| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૪૪૬. તક્કલજાતકં (૮)
446. Takkalajātakaṃ (8)
૮૨.
82.
ન તક્કલા સન્તિ ન આલુવાનિ 1, ન બિળાલિયો ન કળમ્બાનિ તાત;
Na takkalā santi na āluvāni 2, na biḷāliyo na kaḷambāni tāta;
એકો અરઞ્ઞમ્હિ સુસાનમજ્ઝે, કિમત્થિકો તાત ખણાસિ કાસું.
Eko araññamhi susānamajjhe, kimatthiko tāta khaṇāsi kāsuṃ.
૮૩.
83.
પિતામહો તાત સુદુબ્બલો તે, અનેકબ્યાધીહિ દુખેન ફુટ્ઠો;
Pitāmaho tāta sudubbalo te, anekabyādhīhi dukhena phuṭṭho;
તમજ્જહં નિખણિસ્સામિ સોબ્ભે, ન હિસ્સ તં જીવિતં રોચયામિ.
Tamajjahaṃ nikhaṇissāmi sobbhe, na hissa taṃ jīvitaṃ rocayāmi.
૮૪.
84.
સઙ્કપ્પમેતં પટિલદ્ધ પાપકં, અચ્ચાહિતં કમ્મ કરોસિ લુદ્દં;
Saṅkappametaṃ paṭiladdha pāpakaṃ, accāhitaṃ kamma karosi luddaṃ;
મયાપિ તાત પટિલચ્છસે તુવં, એતાદિસં કમ્મ જરૂપનીતો;
Mayāpi tāta paṭilacchase tuvaṃ, etādisaṃ kamma jarūpanīto;
તં કુલ્લવત્તં અનુવત્તમાનો, અહમ્પિ તં નિખણિસ્સામિ સોબ્ભે.
Taṃ kullavattaṃ anuvattamāno, ahampi taṃ nikhaṇissāmi sobbhe.
૮૫.
85.
ફરુસાહિ વાચાહિ પકુબ્બમાનો, આસજ્જ મં ત્વં વદસે કુમાર;
Pharusāhi vācāhi pakubbamāno, āsajja maṃ tvaṃ vadase kumāra;
પુત્તો મમં ઓરસકો સમાનો, અહિતાનુકમ્પી મમ ત્વંસિ પુત્ત.
Putto mamaṃ orasako samāno, ahitānukampī mama tvaṃsi putta.
૮૬.
86.
પાપઞ્ચ તં કમ્મ પકુબ્બમાનં, અરહામિ નો વારયિતું તતો.
Pāpañca taṃ kamma pakubbamānaṃ, arahāmi no vārayituṃ tato.
૮૭.
87.
યો માતરં વા પિતરં સવિટ્ઠ 7, અદૂસકે હિંસતિ પાપધમ્મો;
Yo mātaraṃ vā pitaraṃ saviṭṭha 8, adūsake hiṃsati pāpadhammo;
કાયસ્સ ભેદા અભિસમ્પરાયં, અસંસયં સો નિરયં ઉપેતિ 9.
Kāyassa bhedā abhisamparāyaṃ, asaṃsayaṃ so nirayaṃ upeti 10.
૮૮.
88.
યો માતરં વા પિતરં સવિટ્ઠ, અન્નેન પાનેન ઉપટ્ઠહાતિ;
Yo mātaraṃ vā pitaraṃ saviṭṭha, annena pānena upaṭṭhahāti;
કાયસ્સ ભેદા અભિસમ્પરાયં, અસંસયં સો સુગતિં ઉપેતિ.
Kāyassa bhedā abhisamparāyaṃ, asaṃsayaṃ so sugatiṃ upeti.
૮૯.
89.
ન મે ત્વં પુત્ત અહિતાનુકમ્પી, હિતાનુકમ્પી મે 11 ત્વંસિ પુત્ત;
Na me tvaṃ putta ahitānukampī, hitānukampī me 12 tvaṃsi putta;
અહઞ્ચ તં માતરા વુચ્ચમાનો, એતાદિસં કમ્મ કરોમિ લુદ્દં.
Ahañca taṃ mātarā vuccamāno, etādisaṃ kamma karomi luddaṃ.
૯૦.
90.
યા તે સા ભરિયા અનરિયરૂપા, માતા મમેસા સકિયા જનેત્તિ;
Yā te sā bhariyā anariyarūpā, mātā mamesā sakiyā janetti;
નિદ્ધાપયે 13 તઞ્ચ સકા અગારા, અઞ્ઞમ્પિ તે સા દુખમાવહેય્ય.
Niddhāpaye 14 tañca sakā agārā, aññampi te sā dukhamāvaheyya.
૯૧.
91.
યા તે સા ભરિયા અનરિયરૂપા, માતા મમેસા સકિયા જનેત્તિ;
Yā te sā bhariyā anariyarūpā, mātā mamesā sakiyā janetti;
દન્તા કરેણૂવ વસૂપનીતા, સા પાપધમ્મા પુનરાવજાતૂતિ.
Dantā kareṇūva vasūpanītā, sā pāpadhammā punarāvajātūti.
તક્કલજાતકં અટ્ઠમં.
Takkalajātakaṃ aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૪૪૬] ૮. તક્કલજાતકવણ્ણના • [446] 8. Takkalajātakavaṇṇanā
