| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
3. ததியனயோ அஸங்க³ஹிதேனஸங்க³ஹிதபத³வண்ணனா
3. Tatiyanayo asaṅgahitenasaṅgahitapadavaṇṇanā
179. அஸங்க³ஹிதேனஸங்க³ஹிதபத³னித்³தே³ஸே ரூபக்க²ந்தே⁴ன க²ந்த⁴ஸங்க³ஹேன அஸங்க³ஹிதேஸு வேத³னாதீ³னங் திண்ணங் க²ந்தா⁴னங் நிப்³பா³னஸ்ஸ ச ஸுகு²மரூபேன ஸஹ ஆயதனதா⁴துஸபா⁴க³த்தே ஸதிபி ந ஸுகு²மரூபமேவ ரூபக்க²ந்தோ⁴தி ரூபக்க²ந்தே⁴ன ஆயதனதா⁴துஸபா⁴க³த்தங் நத்தி², தஸ்மா ந தேன தானி ஆயதனதா⁴துஸங்க³ஹேஹி ஸங்க³ஹிதானி. ந கேவலங் ஸங்க³ஹிதானேவ, அஸங்க³ஹிதானிபி தேன தானி தேஹி ஸங்க³ஹேஹி ந ஹொந்தேவ ததே³கதே³ஸேன ஸுகு²மரூபேன ஆயதனதா⁴துஸபா⁴க³த்தா, ஸங்க³ஹிதாபா⁴வோ ஏவ பன இதா⁴தி⁴ப்பேதோ, விஞ்ஞாணக்க²ந்த⁴சக்கா²யதனாதீ³ஹி பன அஸங்க³ஹிதா ந தே தேஹி கத²ஞ்சி ஸம்மிஸ்ஸாதி ஸப்³ப³தா² தே தேஹி ந ஸங்க³ஹிதா. து³க்க²ஸச்சாதீ³ஹி ச பஞ்சக்க²ந்த⁴ஸமுதா³யபூ⁴தேஹி க²ந்த⁴ஸங்க³ஹேன அஸங்க³ஹிதங் நிப்³பா³னங் ரூபக்க²ந்தே⁴ன விய ஆயதனதா⁴துஸங்க³ஹேஹி ஸங்க³ஹிதங் தேஹி ந ஹோதி, தஸ்மா ஸங்கா³ஹகத்தாபா⁴வதோ ஏவ ஏவரூபானங் அஸங்கா³ஹகபா⁴வேன அக்³க³ஹணங் வேதி³தப்³ப³ங், ஸனிப்³பா³னபஞ்சக்க²ந்த⁴ஸமுதா³யபூ⁴தானங் பன அப்³யாகதத⁴ம்மாதீ³னங் அஸங்கா³ஹகத்தாபா⁴வதோவ. ந ஹி தங் கஞ்சி அத்தி², யஸ்ஸ தே க²ந்த⁴ஸங்க³ஹேன அஸங்கா³ஹகா ஸியுங், ந ச அத்தனோ ஏகதே³ஸோ அத்தேகதே³ஸஸபா⁴கோ³ ச அத்தனா அஸங்க³ஹிதோ ஹோதீதி அத்தனா அஸங்க³ஹிதஸங்கா³ஹகத்தா பன வேத³னாக்க²ந்தா⁴தீ³னங் க³ஹணங் கதந்தி.
179. Asaṅgahitenasaṅgahitapadaniddese rūpakkhandhena khandhasaṅgahena asaṅgahitesu vedanādīnaṃ tiṇṇaṃ khandhānaṃ nibbānassa ca sukhumarūpena saha āyatanadhātusabhāgatte satipi na sukhumarūpameva rūpakkhandhoti rūpakkhandhena āyatanadhātusabhāgattaṃ natthi, tasmā na tena tāni āyatanadhātusaṅgahehi saṅgahitāni. Na kevalaṃ saṅgahitāneva, asaṅgahitānipi tena tāni tehi saṅgahehi na honteva tadekadesena sukhumarūpena āyatanadhātusabhāgattā, saṅgahitābhāvo eva pana idhādhippeto, viññāṇakkhandhacakkhāyatanādīhi pana asaṅgahitā na te tehi kathañci sammissāti sabbathā te tehi na saṅgahitā. Dukkhasaccādīhi ca pañcakkhandhasamudāyabhūtehi khandhasaṅgahena asaṅgahitaṃ nibbānaṃ rūpakkhandhena viya āyatanadhātusaṅgahehi saṅgahitaṃ tehi na hoti, tasmā saṅgāhakattābhāvato eva evarūpānaṃ asaṅgāhakabhāvena aggahaṇaṃ veditabbaṃ, sanibbānapañcakkhandhasamudāyabhūtānaṃ pana abyākatadhammādīnaṃ asaṅgāhakattābhāvatova. Na hi taṃ kañci atthi, yassa te khandhasaṅgahena asaṅgāhakā siyuṃ, na ca attano ekadeso attekadesasabhāgo ca attanā asaṅgahito hotīti attanā asaṅgahitasaṅgāhakattā pana vedanākkhandhādīnaṃ gahaṇaṃ katanti.
யங் பன அட்ட²கதா²யங் வுத்தங் ‘‘யே த⁴ம்மாயதனேன ஸங்க³ஹிதா’’தி, தங் ந ஸக்கா வத்துங். த⁴ம்மாயதனேன ஹி ந கோசி த⁴ம்மோ கேனசி ஸங்க³ஹேன ஸங்க³ஹிதோ அத்தி² விஸபா⁴க³க்க²ந்த⁴னிப்³பா³னஸமுதா³யத்தா , க²ந்த⁴ஸங்க³ஹேன ஸயமேவ அத்தனோ ஸங்கா³ஹகங் ந ஹோதீதி ஆயதனதா⁴துஸங்க³ஹேஹி ச ஸங்கா³ஹகத்தாபா⁴வதோதி த³ஸ்ஸிதோயங் நயோதி ஏதஸ்ஸ த⁴ம்மாயதனக³ணனேன க³ணிதாதி அத்தோ². யானி…பே॰… க³ஹிதானீதி ஏதேன விஞ்ஞாணஸம்மிஸ்ஸங் த⁴ம்மாயதனேகதே³ஸங் தீ³பெந்தானி இத்³தி⁴பாதா³தி³பதா³னி, ஓளாரிகரூபஸம்மிஸ்ஸங் தீ³பெந்தானி ரூபக்க²ந்தா⁴தி³பதா³னி, ஸப்³பே³ன ஸப்³ப³ங் த⁴ம்மாயதனங் அதீ³பெந்தானி விஞ்ஞாணக்க²ந்த⁴சக்கா²யதனாதி³பதா³னி, ஸகலத⁴ம்மாயதனதீ³பகானி த⁴ம்மாயதனாதி³பதா³னி ச வஜ்ஜெத்வா த⁴ம்மாயதனேகதே³ஸங் அஞ்ஞாயதனேன அஸம்மிஸ்ஸங் தீ³பெந்தானி க³ஹிதானீதி த³ஸ்ஸேதி.
Yaṃ pana aṭṭhakathāyaṃ vuttaṃ ‘‘ye dhammāyatanena saṅgahitā’’ti, taṃ na sakkā vattuṃ. Dhammāyatanena hi na koci dhammo kenaci saṅgahena saṅgahito atthi visabhāgakkhandhanibbānasamudāyattā , khandhasaṅgahena sayameva attano saṅgāhakaṃ na hotīti āyatanadhātusaṅgahehi ca saṅgāhakattābhāvatoti dassitoyaṃ nayoti etassa dhammāyatanagaṇanena gaṇitāti attho. Yāni…pe… gahitānīti etena viññāṇasammissaṃ dhammāyatanekadesaṃ dīpentāni iddhipādādipadāni, oḷārikarūpasammissaṃ dīpentāni rūpakkhandhādipadāni, sabbena sabbaṃ dhammāyatanaṃ adīpentāni viññāṇakkhandhacakkhāyatanādipadāni, sakaladhammāyatanadīpakāni dhammāyatanādipadāni ca vajjetvā dhammāyatanekadesaṃ aññāyatanena asammissaṃ dīpentāni gahitānīti dasseti.
ததியனயஅஸங்க³ஹிதேனஸங்க³ஹிதபத³வண்ணனா நிட்டி²தா.
Tatiyanayaasaṅgahitenasaṅgahitapadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 3. அஸங்க³ஹிதேனஸங்க³ஹிதபத³னித்³தே³ஸோ • 3. Asaṅgahitenasaṅgahitapadaniddeso
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 3. ததியனயோ அஸங்க³ஹிதேனஸங்க³ஹிதபத³வண்ணனா • 3. Tatiyanayo asaṅgahitenasaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 3. ததியனயோ அஸங்க³ஹிதேனஸங்க³ஹிதபத³வண்ணனா • 3. Tatiyanayo asaṅgahitenasaṅgahitapadavaṇṇanā
