| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੩. ਤਤਿਯਭਾਣવਾਰੋ
3. Tatiyabhāṇavāro
੪੨੩. ਤੇਨ ਖੋ ਪਨ ਸਮਯੇਨ ਉਪਸਮ੍ਪਨ੍ਨਾਯੋ ਦਿਸ੍ਸਨ੍ਤਿ – ਅਨਿਮਿਤ੍ਤਾਪਿ, ਨਿਮਿਤ੍ਤਮਤ੍ਤਾਪਿ, ਅਲੋਹਿਤਾਪਿ, ਧੁવਲੋਹਿਤਾਪਿ, ਧੁવਚੋਲ਼ਾਪਿ, ਪਗ੍ਘਰਨ੍ਤੀਪਿ, ਸਿਖਰਿਣੀਪਿ, ਇਤ੍ਥਿਪਣ੍ਡਕਾਪਿ, વੇਪੁਰਿਸਿਕਾਪਿ, ਸਮ੍ਭਿਨ੍ਨਾਪਿ, ਉਭਤੋਬ੍ਯਞ੍ਜਨਾਪਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਉਪਸਮ੍ਪਾਦੇਨ੍ਤਿਯਾ ਚਤੁવੀਸਤਿ ਅਨ੍ਤਰਾਯਿਕੇ ਧਮ੍ਮੇ ਪੁਚ੍ਛਿਤੁਂ। ਏવਞ੍ਚ ਪਨ , ਭਿਕ੍ਖવੇ, ਪੁਚ੍ਛਿਤਬ੍ਬਾ – ‘ਨਸਿ ਅਨਿਮਿਤ੍ਤਾ, ਨਸਿ ਨਿਮਿਤ੍ਤਮਤ੍ਤਾ, ਨਸਿ ਅਲੋਹਿਤਾ, ਨਸਿ ਧੁવਲੋਹਿਤਾ, ਨਸਿ ਧੁવਚੋਲ਼ਾ, ਨਸਿ ਪਗ੍ਘਰਨ੍ਤੀ, ਨਸਿ ਸਿਖਰਣੀ 1, ਨਸਿ ਇਤ੍ਥਿਪਣ੍ਡਕਾ, ਨਸਿ વੇਪੁਰਿਸਿਕਾ, ਨਸਿ ਸਮ੍ਭਿਨ੍ਨਾ, ਨਸਿ ਉਭਤੋਬ੍ਯਞ੍ਜਨਾ? ਸਨ੍ਤਿ ਤੇ ਏવਰੂਪਾ ਆਬਾਧਾ – ਕੁਟ੍ਠਂ, ਗਣ੍ਡੋ, ਕਿਲਾਸੋ, ਸੋਸੋ, ਅਪਮਾਰੋ? ਮਨੁਸ੍ਸਾਸਿ, ਇਤ੍ਥੀਸਿ, ਭੁਜਿਸ੍ਸਾਸਿ, ਅਣਣਾਸਿ, ਨਸਿ ਰਾਜਭਟੀ? ਅਨੁਞ੍ਞਾਤਾਸਿ ਮਾਤਾਪਿਤੂਹਿ, ਸਾਮਿਕੇਨ? ਪਰਿਪੁਣ੍ਣવੀਸਤਿવਸ੍ਸਾਸਿ, ਪਰਿਪੁਣ੍ਣਂ ਤੇ ਪਤ੍ਤਚੀવਰਂ, ਕਿਨ੍ਨਾਮਾਸਿ, ਕਾਨਾਮਾ ਤੇ ਪવਤ੍ਤਿਨੀ’’ਤਿ?
423. Tena kho pana samayena upasampannāyo dissanti – animittāpi, nimittamattāpi, alohitāpi, dhuvalohitāpi, dhuvacoḷāpi, paggharantīpi, sikhariṇīpi, itthipaṇḍakāpi, vepurisikāpi, sambhinnāpi, ubhatobyañjanāpi. Bhagavato etamatthaṃ ārocesuṃ. ‘‘Anujānāmi, bhikkhave, upasampādentiyā catuvīsati antarāyike dhamme pucchituṃ. Evañca pana , bhikkhave, pucchitabbā – ‘nasi animittā, nasi nimittamattā, nasi alohitā, nasi dhuvalohitā, nasi dhuvacoḷā, nasi paggharantī, nasi sikharaṇī 2, nasi itthipaṇḍakā, nasi vepurisikā, nasi sambhinnā, nasi ubhatobyañjanā? Santi te evarūpā ābādhā – kuṭṭhaṃ, gaṇḍo, kilāso, soso, apamāro? Manussāsi, itthīsi, bhujissāsi, aṇaṇāsi, nasi rājabhaṭī? Anuññātāsi mātāpitūhi, sāmikena? Paripuṇṇavīsativassāsi, paripuṇṇaṃ te pattacīvaraṃ, kinnāmāsi, kānāmā te pavattinī’’ti?
ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਭਿਕ੍ਖੁਨੀਨਂ ਅਨ੍ਤਰਾਯਿਕੇ ਧਮ੍ਮੇ ਪੁਚ੍ਛਨ੍ਤਿ। ਉਪਸਮ੍ਪਦਾਪੇਕ੍ਖਾਯੋ વਿਤ੍ਥਾਯਨ੍ਤਿ, ਮਙ੍ਕੂ ਹੋਨ੍ਤਿ, ਨ ਸਕ੍ਕੋਨ੍ਤਿ વਿਸ੍ਸਜ੍ਜੇਤੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਏਕਤੋਉਪਸਮ੍ਪਨ੍ਨਾਯ ਭਿਕ੍ਖੁਨਿਸਙ੍ਘੇ વਿਸੁਦ੍ਧਾਯ ਭਿਕ੍ਖੁਸਙ੍ਘੇ ਉਪਸਮ੍ਪਾਦੇਤੁ’’ਨ੍ਤਿ।
Tena kho pana samayena bhikkhū bhikkhunīnaṃ antarāyike dhamme pucchanti. Upasampadāpekkhāyo vitthāyanti, maṅkū honti, na sakkonti vissajjetuṃ. Bhagavato etamatthaṃ ārocesuṃ. ‘‘Anujānāmi, bhikkhave, ekatoupasampannāya bhikkhunisaṅghe visuddhāya bhikkhusaṅghe upasampādetu’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਅਨਨੁਸਿਟ੍ਠਾ ਉਪਸਮ੍ਪਦਾਪੇਕ੍ਖਾਯੋ ਅਨ੍ਤਰਾਯਿਕੇ ਧਮ੍ਮੇ ਪੁਚ੍ਛਨ੍ਤਿ। ਉਪਸਮ੍ਪਦਾਪੇਕ੍ਖਾਯੋ વਿਤ੍ਥਾਯਨ੍ਤਿ, ਮਙ੍ਕੂ ਹੋਨ੍ਤਿ, ਨ ਸਕ੍ਕੋਨ੍ਤਿ વਿਸ੍ਸਜ੍ਜੇਤੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਪਠਮਂ ਅਨੁਸਾਸਿਤ੍વਾ ਪਚ੍ਛਾ ਅਨ੍ਤਰਾਯਿਕੇ ਧਮ੍ਮੇ ਪੁਚ੍ਛਿਤੁ’’ਨ੍ਤਿ।
Tena kho pana samayena bhikkhuniyo ananusiṭṭhā upasampadāpekkhāyo antarāyike dhamme pucchanti. Upasampadāpekkhāyo vitthāyanti, maṅkū honti, na sakkonti vissajjetuṃ. Bhagavato etamatthaṃ ārocesuṃ. ‘‘Anujānāmi, bhikkhave, paṭhamaṃ anusāsitvā pacchā antarāyike dhamme pucchitu’’nti.
ਤਤ੍ਥੇવ ਸਙ੍ਘਮਜ੍ਝੇ ਅਨੁਸਾਸਨ੍ਤਿ। ਉਪਸਮ੍ਪਦਾਪੇਕ੍ਖਾਯੋ ਤਥੇવ વਿਤ੍ਥਾਯਨ੍ਤਿ, ਮਙ੍ਕੂ ਹੋਨ੍ਤਿ , ਨ ਸਕ੍ਕੋਨ੍ਤਿ વਿਸ੍ਸਜ੍ਜੇਤੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਏਕਮਨ੍ਤਂ ਅਨੁਸਾਸਿਤ੍વਾ ਸਙ੍ਘਮਜ੍ਝੇ ਅਨ੍ਤਰਾਯਿਕੇ ਧਮ੍ਮੇ ਪੁਚ੍ਛਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਅਨੁਸਾਸਿਤਬ੍ਬਾ।
Tattheva saṅghamajjhe anusāsanti. Upasampadāpekkhāyo tatheva vitthāyanti, maṅkū honti , na sakkonti vissajjetuṃ. Bhagavato etamatthaṃ ārocesuṃ. ‘‘Anujānāmi, bhikkhave, ekamantaṃ anusāsitvā saṅghamajjhe antarāyike dhamme pucchituṃ. Evañca pana, bhikkhave, anusāsitabbā.
੪੨੪. ‘‘ਪਠਮਂ ਉਪਜ੍ਝਂ ਗਾਹਾਪੇਤਬ੍ਬਾ। ਉਪਜ੍ਝਂ ਗਾਹਾਪੇਤ੍વਾ ਪਤ੍ਤਚੀવਰਂ ਆਚਿਕ੍ਖਿਤਬ੍ਬਂ – ‘ਅਯਂ ਤੇ ਪਤ੍ਤੋ, ਅਯਂ ਸਙ੍ਘਾਟਿ, ਅਯਂ ਉਤ੍ਤਰਾਸਙ੍ਗੋ, ਅਯਂ ਅਨ੍ਤਰવਾਸਕੋ, ਇਦਂ ਸਂਕਚ੍ਚਿਕਂ 3, ਅਯਂ ਉਦਕਸਾਟਿਕਾ; ਗਚ੍ਛ ਅਮੁਮ੍ਹਿ ਓਕਾਸੇ ਤਿਟ੍ਠਾਹੀ’’ਤਿ।
424. ‘‘Paṭhamaṃ upajjhaṃ gāhāpetabbā. Upajjhaṃ gāhāpetvā pattacīvaraṃ ācikkhitabbaṃ – ‘ayaṃ te patto, ayaṃ saṅghāṭi, ayaṃ uttarāsaṅgo, ayaṃ antaravāsako, idaṃ saṃkaccikaṃ 4, ayaṃ udakasāṭikā; gaccha amumhi okāse tiṭṭhāhī’’ti.
ਬਾਲਾ ਅਬ੍ਯਤ੍ਤਾ ਅਨੁਸਾਸਨ੍ਤਿ। ਦੁਰਨੁਸਿਟ੍ਠਾ ਉਪਸਮ੍ਪਦਾਪੇਕ੍ਖਾਯੋ વਿਤ੍ਥਾਯਨ੍ਤਿ, ਮਙ੍ਕੂ ਹੋਨ੍ਤਿ, ਨ ਸਕ੍ਕੋਨ੍ਤਿ વਿਸ੍ਸਜ੍ਜੇਤੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਬਾਲਾਯ ਅਬ੍ਯਤ੍ਤਾਯ ਅਨੁਸਾਸਿਤਬ੍ਬਾ। ਯਾ ਅਨੁਸਾਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਅਨੁਸਾਸਿਤੁ’’ਨ੍ਤਿ।
Bālā abyattā anusāsanti. Duranusiṭṭhā upasampadāpekkhāyo vitthāyanti, maṅkū honti, na sakkonti vissajjetuṃ. Bhagavato etamatthaṃ ārocesuṃ. ‘‘Na, bhikkhave, bālāya abyattāya anusāsitabbā. Yā anusāseyya, āpatti dukkaṭassa. Anujānāmi, bhikkhave, byattāya bhikkhuniyā paṭibalāya anusāsitu’’nti.
ਅਸਮ੍ਮਤਾ ਅਨੁਸਾਸਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਅਸਮ੍ਮਤਾਯ ਅਨੁਸਾਸਿਤਬ੍ਬਾ। ਯਾ ਅਨੁਸਾਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਸਮ੍ਮਤਾਯ ਅਨੁਸਾਸਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ – ਅਤ੍ਤਨਾ વਾ ਅਤ੍ਤਾਨਂ ਸਮ੍ਮਨ੍ਨਿਤਬ੍ਬਂ, ਪਰਾਯ વਾ ਪਰਾ ਸਮ੍ਮਨ੍ਨਿਤਬ੍ਬਾ।
Asammatā anusāsanti. Bhagavato etamatthaṃ ārocesuṃ. ‘‘Na, bhikkhave, asammatāya anusāsitabbā. Yā anusāseyya, āpatti dukkaṭassa. Anujānāmi, bhikkhave, sammatāya anusāsituṃ. Evañca pana, bhikkhave, sammannitabbā – attanā vā attānaṃ sammannitabbaṃ, parāya vā parā sammannitabbā.
‘‘ਕਥਞ੍ਚ ਅਤ੍ਤਨਾવ 5 ਅਤ੍ਤਾਨਂ ਸਮ੍ਮਨ੍ਨਿਤਬ੍ਬਂ? ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ – ‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਂ ਅਨੁਸਾਸੇਯ੍ਯ’ਨ੍ਤਿ। ਏવਂ ਅਤ੍ਤਨਾવ ਅਤ੍ਤਾਨਂ ਸਮ੍ਮਨ੍ਨਿਤਬ੍ਬਂ।
‘‘Kathañca attanāva 6 attānaṃ sammannitabbaṃ? Byattāya bhikkhuniyā paṭibalāya saṅgho ñāpetabbo – ‘suṇātu me, ayye, saṅgho. Itthannāmā itthannāmāya ayyāya upasampadāpekkhā. Yadi saṅghassa pattakallaṃ, ahaṃ itthannāmā itthannāmaṃ anusāseyya’nti. Evaṃ attanāva attānaṃ sammannitabbaṃ.
‘‘ਕਥਞ੍ਚ ਪਰਾਯ 7 ਪਰਾ ਸਮ੍ਮਨ੍ਨਿਤਬ੍ਬਾ? ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ – ‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਂ ਅਨੁਸਾਸੇਯ੍ਯਾ’ਤਿ। ਏવਂ ਪਰਾਯ ਪਰਾ ਸਮ੍ਮਨ੍ਨਿਤਬ੍ਬਾ।
‘‘Kathañca parāya 8 parā sammannitabbā? Byattāya bhikkhuniyā paṭibalāya saṅgho ñāpetabbo – ‘suṇātu me, ayye, saṅgho. Itthannāmā itthannāmāya ayyāya upasampadāpekkhā. Yadi saṅghassa pattakallaṃ, itthannāmā itthannāmaṃ anusāseyyā’ti. Evaṃ parāya parā sammannitabbā.
‘‘ਤਾਯ ਸਮ੍ਮਤਾਯ ਭਿਕ੍ਖੁਨਿਯਾ ਉਪਸਮ੍ਪਦਾਪੇਕ੍ਖਂ ਉਪਸਙ੍ਕਮਿਤ੍વਾ ਏવਮਸ੍ਸ વਚਨੀਯਾ – ‘ਸੁਣਸਿ ਇਤ੍ਥਨ੍ਨਾਮੇ। ਅਯਂ ਤੇ ਸਚ੍ਚਕਾਲੋ, ਭੂਤਕਾਲੋ। ਯਂ ਜਾਤਂ ਤਂ ਸਙ੍ਘਮਜ੍ਝੇ ਪੁਚ੍ਛਨ੍ਤੇ ਸਨ੍ਤਂ ਅਤ੍ਥੀਤਿ વਤ੍ਤਬ੍ਬਂ, ਅਸਨ੍ਤਂ ਨਤ੍ਥੀਤਿ વਤ੍ਤਬ੍ਬਂ। ਮਾ ਖੋ વਿਤ੍ਥਾਯਿ 9, ਮਾ ਖੋ ਮਙ੍ਕੁ ਅਹੋਸਿ। ਏવਂ ਤਂ ਪੁਚ੍ਛਿਸ੍ਸਨ੍ਤਿ – ਨਸਿ ਅਨਿਮਿਤ੍ਤਾ, ਨਸਿ ਨਿਮਿਤ੍ਤਮਤ੍ਤਾ, ਨਸਿ ਅਲੋਹਿਤਾ, ਨਸਿ ਧੁવਲੋਹਿਤਾ, ਨਸਿ ਧੁવਚੋਲ਼ਾ, ਨਸਿ ਪਗ੍ਘਰਨ੍ਤੀ, ਨਸਿ ਸਿਖਰਿਣੀ, ਨਸਿ ਇਤ੍ਥਿਪਣ੍ਡਕਾ, ਨਸਿ વੇਪੁਰਿਸਿਕਾ, ਨਸਿ ਸਮ੍ਭਿਨ੍ਨਾ, ਨਸਿ ਉਭਤੋਬ੍ਯਞ੍ਜਨਾ? ਸਨ੍ਤਿ ਤੇ ਏવਰੂਪਾ ਆਬਾਧਾ – ਕੁਟ੍ਠਂ, ਗਣ੍ਡੋ, ਕਿਲਾਸੋ, ਸੋਸੋ, ਅਪਮਾਰੋ? ਮਨੁਸ੍ਸਾਸਿ, ਇਤ੍ਥੀਸਿ, ਭੁਜਿਸ੍ਸਾਸਿ, ਅਣਣਾਸਿ, ਨਸਿ ਰਾਜਭਟੀ? ਅਨੁਞ੍ਞਾਤਾਸਿ ਮਾਤਾਪਿਤੂਹਿ, ਸਾਮਿਕੇਨ? ਪਰਿਪੁਣ੍ਣવੀਸਤਿવਸ੍ਸਾਸਿ, ਪਰਿਪੁਣ੍ਣਂ ਤੇ ਪਤ੍ਤਚੀવਰਂ, ਕਿਨ੍ਨਾਮਾਸਿ, ਕਾਨਾਮਾ ਤੇ ਪવਤ੍ਤਿਨੀ’ਤਿ ?
‘‘Tāya sammatāya bhikkhuniyā upasampadāpekkhaṃ upasaṅkamitvā evamassa vacanīyā – ‘suṇasi itthannāme. Ayaṃ te saccakālo, bhūtakālo. Yaṃ jātaṃ taṃ saṅghamajjhe pucchante santaṃ atthīti vattabbaṃ, asantaṃ natthīti vattabbaṃ. Mā kho vitthāyi 10, mā kho maṅku ahosi. Evaṃ taṃ pucchissanti – nasi animittā, nasi nimittamattā, nasi alohitā, nasi dhuvalohitā, nasi dhuvacoḷā, nasi paggharantī, nasi sikhariṇī, nasi itthipaṇḍakā, nasi vepurisikā, nasi sambhinnā, nasi ubhatobyañjanā? Santi te evarūpā ābādhā – kuṭṭhaṃ, gaṇḍo, kilāso, soso, apamāro? Manussāsi, itthīsi, bhujissāsi, aṇaṇāsi, nasi rājabhaṭī? Anuññātāsi mātāpitūhi, sāmikena? Paripuṇṇavīsativassāsi, paripuṇṇaṃ te pattacīvaraṃ, kinnāmāsi, kānāmā te pavattinī’ti ?
‘‘ਏਕਤੋ ਆਗਚ੍ਛਨ੍ਤਿ। ਨ ਏਕਤੋ ਆਗਨ੍ਤਬ੍ਬਂ। ਅਨੁਸਾਸਿਕਾਯ ਪਠਮਤਰਂ ਆਗਨ੍ਤ੍વਾ ਸਙ੍ਘੋ ਞਾਪੇਤਬ੍ਬੋ – ‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਅਨੁਸਿਟ੍ਠਾ ਸਾ ਮਯਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਇਤ੍ਥਨ੍ਨਾਮਾ ਆਗਚ੍ਛੇਯ੍ਯਾ’ਤਿ। ‘ਆਗਚ੍ਛਾਹੀ’ਤਿ વਤ੍ਤਬ੍ਬਾ।
‘‘Ekato āgacchanti. Na ekato āgantabbaṃ. Anusāsikāya paṭhamataraṃ āgantvā saṅgho ñāpetabbo – ‘suṇātu me, ayye, saṅgho. Itthannāmā itthannāmāya ayyāya upasampadāpekkhā. Anusiṭṭhā sā mayā. Yadi saṅghassa pattakallaṃ, itthannāmā āgaccheyyā’ti. ‘Āgacchāhī’ti vattabbā.
‘‘ਏਕਂਸਂ ਉਤ੍ਤਰਾਸਙ੍ਗਂ ਕਾਰਾਪੇਤ੍વਾ ਭਿਕ੍ਖੁਨੀਨਂ ਪਾਦੇ વਨ੍ਦਾਪੇਤ੍વਾ ਉਕ੍ਕੁਟਿਕਂ ਨਿਸੀਦਾਪੇਤ੍વਾ ਅਞ੍ਜਲਿਂ ਪਗ੍ਗਣ੍ਹਾਪੇਤ੍વਾ ਉਪਸਮ੍ਪਦਂ ਯਾਚਾਪੇਤਬ੍ਬਾ – ‘ਸਙ੍ਘਂ, ਅਯ੍ਯੇ, ਉਪਸਮ੍ਪਦਂ ਯਾਚਾਮਿ। ਉਲ੍ਲੁਮ੍ਪਤੁ ਮਂ, ਅਯ੍ਯੇ, ਸਙ੍ਘੋ ਅਨੁਕਮ੍ਪਂ ਉਪਾਦਾਯ। ਦੁਤਿਯਮ੍ਪਿ, ਅਯ੍ਯੇ, ਸਙ੍ਘਂ ਉਪਸਮ੍ਪਦਂ ਯਾਚਾਮਿ। ਉਲ੍ਲੁਮ੍ਪਤੁ ਮਂ, ਅਯ੍ਯੇ, ਸਙ੍ਘੋ ਅਨੁਕਮ੍ਪਂ ਉਪਾਦਾਯ। ਤਤਿਯਮ੍ਪਿ, ਅਯ੍ਯੇ, ਸਙ੍ਘਂ ਉਪਸਮ੍ਪਦਂ ਯਾਚਾਮਿ। ਉਲ੍ਲੁਮ੍ਪਤੁ ਮਂ, ਅਯ੍ਯੇ, ਸਙ੍ਘੋ ਅਨੁਕਮ੍ਪਂ ਉਪਾਦਾਯਾ’ਤਿ। ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
‘‘Ekaṃsaṃ uttarāsaṅgaṃ kārāpetvā bhikkhunīnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā upasampadaṃ yācāpetabbā – ‘saṅghaṃ, ayye, upasampadaṃ yācāmi. Ullumpatu maṃ, ayye, saṅgho anukampaṃ upādāya. Dutiyampi, ayye, saṅghaṃ upasampadaṃ yācāmi. Ullumpatu maṃ, ayye, saṅgho anukampaṃ upādāya. Tatiyampi, ayye, saṅghaṃ upasampadaṃ yācāmi. Ullumpatu maṃ, ayye, saṅgho anukampaṃ upādāyā’ti. Byattāya bhikkhuniyā paṭibalāya saṅgho ñāpetabbo –
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਇਤ੍ਥਨ੍ਨਾਮਂ ਅਨ੍ਤਰਾਯਿਕੇ ਧਮ੍ਮੇ ਪੁਚ੍ਛੇਯ੍ਯਨ੍ਤਿ।
‘‘Suṇātu me, ayye, saṅgho. Ayaṃ itthannāmā itthannāmāya ayyāya upasampadāpekkhā. Yadi saṅghassa pattakallaṃ, ahaṃ itthannāmaṃ antarāyike dhamme puccheyyanti.
‘‘ਸੁਣਸਿ ਇਤ੍ਥਨ੍ਨਾਮੇ। ਅਯਂ ਤੇ ਸਚ੍ਚਕਾਲੋ, ਭੂਤਕਾਲੋ। ਯਂ ਜਾਤਂ ਤਂ ਪੁਚ੍ਛਾਮਿ ਸਨ੍ਤਂ ਅਤ੍ਥੀਤਿ વਤ੍ਤਬ੍ਬਂ, ਅਸਨ੍ਤਂ ਨਤ੍ਥੀਤਿ વਤ੍ਤਬ੍ਬਂ। ਨਸਿ ਅਨਿਮਿਤ੍ਤਾ…ਪੇ॰… ਕਿਨ੍ਨਾਮਾਸਿ, ਕਾਨਾਮਾ ਤੇ ਪવਤ੍ਤਿਨੀਤਿ। ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
‘‘Suṇasi itthannāme. Ayaṃ te saccakālo, bhūtakālo. Yaṃ jātaṃ taṃ pucchāmi santaṃ atthīti vattabbaṃ, asantaṃ natthīti vattabbaṃ. Nasi animittā…pe… kinnāmāsi, kānāmā te pavattinīti. Byattāya bhikkhuniyā paṭibalāya saṅgho ñāpetabbo –
੪੨੫. ‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਪਰਿਸੁਦ੍ਧਾ ਅਨ੍ਤਰਾਯਿਕੇਹਿ ਧਮ੍ਮੇਹਿ, ਪਰਿਪੁਣ੍ਣਸ੍ਸਾ ਪਤ੍ਤਚੀવਰਂ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਯ੍ਯ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਏਸਾ ਞਤ੍ਤਿ।
425. ‘‘Suṇātu me, ayye, saṅgho. Ayaṃ itthannāmā itthannāmāya ayyāya upasampadāpekkhā. Parisuddhā antarāyikehi dhammehi, paripuṇṇassā pattacīvaraṃ. Itthannāmā saṅghaṃ upasampadaṃ yācati itthannāmāya ayyāya pavattiniyā. Yadi saṅghassa pattakallaṃ, saṅgho itthannāmaṃ upasampādeyya itthannāmāya ayyāya pavattiniyā. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ । ਪਰਿਸੁਦ੍ਧਾ ਅਨ੍ਤਰਾਯਿਕੇਹਿ ਧਮ੍ਮੇਹਿ, ਪਰਿਪੁਣ੍ਣਸ੍ਸਾ ਪਤ੍ਤਚੀવਰਂ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਤਿ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਉਪਸਮ੍ਪਦਾ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Ayaṃ itthannāmā itthannāmāya ayyāya upasampadāpekkhā . Parisuddhā antarāyikehi dhammehi, paripuṇṇassā pattacīvaraṃ. Itthannāmā saṅghaṃ upasampadaṃ yācati itthannāmāya ayyāya pavattiniyā. Saṅgho itthannāmaṃ upasampādeti itthannāmāya ayyāya pavattiniyā. Yassā ayyāya khamati itthannāmāya upasampadā itthannāmāya ayyāya pavattiniyā, sā tuṇhassa; yassā nakkhamati, sā bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਪਰਿਸੁਦ੍ਧਾ ਅਨ੍ਤਰਾਯਿਕੇਹਿ ਧਮ੍ਮੇਹਿ, ਪਰਿਪੁਣ੍ਣਸ੍ਸਾ ਪਤ੍ਤਚੀવਰਂ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਤਿ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਉਪਸਮ੍ਪਦਾ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, ayye, saṅgho. Ayaṃ itthannāmā itthannāmāya ayyāya upasampadāpekkhā. Parisuddhā antarāyikehi dhammehi, paripuṇṇassā pattacīvaraṃ. Itthannāmā saṅghaṃ upasampadaṃ yācati itthannāmāya ayyāya pavattiniyā. Saṅgho itthannāmaṃ upasampādeti itthannāmāya ayyāya pavattiniyā. Yassā ayyāya khamati itthannāmāya upasampadā itthannāmāya ayyāya pavattiniyā, sā tuṇhassa; yassā nakkhamati, sā bhāseyya.
‘‘ਉਪਸਮ੍ਪਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਪવਤ੍ਤਿਨਿਯਾ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀਤਿ।
‘‘Upasampannā saṅghena itthannāmā itthannāmāya ayyāya pavattiniyā. Khamati saṅghassa, tasmā tuṇhī, evametaṃ dhārayāmīti.
‘‘ਤਾવਦੇવ ਤਂ ਆਦਾਯ ਭਿਕ੍ਖੁਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਾਰਾਪੇਤ੍વਾ ਭਿਕ੍ਖੂਨਂ ਪਾਦੇ વਨ੍ਦਾਪੇਤ੍વਾ ਉਕ੍ਕੁਟਿਕਂ ਨਿਸੀਦਾਪੇਤ੍વਾ ਅਞ੍ਜਲਿਂ ਪਗ੍ਗਣ੍ਹਾਪੇਤ੍વਾ ਉਪਸਮ੍ਪਦਂ ਯਾਚਾਪੇਤਬ੍ਬਾ – ‘ਅਹਂ, ਅਯ੍ਯਾ, ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ । ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ; ਸਙ੍ਘਂ, ਅਯ੍ਯਾ, ਉਪਸਮ੍ਪਦਂ ਯਾਚਾਮਿ। ਉਲ੍ਲੁਮ੍ਪਤੁ ਮਂ, ਅਯ੍ਯਾ, ਸਙ੍ਘੋ ਅਨੁਕਮ੍ਪਂ ਉਪਾਦਾਯ। ਅਹਂ, ਅਯ੍ਯਾ, ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਦੁਤਿਯਮ੍ਪਿ, ਅਯ੍ਯਾ, ਸਙ੍ਘਂ ਉਪਸਮ੍ਪਦਂ ਯਾਚਾਮਿ। ਉਲ੍ਲੁਮ੍ਪਤੁ ਮਂ, ਅਯ੍ਯਾ, ਸਙ੍ਘੋ ਅਨੁਕਮ੍ਪਂ ਉਪਾਦਾਯ। ਅਹਂ, ਅਯ੍ਯਾ, ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਤਤਿਯਮ੍ਪਿ, ਅਯ੍ਯਾ, ਸਙ੍ਘਂ ਉਪਸਮ੍ਪਦਂ ਯਾਚਾਮਿ। ਉਲ੍ਲੁਮ੍ਪਤੁ ਮਂ, ਅਯ੍ਯਾ, ਸਙ੍ਘੋ ਅਨੁਕਮ੍ਪਂ ਉਪਾਦਾਯਾ’ਤਿ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
‘‘Tāvadeva taṃ ādāya bhikkhusaṅghaṃ upasaṅkamitvā ekaṃsaṃ uttarāsaṅgaṃ kārāpetvā bhikkhūnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā upasampadaṃ yācāpetabbā – ‘ahaṃ, ayyā, itthannāmā itthannāmāya ayyāya upasampadāpekkhā . Ekatoupasampannā bhikkhunisaṅghe, visuddhā; saṅghaṃ, ayyā, upasampadaṃ yācāmi. Ullumpatu maṃ, ayyā, saṅgho anukampaṃ upādāya. Ahaṃ, ayyā, itthannāmā itthannāmāya ayyāya upasampadāpekkhā. Ekatoupasampannā bhikkhunisaṅghe, visuddhā. Dutiyampi, ayyā, saṅghaṃ upasampadaṃ yācāmi. Ullumpatu maṃ, ayyā, saṅgho anukampaṃ upādāya. Ahaṃ, ayyā, itthannāmā itthannāmāya ayyāya upasampadāpekkhā. Ekatoupasampannā bhikkhunisaṅghe, visuddhā. Tatiyampi, ayyā, saṅghaṃ upasampadaṃ yācāmi. Ullumpatu maṃ, ayyā, saṅgho anukampaṃ upādāyā’ti. Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਯ੍ਯ, ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਏਸਾ ਞਤ੍ਤਿ।
‘‘Suṇātu me, bhante, saṅgho. Ayaṃ itthannāmā itthannāmāya upasampadāpekkhā. Ekatoupasampannā bhikkhunisaṅghe, visuddhā. Itthannāmā saṅghaṃ upasampadaṃ yācati itthannāmāya pavattiniyā. Yadi saṅghassa pattakallaṃ, saṅgho itthannāmaṃ upasampādeyya, itthannāmāya pavattiniyā. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਾਯ ਉਪਸਮ੍ਪਦਾ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ itthannāmā itthannāmāya upasampadāpekkhā. Ekatoupasampannā bhikkhunisaṅghe, visuddhā. Itthannāmā saṅghaṃ upasampadaṃ yācati itthannāmāya pavattiniyā. Saṅgho itthannāmaṃ upasampādeti itthannāmāya pavattiniyā. Yassāyasmato khamati itthannāmāya upasampadā itthannāmāya pavattiniyā, so tuṇhassa; yassa nakkhamati, so bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਾਯ ਉਪਸਮ੍ਪਦਾ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ itthannāmā itthannāmāya upasampadāpekkhā. Ekatoupasampannā bhikkhunisaṅghe, visuddhā. Itthannāmā saṅghaṃ upasampadaṃ yācati itthannāmāya pavattiniyā. Saṅgho itthannāmaṃ upasampādeti itthannāmāya pavattiniyā. Yassāyasmato khamati itthannāmāya upasampadā itthannāmāya pavattiniyā, so tuṇhassa; yassa nakkhamati, so bhāseyya.
‘‘ਉਪਸਮ੍ਪਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀਤਿ।
‘‘Upasampannā saṅghena itthannāmā itthannāmāya pavattiniyā. Khamati saṅghassa, tasmā tuṇhī, evametaṃ dhārayāmīti.
‘‘ਤਾવਦੇવ ਛਾਯਾ ਮੇਤਬ੍ਬਾ, ਉਤੁਪ੍ਪਮਾਣਂ ਆਚਿਕ੍ਖਿਤਬ੍ਬਂ, ਦਿવਸਭਾਗੋ ਆਚਿਕ੍ਖਿਤਬ੍ਬੋ, ਸਙ੍ਗੀਤਿ ਆਚਿਕ੍ਖਿਤਬ੍ਬਾ, ਭਿਕ੍ਖੁਨਿਯੋ વਤ੍ਤਬ੍ਬਾ – ਇਮਿਸ੍ਸਾ ਤਯੋ ਚ ਨਿਸ੍ਸਯੇ, ਅਟ੍ਠ ਚ ਅਕਰਣੀਯਾਨਿ ਆਚਿਕ੍ਖੇਯ੍ਯਾਥਾ’’ਤਿ।
‘‘Tāvadeva chāyā metabbā, utuppamāṇaṃ ācikkhitabbaṃ, divasabhāgo ācikkhitabbo, saṅgīti ācikkhitabbā, bhikkhuniyo vattabbā – imissā tayo ca nissaye, aṭṭha ca akaraṇīyāni ācikkheyyāthā’’ti.
੪੨੬. ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਭਤ੍ਤਗ੍ਗੇ ਆਸਨਂ ਸਂਕਸਾਯਨ੍ਤਿਯੋ ਕਾਲਂ વੀਤਿਨਾਮੇਸੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ । ‘‘ਅਨੁਜਾਨਾਮਿ, ਭਿਕ੍ਖવੇ, ਅਟ੍ਠਨ੍ਨਂ ਭਿਕ੍ਖੁਨੀਨਂ ਯਥਾવੁਡ੍ਢਂ, ਅવਸੇਸਾਨਂ ਯਥਾਗਤਿਕ’’ਨ੍ਤਿ।
426. Tena kho pana samayena bhikkhuniyo bhattagge āsanaṃ saṃkasāyantiyo kālaṃ vītināmesuṃ. Bhagavato etamatthaṃ ārocesuṃ . ‘‘Anujānāmi, bhikkhave, aṭṭhannaṃ bhikkhunīnaṃ yathāvuḍḍhaṃ, avasesānaṃ yathāgatika’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ – ਭਗવਤਾ ਅਨੁਞ੍ਞਾਤਂ ਅਟ੍ਠਨ੍ਨਂ ਭਿਕ੍ਖੁਨੀਨਂ ਯਥਾવੁਡ੍ਢਂ, ਅવਸੇਸਾਨਂ ਯਥਾਗਤਿਕਨ੍ਤਿ – ਸਬ੍ਬਤ੍ਥ ਅਟ੍ਠੇવ ਭਿਕ੍ਖੁਨਿਯੋ ਯਥਾવੁਡ੍ਢਂ ਪਟਿਬਾਹਨ੍ਤਿ, ਅવਸੇਸਾਯੋ ਯਥਾਗਤਿਕਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਭਤ੍ਤਗ੍ਗੇ ਅਟ੍ਠਨ੍ਨਂ ਭਿਕ੍ਖੁਨੀਨਂ ਯਥਾવੁਡ੍ਢਂ, ਅવਸੇਸਾਨਂ ਯਥਾਗਤਿਕਂ; ਅਞ੍ਞਤ੍ਥ ਸਬ੍ਬਤ੍ਥ ਯਥਾવੁਡ੍ਢਂ 11 ਨ ਪਟਿਬਾਹਿਤਬ੍ਬਂ। ਯਾ ਪਟਿਬਾਹੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena bhikkhuniyo – bhagavatā anuññātaṃ aṭṭhannaṃ bhikkhunīnaṃ yathāvuḍḍhaṃ, avasesānaṃ yathāgatikanti – sabbattha aṭṭheva bhikkhuniyo yathāvuḍḍhaṃ paṭibāhanti, avasesāyo yathāgatikaṃ. Bhagavato etamatthaṃ ārocesuṃ. ‘‘Anujānāmi, bhikkhave, bhattagge aṭṭhannaṃ bhikkhunīnaṃ yathāvuḍḍhaṃ, avasesānaṃ yathāgatikaṃ; aññattha sabbattha yathāvuḍḍhaṃ 12 na paṭibāhitabbaṃ. Yā paṭibāheyya, āpatti dukkaṭassā’’ti.
੪੨੭. 13 ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਨ ਪવਾਰੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਨ ਪવਾਰੇਤਬ੍ਬਂ। ਯਾ ਨ ਪવਾਰੇਯ੍ਯ, ਯਥਾਧਮ੍ਮੋ ਕਾਰੇਤਬ੍ਬੋ’’ਤਿ।
427.14 Tena kho pana samayena bhikkhuniyo na pavārenti. Bhagavato etamatthaṃ ārocesuṃ. ‘‘Na, bhikkhave, bhikkhuniyā na pavāretabbaṃ. Yā na pavāreyya, yathādhammo kāretabbo’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਅਤ੍ਤਨਾ ਪવਾਰੇਤ੍વਾ ਭਿਕ੍ਖੁਸਙ੍ਘਂ ਨ ਪવਾਰੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਅਤ੍ਤਨਾ ਪવਾਰੇਤ੍વਾ ਭਿਕ੍ਖੁਸਙ੍ਘੋ ਨ ਪવਾਰੇਤਬ੍ਬੋ। ਯਾ ਨ ਪવਾਰੇਯ੍ਯ, ਯਥਾਧਮ੍ਮੋ ਕਾਰੇਤਬ੍ਬੋ’’ਤਿ।
Tena kho pana samayena bhikkhuniyo attanā pavāretvā bhikkhusaṅghaṃ na pavārenti. Bhagavato etamatthaṃ ārocesuṃ. ‘‘Na, bhikkhave, bhikkhuniyā attanā pavāretvā bhikkhusaṅgho na pavāretabbo. Yā na pavāreyya, yathādhammo kāretabbo’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਭਿਕ੍ਖੂਹਿ ਸਦ੍ਧਿਂ ਏਕਤੋ ਪવਾਰੇਨ੍ਤਿਯੋ ਕੋਲਾਹਲਂ ਅਕਂਸੁ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਭਿਕ੍ਖੂਹਿ ਸਦ੍ਧਿਂ ਏਕਤੋ ਪવਾਰੇਤਬ੍ਬਂ। ਯਾ ਪવਾਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena bhikkhuniyo bhikkhūhi saddhiṃ ekato pavārentiyo kolāhalaṃ akaṃsu. Bhagavato etamatthaṃ ārocesuṃ. ‘‘Na, bhikkhave, bhikkhuniyā bhikkhūhi saddhiṃ ekato pavāretabbaṃ. Yā pavāreyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਪੁਰੇਭਤ੍ਤਂ ਪવਾਰੇਨ੍ਤਿਯੋ ਕਾਲਂ વੀਤਿਨਾਮੇਸੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਪਚ੍ਛਾਭਤ੍ਤਂ 15 ਪવਾਰੇਤੁ’’ਨ੍ਤਿ। ਪਚ੍ਛਾਭਤ੍ਤਂ ਪવਾਰੇਨ੍ਤਿਯੋ વਿਕਾਲੇ 16 ਅਹੇਸੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਅਜ੍ਜਤਨਾ ਭਿਕ੍ਖੁਨਿਸਙ੍ਘਂ 17 ਪવਾਰੇਤ੍વਾ ਅਪਰਜ੍ਜੁ ਭਿਕ੍ਖੁਸਙ੍ਘਂ ਪવਾਰੇਤੁ’’ਨ੍ਤਿ।
Tena kho pana samayena bhikkhuniyo purebhattaṃ pavārentiyo kālaṃ vītināmesuṃ. Bhagavato etamatthaṃ ārocesuṃ. ‘‘Anujānāmi, bhikkhave, pacchābhattaṃ 18 pavāretu’’nti. Pacchābhattaṃ pavārentiyo vikāle 19 ahesuṃ. Bhagavato etamatthaṃ ārocesuṃ. ‘‘Anujānāmi, bhikkhave, ajjatanā bhikkhunisaṅghaṃ 20 pavāretvā aparajju bhikkhusaṅghaṃ pavāretu’’nti.
ਤੇਨ ਖੋ ਪਨ ਸਮਯੇਨ ਸਬ੍ਬੋ ਭਿਕ੍ਖੁਨਿਸਙ੍ਘੋ ਪવਾਰੇਨ੍ਤੋ ਕੋਲਾਹਲਂ ਅਕਾਸਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਏਕਂ ਭਿਕ੍ਖੁਨਿਂ ਬ੍ਯਤ੍ਤਂ ਪਟਿਬਲਂ ਸਮ੍ਮਨ੍ਨਿਤੁਂ – ਭਿਕ੍ਖੁਨਿਸਙ੍ਘਸ੍ਸ ਅਤ੍ਥਾਯ ਭਿਕ੍ਖੁਸਙ੍ਘਂ ਪવਾਰੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ। ਪਠਮਂ ਭਿਕ੍ਖੁਨੀ ਯਾਚਿਤਬ੍ਬਾ, ਯਾਚਿਤ੍વਾ ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
Tena kho pana samayena sabbo bhikkhunisaṅgho pavārento kolāhalaṃ akāsi. Bhagavato etamatthaṃ ārocesuṃ. ‘‘Anujānāmi, bhikkhave, ekaṃ bhikkhuniṃ byattaṃ paṭibalaṃ sammannituṃ – bhikkhunisaṅghassa atthāya bhikkhusaṅghaṃ pavāretuṃ. Evañca pana, bhikkhave, sammannitabbā. Paṭhamaṃ bhikkhunī yācitabbā, yācitvā byattāya bhikkhuniyā paṭibalāya saṅgho ñāpetabbo –
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮ੍ਮਨ੍ਨੇਯ੍ਯ ਭਿਕ੍ਖੁਨਿਸਙ੍ਘਸ੍ਸ ਅਤ੍ਥਾਯ ਭਿਕ੍ਖੁਸਙ੍ਘਂ ਪવਾਰੇਤੁਂ। ਏਸਾ ਞਤ੍ਤਿ।
‘‘Suṇātu me, ayye, saṅgho. Yadi saṅghassa pattakallaṃ, saṅgho itthannāmaṃ bhikkhuniṃ sammanneyya bhikkhunisaṅghassa atthāya bhikkhusaṅghaṃ pavāretuṃ. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮ੍ਮਨ੍ਨਤਿ ਭਿਕ੍ਖੁਨਿਸਙ੍ਘਸ੍ਸ ਅਤ੍ਥਾਯ ਭਿਕ੍ਖੁਸਙ੍ਘਂ ਪવਾਰੇਤੁਂ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਸਮ੍ਮੁਤਿ ਭਿਕ੍ਖੁਨਿਸਙ੍ਘਸ੍ਸ ਅਤ੍ਥਾਯ ਭਿਕ੍ਖੁਸਙ੍ਘਂ ਪવਾਰੇਤੁਂ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Saṅgho itthannāmaṃ bhikkhuniṃ sammannati bhikkhunisaṅghassa atthāya bhikkhusaṅghaṃ pavāretuṃ. Yassā ayyāya khamati itthannāmāya bhikkhuniyā sammuti bhikkhunisaṅghassa atthāya bhikkhusaṅghaṃ pavāretuṃ, sā tuṇhassa; yassā nakkhamati, sā bhāseyya.
‘‘ਸਮ੍ਮਤਾ ਸਙ੍ਘੇਨ ਇਤ੍ਥਨ੍ਨਾਮਾ ਭਿਕ੍ਖੁਨੀ ਭਿਕ੍ਖੁਨਿਸਙ੍ਘਸ੍ਸ ਅਤ੍ਥਾਯ ਭਿਕ੍ਖੁਸਙ੍ਘਂ ਪવਾਰੇਤੁਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀਤਿ।
‘‘Sammatā saṅghena itthannāmā bhikkhunī bhikkhunisaṅghassa atthāya bhikkhusaṅghaṃ pavāretuṃ. Khamati saṅghassa, tasmā tuṇhī, evametaṃ dhārayāmīti.
‘‘ਤਾਯ ਸਮ੍ਮਤਾਯ ਭਿਕ੍ਖੁਨਿਯਾ ਭਿਕ੍ਖੁਨਿਸਙ੍ਘਂ ਆਦਾਯ ਭਿਕ੍ਖੁਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘ਭਿਕ੍ਖੁਨੀਸਙ੍ਘੋ , ਅਯ੍ਯਾ, ਭਿਕ੍ਖੁਸਙ੍ਘਂ ਪવਾਰੇਤਿ – ਦਿਟ੍ਠੇਨ વਾ, ਸੁਤੇਨ વਾ ਪਰਿਸਙ੍ਕਾਯ વਾ। વਦਤੁ 21, ਅਯ੍ਯਾ, ਭਿਕ੍ਖੁਸਙ੍ਘੋ ਭਿਕ੍ਖੁਨਿਸਙ੍ਘਂ ਅਨੁਕਮ੍ਪਂ ਉਪਾਦਾਯ, ਪਸ੍ਸਨ੍ਤੋ ਪਟਿਕਰਿਸ੍ਸਤਿ। ਦੁਤਿਯਮ੍ਪਿ, ਅਯ੍ਯਾ…ਪੇ॰… ਤਤਿਯਮ੍ਪਿ, ਅਯ੍ਯਾ, ਭਿਕ੍ਖੁਨਿਸਙ੍ਘੋ ਭਿਕ੍ਖੁਸਙ੍ਘਂ ਪવਾਰੇਤਿ – ਦਿਟ੍ਠੇਨ વਾ, ਸੁਤੇਨ વਾ, ਪਰਿਸਙ੍ਕਾਯ વਾ। વਦਤੁ, ਅਯ੍ਯਾ, ਭਿਕ੍ਖੁਸਙ੍ਘੋ ਭਿਕ੍ਖੁਨਿਸਙ੍ਘਂ ਅਨੁਕਮ੍ਪਂ ਉਪਾਦਾਯ, ਪਸ੍ਸਨ੍ਤੋ ਪਟਿਕਰਿਸ੍ਸਤੀ’’ਤਿ।
‘‘Tāya sammatāya bhikkhuniyā bhikkhunisaṅghaṃ ādāya bhikkhusaṅghaṃ upasaṅkamitvā ekaṃsaṃ uttarāsaṅgaṃ karitvā bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘bhikkhunīsaṅgho , ayyā, bhikkhusaṅghaṃ pavāreti – diṭṭhena vā, sutena vā parisaṅkāya vā. Vadatu 22, ayyā, bhikkhusaṅgho bhikkhunisaṅghaṃ anukampaṃ upādāya, passanto paṭikarissati. Dutiyampi, ayyā…pe… tatiyampi, ayyā, bhikkhunisaṅgho bhikkhusaṅghaṃ pavāreti – diṭṭhena vā, sutena vā, parisaṅkāya vā. Vadatu, ayyā, bhikkhusaṅgho bhikkhunisaṅghaṃ anukampaṃ upādāya, passanto paṭikarissatī’’ti.
੪੨੮. ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਭਿਕ੍ਖੂਨਂ ਉਪੋਸਥਂ ਠਪੇਨ੍ਤਿ, ਪવਾਰਣਂ ਠਪੇਨ੍ਤਿ, ਸવਚਨੀਯਂ ਕਰੋਨ੍ਤਿ, ਅਨੁવਾਦਂ ਪਟ੍ਠਪੇਨ੍ਤਿ, ਓਕਾਸਂ ਕਾਰੇਨ੍ਤਿ, ਚੋਦੇਨ੍ਤਿ, ਸਾਰੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਭਿਕ੍ਖੁਸ੍ਸ ਉਪੋਸਥੋ ਠਪੇਤਬ੍ਬੋ; ਠਪਿਤੋਪਿ ਅਟ੍ਠਪਿਤੋ; ਠਪੇਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ। ਨ ਪવਾਰਣਾ ਠਪੇਤਬ੍ਬਾ; ਠਪਿਤਾਪਿ ਅਟ੍ਠਪਿਤਾ; ਠਪੇਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ। ਨ ਸવਚਨੀਯਂ ਕਾਤਬ੍ਬਂ; ਕਤਮ੍ਪਿ ਅਕਤਂ; ਕਰੋਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ। ਨ ਅਨੁવਾਦੋ ਪਟ੍ਠਪੇਤਬ੍ਬੋ; ਪਟ੍ਠਪਿਤੋਪਿ ਅਪ੍ਪਟ੍ਠਪਿਤੋ; ਪਟ੍ਠਪੇਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ। ਨ ਓਕਾਸੋ ਕਾਰੇਤਬ੍ਬੋ ; ਕਾਰਿਤੋਪਿ ਅਕਾਰਿਤੋ; ਕਾਰੇਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ। ਨ ਚੋਦੇਤਬ੍ਬੋ; ਚੋਦਿਤੋਪਿ ਅਚੋਦਿਤੋ; ਚੋਦੇਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ । ਨ ਸਾਰੇਤਬ੍ਬੋ; ਸਾਰਿਤੋਪਿ ਅਸਾਰਿਤੋ; ਸਾਰੇਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
428. Tena kho pana samayena bhikkhuniyo bhikkhūnaṃ uposathaṃ ṭhapenti, pavāraṇaṃ ṭhapenti, savacanīyaṃ karonti, anuvādaṃ paṭṭhapenti, okāsaṃ kārenti, codenti, sārenti. Bhagavato etamatthaṃ ārocesuṃ. ‘‘Na, bhikkhave, bhikkhuniyā bhikkhussa uposatho ṭhapetabbo; ṭhapitopi aṭṭhapito; ṭhapentiyā āpatti dukkaṭassa. Na pavāraṇā ṭhapetabbā; ṭhapitāpi aṭṭhapitā; ṭhapentiyā āpatti dukkaṭassa. Na savacanīyaṃ kātabbaṃ; katampi akataṃ; karontiyā āpatti dukkaṭassa. Na anuvādo paṭṭhapetabbo; paṭṭhapitopi appaṭṭhapito; paṭṭhapentiyā āpatti dukkaṭassa. Na okāso kāretabbo ; kāritopi akārito; kārentiyā āpatti dukkaṭassa. Na codetabbo; coditopi acodito; codentiyā āpatti dukkaṭassa . Na sāretabbo; sāritopi asārito; sārentiyā āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਭਿਕ੍ਖੁਨੀਨਂ ਉਪੋਸਥਂ ਠਪੇਨ੍ਤਿ, ਪવਾਰਣਂ ਠਪੇਨ੍ਤਿ, ਸવਚਨੀਯਂ ਕਰੋਨ੍ਤਿ, ਅਨੁવਾਦਂ ਪਟ੍ਠਪੇਨ੍ਤਿ, ਓਕਾਸਂ ਕਾਰੇਨ੍ਤਿ, ਚੋਦੇਨ੍ਤਿ, ਸਾਰੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ ਭਿਕ੍ਖੁਨਾ ਭਿਕ੍ਖੁਨਿਯਾ ਉਪੋਸਥਂ ਠਪੇਤੁਂ; ਠਪਿਤੋਪਿ ਸੁਟ੍ਠਪਿਤੋ; ਠਪੇਨ੍ਤਸ੍ਸ ਅਨਾਪਤ੍ਤਿ। ਪવਾਰਣਂ ਠਪੇਤੁਂ; ਠਪਿਤਾਪਿ ਸੁਟ੍ਠਪਿਤਾ; ਠਪੇਨ੍ਤਸ੍ਸ ਅਨਾਪਤ੍ਤਿ। ਸવਚਨੀਯਂ ਕਾਤੁਂ; ਕਤਮ੍ਪਿ ਸੁਕਤਂ; ਕਰੋਨ੍ਤਸ੍ਸ ਅਨਾਪਤ੍ਤਿ। ਅਨੁવਾਦਂ ਪਟ੍ਠਪੇਤੁਂ; ਪਟ੍ਠਪਿਤੋਪਿ ਸੁਪ੍ਪਟ੍ਠਪਿਤੋ; ਪਟ੍ਠਪੇਨ੍ਤਸ੍ਸ ਅਨਾਪਤ੍ਤਿ। ਓਕਾਸਂ ਕਾਰੇਤੁਂ; ਕਾਰਿਤੋਪਿ ਸੁਕਾਰਿਤੋ; ਕਾਰੇਨ੍ਤਸ੍ਸ ਅਨਾਪਤ੍ਤਿ। ਚੋਦੇਤੁਂ; ਚੋਦਿਤਾਪਿ ਸੁਚੋਦਿਤਾ; ਚੋਦੇਨ੍ਤਸ੍ਸ ਅਨਾਪਤ੍ਤਿ। ਸਾਰੇਤੁਂ; ਸਾਰਿਤਾਪਿ ਸੁਸਾਰਿਤਾ; ਸਾਰੇਨ੍ਤਸ੍ਸ ਅਨਾਪਤ੍ਤੀ’’ਤਿ।
Tena kho pana samayena bhikkhū bhikkhunīnaṃ uposathaṃ ṭhapenti, pavāraṇaṃ ṭhapenti, savacanīyaṃ karonti, anuvādaṃ paṭṭhapenti, okāsaṃ kārenti, codenti, sārenti. Bhagavato etamatthaṃ ārocesuṃ. ‘‘Anujānāmi, bhikkhave bhikkhunā bhikkhuniyā uposathaṃ ṭhapetuṃ; ṭhapitopi suṭṭhapito; ṭhapentassa anāpatti. Pavāraṇaṃ ṭhapetuṃ; ṭhapitāpi suṭṭhapitā; ṭhapentassa anāpatti. Savacanīyaṃ kātuṃ; katampi sukataṃ; karontassa anāpatti. Anuvādaṃ paṭṭhapetuṃ; paṭṭhapitopi suppaṭṭhapito; paṭṭhapentassa anāpatti. Okāsaṃ kāretuṃ; kāritopi sukārito; kārentassa anāpatti. Codetuṃ; coditāpi sucoditā; codentassa anāpatti. Sāretuṃ; sāritāpi susāritā; sārentassa anāpattī’’ti.
੪੨੯. 23 ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਯਾਨੇਨ ਯਾਯਨ੍ਤਿ – ਇਤ੍ਥਿਯੁਤ੍ਤੇਨਪਿ ਪੁਰਿਸਨ੍ਤਰੇਨ, ਪੁਰਿਸਯੁਤ੍ਤੇਨਪਿ ਇਤ੍ਥਨ੍ਤਰੇਨ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ…ਪੇ॰… ‘‘ਸੇਯ੍ਯਥਾਪਿ ਗਙ੍ਗਾਮਹਿਯਾਯਾ’’ਤਿ 24। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਯਾਨੇਨ ਯਾਯਿਤਬ੍ਬਂ। ਯਾ ਯਾਯੇਯ੍ਯ, ਯਥਾਧਮ੍ਮੋ ਕਾਰੇਤਬ੍ਬੋ’’ਤਿ।
429.25 Tena kho pana samayena chabbaggiyā bhikkhuniyo yānena yāyanti – itthiyuttenapi purisantarena, purisayuttenapi itthantarena. Manussā ujjhāyanti khiyyanti vipācenti…pe… ‘‘seyyathāpi gaṅgāmahiyāyā’’ti 26. Bhagavato etamatthaṃ ārocesuṃ. ‘‘Na, bhikkhave, bhikkhuniyā yānena yāyitabbaṃ. Yā yāyeyya, yathādhammo kāretabbo’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ ਗਿਲਾਨਾ ਹੋਤਿ, ਨ ਸਕ੍ਕੋਤਿ ਪਦਸਾ ਗਨ੍ਤੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ , ਭਿਕ੍ਖવੇ, ਗਿਲਾਨਾਯ ਯਾਨ’’ਨ੍ਤਿ। ਅਥ ਖੋ ਭਿਕ੍ਖੁਨੀਨਂ ਏਤਦਹੋਸਿ – ‘‘ਇਤ੍ਥਿਯੁਤ੍ਤਂ ਨੁ ਖੋ, ਪੁਰਿਸਯੁਤ੍ਤਂ ਨੁ ਖੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਇਤ੍ਥਿਯੁਤ੍ਤਂ ਪੁਰਿਸਯੁਤ੍ਤਂ ਹਤ੍ਥવਟ੍ਟਕ’’ਨ੍ਤਿ।
Tena kho pana samayena aññatarā bhikkhunī gilānā hoti, na sakkoti padasā gantuṃ. Bhagavato etamatthaṃ ārocesuṃ. ‘‘Anujānāmi , bhikkhave, gilānāya yāna’’nti. Atha kho bhikkhunīnaṃ etadahosi – ‘‘itthiyuttaṃ nu kho, purisayuttaṃ nu kho’’ti? Bhagavato etamatthaṃ ārocesuṃ. ‘‘Anujānāmi, bhikkhave, itthiyuttaṃ purisayuttaṃ hatthavaṭṭaka’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਿਸ੍ਸਾ ਭਿਕ੍ਖੁਨਿਯਾ ਯਾਨੁਗ੍ਘਾਤੇਨ ਬਾਲ਼੍ਹਤਰਂ ਅਫਾਸੁ ਅਹੋਸਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਸਿવਿਕਂ ਪਾਟਙ੍ਕਿ’’ਨ੍ਤਿ।
Tena kho pana samayena aññatarissā bhikkhuniyā yānugghātena bāḷhataraṃ aphāsu ahosi. Bhagavato etamatthaṃ ārocesuṃ. ‘‘Anujānāmi, bhikkhave, sivikaṃ pāṭaṅki’’nti.
੪੩੦. ਤੇਨ ਖੋ ਪਨ ਸਮਯੇਨ ਅਡ੍ਢਕਾਸੀ ਗਣਿਕਾ ਭਿਕ੍ਖੁਨੀਸੁ ਪਬ੍ਬਜਿਤਾ ਹੋਤਿ। ਸਾ ਚ ਸਾવਤ੍ਥਿਂ ਗਨ੍ਤੁਕਾਮਾ ਹੋਤਿ – ‘ਭਗવਤੋ ਸਨ੍ਤਿਕੇ ਉਪਸਮ੍ਪਜ੍ਜਿਸ੍ਸਾਮੀ’ਤਿ। ਅਸ੍ਸੋਸੁਂ ਖੋ ਧੁਤ੍ਤਾ – ‘ਅਡ੍ਢਕਾਸੀ ਕਿਰ ਗਣਿਕਾ ਸਾવਤ੍ਥਿਂ ਗਨ੍ਤੁਕਾਮਾ’ਤਿ। ਤੇ ਮਗ੍ਗੇ ਪਰਿਯੁਟ੍ਠਿਂਸੁ। ਅਸ੍ਸੋਸਿ ਖੋ ਅਡ੍ਢਕਾਸੀ ਗਣਿਕਾ – ‘ਧੁਤ੍ਤਾ ਕਿਰ ਮਗ੍ਗੇ ਪਰਿਯੁਟ੍ਠਿਤਾ’ਤਿ। ਭਗવਤੋ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਅਹਞ੍ਹਿ ਉਪਸਮ੍ਪਜ੍ਜਿਤੁਕਾਮਾ; ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਦੂਤੇਨਪਿ ਉਪਸਮ੍ਪਾਦੇਤੁ’’ਨ੍ਤਿ।
430. Tena kho pana samayena aḍḍhakāsī gaṇikā bhikkhunīsu pabbajitā hoti. Sā ca sāvatthiṃ gantukāmā hoti – ‘bhagavato santike upasampajjissāmī’ti. Assosuṃ kho dhuttā – ‘aḍḍhakāsī kira gaṇikā sāvatthiṃ gantukāmā’ti. Te magge pariyuṭṭhiṃsu. Assosi kho aḍḍhakāsī gaṇikā – ‘dhuttā kira magge pariyuṭṭhitā’ti. Bhagavato santike dūtaṃ pāhesi – ‘‘ahañhi upasampajjitukāmā; kathaṃ nu kho mayā paṭipajjitabba’’nti? Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, dūtenapi upasampādetu’’nti.
ਭਿਕ੍ਖੁਦੂਤੇਨ ਉਪਸਮ੍ਪਾਦੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਦੂਤੇਨ ਉਪਸਮ੍ਪਾਦੇਤਬ੍ਬਾ। ਯੋ ਉਪਸਮ੍ਪਾਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ। ਸਿਕ੍ਖਮਾਨਦੂਤੇਨ ਉਪਸਮ੍ਪਾਦੇਨ੍ਤਿ…ਪੇ॰… ਸਾਮਣੇਰਦੂਤੇਨ ਉਪਸਮ੍ਪਾਦੇਨ੍ਤਿ…ਪੇ॰… ਸਾਮਣੇਰਿਦੂਤੇਨ ਉਪਸਮ੍ਪਾਦੇਨ੍ਤਿ…ਪੇ॰… ਬਾਲਾਯ ਅਬ੍ਯਤ੍ਤਾਯ ਦੂਤੇਨ ਉਪਸਮ੍ਪਾਦੇਨ੍ਤਿ। ‘‘ਨ, ਭਿਕ੍ਖવੇ, ਬਾਲਾਯ ਅਬ੍ਯਤ੍ਤਾਯ ਦੂਤੇਨ ਉਪਸਮ੍ਪਾਦੇਤਬ੍ਬਾ। ਯੋ ਉਪਸਮ੍ਪਾਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਦੂਤੇਨ ਉਪਸਮ੍ਪਾਦੇਤੁਨ੍ਤਿ।
Bhikkhudūtena upasampādenti. Bhagavato etamatthaṃ ārocesuṃ. ‘‘Na, bhikkhave, bhikkhudūtena upasampādetabbā. Yo upasampādeyya, āpatti dukkaṭassā’’ti. Sikkhamānadūtena upasampādenti…pe… sāmaṇeradūtena upasampādenti…pe… sāmaṇeridūtena upasampādenti…pe… bālāya abyattāya dūtena upasampādenti. ‘‘Na, bhikkhave, bālāya abyattāya dūtena upasampādetabbā. Yo upasampādeyya, āpatti dukkaṭassa. Anujānāmi, bhikkhave, byattāya bhikkhuniyā paṭibalāya dūtena upasampādetunti.
‘‘ਤਾਯ ਦੂਤਾਯ ਭਿਕ੍ਖੁਨਿਯਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘ਇਤ੍ਥਨ੍ਨਾਮਾ, ਅਯ੍ਯਾ, ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਸਾ ਕੇਨਚਿਦੇવ ਅਨ੍ਤਰਾਯੇਨ ਨ ਆਗਚ੍ਛਤਿ। ਇਤ੍ਥਨ੍ਨਾਮਾ, ਅਯ੍ਯਾ, ਸਙ੍ਘਂ ਉਪਸਮ੍ਪਦਂ ਯਾਚਤਿ। ਉਲ੍ਲੁਮ੍ਪਤੁ ਤਂ, ਅਯ੍ਯਾ, ਸਙ੍ਘੋ ਅਨੁਕਮ੍ਪਂ ਉਪਾਦਾਯ। ਇਤ੍ਥਨ੍ਨਾਮਾ, ਅਯ੍ਯਾ, ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਸਾ ਕੇਨਚਿਦੇવ ਅਨ੍ਤਰਾਯੇਨ ਨ ਆਗਚ੍ਛਤਿ। ਦੁਤਿਯਮ੍ਪਿ, ਅਯ੍ਯਾ, ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ। ਉਲ੍ਲੁਮ੍ਪਤੁ ਤਂ, ਅਯ੍ਯਾ, ਸਙ੍ਘੋ ਅਨੁਕਮ੍ਪਂ ਉਪਾਦਾਯ। ਇਤ੍ਥਨ੍ਨਾਮਾ, ਅਯ੍ਯਾ, ਇਤ੍ਥਨ੍ਨਾਮਾਯ ਅਯ੍ਯਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਸਾ ਕੇਨਚਿਦੇવ ਅਨ੍ਤਰਾਯੇਨ ਨ ਆਗਚ੍ਛਤਿ। ਤਤਿਯਮ੍ਪਿ, ਅਯ੍ਯਾ, ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ। ਉਲ੍ਲੁਮ੍ਪਤੁ ਤਂ, ਅਯ੍ਯਾ, ਸਙ੍ਘੋ ਅਨੁਕਮ੍ਪਂ ਉਪਾਦਾਯਾ’ਤਿ । ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
‘‘Tāya dūtāya bhikkhuniyā saṅghaṃ upasaṅkamitvā ekaṃsaṃ uttarāsaṅgaṃ karitvā bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘itthannāmā, ayyā, itthannāmāya ayyāya upasampadāpekkhā. Ekatoupasampannā bhikkhunisaṅghe, visuddhā. Sā kenacideva antarāyena na āgacchati. Itthannāmā, ayyā, saṅghaṃ upasampadaṃ yācati. Ullumpatu taṃ, ayyā, saṅgho anukampaṃ upādāya. Itthannāmā, ayyā, itthannāmāya ayyāya upasampadāpekkhā. Ekatoupasampannā bhikkhunisaṅghe, visuddhā. Sā kenacideva antarāyena na āgacchati. Dutiyampi, ayyā, itthannāmā saṅghaṃ upasampadaṃ yācati. Ullumpatu taṃ, ayyā, saṅgho anukampaṃ upādāya. Itthannāmā, ayyā, itthannāmāya ayyāya upasampadāpekkhā. Ekatoupasampannā bhikkhunisaṅghe, visuddhā. Sā kenacideva antarāyena na āgacchati. Tatiyampi, ayyā, itthannāmā saṅghaṃ upasampadaṃ yācati. Ullumpatu taṃ, ayyā, saṅgho anukampaṃ upādāyā’ti . Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਸਾ ਕੇਨਚਿਦੇવ ਅਨ੍ਤਰਾਯੇਨ ਨ ਆਗਚ੍ਛਤਿ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਯ੍ਯ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਏਸਾ ਞਤ੍ਤਿ।
‘‘Suṇātu me, bhante, saṅgho. Itthannāmā itthannāmāya upasampadāpekkhā. Ekatoupasampannā bhikkhunisaṅghe, visuddhā. Sā kenacideva antarāyena na āgacchati. Itthannāmā saṅghaṃ upasampadaṃ yācati itthannāmāya pavattiniyā. Yadi saṅghassa pattakallaṃ, saṅgho itthannāmaṃ upasampādeyya itthannāmāya pavattiniyā. Esā ñatti.
‘‘ਸੁਣਾਤੁ ਮੇ , ਭਨ੍ਤੇ, ਸਙ੍ਘੋ। ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਸਾ ਕੇਨਚਿਦੇવ ਅਨ੍ਤਰਾਯੇਨ ਨ ਆਗਚ੍ਛਤਿ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਾਯ ਉਪਸਮ੍ਪਦਾ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me , bhante, saṅgho. Itthannāmā itthannāmāya upasampadāpekkhā. Ekatoupasampannā bhikkhunisaṅghe, visuddhā. Sā kenacideva antarāyena na āgacchati. Itthannāmā saṅghaṃ upasampadaṃ yācati itthannāmāya pavattiniyā. Saṅgho itthannāmaṃ upasampādeti itthannāmāya pavattiniyā. Yassāyasmato khamati itthannāmāya upasampadā itthannāmāya pavattiniyā, so tuṇhassa; yassa nakkhamati, so bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ। ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਉਪਸਮ੍ਪਦਾਪੇਕ੍ਖਾ। ਏਕਤੋਉਪਸਮ੍ਪਨ੍ਨਾ ਭਿਕ੍ਖੁਨਿਸਙ੍ਘੇ, વਿਸੁਦ੍ਧਾ। ਸਾ ਕੇਨਚਿਦੇવ ਅਨ੍ਤਰਾਯੇਨ ਨ ਆਗਚ੍ਛਤਿ। ਇਤ੍ਥਨ੍ਨਾਮਾ ਸਙ੍ਘਂ ਉਪਸਮ੍ਪਦਂ ਯਾਚਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਸਙ੍ਘੋ ਇਤ੍ਥਨ੍ਨਾਮਂ ਉਪਸਮ੍ਪਾਦੇਤਿ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਾਯ ਉਪਸਮ੍ਪਦਾ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Dutiyampi etamatthaṃ vadāmi…pe… tatiyampi etamatthaṃ vadāmi. Suṇātu me, bhante, saṅgho. Itthannāmā itthannāmāya upasampadāpekkhā. Ekatoupasampannā bhikkhunisaṅghe, visuddhā. Sā kenacideva antarāyena na āgacchati. Itthannāmā saṅghaṃ upasampadaṃ yācati itthannāmāya pavattiniyā. Saṅgho itthannāmaṃ upasampādeti itthannāmāya pavattiniyā. Yassāyasmato khamati itthannāmāya upasampadā itthannāmāya pavattiniyā, so tuṇhassa; yassa nakkhamati, so bhāseyya.
‘‘ਉਪਸਮ੍ਪਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਾ ਇਤ੍ਥਨ੍ਨਾਮਾਯ ਪવਤ੍ਤਿਨਿਯਾ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀਤਿ।
‘‘Upasampannā saṅghena itthannāmā itthannāmāya pavattiniyā. Khamati saṅghassa, tasmā tuṇhī, evametaṃ dhārayāmīti.
‘‘ਤਾવਦੇવ ਛਾਯਾ ਮੇਤਬ੍ਬਾ, ਉਤੁਪ੍ਪਮਾਣਂ ਆਚਿਕ੍ਖਿਤਬ੍ਬਂ, ਦਿવਸਭਾਗੋ ਆਚਿਕ੍ਖਿਤਬ੍ਬੋ, ਸਙ੍ਗੀਤਿ ਆਚਿਕ੍ਖਿਤਬ੍ਬਾ, ਭਿਕ੍ਖੁਨਿਯੋ વਤ੍ਤਬ੍ਬਾ – ਤਸ੍ਸਾ ਤਯੋ ਚ ਨਿਸ੍ਸਯੇ, ਅਟ੍ਠ ਚ ਅਕਰਣੀਯਾਨਿ ਆਚਿਕ੍ਖੇਯ੍ਯਾਥਾ’’ਤਿ।
‘‘Tāvadeva chāyā metabbā, utuppamāṇaṃ ācikkhitabbaṃ, divasabhāgo ācikkhitabbo, saṅgīti ācikkhitabbā, bhikkhuniyo vattabbā – tassā tayo ca nissaye, aṭṭha ca akaraṇīyāni ācikkheyyāthā’’ti.
੪੩੧. ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਅਰਞ੍ਞੇ વਿਹਰਨ੍ਤਿ। ਧੁਤ੍ਤਾ ਦੂਸੇਨ੍ਤਿ। ਭਗવਤੋ ਏਤਮਤ੍ਥਂ, ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਅਰਞ੍ਞੇ વਤ੍ਥਬ੍ਬਂ। ਯਾ વਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
431. Tena kho pana samayena bhikkhuniyo araññe viharanti. Dhuttā dūsenti. Bhagavato etamatthaṃ, ārocesuṃ. ‘‘Na, bhikkhave, bhikkhuniyā araññe vatthabbaṃ. Yā vaseyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੇਨ ਉਪਾਸਕੇਨ ਭਿਕ੍ਖੁਨਿਸਙ੍ਘਸ੍ਸ ਉਦ੍ਦੋਸਿਤੋ ਦਿਨ੍ਨੋ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਉਦ੍ਦੋਸਿਤ’’ਨ੍ਤਿ। ਉਦ੍ਦੋਸਿਤੋ ਨ ਸਮ੍ਮਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਉਪਸ੍ਸਯ’’ਨ੍ਤਿ। ਉਪਸ੍ਸਯੋ ਨ ਸਮ੍ਮਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਨવਕਮ੍ਮ’’ਨ੍ਤਿ। ਨવਕਮ੍ਮਂ ਨ ਸਮ੍ਮਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਪੁਗ੍ਗਲਿਕਮ੍ਪਿ ਕਾਤੁ’’ਨ੍ਤਿ।
Tena kho pana samayena aññatarena upāsakena bhikkhunisaṅghassa uddosito dinno hoti. Bhagavato etamatthaṃ ārocesuṃ. ‘‘Anujānāmi, bhikkhave, uddosita’’nti. Uddosito na sammati. Bhagavato etamatthaṃ ārocesuṃ. ‘‘Anujānāmi, bhikkhave, upassaya’’nti. Upassayo na sammati. Bhagavato etamatthaṃ ārocesuṃ. ‘‘Anujānāmi, bhikkhave, navakamma’’nti. Navakammaṃ na sammati. Bhagavato etamatthaṃ ārocesuṃ. ‘‘Anujānāmi, bhikkhave, puggalikampi kātu’’nti.
੪੩੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਸਨ੍ਨਿਸਿਨ੍ਨਗਬ੍ਭਾ ਭਿਕ੍ਖੁਨੀਸੁ ਪਬ੍ਬਜਿਤਾ ਹੋਤਿ। ਤਸ੍ਸਾ ਪਬ੍ਬਜਿਤਾਯ ਗਬ੍ਭੋ વੁਟ੍ਠਾਤਿ। ਅਥ ਖੋ ਤਸ੍ਸਾ ਭਿਕ੍ਖੁਨਿਯਾ ਏਤਦਹੋਸਿ – ‘‘ਕਥਂ ਨੁ ਖੋ ਮਯਾ ਇਮਸ੍ਮਿਂ ਦਾਰਕੇ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ । ‘‘ਅਨੁਜਾਨਾਮਿ, ਭਿਕ੍ਖવੇ, ਪੋਸੇਤੁਂ, ਯਾવ ਸੋ ਦਾਰਕੋ વਿਞ੍ਞੁਤਂ ਪਾਪੁਣਾਤੀ’’ਤਿ।
432. Tena kho pana samayena aññatarā itthī sannisinnagabbhā bhikkhunīsu pabbajitā hoti. Tassā pabbajitāya gabbho vuṭṭhāti. Atha kho tassā bhikkhuniyā etadahosi – ‘‘kathaṃ nu kho mayā imasmiṃ dārake paṭipajjitabba’’nti? Bhagavato etamatthaṃ ārocesuṃ . ‘‘Anujānāmi, bhikkhave, posetuṃ, yāva so dārako viññutaṃ pāpuṇātī’’ti.
ਅਥ ਖੋ ਤਸ੍ਸਾ ਭਿਕ੍ਖੁਨਿਯਾ ਏਤਦਹੋਸਿ – ‘‘ਮਯਾ ਚ ਨ ਲਬ੍ਭਾ ਏਕਿਕਾਯ વਤ੍ਥੁਂ, ਅਞ੍ਞਾਯ ਚ ਭਿਕ੍ਖੁਨਿਯਾ ਨ ਲਬ੍ਭਾ ਦਾਰਕੇਨ ਸਹ વਤ੍ਥੁਂ, ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਏਕਂ ਭਿਕ੍ਖੁਨਿਂ ਸਮ੍ਮਨ੍ਨਿਤ੍વਾ ਤਸ੍ਸਾ ਭਿਕ੍ਖੁਨਿਯਾ ਦੁਤਿਯਂ ਦਾਤੁਂ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ। ਪਠਮਂ ਭਿਕ੍ਖੁਨੀ ਯਾਚਿਤਬ੍ਬਾ, ਯਾਚਿਤ੍વਾ ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
Atha kho tassā bhikkhuniyā etadahosi – ‘‘mayā ca na labbhā ekikāya vatthuṃ, aññāya ca bhikkhuniyā na labbhā dārakena saha vatthuṃ, kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Anujānāmi, bhikkhave, ekaṃ bhikkhuniṃ sammannitvā tassā bhikkhuniyā dutiyaṃ dātuṃ. Evañca pana, bhikkhave, sammannitabbā. Paṭhamaṃ bhikkhunī yācitabbā, yācitvā byattāya bhikkhuniyā paṭibalāya saṅgho ñāpetabbo –
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮ੍ਮਨ੍ਨੇਯ੍ਯ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਂ। ਏਸਾ ਞਤ੍ਤਿ।
‘‘Suṇātu me, ayye, saṅgho. Yadi saṅghassa pattakallaṃ, saṅgho itthannāmaṃ bhikkhuniṃ sammanneyya itthannāmāya bhikkhuniyā dutiyaṃ. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮ੍ਮਨ੍ਨਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਂ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਸਮ੍ਮੁਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਾਯ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Saṅgho itthannāmaṃ bhikkhuniṃ sammannati itthannāmāya bhikkhuniyā dutiyaṃ. Yassā ayyāya khamati itthannāmāya bhikkhuniyā sammuti itthannāmāya bhikkhuniyā dutiyāya, sā tuṇhassa; yassā nakkhamati, sā bhāseyya.
‘‘ਸਮ੍ਮਤਾ ਸਙ੍ਘੇਨ ਇਤ੍ਥਨ੍ਨਾਮਾ ਭਿਕ੍ਖੁਨੀ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਾ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Sammatā saṅghena itthannāmā bhikkhunī itthannāmāya bhikkhuniyā dutiyā. Khamati saṅghassa, tasmā tuṇhī, evametaṃ dhārayāmī’’ti.
ਅਥ ਖੋ ਤਸ੍ਸਾ ਦੁਤਿਯਿਕਾਯ ਭਿਕ੍ਖੁਨਿਯਾ ਏਤਦਹੋਸਿ – ‘‘ਕਥਂ ਨੁ ਖੋ ਮਯਾ ਇਮਸ੍ਮਿਂ ਦਾਰਕੇ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਠਪੇਤ੍વਾ ਸਾਗਾਰਂ ਯਥਾ ਅਞ੍ਞਸ੍ਮਿਂ ਪੁਰਿਸੇ ਪਟਿਪਜ੍ਜਨ੍ਤਿ 27 ਏવਂ ਤਸ੍ਮਿਂ ਦਾਰਕੇ ਪਟਿਪਜ੍ਜਿਤੁ’’ਨ੍ਤਿ।
Atha kho tassā dutiyikāya bhikkhuniyā etadahosi – ‘‘kathaṃ nu kho mayā imasmiṃ dārake paṭipajjitabba’’nti? Bhagavato etamatthaṃ ārocesuṃ. ‘‘Anujānāmi, bhikkhave, ṭhapetvā sāgāraṃ yathā aññasmiṃ purise paṭipajjanti 28 evaṃ tasmiṃ dārake paṭipajjitu’’nti.
੪੩੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ ਗਰੁਧਮ੍ਮਂ ਅਜ੍ਝਾਪਨ੍ਨਾ ਹੋਤਿ ਮਾਨਤ੍ਤਚਾਰਿਨੀ। ਅਥ ਖੋ ਤਸ੍ਸਾ ਭਿਕ੍ਖੁਨਿਯਾ ਏਤਦਹੋਸਿ – ‘‘ਮਯਾ ਚ ਨ ਲਬ੍ਭਾ ਏਕਿਕਾਯ વਤ੍ਥੁਂ, ਅਞ੍ਞਾਯ ਚ ਭਿਕ੍ਖੁਨਿਯਾ ਨ ਲਬ੍ਭਾ ਸਹ ਮਯਾ વਤ੍ਥੁਂ, ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਏਕਂ ਭਿਕ੍ਖੁਨਿਂ ਸਮ੍ਮਨ੍ਨਿਤ੍વਾ ਤਸ੍ਸਾ ਭਿਕ੍ਖੁਨਿਯਾ ਦੁਤਿਯਂ ਦਾਤੁਂ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ। ਪਠਮਂ ਭਿਕ੍ਖੁਨੀ ਯਾਚਿਤਬ੍ਬਾ, ਯਾਚਿਤ੍વਾ ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
433. Tena kho pana samayena aññatarā bhikkhunī garudhammaṃ ajjhāpannā hoti mānattacārinī. Atha kho tassā bhikkhuniyā etadahosi – ‘‘mayā ca na labbhā ekikāya vatthuṃ, aññāya ca bhikkhuniyā na labbhā saha mayā vatthuṃ, kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Anujānāmi, bhikkhave, ekaṃ bhikkhuniṃ sammannitvā tassā bhikkhuniyā dutiyaṃ dātuṃ. Evañca pana, bhikkhave, sammannitabbā. Paṭhamaṃ bhikkhunī yācitabbā, yācitvā byattāya bhikkhuniyā paṭibalāya saṅgho ñāpetabbo –
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮ੍ਮਨ੍ਨੇਯ੍ਯ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਂ। ਏਸਾ ਞਤ੍ਤਿ।
‘‘Suṇātu me, ayye, saṅgho. Yadi saṅghassa pattakallaṃ, saṅgho itthannāmaṃ bhikkhuniṃ sammanneyya itthannāmāya bhikkhuniyā dutiyaṃ. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮ੍ਮਨ੍ਨਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਂ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਸਮ੍ਮੁਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਾਯ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Saṅgho itthannāmaṃ bhikkhuniṃ sammannati itthannāmāya bhikkhuniyā dutiyaṃ. Yassā ayyāya khamati itthannāmāya bhikkhuniyā sammuti itthannāmāya bhikkhuniyā dutiyāya, sā tuṇhassa; yassā nakkhamati, sā bhāseyya.
‘‘ਸਮ੍ਮਤਾ ਸਙ੍ਘੇਨ ਇਤ੍ਥਨ੍ਨਾਮਾ ਭਿਕ੍ਖੁਨੀ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਦੁਤਿਯਾ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Sammatā saṅghena itthannāmā bhikkhunī itthannāmāya bhikkhuniyā dutiyā. Khamati saṅghassa, tasmā tuṇhī, evametaṃ dhārayāmī’’ti.
੪੩੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ ਸਿਕ੍ਖਂ ਪਚ੍ਚਕ੍ਖਾਯ વਿਬ੍ਭਮਿ। ਸਾ ਪੁਨ ਪਚ੍ਚਾਗਨ੍ਤ੍વਾ ਭਿਕ੍ਖੁਨਿਯੋ ਉਪਸਮ੍ਪਦਂ ਯਾਚਿ । ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਸਿਕ੍ਖਾਪਚ੍ਚਕ੍ਖਾਨਂ; ਯਦੇવ ਸਾ વਿਬ੍ਭਨ੍ਤਾ ਤਦੇવ ਸਾ ਅਭਿਕ੍ਖੁਨੀ’’ਤਿ।
434. Tena kho pana samayena aññatarā bhikkhunī sikkhaṃ paccakkhāya vibbhami. Sā puna paccāgantvā bhikkhuniyo upasampadaṃ yāci . Bhagavato etamatthaṃ ārocesuṃ. ‘‘Na, bhikkhave, bhikkhuniyā sikkhāpaccakkhānaṃ; yadeva sā vibbhantā tadeva sā abhikkhunī’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ ਸਕਾવਾਸਾ ਤਿਤ੍ਥਾਯਤਨਂ ਸਙ੍ਕਮਿ। ਸਾ ਪੁਨ ਪਚ੍ਚਾਗਨ੍ਤ੍વਾ ਭਿਕ੍ਖੁਨਿਯੋ ਉਪਸਮ੍ਪਦਂ ਯਾਚਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਯਾ ਸਾ, ਭਿਕ੍ਖવੇ, ਭਿਕ੍ਖੁਨੀ ਸਕਾવਾਸਾ ਤਿਤ੍ਥਾਯਤਨਂ ਸਙ੍ਕਨ੍ਤਾ, ਸਾ ਆਗਤਾ ਨ ਉਪਸਮ੍ਪਾਦੇਤਬ੍ਬਾ’’ਤਿ।
Tena kho pana samayena aññatarā bhikkhunī sakāvāsā titthāyatanaṃ saṅkami. Sā puna paccāgantvā bhikkhuniyo upasampadaṃ yāci. Bhagavato etamatthaṃ ārocesuṃ. ‘‘Yā sā, bhikkhave, bhikkhunī sakāvāsā titthāyatanaṃ saṅkantā, sā āgatā na upasampādetabbā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਪੁਰਿਸੇਹਿ ਅਭਿવਾਦਨਂ , ਕੇਸਚ੍ਛੇਦਨਂ, ਨਖਚ੍ਛੇਦਨਂ, વਣਪ੍ਪਟਿਕਮ੍ਮਂ, ਕੁਕ੍ਕੁਚ੍ਚਾਯਨ੍ਤਾ ਨ ਸਾਦਿਯਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਸਾਦਿਤੁ’’ਨ੍ਤਿ 29।
Tena kho pana samayena bhikkhuniyo purisehi abhivādanaṃ , kesacchedanaṃ, nakhacchedanaṃ, vaṇappaṭikammaṃ, kukkuccāyantā na sādiyanti. Bhagavato etamatthaṃ ārocesuṃ. ‘‘Anujānāmi, bhikkhave, sāditu’’nti 30.
੪੩੫. ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਪਲ੍ਲਙ੍ਕੇਨ ਨਿਸੀਦਨ੍ਤਿ ਪਣ੍ਹੀਸਮ੍ਫਸ੍ਸਂ ਸਾਦਿਯਨ੍ਤੀ 31। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਪਲ੍ਲਙ੍ਕੇਨ ਨਿਸੀਦਿਤਬ੍ਬਂ। ਯਾ ਨਿਸੀਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
435. Tena kho pana samayena bhikkhuniyo pallaṅkena nisīdanti paṇhīsamphassaṃ sādiyantī 32. Bhagavato etamatthaṃ ārocesuṃ. ‘‘Na, bhikkhave, bhikkhuniyā pallaṅkena nisīditabbaṃ. Yā nisīdeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ ਗਿਲਾਨਾ ਹੋਤਿ। ਤਸ੍ਸਾ વਿਨਾ ਪਲ੍ਲਙ੍ਕੇਨ ਨ ਫਾਸੁ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਭਿਕ੍ਖੁਨਿਯਾ ਅਡ੍ਢਪਲ੍ਲਙ੍ਕ’’ਨ੍ਤਿ।
Tena kho pana samayena aññatarā bhikkhunī gilānā hoti. Tassā vinā pallaṅkena na phāsu hoti. Bhagavato etamatthaṃ ārocesuṃ. ‘‘Anujānāmi, bhikkhave, bhikkhuniyā aḍḍhapallaṅka’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ વਚ੍ਚਕੁਟਿਯਾ વਚ੍ਚਂ ਕਰੋਨ੍ਤਿ । ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਤਤ੍ਥੇવ ਗਬ੍ਭਂ ਪਾਤੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ વਚ੍ਚਕੁਟਿਯਾ વਚ੍ਚੋ ਕਾਤਬ੍ਬੋ। ਯਾ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਹੇਟ੍ਠਾ વਿવਟੇ ਉਪਰਿਪਟਿਚ੍ਛਨ੍ਨੇ વਚ੍ਚਂ ਕਾਤੁ’’ਨ੍ਤਿ।
Tena kho pana samayena bhikkhuniyo vaccakuṭiyā vaccaṃ karonti . Chabbaggiyā bhikkhuniyo tattheva gabbhaṃ pātenti. Bhagavato etamatthaṃ ārocesuṃ. ‘‘Na, bhikkhave, bhikkhuniyā vaccakuṭiyā vacco kātabbo. Yā kareyya, āpatti dukkaṭassa. Anujānāmi, bhikkhave, heṭṭhā vivaṭe uparipaṭicchanne vaccaṃ kātu’’nti.
੪੩੬. ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਚੁਣ੍ਣੇਨ ਨਹਾਯਨ੍ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ…ਪੇ॰… ਸੇਯ੍ਯਥਾਪਿ ਗਿਹਿਨੀ ਕਾਮਭੋਗਿਨਿਯੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ । ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਚੁਣ੍ਣੇਨ ਨਹਾਯਿਤਬ੍ਬਂ। ਯਾ ਨਹਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਕੁਕ੍ਕੁਸਂ ਮਤ੍ਤਿਕ’’ਨ੍ਤਿ।
436. Tena kho pana samayena bhikkhuniyo cuṇṇena nahāyanti. Manussā ujjhāyanti khiyyanti vipācenti…pe… seyyathāpi gihinī kāmabhoginiyoti. Bhagavato etamatthaṃ ārocesuṃ . ‘‘Na, bhikkhave, bhikkhuniyā cuṇṇena nahāyitabbaṃ. Yā nahāyeyya, āpatti dukkaṭassa. Anujānāmi, bhikkhave, kukkusaṃ mattika’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ વਾਸਿਤਕਾਯ ਮਤ੍ਤਿਕਾਯ ਨਹਾਯਨ੍ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ…ਪੇ॰… ਸੇਯ੍ਯਥਾਪਿ ਗਿਹਿਨੀ ਕਾਮਭੋਗਿਨਿਯੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ વਾਸਿਤਕਾਯ ਮਤ੍ਤਿਕਾਯ ਨਹਾਯਿਤਬ੍ਬਂ। ਯਾ ਨਹਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਪਕਤਿਮਤ੍ਤਿਕ’’ਨ੍ਤਿ।
Tena kho pana samayena bhikkhuniyo vāsitakāya mattikāya nahāyanti. Manussā ujjhāyanti khiyyanti vipācenti…pe… seyyathāpi gihinī kāmabhoginiyoti. Bhagavato etamatthaṃ ārocesuṃ. ‘‘Na, bhikkhave, bhikkhuniyā vāsitakāya mattikāya nahāyitabbaṃ. Yā nahāyeyya, āpatti dukkaṭassa. Anujānāmi, bhikkhave, pakatimattika’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਜਨ੍ਤਾਘਰੇ ਨਹਾਯਨ੍ਤਿਯੋ ਕੋਲਾਹਲਂ ਅਕਂਸੁ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਜਨ੍ਤਾਘਰੇ ਨਹਾਯਿਤਬ੍ਬਂ। ਯਾ ਨਹਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena bhikkhuniyo jantāghare nahāyantiyo kolāhalaṃ akaṃsu. Bhagavato etamatthaṃ ārocesuṃ. ‘‘Na, bhikkhave, bhikkhuniyā jantāghare nahāyitabbaṃ. Yā nahāyeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਪਟਿਸੋਤੇ ਨਹਾਯਨ੍ਤਿ ਧਾਰਾਸਮ੍ਫਸ੍ਸਂ ਸਾਦਿਯਨ੍ਤੀ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ , ਭਿਕ੍ਖੁਨਿਯਾ ਪਟਿਸੋਤੇ ਨਹਾਯਿਤਬ੍ਬਂ। ਯਾ ਨਹਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena bhikkhuniyo paṭisote nahāyanti dhārāsamphassaṃ sādiyantī. Bhagavato etamatthaṃ ārocesuṃ. ‘‘Na, bhikkhave , bhikkhuniyā paṭisote nahāyitabbaṃ. Yā nahāyeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਅਤਿਤ੍ਥੇ ਨਹਾਯਨ੍ਤਿ। ਧੁਤ੍ਤਾ ਦੂਸੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਅਤਿਤ੍ਥੇ ਨਹਾਯਿਤਬ੍ਬਂ। ਯਾ ਨਹਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena bhikkhuniyo atitthe nahāyanti. Dhuttā dūsenti. Bhagavato etamatthaṃ ārocesuṃ. ‘‘Na, bhikkhave, bhikkhuniyā atitthe nahāyitabbaṃ. Yā nahāyeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਪੁਰਿਸਤਿਤ੍ਥੇ ਨਹਾਯਨ੍ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ…ਪੇ॰… ਸੇਯ੍ਯਥਾਪਿ ਗਿਹਿਨੀ ਕਾਮਭੋਗਿਨਿਯੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਭਿਕ੍ਖੁਨਿਯਾ ਪੁਰਿਸਤਿਤ੍ਥੇ ਨਹਾਯਿਤਬ੍ਬਂ। ਯਾ ਨਹਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਮਹਿਲਾਤਿਤ੍ਥੇ ਨਹਾਯਿਤੁ’’ਨ੍ਤਿ।
Tena kho pana samayena bhikkhuniyo purisatitthe nahāyanti. Manussā ujjhāyanti khiyyanti vipācenti…pe… seyyathāpi gihinī kāmabhoginiyoti. Bhagavato etamatthaṃ ārocesuṃ. ‘‘Na, bhikkhave, bhikkhuniyā purisatitthe nahāyitabbaṃ. Yā nahāyeyya, āpatti dukkaṭassa. Anujānāmi, bhikkhave, mahilātitthe nahāyitu’’nti.
ਤਤਿਯਭਾਣવਾਰੋ ਨਿਟ੍ਠਿਤੋ।
Tatiyabhāṇavāro niṭṭhito.
ਭਿਕ੍ਖੁਨਿਕ੍ਖਨ੍ਧਕੋ ਦਸਮੋ।
Bhikkhunikkhandhako dasamo.
ਇਮਸ੍ਮਿਂ ਖਨ੍ਧਕੇ વਤ੍ਥੂ ਏਕਸਤਂ।
Imasmiṃ khandhake vatthū ekasataṃ.
ਤਸ੍ਸੁਦ੍ਦਾਨਂ –
Tassuddānaṃ –
ਪਬ੍ਬਜ੍ਜਂ ਗੋਤਮੀ ਯਾਚਿ, ਨਾਨੁਞ੍ਞਾਸਿ ਤਥਾਗਤੋ।
Pabbajjaṃ gotamī yāci, nānuññāsi tathāgato;
ਕਪਿਲવਤ੍ਥੁ વੇਸਾਲਿਂ, ਅਗਮਾਸਿ વਿਨਾਯਕੋ॥
Kapilavatthu vesāliṃ, agamāsi vināyako.
ਰਜੋਕਿਣ੍ਣੇਨ ਕੋਟ੍ਠਕੇ, ਆਨਨ੍ਦਸ੍ਸ ਪવੇਦਯਿ।
Rajokiṇṇena koṭṭhake, ānandassa pavedayi;
ਭਬ੍ਬੋਤਿ ਨਯਤੋ ਯਾਚਿ, ਮਾਤਾਤਿ ਪੋਸਿਕਾਤਿ ਚ॥
Bhabboti nayato yāci, mātāti posikāti ca.
વਸ੍ਸਸਤਂ ਤਦਹੁ ਚ, ਅਭਿਕ੍ਖੁਪਚ੍ਚਾਸੀਸਨਾ।
Vassasataṃ tadahu ca, abhikkhupaccāsīsanā;
ਪવਾਰਣਾ ਗਰੁਧਮ੍ਮਾ, ਦ੍વੇ વਸ੍ਸਾ ਅਨਕ੍ਕੋਸਨਾ॥
Pavāraṇā garudhammā, dve vassā anakkosanā.
ਓવਟੋ ਚ ਅਟ੍ਠ ਧਮ੍ਮਾ, ਯਾવਜੀવਾਨੁવਤ੍ਤਨਾ।
Ovaṭo ca aṭṭha dhammā, yāvajīvānuvattanā;
ਗਰੁਧਮ੍ਮਪਟਿਗ੍ਗਾਹੋ ਸਾવਸ੍ਸਾ ਉਪਸਮ੍ਪਦਾ॥
Garudhammapaṭiggāho sāvassā upasampadā.
વਸ੍ਸਸਹਸ੍ਸਂ ਪਞ੍ਚੇવ, ਕੁਮ੍ਭਥੇਨਕਸੇਤਟ੍ਟਿ।
Vassasahassaṃ pañceva, kumbhathenakasetaṭṭi;
ਮਞ੍ਜਿਟ੍ਠਿਕਉਪਮਾਹਿ, ਏવਂ ਸਦ੍ਧਮ੍ਮਹਿਂਸਨਾ॥
Mañjiṭṭhikaupamāhi, evaṃ saddhammahiṃsanā.
ਆਲ਼ਿਂ ਬਨ੍ਧੇਯ੍ਯ ਪਾਏવ, ਪੁਨ ਸਦ੍ਧਮ੍ਮਸਣ੍ਠਿਤਿ।
Āḷiṃ bandheyya pāeva, puna saddhammasaṇṭhiti;
ਉਪਸਮ੍ਪਾਦੇਤੁਂ ਅਯ੍ਯਾ, ਯਥਾવੁਡ੍ਢਾਭਿવਾਦਨਾ॥
Upasampādetuṃ ayyā, yathāvuḍḍhābhivādanā.
ਨ ਕਰਿਸ੍ਸਨ੍ਤਿ ਕਿਮੇવ, ਸਾਧਾਰਣਾਸਾਧਾਰਣਂ।
Na karissanti kimeva, sādhāraṇāsādhāraṇaṃ;
ਓવਾਦਂ ਪਾਤਿਮੋਕ੍ਖਞ੍ਚ, ਕੇਨ ਨੁ ਖੋ ਉਪਸ੍ਸਯਂ॥
Ovādaṃ pātimokkhañca, kena nu kho upassayaṃ.
ਨ ਜਾਨਨ੍ਤਿ ਚ ਆਚਿਕ੍ਖਿ, ਨ ਕਰੋਨ੍ਤਿ ਚ ਭਿਕ੍ਖੁਹਿ।
Na jānanti ca ācikkhi, na karonti ca bhikkhuhi;
ਪਟਿਗ੍ਗਹੇਤੁਂ ਭਿਕ੍ਖੂਹਿ, ਭਿਕ੍ਖੁਨੀਹਿ ਪਟਿਗ੍ਗਹੋ॥
Paṭiggahetuṃ bhikkhūhi, bhikkhunīhi paṭiggaho.
ਆਚਿਕ੍ਖਿ ਕਮ੍ਮਂ ਭਿਕ੍ਖੂਹਿ, ਉਜ੍ਝਾਯਨ੍ਤਿ ਭਿਕ੍ਖੁਨੀਹਿ વਾ।
Ācikkhi kammaṃ bhikkhūhi, ujjhāyanti bhikkhunīhi vā;
ਆਚਿਕ੍ਖਿਤੁਂ ਭਣ੍ਡਨਞ੍ਚ, ਰੋਪੇਤ੍વਾ ਉਪ੍ਪਲਾਯ ਚ॥
Ācikkhituṃ bhaṇḍanañca, ropetvā uppalāya ca.
ਸਾવਤ੍ਥਿਯਾ ਕਦ੍ਦਮੋਦ, ਅવਨ੍ਦਿ ਕਾਯ ਊਰੁ ਚ।
Sāvatthiyā kaddamoda, avandi kāya ūru ca;
ਅਙ੍ਗਜਾਤਞ੍ਚ ਓਭਾਸਂ, ਸਮ੍ਪਯੋਜੇਨ੍ਤਿ વਗ੍ਗਿਕਾ॥
Aṅgajātañca obhāsaṃ, sampayojenti vaggikā.
ਅવਨ੍ਦਿਯੋ ਦਣ੍ਡਕਮ੍ਮਂ, ਭਿਕ੍ਖੁਨਿਯੋ ਤਥਾ ਪੁਨ।
Avandiyo daṇḍakammaṃ, bhikkhuniyo tathā puna;
ਆવਰਣਞ੍ਚ ਓવਾਦਂ, ਕਪ੍ਪਤਿ ਨੁ ਖੋ ਪਕ੍ਕਮਿ॥
Āvaraṇañca ovādaṃ, kappati nu kho pakkami.
ਬਾਲਾ વਤ੍ਥੁવਿਨਿਚ੍ਛਯਾ, ਓવਾਦਂ ਸਙ੍ਘੋ ਪਞ੍ਚਹਿ।
Bālā vatthuvinicchayā, ovādaṃ saṅgho pañcahi;
ਦੁવੇ ਤਿਸ੍ਸੋ ਨ ਗਣ੍ਹਨ੍ਤਿ, ਬਾਲਾ ਗਿਲਾਨਗਮਿਕਂ॥
Duve tisso na gaṇhanti, bālā gilānagamikaṃ.
ਆਰਞ੍ਞਿਕੋ ਨਾਰੋਚੇਨ੍ਤਿ, ਨ ਪਚ੍ਚਾਗਚ੍ਛਨ੍ਤਿ ਚ।
Āraññiko nārocenti, na paccāgacchanti ca;
ਦੀਘਂ વਿਲੀવਚਮ੍ਮਞ੍ਚ, ਦੁਸ੍ਸਾ ਚ વੇਣਿવਟ੍ਟਿ ਚ।
Dīghaṃ vilīvacammañca, dussā ca veṇivaṭṭi ca;
ਚੋਲ਼વੇਣਿ ਚ વਟ੍ਟਿ ਚ, ਸੁਤ੍ਤવੇਣਿ ਚ વਟ੍ਟਿਕਾ॥
Coḷaveṇi ca vaṭṭi ca, suttaveṇi ca vaṭṭikā.
ਅਟ੍ਠਿਲ੍ਲਂ ਗੋਹਨੁਕੇਨ, ਹਤ੍ਥਕੋਚ੍ਛਂ ਪਾਦਂ ਤਥਾ।
Aṭṭhillaṃ gohanukena, hatthakocchaṃ pādaṃ tathā;
ਊਰੁਂ ਮੁਖਂ ਦਨ੍ਤਮਂਸਂ, ਆਲਿਮ੍ਪੋਮਦ੍ਦਚੁਣ੍ਣਨਾ॥
Ūruṃ mukhaṃ dantamaṃsaṃ, ālimpomaddacuṇṇanā.
ਲਞ੍ਛੇਨ੍ਤਿ ਅਙ੍ਗਰਾਗਞ੍ਚ, ਮੁਖਰਾਗਂ ਤਥਾ ਦੁવੇ।
Lañchenti aṅgarāgañca, mukharāgaṃ tathā duve;
વੇਸੀ ਪਾਨਾਗਾਰਂ ਸੂਨਂ, ਆਪਣਂ વਡ੍ਢਿ વਣਿਜ੍ਜਾ।
Vesī pānāgāraṃ sūnaṃ, āpaṇaṃ vaḍḍhi vaṇijjā;
ਦਾਸਂ ਦਾਸਿਂ ਕਮ੍ਮਕਰਂ, ਕਮ੍ਮਕਾਰਿਂ ਉਪਟ੍ਠਯ੍ਯੁਂ॥
Dāsaṃ dāsiṃ kammakaraṃ, kammakāriṃ upaṭṭhayyuṃ.
ਤਿਰਚ੍ਛਾਨਹਰੀਤਕਿ, ਸਨ੍ਧਾਰਯਨ੍ਤਿ ਨਮਤਕਂ।
Tiracchānaharītaki, sandhārayanti namatakaṃ;
ਨੀਲਂ ਪੀਤਂ ਲੋਹਿਤਕਂ, ਮਞ੍ਜਿਟ੍ਠਕਣ੍ਹਚੀવਰਾ॥
Nīlaṃ pītaṃ lohitakaṃ, mañjiṭṭhakaṇhacīvarā.
ਮਹਾਰਙ੍ਗਮਹਾਨਾਮਅਚ੍ਛਿਨ੍ਨਾ ਦੀਘਮੇવ ਚ।
Mahāraṅgamahānāmaacchinnā dīghameva ca;
ਪੁਪ੍ਫਫਲਕਞ੍ਚੁਕਞ੍ਚ, ਤਿਰੀਟਕਞ੍ਚ ਧਾਰਯੁਂ॥
Pupphaphalakañcukañca, tirīṭakañca dhārayuṃ.
ਭਿਕ੍ਖੁਨੀ ਸਿਕ੍ਖਮਾਨਾਯ, ਸਾਮਣੇਰਾਯ ਅਚ੍ਚਯੇ।
Bhikkhunī sikkhamānāya, sāmaṇerāya accaye;
ਨਿਯ੍ਯਾਦਿਤੇ ਪਰਿਕ੍ਖਾਰੇ, ਭਿਕ੍ਖੁਨਿਯੋવ ਇਸ੍ਸਰਾ॥
Niyyādite parikkhāre, bhikkhuniyova issarā.
ਭਿਕ੍ਖੁਸ੍ਸ ਸਾਮਣੇਰਸ੍ਸ, ਉਪਾਸਕਸ੍ਸੁਪਾਸਿਕਾ।
Bhikkhussa sāmaṇerassa, upāsakassupāsikā;
ਅਞ੍ਞੇਸਞ੍ਚ ਪਰਿਕ੍ਖਾਰੇ, ਨਿਯ੍ਯਾਤੇ ਭਿਕ੍ਖੁਇਸ੍ਸਰਾ॥
Aññesañca parikkhāre, niyyāte bhikkhuissarā.
ਮਲ੍ਲੀ ਗਬ੍ਭਂ ਪਤ੍ਤਮੂਲਂ, ਬ੍ਯਞ੍ਜਨਂ ਆਮਿਸੇਨ ਚ।
Mallī gabbhaṃ pattamūlaṃ, byañjanaṃ āmisena ca;
ਉਸ੍ਸਨ੍ਨਞ੍ਚ ਬਾਲ਼੍ਹਤਰਂ, ਸਨ੍ਨਿਧਿਕਤਮਾਮਿਸਂ॥
Ussannañca bāḷhataraṃ, sannidhikatamāmisaṃ.
ਭਿਕ੍ਖੂਨਂ ਯਾਦਿਸਂ ਭੋਟ੍ਠਂ 35, ਭਿਕ੍ਖੁਨੀਨਂ ਤਥਾ ਕਰੇ।
Bhikkhūnaṃ yādisaṃ bhoṭṭhaṃ 36, bhikkhunīnaṃ tathā kare;
ਸੇਨਾਸਨਂ ਉਤੁਨਿਯੋ, ਮਕ੍ਖੀਯਤਿ ਪਟਾਣਿ ਚ॥
Senāsanaṃ utuniyo, makkhīyati paṭāṇi ca.
ਛਿਜ੍ਜਨ੍ਤਿ ਸਬ੍ਬਕਾਲਞ੍ਚ, ਅਨਿਮਿਤ੍ਤਾਪਿ ਦਿਸ੍ਸਰੇ।
Chijjanti sabbakālañca, animittāpi dissare;
ਨਿਮਿਤ੍ਤਾ ਲੋਹਿਤਾ ਚੇવ, ਤਥੇવ ਧੁવਲੋਹਿਤਾ॥
Nimittā lohitā ceva, tatheva dhuvalohitā.
ਧੁવਚੋਲ਼ਪਗ੍ਘਰਨ੍ਤੀ, ਸਿਖਰਣਿਤ੍ਥਿਪਣ੍ਡਕਾ।
Dhuvacoḷapaggharantī, sikharaṇitthipaṇḍakā;
વੇਪੁਰਿਸੀ ਚ ਸਮ੍ਭਿਨ੍ਨਾ, ਉਭਤੋਬ੍ਯਞ੍ਜਨਾਪਿ ਚ॥
Vepurisī ca sambhinnā, ubhatobyañjanāpi ca.
ਅਨਿਮਿਤ੍ਤਾਦਿਤੋ ਕਤ੍વਾ, ਯਾવ ਉਭਤੋਬ੍ਯਞ੍ਜਨਾ।
Animittādito katvā, yāva ubhatobyañjanā;
ਏਤਂ ਪੇਯ੍ਯਾਲਤੋ ਹੇਟ੍ਠਾ, ਕੁਟ੍ਠਂ ਗਣ੍ਡੋ ਕਿਲਾਸੋ ਚ॥
Etaṃ peyyālato heṭṭhā, kuṭṭhaṃ gaṇḍo kilāso ca.
ਸੋਸਾਪਮਾਰੋ ਮਾਨੁਸੀ, ਇਤ੍ਥੀਸਿ ਭੁਜਿਸ੍ਸਾਸਿ ਚ।
Sosāpamāro mānusī, itthīsi bhujissāsi ca;
ਅਣਣਾ ਨ ਰਾਜਭਟੀ, ਅਨੁਞ੍ਞਾਤਾ ਚ વੀਸਤਿ॥
Aṇaṇā na rājabhaṭī, anuññātā ca vīsati.
ਪਰਿਪੁਣ੍ਣਾ ਚ ਕਿਨ੍ਨਾਮਾ, ਕਾਨਾਮਾ ਤੇ ਪવਤ੍ਤਿਨੀ।
Paripuṇṇā ca kinnāmā, kānāmā te pavattinī;
ਚਤੁવੀਸਨ੍ਤਰਾਯਾਨਂ, ਪੁਚ੍ਛਿਤ੍વਾ ਉਪਸਮ੍ਪਦਾ॥
Catuvīsantarāyānaṃ, pucchitvā upasampadā.
વਿਤ੍ਥਾਯਨ੍ਤਿ ਅਨਨੁਸਿਟ੍ਠਾ, ਸਙ੍ਘਮਜ੍ਝੇ ਤਥੇવ ਚ।
Vitthāyanti ananusiṭṭhā, saṅghamajjhe tatheva ca;
ਉਪਜ੍ਝਾਗਾਹ ਸਙ੍ਘਾਟਿ, ਉਤ੍ਤਰਨ੍ਤਰવਾਸਕੋ॥
Upajjhāgāha saṅghāṭi, uttarantaravāsako.
ਸਙ੍ਕਚ੍ਚੁਦਕਸਾਟਿ ਚ, ਆਚਿਕ੍ਖਿਤ੍વਾਨ ਪੇਸਯੇ।
Saṅkaccudakasāṭi ca, ācikkhitvāna pesaye;
ਬਾਲਾ ਅਸਮ੍ਮਤੇਕਤੋ, ਯਾਚੇ ਪੁਚ੍ਛਨ੍ਤਰਾਯਿਕਾ॥
Bālā asammatekato, yāce pucchantarāyikā.
ਏਕਤੋਉਪਸਮ੍ਪਨ੍ਨਾ, ਭਿਕ੍ਖੁਸਙ੍ਘੇ ਤਥਾ ਪੁਨ।
Ekatoupasampannā, bhikkhusaṅghe tathā puna;
ਛਾਯਾ ਉਤੁ ਦਿવਸਾ ਚ, ਸਙ੍ਗੀਤਿ ਤਯੋ ਨਿਸ੍ਸਯੇ॥
Chāyā utu divasā ca, saṅgīti tayo nissaye.
ਅਟ੍ਠ ਅਕਰਣੀਯਾਨਿ, ਕਾਲਂ ਸਬ੍ਬਤ੍ਥ ਅਟ੍ਠੇવ।
Aṭṭha akaraṇīyāni, kālaṃ sabbattha aṭṭheva;
ਨ ਪવਾਰੇਨ੍ਤਿ ਭਿਕ੍ਖੁਨੀ, ਭਿਕ੍ਖੁਸਙ੍ਘਂ ਤਥੇવ ਚ॥
Na pavārenti bhikkhunī, bhikkhusaṅghaṃ tatheva ca.
ਕੋਲਾਹਲਂ ਪੁਰੇਭਤ੍ਤਂ, વਿਕਾਲੇ ਚ ਕੋਲਾਹਲਂ।
Kolāhalaṃ purebhattaṃ, vikāle ca kolāhalaṃ;
ਉਪੋਸਥਂ ਪવਾਰਣਂ, ਸવਚਨੀਯਾਨੁવਾਦਨਂ॥
Uposathaṃ pavāraṇaṃ, savacanīyānuvādanaṃ.
ਓਕਾਸਂ ਚੋਦੇ ਸਾਰੇਨ੍ਤਿ, ਪਟਿਕ੍ਖਿਤ੍ਤਂ ਮਹੇਸਿਨਾ।
Okāsaṃ code sārenti, paṭikkhittaṃ mahesinā;
ਤਥੇવ ਭਿਕ੍ਖੁ ਭਿਕ੍ਖੁਨੀ, ਅਨੁਞ੍ਞਾਤਂ ਮਹੇਸਿਨਾ॥
Tatheva bhikkhu bhikkhunī, anuññātaṃ mahesinā.
ਯਾਨਂ ਗਿਲਾਨਯੁਤ੍ਤਞ੍ਚ, ਯਾਨੁਗ੍ਘਾਤਡ੍ਢਕਾਸਿਕਾ।
Yānaṃ gilānayuttañca, yānugghātaḍḍhakāsikā;
ਭਿਕ੍ਖੁ ਸਿਕ੍ਖਾ ਸਾਮਣੇਰ, ਸਾਮਣੇਰੀ ਚ ਬਾਲਾਯ॥
Bhikkhu sikkhā sāmaṇera, sāmaṇerī ca bālāya.
ਅਰਞ੍ਞੇ ਉਪਾਸਕੇਨ, ਉਦ੍ਦੋਸਿਤੋ ਉਪਸ੍ਸਯਂ।
Araññe upāsakena, uddosito upassayaṃ;
ਨ ਸਮ੍ਮਤਿ ਨવਕਮ੍ਮਂ, ਨਿਸਿਨ੍ਨਗਬ੍ਭਏਕਿਕਾ॥
Na sammati navakammaṃ, nisinnagabbhaekikā.
ਸਾਗਾਰਞ੍ਚ ਗਰੁਧਮ੍ਮਂ, ਪਚ੍ਚਕ੍ਖਾਯ ਚ ਸਙ੍ਕਮਿ।
Sāgārañca garudhammaṃ, paccakkhāya ca saṅkami;
ਅਭਿવਾਦਨਕੇਸਾ ਚ, ਨਖਾ ਚ વਣਕਮ੍ਮਨਾ॥
Abhivādanakesā ca, nakhā ca vaṇakammanā.
ਪਲ੍ਲਙ੍ਕੇਨ ਗਿਲਾਨਾ ਚ, વਚ੍ਚਂ ਚੁਣ੍ਣੇਨ વਾਸਿਤਂ।
Pallaṅkena gilānā ca, vaccaṃ cuṇṇena vāsitaṃ;
ਜਨ੍ਤਾਘਰੇ ਪਟਿਸੋਤੇ, ਅਤਿਤ੍ਥੇ ਪੁਰਿਸੇਨ ਚ॥
Jantāghare paṭisote, atitthe purisena ca.
ਮਹਾਗੋਤਮੀ ਆਯਾਚਿ, ਆਨਨ੍ਦੋ ਚਾਪਿ ਯੋਨਿਸੋ।
Mahāgotamī āyāci, ānando cāpi yoniso;
ਪਰਿਸਾ ਚਤਸ੍ਸੋ ਹੋਨ੍ਤਿ, ਪਬ੍ਬਜ੍ਜਾ ਜਿਨਸਾਸਨੇ॥
Parisā catasso honti, pabbajjā jinasāsane.
ਸਂવੇਗਜਨਨਤ੍ਥਾਯ , ਸਦ੍ਧਮ੍ਮਸ੍ਸ ਚ વੁਦ੍ਧਿਯਾ।
Saṃvegajananatthāya , saddhammassa ca vuddhiyā;
ਆਤੁਰਸ੍ਸਾવ ਭੇਸਜ੍ਜਂ, ਏવਂ ਬੁਦ੍ਧੇਨ ਦੇਸਿਤਂ॥
Āturassāva bhesajjaṃ, evaṃ buddhena desitaṃ.
ਏવਂ વਿਨੀਤਾ ਸਦ੍ਧਮ੍ਮੇ, ਮਾਤੁਗਾਮਾਪਿ ਇਤਰਾ।
Evaṃ vinītā saddhamme, mātugāmāpi itarā;
ਯਾਯਨ੍ਤਿ 37 ਅਚ੍ਚੁਤਂ ਠਾਨਂ, ਯਤ੍ਥ ਗਨ੍ਤ੍વਾ ਨ ਸੋਚਰੇਤਿ॥
Yāyanti 38 accutaṃ ṭhānaṃ, yattha gantvā na socareti.
ਭਿਕ੍ਖੁਨਿਕ੍ਖਨ੍ਧਕਂ ਨਿਟ੍ਠਿਤਂ।
Bhikkhunikkhandhakaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾ • Bhikkhunīupasampadānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਿਕ੍ਖੁਨੀਉਪਸਮ੍ਪਨ੍ਨਾਨੁਜਾਨਨਕਥਾવਣ੍ਣਨਾ • Bhikkhunīupasampannānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾવਣ੍ਣਨਾ • Bhikkhunīupasampadānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾવਣ੍ਣਨਾ • Bhikkhunīupasampadānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਭਿਕ੍ਖੁਨੀਉਪਸਮ੍ਪਦਾਨੁਜਾਨਨਕਥਾ • Bhikkhunīupasampadānujānanakathā
