1. д̇абогаммасуд̇д̇ам̣

1. Tapokammasuttaṃ

137. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘муд̇д̇о вад̇амхи д̇ааяа д̣̇уггарагааригааяа. саад̇ху муд̇д̇о вад̇амхи д̇ааяа анад̇т̇асам̣хид̇ааяа д̣̇уггарагааригааяа. саад̇ху вад̇амхи муд̇д̇о б̣од̇хим̣ самаж̇жхаг̇а’’нд̇и ¹.

137. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘mutto vatamhi tāya dukkarakārikāya. Sādhu mutto vatamhi tāya anatthasaṃhitāya dukkarakārikāya. Sādhu vatamhi mutto bodhiṃ samajjhaga’’nti ².

ат̇а ко мааро баабимаа бхаг̇авад̇о жзд̇асаа жзд̇обаривид̇аггаман̃н̃ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –

Atha kho māro pāpimā bhagavato cetasā cetoparivitakkamaññāya yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –

‘‘д̇абогаммаа абаггамма, язна на суж̇жханд̇и маан̣аваа;

‘‘Tapokammā apakkamma, yena na sujjhanti māṇavā;

асуд̣̇д̇хо ман̃н̃аси суд̣̇д̇хо, суд̣̇д̇химаг̇г̇аа абарад̣̇д̇хо’’ ³ д̇и.

Asuddho maññasi suddho, suddhimaggā aparaddho’’ ⁴ ti.

ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи аж̇жхабхааси –

Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –

‘‘анад̇т̇асам̣хид̇ам̣ н̃ад̇ваа, яам̣ гин̃жи амарам̣ д̇абам̣ ⁵;

‘‘Anatthasaṃhitaṃ ñatvā, yaṃ kiñci amaraṃ tapaṃ ⁶;

саб̣б̣ам̣ над̇т̇аавахам̣ ход̇и, пияаарид̇д̇ам̣ва д̇хаммани ⁷.

Sabbaṃ natthāvahaṃ hoti, phiyārittaṃva dhammani ⁸.

‘‘сийлам̣ самаад̇хи бан̃н̃ан̃жа, маг̇г̇ам̣ б̣од̇хааяа бхааваяам̣;

‘‘Sīlaṃ samādhi paññañca, maggaṃ bodhāya bhāvayaṃ;

бад̇д̇осми барамам̣ суд̣̇д̇хим̣, нихад̇о д̇вамаси анд̇агаа’’д̇и.

Pattosmi paramaṃ suddhiṃ, nihato tvamasi antakā’’ti.

ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и, д̣̇угкий д̣̇уммано д̇ад̇т̇званд̇арад̇хааяийд̇и.

Atha kho māro pāpimā ‘‘jānāti maṃ bhagavā, jānāti maṃ sugato’’ti, dukkhī dummano tatthevantaradhāyīti.

Next: 2. хад̇т̇ирааж̇аван̣н̣асуд̇д̇ам̣ • 2. Hatthirājavaṇṇasuttaṃ

Footnotes:

1. саад̇ху тид̇о сад̇о б̣од̇хим̣ самаж̇жхзг̇анд̇и (сий. бий.), саад̇ху вад̇амхи сад̇д̇о б̣од̇хисамаж̇жхаг̇ууд̇и (сяаа. гам̣.)

2. sādhu ṭhito sato bodhiṃ samajjheganti (sī. pī.), sādhu vatamhi satto bodhisamajjhagūti (syā. kaṃ.)

3. суд̣̇д̇химаг̇г̇амабарад̣̇д̇хо (сий. сяаа. гам̣. бий.)

4. suddhimaggamaparaddho (sī. syā. kaṃ. pī.)

5. абарам̣ д̇абам̣ (га.)

6. aparaṃ tapaṃ (ka.)

7. ваммани (сий.), д̇хамманим̣ (бий.), ж̇амманим̣ (га.) зд̇т̇ааяам̣ д̇хаммасад̣̇д̣̇о саггад̇з д̇ханванам̣-сад̣̇д̣̇зна сад̣̇исо маруваажагод̇и взд̣̇ид̇аб̣б̣о, яат̇аа д̣̇ал̣хад̇хаммаад̇ибад̣̇ам̣

8. vammani (sī.), dhammaniṃ (pī.), jammaniṃ (ka.) etthāyaṃ dhammasaddo sakkate dhanvanaṃ-saddena sadiso maruvācakoti veditabbo, yathā daḷhadhammātipadaṃ

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̇абогаммасуд̇д̇аван̣н̣анаа • 1. Tapokammasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̇абогаммасуд̇д̇аван̣н̣анаа • 1. Tapokammasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact