| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૬. તસ્સપાપિયસિકાકથા
6. Tassapāpiyasikākathā
૨૦૭. અસુચીતિ એત્થ નત્થિ સુચીનિ કાયવચીકમ્માનિ એતસ્સાતિ અસુચીતિ વચનત્થં દસ્સેન્તો આહ ‘‘અસુચીહિ કાયવચીકમ્મેહિ સમન્નાગતો’’તિ . એસેવ નયો અલજ્જીતિ એત્થાપિ. સાનુવાદોતિ એત્થ અનુવાદઉપવાદસદ્દાનં પરિયાયત્તા વુત્તં ‘‘સઉપવાદો’’તિ. ઇતિ પઞ્ચાતિ ઇમાનિ પઞ્ચ અઙ્ગાનિ. એત્થાતિ તસ્સપાપિયસિકકમ્મે. ઇદન્તિ કમ્મં વુચ્ચતીતિ સમ્બન્ધો. હીતિ વિત્થારો. યો પુગ્ગલો પાપિયોતિ યોજના. પાપુસ્સન્નતાયાતિ લામકુસ્સન્નતાય. ઇમિના અયઞ્ચ પાપો અયઞ્ચ પાપો, અયમિમેસં વિસેસેન પાપોતિ પાપિયોતિ ચ પાપાનં અતિસયેન પાપોતિ પાપિયોતિ ચ વચનત્થો દસ્સિતો. તસ્સાતિ પુગ્ગલસ્સ. ઇમિના તસ્સ પાપિયસ્સ કત્તબ્બં તસ્સપાપિયસિકં, તમેવ કમ્મં તસ્સપાપિયસિકકમ્મન્તિ વચનત્થં દસ્સેતિ. કેસુચિ પોત્થકેસુ યકારે દ્વેભાવો અત્થિ, સો અયુત્તોયેવ. ‘‘યેભુય્યસિકા’’તિ એત્થ યકારે દ્વેભાવસ્સ દસ્સનતો એત્થાપિ દ્વેભાવો યુત્તો ભવેય્યાતિ લિખન્તીતિ દટ્ઠબ્બં.
207.Asucīti ettha natthi sucīni kāyavacīkammāni etassāti asucīti vacanatthaṃ dassento āha ‘‘asucīhi kāyavacīkammehi samannāgato’’ti . Eseva nayo alajjīti etthāpi. Sānuvādoti ettha anuvādaupavādasaddānaṃ pariyāyattā vuttaṃ ‘‘saupavādo’’ti. Iti pañcāti imāni pañca aṅgāni. Etthāti tassapāpiyasikakamme. Idanti kammaṃ vuccatīti sambandho. Hīti vitthāro. Yo puggalo pāpiyoti yojanā. Pāpussannatāyāti lāmakussannatāya. Iminā ayañca pāpo ayañca pāpo, ayamimesaṃ visesena pāpoti pāpiyoti ca pāpānaṃ atisayena pāpoti pāpiyoti ca vacanattho dassito. Tassāti puggalassa. Iminā tassa pāpiyassa kattabbaṃ tassapāpiyasikaṃ, tameva kammaṃ tassapāpiyasikakammanti vacanatthaṃ dasseti. Kesuci potthakesu yakāre dvebhāvo atthi, so ayuttoyeva. ‘‘Yebhuyyasikā’’ti ettha yakāre dvebhāvassa dassanato etthāpi dvebhāvo yutto bhaveyyāti likhantīti daṭṭhabbaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi / ૬. તસ્સપાપિયસિકા • 6. Tassapāpiyasikā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / ચૂળવગ્ગ-અટ્ઠકથા • Cūḷavagga-aṭṭhakathā / તસ્સપાપિયસિકાકથા • Tassapāpiyasikākathā
