ ஆஸேவதி, மஜ்ஜி²மேபி வயோக²ந்தே⁴ ஆஸேவதி, பச்சி²மேபி வயோக²ந்தே⁴ ஆஸேவதி – அயங் ஆஸேவனாபா⁴வனா. இமா சதஸ்ஸோ பா⁴வனா.

Katamā āsevanābhāvanā? Idha bhikkhu pubbaṇhasamayaṃ āsevati, majjhanhikasamayampi ⁴⁹ āsevati, sāyanhasamayampi āsevati, purebhattampi āsevati, pacchābhattampi āsevati, purimepi yāme āsevati, majjhimepi yāme āsevati, pacchimepi yāme āsevati, rattimpi āsevati, divāpi āsevati, rattindivāpi ⁵⁰ āsevati, kāḷepi āsevati, juṇhepi āsevati, vassepi āsevati, hemantepi āsevati, gimhepi āsevati, purimepi vayokhandhe āsevati, majjhimepi vayokhandhe āsevati, pacchimepi vayokhandhe āsevati – ayaṃ āsevanābhāvanā. Imā catasso bhāvanā.

28. அபராபி சதஸ்ஸோ பா⁴வனா – தத்த² ஜாதானங் த⁴ம்மானங் அனதிவத்தனட்டே²ன பா⁴வனா, இந்த்³ரியானங் ஏகரஸட்டே²ன பா⁴வனா, தது³பக³வீரியவாஹனட்டே²ன பா⁴வனா, ஆஸேவனட்டே²ன பா⁴வனா. கத²ங் தத்த² ஜாதானங் த⁴ம்மானங் அனதிவத்தனட்டே²ன பா⁴வனா? காமச்ச²ந்த³ங் பஜஹதோ நெக்க²ம்மவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ப்³யாபாத³ங் பஜஹதோ அப்³யாபாத³வஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. தி²னமித்³த⁴ங் ⁵¹ பஜஹதோ ஆலோகஸஞ்ஞாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. உத்³த⁴ச்சங் பஜஹதோ அவிக்கே²பவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. விசிகிச்ச²ங் பஜஹதோ த⁴ம்மவவத்தா²னவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. அவிஜ்ஜங் பஜஹதோ ஞாணவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா . அரதிங் பஜஹதோ பாமோஜ்ஜவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. நீவரணே பஜஹதோ பட²மஜ்ஜா²னவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. விதக்கவிசாரே பஜஹதோ து³தியஜ்ஜா²னவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. பீதிங் பஜஹதோ ததியஜ்ஜா²னவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸுக²து³க்கே² பஜஹதோ சதுத்த²ஜ்ஜா²னவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா.

28. Aparāpi catasso bhāvanā – tattha jātānaṃ dhammānaṃ anativattanaṭṭhena bhāvanā, indriyānaṃ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā. Kathaṃ tattha jātānaṃ dhammānaṃ anativattanaṭṭhena bhāvanā? Kāmacchandaṃ pajahato nekkhammavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Byāpādaṃ pajahato abyāpādavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Thinamiddhaṃ ⁵² pajahato ālokasaññāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Uddhaccaṃ pajahato avikkhepavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Vicikicchaṃ pajahato dhammavavatthānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Avijjaṃ pajahato ñāṇavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā . Aratiṃ pajahato pāmojjavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Nīvaraṇe pajahato paṭhamajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Vitakkavicāre pajahato dutiyajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Pītiṃ pajahato tatiyajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sukhadukkhe pajahato catutthajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā.

ரூபஸஞ்ஞங் படிக⁴ஸஞ்ஞங் நானத்தஸஞ்ஞங் பஜஹதோ ஆகாஸானஞ்சாயதனஸமாபத்திவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா . ஆகாஸானஞ்சாயதனஸஞ்ஞங் பஜஹதோ விஞ்ஞாணஞ்சாயதனஸமாபத்திவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. விஞ்ஞாணஞ்சாயதனஸஞ்ஞங் பஜஹதோ ஆகிஞ்சஞ்ஞாயதனஸமாபத்திவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஆகிஞ்சஞ்ஞாயதனஸஞ்ஞங் பஜஹதோ நேவஸஞ்ஞானாஸஞ்ஞாயதனஸமாபத்திவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா.

Rūpasaññaṃ paṭighasaññaṃ nānattasaññaṃ pajahato ākāsānañcāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā . Ākāsānañcāyatanasaññaṃ pajahato viññāṇañcāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Viññāṇañcāyatanasaññaṃ pajahato ākiñcaññāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Ākiñcaññāyatanasaññaṃ pajahato nevasaññānāsaññāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā.

நிச்சஸஞ்ஞங் பஜஹதோ அனிச்சானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸுக²ஸஞ்ஞங் பஜஹதோ து³க்கா²னுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. அத்தஸஞ்ஞங் பஜஹதோ அனத்தானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. நந்தி³ங் பஜஹதோ நிப்³பி³தா³னுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ராக³ங் பஜஹதோ விராகா³னுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸமுத³யங் பஜஹதோ நிரோதா⁴னுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா . ஆதா³னங் பஜஹதோ படினிஸ்ஸக்³கா³னுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. க⁴னஸஞ்ஞங் பஜஹதோ க²யானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஆயூஹனங் பஜஹதோ வயானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. து⁴வஸஞ்ஞங் பஜஹதோ விபரிணாமானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. நிமித்தங் பஜஹதோ அனிமித்தானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. பணிதி⁴ங் பஜஹதோ அப்பணிஹிதானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. அபி⁴னிவேஸங் பஜஹதோ ஸுஞ்ஞதானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸாராதா³னாபி⁴னிவேஸங் பஜஹதோ அதி⁴பஞ்ஞா த⁴ம்மவிபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸம்மோஹாபி⁴னிவேஸங் பஜஹதோ யதா²பூ⁴தஞாணத³ஸ்ஸனவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஆலயாபி⁴னிவேஸங் பஜஹதோ ஆதீ³னவானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. அப்படிஸங்க²ங் பஜஹதோ படிஸங்கா²னுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸஞ்ஞோகா³பி⁴னிவேஸங் பஜஹதோ விவட்டனானுபஸ்ஸனாவஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா.

Niccasaññaṃ pajahato aniccānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sukhasaññaṃ pajahato dukkhānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Attasaññaṃ pajahato anattānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Nandiṃ pajahato nibbidānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Rāgaṃ pajahato virāgānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Samudayaṃ pajahato nirodhānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā . Ādānaṃ pajahato paṭinissaggānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Ghanasaññaṃ pajahato khayānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Āyūhanaṃ pajahato vayānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Dhuvasaññaṃ pajahato vipariṇāmānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Nimittaṃ pajahato animittānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Paṇidhiṃ pajahato appaṇihitānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Abhinivesaṃ pajahato suññatānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sārādānābhinivesaṃ pajahato adhipaññā dhammavipassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sammohābhinivesaṃ pajahato yathābhūtañāṇadassanavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Ālayābhinivesaṃ pajahato ādīnavānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Appaṭisaṅkhaṃ pajahato paṭisaṅkhānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Saññogābhinivesaṃ pajahato vivaṭṭanānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā.

தி³ட்டே²கட்டே² கிலேஸே பஜஹதோ ஸோதாபத்திமக்³க³வஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஓளாரிகே கிலேஸே பஜஹதோ ஸகதா³கா³மிமக்³க³வஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. அனுஸஹக³தே கிலேஸே பஜஹதோ அனாகா³மிமக்³க³வஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஸப்³ப³கிலேஸே பஜஹதோ அரஹத்தமக்³க³வஸேன ஜாதா த⁴ம்மா அஞ்ஞமஞ்ஞங் நாதிவத்தந்தீதி – தத்த² ஜாதானங் த⁴ம்மானங் அனதிவத்தனட்டே²ன பா⁴வனா. ஏவங் தத்த² ஜாதானங் த⁴ம்மானங் அனதிவத்தனட்டே²ன பா⁴வனா.

Diṭṭhekaṭṭhe kilese pajahato sotāpattimaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Oḷārike kilese pajahato sakadāgāmimaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Anusahagate kilese pajahato anāgāmimaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sabbakilese pajahato arahattamaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Evaṃ tattha jātānaṃ dhammānaṃ anativattanaṭṭhena bhāvanā.

கத²ங் இந்த்³ரியானங் ஏகரஸட்டே²ன பா⁴வனா? காமச்ச²ந்த³ங் பஜஹதோ நெக்க²ம்மவஸேன பஞ்சிந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா. ப்³யாபாத³ங் பஜஹதோ அப்³யாபாத³வஸேன பஞ்சிந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா…பே॰… ஸப்³ப³கிலேஸே பஜஹதோ அரஹத்தமக்³க³வஸேன பஞ்சிந்த்³ரியானி ஏகரஸா ஹொந்தீதி – இந்த்³ரியானங் ஏகரஸட்டே²ன பா⁴வனா. ஏவங் இந்த்³ரியானங் ஏகரஸட்டே²ன பா⁴வனா.

Kathaṃ indriyānaṃ ekarasaṭṭhena bhāvanā? Kāmacchandaṃ pajahato nekkhammavasena pañcindriyāni ekarasā hontīti – indriyānaṃ ekarasaṭṭhena bhāvanā. Byāpādaṃ pajahato abyāpādavasena pañcindriyāni ekarasā hontīti – indriyānaṃ ekarasaṭṭhena bhāvanā…pe… sabbakilese pajahato arahattamaggavasena pañcindriyāni ekarasā hontīti – indriyānaṃ ekarasaṭṭhena bhāvanā. Evaṃ indriyānaṃ ekarasaṭṭhena bhāvanā.

கத²ங் தது³பக³வீரியவாஹனட்டே²ன பா⁴வனா? காமச்ச²ந்த³ங் பஜஹதோ நெக்க²ம்மவஸேன வீரியங் வாஹேதீதி – தது³பக³வீரியவாஹனட்டே²ன பா⁴வனா. ப்³யாபாத³ங் பஜஹதோ அப்³யாபாத³வஸேன வீரியங் வாஹேதீதி – தது³பக³வீரியவாஹனட்டே²ன பா⁴வனா…பே॰… ஸப்³ப³கிலேஸே பஜஹதோ அரஹத்தமக்³க³வஸேன வீரியங் வாஹேதீதி – தது³பக³வீரியவாஹனட்டே²ன பா⁴வனா. ஏவங் தது³பக³வீரியவாஹனட்டே²ன பா⁴வனா.

Kathaṃ tadupagavīriyavāhanaṭṭhena bhāvanā? Kāmacchandaṃ pajahato nekkhammavasena vīriyaṃ vāhetīti – tadupagavīriyavāhanaṭṭhena bhāvanā. Byāpādaṃ pajahato abyāpādavasena vīriyaṃ vāhetīti – tadupagavīriyavāhanaṭṭhena bhāvanā…pe… sabbakilese pajahato arahattamaggavasena vīriyaṃ vāhetīti – tadupagavīriyavāhanaṭṭhena bhāvanā. Evaṃ tadupagavīriyavāhanaṭṭhena bhāvanā.

கத²ங் ஆஸேவனட்டே²ன பா⁴வனா? காமச்ச²ந்த³ங் பஜஹந்தோ நெக்க²ம்மங் ஆஸேவதீதி – ஆஸேவனட்டே²ன பா⁴வனா. ப்³யாபாத³ங் பஜஹந்தோ அப்³யாபாத³ங் ஆஸேவதீதி – ஆஸேவனட்டே²ன பா⁴வனா…பே॰… ஸப்³ப³கிலேஸே பஜஹந்தோ அரஹத்தமக்³க³ங் ஆஸேவதீதி – ஆஸேவனட்டே²ன பா⁴வனா. ஏவங் ஆஸேவனட்டே²ன பா⁴வனா.

Kathaṃ āsevanaṭṭhena bhāvanā? Kāmacchandaṃ pajahanto nekkhammaṃ āsevatīti – āsevanaṭṭhena bhāvanā. Byāpādaṃ pajahanto abyāpādaṃ āsevatīti – āsevanaṭṭhena bhāvanā…pe… sabbakilese pajahanto arahattamaggaṃ āsevatīti – āsevanaṭṭhena bhāvanā. Evaṃ āsevanaṭṭhena bhāvanā.

இமா சதஸ்ஸோ பா⁴வனா ரூபங் பஸ்ஸந்தோ பா⁴வேதி, வேத³னங் பஸ்ஸந்தோ பா⁴வேதி, ஸஞ்ஞங் பஸ்ஸந்தோ பா⁴வேதி, ஸங்கா²ரே பஸ்ஸந்தோ பா⁴வேதி, விஞ்ஞாணங் பஸ்ஸந்தோ பா⁴வேதி, சக்கு²ங்…பே॰… ஜராமரணங்…பே॰… அமதோக³த⁴ங் நிப்³பா³னங் பரியோஸானட்டே²ன பஸ்ஸந்தோ பா⁴வேதி. யே யே த⁴ம்மா பா⁴விதா ஹொந்தி தே தே த⁴ம்மா ஏகரஸா ஹொந்தி. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இமே த⁴ம்மா பா⁴வேதப்³பா³தி ஸோதாவதா⁴னங், தங்பஜானநா பஞ்ஞா ஸுதமயே ஞாண’’ந்தி.

Imā catasso bhāvanā rūpaṃ passanto bhāveti, vedanaṃ passanto bhāveti, saññaṃ passanto bhāveti, saṅkhāre passanto bhāveti, viññāṇaṃ passanto bhāveti, cakkhuṃ…pe… jarāmaraṇaṃ…pe… amatogadhaṃ nibbānaṃ pariyosānaṭṭhena passanto bhāveti. Ye ye dhammā bhāvitā honti te te dhammā ekarasā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā bhāvetabbāti sotāvadhānaṃ, taṃpajānanā paññā sutamaye ñāṇa’’nti.

சதுத்த²பா⁴ணவாரோ.

Catutthabhāṇavāro.

29. கத²ங் ‘‘இமே த⁴ம்மா ஸச்சி²காதப்³பா³’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

29. Kathaṃ ‘‘ime dhammā sacchikātabbā’’ti sotāvadhānaṃ, taṃpajānanā paññā sutamaye ñāṇaṃ?

ஏகோ த⁴ம்மோ ஸச்சி²காதப்³போ³ – அகுப்பா சேதோவிமுத்தி. த்³வே த⁴ம்மா ஸச்சி²காதப்³பா³ – விஜ்ஜா ச விமுத்தி ச. தயோ த⁴ம்மா ஸச்சி²காதப்³பா³ – திஸ்ஸோ விஜ்ஜா. சத்தாரோ த⁴ம்மா ஸச்சி²காதப்³பா³ – சத்தாரி ஸாமஞ்ஞப²லானி. பஞ்ச த⁴ம்மா ஸச்சி²காதப்³பா³ – பஞ்ச த⁴ம்மக்க²ந்தா⁴. ச² த⁴ம்மா ஸச்சி²காதப்³பா³ – ச² அபி⁴ஞ்ஞா. ஸத்த த⁴ம்மா ஸச்சி²காதப்³பா³ – ஸத்த கீ²ணாஸவப³லானி. அட்ட² த⁴ம்மா ஸச்சி²காதப்³பா³ – அட்ட² விமொக்கா². நவ த⁴ம்மா ஸச்சி²காதப்³பா³ – நவ அனுபுப்³ப³னிரோதா⁴. த³ஸ த⁴ம்மா ஸச்சி²காதப்³பா³ – த³ஸ அஸெக்கா² த⁴ம்மா.

Eko dhammo sacchikātabbo – akuppā cetovimutti. Dve dhammā sacchikātabbā – vijjā ca vimutti ca. Tayo dhammā sacchikātabbā – tisso vijjā. Cattāro dhammā sacchikātabbā – cattāri sāmaññaphalāni. Pañca dhammā sacchikātabbā – pañca dhammakkhandhā. Cha dhammā sacchikātabbā – cha abhiññā. Satta dhammā sacchikātabbā – satta khīṇāsavabalāni. Aṭṭha dhammā sacchikātabbā – aṭṭha vimokkhā. Nava dhammā sacchikātabbā – nava anupubbanirodhā. Dasa dhammā sacchikātabbā – dasa asekkhā dhammā.

‘‘ஸப்³ப³ங், பி⁴க்க²வே, ஸச்சி²காதப்³ப³ங். கிஞ்ச, பி⁴க்க²வே, ஸப்³ப³ங் ஸச்சி²காதப்³ப³ங்? சக்கு², பி⁴க்க²வே, ஸச்சி²காதப்³ப³ங்; ரூபா ஸச்சி²காதப்³பா³; சக்கு²விஞ்ஞாணங் ஸச்சி²காதப்³ப³ங்; சக்கு²ஸம்ப²ஸ்ஸோ ஸச்சி²காதப்³போ³ ; யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி ஸச்சி²காதப்³ப³ங். ஸோதங் ஸச்சி²காதப்³ப³ங்; ஸத்³தா³ ஸச்சி²காதப்³பா³…பே॰… கா⁴னங் ஸச்சி²காதப்³ப³ங்; க³ந்தா⁴ ஸச்சி²காதப்³பா³… ஜிவ்ஹா ஸச்சி²காதப்³பா³; ரஸா ஸச்சி²காதப்³பா³… காயோ ஸச்சி²காதப்³போ³; பொ²ட்ட²ப்³பா³ ஸச்சி²காதப்³பா³… மனோ ஸச்சி²காதப்³போ³; த⁴ம்மா ஸச்சி²காதப்³பா³; மனோவிஞ்ஞாணங் ஸச்சி²காதப்³ப³ங்; மனோஸம்ப²ஸ்ஸோ ஸச்சி²காதப்³போ³ ; யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி ஸச்சி²காதப்³ப³ங்’’. ரூபங் பஸ்ஸந்தோ ஸச்சி²கரோதி, வேத³னங் பஸ்ஸந்தோ ஸச்சி²கரோதி, ஸஞ்ஞங் பஸ்ஸந்தோ ஸச்சி²கரோதி, ஸங்கா²ரே பஸ்ஸந்தோ ஸச்சி²கரோதி, விஞ்ஞாணங் பஸ்ஸந்தோ ஸச்சி²கரோதி. சக்கு²ங்…பே॰… ஜராமரணங்…பே॰… அமதோக³த⁴ங் நிப்³பா³னங் பரியோஸானட்டே²ன பஸ்ஸந்தோ ஸச்சி²கரோதி. யே யே த⁴ம்மா ஸச்சி²கதா ஹொந்தி தே தே த⁴ம்மா ப²ஸ்ஸிதா ⁵³ ஹொந்தி. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இமே த⁴ம்மா ஸச்சி²காதப்³பா³தி ஸோதாவதா⁴னங், தங்பஜானநா பஞ்ஞா ஸுதமயே ஞாண’’ந்தி.

‘‘Sabbaṃ, bhikkhave, sacchikātabbaṃ. Kiñca, bhikkhave, sabbaṃ sacchikātabbaṃ? Cakkhu, bhikkhave, sacchikātabbaṃ; rūpā sacchikātabbā; cakkhuviññāṇaṃ sacchikātabbaṃ; cakkhusamphasso sacchikātabbo ; yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi sacchikātabbaṃ. Sotaṃ sacchikātabbaṃ; saddā sacchikātabbā…pe… ghānaṃ sacchikātabbaṃ; gandhā sacchikātabbā… jivhā sacchikātabbā; rasā sacchikātabbā… kāyo sacchikātabbo; phoṭṭhabbā sacchikātabbā… mano sacchikātabbo; dhammā sacchikātabbā; manoviññāṇaṃ sacchikātabbaṃ; manosamphasso sacchikātabbo ; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi sacchikātabbaṃ’’. Rūpaṃ passanto sacchikaroti, vedanaṃ passanto sacchikaroti, saññaṃ passanto sacchikaroti, saṅkhāre passanto sacchikaroti, viññāṇaṃ passanto sacchikaroti. Cakkhuṃ…pe… jarāmaraṇaṃ…pe… amatogadhaṃ nibbānaṃ pariyosānaṭṭhena passanto sacchikaroti. Ye ye dhammā sacchikatā honti te te dhammā phassitā ⁵⁴ honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā sacchikātabbāti sotāvadhānaṃ, taṃpajānanā paññā sutamaye ñāṇa’’nti.

30. கத²ங் ‘‘இமே த⁴ம்மா ஹானபா⁴கி³யா, இமே த⁴ம்மா டி²திபா⁴கி³யா, இமே த⁴ம்மா விஸேஸபா⁴கி³யா, இமே த⁴ம்மா நிப்³பே³த⁴பா⁴கி³யா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

30. Kathaṃ ‘‘ime dhammā hānabhāgiyā, ime dhammā ṭhitibhāgiyā, ime dhammā visesabhāgiyā, ime dhammā nibbedhabhāgiyā’’ti sotāvadhānaṃ, taṃpajānanā paññā sutamaye ñāṇaṃ?

பட²மஸ்ஸ ஜா²னஸ்ஸ லாபி⁴ங் காமஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. அவிதக்கஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ.

Paṭhamassa jhānassa lābhiṃ kāmasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Avitakkasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

து³தியஸ்ஸ ஜா²னஸ்ஸ லாபி⁴ங் விதக்கஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. உபெக்கா²ஸுக²ஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ.

Dutiyassa jhānassa lābhiṃ vitakkasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Upekkhāsukhasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

ததியஸ்ஸ ஜா²னஸ்ஸ லாபி⁴ங் பீதிஸுக²ஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. அது³க்க²மஸுக²ஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ.

Tatiyassa jhānassa lābhiṃ pītisukhasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Adukkhamasukhasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

சதுத்த²ஸ்ஸ ஜா²னஸ்ஸ லாபி⁴ங் உபெக்கா²ஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. ஆகாஸானஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ.

Catutthassa jhānassa lābhiṃ upekkhāsahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Ākāsānañcāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

ஆகாஸானஞ்சாயதனஸ்ஸ லாபி⁴ங் ரூபஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. விஞ்ஞாணஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ.

Ākāsānañcāyatanassa lābhiṃ rūpasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Viññāṇañcāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

விஞ்ஞாணஞ்சாயதனஸ்ஸ லாபி⁴ங் ஆகாஸானஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. ஆகிஞ்சஞ்ஞாயதனஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ.

Viññāṇañcāyatanassa lābhiṃ ākāsānañcāyatanasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Ākiñcaññāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

ஆகிஞ்சஞ்ஞாயதனஸ்ஸ லாபி⁴ங் விஞ்ஞாணஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி – ஹானபா⁴கி³யோ த⁴ம்மோ. தத³னுத⁴ம்மதா ஸதி ஸந்திட்ட²தி – டி²திபா⁴கி³யோ த⁴ம்மோ. நேவஸஞ்ஞானாஸஞ்ஞாயதனஸஹக³தா ஸஞ்ஞாமனஸிகாரா ஸமுதா³சரந்தி – விஸேஸபா⁴கி³யோ த⁴ம்மோ. நிப்³பி³தா³ஸஹக³தா ஸஞ்ஞாமனஸிகாரா ஸமுதா³சரந்தி விராகூ³பஸங்ஹிதா – நிப்³பே³த⁴பா⁴கி³யோ த⁴ம்மோ. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இமே த⁴ம்மா ஹானபா⁴கி³யா, இமே த⁴ம்மா டி²திபா⁴கி³யா, இமே த⁴ம்மா விஸேஸபா⁴கி³யா, இமே த⁴ம்மா நிப்³பே³த⁴பா⁴கி³யாதி ஸோதாவதா⁴னங், தங்பஜானநா பஞ்ஞா ஸுதமயே ஞாணங்’’.

Ākiñcaññāyatanassa lābhiṃ viññāṇañcāyatanasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Nevasaññānāsaññāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā hānabhāgiyā, ime dhammā ṭhitibhāgiyā, ime dhammā visesabhāgiyā, ime dhammā nibbedhabhāgiyāti sotāvadhānaṃ, taṃpajānanā paññā sutamaye ñāṇaṃ’’.

31. கத²ங் ‘‘ஸப்³பே³ ஸங்கா²ரா அனிச்சா, ஸப்³பே³ ஸங்கா²ரா து³க்கா², ஸப்³பே³ த⁴ம்மா அனத்தா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்? ‘‘ரூபங் அனிச்சங் க²யட்டே²ன, து³க்க²ங் ப⁴யட்டே²ன, அனத்தா அஸாரகட்டே²னா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங். ‘‘வேத³னா…பே॰… ஸஞ்ஞா… ஸங்கா²ரா… விஞ்ஞாணங்… சக்கு²…பே॰… ஜராமரணங் அனிச்சங் க²யட்டே²ன, து³க்க²ங் ப⁴யட்டே²ன, அனத்தா அஸாரகட்டே²னா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங். தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘ஸப்³பே³ ஸங்கா²ரா அனிச்சா, ஸப்³பே³ ஸங்கா²ரா து³க்கா², ஸப்³பே³ த⁴ம்மா அனத்தா’’தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்.

31. Kathaṃ ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti sotāvadhānaṃ, taṃpajānanā paññā sutamaye ñāṇaṃ? ‘‘Rūpaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenā’’ti sotāvadhānaṃ, taṃpajānanā paññā sutamaye ñāṇaṃ. ‘‘Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenā’’ti sotāvadhānaṃ, taṃpajānanā paññā sutamaye ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti sotāvadhānaṃ, taṃpajānanā paññā sutamaye ñāṇaṃ.

32. கத²ங் ‘‘இத³ங் து³க்க²ங் அரியஸச்சங், இத³ங் து³க்க²ஸமுத³யங் அரியஸச்சங், இத³ங் து³க்க²னிரோத⁴ங் அரியஸச்சங், இத³ங் து³க்க²னிரோத⁴கா³மினீ படிபதா³ அரியஸச்ச’’ந்தி ஸோதாவதா⁴னங், தங்பஜானநா பஞ்ஞா ஸுதமயே ஞாணங்?

32. Kathaṃ ‘‘idaṃ dukkhaṃ ariyasaccaṃ, idaṃ dukkhasamudayaṃ ariyasaccaṃ, idaṃ dukkhanirodhaṃ ariyasaccaṃ, idaṃ dukkhanirodhagāminī paṭipadā ariyasacca’’nti sotāvadhānaṃ, taṃpajānanā paññā sutamaye ñāṇaṃ?

33. தத்த² கதமங் து³க்க²ங் அரியஸச்சங்? ஜாதிபி து³க்கா², ஜராபி து³க்கா², மரணம்பி து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா², அப்பியேஹி ஸம்பயோகோ³ து³க்கோ², பியேஹி விப்பயோகோ³ து³க்கோ², யம்பிச்ச²ங் ந லப⁴தி தம்பி து³க்க²ங்; ஸங்கி²த்தேன பஞ்சுபாதா³னக்க²ந்தா⁴ ⁵⁵ து³க்கா².

33. Tattha katamaṃ dukkhaṃ ariyasaccaṃ? Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, appiyehi sampayogo dukkho, piyehi vippayogo dukkho, yampicchaṃ na labhati tampi dukkhaṃ; saṅkhittena pañcupādānakkhandhā ⁵⁶ dukkhā.

தத்த² கதமா ஜாதி? யா தேஸங் தேஸங் ஸத்தானங் தம்ஹி தம்ஹி ஸத்தனிகாயே ஜாதி ஸஞ்ஜாதி ஓக்கந்தி அபி⁴னிப்³ப³த்தி க²ந்தா⁴னங் பாதுபா⁴வோ ஆயதனானங் படிலாபோ⁴ – அயங் வுச்சதி ஜாதி.

Tattha katamā jāti? Yā tesaṃ tesaṃ sattānaṃ tamhi tamhi sattanikāye jāti sañjāti okkanti abhinibbatti khandhānaṃ pātubhāvo āyatanānaṃ paṭilābho – ayaṃ vuccati jāti.

தத்த² கதமா ஜரா யா தேஸங் தேஸங் ஸத்தானங் தம்ஹி தம்ஹி ஸத்தனிகாயே ஜரா ஜீரணதா க²ண்டி³ச்சங் பாலிச்சங் வலித்தசதா ஆயுனோ ஸங்ஹானி இந்த்³ரியானங் பரிபாகோ – அயங் வுச்சதி ஜரா.

Tattha katamā jarā yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – ayaṃ vuccati jarā.

தத்த² கதமங் மரணங்? யா தேஸங் தேஸங் ஸத்தானங் தம்ஹா தம்ஹா ஸத்தனிகாயா சுதி சவனதா பே⁴தோ³ அந்தரதா⁴னங் மச்சு மரணங் காலகிரியா ⁵⁷ க²ந்தா⁴னங் பே⁴தோ³ களேவரஸ்ஸ நிக்கே²போ ஜீவிதிந்த்³ரியஸ்ஸுபச்சே²தோ³ – இத³ங் வுச்சதி மரணங்.

Tattha katamaṃ maraṇaṃ? Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā ⁵⁸ khandhānaṃ bhedo kaḷevarassa nikkhepo jīvitindriyassupacchedo – idaṃ vuccati maraṇaṃ.

தத்த² கதமோ ஸோகோ? ஞாதிப்³யஸனேன ⁵⁹ வா பு²ட்ட²ஸ்ஸ, போ⁴க³ப்³யஸனேன வா பு²ட்ட²ஸ்ஸ, ரோக³ப்³யஸனேன வா பு²ட்ட²ஸ்ஸ, ஸீலப்³யஸனேன வா பு²ட்ட²ஸ்ஸ, தி³ட்டி²ப்³யஸனேன வா பு²ட்ட²ஸ்ஸ, அஞ்ஞதரஞ்ஞதரேன ப்³யஸனேன ஸமன்னாக³தஸ்ஸ, அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஸோகோ ஸோசனா ஸோசிதத்தங் அந்தோஸோகோ அந்தோபரிஸோகோ சேதஸோ பரிஜ்ஜா²யனா தோ³மனஸ்ஸங் ஸோகஸல்லங் – அயங் வுச்சதி ஸோகோ.

Tattha katamo soko? Ñātibyasanena ⁶⁰ vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa soko socanā socitattaṃ antosoko antoparisoko cetaso parijjhāyanā domanassaṃ sokasallaṃ – ayaṃ vuccati soko.

தத்த² கதமோ பரிதே³வோ? ஞாதிப்³யஸனேன வா பு²ட்ட²ஸ்ஸ, போ⁴க³ப்³யஸனேன வா பு²ட்ட²ஸ்ஸ, ரோக³ப்³யஸனேன வா பு²ட்ட²ஸ்ஸ, ஸீலப்³யஸனேன வா பு²ட்ட²ஸ்ஸ, தி³ட்டி²ப்³யஸனேன வா பு²ட்ட²ஸ்ஸ, அஞ்ஞதரஞ்ஞதரேன ப்³யஸனேன ஸமன்னாக³தஸ்ஸ, அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆதே³வோ பரிதே³வோ ஆதே³வனா, பரிதே³வனா ஆதே³விதத்தங் பரிதே³விதத்தங் வாசா பலாபோ விப்பலாபோ லாலப்போ லாலப்பனா லாலப்பிதத்தங் – அயங் வுச்சதி பரிதே³வோ.

Tattha katamo paridevo? Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa ādevo paridevo ādevanā, paridevanā ādevitattaṃ paridevitattaṃ vācā palāpo vippalāpo lālappo lālappanā lālappitattaṃ – ayaṃ vuccati paridevo.

தத்த² கதமங் து³க்க²ங்? யங் காயிகங் அஸாதங் காயிகங் து³க்க²ங் காயஸம்ப²ஸ்ஸஜங் அஸாதங் து³க்க²ங் வேத³யிதங், காயஸம்ப²ஸ்ஸஜா அஸாதா து³க்கா² வேத³னா – இத³ங் வுச்சதி து³க்க²ங்.

Tattha katamaṃ dukkhaṃ? Yaṃ kāyikaṃ asātaṃ kāyikaṃ dukkhaṃ kāyasamphassajaṃ asātaṃ dukkhaṃ vedayitaṃ, kāyasamphassajā asātā dukkhā vedanā – idaṃ vuccati dukkhaṃ.

தத்த² கதமங் தோ³மனஸ்ஸங்? யங் சேதஸிகங் அஸாதங் சேதஸிகங் து³க்க²ங், சேதோஸம்ப²ஸ்ஸஜங் அஸாதங் வேத³யிதங், சேதோஸம்ப²ஸ்ஸஜா அஸாதா து³க்கா² வேத³னா – இத³ங் வுச்சதி தோ³மனஸ்ஸங்.

Tattha katamaṃ domanassaṃ? Yaṃ cetasikaṃ asātaṃ cetasikaṃ dukkhaṃ, cetosamphassajaṃ asātaṃ vedayitaṃ, cetosamphassajā asātā dukkhā vedanā – idaṃ vuccati domanassaṃ.

தத்த² கதமோ உபாயாஸோ? ஞாதிப்³யஸனேன வா பு²ட்ட²ஸ்ஸ, போ⁴க³ப்³யஸனேன வா பு²ட்ட²ஸ்ஸ, ரோக³ப்³யஸனேன வா பு²ட்ட²ஸ்ஸ, ஸீலப்³யஸனேன வா பு²ட்ட²ஸ்ஸ, தி³ட்டி²ப்³யஸனேன வா பு²ட்ட²ஸ்ஸ, அஞ்ஞதரஞ்ஞதரேன ப்³யஸனேன ஸமன்னாக³தஸ்ஸ, அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆயாஸோ உபாயாஸோ ஆயாஸனா உபாயாஸனா ஆயாஸிதத்தங் உபாயாஸிதத்தங் – அயங் வுச்சதி உபாயாஸோ.

Tattha katamo upāyāso? Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa āyāso upāyāso āyāsanā upāyāsanā āyāsitattaṃ upāyāsitattaṃ – ayaṃ vuccati upāyāso.

தத்த² கதமோ அப்பியேஹி ஸம்பயோகோ³ து³க்கோ²? இத⁴ யஸ்ஸ தே ஹொந்தி அனிட்டா² அகந்தா அமனாபா ரூபா ஸத்³தா³ க³ந்தா⁴ ரஸா பொ²ட்ட²ப்³பா³, யே வா பனஸ்ஸ தே ஹொந்தி அனத்த²காமா அஹிதகாமா அபா²ஸுகாமா அயோக³க்கே²மகாமா, யா தேஹி ஸத்³தி⁴ங் ஸங்க³தி ஸமாக³மோ ஸமோதா⁴னங் மிஸ்ஸீபா⁴வோ – அயங் வுச்சதி அப்பியேஹி ஸம்பயோகோ³ து³க்கோ².

Tattha katamo appiyehi sampayogo dukkho? Idha yassa te honti aniṭṭhā akantā amanāpā rūpā saddā gandhā rasā phoṭṭhabbā, ye vā panassa te honti anatthakāmā ahitakāmā aphāsukāmā ayogakkhemakāmā, yā tehi saddhiṃ saṅgati samāgamo samodhānaṃ missībhāvo – ayaṃ vuccati appiyehi sampayogo dukkho.

தத்த² கதமோ பியேஹி விப்பயோகோ³ து³க்கோ²? இத⁴ யஸ்ஸ தே ஹொந்தி இட்டா² கந்தா மனாபா ரூபா ஸத்³தா³ க³ந்தா⁴ ரஸா பொ²ட்ட²ப்³பா³, யே வா பனஸ்ஸ தே ஹொந்தி அத்த²காமா ஹிதகாமா பா²ஸுகாமா யோக³க்கே²மகாமா மாதா வா பிதா வா பா⁴தா வா ப⁴கி³னீ வா மித்தா வா அமச்சா வா ஞாதீ வா ஸாலோஹிதா வா, யா தேஹி ஸத்³தி⁴ங் அஸங்க³தி அஸமாக³மோ அஸமோதா⁴னங் அமிஸ்ஸீபா⁴வோ – அயங் வுச்சதி பியேஹி விப்பயோகோ³ து³க்கோ².

Tattha katamo piyehi vippayogo dukkho? Idha yassa te honti iṭṭhā kantā manāpā rūpā saddā gandhā rasā phoṭṭhabbā, ye vā panassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā mittā vā amaccā vā ñātī vā sālohitā vā, yā tehi saddhiṃ asaṅgati asamāgamo asamodhānaṃ amissībhāvo – ayaṃ vuccati piyehi vippayogo dukkho.

தத்த² கதமங் யம்பிச்ச²ங் ந லப⁴தி தம்பி து³க்க²ங்? ஜாதித⁴ம்மானங் ஸத்தானங் ஏவங் இச்சா² உப்பஜ்ஜதி – ‘‘அஹோ வத மயங் ந ஜாதித⁴ம்மா அஸ்ஸாம, ந ச வத நோ ஜாதி ஆக³ச்செ²ய்யா’’தி. ந கோ² பனேதங் இச்சா²ய பத்தப்³ப³ங் – இத³ம்பி யம்பிச்ச²ங் ந லப⁴தி தம்பி து³க்க²ங். ஜராத⁴ம்மானங் ஸத்தானங்…பே॰… ப்³யாதி⁴த⁴ம்மானங் ஸத்தானங்… மரணத⁴ம்மானங் ஸத்தானங்… ஸோகபரிதே³வது³க்க²தோ³மனஸ்ஸுபாயாஸத⁴ம்மானங் ஸத்தானங் ஏவங் இச்சா² உப்பஜ்ஜதி – ‘‘அஹோ வத மயங் ந ஸோகபரிதே³வது³க்க²தோ³மனஸ்ஸுபாயாஸத⁴ம்மா அஸ்ஸாம, ந ச வத நோ ஸோகபரிதே³வது³க்க²தோ³மனஸ்ஸுபாயாஸா ஆக³ச்செ²ய்யு’’ந்தி. ந கோ² பனேதங் இச்சா²ய பத்தப்³ப³ங் – இத³ம்பி யம்பிச்ச²ங் ந லப⁴தி தம்பி து³க்க²ங்.

Tattha katamaṃ yampicchaṃ na labhati tampi dukkhaṃ? Jātidhammānaṃ sattānaṃ evaṃ icchā uppajjati – ‘‘aho vata mayaṃ na jātidhammā assāma, na ca vata no jāti āgaccheyyā’’ti. Na kho panetaṃ icchāya pattabbaṃ – idampi yampicchaṃ na labhati tampi dukkhaṃ. Jarādhammānaṃ sattānaṃ…pe… byādhidhammānaṃ sattānaṃ… maraṇadhammānaṃ sattānaṃ… sokaparidevadukkhadomanassupāyāsadhammānaṃ sattānaṃ evaṃ icchā uppajjati – ‘‘aho vata mayaṃ na sokaparidevadukkhadomanassupāyāsadhammā assāma, na ca vata no sokaparidevadukkhadomanassupāyāsā āgaccheyyu’’nti. Na kho panetaṃ icchāya pattabbaṃ – idampi yampicchaṃ na labhati tampi dukkhaṃ.

தத்த² கதமே ஸங்கி²த்தேன பஞ்சுபாதா³னக்க²ந்தா⁴ து³க்கா²? ஸெய்யதி²த³ங் ⁶¹ – ரூபுபாதா³னக்க²ந்தோ⁴, ⁶², வேத³னுபாதா³னக்க²ந்தோ⁴ ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴ – இமே வுச்சந்தி ஸங்கி²த்தேன பஞ்சுபாதா³னக்க²ந்தா⁴ து³க்கா². இத³ங் வுச்சதி து³க்க²ங் அரியஸச்சங்.

Tattha katame saṅkhittena pañcupādānakkhandhā dukkhā? Seyyathidaṃ ⁶³ – rūpupādānakkhandho, ⁶⁴, vedanupādānakkhandho saññupādānakkhandho, saṅkhārupādānakkhandho, viññāṇupādānakkhandho – ime vuccanti saṅkhittena pañcupādānakkhandhā dukkhā. Idaṃ vuccati dukkhaṃ ariyasaccaṃ.

34. தத்த² கதமங் து³க்க²ஸமுத³யங் அரியஸச்சங்? யாயங் தண்ஹா போனோப⁴விகா ⁶⁵ நந்தி³ராக³ஸஹக³தா தத்ரதத்ராபி⁴னந்தி³னீ, ஸெய்யதி²த³ங் – காமதண்ஹா ப⁴வதண்ஹா விப⁴வதண்ஹா , ஸா கோ² பனேஸா தண்ஹா கத்த² உப்பஜ்ஜமானா உப்பஜ்ஜதி, கத்த² நிவிஸமானா நிவிஸதி? யங் லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி. கிஞ்ச லோகே பியரூபங் ஸாதரூபங்? சக்கு² லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி. ஸோதங் லோகே…பே॰… கா⁴னங் லோகே… ஜிவ்ஹா லோகே… காயோ லோகே… மனோ லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி. ரூபா லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி. ஸத்³தா³ லோகே பியரூபங் ஸாதரூபங்…பே॰… த⁴ம்மா லோகே… சக்கு²விஞ்ஞாணங் லோகே…பே॰… மனோவிஞ்ஞாணங் லோகே… சக்கு²ஸம்ப²ஸ்ஸோ லோகே…பே॰… மனோஸம்ப²ஸ்ஸோ லோகே… சக்கு²ஸம்ப²ஸ்ஸஜா வேத³னா லோகே…பே॰… மனோஸம்ப²ஸ்ஸஜா வேத³னா லோகே… ரூபஸஞ்ஞா லோகே…பே॰… த⁴ம்மஸஞ்ஞா லோகே… ரூபஸஞ்சேதனா லோகே…பே॰… த⁴ம்மஸஞ்சேதனா லோகே… ரூபதண்ஹா லோகே…பே॰… த⁴ம்மதண்ஹா லோகே… ரூபவிதக்கோ லோகே…பே॰… த⁴ம்மவிதக்கோ லோகே… ரூபவிசாரோ லோகே…பே॰… த⁴ம்மவிசாரோ லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி. இத³ங் வுச்சதி து³க்க²ஸமுத³யங் அரியஸச்சங்.

34. Tattha katamaṃ dukkhasamudayaṃ ariyasaccaṃ? Yāyaṃ taṇhā ponobhavikā ⁶⁶ nandirāgasahagatā tatratatrābhinandinī, seyyathidaṃ – kāmataṇhā bhavataṇhā vibhavataṇhā , sā kho panesā taṇhā kattha uppajjamānā uppajjati, kattha nivisamānā nivisati? Yaṃ loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Kiñca loke piyarūpaṃ sātarūpaṃ? Cakkhu loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Sotaṃ loke…pe… ghānaṃ loke… jivhā loke… kāyo loke… mano loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Rūpā loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Saddā loke piyarūpaṃ sātarūpaṃ…pe… dhammā loke… cakkhuviññāṇaṃ loke…pe… manoviññāṇaṃ loke… cakkhusamphasso loke…pe… manosamphasso loke… cakkhusamphassajā vedanā loke…pe… manosamphassajā vedanā loke… rūpasaññā loke…pe… dhammasaññā loke… rūpasañcetanā loke…pe… dhammasañcetanā loke… rūpataṇhā loke…pe… dhammataṇhā loke… rūpavitakko loke…pe… dhammavitakko loke… rūpavicāro loke…pe… dhammavicāro loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Idaṃ vuccati dukkhasamudayaṃ ariyasaccaṃ.

35. தத்த² கதமங் து³க்க²னிரோத⁴ங் அரியஸச்சங்? யோ தஸ்ஸாயேவ தண்ஹாய அஸேஸவிராக³னிரோதோ⁴ சாகோ³ படினிஸ்ஸக்³கோ³ முத்தி அனாலயோ, ஸா கோ² பனேஸா தண்ஹா கத்த² பஹீயமானா பஹீயதி, கத்த² நிருஜ்ஜ²மானா நிருஜ்ஜ²தி? யங் லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி. கிஞ்ச லோகே பியரூபங் ஸாதரூபங்? சக்கு²லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி…பே॰… த⁴ம்மவிசாரோ லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி. இத³ங் வுச்சதி து³க்க²னிரோத⁴ங் அரியஸச்சங்.

35. Tattha katamaṃ dukkhanirodhaṃ ariyasaccaṃ? Yo tassāyeva taṇhāya asesavirāganirodho cāgo paṭinissaggo mutti anālayo, sā kho panesā taṇhā kattha pahīyamānā pahīyati, kattha nirujjhamānā nirujjhati? Yaṃ loke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhati. Kiñca loke piyarūpaṃ sātarūpaṃ? Cakkhuloke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhati…pe… dhammavicāro loke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhati. Idaṃ vuccati dukkhanirodhaṃ ariyasaccaṃ.

36. தத்த² கதமங் து³க்க²னிரோத⁴கா³மினீ படிபதா³ அரியஸச்சங்? அயமேவ அரியோ அட்ட²ங்கி³கோ மக்³கோ³, ஸெய்யதி²த³ங் – ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴. தத்த² கதமா ஸம்மாதி³ட்டி²? து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴ ஞாணங், து³க்க²னிரோத⁴கா³மினியா படிபதா³ய ஞாணங் – அயங் வுச்சதி ஸம்மாதி³ட்டி².

36. Tattha katamaṃ dukkhanirodhagāminī paṭipadā ariyasaccaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Tattha katamā sammādiṭṭhi? Dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ – ayaṃ vuccati sammādiṭṭhi.

தத்த² கதமோ ஸம்மாஸங்கப்போ? நெக்க²ம்மஸங்கப்போ, அப்³யாபாத³ஸங்கப்போ, அவிஹிங்ஸாஸங்கப்போ – அயங் வுச்சதி ஸம்மாஸங்கப்போ.

Tattha katamo sammāsaṅkappo? Nekkhammasaṅkappo, abyāpādasaṅkappo, avihiṃsāsaṅkappo – ayaṃ vuccati sammāsaṅkappo.

தத்த² கதமா ஸம்மாவாசா? முஸாவாதா³ வேரமணீ ⁶⁷, பிஸுணாய வாசாய வேரமணீ, ப²ருஸாய வாசாய வேரமணீ, ஸம்ப²ப்பலாபா வேரமணீ – அயங் வுச்சதி ஸம்மாவாசா.

Tattha katamā sammāvācā? Musāvādā veramaṇī ⁶⁸, pisuṇāya vācāya veramaṇī, pharusāya vācāya veramaṇī, samphappalāpā veramaṇī – ayaṃ vuccati sammāvācā.

தத்த² கதமோ ஸம்மாகம்மந்தோ? பாணாதிபாதா வேரமணீ, அதி³ன்னாதா³னா வேரமணீ, காமேஸுமிச்சா²சாரா வேரமணீ – அயங் வுச்சதி ஸம்மாகம்மந்தோ.

Tattha katamo sammākammanto? Pāṇātipātā veramaṇī, adinnādānā veramaṇī, kāmesumicchācārā veramaṇī – ayaṃ vuccati sammākammanto.

தத்த² கதமோ ஸம்மாஆஜீவோ? இத⁴ அரியஸாவகோ மிச்சா²ஆஜீவங் பஹாய ஸம்மாஆஜீவேன ஜீவிகங் ⁶⁹ கப்பேதி – அயங் வுச்சதி ஸம்மாஆஜீவோ.

Tattha katamo sammāājīvo? Idha ariyasāvako micchāājīvaṃ pahāya sammāājīvena jīvikaṃ ⁷⁰ kappeti – ayaṃ vuccati sammāājīvo.

தத்த² கதமோ ஸம்மாவாயாமோ? இத⁴ பி⁴க்கு² அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி, உப்பன்னானங் பாபகானங் அகுஸலானங் த⁴ம்மானங் பஹானாய…பே॰… அனுப்பன்னானங் குஸலானங் த⁴ம்மானங் உப்பாதா³ய …பே॰… உப்பன்னானங் குஸலானங் த⁴ம்மானங் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி – அயங் வுச்சதி ஸம்மாவாயாமோ.

Tattha katamo sammāvāyāmo? Idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya…pe… anuppannānaṃ kusalānaṃ dhammānaṃ uppādāya …pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati – ayaṃ vuccati sammāvāyāmo.

தத்த² கதமா ஸம்மாஸதி? இத⁴ பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங் – அயங் வுச்சதி ஸம்மாஸதி.

Tattha katamā sammāsati? Idha bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Vedanāsu…pe… citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ – ayaṃ vuccati sammāsati.

தத்த² கதமோ ஸம்மாஸமாதி⁴? இத⁴ பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. பீதியா ச விராகா³ உபெக்க²கோ ச விஹரதி ஸதோ ச ஸம்பஜானோ ஸுக²ஞ்ச காயேன படிஸங்வேதே³தி, யங் தங் அரியா ஆசிக்க²ந்தி – ‘‘உபெக்க²கோ ஸதிமா ஸுக²விஹாரீ’’தி ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. அயங் வுச்சதி ஸம்மாஸமாதி⁴. இத³ங் வுச்சதி து³க்க²னிரோத⁴கா³மினீ படிபதா³ அரியஸச்சங். தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘இத³ங் து³க்க²ங் அரியஸச்சங், இத³ங் து³க்க²ஸமுத³யங் அரியஸச்சங், இத³ங் து³க்க²னிரோத⁴ங் அரியஸச்சங், இத³ங் து³க்க²னிரோத⁴கா³மினீ படிபதா³ அரியஸச்ச’’ந்தி ஸோதாவதா⁴னங், தங்பஜானநா பஞ்ஞா ஸுதமயே ஞாணங். ஏவங் ஸோதாவதா⁴னே பஞ்ஞா ஸுதமயே ஞாணங்.

Tattha katamo sammāsamādhi? Idha bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘‘upekkhako satimā sukhavihārī’’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati sammāsamādhi. Idaṃ vuccati dukkhanirodhagāminī paṭipadā ariyasaccaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘idaṃ dukkhaṃ ariyasaccaṃ, idaṃ dukkhasamudayaṃ ariyasaccaṃ, idaṃ dukkhanirodhaṃ ariyasaccaṃ, idaṃ dukkhanirodhagāminī paṭipadā ariyasacca’’nti sotāvadhānaṃ, taṃpajānanā paññā sutamaye ñāṇaṃ. Evaṃ sotāvadhāne paññā sutamaye ñāṇaṃ.

ஸுதமயஞாணனித்³தே³ஸோ பட²மோ.

Sutamayañāṇaniddeso paṭhamo.

Next: 2. ஸீலமயஞாணனித்³தே³ஸோ • 2. Sīlamayañāṇaniddeso

Footnotes:

1. து³க்க²ஸமுத³யோ (ஸ்யா॰)

2. dukkhasamudayo (syā.)

3. து³க்க²னிரோதோ⁴ (ஸ்யா॰) அட்ட²கதா² ஓலோகேதப்³பா³

4. dukkhanirodho (syā.) aṭṭhakathā oloketabbā

5. சக்கு²ங் (ஸ்யா॰ க॰)

6. யமித³ங் (க॰) ஸங்॰ நி॰ 4.52 பஸ்ஸிதப்³போ³

7. cakkhuṃ (syā. ka.)

8. yamidaṃ (ka.) saṃ. ni. 4.52 passitabbo

9. நஹாரூ (ஸ்யா॰)

10. அட்டி²மஞ்ஜங் அபி⁴ஞ்ஞெய்யங் (ஸ்யா॰ க॰)

11. nahārū (syā.)

12. aṭṭhimañjaṃ abhiññeyyaṃ (syā. ka.)

13. விரியிந்த்³ரியங் (ஸ்யா॰)

14. viriyindriyaṃ (syā.)

15. பட²மஜ்ஜா²னங் (ஸ்யா॰) ஏவமீதி³ஸேஸு டா²னேஸு

16. paṭhamajjhānaṃ (syā.) evamīdisesu ṭhānesu

17. ஆயுஹனா (ஸ்யா॰) ஏவமுபரிபி

18. āyuhanā (syā.) evamuparipi

19. அனாயுஹனா (ஸ்யா॰) ஏவமுபரிபி

20. anāyuhanā (syā.) evamuparipi

21. பரிபூரணட்டோ² (க॰), பரிபூரிட்டோ² (ஸீ॰ அட்ட²॰)

22. நிவத்தனட்டோ² (க॰)

23. யுக³னந்த⁴னட்டோ² (க॰)

24. ஹேதட்டோ² (ஸ்யா॰)

25. paripūraṇaṭṭho (ka.), paripūriṭṭho (sī. aṭṭha.)

26. nivattanaṭṭho (ka.)

27. yuganandhanaṭṭho (ka.)

28. hetaṭṭho (syā.)

29. மக்³கா³னங் (ஸப்³ப³த்த²) அட்ட²கதா² பஸ்ஸிதப்³பா³

30. maggānaṃ (sabbattha) aṭṭhakathā passitabbā

31. தா⁴தட்டோ² (ஸ்யா॰)

32. dhātaṭṭho (syā.)

33. வத்த²ட்டோ² (ஸ்யா॰)

34. பு⁴ம்மட்டோ² (ஸ்யா॰ ஸீ॰ அட்ட²॰) (ஏகத்தே உபனிப³ந்த⁴னட்டோ² அபி⁴ஞ்ஞெய்யோ) (க॰) அட்ட²கதா² பஸ்ஸிதப்³பா³

35. vatthaṭṭho (syā.)

36. bhummaṭṭho (syā. sī. aṭṭha.) (ekatte upanibandhanaṭṭho abhiññeyyo) (ka.) aṭṭhakathā passitabbā

37. பகாஸனட்டோ² (க॰)

38. வொஸ்ஸக்³க³ட்டோ² (ஸ்யா॰ க॰)

39. pakāsanaṭṭho (ka.)

40. vossaggaṭṭho (syā. ka.)

41. ஆயுஹனட்டோ² (ஸ்யா॰)

42. āyuhanaṭṭho (syā.)

43. பாமுஜ்ஜங் (ஸ்யா॰)

44. pāmujjaṃ (syā.)

45. ஸம்மாஸமாதீ⁴ (ஸ்யா॰)

46. sammāsamādhī (syā.)

47. மஜ்ஜ²ந்திகஸமயம்பி (ஸ்யா॰ க॰)

48. ரத்திதி³வாபி (க॰)

49. majjhantikasamayampi (syā. ka.)

50. rattidivāpi (ka.)

51. தீ²னமித்³த⁴ங் (ஸ்யா॰ ஸீ॰ அட்ட²॰)

52. thīnamiddhaṃ (syā. sī. aṭṭha.)

53. பு²ஸிதா (ஸ்யா॰)

54. phusitā (syā.)

55. பஞ்சுபாதா³னக்க²ந்தா⁴பி (க॰) ஸதிபட்டா²னஸுத்தே ஸச்சவிப⁴ங்கே³ ச பஸ்ஸிதப்³ப³ங்

56. pañcupādānakkhandhāpi (ka.) satipaṭṭhānasutte saccavibhaṅge ca passitabbaṃ

57. காலங்கிரியா (க॰)

58. kālaṃkiriyā (ka.)

59. யோ ஞாதிப்³யஸனேன (ஸ்யா॰) பஸ்ஸ ஸச்சவிப⁴ங்கே³

60. yo ñātibyasanena (syā.) passa saccavibhaṅge

61. ஸெய்யதீ²த³ங் (ஸ்யா॰ ஸீ॰ அட்ட²॰)

62. ரூபூபாதா³னக்க²ந்தோ⁴ (ஸ்யா॰) ஏவமுபரிபி

63. seyyathīdaṃ (syā. sī. aṭṭha.)

64. rūpūpādānakkhandho (syā.) evamuparipi

65. போனொப்³ப⁴விகா (ஸ்யா॰)

66. ponobbhavikā (syā.)

67. வேரமணி (க॰)

68. veramaṇi (ka.)

69. ஜீவிதங் (க॰)

70. jīvitaṃ (ka.)

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact