| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
д̇ад̇ияажид̇д̇аван̣н̣анаа
Tatiyacittavaṇṇanā
400. абан̣н̣агабад̣̇ам̣ вияа авираж̇жханагабад̣̇амби гад̣̇аажи нияад̇абхаавам̣ д̣̇ийбзяяаад̇и анияад̇ад̇ам̣ д̣̇ийбзд̇ум̣ ‘‘уббад̇д̇иарахан̇г̇ааний’’д̇и вуд̇д̇ам̣ маанасса анияад̇ад̇д̇аа. яад̣̇и хи маано нияад̇о сияаа, гаамарааг̇асса маанарахид̇аа бавад̇д̇и на сияаа, д̇ат̇аа бхаварааг̇асса. звам̣ сад̇и бадтаанз жад̇угкад̇д̇ум̣ гаамарааг̇зна яож̇анаа на сияаа, д̇игкад̇д̇ум̣язва сияаа, бхаварааг̇амуулигаа жа на сияаа, зван̃жа сам̣яож̇анаанам̣ сам̣яож̇анзхи адтавид̇хзна яож̇анаа сияаа, на д̣̇асавид̇хаа д̣̇ассид̇аад̇и яат̇аавуд̇д̇аахи яож̇анаахи маанасса анияад̇абхааво багаасид̇о. ат̇а ваа маанзна сад̣̇д̇хим̣ бан̃жа хонд̇и яат̇аавуд̇д̇аани абан̣н̣аган̇г̇аани, гим̣ бана хонд̇ийд̇и абзгкааяам̣ язваабанагаад̇и вид̣̇ид̇овааяамад̇т̇о. язваабанагаанан̃хи бан̃жабхааво ид̇ха вид̇хийяад̇и, на абан̣н̣аган̇г̇аананд̇и со яат̇аа ход̇и , д̇ат̇аа яож̇зд̇аб̣б̣ам̣. гилзсад̣̇угз бадижжаваараад̣̇ийсу ‘‘гилзсам̣ д̇хаммам̣ бадижжа гилзсо д̇хаммо уббаж̇ж̇ад̇и хзд̇убажжаяаа’’д̇иаад̣̇ийсу ‘‘лобхам̣ бадижжа мохо маано т̇инам̣ уд̣̇д̇хажжам̣ ахиригам̣ анод̇д̇аббам̣. лобхам̣ бадижжа мохо маано уд̣̇д̇хажжам̣ ахиригам̣ анод̇д̇аббам̣. лобхам̣ бадижжа мохо т̇инам̣ уд̣̇д̇хажжам̣ ахиригам̣ анод̇д̇аббам̣. лобхам̣ бадижжа мохо уд̣̇д̇хажжам̣ ахиригам̣ анод̇д̇абба’’нд̇и вибхад̇д̇ад̇д̇аа ‘‘д̇ат̇аа гилзсад̣̇угзбий’’д̇и вуд̇д̇ам̣. д̣̇идтивиббаяуд̇д̇асасан̇кааригаасан̇кааригажид̇д̇авасзна хи аяам̣ баатабхзд̣̇од̇и.
400. Apaṇṇakapadaṃ viya avirajjhanakapadampi kadāci niyatabhāvaṃ dīpeyyāti aniyatataṃ dīpetuṃ ‘‘uppattiarahaṅgānī’’ti vuttaṃ mānassa aniyatattā. Yadi hi māno niyato siyā, kāmarāgassa mānarahitā pavatti na siyā, tathā bhavarāgassa. Evaṃ sati paṭṭhāne catukkhattuṃ kāmarāgena yojanā na siyā, tikkhattuṃyeva siyā, bhavarāgamūlikā ca na siyā, evañca saṃyojanānaṃ saṃyojanehi aṭṭhavidhena yojanā siyā, na dasavidhā dassitāti yathāvuttāhi yojanāhi mānassa aniyatabhāvo pakāsito. Atha vā mānena saddhiṃ pañca honti yathāvuttāni apaṇṇakaṅgāni, kiṃ pana hontīti apekkhāyaṃ yevāpanakāti viditovāyamattho. Yevāpanakānañhi pañcabhāvo idha vidhīyati, na apaṇṇakaṅgānanti so yathā hoti , tathā yojetabbaṃ. Kilesaduke paṭiccavārādīsu ‘‘kilesaṃ dhammaṃ paṭicca kileso dhammo uppajjati hetupaccayā’’tiādīsu ‘‘lobhaṃ paṭicca moho māno thinaṃ uddhaccaṃ ahirikaṃ anottappaṃ. Lobhaṃ paṭicca moho māno uddhaccaṃ ahirikaṃ anottappaṃ. Lobhaṃ paṭicca moho thinaṃ uddhaccaṃ ahirikaṃ anottappaṃ. Lobhaṃ paṭicca moho uddhaccaṃ ahirikaṃ anottappa’’nti vibhattattā ‘‘tathā kilesadukepī’’ti vuttaṃ. Diṭṭhivippayuttasasaṅkhārikāsaṅkhārikacittavasena hi ayaṃ pāṭhabhedoti.
‘‘гаамарааг̇о жад̇уд̇хаа згад̇о уббаж̇ж̇ад̇и, бадигхо д̇ид̇хаа, маано згад̇хаа, д̇ат̇аа вижигижчаа бхаварааг̇од̇и уд̣̇д̣̇исид̇ваа гаамарааг̇о маанасам̣яож̇анаавиж̇ж̇аасам̣яож̇анзхи жзва авиж̇ж̇аасам̣яож̇анамад̇д̇знзва жа сад̣̇д̇хим̣ маано бхаварааг̇аавиж̇ж̇аасам̣яож̇анзхи сад̣̇д̇хим̣ бхаварааг̇о авиж̇ж̇аасам̣яож̇анзна сад̣̇д̇хи’’нд̇и адтагат̇ааган̣д̣аван̣н̣анааяам̣ (д̇ха. са. адта. 1485) вагкамаанад̇д̇аа ‘‘ид̇ха жа вагкад̇ий’’д̇иаад̣̇и вуд̇д̇ам̣. д̇ад̇т̇зва ‘‘лобхо чад̇хаа згад̇о уббаж̇ж̇ад̇и, бадигхо д̣̇взд̇хаа, д̇ат̇аа мохо’’д̇и уд̣̇д̣̇исид̇ваа ‘‘лобхо асан̇каариго д̣̇идтивиббаяуд̇д̇о мохауд̣̇д̇хажжаахиригаанод̇д̇аббзхи, сасан̇каариго мохат̇инауд̣̇д̇хажжаахиригаанод̇д̇аббзхи, асан̇каариго зва мохамаанауд̣̇д̇хажжаахиригаанод̇д̇аббзхи, сасан̇каариго зва жа мохамаанат̇инауд̣̇д̇хажжаахиригаанод̇д̇аббзхий’’д̇и вагкамаанад̇д̇аа ‘‘д̇ат̇аад̣̇асавид̇хаа гилзсаана’’нд̇и вуд̇д̇ам̣. ‘‘аха’’нд̇и г̇ахан̣ад̇ааяа авам̣гад̇ваа г̇ахан̣амби ‘‘самбаг̇г̇ахо’’д̇и вуд̇д̇ам̣.
‘‘Kāmarāgo catudhā ekato uppajjati, paṭigho tidhā, māno ekadhā, tathā vicikicchā bhavarāgoti uddisitvā kāmarāgo mānasaṃyojanaavijjāsaṃyojanehi ceva avijjāsaṃyojanamatteneva ca saddhiṃ māno bhavarāgāvijjāsaṃyojanehi saddhiṃ bhavarāgo avijjāsaṃyojanena saddhi’’nti aṭṭhakathākaṇḍavaṇṇanāyaṃ (dha. sa. aṭṭha. 1485) vakkhamānattā ‘‘idha ca vakkhatī’’tiādi vuttaṃ. Tattheva ‘‘lobho chadhā ekato uppajjati, paṭigho dvedhā, tathā moho’’ti uddisitvā ‘‘lobho asaṅkhāriko diṭṭhivippayutto mohauddhaccaahirikānottappehi, sasaṅkhāriko mohathinauddhaccaahirikānottappehi, asaṅkhāriko eva mohamānauddhaccaahirikaanottappehi, sasaṅkhāriko eva ca mohamānathinauddhaccaahirikaanottappehī’’ti vakkhamānattā ‘‘tathādasavidhā kilesāna’’nti vuttaṃ. ‘‘Aha’’nti gahaṇatāya avaṃkatvā gahaṇampi ‘‘sampaggaho’’ti vuttaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇ад̇ияажид̇д̇ам̣ • Tatiyacittaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇ад̇ияажид̇д̇аван̣н̣анаа • Tatiyacittavaṇṇanā
