| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૩. તતિયપાટિદેસનીયસિક્ખાપદવણ્ણના
3. Tatiyapāṭidesanīyasikkhāpadavaṇṇanā
૫૬૨. તતિયે – ઉભતોપસન્નન્તિ દ્વીહિ પસન્નં ઉપાસકેનપિ ઉપાસિકાયપિ. તસ્મિં કિર કુલે ઉભોપિ તે સોતાપન્નાયેવ. ભોગેન હાયતીતિ એદિસઞ્હિ કુલં સચેપિ અસીતિકોટિધનં હોતિ, ભોગેહિ હાયતિયેવ. કસ્મા? યસ્મા તત્થ નેવ ઉપાસિકા ન ઉપાસકો ભોગે રક્ખતિ.
562. Tatiye – ubhatopasannanti dvīhi pasannaṃ upāsakenapi upāsikāyapi. Tasmiṃ kira kule ubhopi te sotāpannāyeva. Bhogena hāyatīti edisañhi kulaṃ sacepi asītikoṭidhanaṃ hoti, bhogehi hāyatiyeva. Kasmā? Yasmā tattha neva upāsikā na upāsako bhoge rakkhati.
૫૬૯. ઘરતો નીહરિત્વા દેન્તીતિ આસનસાલં વા વિહારં વા આનેત્વા દેન્તિ. સચેપિ અનાગતે ભિક્ખુમ્હિ પઠમંયેવ નીહરિત્વા દ્વારે ઠપેત્વા પચ્છા સમ્પત્તસ્સ દેન્તિ, વટ્ટતિ. ભિક્ખું પન દિસ્વા અન્તોગેહતો નીહરિત્વા દિય્યમાનં ન વટ્ટતીતિ મહાપચ્ચરિયં વુત્તં. સેસમેત્થ ઉત્તાનમેવ . એળકલોમસમુટ્ઠાનં – કિરિયં, નોસઞ્ઞાવિમોક્ખં, અચિત્તકં, પણ્ણત્તિવજ્જં, કાયકમ્મં, વચીકમ્મં તિચિત્તં, તિવેદનન્તિ.
569.Gharato nīharitvā dentīti āsanasālaṃ vā vihāraṃ vā ānetvā denti. Sacepi anāgate bhikkhumhi paṭhamaṃyeva nīharitvā dvāre ṭhapetvā pacchā sampattassa denti, vaṭṭati. Bhikkhuṃ pana disvā antogehato nīharitvā diyyamānaṃ na vaṭṭatīti mahāpaccariyaṃ vuttaṃ. Sesamettha uttānameva . Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ ticittaṃ, tivedananti.
તતિયપાટિદેસનીયં.
Tatiyapāṭidesanīyaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૩. તતિયપાટિદેસનીયસિક્ખાપદં • 3. Tatiyapāṭidesanīyasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / પાટિદેસનીયસિક્ખાપદવણ્ણના • Pāṭidesanīyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૨. દુતિયપાટિદેસનીયસિક્ખાપદવણ્ણના • 2. Dutiyapāṭidesanīyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩. તતિયપાટિદેસનીયસિક્ખાપદં • 3. Tatiyapāṭidesanīyasikkhāpadaṃ
