| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̇ад̇ияасаарибуд̇д̇агодтигасуд̇д̇ам̣
5. Tatiyasāriputtakoṭṭhikasuttaṃ
414. згам̣ самаяам̣ ааяасмаа жа саарибуд̇д̇о, ааяасмаа жа махаагодтиго б̣аараан̣асияам̣ вихаранд̇и исибад̇анз миг̇ад̣̇ааяз…бз… (сааязва бужчаа) ‘‘го ну ко, аавусо, хзд̇у го бажжаяо, язнзд̇ам̣ аб̣яаагад̇ам̣ бхаг̇авад̇аа’’д̇и? ‘‘руубз ко, аавусо, авиг̇ад̇арааг̇асса авиг̇ад̇ажчанд̣̇асса авиг̇ад̇абзмасса авиг̇ад̇абибаасасса авиг̇ад̇абарил̣аахасса авиг̇ад̇ад̇ан̣хасса ‘ход̇и д̇ат̇ааг̇ад̇о барам̣ маран̣аа’д̇ибисса ход̇и…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇ибисса ход̇и. взд̣̇анааяа…бз… сан̃н̃ааяа…бз… сан̇каарзсу…бз… вин̃н̃аан̣з авиг̇ад̇арааг̇асса авиг̇ад̇ажчанд̣̇асса авиг̇ад̇абзмасса авиг̇ад̇абибаасасса авиг̇ад̇абарил̣аахасса авиг̇ад̇ад̇ан̣хасса ‘ход̇и д̇ат̇ааг̇ад̇о барам̣ маран̣аа’д̇ибисса ход̇и…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇ибисса ход̇и. руубз жа ко, аавусо, виг̇ад̇арааг̇асса…бз… взд̣̇анааяа…бз… сан̃н̃ааяа…бз… сан̇каарзсу…бз… вин̃н̃аан̣з виг̇ад̇арааг̇асса виг̇ад̇ажчанд̣̇асса виг̇ад̇абзмасса виг̇ад̇абибаасасса виг̇ад̇абарил̣аахасса виг̇ад̇ад̇ан̣хасса ‘ход̇и д̇ат̇ааг̇ад̇о барам̣ маран̣аа’д̇ибисса на ход̇и…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇ибисса на ход̇и. аяам̣ ко, аавусо, хзд̇у, аяам̣ бажжаяо, язнзд̇ам̣ аб̣яаагад̇ам̣ бхаг̇авад̇аа’’д̇и. бан̃жамам̣.
414. Ekaṃ samayaṃ āyasmā ca sāriputto, āyasmā ca mahākoṭṭhiko bārāṇasiyaṃ viharanti isipatane migadāye…pe… (sāyeva pucchā) ‘‘ko nu kho, āvuso, hetu ko paccayo, yenetaṃ abyākataṃ bhagavatā’’ti? ‘‘Rūpe kho, āvuso, avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa ‘hoti tathāgato paraṃ maraṇā’tipissa hoti…pe… ‘neva hoti na na hoti tathāgato paraṃ maraṇā’tipissa hoti. Vedanāya…pe… saññāya…pe… saṅkhāresu…pe… viññāṇe avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa ‘hoti tathāgato paraṃ maraṇā’tipissa hoti…pe… ‘neva hoti na na hoti tathāgato paraṃ maraṇā’tipissa hoti. Rūpe ca kho, āvuso, vigatarāgassa…pe… vedanāya…pe… saññāya…pe… saṅkhāresu…pe… viññāṇe vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa ‘hoti tathāgato paraṃ maraṇā’tipissa na hoti…pe… ‘neva hoti na na hoti tathāgato paraṃ maraṇā’tipissa na hoti. Ayaṃ kho, āvuso, hetu, ayaṃ paccayo, yenetaṃ abyākataṃ bhagavatā’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-8. батамасаарибуд̇д̇агодтигасуд̇д̇аад̣̇иван̣н̣анаа • 3-8. Paṭhamasāriputtakoṭṭhikasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-8. батамасаарибуд̇д̇агодтигасуд̇д̇аад̣̇иван̣н̣анаа • 3-8. Paṭhamasāriputtakoṭṭhikasuttādivaṇṇanā
