| Library / Tipiṭaka / తిపిటక • Tipiṭaka / అఙ్గుత్తరనికాయ (టీకా) • Aṅguttaranikāya (ṭīkā) |
౩. తపనీయసుత్తవణ్ణనా
3. Tapanīyasuttavaṇṇanā
౩. తతియే తపనీయాతి ఏత్థ కత్తుఅత్థే అనీయ-సద్దోతి ఆహ ‘‘తపన్తీతి తపనీయా’’తి. తపన్తీతి విబాధేన్తి, విహేఠేన్తీతి అత్థో. తపనం వా దుక్ఖం, దిట్ఠే చేవ ధమ్మే అభిసమ్పరాయఞ్చ తస్స ఉప్పాదనేన చేవ అనుబలప్పదానేన చ హితాతి తపనీయా. అథ వా తపన్తి తేనాతి తపనం, అనుతాపో, విప్పటిసారోతి అత్థో. తస్స హేతుభావతో హితాతి తపనీయా. అనుసోచతీతి విప్పటిసారీ హుత్వా కతాకతం అనుగమ్మ సోచతి. సోచనఞ్హి కతత్తా చ హోతి అకతత్తా చ. తథా చేవ పాళియం విభత్తం. నన్దయక్ఖాదీనం వత్థూని పాకటానీతి తాని అదస్సేత్వా ద్వేభాతికవత్థుం దస్సేన్తో ‘‘తే కిరా’’తి ఆదిమాహ. తత్థ తేతి ద్వే భాతరో. పున కిం మగ్గసీతి పున కిం ఇచ్ఛసి.
3. Tatiye tapanīyāti ettha kattuatthe anīya-saddoti āha ‘‘tapantīti tapanīyā’’ti. Tapantīti vibādhenti, viheṭhentīti attho. Tapanaṃ vā dukkhaṃ, diṭṭhe ceva dhamme abhisamparāyañca tassa uppādanena ceva anubalappadānena ca hitāti tapanīyā. Atha vā tapanti tenāti tapanaṃ, anutāpo, vippaṭisāroti attho. Tassa hetubhāvato hitāti tapanīyā. Anusocatīti vippaṭisārī hutvā katākataṃ anugamma socati. Socanañhi katattā ca hoti akatattā ca. Tathā ceva pāḷiyaṃ vibhattaṃ. Nandayakkhādīnaṃ vatthūni pākaṭānīti tāni adassetvā dvebhātikavatthuṃ dassento ‘‘te kirā’’ti ādimāha. Tattha teti dve bhātaro. Puna kiṃ maggasīti puna kiṃ icchasi.
తపనీయసుత్తవణ్ణనా నిట్ఠితా.
Tapanīyasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౩. తపనీయసుత్తం • 3. Tapanīyasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౩. తపనీయసుత్తవణ్ణనా • 3. Tapanīyasuttavaṇṇanā
