| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౭. సుతవాసుత్తవణ్ణనా
7. Sutavāsuttavaṇṇanā
౭. సత్తమే పఞ్చ ఠానాని అజ్ఝాచరితున్తి పఞ్చ కారణాని అతిక్కమితుం. పాణన్తి అన్తమసో కున్థకిపిల్లికం. అదిన్నన్తి అన్తమసో తిణసలాకమ్పి పరసన్తకం. థేయ్యసఙ్ఖాతన్తి థేయ్యచిత్తేన. సన్నిధికారకం కామే పరిభుఞ్జితున్తి సన్నిధిం కత్వా ఠపేత్వా వత్థుకామకిలేసకామే పరిభుఞ్జితుం అభబ్బో. అకప్పియం కామగుణం సన్ధాయేతం వుత్తం. బుద్ధం పచ్చక్ఖాతున్తి ‘‘న బుద్ధో అయ’’న్తి ఏవం పటిక్ఖిపితుం. ధమ్మాదీసుపి ఏసేవ నయో. ఏవం తావ అట్ఠకథాయ ఆగతం. పాళియం పన ఇమస్మిం సుత్తే అగతిగమనాని కథితాని.
7. Sattame pañca ṭhānāni ajjhācaritunti pañca kāraṇāni atikkamituṃ. Pāṇanti antamaso kunthakipillikaṃ. Adinnanti antamaso tiṇasalākampi parasantakaṃ. Theyyasaṅkhātanti theyyacittena. Sannidhikārakaṃ kāme paribhuñjitunti sannidhiṃ katvā ṭhapetvā vatthukāmakilesakāme paribhuñjituṃ abhabbo. Akappiyaṃ kāmaguṇaṃ sandhāyetaṃ vuttaṃ. Buddhaṃ paccakkhātunti ‘‘na buddho aya’’nti evaṃ paṭikkhipituṃ. Dhammādīsupi eseva nayo. Evaṃ tāva aṭṭhakathāya āgataṃ. Pāḷiyaṃ pana imasmiṃ sutte agatigamanāni kathitāni.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౭. సుతవాసుత్తం • 7. Sutavāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౭-౧౦. సుతవాసుత్తాదివణ్ణనా • 7-10. Sutavāsuttādivaṇṇanā
