| Library / Tipiṭaka / တိပိဋက • Tipiṭaka / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā |
တတိယစတုတ္ထမဂ္ဂာ
Tatiyacatutthamaggā
၃၆၂. တတိယေ အနဝသေသပ္ပဟာနာယာတိ တေသံယေဝ သကဒာဂာမိမဂ္ဂေန တနုဘူတာနံ သံယောဇနာနံ နိသ္သေသပဇဟနတ္ထာယ။
362. Tatiye anavasesappahānāyāti tesaṃyeva sakadāgāmimaggena tanubhūtānaṃ saṃyojanānaṃ nissesapajahanatthāya.
စတုတ္ထေ ရူပရာဂအရူပရာဂမာနဥဒ္ဓစ္စအဝိဇ္ဇာယ အနဝသေသပ္ပဟာနာယာတိ ဧတေသံ ပဉ္စန္နံ ဥဒ္ဓမ္ဘာဂိယသံယောဇနာနံ နိသ္သေသပဇဟနတ္ထာယ။ တတ္ထ ရူပရာဂောတိ ရူပဘဝေ ဆန္ဒရာဂော။ အရူပရာဂောတိ အရူပဘဝေ ဆန္ဒရာဂော။ မာနောတိ အရဟတ္တမဂ္ဂဝဇ္ဈကော မာနော ဧဝ။ တထာ ဥဒ္ဓစ္စာဝိဇ္ဇာ။ ဣမေသုပိ ဒ္ဝီသု မဂ္ဂေသု နဝမံ အညိန္ဒ္ရိယမေဝ ဟောတိ။
Catutthe rūparāgaarūparāgamānauddhaccaavijjāya anavasesappahānāyāti etesaṃ pañcannaṃ uddhambhāgiyasaṃyojanānaṃ nissesapajahanatthāya. Tattha rūparāgoti rūpabhave chandarāgo. Arūparāgoti arūpabhave chandarāgo. Mānoti arahattamaggavajjhako māno eva. Tathā uddhaccāvijjā. Imesupi dvīsu maggesu navamaṃ aññindriyameva hoti.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / လောကုတ္တရကုသလံ • Lokuttarakusalaṃ
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā / တတိယစတုတ္ထမဂ္ဂဝဏ္ဏနာ • Tatiyacatutthamaggavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā / စတုမဂ္ဂနယသဟသ္သဝဏ္ဏနာ • Catumagganayasahassavaṇṇanā
