Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    5. д̇ан̣д̣уланаал̣иж̇аад̇агаван̣н̣анаа

    5. Taṇḍulanāḷijātakavaṇṇanā

    гимаг̇гхад̇и д̇ан̣д̣уланаал̣игаад̇и ид̣̇ам̣ сад̇т̇аа ж̇зд̇аванз вихаранд̇о лаалуд̣̇ааяид̇т̇зрам̣ аараб̣бха гат̇зси. д̇асмим̣ самаяз ааяасмаа д̣̇аб̣б̣о маллабуд̇д̇о сан̇гхасса бхад̇д̇уд̣̇д̣̇зсаго ход̇и. д̇асмим̣ баад̇ова салаагабхад̇д̇аани уд̣̇д̣̇исамаанз лаалуд̣̇ааяид̇т̇зрасса гад̣̇аажи варабхад̇д̇ам̣ баабун̣аад̇и, гад̣̇аажи лаамагабхад̇д̇ам̣. со лаамагабхад̇д̇асса бад̇д̇ад̣̇ивасз салаагаг̇г̇ам̣ аагулам̣ гарод̇и, ‘‘гим̣ д̣̇аб̣б̣ова салаагам̣ д̣̇аад̇ум̣ ж̇аанаад̇и, амхз на ж̇аанаамаа’’д̇и вад̣̇ад̇и. д̇асмим̣ салаагаг̇г̇ам̣ аагулам̣ гаронд̇з ‘‘ханд̣̇а д̣̇аани д̇вамзва салаагам̣ д̣̇зхий’’д̇и салаагабажчим̣ ад̣̇ам̣су. д̇ад̇о бадтааяа со сан̇гхасса салаагам̣ ад̣̇ааси. д̣̇знд̇о жа бана ‘‘ид̣̇ам̣ варабхад̇д̇а’’нд̇и ваа ‘‘лаамагабхад̇д̇а’’нд̇и ваа ‘‘асугавассаг̇г̇з варабхад̇д̇а’’нд̇и ваа ‘‘асугавассаг̇г̇з лаамагабхад̇д̇а’’нд̇и ваа на ж̇аанаад̇и, тид̇игам̣ гаронд̇оби ‘‘асугавассаг̇г̇з тид̇игаа’’д̇и на саллагкзд̇и. бхигкуунам̣ тид̇авзлааяа ‘‘имасмим̣ таанз аяам̣ тид̇игаа тид̇аа, имасмим̣ таанз аяа’’нд̇и бхуумияам̣ ваа бхид̇д̇ияам̣ ваа лзкам̣ гад̣дхад̇и. бунад̣̇ивасз салаагаг̇г̇з бхигкуу манд̣̇ад̇араа ваа хонд̇и б̣ахуд̇араа ваа, д̇зсу манд̣̇ад̇арзсу лзкаа хздтаа ход̇и, б̣ахуд̇арзсу убари. со тид̇игам̣ аж̇аананд̇о лзкаасан̃н̃ааяа салаагам̣ д̣̇зд̇и.

    Kimagghati taṇḍulanāḷikāti idaṃ satthā jetavane viharanto lāludāyittheraṃ ārabbha kathesi. Tasmiṃ samaye āyasmā dabbo mallaputto saṅghassa bhattuddesako hoti. Tasmiṃ pātova salākabhattāni uddisamāne lāludāyittherassa kadāci varabhattaṃ pāpuṇāti, kadāci lāmakabhattaṃ. So lāmakabhattassa pattadivase salākaggaṃ ākulaṃ karoti, ‘‘kiṃ dabbova salākaṃ dātuṃ jānāti, amhe na jānāmā’’ti vadati. Tasmiṃ salākaggaṃ ākulaṃ karonte ‘‘handa dāni tvameva salākaṃ dehī’’ti salākapacchiṃ adaṃsu. Tato paṭṭhāya so saṅghassa salākaṃ adāsi. Dento ca pana ‘‘idaṃ varabhatta’’nti vā ‘‘lāmakabhatta’’nti vā ‘‘asukavassagge varabhatta’’nti vā ‘‘asukavassagge lāmakabhatta’’nti vā na jānāti, ṭhitikaṃ karontopi ‘‘asukavassagge ṭhitikā’’ti na sallakkheti. Bhikkhūnaṃ ṭhitavelāya ‘‘imasmiṃ ṭhāne ayaṃ ṭhitikā ṭhitā, imasmiṃ ṭhāne aya’’nti bhūmiyaṃ vā bhittiyaṃ vā lekhaṃ kaḍḍhati. Punadivase salākagge bhikkhū mandatarā vā honti bahutarā vā, tesu mandataresu lekhā heṭṭhā hoti, bahutaresu upari. So ṭhitikaṃ ajānanto lekhāsaññāya salākaṃ deti.

    ат̇а нам̣ бхигкуу ‘‘аавусо, уд̣̇ааяи, лзкаа наама хздтаа ваа ход̇и убари ваа, варабхад̇д̇ам̣ бана асугавассаг̇г̇з тид̇ам̣, лаамагабхад̇д̇ам̣ асугавассаг̇г̇з’’д̇и аахам̣су. со бхигкуу бадибпаранд̇о ‘‘яад̣̇и звам̣ аяам̣ лзкаа гасмаа звам̣ тид̇аа, гим̣ ахам̣ д̇умхаагам̣ сад̣̇д̣̇ахаами, имиссаа лзкааяа сад̣̇д̣̇ахаамий’’д̇и вад̣̇ад̇и. ат̇а нам̣ д̣̇ахараа жа сааман̣зраа жа ‘‘аавусо лаалуд̣̇ааяи д̇аяи салаагам̣ д̣̇знд̇з бхигкуу лаабхзна барихааяанд̇и, на д̇вам̣ д̣̇аад̇ум̣ анужчавиго, г̇ажча ид̇о’’д̇и салаагаг̇г̇ад̇о ниггад̣дхим̣су. д̇асмим̣ кан̣з салаагаг̇г̇з маханд̇ам̣ голаахалам̣ ахоси. д̇ам̣ суд̇ваа сад̇т̇аа аананд̣̇ад̇т̇зрам̣ бужчи ‘‘аананд̣̇а, салаагаг̇г̇з маханд̇ам̣ голаахалам̣, гим̣ сад̣̇д̣̇о наамзсо’’д̇и. т̇зро д̇ат̇ааг̇ад̇асса д̇амад̇т̇ам̣ аарожзси. ‘‘аананд̣̇а, на ид̣̇аанзва лаалуд̣̇ааяи ад̇д̇ано б̣аалад̇ааяа барзсам̣ лаабхахааним̣ гарод̇и, буб̣б̣зби агаасиязваа’’д̇и ааха. т̇зро д̇ассад̇т̇асса аавибхаавад̇т̇ам̣ бхаг̇аванд̇ам̣ яаажи. бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.

    Atha naṃ bhikkhū ‘‘āvuso, udāyi, lekhā nāma heṭṭhā vā hoti upari vā, varabhattaṃ pana asukavassagge ṭhitaṃ, lāmakabhattaṃ asukavassagge’’ti āhaṃsu. So bhikkhū paṭippharanto ‘‘yadi evaṃ ayaṃ lekhā kasmā evaṃ ṭhitā, kiṃ ahaṃ tumhākaṃ saddahāmi, imissā lekhāya saddahāmī’’ti vadati. Atha naṃ daharā ca sāmaṇerā ca ‘‘āvuso lāludāyi tayi salākaṃ dente bhikkhū lābhena parihāyanti, na tvaṃ dātuṃ anucchaviko, gaccha ito’’ti salākaggato nikkaḍḍhiṃsu. Tasmiṃ khaṇe salākagge mahantaṃ kolāhalaṃ ahosi. Taṃ sutvā satthā ānandattheraṃ pucchi ‘‘ānanda, salākagge mahantaṃ kolāhalaṃ, kiṃ saddo nāmeso’’ti. Thero tathāgatassa tamatthaṃ ārocesi. ‘‘Ānanda, na idāneva lāludāyi attano bālatāya paresaṃ lābhahāniṃ karoti, pubbepi akāsiyevā’’ti āha. Thero tassatthassa āvibhāvatthaṃ bhagavantaṃ yāci. Bhagavā bhavantarena paṭicchannaṃ kāraṇaṃ pākaṭaṃ akāsi.

    ад̇ийд̇з гаасирадтз б̣аараан̣асияам̣ б̣рахмад̣̇ад̇д̇о рааж̇аа ахоси. д̇ад̣̇аа амхаагам̣ б̣од̇хисад̇д̇о д̇асса аг̇гхаабаниго ахоси. хад̇т̇иассаад̣̇ийни жзва ман̣исуван̣н̣аад̣̇ийни жа аг̇гхаабзси, аг̇гхаабзд̇ваа бхан̣д̣асаамигаанам̣ бхан̣д̣аануруубамзва муулам̣ д̣̇аабзси. рааж̇аа бана луд̣̇д̇хо ход̇и, со лобхабагад̇ид̇ааяа звам̣ жинд̇зси ‘‘аяам̣ аг̇гхаабаниго звам̣ аг̇гхаабзнд̇о на жирассзва мама г̇зхз д̇ханам̣ баригкаяам̣ г̇амзссад̇и, ан̃н̃ам̣ аг̇гхаабанигам̣ гариссаамий’’д̇и. со сийхабан̃ж̇арам̣ уг̇гхаадзд̇ваа рааж̇ан̇г̇ан̣ам̣ ологзнд̇о згам̣ г̇аамигамануссам̣ лолаб̣аалам̣ рааж̇ан̇г̇ан̣зна г̇ажчанд̇ам̣ д̣̇исваа ‘‘зса маяхам̣ аг̇гхаабанигагаммам̣ гаад̇ум̣ сагкиссад̇ий’’д̇и д̇ам̣ баггосаабзд̇ваа ‘‘сагкиссаси, бхан̣з, амхаагам̣ аг̇гхаабанигагаммам̣ гаад̇у’’нд̇и ааха. сагкиссаами, д̣̇зваад̇и. рааж̇аа ад̇д̇ано д̇ханарагкан̣ад̇т̇ааяа д̇ам̣ б̣аалам̣ аг̇гхаабанигагаммз табзси. д̇ад̇о бадтааяа со б̣аало хад̇т̇иассаад̣̇ийни аг̇гхаабзнд̇о аг̇гхам̣ хаабзд̇ваа яат̇ааружияаа гат̇зд̇и. д̇асса таананд̇арз тид̇ад̇д̇аа яам̣ со гат̇зд̇и, д̇амзва муулам̣ ход̇и.

    Atīte kāsiraṭṭhe bārāṇasiyaṃ brahmadatto rājā ahosi. Tadā amhākaṃ bodhisatto tassa agghāpaniko ahosi. Hatthiassādīni ceva maṇisuvaṇṇādīni ca agghāpesi, agghāpetvā bhaṇḍasāmikānaṃ bhaṇḍānurūpameva mūlaṃ dāpesi. Rājā pana luddho hoti, so lobhapakatitāya evaṃ cintesi ‘‘ayaṃ agghāpaniko evaṃ agghāpento na cirasseva mama gehe dhanaṃ parikkhayaṃ gamessati, aññaṃ agghāpanikaṃ karissāmī’’ti. So sīhapañjaraṃ ugghāṭetvā rājaṅgaṇaṃ olokento ekaṃ gāmikamanussaṃ lolabālaṃ rājaṅgaṇena gacchantaṃ disvā ‘‘esa mayhaṃ agghāpanikakammaṃ kātuṃ sakkhissatī’’ti taṃ pakkosāpetvā ‘‘sakkhissasi, bhaṇe, amhākaṃ agghāpanikakammaṃ kātu’’nti āha. Sakkhissāmi, devāti. Rājā attano dhanarakkhaṇatthāya taṃ bālaṃ agghāpanikakamme ṭhapesi. Tato paṭṭhāya so bālo hatthiassādīni agghāpento agghaṃ hāpetvā yathāruciyā katheti. Tassa ṭhānantare ṭhitattā yaṃ so katheti, tameva mūlaṃ hoti.

    д̇асмим̣ гаалз уд̇д̇араабат̇ад̇о зго ассаваан̣иж̇о бан̃жа ассасад̇аани аанзси. рааж̇аа д̇ам̣ бурисам̣ баггосаабзд̇ваа ассз аг̇гхаабзси. со бан̃жаннам̣ ассасад̇аанам̣ згам̣ д̇ан̣д̣уланаал̣игам̣ аг̇гхамагааси. гад̇ваа жа бана ‘‘ассаваан̣иж̇асса згам̣ д̇ан̣д̣уланаал̣игам̣ д̣̇зт̇аа’’д̇и вад̇ваа ассз ассасаалааяам̣ сан̣таабзси. ассаваан̣иж̇о бораан̣ааг̇гхаабанигасса санд̇игам̣ г̇анд̇ваа д̇ам̣ бавад̇д̇им̣ аарожзд̇ваа ‘‘ид̣̇аани гим̣ гад̇д̇аб̣б̣а’’нд̇и бужчи. со ааха ‘‘д̇асса бурисасса лан̃ж̇ам̣ д̣̇ад̇ваа звам̣ бужчат̇а ‘амхаагам̣ д̇аава ассаа згам̣ д̇ан̣д̣уланаал̣игам̣ аг̇гханд̇ийд̇и н̃аад̇амзд̇ам̣, д̇умхз бана ниссааяа д̇ан̣д̣уланаал̣ияаа аг̇гхам̣ ж̇аанид̇угаамамхаа, сагкиссат̇а но ран̃н̃о санд̇игз тад̇ваа саа д̇ан̣д̣уланаал̣игаа ид̣̇ам̣ наама аг̇гхад̇ийд̇и вад̇д̇у’нд̇и, сажз саггомийд̇и вад̣̇ад̇и, д̇ам̣ г̇ахзд̇ваа ран̃н̃о санд̇игам̣ г̇ажчат̇а, ахамби д̇ад̇т̇а ааг̇амиссаамий’’д̇и.

    Tasmiṃ kāle uttarāpathato eko assavāṇijo pañca assasatāni ānesi. Rājā taṃ purisaṃ pakkosāpetvā asse agghāpesi. So pañcannaṃ assasatānaṃ ekaṃ taṇḍulanāḷikaṃ agghamakāsi. Katvā ca pana ‘‘assavāṇijassa ekaṃ taṇḍulanāḷikaṃ dethā’’ti vatvā asse assasālāyaṃ saṇṭhāpesi. Assavāṇijo porāṇaagghāpanikassa santikaṃ gantvā taṃ pavattiṃ ārocetvā ‘‘idāni kiṃ kattabba’’nti pucchi. So āha ‘‘tassa purisassa lañjaṃ datvā evaṃ pucchatha ‘amhākaṃ tāva assā ekaṃ taṇḍulanāḷikaṃ agghantīti ñātametaṃ, tumhe pana nissāya taṇḍulanāḷiyā agghaṃ jānitukāmamhā, sakkhissatha no rañño santike ṭhatvā sā taṇḍulanāḷikā idaṃ nāma agghatīti vattu’nti, sace sakkomīti vadati, taṃ gahetvā rañño santikaṃ gacchatha, ahampi tattha āgamissāmī’’ti.

    ассаваан̣иж̇о ‘‘саад̇хуу’’д̇и б̣од̇хисад̇д̇асса важанам̣ самбадижчид̇ваа аг̇гхаабанигасса лан̃ж̇ам̣ д̣̇ад̇ваа д̇амад̇т̇ам̣ аарожзси. со лан̃ж̇ам̣ лабхид̇ваава ‘‘сагкиссаами д̇ан̣д̣уланаал̣им̣ аг̇гхаабзд̇у’’нд̇и. ‘‘д̇зна хи г̇ажчаама рааж̇агула’’нд̇и д̇ам̣ аад̣̇ааяа ран̃н̃о санд̇игам̣ аг̇амааси. б̣од̇хисад̇д̇оби ан̃н̃зби б̣ахуу амажжаа аг̇амим̣су. ассаваан̣иж̇о рааж̇аанам̣ ванд̣̇ид̇ваа ааха – ‘‘д̣̇зва, бан̃жаннам̣ ассасад̇аанам̣ згам̣ д̇ан̣д̣уланаал̣им̣ аг̇гханагабхаавам̣ ж̇аанаама, саа бана д̇ан̣д̣уланаал̣и гим̣ аг̇гхад̇ийд̇и аг̇гхаабанигам̣ бужчат̇а д̣̇зваа’’д̇и. рааж̇аа д̇ам̣ бавад̇д̇им̣ аж̇аананд̇о ‘‘амбхо аг̇гхаабанига, бан̃жа ассасад̇аани гим̣ аг̇гханд̇ий’’д̇и бужчи. д̇ан̣д̣уланаал̣им̣, д̣̇зваад̇и. ‘‘ход̇у, бхан̣з, ассаа д̇аава д̇ан̣д̣уланаал̣им̣ аг̇гханд̇у. саа бана гим̣ аг̇гхад̇и д̇ан̣д̣уланаал̣игаа’’д̇и бужчи. со б̣аалабурисо ‘‘б̣аараан̣асим̣ санд̇араб̣аахирам̣ аг̇гхад̇и д̇ан̣д̣уланаал̣игаа’’д̇и ааха. со гира буб̣б̣з рааж̇аанам̣ анувад̇д̇анд̇о згам̣ д̇ан̣д̣уланаал̣им̣ ассаанам̣ аг̇гхамагааси. буна ваан̣иж̇асса хад̇т̇ад̇о лан̃ж̇ам̣ лабхид̇ваа д̇ассаа д̇ан̣д̣уланаал̣игааяа б̣аараан̣асим̣ санд̇араб̣аахирам̣ аг̇гхамагааси. д̇ад̣̇аа бана б̣аараан̣асияаа баагаарабаригкзбо д̣̇ваад̣̇асаяож̇аниго ход̇и. ид̣̇амасса анд̇арам̣, б̣аахирам̣ бана д̇ияож̇анасад̇игам̣ радтам̣. ид̇и со б̣аало звам̣ маханд̇ам̣ б̣аараан̣асим̣ санд̇араб̣аахирам̣ д̇ан̣д̣уланаал̣игааяа аг̇гхамагааси.

    Assavāṇijo ‘‘sādhū’’ti bodhisattassa vacanaṃ sampaṭicchitvā agghāpanikassa lañjaṃ datvā tamatthaṃ ārocesi. So lañjaṃ labhitvāva ‘‘sakkhissāmi taṇḍulanāḷiṃ agghāpetu’’nti. ‘‘Tena hi gacchāma rājakula’’nti taṃ ādāya rañño santikaṃ agamāsi. Bodhisattopi aññepi bahū amaccā agamiṃsu. Assavāṇijo rājānaṃ vanditvā āha – ‘‘deva, pañcannaṃ assasatānaṃ ekaṃ taṇḍulanāḷiṃ agghanakabhāvaṃ jānāma, sā pana taṇḍulanāḷi kiṃ agghatīti agghāpanikaṃ pucchatha devā’’ti. Rājā taṃ pavattiṃ ajānanto ‘‘ambho agghāpanika, pañca assasatāni kiṃ agghantī’’ti pucchi. Taṇḍulanāḷiṃ, devāti. ‘‘Hotu, bhaṇe, assā tāva taṇḍulanāḷiṃ agghantu. Sā pana kiṃ agghati taṇḍulanāḷikā’’ti pucchi. So bālapuriso ‘‘bārāṇasiṃ santarabāhiraṃ agghati taṇḍulanāḷikā’’ti āha. So kira pubbe rājānaṃ anuvattanto ekaṃ taṇḍulanāḷiṃ assānaṃ agghamakāsi. Puna vāṇijassa hatthato lañjaṃ labhitvā tassā taṇḍulanāḷikāya bārāṇasiṃ santarabāhiraṃ agghamakāsi. Tadā pana bārāṇasiyā pākāraparikkhepo dvādasayojaniko hoti. Idamassa antaraṃ, bāhiraṃ pana tiyojanasatikaṃ raṭṭhaṃ. Iti so bālo evaṃ mahantaṃ bārāṇasiṃ santarabāhiraṃ taṇḍulanāḷikāya agghamakāsi.

    д̇ам̣ суд̇ваа амажжаа баан̣им̣ бахарид̇ваа хасамаанаа ‘‘маяам̣ буб̣б̣з бат̇авин̃жа раж̇ж̇ан̃жа анаг̇гханд̇и сан̃н̃ино ахумха, звам̣ маханд̇ам̣ гира сарааж̇агам̣ б̣аараан̣асираж̇ж̇ам̣ д̇ан̣д̣уланаал̣имад̇д̇ам̣ аг̇гхад̇и, ахо аг̇гхаабанигасса н̃аан̣асамбад̣̇аа. гахам̣ зд̇д̇агам̣ гаалам̣ аяам̣ аг̇гхаабаниго вихааси, амхаагам̣ ран̃н̃о зва анужчавиго’’д̇и барихаасам̣ агам̣су –

    Taṃ sutvā amaccā pāṇiṃ paharitvā hasamānā ‘‘mayaṃ pubbe pathaviñca rajjañca anagghanti saññino ahumha, evaṃ mahantaṃ kira sarājakaṃ bārāṇasirajjaṃ taṇḍulanāḷimattaṃ agghati, aho agghāpanikassa ñāṇasampadā. Kahaṃ ettakaṃ kālaṃ ayaṃ agghāpaniko vihāsi, amhākaṃ rañño eva anucchaviko’’ti parihāsaṃ akaṃsu –

    5.

    5.

    ‘‘гимаг̇гхад̇и д̇ан̣д̣уланаал̣игааяам̣, ассаана муулааяа вад̣̇зхи рааж̇а;

    ‘‘Kimagghati taṇḍulanāḷikāyaṃ, assāna mūlāya vadehi rāja;

    б̣аараан̣асим̣ санд̇араб̣аахирам̣, аяамаг̇гхад̇и д̇ан̣д̣уланаал̣игаа’’д̇и.

    Bārāṇasiṃ santarabāhiraṃ, ayamagghati taṇḍulanāḷikā’’ti.

    д̇асмим̣ гаалз рааж̇аа лаж̇ж̇ид̇о д̇ам̣ б̣аалам̣ ниггад̣дхаабзд̇ваа б̣од̇хисад̇д̇ассзва аг̇гхаабанигадтаанам̣ ад̣̇ааси. б̣од̇хисад̇д̇оби яат̇аагаммам̣ г̇ад̇о.

    Tasmiṃ kāle rājā lajjito taṃ bālaṃ nikkaḍḍhāpetvā bodhisattasseva agghāpanikaṭṭhānaṃ adāsi. Bodhisattopi yathākammaṃ gato.

    сад̇т̇аа имам̣ д̇хаммад̣̇зсанам̣ аахарид̇ваа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа г̇аамигаб̣аалааг̇гхаабаниго лаалуд̣̇ааяий ахоси, бан̣д̣ид̇ааг̇гхаабаниго бана ахамзва ахоси’’нд̇и д̣̇зсанам̣ нидтаабзси.

    Satthā imaṃ dhammadesanaṃ āharitvā dve vatthūni kathetvā anusandhiṃ ghaṭetvā jātakaṃ samodhānesi ‘‘tadā gāmikabālaagghāpaniko lāludāyī ahosi, paṇḍitaagghāpaniko pana ahameva ahosi’’nti desanaṃ niṭṭhāpesi.

    д̇ан̣д̣уланаал̣иж̇аад̇агаван̣н̣анаа бан̃жамаа.

    Taṇḍulanāḷijātakavaṇṇanā pañcamā.







    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 5. д̇ан̣д̣уланаал̣иж̇аад̇агам̣ • 5. Taṇḍulanāḷijātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact