| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
5. д̇аласад̇д̇игасигкаабад̣̇ам̣
5. Talasattikasikkhāpadaṃ
454. бан̃жамз д̇аланд̇и хад̇т̇ад̇алам̣. д̇ан̃хи д̇алад̇и яам̣гин̃жи г̇ахид̇авад̇т̇у бад̇идтаад̇и зд̇т̇аад̇и ‘‘д̇ала’’нд̇и вужжад̇и. сад̇д̇ийд̇и гунд̇о. со хи сагад̇и виж̇жхид̇ум̣ самад̇т̇зд̇ийд̇и ‘‘сад̇д̇ий’’д̇и вужжад̇и. д̇аламзва сад̇д̇исад̣̇исад̇д̇аа д̇аласад̇д̇игам̣, сад̣̇исад̇т̇з го, д̇ам̣ д̇аласад̇д̇игам̣ убажаарзна г̇ахзд̇ваа ‘‘гааяамбий’’д̇и вуд̇д̇ам̣. гааяад̇о ан̃н̃ам̣ вад̇т̇умби д̇аласад̇д̇игасан̇каад̇зна гааязна г̇ахзд̇ваа уг̇г̇ирад̇д̇аа вуд̇д̇ам̣ ‘‘гааяабадиб̣ад̣̇д̇хамбий’’д̇и. ‘‘бахаарасамужжид̇аа’’д̇и зд̇т̇а сам̣буб̣б̣о жа убуб̣б̣о жа жисад̣̇д̣̇о баг̇ун̣анасан̇каад̇з барижид̇з вад̇д̇ад̇ийд̇и ааха ‘‘бахаарабарижид̇аа’’д̇и. бахаарзна сам̣ бунаббунам̣ ужжид̇аа барижид̇аад̇и ад̇т̇о. имамзвад̇т̇ам̣ санд̇хааяа вуд̇д̇ам̣ ‘‘буб̣б̣зби…бз… ад̇т̇о’’д̇и. ан̃н̃амби саж̇жхааяананаяам̣ д̣̇ассзд̇ум̣ вуд̇д̇ам̣ ‘‘бахаарасса уб̣б̣иг̇аа’’д̇и. д̇ассаад̇и д̇асса баатасса. бахаарассаад̇и бахаарад̇о. ниссаггад̇т̇з жзд̇ам̣ саамиважанам̣. ‘‘бхийд̇аа’’д̇и иминаа ‘‘уб̣б̣иг̇аа’’д̇и зд̇т̇а убуб̣б̣а виж̇ад̇хаад̇уссад̇т̇ам̣ д̣̇ассзд̇и.
454. Pañcame talanti hatthatalaṃ. Tañhi talati yaṃkiñci gahitavatthu patiṭṭhāti etthāti ‘‘tala’’nti vuccati. Sattīti kunto. So hi sakati vijjhituṃ samatthetīti ‘‘sattī’’ti vuccati. Talameva sattisadisattā talasattikaṃ, sadisatthe ko, taṃ talasattikaṃ upacārena gahetvā ‘‘kāyampī’’ti vuttaṃ. Kāyato aññaṃ vatthumpi talasattikasaṅkhātena kāyena gahetvā uggirattā vuttaṃ ‘‘kāyapaṭibaddhampī’’ti. ‘‘Pahārasamuccitā’’ti ettha saṃpubbo ca upubbo ca cisaddo paguṇanasaṅkhāte paricite vattatīti āha ‘‘pahāraparicitā’’ti. Pahārena saṃ punappunaṃ uccitā paricitāti attho. Imamevatthaṃ sandhāya vuttaṃ ‘‘pubbepi…pe… attho’’ti. Aññampi sajjhāyananayaṃ dassetuṃ vuttaṃ ‘‘pahārassa ubbigā’’ti. Tassāti tassa pāṭhassa. Pahārassāti pahārato. Nissakkatthe cetaṃ sāmivacanaṃ. ‘‘Bhītā’’ti iminā ‘‘ubbigā’’ti ettha upubba vijadhātussatthaṃ dasseti.
457-8. вирад̣̇д̇ход̇и бан̣н̣аго худ̇ваа. буб̣б̣зд̇и буримасигкаабад̣̇з. вуд̇д̇зсу вад̇т̇уусууд̇и ‘‘жорам̣ ваа бажжад̇т̇ийгам̣ ваа’’д̇иаад̣̇инаа вуд̇д̇зсу вад̇т̇уусууд̇и. бан̃жамам̣.
457-8.Viraddhoti paṇṇako hutvā. Pubbeti purimasikkhāpade. Vuttesu vatthūsūti ‘‘coraṃ vā paccatthīkaṃ vā’’tiādinā vuttesu vatthūsūti. Pañcamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. сахад̇хаммигаваг̇г̇о • 8. Sahadhammikavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. д̇аласад̇д̇игасигкаабад̣̇аван̣н̣анаа • 5. Talasattikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. д̇аласад̇д̇игасигкаабад̣̇аван̣н̣анаа • 5. Talasattikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. д̇аласад̇д̇игасигкаабад̣̇аван̣н̣анаа • 5. Talasattikasikkhāpadavaṇṇanā
