| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
તસ્સપાપિયસિકાવિનયકથા
Tassapāpiyasikāvinayakathā
૨૩૮. પારાજિકસામન્તં નામાતિ પારાજિકસ્સ આસન્નં નામ. અદિન્નાદાનાદીસૂતિ આદિસદ્દેન મનુસ્સવિગ્ગહ ઉત્તરિમનુસ્સધમ્મપારાજિકે સઙ્ગણ્હાતિ. નિબ્બેઠયમાનન્તિ વેઠનરહિતં, તમેનં ભિક્ખુન્તિ સમ્બન્ધો. ઇમિના નિબ્બેઠેન્તન્તિ એત્થ અન્તસદ્દો માનસદ્દપરિયાયોતિ દસ્સેતિ. અતિવેઠેતીતિ એત્થ કેહિ અતિવેઠેતીતિ આહ ‘‘ઇઙ્ઘાયસ્માતિઆદિવચનેહી’’તિ. તેનાતિ ચોદકેન. મન્તિ મમં. આહાતિ ચુદિતકો આહ. એતસ્સાતિ અવજાનનપટિજાનનાદિકારકસ્સ પાપિયસ્સ પુગ્ગલસ્સ. સીલવા ભવિસ્સતીતિ પાપિયો પુગ્ગલો સચે સીલવા ભવિસ્સતિ. પટિપ્પસ્સદ્ધિન્તિ પાપિયભાવતો પટિપ્પસ્સમ્ભનં. નો ચેતિ સીલવા નો ભવિસ્સતિ ચે. તથા નાસિતોતિ તેન તસ્સ પાપિયસિકકમ્મકરણેન નાસં ગતો ભવિસ્સતિ. સબ્બત્થાતિ સબ્બસ્મિં સમથક્ખન્ધકે.
238.Pārājikasāmantaṃnāmāti pārājikassa āsannaṃ nāma. Adinnādānādīsūti ādisaddena manussaviggaha uttarimanussadhammapārājike saṅgaṇhāti. Nibbeṭhayamānanti veṭhanarahitaṃ, tamenaṃ bhikkhunti sambandho. Iminā nibbeṭhentanti ettha antasaddo mānasaddapariyāyoti dasseti. Ativeṭhetīti ettha kehi ativeṭhetīti āha ‘‘iṅghāyasmātiādivacanehī’’ti. Tenāti codakena. Manti mamaṃ. Āhāti cuditako āha. Etassāti avajānanapaṭijānanādikārakassa pāpiyassa puggalassa. Sīlavā bhavissatīti pāpiyo puggalo sace sīlavā bhavissati. Paṭippassaddhinti pāpiyabhāvato paṭippassambhanaṃ. No ceti sīlavā no bhavissati ce. Tathā nāsitoti tena tassa pāpiyasikakammakaraṇena nāsaṃ gato bhavissati. Sabbatthāti sabbasmiṃ samathakkhandhake.
ઇતિ સમથક્ખન્ધકવણ્ણનાય યોજના સમત્તા.
Iti samathakkhandhakavaṇṇanāya yojanā samattā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi / તસ્સપાપિયસિકાવિનયો • Tassapāpiyasikāvinayo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / ચૂળવગ્ગ-અટ્ઠકથા • Cūḷavagga-aṭṭhakathā / તસ્સપાપિયસિકાવિનયકથા • Tassapāpiyasikāvinayakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અધિકરણવૂપસમનસમથકથાવણ્ણના • Adhikaraṇavūpasamanasamathakathāvaṇṇanā
