| Library / Tipiṭaka / તિપિટક • Tipiṭaka / મહાવગ્ગ-અટ્ઠકથા • Mahāvagga-aṭṭhakathā |
તજ્જનીયકમ્મકથા
Tajjanīyakammakathā
૪૦૭. ઇધ પન ભિક્ખવે ભિક્ખુ ભણ્ડનકારકોતિઆદિ ‘‘અધમ્મેનવગ્ગં, અધમ્મેનસમગ્ગં; ધમ્મેનવગ્ગં, ધમ્મપતિરૂપકેનવગ્ગં, ધમ્મપતિરૂપકેનસમગ્ગ’’ન્તિ ઇમેસં વસેન ચક્કં બન્ધિત્વા તજ્જનીયાદીસુ સત્તસુ કમ્મેસુ પટિપસ્સદ્ધીસુ ચ વિપત્તિદસ્સનત્થં વુત્તં. તત્થ અનપદાનોતિ અપદાનવિરહિતો. અપદાનં વુચ્ચતિ પરિચ્છેદો; આપત્તિપરિચ્છેદવિરહિતોતિ અત્થો. તતો પરં પટિકુટ્ઠકતકમ્મપ્પભેદં દસ્સેતું સાયેવ પાળિ ‘‘અકતં કમ્મ’’ન્તિઆદીહિ સંસન્દિત્વા વુત્તા. તત્થ ન કિઞ્ચિ પાળિઅનુસારેન ન સક્કા વિદિતું, તસ્મા વણ્ણનં ન વિત્થારયિમ્હાતિ.
407.Idha pana bhikkhave bhikkhu bhaṇḍanakārakotiādi ‘‘adhammenavaggaṃ, adhammenasamaggaṃ; dhammenavaggaṃ, dhammapatirūpakenavaggaṃ, dhammapatirūpakenasamagga’’nti imesaṃ vasena cakkaṃ bandhitvā tajjanīyādīsu sattasu kammesu paṭipassaddhīsu ca vipattidassanatthaṃ vuttaṃ. Tattha anapadānoti apadānavirahito. Apadānaṃ vuccati paricchedo; āpattiparicchedavirahitoti attho. Tato paraṃ paṭikuṭṭhakatakammappabhedaṃ dassetuṃ sāyeva pāḷi ‘‘akataṃ kamma’’ntiādīhi saṃsanditvā vuttā. Tattha na kiñci pāḷianusārena na sakkā vidituṃ, tasmā vaṇṇanaṃ na vitthārayimhāti.
ચમ્પેય્યક્ખન્ધકવણ્ણના નિટ્ઠિતા.
Campeyyakkhandhakavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૨૪૨. તજ્જનીયકમ્મકથા • 242. Tajjanīyakammakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૪૨. તજ્જનીયકમ્મકથા • 242. Tajjanīyakammakathā
