| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[136] 6. суван̣н̣ахам̣саж̇аад̇агаван̣н̣анаа
[136] 6. Suvaṇṇahaṃsajātakavaṇṇanā
яам̣ лад̣̇д̇хам̣ д̇зна д̇удтаб̣б̣анд̇и ид̣̇ам̣ сад̇т̇аа ж̇зд̇аванз вихаранд̇о т̇уллананд̣̇ам̣ бхигкуним̣ аараб̣бха гат̇зси. саавад̇т̇ияан̃хи ан̃н̃ад̇аро убаасаго бхигкунисан̇гхам̣ ласун̣зна баваарзд̇ваа кзд̇д̇абаалам̣ аан̣аабзси ‘‘сажз бхигкунияо ааг̇ажчанд̇и, згзгааяа бхигкунияаа д̣̇вз д̇аяо бхан̣д̣игз д̣̇зхий’’д̇и. д̇ад̇о бадтааяа бхигкунияо д̇асса г̇зхамби кзд̇д̇амби ласун̣ад̇т̇ааяа г̇ажчанд̇и. ат̇згасмим̣ уссавад̣̇ивасз д̇асса г̇зхз ласун̣ам̣ баригкаяам̣ аг̇амааси. т̇уллананд̣̇аа бхигкуний сабариваараа г̇зхам̣ г̇анд̇ваа ‘‘ласун̣знаавусо ад̇т̇о’’д̇и вад̇ваа ‘‘над̇т̇аяяз, яат̇аабхад̇ам̣ ласун̣ам̣ баригкийн̣ам̣, кзд̇д̇ам̣ г̇ажчат̇аа’’д̇и вуд̇д̇аа кзд̇д̇ам̣ г̇анд̇ваа на мад̇д̇ам̣ ж̇аанид̇ваа ласун̣ам̣ аахараабзси. кзд̇д̇абаало уж̇жхааяи ‘‘гат̇ан̃хи наама бхигкунияо на мад̇д̇ам̣ ж̇аанид̇ваа ласун̣ам̣ хараабзссанд̇ий’’д̇и? д̇асса гат̇ам̣ суд̇ваа яаа д̇аа бхигкунияо аббижчаа, д̇ааби, д̇аасам̣ суд̇ваа бхигкууби, уж̇жхааяим̣су. уж̇жхааяид̇ваа жа бана бхаг̇авад̇о зд̇амад̇т̇ам̣ аарожзсум̣. бхаг̇аваа т̇уллананд̣̇ам̣ бхигканим̣ г̇арахид̇ваа ‘‘бхигкавз, махижчо буг̇г̇ало наама виж̇аад̇амаад̇уяааби аббияо ход̇и аманаабо, аббасаннз басаад̣̇зд̇ум̣, басаннаанам̣ ваа бхияяосомад̇д̇ааяа басаад̣̇ам̣ ж̇анзд̇ум̣, ануббаннам̣ ваа лаабхам̣ уббаад̣̇зд̇ум̣, уббаннам̣ ваа бана лаабхам̣ т̇ирам̣ гаад̇ум̣ на саггод̇и. аббижчо бана буг̇г̇ало аббасаннз басаад̣̇зд̇ум̣, басаннаанам̣ ваа бхияяосомад̇д̇ааяа басаад̣̇ам̣ ж̇анзд̇ум̣, ануббаннам̣ ваа лаабхам̣ уббаад̣̇зд̇ум̣, уббаннам̣ ваа бана лаабхам̣ т̇ирам̣ гаад̇ум̣ саггод̇ий’’д̇иаад̣̇инаа наязна бхигкуунам̣ д̇ад̣̇анужчавигам̣ д̇хаммам̣ гат̇зд̇ваа ‘‘на, бхигкавз, т̇уллананд̣̇аа ид̣̇аанзва махижчаа, буб̣б̣зби махижчааязваа’’д̇и вад̇ваа ад̇ийд̇ам̣ аахари.
Yaṃ laddhaṃ tena tuṭṭhabbanti idaṃ satthā jetavane viharanto thullanandaṃ bhikkhuniṃ ārabbha kathesi. Sāvatthiyañhi aññataro upāsako bhikkhunisaṅghaṃ lasuṇena pavāretvā khettapālaṃ āṇāpesi ‘‘sace bhikkhuniyo āgacchanti, ekekāya bhikkhuniyā dve tayo bhaṇḍike dehī’’ti. Tato paṭṭhāya bhikkhuniyo tassa gehampi khettampi lasuṇatthāya gacchanti. Athekasmiṃ ussavadivase tassa gehe lasuṇaṃ parikkhayaṃ agamāsi. Thullanandā bhikkhunī saparivārā gehaṃ gantvā ‘‘lasuṇenāvuso attho’’ti vatvā ‘‘natthayye, yathābhataṃ lasuṇaṃ parikkhīṇaṃ, khettaṃ gacchathā’’ti vuttā khettaṃ gantvā na mattaṃ jānitvā lasuṇaṃ āharāpesi. Khettapālo ujjhāyi ‘‘kathañhi nāma bhikkhuniyo na mattaṃ jānitvā lasuṇaṃ harāpessantī’’ti? Tassa kathaṃ sutvā yā tā bhikkhuniyo appicchā, tāpi, tāsaṃ sutvā bhikkhūpi, ujjhāyiṃsu. Ujjhāyitvā ca pana bhagavato etamatthaṃ ārocesuṃ. Bhagavā thullanandaṃ bhikkhaniṃ garahitvā ‘‘bhikkhave, mahiccho puggalo nāma vijātamātuyāpi appiyo hoti amanāpo, appasanne pasādetuṃ, pasannānaṃ vā bhiyyosomattāya pasādaṃ janetuṃ, anuppannaṃ vā lābhaṃ uppādetuṃ, uppannaṃ vā pana lābhaṃ thiraṃ kātuṃ na sakkoti. Appiccho pana puggalo appasanne pasādetuṃ, pasannānaṃ vā bhiyyosomattāya pasādaṃ janetuṃ, anuppannaṃ vā lābhaṃ uppādetuṃ, uppannaṃ vā pana lābhaṃ thiraṃ kātuṃ sakkotī’’tiādinā nayena bhikkhūnaṃ tadanucchavikaṃ dhammaṃ kathetvā ‘‘na, bhikkhave, thullanandā idāneva mahicchā, pubbepi mahicchāyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ б̣раахман̣агулз ниб̣б̣ад̇д̇и. д̇асса ваяаббад̇д̇асса самаанаж̇аад̇игаа гулаа баж̇аабад̇им̣ аахарим̣су. д̇ассаа нанд̣̇аа нанд̣̇аавад̇ий сунд̣̇арийнанд̣̇аад̇и д̇иссо д̇хийд̇аро ахзсум̣. д̇аасу бад̇игулам̣ аг̇ад̇аасуязва б̣од̇хисад̇д̇о гаалам̣ гад̇ваа суван̣н̣ахам̣саяонияам̣ ниб̣б̣ад̇д̇и, ж̇аад̇иссаран̃аан̣ан̃жасса уббаж̇ж̇и. со ваяаббад̇д̇о суван̣н̣асан̃чаннам̣ собхаг̇г̇аббад̇д̇ам̣ маханд̇ам̣ ад̇д̇абхаавам̣ д̣̇исваа ‘‘гуд̇о ну ко жавид̇ваа ахам̣ ид̇хуубабанно’’д̇и ааваж̇ж̇знд̇о ‘‘мануссалогад̇о’’д̇и н̃ад̇ваа буна ‘‘гат̇ам̣ ну ко мз б̣раахман̣ий жа д̇хийд̇аро жа ж̇ийванд̇ий’’д̇и убад̇хаарзнд̇о ‘‘барзсам̣ бхад̇им̣ гад̇ваа гижчзна ж̇ийванд̇ий’’д̇и н̃ад̇ваа жинд̇зси ‘‘маяхам̣ сарийрз сован̣н̣амаяаани бад̇д̇аани годданагхадданакамаани, ид̇о д̇аасам̣ згзгам̣ бад̇д̇ам̣ д̣̇ассаами, д̇зна мз баж̇аабад̇и жа д̇хийд̇аро жа сукам̣ ж̇ийвиссанд̇ий’’д̇и. со д̇ад̇т̇а г̇анд̇ваа бидтивам̣сагодияам̣ нилийяи, б̣раахман̣ий жа д̇хийд̇аро жа б̣од̇хисад̇д̇ам̣ д̣̇исваа ‘‘гуд̇о ааг̇ад̇оси, саамий’’д̇и бужчим̣су. ‘‘ахам̣ д̇умхаагам̣ бид̇аа гаалам̣ гад̇ваа суван̣н̣ахам̣саяонияам̣ ниб̣б̣ад̇д̇о д̇умхз д̣̇адтум̣ ааг̇ад̇о. ид̇о бадтааяа д̇умхаагам̣ барзсам̣ бхад̇им̣ гад̇ваа д̣̇угкаж̇ийвигааяа ж̇ийванагижжам̣ над̇т̇и, ахам̣ во згзгам̣ бад̇д̇ам̣ д̣̇ассаами, д̇ам̣ виггин̣ид̇ваа сукзна ж̇ийват̇аа’’д̇и згам̣ бад̇д̇ам̣ д̣̇ад̇ваа аг̇амааси. со зд̇знзва нияаамзна анд̇аранд̇араа ааг̇анд̇ваа згзгам̣ бад̇д̇ам̣ д̣̇зд̇и, б̣раахман̣ий жа д̇хийд̇аро жа ад̣дхаа сукид̇аа ахзсум̣.
Atīte bārāṇasiyaṃ brahmadatte rajjaṃ kārente bodhisatto aññatarasmiṃ brāhmaṇakule nibbatti. Tassa vayappattassa samānajātikā kulā pajāpatiṃ āhariṃsu. Tassā nandā nandāvatī sundarīnandāti tisso dhītaro ahesuṃ. Tāsu patikulaṃ agatāsuyeva bodhisatto kālaṃ katvā suvaṇṇahaṃsayoniyaṃ nibbatti, jātissarañāṇañcassa uppajji. So vayappatto suvaṇṇasañchannaṃ sobhaggappattaṃ mahantaṃ attabhāvaṃ disvā ‘‘kuto nu kho cavitvā ahaṃ idhūpapanno’’ti āvajjento ‘‘manussalokato’’ti ñatvā puna ‘‘kathaṃ nu kho me brāhmaṇī ca dhītaro ca jīvantī’’ti upadhārento ‘‘paresaṃ bhatiṃ katvā kicchena jīvantī’’ti ñatvā cintesi ‘‘mayhaṃ sarīre sovaṇṇamayāni pattāni koṭṭanaghaṭṭanakhamāni, ito tāsaṃ ekekaṃ pattaṃ dassāmi, tena me pajāpati ca dhītaro ca sukhaṃ jīvissantī’’ti. So tattha gantvā piṭṭhivaṃsakoṭiyaṃ nilīyi, brāhmaṇī ca dhītaro ca bodhisattaṃ disvā ‘‘kuto āgatosi, sāmī’’ti pucchiṃsu. ‘‘Ahaṃ tumhākaṃ pitā kālaṃ katvā suvaṇṇahaṃsayoniyaṃ nibbatto tumhe daṭṭhuṃ āgato. Ito paṭṭhāya tumhākaṃ paresaṃ bhatiṃ katvā dukkhajīvikāya jīvanakiccaṃ natthi, ahaṃ vo ekekaṃ pattaṃ dassāmi, taṃ vikkiṇitvā sukhena jīvathā’’ti ekaṃ pattaṃ datvā agamāsi. So eteneva niyāmena antarantarā āgantvā ekekaṃ pattaṃ deti, brāhmaṇī ca dhītaro ca aḍḍhā sukhitā ahesuṃ.
ат̇згад̣̇ивасам̣ саа б̣раахман̣ий д̇хийд̇аро ааманд̇зси ‘‘аммаа, д̇иражчаанаанам̣ наама жид̇д̇ам̣ д̣̇уж̇ж̇аанам̣. гад̣̇аажи во бид̇аа ид̇ха нааг̇ажчзяяа, ид̣̇аанисса ааг̇ад̇агаалз саб̣б̣аани бад̇д̇ааниби лун̃жид̇ваа г̇ан̣хаамаа’’д̇и. д̇аа ‘‘звам̣ но бид̇аа гиламиссад̇ий’’д̇и на самбадижчим̣су. б̣раахман̣ий бана махижчад̇ааяа буна згад̣̇ивасам̣ суван̣н̣ахам̣сарааж̇асса ааг̇ад̇агаалз ‘‘зхи д̇аава, саамий’’д̇и вад̇ваа д̇ам̣ ад̇д̇ано санд̇игам̣ убаг̇ад̇ам̣ убхохи хад̇т̇зхи г̇ахзд̇ваа саб̣б̣абад̇д̇аани лун̃жи. д̇аани бана б̣од̇хисад̇д̇асса ружим̣ винаа б̣алаггаарзна г̇ахид̇ад̇д̇аа саб̣б̣аани б̣агабад̇д̇асад̣̇исаани ахзсум̣. б̣од̇хисад̇д̇о багкз басаарзд̇ваа г̇анд̇ум̣ наасагки. ат̇а нам̣ саа махаажаадияам̣ багкибид̇ваа босзси. д̇асса буна удтаханд̇аани бад̇д̇аани сзд̇аани самбаж̇ж̇им̣су. со сан̃ж̇аад̇абад̇д̇о уббад̇ид̇ваа ад̇д̇ано васанадтаанамзва г̇анд̇ваа на буна ааг̇амааси.
Athekadivasaṃ sā brāhmaṇī dhītaro āmantesi ‘‘ammā, tiracchānānaṃ nāma cittaṃ dujjānaṃ. Kadāci vo pitā idha nāgaccheyya, idānissa āgatakāle sabbāni pattānipi luñcitvā gaṇhāmā’’ti. Tā ‘‘evaṃ no pitā kilamissatī’’ti na sampaṭicchiṃsu. Brāhmaṇī pana mahicchatāya puna ekadivasaṃ suvaṇṇahaṃsarājassa āgatakāle ‘‘ehi tāva, sāmī’’ti vatvā taṃ attano santikaṃ upagataṃ ubhohi hatthehi gahetvā sabbapattāni luñci. Tāni pana bodhisattassa ruciṃ vinā balakkārena gahitattā sabbāni bakapattasadisāni ahesuṃ. Bodhisatto pakkhe pasāretvā gantuṃ nāsakkhi. Atha naṃ sā mahācāṭiyaṃ pakkhipitvā posesi. Tassa puna uṭṭhahantāni pattāni setāni sampajjiṃsu. So sañjātapatto uppatitvā attano vasanaṭṭhānameva gantvā na puna āgamāsi.
сад̇т̇аа имам̣ ад̇ийд̇ам̣ аахарид̇ваа ‘‘на, бхигкавз, т̇уллананд̣̇аа ид̣̇аанзва махижчаа, буб̣б̣зби махижчааязва , махижчад̇ааяа жа бана суван̣н̣амхаа барихийнаа. ид̣̇аани бана ад̇д̇ано махижчад̇ааяа зва ласун̣амхааби барихааяиссад̇и, д̇асмаа ид̇о бадтааяа ласун̣ам̣ каад̣̇ид̇ум̣ на лабхиссад̇и. яат̇аа жа т̇уллананд̣̇аа, звам̣ д̇ам̣ ниссааяа сзсабхигкунияоби. д̇асмаа б̣ахум̣ лабхид̇вааби бамаан̣амзва ж̇аанид̇аб̣б̣ам̣, аббам̣ лабхид̇ваа бана яат̇аалад̣̇д̇хзнзва санд̇осо гаад̇аб̣б̣о, уд̇д̇ари на бад̇т̇зд̇аб̣б̣а’’нд̇и вад̇ваа имам̣ г̇аат̇амааха –
Satthā imaṃ atītaṃ āharitvā ‘‘na, bhikkhave, thullanandā idāneva mahicchā, pubbepi mahicchāyeva , mahicchatāya ca pana suvaṇṇamhā parihīnā. Idāni pana attano mahicchatāya eva lasuṇamhāpi parihāyissati, tasmā ito paṭṭhāya lasuṇaṃ khādituṃ na labhissati. Yathā ca thullanandā, evaṃ taṃ nissāya sesabhikkhuniyopi. Tasmā bahuṃ labhitvāpi pamāṇameva jānitabbaṃ, appaṃ labhitvā pana yathāladdheneva santoso kātabbo, uttari na patthetabba’’nti vatvā imaṃ gāthamāha –
136.
136.
‘‘яам̣ лад̣̇д̇хам̣ д̇зна д̇удтаб̣б̣ам̣, ад̇илобхо хи баабаго;
‘‘Yaṃ laddhaṃ tena tuṭṭhabbaṃ, atilobho hi pāpako;
хам̣сарааж̇ам̣ г̇ахзд̇ваана, суван̣н̣аа барихааяат̇аа’’д̇и.
Haṃsarājaṃ gahetvāna, suvaṇṇā parihāyathā’’ti.
д̇ад̇т̇а д̇удтаб̣б̣анд̇и д̇уссид̇аб̣б̣ам̣.
Tattha tuṭṭhabbanti tussitabbaṃ.
ид̣̇ам̣ бана вад̇ваа сад̇т̇аа анзгабарияааязна г̇арахид̇ваа ‘‘яаа бана бхигкуний ласун̣ам̣ каад̣̇зяяа, баажид̇д̇ияа’’нд̇и (баажи. 794) сигкаабад̣̇ам̣ бан̃н̃аабзд̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣ий аяам̣ т̇уллананд̣̇аа ахоси, д̇иссо д̇хийд̇аро ид̣̇аани д̇иссоязва бхаг̇инияо, суван̣н̣ахам̣сарааж̇аа бана ахамзва ахоси’’нд̇и.
Idaṃ pana vatvā satthā anekapariyāyena garahitvā ‘‘yā pana bhikkhunī lasuṇaṃ khādeyya, pācittiya’’nti (pāci. 794) sikkhāpadaṃ paññāpetvā jātakaṃ samodhānesi – ‘‘tadā brāhmaṇī ayaṃ thullanandā ahosi, tisso dhītaro idāni tissoyeva bhaginiyo, suvaṇṇahaṃsarājā pana ahameva ahosi’’nti.
суван̣н̣ахам̣саж̇аад̇агаван̣н̣анаа чадтаа.
Suvaṇṇahaṃsajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 136. суван̣н̣ахам̣саж̇аад̇агам̣ • 136. Suvaṇṇahaṃsajātakaṃ
