Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа
3. Tatiyanayo asaṅgahitenasaṅgahitapadavaṇṇanā
179. руубагканд̇хзна канд̇хасан̇г̇ахзна асан̇г̇ахид̇зсууд̇и нид̣̇д̇хааран̣з бхуммам̣. д̇асмаад̇и яасмаа згад̣̇зсасабхааг̇ад̇аа самуд̣̇ааяасабхааг̇ад̇аа на ход̇и, д̇асмаа. д̇знаад̇и руубагканд̇хзна. д̇аанийд̇и взд̣̇анаад̣̇игканд̇хад̇д̇аяаниб̣б̣аанаани. яат̇аа жа згад̣̇зсависабхааг̇ад̇ааяа на сан̇г̇ахид̇ад̇аа, звам̣ згад̣̇зсасабхааг̇ад̇ааяа асан̇г̇ахид̇ад̇ааби над̇т̇ийд̇и д̣̇ассзнд̇о ‘‘на гзвала’’нд̇иаад̣̇имааха. сан̇г̇ахид̇аанзва на на хонд̇ийд̇и яож̇анаа. д̇зд̇и взд̣̇анаад̣̇игканд̇хад̇д̇аяаниб̣б̣аанасукумаруубад̇хаммаа. д̇зхийд̇и вин̃н̃аан̣агканд̇хажагкааяад̇анаад̣̇ийхи. на гат̇ан̃жи саммиссаад̇и гзнажиби багаарзна на саммиссаад̇и асаммиссад̇ааяа сан̇г̇ахид̇ад̇д̇аабхаавам̣ саад̇хзд̇и. руубагканд̇хзна вияа…бз… на ход̇ийд̇и яат̇аа руубагканд̇хзна сабхааг̇ад̇аабхаавад̇о ниб̣б̣аанам̣ на гзнажиби сан̇г̇ахан̣зна сан̇г̇ахид̇ам̣, звам̣ вин̃н̃аан̣агканд̇хажагкааяад̇анаад̣̇ийхи д̇ам̣ ааяад̇анад̇хаад̇усан̇г̇ахзхи сан̇г̇ахид̇ам̣ на ход̇ийд̇и канд̇хасан̇г̇ахаабхааво баагадо вуд̇д̇оваад̇и звам̣ вуд̇д̇ам̣.
179. Rūpakkhandhenakhandhasaṅgahena asaṅgahitesūti niddhāraṇe bhummaṃ. Tasmāti yasmā ekadesasabhāgatā samudāyasabhāgatā na hoti, tasmā. Tenāti rūpakkhandhena. Tānīti vedanādikkhandhattayanibbānāni. Yathā ca ekadesavisabhāgatāya na saṅgahitatā, evaṃ ekadesasabhāgatāya asaṅgahitatāpi natthīti dassento ‘‘na kevala’’ntiādimāha. Saṅgahitāneva na na hontīti yojanā. Teti vedanādikkhandhattayanibbānasukhumarūpadhammā. Tehīti viññāṇakkhandhacakkhāyatanādīhi. Na kathañci sammissāti kenacipi pakārena na sammissāti asammissatāya saṅgahitattābhāvaṃ sādheti. Rūpakkhandhena viya…pe… na hotīti yathā rūpakkhandhena sabhāgatābhāvato nibbānaṃ na kenacipi saṅgahaṇena saṅgahitaṃ, evaṃ viññāṇakkhandhacakkhāyatanādīhi taṃ āyatanadhātusaṅgahehi saṅgahitaṃ na hotīti khandhasaṅgahābhāvo pākaṭo vuttovāti evaṃ vuttaṃ.
зваруубаананд̇и руубагканд̇хавин̃н̃аан̣агканд̇хажагкааяад̇анаад̣̇ийнам̣. на хи ниб̣б̣аанам̣ санд̇хааяа ‘‘руубагканд̇хзна вин̃н̃аан̣агканд̇хзна жагкааяад̇анзна яз д̇хаммаа канд̇хасан̇г̇ахзна асан̇г̇ахид̇аа, ааяад̇анад̇хаад̇усан̇г̇ахзна сан̇г̇ахид̇аа’’д̇и саггаа вад̇д̇ум̣. д̇зна вуд̇д̇ам̣ ‘‘сан̇г̇аахагад̇д̇аабхаавад̇о зваа’’д̇и. д̇ат̇аа ‘‘аб̣яаагад̇зхи д̇хаммзхи яз д̇хаммаа канд̇хасан̇г̇ахзна асан̇г̇ахид̇аа, ааяад̇анад̇хаад̇усан̇г̇ахзна сан̇г̇ахид̇аа’’д̇иаад̣̇и на саггаа вад̇д̇ум̣ д̇аад̣̇исасса д̇хаммасса абхаавад̇од̇и ааха ‘‘саниб̣б̣аана…бз… бхаавад̇оваа’’д̇и. аг̇г̇ахан̣ам̣ взд̣̇ид̇аб̣б̣анд̇и яож̇анаа. д̇знааха ‘‘на хий’’д̇иаад̣̇и. ган̃жийд̇и ган̃жи д̇хаммаж̇аад̇ам̣. д̇зд̇и аб̣яаагад̇ад̇хаммаад̣̇аяо. ад̇д̇анод̇и аб̣яаагад̇ад̇хаммаад̣̇им̣ санд̇хааяааха. згад̣̇зсод̇и руубагканд̇хаад̣̇и. ад̇д̇згад̣̇зсасабхааг̇од̇и ниб̣б̣аанам̣. д̇ан̃хи д̇хаммааяад̇анад̇хаммад̇хаад̇убарияаабаннад̇ааяа д̇ад̣̇згад̣̇зсасабхааг̇о. асан̇г̇ахид̇асан̇г̇аахагад̇д̇аад̇и канд̇хасан̇г̇ахзна асан̇г̇ахид̇аанам̣ сан̃н̃аагканд̇хаад̣̇ийнам̣ ааяад̇анад̇хаад̇усан̇г̇ахзна сан̇г̇аахагад̇д̇аад̇и ад̇т̇о.
Evarūpānanti rūpakkhandhaviññāṇakkhandhacakkhāyatanādīnaṃ. Na hi nibbānaṃ sandhāya ‘‘rūpakkhandhena viññāṇakkhandhena cakkhāyatanena ye dhammā khandhasaṅgahena asaṅgahitā, āyatanadhātusaṅgahena saṅgahitā’’ti sakkā vattuṃ. Tena vuttaṃ ‘‘saṅgāhakattābhāvato evā’’ti. Tathā ‘‘abyākatehi dhammehi ye dhammā khandhasaṅgahena asaṅgahitā, āyatanadhātusaṅgahena saṅgahitā’’tiādi na sakkā vattuṃ tādisassa dhammassa abhāvatoti āha ‘‘sanibbāna…pe… bhāvatovā’’ti. Aggahaṇaṃ veditabbanti yojanā. Tenāha ‘‘na hī’’tiādi. Kañcīti kañci dhammajātaṃ. Teti abyākatadhammādayo. Attanoti abyākatadhammādiṃ sandhāyāha. Ekadesoti rūpakkhandhādi. Attekadesasabhāgoti nibbānaṃ. Tañhi dhammāyatanadhammadhātupariyāpannatāya tadekadesasabhāgo. Asaṅgahitasaṅgāhakattāti khandhasaṅgahena asaṅgahitānaṃ saññākkhandhādīnaṃ āyatanadhātusaṅgahena saṅgāhakattāti attho.
висабхааг̇агканд̇ханиб̣б̣аанасамуд̣̇ааяад̇д̇аа канд̇хасан̇г̇ахзна д̇хаммааяад̇анзна на гожи д̇хаммо сан̇г̇ахид̇о ад̇т̇ийд̇и яож̇анаа. зд̇ассаад̇и ‘‘д̇хаммааяад̇анзна сан̇г̇ахид̇аа’’д̇и зд̇асса бад̣̇асса д̇хаммааяад̇анаг̇ан̣анзна сан̇г̇ахид̇аад̇и ад̇т̇о. ол̣ааригаруубасаммиссам̣ д̇хаммааяад̇анзгад̣̇зсам̣.
Visabhāgakkhandhanibbānasamudāyattā khandhasaṅgahena dhammāyatanena na koci dhammo saṅgahito atthīti yojanā. Etassāti ‘‘dhammāyatanena saṅgahitā’’ti etassa padassa dhammāyatanagaṇanena saṅgahitāti attho. Oḷārikarūpasammissaṃ dhammāyatanekadesaṃ.
д̇ад̇ияанаяаасан̇г̇ахид̇знасан̇г̇ахид̇абад̣̇аван̣н̣анаа нидтид̇аа.
Tatiyanayaasaṅgahitenasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 3. асан̇г̇ахид̇знасан̇г̇ахид̇абад̣̇анид̣̇д̣̇зсо • 3. Asaṅgahitenasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа • 3. Tatiyanayo asaṅgahitenasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. д̇ад̇ияанаяо асан̇г̇ахид̇знасан̇г̇ахид̇абад̣̇аван̣н̣анаа • 3. Tatiyanayo asaṅgahitenasaṅgahitapadavaṇṇanā