| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೭. ಸುವಿದೂರಸುತ್ತಂ
7. Suvidūrasuttaṃ
೪೭. ‘‘ಚತ್ತಾರಿಮಾನಿ, ಭಿಕ್ಖವೇ, ಸುವಿದೂರವಿದೂರಾನಿ। ಕತಮಾನಿ ಚತ್ತಾರಿ? ನಭಞ್ಚ , ಭಿಕ್ಖವೇ, ಪಥವೀ ಚ; ಇದಂ ಪಠಮಂ ಸುವಿದೂರವಿದೂರೇ। ಓರಿಮಞ್ಚ, ಭಿಕ್ಖವೇ, ತೀರಂ ಸಮುದ್ದಸ್ಸ ಪಾರಿಮಞ್ಚ; ಇದಂ ದುತಿಯಂ ಸುವಿದೂರವಿದೂರೇ। ಯತೋ ಚ, ಭಿಕ್ಖವೇ, ವೇರೋಚನೋ ಅಬ್ಭುದೇತಿ ಯತ್ಥ ಚ ಅತ್ಥಮೇತಿ 1; ಇದಂ ತತಿಯಂ ಸುವಿದೂರವಿದೂರೇ। ಸತಞ್ಚ, ಭಿಕ್ಖವೇ, ಧಮ್ಮೋ ಅಸತಞ್ಚ ಧಮ್ಮೋ; ಇದಂ ಚತುತ್ಥಂ ಸುವಿದೂರವಿದೂರೇ। ಇಮಾನಿ ಖೋ, ಭಿಕ್ಖವೇ, ಚತ್ತಾರಿ ಸುವಿದೂರವಿದೂರಾನೀ’’ತಿ।
47. ‘‘Cattārimāni, bhikkhave, suvidūravidūrāni. Katamāni cattāri? Nabhañca , bhikkhave, pathavī ca; idaṃ paṭhamaṃ suvidūravidūre. Orimañca, bhikkhave, tīraṃ samuddassa pārimañca; idaṃ dutiyaṃ suvidūravidūre. Yato ca, bhikkhave, verocano abbhudeti yattha ca atthameti 2; idaṃ tatiyaṃ suvidūravidūre. Satañca, bhikkhave, dhammo asatañca dhammo; idaṃ catutthaṃ suvidūravidūre. Imāni kho, bhikkhave, cattāri suvidūravidūrānī’’ti.
ಪಾರಂ ಸಮುದ್ದಸ್ಸ ತದಾಹು ದೂರೇ।
Pāraṃ samuddassa tadāhu dūre;
ಯತೋ ಚ ವೇರೋಚನೋ ಅಬ್ಭುದೇತಿ,
Yato ca verocano abbhudeti,
ಪಭಙ್ಕರೋ ಯತ್ಥ ಚ ಅತ್ಥಮೇತಿ।
Pabhaṅkaro yattha ca atthameti;
ತತೋ ಹವೇ ದೂರತರಂ ವದನ್ತಿ,
Tato have dūrataraṃ vadanti,
ಸತಞ್ಚ ಧಮ್ಮಂ ಅಸತಞ್ಚ ಧಮ್ಮಂ॥
Satañca dhammaṃ asatañca dhammaṃ.
‘‘ಅಬ್ಯಾಯಿಕೋ ಹೋತಿ ಸತಂ ಸಮಾಗಮೋ,
‘‘Abyāyiko hoti sataṃ samāgamo,
ಖಿಪ್ಪಞ್ಹಿ ವೇತಿ ಅಸತಂ ಸಮಾಗಮೋ,
Khippañhi veti asataṃ samāgamo,
ತಸ್ಮಾ ಸತಂ ಧಮ್ಮೋ ಅಸಬ್ಭಿ ಆರಕಾ’’ತಿ॥ ಸತ್ತಮಂ।
Tasmā sataṃ dhammo asabbhi ārakā’’ti. sattamaṃ;
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೭. ಸುವಿದೂರಸುತ್ತವಣ್ಣನಾ • 7. Suvidūrasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೭. ಸುವಿದೂರಸುತ್ತವಣ್ಣನಾ • 7. Suvidūrasuttavaṇṇanā
