| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
6. д̇ассабаабияасигаагат̇аа
6. Tassapāpiyasikākathā
207. асужийд̇и зд̇т̇а над̇т̇и сужийни гааяаважийгаммаани зд̇ассаад̇и асужийд̇и важанад̇т̇ам̣ д̣̇ассзнд̇о ааха ‘‘асужийхи гааяаважийгаммзхи саманнааг̇ад̇о’’д̇и . зсзва наяо алаж̇ж̇ийд̇и зд̇т̇ааби. саануваад̣̇од̇и зд̇т̇а ануваад̣̇аубаваад̣̇асад̣̇д̣̇аанам̣ барияааяад̇д̇аа вуд̇д̇ам̣ ‘‘саубаваад̣̇о’’д̇и. ид̇и бан̃жаад̇и имаани бан̃жа ан̇г̇аани. зд̇т̇аад̇и д̇ассабаабияасигагаммз. ид̣̇анд̇и гаммам̣ вужжад̇ийд̇и самб̣анд̇хо. хийд̇и вид̇т̇ааро. яо буг̇г̇ало баабияод̇и яож̇анаа. баабуссаннад̇ааяаад̇и лаамагуссаннад̇ааяа. иминаа аяан̃жа баабо аяан̃жа баабо, аяамимзсам̣ висзсзна баабод̇и баабияод̇и жа баабаанам̣ ад̇исаязна баабод̇и баабияод̇и жа важанад̇т̇о д̣̇ассид̇о. д̇ассаад̇и буг̇г̇аласса. иминаа д̇асса баабияасса гад̇д̇аб̣б̣ам̣ д̇ассабаабияасигам̣, д̇амзва гаммам̣ д̇ассабаабияасигагамманд̇и важанад̇т̇ам̣ д̣̇ассзд̇и. гзсужи бод̇т̇агзсу яагаарз д̣̇взбхааво ад̇т̇и, со аяуд̇д̇оязва. ‘‘язбхуяяасигаа’’д̇и зд̇т̇а яагаарз д̣̇взбхаавасса д̣̇ассанад̇о зд̇т̇ааби д̣̇взбхааво яуд̇д̇о бхавзяяаад̇и ликанд̇ийд̇и д̣̇адтаб̣б̣ам̣.
207.Asucīti ettha natthi sucīni kāyavacīkammāni etassāti asucīti vacanatthaṃ dassento āha ‘‘asucīhi kāyavacīkammehi samannāgato’’ti . Eseva nayo alajjīti etthāpi. Sānuvādoti ettha anuvādaupavādasaddānaṃ pariyāyattā vuttaṃ ‘‘saupavādo’’ti. Iti pañcāti imāni pañca aṅgāni. Etthāti tassapāpiyasikakamme. Idanti kammaṃ vuccatīti sambandho. Hīti vitthāro. Yo puggalo pāpiyoti yojanā. Pāpussannatāyāti lāmakussannatāya. Iminā ayañca pāpo ayañca pāpo, ayamimesaṃ visesena pāpoti pāpiyoti ca pāpānaṃ atisayena pāpoti pāpiyoti ca vacanattho dassito. Tassāti puggalassa. Iminā tassa pāpiyassa kattabbaṃ tassapāpiyasikaṃ, tameva kammaṃ tassapāpiyasikakammanti vacanatthaṃ dasseti. Kesuci potthakesu yakāre dvebhāvo atthi, so ayuttoyeva. ‘‘Yebhuyyasikā’’ti ettha yakāre dvebhāvassa dassanato etthāpi dvebhāvo yutto bhaveyyāti likhantīti daṭṭhabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 6. д̇ассабаабияасигаа • 6. Tassapāpiyasikā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̇ассабаабияасигаагат̇аа • Tassapāpiyasikākathā
