Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೮೧. ತಕ್ಕಾರಿಯಜಾತಕಂ (೮)
481. Takkāriyajātakaṃ (8)
೧೦೪.
104.
ಅಹಮೇವ ದುಬ್ಭಾಸಿತಂ ಭಾಸಿ ಬಾಲೋ, ಭೇಕೋವರಞ್ಞೇ ಅಹಿಮವ್ಹಾಯಮಾನೋ 1।
Ahameva dubbhāsitaṃ bhāsi bālo, bhekovaraññe ahimavhāyamāno 2;
೧೦೫.
105.
ಪಪ್ಪೋತಿ ಮಚ್ಚೋ ಅತಿವೇಲಭಾಣೀ, ಬನ್ಧಂ ವಧಂ ಸೋಕಪರಿದ್ದವಞ್ಚ।
Pappoti macco ativelabhāṇī, bandhaṃ vadhaṃ sokapariddavañca;
ಅತ್ತಾನಮೇವ ಗರಹಾಸಿ ಏತ್ಥ, ಆಚೇರ ಯಂ ತಂ ನಿಖಣನ್ತಿ ಸೋಬ್ಭೇ॥
Attānameva garahāsi ettha, ācera yaṃ taṃ nikhaṇanti sobbhe.
೧೦೬.
106.
ನಗ್ಗೋವಹಂ 11 ವತ್ಥಯುಗಞ್ಚ ಜೀನೋ, ಅಯಮ್ಪಿ ಅತ್ಥೋ ಬಹುತಾದಿಸೋವ॥
Naggovahaṃ 12 vatthayugañca jīno, ayampi attho bahutādisova.
೧೦೭.
107.
ಯೋ ಯುಜ್ಝಮಾನಾನಮಯುಜ್ಝಮಾನೋ 13, ಮೇಣ್ಡನ್ತರಂ ಅಚ್ಚುಪತೀ ಕುಲಿಙ್ಗೋ।
Yo yujjhamānānamayujjhamāno 14, meṇḍantaraṃ accupatī kuliṅgo;
ಸೋ ಪಿಂಸಿತೋ ಮೇಣ್ಡಸಿರೇಹಿ ತತ್ಥ, ಅಯಮ್ಪಿ ಅತ್ಥೋ ಬಹುತಾದಿಸೋವ॥
So piṃsito meṇḍasirehi tattha, ayampi attho bahutādisova.
೧೦೮.
108.
ಚತುರೋ ಜನಾ ಪೋತ್ಥಕಮಗ್ಗಹೇಸುಂ, ಏಕಞ್ಚ ಪೋಸಂ ಅನುರಕ್ಖಮಾನಾ।
Caturo janā potthakamaggahesuṃ, ekañca posaṃ anurakkhamānā;
ಸಬ್ಬೇವ ತೇ ಭಿನ್ನಸಿರಾ ಸಯಿಂಸು, ಅಯಮ್ಪಿ ಅತ್ಥೋ ಬಹುತಾದಿಸೋವ॥
Sabbeva te bhinnasirā sayiṃsu, ayampi attho bahutādisova.
೧೦೯.
109.
ಅಜಾ ಯಥಾ ವೇಳುಗುಮ್ಬಸ್ಮಿಂ ಬದ್ಧಾ 15, ಅವಕ್ಖಿಪನ್ತೀ ಅಸಿಮಜ್ಝಗಚ್ಛಿ।
Ajā yathā veḷugumbasmiṃ baddhā 16, avakkhipantī asimajjhagacchi;
ತೇನೇವ ತಸ್ಸಾ ಗಲಕಾವಕನ್ತಂ 17, ಅಯಮ್ಪಿ ಅತ್ಥೋ ಬಹುತಾದಿಸೋವ॥
Teneva tassā galakāvakantaṃ 18, ayampi attho bahutādisova.
೧೧೦.
110.
ಇಮೇ ನ ದೇವಾ ನ ಗನ್ಧಬ್ಬಪುತ್ತಾ, ಮಿಗಾ ಇಮೇ ಅತ್ಥವಸಂ ಗತಾ ಮೇ 19।
Ime na devā na gandhabbaputtā, migā ime atthavasaṃ gatā me 20;
ಏಕಞ್ಚ ನಂ ಸಾಯಮಾಸೇ ಪಚನ್ತು, ಏಕಂ ಪುನಪ್ಪಾತರಾಸೇ 21 ಪಚನ್ತು॥
Ekañca naṃ sāyamāse pacantu, ekaṃ punappātarāse 22 pacantu.
೧೧೧.
111.
ಸತಂ ಸಹಸ್ಸಾನಿ ದುಭಾಸಿತಾನಿ, ಕಲಮ್ಪಿ ನಾಗ್ಘನ್ತಿ ಸುಭಾಸಿತಸ್ಸ।
Sataṃ sahassāni dubhāsitāni, kalampi nāgghanti subhāsitassa;
೧೧೨.
112.
ಇಮಞ್ಚ ಖೋ ದೇನ್ತು ಮಹಾನಸಾಯ, ಪಾತೋವ ನಂ ಪಾತರಾಸೇ ಪಚನ್ತು॥
Imañca kho dentu mahānasāya, pātova naṃ pātarāse pacantu.
೧೧೩.
113.
ಪಜ್ಜುನ್ನನಾಥಾ ಪಸವೋ, ಪಸುನಾಥಾ ಅಯಂ ಪಜಾ।
Pajjunnanāthā pasavo, pasunāthā ayaṃ pajā;
ದ್ವಿನ್ನಮಞ್ಞತರಂ ಞತ್ವಾ, ಮುತ್ತೋ ಗಚ್ಛೇಯ್ಯ ಪಬ್ಬತಂ॥
Dvinnamaññataraṃ ñatvā, mutto gaccheyya pabbataṃ.
೧೧೪.
114.
ನ ವೇ ನಿನ್ದಾ ಸುಪರಿವಜ್ಜಯೇಥ 35, ನಾನಾ ಜನಾ ಸೇವಿತಬ್ಬಾ ಜನಿನ್ದ।
Na ve nindā suparivajjayetha 36, nānā janā sevitabbā janinda;
ಯೇನೇವ ಏಕೋ ಲಭತೇ ಪಸಂಸಂ, ತೇನೇವ ಅಞ್ಞೋ ಲಭತೇ ನಿನ್ದಿತಾರಂ॥
Yeneva eko labhate pasaṃsaṃ, teneva añño labhate ninditāraṃ.
೧೧೫.
115.
ಸಬ್ಬೋ ಲೋಕೋ ಪರಿಚಿತ್ತೋ ಅತಿಚಿತ್ತೋ 37, ಸಬ್ಬೋ ಲೋಕೋ ಚಿತ್ತವಾ ಸಮ್ಹಿ ಚಿತ್ತೇ।
Sabbo loko paricitto aticitto 38, sabbo loko cittavā samhi citte;
ಪಚ್ಚೇಕಚಿತ್ತಾ ಪುಥು ಸಬ್ಬಸತ್ತಾ, ಕಸ್ಸೀಧ ಚಿತ್ತಸ್ಸ ವಸೇ ನ ವತ್ತೇ॥
Paccekacittā puthu sabbasattā, kassīdha cittassa vase na vatte.
೧೧೬.
116.
ತುಣ್ಹೀ ಅಹೂ ಕಿಮ್ಪುರಿಸೋ ಸಭರಿಯೋ 39, ಯೋ ದಾನಿ ಬ್ಯಾಹಾಸಿ ಭಯಸ್ಸ ಭೀತೋ।
Tuṇhī ahū kimpuriso sabhariyo 40, yo dāni byāhāsi bhayassa bhīto;
ಸೋ ದಾನಿ ಮುತ್ತೋ ಸುಖಿತೋ ಅರೋಗೋ, ವಾಚಾಕಿರೇವತ್ತವತೀ ನರಾನನ್ತಿ॥
So dāni mutto sukhito arogo, vācākirevattavatī narānanti.
ತಕ್ಕಾರಿಯಜಾತಕಂ ಅಟ್ಠಮಂ।
Takkāriyajātakaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೮೧] ೮. ತಕ್ಕಾರಿಯಜಾತಕವಣ್ಣನಾ • [481] 8. Takkāriyajātakavaṇṇanā