| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. д̇ад̇ияачапассааяад̇анасуд̇д̇ам̣
11. Tatiyachaphassāyatanasuttaṃ
73. ‘‘яо хи гожи, бхигкавз, бхигку чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаад̇и. авусид̇ам̣ д̇зна б̣рахмажарияам̣, аарагаа со имасмаа д̇хаммавинаяаа’’д̇и.
73. ‘‘Yo hi koci, bhikkhave, bhikkhu channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Avusitaṃ tena brahmacariyaṃ, ārakā so imasmā dhammavinayā’’ti.
звам̣ вуд̇д̇з, ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘зд̇т̇аахам̣, бханд̇з, анассасам̣ банассасам̣. ахан̃хи, бханд̇з, чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаамий’’д̇и.
Evaṃ vutte, aññataro bhikkhu bhagavantaṃ etadavoca – ‘‘etthāhaṃ, bhante, anassasaṃ panassasaṃ. Ahañhi, bhante, channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānāmī’’ti.
‘‘д̇ам̣ гим̣ ман̃н̃аси, бхигку, жагку нижжам̣ ваа анижжам̣ ваа’’д̇и?
‘‘Taṃ kiṃ maññasi, bhikkhu, cakkhu niccaṃ vā aniccaṃ vā’’ti?
‘‘анижжам̣, бханд̇з’’.
‘‘Aniccaṃ, bhante’’.
‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘сод̇ам̣… гхаанам̣… ж̇ивхаа… гааяо… мано нижжо ваа анижжо ваа’’д̇и?
‘‘Sotaṃ… ghānaṃ… jivhā… kāyo… mano nicco vā anicco vā’’ti?
‘‘анижжо, бханд̇з’’.
‘‘Anicco, bhante’’.
‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘звам̣ бассам̣, бхигку, суд̇аваа арияасааваго жагкусмимби ниб̣б̣инд̣̇ад̇и, сод̇асмимби ниб̣б̣инд̣̇ад̇и, гхаанасмимби ниб̣б̣инд̣̇ад̇и, ж̇ивхааяаби ниб̣б̣инд̣̇ад̇и, гааяасмимби ниб̣б̣инд̣̇ад̇и, манасмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. згаад̣̇асамам̣.
‘‘Evaṃ passaṃ, bhikkhu, sutavā ariyasāvako cakkhusmimpi nibbindati, sotasmimpi nibbindati, ghānasmimpi nibbindati, jivhāyapi nibbindati, kāyasmimpi nibbindati, manasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Ekādasamaṃ.
миг̇аж̇аалаваг̇г̇о сад̇д̇амо.
Migajālavaggo sattamo.
д̇ассуд̣̇д̣̇аанам̣ –
Tassuddānaṃ –
миг̇аж̇аалзна д̣̇вз вуд̇д̇аа, жад̇д̇ааро жа самид̣̇д̇хинаа;
Migajālena dve vuttā, cattāro ca samiddhinā;
убасзно убаваан̣о, чапассааяад̇анигаа д̇аяод̇и.
Upaseno upavāṇo, chaphassāyatanikā tayoti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. д̇ад̇ияачапассааяад̇анасуд̇д̇аван̣н̣анаа • 11. Tatiyachaphassāyatanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. д̇ад̇ияачапассааяад̇анасуд̇д̇аван̣н̣анаа • 11. Tatiyachaphassāyatanasuttavaṇṇanā
