A World of Knowledge
    Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi

    ೩೯೮. ಸುತನುಜಾತಕಂ (೭-೧-೩)

    398. Sutanujātakaṃ (7-1-3)

    ೧೫.

    15.

    ರಾಜಾ ತೇ ಭತ್ತಂ ಪಾಹೇಸಿ, ಸುಚಿಂ ಮಂಸೂಪಸೇಚನಂ।

    Rājā te bhattaṃ pāhesi, suciṃ maṃsūpasecanaṃ;

    ಮಘದೇವಸ್ಮಿಂ 1 ಅಧಿವತ್ಥೇ, ಏಹಿ ನಿಕ್ಖಮ್ಮ ಭುಞ್ಜಸ್ಸು॥

    Maghadevasmiṃ 2 adhivatthe, ehi nikkhamma bhuñjassu.

    ೧೬.

    16.

    ಏಹಿ ಮಾಣವ ಓರೇನ, ಭಿಕ್ಖಮಾದಾಯ ಸೂಪಿತಂ।

    Ehi māṇava orena, bhikkhamādāya sūpitaṃ;

    ತ್ವಞ್ಚ ಮಾಣವ ಭಿಕ್ಖಾ ಚ 3, ಉಭೋ ಭಕ್ಖಾ ಭವಿಸ್ಸಥ॥

    Tvañca māṇava bhikkhā ca 4, ubho bhakkhā bhavissatha.

    ೧೭.

    17.

    ಅಪ್ಪಕೇನ ತುವಂ ಯಕ್ಖ, ಥುಲ್ಲಮತ್ಥಂ ಜಹಿಸ್ಸಸಿ।

    Appakena tuvaṃ yakkha, thullamatthaṃ jahissasi;

    ಭಿಕ್ಖಂ ತೇ ನಾಹರಿಸ್ಸನ್ತಿ, ಜನಾ ಮರಣಸಞ್ಞಿನೋ॥

    Bhikkhaṃ te nāharissanti, janā maraṇasaññino.

    ೧೮.

    18.

    ಲದ್ಧಾಯ ಯಕ್ಖಾ 5 ತವ ನಿಚ್ಚಭಿಕ್ಖಂ, ಸುಚಿಂ ಪಣೀತಂ ರಸಸಾ ಉಪೇತಂ।

    Laddhāya yakkhā 6 tava niccabhikkhaṃ, suciṃ paṇītaṃ rasasā upetaṃ;

    ಭಿಕ್ಖಞ್ಚ ತೇ ಆಹರಿಯೋ ನರೋ ಇಧ, ಸುದುಲ್ಲಭೋ ಹೇಹಿತಿ ಭಕ್ಖಿತೇ 7 ಮಯಿ॥

    Bhikkhañca te āhariyo naro idha, sudullabho hehiti bhakkhite 8 mayi.

    ೧೯.

    19.

    ಮಮೇವ 9 ಸುತನೋ ಅತ್ಥೋ, ಯಥಾ ಭಾಸಸಿ ಮಾಣವ।

    Mameva 10 sutano attho, yathā bhāsasi māṇava;

    ಮಯಾ ತ್ವಂ ಸಮನುಞ್ಞಾತೋ, ಸೋತ್ಥಿಂ ಪಸ್ಸಾಹಿ ಮಾತರಂ॥

    Mayā tvaṃ samanuññāto, sotthiṃ passāhi mātaraṃ.

    ೨೦.

    20.

    ಖಗ್ಗಂ ಛತ್ತಞ್ಚ ಪಾತಿಞ್ಚ, ಗಚ್ಛಮಾದಾಯ 11 ಮಾಣವ।

    Khaggaṃ chattañca pātiñca, gacchamādāya 12 māṇava;

    ಸೋತ್ಥಿಂ ಪಸ್ಸತು ತೇ ಮಾತಾ, ತ್ವಞ್ಚ ಪಸ್ಸಾಹಿ ಮಾತರಂ॥

    Sotthiṃ passatu te mātā, tvañca passāhi mātaraṃ.

    ೨೧.

    21.

    ಏವಂ ಯಕ್ಖ ಸುಖೀ ಹೋಹಿ, ಸಹ ಸಬ್ಬೇಹಿ ಞಾತಿಭಿ।

    Evaṃ yakkha sukhī hohi, saha sabbehi ñātibhi;

    ಧನಞ್ಚ ಮೇ ಅಧಿಗತಂ, ರಞ್ಞೋ ಚ ವಚನಂ ಕತನ್ತಿ॥

    Dhanañca me adhigataṃ, rañño ca vacanaṃ katanti.

    ಸುತನುಜಾತಕಂ ತತಿಯಂ।

    Sutanujātakaṃ tatiyaṃ.







    Footnotes:
    1. ಮಖಾದೇವಸ್ಮಿಂ (ಸೀ॰ ಪೀ॰), ಮಾಘದೇವಸ್ಮಿಂ (ಕ॰)
    2. makhādevasmiṃ (sī. pī.), māghadevasmiṃ (ka.)
    3. ಭಕ್ಖೋಸಿ (ಸ್ಯಾ॰), ಭಕ್ಖಾವ (ಕ॰)
    4. bhakkhosi (syā.), bhakkhāva (ka.)
    5. ಲದ್ಧಾಯಂ ಯಕ್ಖ (ಸೀ॰ ಸ್ಯಾ॰ ಪೀ॰)
    6. laddhāyaṃ yakkha (sī. syā. pī.)
    7. ಖಾದಿತೇ (ಸೀ॰ ಸ್ಯಾ॰ ಪೀ॰)
    8. khādite (sī. syā. pī.)
    9. ಮಮೇಸ (ಸೀ॰ ಪೀ॰)
    10. mamesa (sī. pī.)
    11. ಗಚ್ಛೇವಾದಾಯ (ಸೀ॰ ಸ್ಯಾ॰ ಪೀ॰)
    12. gacchevādāya (sī. syā. pī.)



    Related texts:



    ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೩೯೮] ೩. ಸುತನುಜಾತಕವಣ್ಣನಾ • [398] 3. Sutanujātakavaṇṇanā


    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact