| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. တဏ္ဟက္ခယသုတ္တံ
7. Taṇhakkhayasuttaṃ
၉၀၅. သာဝတ္ထိနိဒာနံ ။ တတ္ရ ခော အာယသ္မာ အနုရုဒ္ဓော ဘိက္ခူ အာမန္တေသိ – ‘‘အာဝုသော ဘိက္ခဝော’’တိ။ ‘‘အာဝုသော’’တိ ခော တေ ဘိက္ခူ အာယသ္မတော အနုရုဒ္ဓသ္သ ပစ္စသ္သောသုံ။ အာယသ္မာ အနုရုဒ္ဓော ဧတဒဝောစ –
905. Sāvatthinidānaṃ . Tatra kho āyasmā anuruddho bhikkhū āmantesi – ‘‘āvuso bhikkhavo’’ti. ‘‘Āvuso’’ti kho te bhikkhū āyasmato anuruddhassa paccassosuṃ. Āyasmā anuruddho etadavoca –
‘‘စတ္တာရောမေ , အာဝုသော, သတိပဋ္ဌာနာ ဘာဝိတာ ဗဟုလီကတာ တဏ္ဟက္ခယာယ သံဝတ္တန္တိ။ ကတမေ စတ္တာရော? ဣဓာဝုသော, ဘိက္ခု ကာယေ ကာယာနုပသ္သီ ဝိဟရတိ။ပေ.။ ဝေဒနာသု။ပေ.။ စိတ္တေ။ပေ.။ ဓမ္မေသု ဓမ္မာနုပသ္သီ ဝိဟရတိ အာတာပီ သမ္ပဇာနော သတိမာ, ဝိနေယ္ယ လောကေ အဘိဇ္ဈာဒောမနသ္သံ – ဣမေ ခော, အာဝုသော, စတ္တာရော သတိပဋ္ဌာနာ ဘာဝိတာ ဗဟုလီကတာ တဏ္ဟက္ခယာယ သံဝတ္တန္တီ’’တိ။ သတ္တမံ။
‘‘Cattārome , āvuso, satipaṭṭhānā bhāvitā bahulīkatā taṇhakkhayāya saṃvattanti. Katame cattāro? Idhāvuso, bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ – ime kho, āvuso, cattāro satipaṭṭhānā bhāvitā bahulīkatā taṇhakkhayāya saṃvattantī’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၇. ပဌမကဏ္ဍကီသုတ္တာဒိဝဏ္ဏနာ • 4-7. Paṭhamakaṇḍakīsuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၇. ပဌမကဏ္ဍကီသုတ္တာဒိဝဏ္ဏနာ • 4-7. Paṭhamakaṇḍakīsuttādivaṇṇanā
