| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭-੧੦. ਸੁਤવਾਸੁਤ੍ਤਾਦਿવਣ੍ਣਨਾ
7-10. Sutavāsuttādivaṇṇanā
੭-੧੦. ਸਤ੍ਤਮੇ ਅਭਬ੍ਬੋ ਖੀਣਾਸવੋ ਭਿਕ੍ਖੁ ਸਞ੍ਚਿਚ੍ਚ ਪਾਣਨ੍ਤਿਆਦਿ ਦੇਸਨਾਸੀਸਮੇવ, ਸੋਤਾਪਨ੍ਨਾਦਯੋਪਿ ਪਨ ਅਭਬ੍ਬਾવ, ਪੁਥੁਜ੍ਜਨਖੀਣਾਸવਾਨਂ ਨਿਨ੍ਦਾਪਸਂਸਤ੍ਥਮ੍ਪਿ ਏવਂ વੁਤ੍ਤਂ। ਪੁਥੁਜ੍ਜਨੋ ਨਾਮ ਗਾਰਯ੍ਹੋ ਮਾਤੁਘਾਤਾਦੀਨਿ ਕਰੋਤਿ, ਖੀਣਾਸવੋ ਪਨ ਪਾਸਂਸੋ ਕੁਨ੍ਥਕਿਪਿਲ੍ਲਿਕਘਾਤਾਦੀਨਿਪਿ ਨ ਕਰੋਤੀਤਿ। ਸਨ੍ਨਿਧਿਕਾਰਕਂ ਕਾਮੇ ਪਰਿਭੁਞ੍ਜਿਤੁਨ੍ਤਿ ਯਥਾ ਗਿਹਿਭੂਤੋ ਸਨ੍ਨਿਧਿਂ ਕਤ੍વਾ વਤ੍ਥੁਕਾਮੇ ਪਰਿਭੁਞ੍ਜਤਿ, ਏવਂ ਤਿਲਤਣ੍ਡੁਲਸਪ੍ਪਿਨવਨੀਤਾਦੀਨਿ ਸਨ੍ਨਿਧਿਂ ਕਤ੍વਾ ਇਦਾਨਿ ਪਰਿਭੁਞ੍ਜਿਤੁਂ ਅਭਬ੍ਬੋਤਿ ਅਤ੍ਥੋ। વਤ੍ਥੁਕਾਮੇ ਪਨ ਨਿਦਹਿਤ੍વਾ ਪਰਿਭੁਞ੍ਜਨ੍ਤਾ ਤਨ੍ਨਿਸ੍ਸਿਤਂ ਕਿਲੇਸਕਾਮਮ੍ਪਿ ਨਿਦਹਿਤ੍વਾ ਪਰਿਭੁਞ੍ਜਨ੍ਤਿ ਨਾਮਾਤਿ ਆਹ ‘‘વਤ੍ਥੁਕਾਮਕਿਲੇਸਕਾਮੇ’’ਤਿ। ਨਨੁ ਚ ਖੀਣਾਸવਸ੍ਸੇવ વਸਨਟ੍ਠਾਨੇ ਤਿਲਤਣ੍ਡੁਲਾਦਯੋ ਪਞ੍ਞਾਯਨ੍ਤੀਤਿ? ਨ ਪਨ ਤੇ ਅਤ੍ਤਨੋ ਅਤ੍ਥਾਯ ਨਿਧੇਨ੍ਤਿ, ਅਫਾਸੁਕਪਬ੍ਬਜਿਤਾਦੀਨਂ ਅਤ੍ਥਾਯ ਨਿਧੇਨ੍ਤਿ। ਅਨਾਗਾਮਿਸ੍ਸ ਕਥਨ੍ਤਿ? ਤਸ੍ਸਪਿ ਪਞ੍ਚ ਕਾਮਗੁਣਾ ਸਬ੍ਬਸੋવ ਪਹੀਨਾ, ਧਮ੍ਮੇਨ ਪਨ ਲਦ੍ਧਂ વਿਚਾਰੇਤ੍વਾ ਪਰਿਭੁਞ੍ਜਤਿ। ਅਕਪ੍ਪਿਯਕਾਮਗੁਣੇ ਸਨ੍ਧਾਯੇਤਂ વੁਤ੍ਤਂ, ਨ ਮਞ੍ਚਪੀਠਅਤ੍ਥਰਣਪਾવੁਰਣਾਦਿਸਨ੍ਨਿਸ੍ਸਿਤਂ। ਸੇਯ੍ਯਾਥਾਪਿ ਪੁਬ੍ਬੇ ਅਗਾਰਿਯਭੂਤੋਤਿ ਯਥਾ ਪੁਬ੍ਬੇ ਗਿਹਿਭੂਤੋ ਪਰਿਭੁਞ੍ਜਤਿ, ਏવਂ ਪਰਿਭੁਞ੍ਜਿਤੁਂ ਅਭਬ੍ਬੋ। ਅਗਾਰਮਜ੍ਝੇ વਸਨ੍ਤਾ ਹਿ ਸੋਤਾਪਨ੍ਨਾਦਯੋ ਯਾવਜੀવਂ ਗਿਹਿਬ੍ਯਞ੍ਜਨੇਨ ਤਿਟ੍ਠਨ੍ਤਿ। ਖੀਣਾਸવੋ ਪਨ ਅਰਹਤ੍ਤਂ ਪਤ੍વਾવ ਮਨੁਸ੍ਸਭੂਤੋ ਪਰਿਨਿਬ੍ਬਾਤਿ વਾ ਪਬ੍ਬਜਤਿ વਾ। ਚਾਤੁਮਹਾਰਾਜਿਕਾਦੀਸੁ ਕਾਮਾવਚਰਦੇવੇਸੁ ਮੁਹੁਤ੍ਤਮ੍ਪਿ ਨ ਤਿਟ੍ਠਤਿ। ਕਸ੍ਮਾ? વਿવੇਕਟ੍ਠਾਨਸ੍ਸ ਅਭਾવਾ। ਭੁਮ੍ਮਦੇવਤ੍ਤਭਾવੇ ਪਨ ਠਿਤੋ ਅਰਹਤ੍ਤਂ ਪਤ੍વਾਪਿ ਤਿਟ੍ਠਤਿ વਿવੇਕਟ੍ਠਾਨਸਮ੍ਭવਾ। ਅਟ੍ਠਮਾਦੀਨਿ ਉਤ੍ਤਾਨਤ੍ਥਾਨੇવ।
7-10. Sattame abhabbo khīṇāsavo bhikkhu sañcicca pāṇantiādi desanāsīsameva, sotāpannādayopi pana abhabbāva, puthujjanakhīṇāsavānaṃ nindāpasaṃsatthampi evaṃ vuttaṃ. Puthujjano nāma gārayho mātughātādīni karoti, khīṇāsavo pana pāsaṃso kunthakipillikaghātādīnipi na karotīti. Sannidhikārakaṃ kāme paribhuñjitunti yathā gihibhūto sannidhiṃ katvā vatthukāme paribhuñjati, evaṃ tilataṇḍulasappinavanītādīni sannidhiṃ katvā idāni paribhuñjituṃ abhabboti attho. Vatthukāme pana nidahitvā paribhuñjantā tannissitaṃ kilesakāmampi nidahitvā paribhuñjanti nāmāti āha ‘‘vatthukāmakilesakāme’’ti. Nanu ca khīṇāsavasseva vasanaṭṭhāne tilataṇḍulādayo paññāyantīti? Na pana te attano atthāya nidhenti, aphāsukapabbajitādīnaṃ atthāya nidhenti. Anāgāmissa kathanti? Tassapi pañca kāmaguṇā sabbasova pahīnā, dhammena pana laddhaṃ vicāretvā paribhuñjati. Akappiyakāmaguṇe sandhāyetaṃ vuttaṃ, na mañcapīṭhaattharaṇapāvuraṇādisannissitaṃ. Seyyāthāpi pubbe agāriyabhūtoti yathā pubbe gihibhūto paribhuñjati, evaṃ paribhuñjituṃ abhabbo. Agāramajjhe vasantā hi sotāpannādayo yāvajīvaṃ gihibyañjanena tiṭṭhanti. Khīṇāsavo pana arahattaṃ patvāva manussabhūto parinibbāti vā pabbajati vā. Cātumahārājikādīsu kāmāvacaradevesu muhuttampi na tiṭṭhati. Kasmā? Vivekaṭṭhānassa abhāvā. Bhummadevattabhāve pana ṭhito arahattaṃ patvāpi tiṭṭhati vivekaṭṭhānasambhavā. Aṭṭhamādīni uttānatthāneva.
ਸੁਤવਾਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Sutavāsuttādivaṇṇanā niṭṭhitā.
ਸਮ੍ਬੋਧਿવਗ੍ਗવਣ੍ਣਨਾ ਨਿਟ੍ਠਿਤਾ।
Sambodhivaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੭. ਸੁਤવਾਸੁਤ੍ਤਂ • 7. Sutavāsuttaṃ
੮. ਸਜ੍ਝਸੁਤ੍ਤਂ • 8. Sajjhasuttaṃ
੯. ਪੁਗ੍ਗਲਸੁਤ੍ਤਂ • 9. Puggalasuttaṃ
੧੦. ਆਹੁਨੇਯ੍ਯਸੁਤ੍ਤਂ • 10. Āhuneyyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੭. ਸੁਤવਾਸੁਤ੍ਤવਣ੍ਣਨਾ • 7. Sutavāsuttavaṇṇanā
੮-੧੦. ਸਜ੍ਝਸੁਤ੍ਤਾਦਿવਣ੍ਣਨਾ • 8-10. Sajjhasuttādivaṇṇanā
