Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    3. д̇ад̇ияаабхисанд̣̇асуд̇д̇ам̣

    3. Tatiyaabhisandasuttaṃ

    1039. ‘‘жад̇д̇ааромз, бхигкавз, бун̃н̃аабхисанд̣̇аа, гусалаабхисанд̣̇аа, сукассаахаараа. гад̇амз жад̇д̇ааро? ид̇ха, бхигкавз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. аяам̣ батамо бун̃н̃аабхисанд̣̇о, гусалаабхисанд̣̇о, сукассаахааро.

    1039. ‘‘Cattārome, bhikkhave, puññābhisandā, kusalābhisandā, sukhassāhārā. Katame cattāro? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Ayaṃ paṭhamo puññābhisando, kusalābhisando, sukhassāhāro.

    ‘‘буна жабарам̣, бхигкавз, арияасааваго д̇хаммз…бз… сан̇гхз…бз….

    ‘‘Puna caparaṃ, bhikkhave, ariyasāvako dhamme…pe… saṅghe…pe….

    ‘‘буна жабарам̣, бхигкавз, арияасааваго бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. аяам̣ жад̇уд̇т̇о бун̃н̃аабхисанд̣̇о гусалаабхисанд̣̇о сукассаахааро. имз ко, бхигкавз, жад̇д̇ааро бун̃н̃аабхисанд̣̇аа гусалаабхисанд̣̇аа сукассаахаараа.

    ‘‘Puna caparaṃ, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Ayaṃ catuttho puññābhisando kusalābhisando sukhassāhāro. Ime kho, bhikkhave, cattāro puññābhisandā kusalābhisandā sukhassāhārā.

    ‘‘имзхи ко, бхигкавз, жад̇уухи бун̃н̃аабхисанд̣̇зхи гусалаабхисанд̣̇зхи саманнааг̇ад̇асса арияасаавагасса на сугарам̣ бун̃н̃асса бамаан̣ам̣ г̇ан̣зд̇ум̣ – ‘зд̇д̇аго бун̃н̃аабхисанд̣̇о, гусалаабхисанд̣̇о, сукассаахааро’д̇и. ат̇а ко асан̇кязяяо аббамзяяо махаабун̃н̃агканд̇хо д̇взва сан̇кяам̣ г̇ажчад̇ий’’д̇и. ид̣̇амавожа бхаг̇аваа…бз… сад̇т̇аа –

    ‘‘Imehi kho, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchatī’’ti. Idamavoca bhagavā…pe… satthā –

    ‘‘яо бун̃н̃агаамо гусалз бад̇идтид̇о,

    ‘‘Yo puññakāmo kusale patiṭṭhito,

    бхаавзд̇и маг̇г̇ам̣ амад̇асса бад̇д̇ияаа;

    Bhāveti maggaṃ amatassa pattiyā;

    со д̇хаммасаараад̇хиг̇амо каяз рад̇о,

    So dhammasārādhigamo khaye rato,

    на взд̇хад̇и мажжурааж̇ааг̇аманасми’’нд̇и 1. д̇ад̇ияам̣;

    Na vedhati maccurājāgamanasmi’’nti 2. tatiyaṃ;




    Next: 4. батамамахад̣̇д̇ханасуд̇д̇ам̣ • 4. Paṭhamamahaddhanasuttaṃ




    Footnotes:
    1. мажжурааж̇ааг̇амиссад̇ийд̇и (сий. бий.), мажжуж̇араагамбисминд̇и (га.)
    2. maccurājāgamissatīti (sī. pī.), maccujarākampisminti (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̇ад̇ияаабхисанд̣̇асуд̇д̇аван̣н̣анаа • 3. Tatiyaabhisandasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̇ад̇ияаабхисанд̣̇асуд̇д̇аван̣н̣анаа • 3. Tatiyaabhisandasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact