| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૯. તતિયપાપધમ્મસુત્તં
9. Tatiyapāpadhammasuttaṃ
૨૦૯. ‘‘પાપધમ્મઞ્ચ વો, ભિક્ખવે, દેસેસ્સામિ, પાપધમ્મેન પાપધમ્મતરઞ્ચ; કલ્યાણધમ્મઞ્ચ, કલ્યાણધમ્મેન કલ્યાણધમ્મતરઞ્ચ. તં સુણાથ…પે॰….
209. ‘‘Pāpadhammañca vo, bhikkhave, desessāmi, pāpadhammena pāpadhammatarañca; kalyāṇadhammañca, kalyāṇadhammena kalyāṇadhammatarañca. Taṃ suṇātha…pe….
‘‘કતમો ચ, ભિક્ખવે, પાપધમ્મો? ઇધ, ભિક્ખવે, એકચ્ચો પાણાતિપાતી હોતિ…પે॰… મિચ્છાદિટ્ઠિકો હોતિ. અયં વુચ્ચતિ, ભિક્ખવે, પાપધમ્મો.
‘‘Katamo ca, bhikkhave, pāpadhammo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpadhammo.
‘‘કતમો ચ, ભિક્ખવે, પાપધમ્મેન પાપધમ્મતરો? ઇધ ભિક્ખવે, એકચ્ચો અત્તના ચ પાણાતિપાતી હોતિ, પરઞ્ચ પાણાતિપાતે સમાદપેતિ…પે॰… અત્તના ચ મિચ્છાદિટ્ઠિકો હોતિ, પરઞ્ચ મિચ્છાદિટ્ઠિયા સમાદપેતિ. અયં વુચ્ચતિ, ભિક્ખવે, પાપધમ્મેન પાપધમ્મતરો.
‘‘Katamo ca, bhikkhave, pāpadhammena pāpadhammataro? Idha bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpadhammena pāpadhammataro.
‘‘કતમો ચ, ભિક્ખવે, કલ્યાણધમ્મો? ઇધ, ભિક્ખવે, એકચ્ચો પાણાતિપાતા પટિવિરતો હોતિ…પે॰… સમ્માદિટ્ઠિકો હોતિ. અયં વુચ્ચતિ, ભિક્ખવે, કલ્યાણધમ્મો.
‘‘Katamo ca, bhikkhave, kalyāṇadhammo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇadhammo.
‘‘કતમો ચ, ભિક્ખવે, કલ્યાણધમ્મેન કલ્યાણધમ્મતરો? ઇધ, ભિક્ખવે, એકચ્ચો અત્તના ચ પાણાતિપાતા પટિવિરતો હોતિ, પરઞ્ચ પાણાતિપાતા વેરમણિયા સમાદપેતિ…પે॰… અત્તના ચ સમ્માદિટ્ઠિકો હોતિ, પરઞ્ચ સમ્માદિટ્ઠિયા સમાદપેતિ. અયં વુચ્ચતિ, ભિક્ખવે, કલ્યાણધમ્મેન કલ્યાણધમ્મતરો’’તિ. નવમં.
‘‘Katamo ca, bhikkhave, kalyāṇadhammena kalyāṇadhammataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇadhammena kalyāṇadhammataro’’ti. Navamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭-૧૦. પાપધમ્મસુત્તચતુક્કવણ્ણના • 7-10. Pāpadhammasuttacatukkavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. સિક્ખાપદસુત્તાદિવણ્ણના • 1-10. Sikkhāpadasuttādivaṇṇanā
