| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૬૮. તચસારજાતકં (૫-૨-૮)
368. Tacasārajātakaṃ (5-2-8)
૯૫.
95.
પસન્નમુખવણ્ણાત્થ, કસ્મા તુમ્હે ન સોચથ.
Pasannamukhavaṇṇāttha, kasmā tumhe na socatha.
૯૬.
96.
ન સોચનાય પરિદેવનાય, અત્થોવ લબ્ભો 3 અપિ અપ્પકોપિ;
Na socanāya paridevanāya, atthova labbho 4 api appakopi;
સોચન્તમેનં દુખિતં વિદિત્વા, પચ્ચત્થિકા અત્તમના ભવન્તિ.
Socantamenaṃ dukhitaṃ viditvā, paccatthikā attamanā bhavanti.
૯૭.
97.
યતો ચ ખો પણ્ડિતો આપદાસુ, ન વેધતી અત્થવિનિચ્છયઞ્ઞૂ;
Yato ca kho paṇḍito āpadāsu, na vedhatī atthavinicchayaññū;
પચ્ચત્થિકાસ્સ 5 દુખિતા ભવન્તિ, દિસ્વા મુખં અવિકારં પુરાણં.
Paccatthikāssa 6 dukhitā bhavanti, disvā mukhaṃ avikāraṃ purāṇaṃ.
૯૮.
98.
જપ્પેન મન્તેન સુભાસિતેન, અનુપ્પદાનેન પવેણિયા વા;
Jappena mantena subhāsitena, anuppadānena paveṇiyā vā;
યથા યથા યત્થ લભેથ અત્થં, તથા તથા તત્થ પરક્કમેય્ય.
Yathā yathā yattha labhetha atthaṃ, tathā tathā tattha parakkameyya.
૯૯.
99.
યતો ચ જાનેય્ય અલબ્ભનેય્યો, મયા વ 7 અઞ્ઞેન વા એસ અત્થો;
Yato ca jāneyya alabbhaneyyo, mayā va 8 aññena vā esa attho;
અસોચમાનો અધિવાસયેય્ય, કમ્મં દળ્હં કિન્તિ કરોમિ દાનીતિ.
Asocamāno adhivāsayeyya, kammaṃ daḷhaṃ kinti karomi dānīti.
તચસારજાતકં અટ્ઠમં.
Tacasārajātakaṃ aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૬૮] ૮. તચસારજાતકવણ્ણના • [368] 8. Tacasārajātakavaṇṇanā
