| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. ааяад̇анавибхан̇г̇о
2. Āyatanavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
154. ид̣̇аани д̇ад̣̇ананд̇арз ааяад̇анавибхан̇г̇анид̣̇д̣̇зсз суд̇д̇анд̇абхааж̇анийяам̣ д̇аава д̣̇ассзнд̇о д̣̇ваад̣̇асааяад̇анаани жагкааяад̇анам̣ руубааяад̇ананд̇иаад̣̇имааха. д̇ад̇т̇а баал̣имуд̇д̇агзна д̇аава наязна –
154. Idāni tadanantare āyatanavibhaṅganiddese suttantabhājanīyaṃ tāva dassento dvādasāyatanāni cakkhāyatanaṃ rūpāyatanantiādimāha. Tattha pāḷimuttakena tāva nayena –
ад̇т̇алагкан̣ад̇аавад̇ва, гамасан̇кзбавид̇т̇аараа;
Atthalakkhaṇatāvatva, kamasaṅkhepavitthārā;
д̇ат̇аа д̣̇адтаб̣б̣ад̇о жзва, вин̃н̃аад̇аб̣б̣о винижчаяо.
Tathā daṭṭhabbato ceva, viññātabbo vinicchayo.
д̇ад̇т̇а висзсад̇о д̇аава жагкад̇ийд̇и жагку; руубам̣ ассаад̣̇зд̇и, вибхаавзд̇и жаад̇и ад̇т̇о. руубаяад̇ийд̇и руубам̣; ван̣н̣авигаарам̣ аабаж̇ж̇амаанам̣ хад̣̇аяан̇г̇ад̇абхаавам̣ багаасзд̇ийд̇и ад̇т̇о. сун̣аад̇ийд̇и сод̇ам̣. саббад̇ийд̇и сад̣̇д̣̇о; уд̣̇аахарияад̇ийд̇и ад̇т̇о. гхааяад̇ийд̇и гхаанам̣. г̇анд̇хаяад̇ийд̇и г̇анд̇хо; ад̇д̇ано вад̇т̇ум̣ суужаяад̇ийд̇и ад̇т̇о. ж̇ийвид̇ам̣ авхааяад̇ийд̇и ж̇ивхаа. расанд̇и д̇ам̣ сад̇д̇аад̇и расо; ассаад̣̇знд̇ийд̇и ад̇т̇о. гужчид̇аанам̣ саасавад̇хаммаанам̣ ааяод̇и гааяо. ааяод̇и уббад̇д̇ид̣̇зсо. пусийяад̇ийд̇и подтаб̣б̣ам̣. манад̇ийд̇и мано. ад̇д̇ано лагкан̣ам̣ д̇хаараяанд̇ийд̇и д̇хаммаа.
Tattha visesato tāva cakkhatīti cakkhu; rūpaṃ assādeti, vibhāveti cāti attho. Rūpayatīti rūpaṃ; vaṇṇavikāraṃ āpajjamānaṃ hadayaṅgatabhāvaṃ pakāsetīti attho. Suṇātīti sotaṃ. Sappatīti saddo; udāhariyatīti attho. Ghāyatīti ghānaṃ. Gandhayatīti gandho; attano vatthuṃ sūcayatīti attho. Jīvitaṃ avhāyatīti jivhā. Rasanti taṃ sattāti raso; assādentīti attho. Kucchitānaṃ sāsavadhammānaṃ āyoti kāyo. Āyoti uppattideso. Phusīyatīti phoṭṭhabbaṃ. Manatīti mano. Attano lakkhaṇaṃ dhārayantīti dhammā.
ависзсад̇о бана ааяад̇анад̇о, ааяаанам̣ д̇ананад̇о, ааяад̇асса жа наяанад̇о ааяад̇ананд̇и взд̣̇ид̇аб̣б̣ам̣. жагкуруубаад̣̇ийсу хи д̇ам̣д̇ам̣д̣̇ваараарамман̣аа жид̇д̇ажзд̇асигаа д̇хаммаа сзна сзна анубхаванаад̣̇инаа гижжзна ааяад̇анд̇и удтаханд̇и гхаддзнд̇и вааяаманд̇ийд̇и вуд̇д̇ам̣ ход̇и. д̇з жа бана ааяабхууд̇з д̇хаммз зд̇аани д̇анонд̇и вид̇т̇аарзнд̇ийд̇и вуд̇д̇ам̣ ход̇и. ид̣̇ан̃жа анамад̇аг̇г̇з сам̣саарз бавад̇д̇ам̣ ад̇ийва ааяад̇ам̣ сам̣саарад̣̇угкам̣ яаава на нивад̇д̇ад̇и д̇аава наяанд̇зва, бавад̇д̇аяанд̇ийд̇и вуд̇д̇ам̣ ход̇и. ид̇и саб̣б̣зби мз д̇хаммаа ааяад̇анад̇о ааяаанам̣ д̇ананад̇о ааяад̇асса жа наяанад̇о ‘ааяад̇анам̣ ааяад̇ана’нд̇и вужжанд̇и.
Avisesato pana āyatanato, āyānaṃ tananato, āyatassa ca nayanato āyatananti veditabbaṃ. Cakkhurūpādīsu hi taṃtaṃdvārārammaṇā cittacetasikā dhammā sena sena anubhavanādinā kiccena āyatanti uṭṭhahanti ghaṭṭenti vāyamantīti vuttaṃ hoti. Te ca pana āyabhūte dhamme etāni tanonti vitthārentīti vuttaṃ hoti. Idañca anamatagge saṃsāre pavattaṃ atīva āyataṃ saṃsāradukkhaṃ yāva na nivattati tāva nayanteva, pavattayantīti vuttaṃ hoti. Iti sabbepi me dhammā āyatanato āyānaṃ tananato āyatassa ca nayanato ‘āyatanaṃ āyatana’nti vuccanti.
абижа ниваасадтаанадтзна, аагарадтзна, самосаран̣адтаанадтзна , сан̃ж̇аад̇ид̣̇зсадтзна, гааран̣адтзна жа ааяад̇анам̣ взд̣̇ид̇аб̣б̣ам̣. д̇ат̇аа хи логз ‘‘иссарааяад̇анам̣ ваасуд̣̇звааяад̇ана’’нд̇иаад̣̇ийсу ниваасадтаанам̣ ааяад̇ананд̇и вужжад̇и . ‘‘суван̣н̣ааяад̇анам̣ раж̇ад̇ааяад̇ана’’нд̇иаад̣̇ийсу аагаро. саасанз бана ‘‘манорамз ааяад̇анз сзванд̇и нам̣ вихан̇г̇амаа’’д̇иаад̣̇ийсу (а. ни. 5.38) самосаран̣адтаанам̣. ‘‘д̣̇агкин̣аабат̇о г̇уннам̣ ааяад̇ана’’нд̇иаад̣̇ийсу сан̃ж̇аад̇ид̣̇зсо. ‘‘д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇иааяад̇анз’’д̇иаад̣̇ийсу (а. ни. 5.23) гааран̣ам̣.
Apica nivāsaṭṭhānaṭṭhena, ākaraṭṭhena, samosaraṇaṭṭhānaṭṭhena , sañjātidesaṭṭhena, kāraṇaṭṭhena ca āyatanaṃ veditabbaṃ. Tathā hi loke ‘‘issarāyatanaṃ vāsudevāyatana’’ntiādīsu nivāsaṭṭhānaṃ āyatananti vuccati . ‘‘Suvaṇṇāyatanaṃ rajatāyatana’’ntiādīsu ākaro. Sāsane pana ‘‘manorame āyatane sevanti naṃ vihaṅgamā’’tiādīsu (a. ni. 5.38) samosaraṇaṭṭhānaṃ. ‘‘Dakkhiṇāpatho gunnaṃ āyatana’’ntiādīsu sañjātideso. ‘‘Tatra tatreva sakkhibhabbataṃ pāpuṇāti sati satiāyatane’’tiādīsu (a. ni. 5.23) kāraṇaṃ.
жагкуруубаад̣̇ийсу жааби д̇з д̇з жид̇д̇ажзд̇асигаа д̇хаммаа нивасанд̇и д̇ад̣̇ааяад̇д̇авуд̇д̇ид̇ааяаад̇и жагкаад̣̇аяо нзсам̣ ниваасанадтаанам̣. жагкаад̣̇ийсу жа д̇з аагин̣н̣аа д̇ам̣ ниссид̇ад̇д̇аа д̇ад̣̇аарамман̣ад̇д̇аа жаад̇и жагкаад̣̇аяо нзсам̣ аагаро. жагкаад̣̇аяо жа нзсам̣ самосаран̣адтаанам̣, д̇ад̇т̇а д̇ад̇т̇а вад̇т̇уд̣̇ваараарамман̣авасзна самосаран̣ад̇о. жагкаад̣̇аяо жа нзсам̣ сан̃ж̇аад̇ид̣̇зсо; д̇ам̣ ниссаяаарамман̣абхаавзна д̇ад̇т̇зва уббад̇д̇ид̇о. жагкаад̣̇аяо жа нзсам̣ гааран̣ам̣, д̇зсам̣ абхаавз абхаавад̇од̇и. ид̇и ниваасадтаанадтзна, аагарадтзна, самосаран̣адтаанадтзна, сан̃ж̇аад̇ид̣̇зсадтзна, гааран̣адтзнаад̇и имзхи гааран̣зхи зд̇з д̇хаммаа ‘ааяад̇анам̣ ааяад̇ана’нд̇и вужжанд̇и. д̇асмаа яат̇аавуд̇д̇знад̇т̇зна жагку жа д̇ам̣ ааяад̇анан̃жаад̇и жагкааяад̇анам̣…бз… д̇хаммаа жа д̇з ааяад̇анан̃жаад̇и д̇хаммааяад̇ананд̇и звам̣ д̇аавзд̇т̇а ‘ад̇т̇ад̇о’ вин̃н̃аад̇аб̣б̣о винижчаяо.
Cakkhurūpādīsu cāpi te te cittacetasikā dhammā nivasanti tadāyattavuttitāyāti cakkhādayo nesaṃ nivāsanaṭṭhānaṃ. Cakkhādīsu ca te ākiṇṇā taṃ nissitattā tadārammaṇattā cāti cakkhādayo nesaṃ ākaro. Cakkhādayo ca nesaṃ samosaraṇaṭṭhānaṃ, tattha tattha vatthudvārārammaṇavasena samosaraṇato. Cakkhādayo ca nesaṃ sañjātideso; taṃ nissayārammaṇabhāvena tattheva uppattito. Cakkhādayo ca nesaṃ kāraṇaṃ, tesaṃ abhāve abhāvatoti. Iti nivāsaṭṭhānaṭṭhena, ākaraṭṭhena, samosaraṇaṭṭhānaṭṭhena, sañjātidesaṭṭhena, kāraṇaṭṭhenāti imehi kāraṇehi ete dhammā ‘āyatanaṃ āyatana’nti vuccanti. Tasmā yathāvuttenatthena cakkhu ca taṃ āyatanañcāti cakkhāyatanaṃ…pe… dhammā ca te āyatanañcāti dhammāyatananti evaṃ tāvettha ‘atthato’ viññātabbo vinicchayo.
‘лагкан̣ад̇о’д̇и жагкаад̣̇ийнам̣ лагкан̣ад̇обзд̇т̇а вин̃н̃аад̇аб̣б̣о винижчаяо. д̇аани жа бана нзсам̣ лагкан̣аани хздтаа руубаган̣д̣анид̣̇д̣̇зсз вуд̇д̇анаязнзва взд̣̇ид̇аб̣б̣аани.
‘Lakkhaṇato’ti cakkhādīnaṃ lakkhaṇatopettha viññātabbo vinicchayo. Tāni ca pana nesaṃ lakkhaṇāni heṭṭhā rūpakaṇḍaniddese vuttanayeneva veditabbāni.
‘д̇аавад̇вад̇о’д̇и д̇аавабхаавад̇о. ид̣̇ам̣ вуд̇д̇ам̣ ход̇и – жагкаад̣̇аяоби хи д̇хаммаа зва. звам̣ сад̇и д̇хаммааяад̇анамижжзва авад̇ваа гасмаа д̣̇ваад̣̇асааяад̇анаани вуд̇д̇аанийд̇и жз? ча вин̃н̃аан̣агааяуббад̇д̇ид̣̇ваараарамман̣ававад̇т̇аанад̇о. ид̇ха чаннам̣ вин̃н̃аан̣агааяаанам̣ д̣̇ваарабхаавзна аарамман̣абхаавзна жа вавад̇т̇аанад̇о аяамзва д̇зсам̣ бхзд̣̇о ход̇ийд̇и д̣̇ваад̣̇аса вуд̇д̇аани. жагкувин̃н̃аан̣авийт̇ибарияаабаннасса хи вин̃н̃аан̣агааяасса жагкааяад̇анамзва уббад̇д̇ид̣̇ваарам̣, руубааяад̇анамзва жаарамман̣ам̣ . д̇ат̇аа ид̇араани ид̇арзсам̣. чадтасса бана бхаван̇г̇аманасан̇каад̇о манааяад̇анзгад̣̇зсова уббад̇д̇ид̣̇ваарам̣, асаад̇хааран̣ан̃жа д̇хаммааяад̇анам̣ аарамман̣анд̇и . ид̇и чаннам̣ вин̃н̃аан̣агааяаанам̣ уббад̇д̇ид̣̇ваараарамман̣ававад̇т̇аанад̇о д̣̇ваад̣̇аса вуд̇д̇аанийд̇и. звамзд̇т̇а ‘д̇аавад̇вад̇о’ вин̃н̃аад̇аб̣б̣о винижчаяо.
‘Tāvatvato’ti tāvabhāvato. Idaṃ vuttaṃ hoti – cakkhādayopi hi dhammā eva. Evaṃ sati dhammāyatanamicceva avatvā kasmā dvādasāyatanāni vuttānīti ce? Cha viññāṇakāyuppattidvārārammaṇavavatthānato. Idha channaṃ viññāṇakāyānaṃ dvārabhāvena ārammaṇabhāvena ca vavatthānato ayameva tesaṃ bhedo hotīti dvādasa vuttāni. Cakkhuviññāṇavīthipariyāpannassa hi viññāṇakāyassa cakkhāyatanameva uppattidvāraṃ, rūpāyatanameva cārammaṇaṃ . Tathā itarāni itaresaṃ. Chaṭṭhassa pana bhavaṅgamanasaṅkhāto manāyatanekadesova uppattidvāraṃ, asādhāraṇañca dhammāyatanaṃ ārammaṇanti . Iti channaṃ viññāṇakāyānaṃ uppattidvārārammaṇavavatthānato dvādasa vuttānīti. Evamettha ‘tāvatvato’ viññātabbo vinicchayo.
‘гамад̇о’д̇и ид̇хааби буб̣б̣з вуд̇д̇зсу уббад̇д̇иггамаад̣̇ийсу д̣̇зсанааггамова яуж̇ж̇ад̇и. аж̇жхад̇д̇игзсу хи ааяад̇анзсу санид̣̇ассанасаббадигхависаяад̇д̇аа жагкааяад̇анам̣ баагаданд̇и батамам̣ д̣̇зсид̇ам̣. д̇ад̇о анид̣̇ассанасаббадигхависаяаани сод̇ааяад̇анаад̣̇ийни. ат̇а ваа д̣̇ассанаануд̇д̇арияасаванаануд̇д̇арияахзд̇убхаавзна б̣ахуубагаарад̇д̇аа аж̇жхад̇д̇игзсу жагкааяад̇анасод̇ааяад̇анаани батамам̣ д̣̇зсид̇аани. д̇ад̇о гхаанааяад̇анаад̣̇ийни д̇ийн̣и. бан̃жаннамби г̇ожарависаяад̇д̇аа анд̇з манааяад̇анам̣. жагкаад̣̇ийнам̣ бана г̇ожарад̇д̇аа д̇асса д̇асса ананд̇араани б̣аахирзсу руубааяад̇анаад̣̇ийни. абижа вин̃н̃аан̣уббад̇д̇игааран̣ававад̇т̇аанад̇оби аяамзва д̇зсам̣ гамо взд̣̇ид̇аб̣б̣о. вуд̇д̇ан̃хзд̇ам̣ ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣а’’нд̇и (ма. ни. 3.421) звам̣ ‘гамад̇о’бзд̇т̇а вин̃н̃аад̇аб̣б̣о винижчаяо.
‘Kamato’ti idhāpi pubbe vuttesu uppattikkamādīsu desanākkamova yujjati. Ajjhattikesu hi āyatanesu sanidassanasappaṭighavisayattā cakkhāyatanaṃ pākaṭanti paṭhamaṃ desitaṃ. Tato anidassanasappaṭighavisayāni sotāyatanādīni. Atha vā dassanānuttariyasavanānuttariyahetubhāvena bahūpakārattā ajjhattikesu cakkhāyatanasotāyatanāni paṭhamaṃ desitāni. Tato ghānāyatanādīni tīṇi. Pañcannampi gocaravisayattā ante manāyatanaṃ. Cakkhādīnaṃ pana gocarattā tassa tassa anantarāni bāhiresu rūpāyatanādīni. Apica viññāṇuppattikāraṇavavatthānatopi ayameva tesaṃ kamo veditabbo. Vuttañhetaṃ ‘‘cakkhuñca paṭicca rūpe ca uppajjati cakkhuviññāṇaṃ…pe… manañca paṭicca dhamme ca uppajjati manoviññāṇa’’nti (ma. ni. 3.421) evaṃ ‘kamato’pettha viññātabbo vinicchayo.
‘сан̇кзбавид̇т̇аараа’д̇и сан̇кзбад̇о хи манааяад̇анасса жзва д̇хаммааяад̇анзгад̣̇зсасса жа наамзна, д̇ад̣̇авасзсаанан̃жа ааяад̇анаанам̣ руубзна сан̇г̇ахид̇ад̇д̇аа д̣̇ваад̣̇асааби ааяад̇анаани наамаруубамад̇д̇амзва хонд̇и.
‘Saṅkhepavitthārā’ti saṅkhepato hi manāyatanassa ceva dhammāyatanekadesassa ca nāmena, tadavasesānañca āyatanānaṃ rūpena saṅgahitattā dvādasāpi āyatanāni nāmarūpamattameva honti.
вид̇т̇аарад̇о бана аж̇жхад̇д̇игзсу д̇аава жагкааяад̇анам̣ ж̇аад̇ивасзна жагкубасаад̣̇амад̇д̇амзва, бажжаяаг̇ад̇инигааяабуг̇г̇алабхзд̣̇ад̇о бана ананд̇аббабхзд̣̇ам̣. д̇ат̇аа сод̇ааяад̇анаад̣̇ийни жад̇д̇аари. манааяад̇анам̣ д̇збхуумагагусалаагусалавибаагагирияавин̃н̃аан̣абхзд̣̇зна згаасийд̇иббабхзд̣̇ам̣, вад̇т̇убадибад̣̇аад̣̇ибхзд̣̇ад̇о бана ананд̇аббабхзд̣̇ам̣. руубаг̇анд̇харасааяад̇анаани самудтаанабхзд̣̇ад̇о жад̇уббабхзд̣̇аани, сад̣̇д̣̇ааяад̇анам̣ д̣̇виббабхзд̣̇ам̣. сабхааг̇ависабхааг̇абхзд̣̇ад̇о бана саб̣б̣ааниби ананд̇аббабхзд̣̇аани. подтаб̣б̣ааяад̇анам̣ бат̇авийд̇хаад̇уд̇зж̇од̇хаад̇увааяод̇хаад̇увасзна д̇иббабхзд̣̇ам̣, самудтаанад̇о жад̇уббабхзд̣̇ам̣, сабхааг̇ависабхааг̇ад̇о анзгаббабхзд̣̇ам̣. д̇хаммааяад̇анам̣ д̇збхуумагад̇хаммаарамман̣авасзна анзгаббабхзд̣̇анд̇и. звам̣ сан̇кзбавид̇т̇аараа вин̃н̃аад̇аб̣б̣о винижчаяо.
Vitthārato pana ajjhattikesu tāva cakkhāyatanaṃ jātivasena cakkhupasādamattameva, paccayagatinikāyapuggalabhedato pana anantappabhedaṃ. Tathā sotāyatanādīni cattāri. Manāyatanaṃ tebhūmakakusalākusalavipākakiriyaviññāṇabhedena ekāsītippabhedaṃ, vatthupaṭipadādibhedato pana anantappabhedaṃ. Rūpagandharasāyatanāni samuṭṭhānabhedato catuppabhedāni, saddāyatanaṃ dvippabhedaṃ. Sabhāgavisabhāgabhedato pana sabbānipi anantappabhedāni. Phoṭṭhabbāyatanaṃ pathavīdhātutejodhātuvāyodhātuvasena tippabhedaṃ, samuṭṭhānato catuppabhedaṃ, sabhāgavisabhāgato anekappabhedaṃ. Dhammāyatanaṃ tebhūmakadhammārammaṇavasena anekappabhedanti. Evaṃ saṅkhepavitthārā viññātabbo vinicchayo.
‘д̣̇адтаб̣б̣ад̇о’д̇и зд̇т̇а бана саб̣б̣аанзвзд̇аани ааяад̇анаани анааг̇аманад̇о аниг̇г̇аманад̇о жа д̣̇адтаб̣б̣аани. на хи д̇аани буб̣б̣з уд̣̇аяаа гуд̇ожи ааг̇ажчанд̇и, нааби уд̣̇д̇хам̣ ваяаа гухин̃жи г̇ажчанд̇и; ат̇а ко буб̣б̣з уд̣̇аяаа аббадилад̣̇д̇хасабхааваани, уд̣̇д̇хам̣ ваяаа барибхиннасабхааваани, буб̣б̣анд̇аабаранд̇авзмаж̇жхз бажжаяааяад̇д̇авуд̇д̇ид̇ааяа авасаани бавад̇д̇анд̇и. д̇асмаа анааг̇аманад̇о аниг̇г̇аманад̇о жа д̣̇адтаб̣б̣аани. д̇ат̇аа нирийхад̇о аб̣яаабаарад̇о жа. на хи жагкуруубаад̣̇ийнам̣ звам̣ ход̇и – ‘ахо вад̇а амхаагам̣ саамаг̇г̇ияаа вин̃н̃аан̣ам̣ наама уббаж̇ж̇зяяаа’д̇и, на жа д̇аани вин̃н̃аан̣уббаад̣̇анад̇т̇ам̣ д̣̇ваарабхаавзна вад̇т̇убхаавзна аарамман̣абхаавзна ваа ийханд̇и, на б̣яаабаарамаабаж̇ж̇анд̇и; ат̇а ко д̇хаммад̇аавзсаа яам̣ жагкуруубаад̣̇ийнам̣ саамаг̇г̇ияам̣ жагкувин̃н̃аан̣аад̣̇ийни самбхаванд̇и. д̇асмаа нирийхад̇о аб̣яаабаарад̇о жа д̣̇адтаб̣б̣аани. абижа аж̇жхад̇д̇игаани сун̃н̃аг̇аамо вияа д̣̇адтаб̣б̣аани д̇хувасубхасукад̇д̇абхаававирахид̇ад̇д̇аа, б̣аахираани г̇аамагхаад̇агажораа вияа аж̇жхад̇д̇игаанам̣ абхигхаад̇агад̇д̇аа. вуд̇д̇ан̃хзд̇ам̣ – ‘‘жагку, бхигкавз, хан̃н̃ад̇и манаабааманаабзхи руубзхийд̇и вид̇т̇ааро. абижа аж̇жхад̇д̇игаани ча баан̣агаа вияа д̣̇адтаб̣б̣аани, б̣аахираани д̇зсам̣ г̇ожараа вияаад̇и. звамбзд̇т̇а ‘д̣̇адтаб̣б̣ад̇о’ вин̃н̃аад̇аб̣б̣о винижчаяод̇и.
‘Daṭṭhabbato’ti ettha pana sabbānevetāni āyatanāni anāgamanato aniggamanato ca daṭṭhabbāni. Na hi tāni pubbe udayā kutoci āgacchanti, nāpi uddhaṃ vayā kuhiñci gacchanti; atha kho pubbe udayā appaṭiladdhasabhāvāni, uddhaṃ vayā paribhinnasabhāvāni, pubbantāparantavemajjhe paccayāyattavuttitāya avasāni pavattanti. Tasmā anāgamanato aniggamanato ca daṭṭhabbāni. Tathā nirīhato abyāpārato ca. Na hi cakkhurūpādīnaṃ evaṃ hoti – ‘aho vata amhākaṃ sāmaggiyā viññāṇaṃ nāma uppajjeyyā’ti, na ca tāni viññāṇuppādanatthaṃ dvārabhāvena vatthubhāvena ārammaṇabhāvena vā īhanti, na byāpāramāpajjanti; atha kho dhammatāvesā yaṃ cakkhurūpādīnaṃ sāmaggiyaṃ cakkhuviññāṇādīni sambhavanti. Tasmā nirīhato abyāpārato ca daṭṭhabbāni. Apica ajjhattikāni suññagāmo viya daṭṭhabbāni dhuvasubhasukhattabhāvavirahitattā, bāhirāni gāmaghātakacorā viya ajjhattikānaṃ abhighātakattā. Vuttañhetaṃ – ‘‘cakkhu, bhikkhave, haññati manāpāmanāpehi rūpehīti vitthāro. Apica ajjhattikāni cha pāṇakā viya daṭṭhabbāni, bāhirāni tesaṃ gocarā viyāti. Evampettha ‘daṭṭhabbato’ viññātabbo vinicchayoti.
ид̣̇аани д̇зсам̣ вибассид̇аб̣б̣аагаарам̣ д̣̇ассзд̇ум̣ жагкум̣ анижжанд̇иаад̣̇и аарад̣̇д̇хам̣. д̇ад̇т̇а жагку д̇аава худ̇ваа абхаавадтзна анижжанд̇и взд̣̇ид̇аб̣б̣ам̣. абарзхиби жад̇уухи гааран̣зхи анижжам̣ – уббаад̣̇аваяаванд̇ад̇о, вибарин̣аамад̇о, д̇аавагаалигад̇о, нижжабадигкзбад̇од̇и.
Idāni tesaṃ vipassitabbākāraṃ dassetuṃ cakkhuṃ aniccantiādi āraddhaṃ. Tattha cakkhu tāva hutvā abhāvaṭṭhena aniccanti veditabbaṃ. Aparehipi catūhi kāraṇehi aniccaṃ – uppādavayavantato, vipariṇāmato, tāvakālikato, niccapaṭikkhepatoti.
д̇ад̣̇зва бадибийл̣анадтзна д̣̇угкам̣. яасмаа ваа зд̇ам̣ уббаннам̣ тид̇им̣ баабун̣аад̇и, тид̇ияам̣ ж̇арааяа гиламад̇и, ж̇арам̣ бад̇ваа авассам̣ бхиж̇ж̇ад̇и; д̇асмаа абхин̣хасамбадибийл̣анад̇о, д̣̇угкамад̇о, д̣̇угкавад̇т̇уд̇о, сукабадигкзбад̇од̇и имзхи жад̇уухи гааран̣зхи д̣̇угкам̣.
Tadeva paṭipīḷanaṭṭhena dukkhaṃ. Yasmā vā etaṃ uppannaṃ ṭhitiṃ pāpuṇāti, ṭhitiyaṃ jarāya kilamati, jaraṃ patvā avassaṃ bhijjati; tasmā abhiṇhasampaṭipīḷanato, dukkhamato, dukkhavatthuto, sukhapaṭikkhepatoti imehi catūhi kāraṇehi dukkhaṃ.
авасавад̇д̇анадтзна бана анад̇д̇аа. яасмаа ваа зд̇ам̣ уббаннам̣ тид̇им̣ маа баабун̣аад̇у, таанаббад̇д̇ам̣ маа ж̇ирад̇у, ж̇араббад̇ам̣ маа бхиж̇ж̇ад̇ууд̇и имзсу д̇ийсу таанзсу гассажи васавад̇д̇ибхааво над̇т̇и, сун̃н̃ам̣ д̇зна васавад̇д̇анаагаарзна; д̇асмаа сун̃н̃ад̇о, ассаамигад̇о, агаамагаарияад̇о, ад̇д̇абадигкзбад̇од̇и имзхи жад̇уухи гааран̣зхи анад̇д̇аа.
Avasavattanaṭṭhena pana anattā. Yasmā vā etaṃ uppannaṃ ṭhitiṃ mā pāpuṇātu, ṭhānappattaṃ mā jiratu, jarappataṃ mā bhijjatūti imesu tīsu ṭhānesu kassaci vasavattibhāvo natthi, suññaṃ tena vasavattanākārena; tasmā suññato, assāmikato, akāmakāriyato, attapaṭikkhepatoti imehi catūhi kāraṇehi anattā.
вибхаваг̇ад̇игад̇о , буб̣б̣аабаравасзна бхавасан̇ганд̇иг̇аманад̇о, багад̇ибхаававиж̇аханад̇о жа вибарин̣аамад̇хаммам̣. ид̣̇ам̣ анижжавзважанамзва. руубаа анижжаад̇иаад̣̇ийсуби зсзва наяо. абижзд̇т̇а табзд̇ваа жагкум̣ д̇збхуумагад̇хаммаа анижжаа, но жагку. жагку бана жагку жзва анижжан̃жа. д̇ат̇аа сзсад̇хаммаа д̣̇угкаа, но жагку. жагку бана жагку жзва д̣̇угкан̃жа. сзсад̇хаммаа анад̇д̇аа, но жагку. жагку бана жагку жзва анад̇д̇аа жаад̇и. руубаад̣̇ийсуби зсзва наяо.
Vibhavagatikato , pubbāparavasena bhavasaṅkantigamanato, pakatibhāvavijahanato ca vipariṇāmadhammaṃ. Idaṃ aniccavevacanameva. Rūpā aniccātiādīsupi eseva nayo. Apicettha ṭhapetvā cakkhuṃ tebhūmakadhammā aniccā, no cakkhu. Cakkhu pana cakkhu ceva aniccañca. Tathā sesadhammā dukkhā, no cakkhu. Cakkhu pana cakkhu ceva dukkhañca. Sesadhammā anattā, no cakkhu. Cakkhu pana cakkhu ceva anattā cāti. Rūpādīsupi eseva nayo.
имасмим̣ бана суд̇д̇анд̇абхааж̇анийяз д̇ат̇ааг̇ад̇зна гим̣ д̣̇ассид̇анд̇и? д̣̇ваад̣̇асаннам̣ ааяад̇анаанам̣ анад̇д̇алагкан̣ам̣. саммаасамб̣уд̣̇д̇хо хи анад̇д̇алагкан̣ам̣ д̣̇ассзнд̇о анижжзна ваа д̣̇ассзд̇и, д̣̇угкзна ваа, анижжад̣̇угкзхи ваа. д̇ад̇т̇а ‘‘жагку, ад̇д̇аад̇и яо вад̣̇зяяа, д̇ам̣ на убабаж̇ж̇ад̇и. жагкусса уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – жагку ад̇д̇аад̇и яо вад̣̇зяяа ид̇и жагку анад̇д̇аа’’д̇и (ма. ни. 3.422). имасмим̣ суд̇д̇з анижжзна анад̇д̇алагкан̣ам̣ д̣̇ассзси. ‘‘руубам̣, бхигкавз, анад̇д̇аа. руубан̃жа хид̣̇ам̣, бхигкавз, ад̇д̇аа абхависса, на яид̣̇ам̣ руубам̣ ааб̣аад̇хааяа сам̣вад̇д̇зяяа; лаб̣бхзт̇а жа руубз – звам̣ мз руубам̣ ход̇у, звам̣ мз руубам̣ маа ахосийд̇и. яасмаа жа ко, бхигкавз, руубам̣ анад̇д̇аа д̇асмаа руубам̣ ааб̣аад̇хааяа сам̣вад̇д̇ад̇и; на жа лаб̣бхад̇и руубз – звам̣ мз руубам̣ ход̇у, звам̣ мз руубам̣ маа ахосий’’д̇и (сам̣. ни. 3.59; махаава. 20) имасмим̣ суд̇д̇з д̣̇угкзна анад̇д̇алагкан̣ам̣ д̣̇ассзси. ‘‘руубам̣, бхигкавз, анижжам̣, яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аа, яад̣̇анад̇д̇аа д̇ам̣ нзд̇ам̣ мама, нзсохамасми, на мзсо ад̇д̇аа’’д̇иаад̣̇ийсу (сам̣. ни. 3.15) анижжад̣̇угкзхи анад̇д̇алагкан̣ам̣ д̣̇ассзси. гасмаа? анижжад̣̇угкаанам̣ баагадад̇д̇аа.
Imasmiṃ pana suttantabhājanīye tathāgatena kiṃ dassitanti? Dvādasannaṃ āyatanānaṃ anattalakkhaṇaṃ. Sammāsambuddho hi anattalakkhaṇaṃ dassento aniccena vā dasseti, dukkhena vā, aniccadukkhehi vā. Tattha ‘‘cakkhu, attāti yo vadeyya, taṃ na upapajjati. Cakkhussa uppādopi vayopi paññāyati. Yassa kho pana uppādopi vayopi paññāyati ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – cakkhu attāti yo vadeyya iti cakkhu anattā’’ti (ma. ni. 3.422). Imasmiṃ sutte aniccena anattalakkhaṇaṃ dassesi. ‘‘Rūpaṃ, bhikkhave, anattā. Rūpañca hidaṃ, bhikkhave, attā abhavissa, na yidaṃ rūpaṃ ābādhāya saṃvatteyya; labbhetha ca rūpe – evaṃ me rūpaṃ hotu, evaṃ me rūpaṃ mā ahosīti. Yasmā ca kho, bhikkhave, rūpaṃ anattā tasmā rūpaṃ ābādhāya saṃvattati; na ca labbhati rūpe – evaṃ me rūpaṃ hotu, evaṃ me rūpaṃ mā ahosī’’ti (saṃ. ni. 3.59; mahāva. 20) imasmiṃ sutte dukkhena anattalakkhaṇaṃ dassesi. ‘‘Rūpaṃ, bhikkhave, aniccaṃ, yadaniccaṃ taṃ dukkhaṃ, yaṃ dukkhaṃ tadanattā, yadanattā taṃ netaṃ mama, nesohamasmi, na meso attā’’tiādīsu (saṃ. ni. 3.15) aniccadukkhehi anattalakkhaṇaṃ dassesi. Kasmā? Aniccadukkhānaṃ pākaṭattā.
хад̇т̇ад̇о хи д̇аддагз ваа сарагз ваа гисмин̃жид̣̇зва ваа бад̇ид̇ваа бхиннз ‘ахо анижжа’нд̇и вад̣̇анд̇и. звам̣ анижжам̣ баагадам̣ наама. ад̇д̇абхаавасмим̣ бана г̇ан̣д̣абил̣агаад̣̇ийсу ваа удтид̇аасу каан̣уган̣дагаад̣̇ийхи ваа вид̣̇д̇хаасу ‘ахо д̣̇угка’нд̇и вад̣̇анд̇и. звам̣ д̣̇угкам̣ баагадам̣ наама. анад̇д̇алагкан̣ам̣ абаагадам̣ анд̇хагаарам̣ авибхууд̇ам̣ д̣̇уббадивиж̇жхам̣ д̣̇уд̣̇д̣̇ийбанам̣ д̣̇уббан̃н̃аабанам̣ . анижжад̣̇угкалагкан̣аани уббаад̣̇аа ваа д̇ат̇ааг̇ад̇аанам̣ ануббаад̣̇аа ваа бан̃н̃ааяанд̇и. анад̇д̇алагкан̣ам̣ винаа б̣уд̣̇д̇хуббаад̣̇аа на бан̃н̃ааяад̇и, б̣уд̣̇д̇хуббаад̣̇зязва бан̃н̃ааяад̇и. махид̣̇д̇хигаа хи махаанубхааваа д̇аабасабариб̣б̣ааж̇агаа сарабхан̇г̇асад̇т̇аараад̣̇аяоби ‘анижжам̣ д̣̇угка’нд̇и вад̇д̇ум̣ саггонд̇и, ‘анад̇д̇аа’д̇и вад̇д̇ум̣ на саггонд̇и. сажз хи д̇з самбад̇д̇абарисааяа анад̇д̇аад̇и вад̇д̇ум̣ саггун̣зяяум̣, самбад̇д̇абарисааяа маг̇г̇апалабадивзд̇хо бхавзяяа. анад̇д̇алагкан̣абан̃н̃аабанан̃хи ан̃н̃асса гассажи ависаяо, саб̣б̣ан̃н̃уб̣уд̣̇д̇хаанамзва висаяо. звамзд̇ам̣ анад̇д̇алагкан̣ам̣ абаагадам̣. д̇асмаа сад̇т̇аа анад̇д̇алагкан̣ам̣ д̣̇ассзнд̇о анижжзна ваа д̣̇ассзси, д̣̇угкзна ваа, анижжад̣̇угкзхи ваа. ид̇ха бана д̇ам̣ анижжад̣̇угкзхи д̣̇ассзсийд̇и взд̣̇ид̇аб̣б̣ам̣.
Hatthato hi taṭṭake vā sarake vā kismiñcideva vā patitvā bhinne ‘aho anicca’nti vadanti. Evaṃ aniccaṃ pākaṭaṃ nāma. Attabhāvasmiṃ pana gaṇḍapiḷakādīsu vā uṭṭhitāsu khāṇukaṇṭakādīhi vā viddhāsu ‘aho dukkha’nti vadanti. Evaṃ dukkhaṃ pākaṭaṃ nāma. Anattalakkhaṇaṃ apākaṭaṃ andhakāraṃ avibhūtaṃ duppaṭivijjhaṃ duddīpanaṃ duppaññāpanaṃ . Aniccadukkhalakkhaṇāni uppādā vā tathāgatānaṃ anuppādā vā paññāyanti. Anattalakkhaṇaṃ vinā buddhuppādā na paññāyati, buddhuppādeyeva paññāyati. Mahiddhikā hi mahānubhāvā tāpasaparibbājakā sarabhaṅgasatthārādayopi ‘aniccaṃ dukkha’nti vattuṃ sakkonti, ‘anattā’ti vattuṃ na sakkonti. Sace hi te sampattaparisāya anattāti vattuṃ sakkuṇeyyuṃ, sampattaparisāya maggaphalapaṭivedho bhaveyya. Anattalakkhaṇapaññāpanañhi aññassa kassaci avisayo, sabbaññubuddhānameva visayo. Evametaṃ anattalakkhaṇaṃ apākaṭaṃ. Tasmā satthā anattalakkhaṇaṃ dassento aniccena vā dassesi, dukkhena vā, aniccadukkhehi vā. Idha pana taṃ aniccadukkhehi dassesīti veditabbaṃ.
имаани бана лагкан̣аани гисса аманасигаараа аббадивзд̇хаа, гзна бадижчаннад̇д̇аа, на убадтаханд̇и? анижжалагкан̣ам̣ д̇аава уд̣̇аяаб̣б̣аяаанам̣ аманасигаараа аббадивзд̇хаа, санд̇ад̇ияаа бадижчаннад̇д̇аа, на убадтаад̇и. д̣̇угкалагкан̣ам̣ абхин̣хасамбадибийл̣анасса аманасигаараа аббадивзд̇хаа, ирияаабат̇зхи бадижчаннад̇д̇аа, на убадтаад̇и. анад̇д̇алагкан̣ам̣ наанаад̇хаад̇увиниб̣бхог̇асса аманасигаараа аббадивзд̇хаа, гханзна бадижчаннад̇д̇аа, на убадтаад̇и. уд̣̇аяаб̣б̣аяам̣ бана бариг̇г̇ахзд̇ваа санд̇ад̇ияаа вигобид̇ааяа анижжалагкан̣ам̣ яаат̇аавасарасад̇о убадтаад̇и. абхин̣хасамбадибийл̣анам̣ манасигад̇ваа ирияаабат̇з уг̇гхаадид̇з д̣̇угкалагкан̣ам̣ яаат̇аавасарасад̇о убадтаад̇и. наанаад̇хаад̇уяо виниб̣бхуж̇ид̇ваа гханавиниб̣бхог̇з гад̇з анад̇д̇алагкан̣ам̣ яаат̇аавасарасад̇о убадтаад̇и.
Imāni pana lakkhaṇāni kissa amanasikārā appaṭivedhā, kena paṭicchannattā, na upaṭṭhahanti? Aniccalakkhaṇaṃ tāva udayabbayānaṃ amanasikārā appaṭivedhā, santatiyā paṭicchannattā, na upaṭṭhāti. Dukkhalakkhaṇaṃ abhiṇhasampaṭipīḷanassa amanasikārā appaṭivedhā, iriyāpathehi paṭicchannattā, na upaṭṭhāti. Anattalakkhaṇaṃ nānādhātuvinibbhogassa amanasikārā appaṭivedhā, ghanena paṭicchannattā, na upaṭṭhāti. Udayabbayaṃ pana pariggahetvā santatiyā vikopitāya aniccalakkhaṇaṃ yāthāvasarasato upaṭṭhāti. Abhiṇhasampaṭipīḷanaṃ manasikatvā iriyāpathe ugghāṭite dukkhalakkhaṇaṃ yāthāvasarasato upaṭṭhāti. Nānādhātuyo vinibbhujitvā ghanavinibbhoge kate anattalakkhaṇaṃ yāthāvasarasato upaṭṭhāti.
зд̇т̇а жа анижжам̣ анижжалагкан̣ам̣, д̣̇угкам̣ д̣̇угкалагкан̣ам̣, анад̇д̇аа анад̇д̇алагкан̣анд̇и аяам̣ вибхааг̇о взд̣̇ид̇аб̣б̣о. д̇ад̇т̇а анижжанд̇и канд̇хабан̃жагам̣. гасмаа? уббаад̣̇аваяан̃н̃ат̇ад̇д̇абхааваа, худ̇ваа абхаавад̇о ваа; уббаад̣̇аваяан̃н̃ат̇ад̇д̇ам̣ анижжалагкан̣ам̣, худ̇ваа абхаавасан̇каад̇о аагааравигааро ваа. ‘‘яад̣̇анижжам̣ д̇ам̣ д̣̇угка’’нд̇и важанад̇о бана д̇ад̣̇зва канд̇хабан̃жагам̣ д̣̇угкам̣. гасмаа? абхин̣хасамбадибийл̣анад̇о; абхин̣хасамбадибийл̣анаагааро д̣̇угкалагкан̣ам̣. ‘‘яам̣ д̣̇угкам̣ д̇ам̣ анад̇д̇аа’’д̇и бана важанад̇о д̇ад̣̇зва канд̇хабан̃жагам̣ анад̇д̇аа. гасмаа? авасавад̇д̇анад̇о; авасавад̇д̇анаагааро анад̇д̇алагкан̣ам̣. ид̇и ан̃н̃ад̣̇зва анижжам̣ д̣̇угкам̣ анад̇д̇аа, ан̃н̃аани анижжад̣̇угкаанад̇д̇алагкан̣аани. бан̃жагканд̇хаа, д̣̇ваад̣̇асааяад̇анаани, адтаараса д̇хаад̇уяод̇и ид̣̇ан̃хи саб̣б̣амби анижжам̣ д̣̇угкам̣ анад̇д̇аа наама. вуд̇д̇аббагаараагааравигаараа анижжад̣̇угкаанад̇д̇алагкан̣аанийд̇и.
Ettha ca aniccaṃ aniccalakkhaṇaṃ, dukkhaṃ dukkhalakkhaṇaṃ, anattā anattalakkhaṇanti ayaṃ vibhāgo veditabbo. Tattha aniccanti khandhapañcakaṃ. Kasmā? Uppādavayaññathattabhāvā, hutvā abhāvato vā; uppādavayaññathattaṃ aniccalakkhaṇaṃ, hutvā abhāvasaṅkhāto ākāravikāro vā. ‘‘Yadaniccaṃ taṃ dukkha’’nti vacanato pana tadeva khandhapañcakaṃ dukkhaṃ. Kasmā? Abhiṇhasampaṭipīḷanato; abhiṇhasampaṭipīḷanākāro dukkhalakkhaṇaṃ. ‘‘Yaṃ dukkhaṃ taṃ anattā’’ti pana vacanato tadeva khandhapañcakaṃ anattā. Kasmā? Avasavattanato; avasavattanākāro anattalakkhaṇaṃ. Iti aññadeva aniccaṃ dukkhaṃ anattā, aññāni aniccadukkhānattalakkhaṇāni. Pañcakkhandhā, dvādasāyatanāni, aṭṭhārasa dhātuyoti idañhi sabbampi aniccaṃ dukkhaṃ anattā nāma. Vuttappakārākāravikārā aniccadukkhānattalakkhaṇānīti.
сан̇кзбад̇о банзд̇т̇а д̣̇асааяад̇анаани гаамааважараани, д̣̇вз д̇збхуумагаани. саб̣б̣зсуби саммасанажааро гат̇ид̇од̇и взд̣̇ид̇аб̣б̣о.
Saṅkhepato panettha dasāyatanāni kāmāvacarāni, dve tebhūmakāni. Sabbesupi sammasanacāro kathitoti veditabbo.
суд̇д̇анд̇абхааж̇анийяаван̣н̣анаа.
Suttantabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 2. ааяад̇анавибхан̇г̇о • 2. Āyatanavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 2. ааяад̇анавибхан̇г̇о • 2. Āyatanavibhaṅgo
