| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૫. તલસત્તિકસિક્ખાપદવણ્ણના
5. Talasattikasikkhāpadavaṇṇanā
૪૫૪. પઞ્ચમે – તલસત્તિકં ઉગ્ગિરન્તીતિ પહારદાનાકારં દસ્સેત્વા કાયમ્પિ કાયપટિબદ્ધમ્પિ ઉચ્ચારેન્તિ. તે પહારસમુચ્ચિતા રોદન્તીતિ તે પહારપરિચિતા પુબ્બેપિ લદ્ધપહારત્તા ઇદાનિ ચ પહારં દસ્સન્તીતિ મઞ્ઞમાના રોદન્તીતિ અત્થો. ‘‘પહારસ્સ મુચ્ચિતા’’તિપિ સજ્ઝાયન્તિ, તત્થ ‘‘પહારસ્સ ભીતા’’તિ અત્થો.
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
૪૫૭. ઉગ્ગિરતિ આપત્તિ પાચિત્તિયસ્સાતિ એત્થ સચે ઉગ્ગિરિત્વા વિરદ્ધો પહારં દેતિ, અવસ્સં ધારેતું અસક્કોન્તસ્સ પહારો સહસા પતતિ, ન પહરિતુકામતાય દિન્નત્તા દુક્કટં. તેન પહારેન હત્થાદીસુ યંકિઞ્ચિ ભિજ્જતિ, દુક્કટમેવ.
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
૪૫૮. મોક્ખાધિપ્પાયો તલસત્તિકં ઉગ્ગિરતીતિ એત્થ પુબ્બે વુત્તેસુ વત્થૂસુ પુરિમનયેનેવ તલસત્તિકં ઉગ્ગિરન્તસ્સ અનાપત્તિ. સચેપિ વિરજ્ઝિત્વા પહારં દેતિ, અનાપત્તિયેવ. સેસં પુરિમસદિસમેવ સદ્ધિં સમુટ્ઠાનાદીહીતિ.
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
તલસત્તિકસિક્ખાપદં પઞ્ચમં.
Talasattikasikkhāpadaṃ pañcamaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૮. સહધમ્મિકવગ્ગો • 8. Sahadhammikavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૫. તલસત્તિકસિક્ખાપદવણ્ણના • 5. Talasattikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૫. તલસત્તિકસિક્ખાપદવણ્ણના • 5. Talasattikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૫. તલસત્તિકસિક્ખાપદં • 5. Talasattikasikkhāpadaṃ
