| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[63] 3. д̇аггабан̣д̣ид̇аж̇аад̇агаван̣н̣анаа
[63] 3. Takkapaṇḍitajātakavaṇṇanā
год̇ханаа агад̇ан̃н̃уу жаад̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкун̃н̃зваараб̣бха гат̇зси. д̇ан̃хи сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжа’’нд̇и вуд̇д̇з ‘‘ид̇т̇ияо наама бхигку агад̇ан̃н̃уу мид̇д̇ад̣̇уб̣бхаа, гасмаа д̇аа ниссааяа угган̣тид̇осий’’д̇и вад̇ваа ад̇ийд̇ам̣ аахари.
Kodhanā akataññū cāti idaṃ satthā jetavane viharanto ukkaṇṭhitabhikkhuññevārabbha kathesi. Tañhi satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘sacca’’nti vutte ‘‘itthiyo nāma bhikkhu akataññū mittadubbhā, kasmā tā nissāya ukkaṇṭhitosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о исибаб̣б̣аж̇ж̇ам̣ баб̣б̣аж̇ид̇ваа г̇ан̇г̇аад̇ийрз ассамам̣ маабзд̇ваа самаабад̇д̇ияо жзва абхин̃н̃ааяо жа ниб̣б̣ад̇д̇зд̇ваа жхаанасукзна вихарад̇и. д̇асмим̣ самаяз б̣аараан̣асисздтино д̇хийд̇аа д̣̇удтагумаарий наама жан̣д̣аа ахоси парусаа, д̣̇аасагаммагарз аггосад̇и барибхаасад̇и бахарад̇и. ат̇а нам̣ згад̣̇ивасам̣ бариваарамануссаа г̇ахзд̇ваа ‘‘г̇ан̇г̇ааяа гийл̣иссаамаа’’д̇и аг̇амам̣су. д̇зсам̣ гийл̣анд̇аанан̃н̃зва суурияад̇т̇ан̇г̇аманавзлаа ж̇аад̇аа, мзгхо удтахи, мануссаа мзгхам̣ д̣̇исваа ид̇о жид̇о жа взг̇зна балааяим̣су. сздтид̇хийд̇ааяаби д̣̇аасагаммагараа ‘‘аж̇ж̇а амхзхи зд̇иссаа бидтим̣ бассид̇ум̣ ваддад̇ий’’д̇и д̇ам̣ анд̇оуд̣̇агасмим̣язва чад̣д̣зд̇ваа уд̇д̇арим̣су. д̣̇зво баавасси, суурияоби ад̇т̇ан̇г̇ад̇о, анд̇хагааро ж̇аад̇о. д̇з д̇ааяа винаава г̇зхам̣ г̇анд̇ваа ‘‘гахам̣ саа’’д̇и вуд̇д̇з ‘‘г̇ан̇г̇аад̇о д̇аава уд̇д̇ин̣н̣аа, ат̇а нам̣ на ж̇аанаама гахам̣ г̇ад̇аа’’д̇и. н̃аад̇агаа вижинид̇вааби на бассим̣су.
Atīte bārāṇasiyaṃ brahmadatte rajjaṃ kārente bodhisatto isipabbajjaṃ pabbajitvā gaṅgātīre assamaṃ māpetvā samāpattiyo ceva abhiññāyo ca nibbattetvā jhānasukhena viharati. Tasmiṃ samaye bārāṇasiseṭṭhino dhītā duṭṭhakumārī nāma caṇḍā ahosi pharusā, dāsakammakare akkosati paribhāsati paharati. Atha naṃ ekadivasaṃ parivāramanussā gahetvā ‘‘gaṅgāya kīḷissāmā’’ti agamaṃsu. Tesaṃ kīḷantānaññeva sūriyatthaṅgamanavelā jātā, megho uṭṭhahi, manussā meghaṃ disvā ito cito ca vegena palāyiṃsu. Seṭṭhidhītāyapi dāsakammakarā ‘‘ajja amhehi etissā piṭṭhiṃ passituṃ vaṭṭatī’’ti taṃ antoudakasmiṃyeva chaḍḍetvā uttariṃsu. Devo pāvassi, sūriyopi atthaṅgato, andhakāro jāto. Te tāya vināva gehaṃ gantvā ‘‘kahaṃ sā’’ti vutte ‘‘gaṅgāto tāva uttiṇṇā, atha naṃ na jānāma kahaṃ gatā’’ti. Ñātakā vicinitvāpi na passiṃsu.
саа махаавиравам̣ вираванд̇ий уд̣̇агзна вуяхамаанаа ад̣дхарад̇д̇асамаяз б̣од̇хисад̇д̇асса бан̣н̣асаалаасамийбам̣ баабун̣и. со д̇ассаа сад̣̇д̣̇ам̣ суд̇ваа ‘‘маад̇уг̇аамасса сад̣̇д̣̇о зсо, барид̇д̇аан̣амассаа гариссаамий’’д̇и д̇ин̣уггам̣ аад̣̇ааяа над̣̇ийд̇ийрам̣ г̇анд̇ваа д̇ам̣ д̣̇исваа ‘‘маа бхааяи, маа бхааяий’’д̇и ассаасзд̇ваа нааг̇аб̣ало т̇аамасамбанно б̣од̇хисад̇д̇о над̣̇им̣ д̇арамаано г̇анд̇ваа д̇ам̣ угкибид̇ваа ассамабад̣̇ам̣ аанзд̇ваа аг̇г̇им̣ гад̇ваа ад̣̇ааси. сийд̇з виг̇ад̇з мад̇хураани палаапалаани убанаамзси. д̇аани каад̣̇ид̇ваа тид̇ам̣ ‘‘гад̇т̇а ваасигааси, гат̇ан̃жа г̇ан̇г̇ааяа бад̇ид̇аасий’’д̇и бужчи. саа д̇ам̣ бавад̇д̇им̣ аарожзси. ат̇а нам̣ ‘‘д̇вам̣ ид̇хзва васаа’’д̇и бан̣н̣асаалааяа васаабзнд̇о д̣̇вийхад̇ийхам̣ саяам̣ аб̣бхогаасз васид̇ваа ‘‘ид̣̇аани г̇ажчаа’’д̇и ааха. саа ‘‘имам̣ д̇аабасам̣ сийлабхзд̣̇ам̣ баабзд̇ваа г̇ахзд̇ваа г̇амиссаамий’’д̇и на г̇ажчад̇и. ат̇а г̇ажчанд̇з гаалз ид̇т̇игуд̇д̇ам̣ ид̇т̇илийлам̣ д̣̇ассзд̇ваа д̇асса сийлабхзд̣̇ам̣ гад̇ваа жхаанам̣ анд̇арад̇хаабзси. со д̇ам̣ г̇ахзд̇ваа аран̃н̃зязва васад̇и. ат̇а нам̣ саа ааха ‘‘аяяа, гим̣ но аран̃н̃аваасзна, мануссабат̇ам̣ г̇амиссаамаа’’д̇и? со д̇ам̣ аад̣̇ааяа згам̣ бажжанд̇аг̇аамагам̣ г̇анд̇ваа д̇аггабхад̇ияаа ж̇ийвигам̣ габбзд̇ваа д̇ам̣ босзд̇и. д̇асса д̇аггам̣ виггин̣ид̇ваа ж̇ийвад̇ийд̇и ‘‘д̇аггабан̣д̣ид̇о’’д̇и наамам̣ агам̣су. ат̇асса г̇аамаваасино бариб̣б̣аяам̣ д̣̇ад̇ваа ‘‘амхаагам̣ суяуд̇д̇ад̣̇уяуд̇д̇агам̣ аажигканд̇о зд̇т̇а васаа’’д̇и г̇аамад̣̇ваарз гудияам̣ ваасзсум̣.
Sā mahāviravaṃ viravantī udakena vuyhamānā aḍḍharattasamaye bodhisattassa paṇṇasālāsamīpaṃ pāpuṇi. So tassā saddaṃ sutvā ‘‘mātugāmassa saddo eso, parittāṇamassā karissāmī’’ti tiṇukkaṃ ādāya nadītīraṃ gantvā taṃ disvā ‘‘mā bhāyi, mā bhāyī’’ti assāsetvā nāgabalo thāmasampanno bodhisatto nadiṃ taramāno gantvā taṃ ukkhipitvā assamapadaṃ ānetvā aggiṃ katvā adāsi. Sīte vigate madhurāni phalāphalāni upanāmesi. Tāni khāditvā ṭhitaṃ ‘‘kattha vāsikāsi, kathañca gaṅgāya patitāsī’’ti pucchi. Sā taṃ pavattiṃ ārocesi. Atha naṃ ‘‘tvaṃ idheva vasā’’ti paṇṇasālāya vasāpento dvīhatīhaṃ sayaṃ abbhokāse vasitvā ‘‘idāni gacchā’’ti āha. Sā ‘‘imaṃ tāpasaṃ sīlabhedaṃ pāpetvā gahetvā gamissāmī’’ti na gacchati. Atha gacchante kāle itthikuttaṃ itthilīlaṃ dassetvā tassa sīlabhedaṃ katvā jhānaṃ antaradhāpesi. So taṃ gahetvā araññeyeva vasati. Atha naṃ sā āha ‘‘ayya, kiṃ no araññavāsena, manussapathaṃ gamissāmā’’ti? So taṃ ādāya ekaṃ paccantagāmakaṃ gantvā takkabhatiyā jīvikaṃ kappetvā taṃ poseti. Tassa takkaṃ vikkiṇitvā jīvatīti ‘‘takkapaṇḍito’’ti nāmaṃ akaṃsu. Athassa gāmavāsino paribbayaṃ datvā ‘‘amhākaṃ suyuttaduyuttakaṃ ācikkhanto ettha vasā’’ti gāmadvāre kuṭiyaṃ vāsesuṃ.
д̇зна жа самаязна жораа баб̣б̣ад̇аа оруяха бажжанд̇ам̣ бахаранд̇и. д̇з згад̣̇ивасам̣ д̇ам̣ г̇аамам̣ бахарид̇ваа г̇аамаваасигзхиязва бхан̣д̣игаа угкибаабзд̇ваа г̇ажчанд̇аа д̇амби сздтид̇хийд̇арам̣ г̇ахзд̇ваа ад̇д̇ано васанадтаанам̣ г̇анд̇ваа сзсаж̇анз виссаж̇ж̇зсум̣. жораж̇здтаго бана д̇ассаа руубз б̣аж̇жхид̇ваа д̇ам̣ ад̇д̇ано бхарияам̣ агааси. б̣од̇хисад̇д̇о ‘‘ид̇т̇аннаамаа гаха’’нд̇и бужчи. ‘‘жораж̇здтагзна г̇ахзд̇ваа ад̇д̇ано бхарияаа гад̇аа’’д̇и жа суд̇вааби ‘‘на саа д̇ад̇т̇а маяаа винаа васиссад̇и, балааяид̇ваа ааг̇ажчиссад̇ий’’д̇и д̇ассаа ааг̇аманам̣ ологзнд̇о д̇ад̇т̇зва васи.
Tena ca samayena corā pabbatā oruyha paccantaṃ paharanti. Te ekadivasaṃ taṃ gāmaṃ paharitvā gāmavāsikehiyeva bhaṇḍikā ukkhipāpetvā gacchantā tampi seṭṭhidhītaraṃ gahetvā attano vasanaṭṭhānaṃ gantvā sesajane vissajjesuṃ. Corajeṭṭhako pana tassā rūpe bajjhitvā taṃ attano bhariyaṃ akāsi. Bodhisatto ‘‘itthannāmā kaha’’nti pucchi. ‘‘Corajeṭṭhakena gahetvā attano bhariyā katā’’ti ca sutvāpi ‘‘na sā tattha mayā vinā vasissati, palāyitvā āgacchissatī’’ti tassā āgamanaṃ olokento tattheva vasi.
сздтид̇хийд̇ааби жинд̇зси ‘‘ахам̣ ид̇ха сукам̣ васаами, гад̣̇аажи мам̣ д̇аггабан̣д̣ид̇о гин̃жид̣̇зва ниссааяа ааг̇анд̇ваа ид̇о аад̣̇ааяа г̇ажчзяяа, ат̇а зд̇асмаа сукаа барихааяиссаами, яаннуунаахам̣ самбияааяамаанаа вияа д̇ам̣ баггосаабзд̇ваа гхаад̇аабзяяа’’нд̇и. саа згам̣ мануссам̣ баггосид̇ваа ‘‘ахам̣ ид̇ха д̣̇угкам̣ ж̇ийваами, д̇аггабан̣д̣ид̇о ааг̇анд̇ваа мам̣ аад̣̇ааяа г̇ажчад̇уу’’д̇и саасанам̣ бзсзси. со д̇ам̣ саасанам̣ суд̇ваа сад̣̇д̣̇ахид̇ваа д̇ад̇т̇а г̇анд̇ваа г̇аамад̣̇ваарз тад̇ваа саасанам̣ бзсзси. саа нигкамид̇ваа д̇ам̣ д̣̇исваа ‘‘аяяа, сажз маяам̣ ид̣̇аани г̇ажчиссаама, жораж̇здтаго ануб̣анд̇хид̇ваа убхоби амхз гхаад̇зссад̇и, рад̇д̇ибхааг̇з г̇ажчиссаамаа’’д̇и д̇ам̣ аанзд̇ваа бхож̇зд̇ваа годтагз нисийд̣̇аабзд̇ваа сааяам̣ жораж̇здтагасса ааг̇анд̇ваа сурам̣ бивид̇ваа мад̇д̇агаалз ‘‘саами, сажз имааяа взлааяа д̇ава сад̇д̇ум̣ бассзяяааси, гинд̇и нам̣ гарзяяаасий’’д̇и ааха. ‘‘ид̣̇ан̃жид̣̇ан̃жа гариссаамийд̇и’’. ‘‘гим̣ бана со д̣̇уурз, нану годтагз нисинно’’д̇и? жораж̇здтаго уггам̣ аад̣̇ааяа д̇ад̇т̇а г̇анд̇ваа д̇ам̣ д̣̇исваа г̇ахзд̇ваа г̇зхамаж̇жхз баад̇зд̇ваа габбараад̣̇ийхи яат̇ааружим̣ бот̇зси. со бот̇ияамааноби ан̃н̃ам̣ гин̃жи авад̇ваа ‘‘год̇ханаа агад̇ан̃н̃уу жа, бисун̣аа мид̇д̇абхзд̣̇игаа’’д̇и зд̇д̇агамзва вад̣̇ад̇и. жоро д̇ам̣ бот̇зд̇ваа б̣анд̇хид̇ваа нибаж̇ж̇аабзд̇ваа сааяамаасам̣ бхун̃ж̇ид̇ваа саяи. баб̣уд̣̇д̇хо ж̇ин̣н̣ааяа сурааяа буна д̇ам̣ бот̇зд̇ум̣ аарабхи, соби д̇аанзва жад̇д̇аари бад̣̇аани вад̣̇ад̇и.
Seṭṭhidhītāpi cintesi ‘‘ahaṃ idha sukhaṃ vasāmi, kadāci maṃ takkapaṇḍito kiñcideva nissāya āgantvā ito ādāya gaccheyya, atha etasmā sukhā parihāyissāmi, yannūnāhaṃ sampiyāyamānā viya taṃ pakkosāpetvā ghātāpeyya’’nti. Sā ekaṃ manussaṃ pakkositvā ‘‘ahaṃ idha dukkhaṃ jīvāmi, takkapaṇḍito āgantvā maṃ ādāya gacchatū’’ti sāsanaṃ pesesi. So taṃ sāsanaṃ sutvā saddahitvā tattha gantvā gāmadvāre ṭhatvā sāsanaṃ pesesi. Sā nikkhamitvā taṃ disvā ‘‘ayya, sace mayaṃ idāni gacchissāma, corajeṭṭhako anubandhitvā ubhopi amhe ghātessati, rattibhāge gacchissāmā’’ti taṃ ānetvā bhojetvā koṭṭhake nisīdāpetvā sāyaṃ corajeṭṭhakassa āgantvā suraṃ pivitvā mattakāle ‘‘sāmi, sace imāya velāya tava sattuṃ passeyyāsi, kinti naṃ kareyyāsī’’ti āha. ‘‘Idañcidañca karissāmīti’’. ‘‘Kiṃ pana so dūre, nanu koṭṭhake nisinno’’ti? Corajeṭṭhako ukkaṃ ādāya tattha gantvā taṃ disvā gahetvā gehamajjhe pātetvā kapparādīhi yathāruciṃ pothesi. So pothiyamānopi aññaṃ kiñci avatvā ‘‘kodhanā akataññū ca, pisuṇā mittabhedikā’’ti ettakameva vadati. Coro taṃ pothetvā bandhitvā nipajjāpetvā sāyamāsaṃ bhuñjitvā sayi. Pabuddho jiṇṇāya surāya puna taṃ pothetuṃ ārabhi, sopi tāneva cattāri padāni vadati.
жоро жинд̇зси ‘‘аяам̣ звам̣ бот̇ияамааноби ан̃н̃ам̣ гин̃жи авад̇ваа имаанзва жад̇д̇аари бад̣̇аани вад̣̇ад̇и, бужчиссаами на’’нд̇и д̇ассаа суд̇д̇абхаавам̣ н̃ад̇ваа д̇ам̣ бужчи ‘‘амбхо д̇вам̣ звам̣ бот̇ияамааноби гасмаа зд̇аанзва бад̣̇аани вад̣̇асий’’д̇и? д̇аггабан̣д̣ид̇о ‘‘д̇зна хи сун̣аахий’’д̇и д̇ам̣ гааран̣ам̣ аад̣̇ид̇о бадтааяа гат̇зси. ‘‘ахам̣ буб̣б̣з аран̃н̃аваасиго зго д̇аабасо жхааналаабхий, сваахам̣ зд̇ам̣ г̇ан̇г̇ааяа вуяхамаанам̣ уд̇д̇аарзд̇ваа бадиж̇аг̇г̇им̣. ат̇а мам̣ зсаа балобхзд̇ваа жхаанаа барихаабзси, сваахам̣ аран̃н̃ам̣ бахааяа зд̇ам̣ босзнд̇о бажжанд̇аг̇аамагз васаами, ат̇зсаа жорзхи ид̇хаанийд̇аа ‘ахам̣ д̣̇угкам̣ васаами, ааг̇анд̇ваа мам̣ нзд̇уу’д̇и маяхам̣ саасанам̣ бзсзд̇ваа ид̣̇аани д̇ава хад̇т̇з баад̇зси, иминаа гааран̣знаахам̣ звам̣ гат̇змий’’д̇и. жоро жинд̇зси ‘‘яаа зсаа зваруубз г̇ун̣асамбаннз убагаарагз звам̣ виббадибаж̇ж̇и, саа маяхам̣ гад̇арам̣ наама убад̣̇д̣̇авам̣ на гарзяяа, маарзд̇аб̣б̣аа зсаа’’д̇и со д̇аггабан̣д̣ид̇ам̣ ассаасзд̇ваа д̇ам̣ баб̣од̇хзд̇ваа каг̇г̇ам̣ аад̣̇ааяа нигкамма ‘‘зд̇ам̣ бурисам̣ г̇аамад̣̇ваарз гхаад̇зссаамий’’д̇и вад̇ваа д̇ааяа сад̣̇д̇хим̣ б̣ахиг̇аамам̣ г̇анд̇ваа ‘‘зд̇ам̣ хад̇т̇з г̇ан̣хаа’’д̇и д̇ам̣ д̇ааяа хад̇т̇з г̇аахаабзд̇ваа каг̇г̇ам̣ аад̣̇ааяа д̇аггабан̣д̣ид̇ам̣ бахаранд̇о вияа д̇ам̣ д̣̇вид̇хаа чинд̣̇ид̇ваа сасийсам̣ нхаабзд̇ваа д̇аггабан̣д̣ид̇ам̣ гад̇ибаахам̣ бан̣ийд̇зна бхож̇анзна санд̇аббзд̇ваа ид̣̇аани гахам̣ г̇амиссасий’’д̇и ааха. д̇аггабан̣д̣ид̇о ‘‘гхарааваасзна мз гижжам̣ над̇т̇и, исибаб̣б̣аж̇ж̇ам̣ баб̣б̣аж̇ид̇ваа д̇ад̇т̇зва аран̃н̃з васиссаамий’’д̇и ааха. ‘‘д̇зна хи ахамби баб̣б̣аж̇иссаамий’’д̇и убхоби баб̣б̣аж̇ид̇ваа д̇ам̣ аран̃н̃ааяад̇анам̣ г̇анд̇ваа бан̃жа абхин̃н̃аа адта жа самаабад̇д̇ияо ниб̣б̣ад̇д̇зд̇ваа ж̇ийвид̇абарияосаанз б̣рахмалогуубаг̇аа ахзсум̣.
Coro cintesi ‘‘ayaṃ evaṃ pothiyamānopi aññaṃ kiñci avatvā imāneva cattāri padāni vadati, pucchissāmi na’’nti tassā suttabhāvaṃ ñatvā taṃ pucchi ‘‘ambho tvaṃ evaṃ pothiyamānopi kasmā etāneva padāni vadasī’’ti? Takkapaṇḍito ‘‘tena hi suṇāhī’’ti taṃ kāraṇaṃ ādito paṭṭhāya kathesi. ‘‘Ahaṃ pubbe araññavāsiko eko tāpaso jhānalābhī, svāhaṃ etaṃ gaṅgāya vuyhamānaṃ uttāretvā paṭijaggiṃ. Atha maṃ esā palobhetvā jhānā parihāpesi, svāhaṃ araññaṃ pahāya etaṃ posento paccantagāmake vasāmi, athesā corehi idhānītā ‘ahaṃ dukkhaṃ vasāmi, āgantvā maṃ netū’ti mayhaṃ sāsanaṃ pesetvā idāni tava hatthe pātesi, iminā kāraṇenāhaṃ evaṃ kathemī’’ti. Coro cintesi ‘‘yā esā evarūpe guṇasampanne upakārake evaṃ vippaṭipajji, sā mayhaṃ kataraṃ nāma upaddavaṃ na kareyya, māretabbā esā’’ti so takkapaṇḍitaṃ assāsetvā taṃ pabodhetvā khaggaṃ ādāya nikkhamma ‘‘etaṃ purisaṃ gāmadvāre ghātessāmī’’ti vatvā tāya saddhiṃ bahigāmaṃ gantvā ‘‘etaṃ hatthe gaṇhā’’ti taṃ tāya hatthe gāhāpetvā khaggaṃ ādāya takkapaṇḍitaṃ paharanto viya taṃ dvidhā chinditvā sasīsaṃ nhāpetvā takkapaṇḍitaṃ katipāhaṃ paṇītena bhojanena santappetvā idāni kahaṃ gamissasī’’ti āha. Takkapaṇḍito ‘‘gharāvāsena me kiccaṃ natthi, isipabbajjaṃ pabbajitvā tattheva araññe vasissāmī’’ti āha. ‘‘Tena hi ahampi pabbajissāmī’’ti ubhopi pabbajitvā taṃ araññāyatanaṃ gantvā pañca abhiññā aṭṭha ca samāpattiyo nibbattetvā jīvitapariyosāne brahmalokūpagā ahesuṃ.
сад̇т̇аа имаани д̣̇вз вад̇т̇ууни гат̇зд̇ваа анусанд̇хим̣ гхадзд̇ваа абхисамб̣уд̣̇д̇хо худ̇ваа имам̣ г̇аат̇амааха –
Satthā imāni dve vatthūni kathetvā anusandhiṃ ghaṭetvā abhisambuddho hutvā imaṃ gāthamāha –
63.
63.
‘‘год̇ханаа агад̇ан̃н̃уу жа, бисун̣аа мид̇д̇абхзд̣̇игаа;
‘‘Kodhanā akataññū ca, pisuṇā mittabhedikā;
б̣рахмажарияам̣ жара бхигку, со сукам̣ на вихаахисий’’д̇и.
Brahmacariyaṃ cara bhikkhu, so sukhaṃ na vihāhisī’’ti.
д̇ад̇рааяам̣ бин̣д̣ад̇т̇о – бхигку ид̇т̇ияо наамзд̇аа год̇ханаа, уббаннам̣ год̇хам̣ ниваарзд̇ум̣ на саггонд̇и. агад̇ан̃н̃уу жа, ад̇имаханд̇амби убагаарам̣ на ж̇аананд̇и. бисун̣аа жа, бияасун̃н̃абхаавагаран̣амзва гат̇ам̣ гат̇знд̇и. мид̇д̇абхзд̣̇игаа, мид̇д̇з бхинд̣̇анд̇и, мид̇д̇абхзд̣̇анагат̇ам̣ гат̇анасийлааязва , зваруубзхи баабад̇хаммзхи саманнааг̇ад̇аа зд̇аа. гим̣ д̇з зд̇аахи, б̣рахмажарияам̣ жара бхигку, аяан̃хи мзт̇унавирад̇и барисуд̣̇д̇хадтзна б̣рахмажарияам̣ наама, д̇ам̣ жара. со сукам̣ на вихаахисийд̇и со д̇вам̣ зд̇ам̣ б̣рахмажарияаваасам̣ васанд̇о жхаанасукам̣ маг̇г̇асукам̣ паласукан̃жа на вихаахиси, зд̇ам̣ сукам̣ на виж̇ахиссад̇и, зд̇асмаа сукаа на барихааяиссасийд̇и ад̇т̇о. ‘‘на барихаахисий’’д̇иби баато, аяамзвад̇т̇о.
Tatrāyaṃ piṇḍattho – bhikkhu itthiyo nāmetā kodhanā, uppannaṃ kodhaṃ nivāretuṃ na sakkonti. Akataññū ca, atimahantampi upakāraṃ na jānanti. Pisuṇā ca, piyasuññabhāvakaraṇameva kathaṃ kathenti. Mittabhedikā, mitte bhindanti, mittabhedanakathaṃ kathanasīlāyeva , evarūpehi pāpadhammehi samannāgatā etā. Kiṃ te etāhi, brahmacariyaṃ cara bhikkhu, ayañhi methunavirati parisuddhaṭṭhena brahmacariyaṃ nāma, taṃ cara. So sukhaṃ na vihāhisīti so tvaṃ etaṃ brahmacariyavāsaṃ vasanto jhānasukhaṃ maggasukhaṃ phalasukhañca na vihāhisi, etaṃ sukhaṃ na vijahissati, etasmā sukhā na parihāyissasīti attho. ‘‘Na parihāhisī’’tipi pāṭho, ayamevattho.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. сад̇т̇аа ж̇аад̇агам̣ самод̇хаанзси – ‘‘д̇ад̣̇аа жораж̇здтаго аананд̣̇о ахоси, д̇аггабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsesi, saccapariyosāne ukkaṇṭhitabhikkhu sotāpattiphale patiṭṭhahi. Satthā jātakaṃ samodhānesi – ‘‘tadā corajeṭṭhako ānando ahosi, takkapaṇḍito pana ahameva ahosi’’nti.
д̇аггабан̣д̣ид̇аж̇аад̇агаван̣н̣анаа д̇ад̇ияаа.
Takkapaṇḍitajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 63. д̇аггабан̣д̣ид̇аж̇аад̇агам̣ • 63. Takkapaṇḍitajātakaṃ
