| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̇ад̇ияажхаанабан̃хаасуд̇д̇ам̣
3. Tatiyajhānapañhāsuttaṃ
334. ‘‘‘д̇ад̇ияам̣ жхаанам̣, д̇ад̇ияам̣ жхаана’нд̇и вужжад̇и. гад̇амам̣ ну ко д̇ад̇ияам̣ жхаананд̇и? д̇асса маяхам̣, аавусо, зд̇ад̣̇ахоси – ид̇ха бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и д̇ад̇ияам̣ жхаананд̇и. со кваахам̣, аавусо, бийд̇ияаа жа вирааг̇аа убзгкаго жа вихараами сад̇о жа самбаж̇аано сукан̃жа гааязна бадисам̣взд̣̇зми. яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихараами. д̇асса маяхам̣, аавусо, иминаа вихаарзна вихарад̇о бийд̇исахаг̇ад̇аа сан̃н̃ааманасигаараа самуд̣̇аажаранд̇и.
334. ‘‘‘Tatiyaṃ jhānaṃ, tatiyaṃ jhāna’nti vuccati. Katamaṃ nu kho tatiyaṃ jhānanti? Tassa mayhaṃ, āvuso, etadahosi – idha bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Idaṃ vuccati tatiyaṃ jhānanti. So khvāhaṃ, āvuso, pītiyā ca virāgā upekkhako ca viharāmi sato ca sampajāno sukhañca kāyena paṭisaṃvedemi. Yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharāmi. Tassa mayhaṃ, āvuso, iminā vihārena viharato pītisahagatā saññāmanasikārā samudācaranti.
‘‘ат̇а ко мам̣, аавусо, бхаг̇аваа ид̣̇д̇хияаа убасан̇гамид̇ваа зд̇ад̣̇авожа – ‘мог̇г̇аллаана, мог̇г̇аллаана! маа, б̣раахман̣а, д̇ад̇ияам̣ жхаанам̣ бамаад̣̇о, д̇ад̇ияз жхаанз жид̇д̇ам̣ сан̣табзхи, д̇ад̇ияз жхаанз жид̇д̇ам̣ згод̣̇им̣ гарохи, д̇ад̇ияз жхаанз жид̇д̇ам̣ самаад̣̇ахаа’д̇и. со кваахам̣, аавусо, абарзна самаязна бийд̇ияаа жа вирааг̇аа убзгкаго жа вихараами сад̇о жа самбаж̇аано сукан̃жа гааязна бадисам̣взд̣̇зми, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихаасим̣. яан̃хи д̇ам̣ аавусо саммаа вад̣̇амаано вад̣̇зяяа…бз… махаабхин̃н̃ад̇ам̣ бад̇д̇о’’д̇и. д̇ад̇ияам̣.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, tatiyaṃ jhānaṃ pamādo, tatiye jhāne cittaṃ saṇṭhapehi, tatiye jhāne cittaṃ ekodiṃ karohi, tatiye jhāne cittaṃ samādahā’ti. So khvāhaṃ, āvuso, aparena samayena pītiyā ca virāgā upekkhako ca viharāmi sato ca sampajāno sukhañca kāyena paṭisaṃvedemi, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja vihāsiṃ. Yañhi taṃ āvuso sammā vadamāno vadeyya…pe… mahābhiññataṃ patto’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-8. батамажхаанабан̃хаасуд̇д̇аад̣̇иван̣н̣анаа • 1-8. Paṭhamajhānapañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-8. батамаж̇жхаанабан̃хасуд̇д̇аад̣̇иван̣н̣анаа • 1-8. Paṭhamajjhānapañhasuttādivaṇṇanā
