| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[58] 8. д̇аяод̇хаммаж̇аад̇агаван̣н̣анаа
[58] 8. Tayodhammajātakavaṇṇanā
яасса зд̇з д̇аяо д̇хаммаад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганамзваараб̣бха гат̇зси.
Yassa ete tayo dhammāti idaṃ satthā veḷuvane viharanto devadattassa vadhāya parisakkanamevārabbha kathesi.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̣̇звад̣̇ад̇д̇о ваанараяонияам̣ ниб̣б̣ад̇д̇ид̇ваа химаванд̇аббад̣̇зсз яуут̇ам̣ барихаранд̇о ад̇д̇аанам̣ бадижжа ж̇аад̇аанам̣ ваанарабод̇агаанам̣ ‘‘вуд̣дхиббад̇д̇аа имз яуут̇ам̣ барихарзяяу’’нд̇и бхаязна д̣̇анд̇зхи д̣ам̣сид̇ваа д̇зсам̣ б̣ийж̇аани уббаадзд̇и. д̇ад̣̇аа б̣од̇хисад̇д̇оби д̇ан̃н̃зва бадижжа згиссаа ваанарияаа гужчисмим̣ бадисанд̇хим̣ г̇ан̣хи. ат̇а саа ваанарий г̇аб̣бхасса бад̇идтид̇абхаавам̣ н̃ад̇ваа ад̇д̇ано г̇аб̣бхам̣ анурагкамаанаа ан̃н̃ам̣ баб̣б̣ад̇абаад̣̇ам̣ аг̇амааси. саа барибаггаг̇аб̣бхаа б̣од̇хисад̇д̇ам̣ виж̇ааяи. со вуд̣дхиманвааяа вин̃н̃уд̇ам̣ бад̇д̇о т̇аамасамбанно ахоси. со згад̣̇ивасам̣ маад̇арам̣ бужчи ‘‘амма, маяхам̣ бид̇аа гаха’’нд̇и? ‘‘д̇аад̇а, асугасмим̣ наама баб̣б̣ад̇абаад̣̇з яуут̇ам̣ барихаранд̇о васад̇ий’’д̇и. ‘‘амма, д̇асса мам̣ санд̇игам̣ нзхий’’д̇и. ‘‘д̇аад̇а, на саггаа д̇аяаа бид̇у санд̇игам̣ г̇анд̇ум̣. бид̇аа хи д̇з ад̇д̇аанам̣ бадижжа ж̇аад̇аанам̣ ваанарабод̇агаанам̣ яуут̇абарихаран̣абхаязна д̣̇анд̇зхи д̣ам̣сид̇ваа б̣ийж̇аани уббаадзд̇ий’’д̇и. ‘‘амма, нзхи мам̣ д̇ад̇т̇а, ахам̣ ж̇ааниссаамий’’д̇и. саа буд̇д̇ам̣ аад̣̇ааяа д̇асса санд̇игам̣ аг̇амааси.
Atīte bārāṇasiyaṃ brahmadatte rajjaṃ kārente devadatto vānarayoniyaṃ nibbattitvā himavantappadese yūthaṃ pariharanto attānaṃ paṭicca jātānaṃ vānarapotakānaṃ ‘‘vuḍḍhippattā ime yūthaṃ parihareyyu’’nti bhayena dantehi ḍaṃsitvā tesaṃ bījāni uppāṭeti. Tadā bodhisattopi taññeva paṭicca ekissā vānariyā kucchismiṃ paṭisandhiṃ gaṇhi. Atha sā vānarī gabbhassa patiṭṭhitabhāvaṃ ñatvā attano gabbhaṃ anurakkhamānā aññaṃ pabbatapādaṃ agamāsi. Sā paripakkagabbhā bodhisattaṃ vijāyi. So vuḍḍhimanvāya viññutaṃ patto thāmasampanno ahosi. So ekadivasaṃ mātaraṃ pucchi ‘‘amma, mayhaṃ pitā kaha’’nti? ‘‘Tāta, asukasmiṃ nāma pabbatapāde yūthaṃ pariharanto vasatī’’ti. ‘‘Amma, tassa maṃ santikaṃ nehī’’ti. ‘‘Tāta, na sakkā tayā pitu santikaṃ gantuṃ. Pitā hi te attānaṃ paṭicca jātānaṃ vānarapotakānaṃ yūthapariharaṇabhayena dantehi ḍaṃsitvā bījāni uppāṭetī’’ti. ‘‘Amma, nehi maṃ tattha, ahaṃ jānissāmī’’ti. Sā puttaṃ ādāya tassa santikaṃ agamāsi.
со ваанаро ад̇д̇ано буд̇д̇ам̣ д̣̇исваава ‘‘аяам̣ вад̣дханд̇о маяхам̣ яуут̇ам̣ барихарид̇ум̣ на д̣̇ассад̇и, ид̣̇аанзва маарзд̇аб̣б̣о’’д̇и ‘‘зд̇ам̣ аалин̇г̇анд̇о вияа г̇аал̣хам̣ бийл̣зд̇ваа ж̇ийвид̇агкаяам̣ баабзссаамий’’д̇и жинд̇зд̇ваа ‘‘зхи, д̇аад̇а, зд̇д̇агам̣ гаалам̣ гахам̣ г̇ад̇осий’’д̇и б̣од̇хисад̇д̇ам̣ аалин̇г̇анд̇о вияа ниббийл̣зси. б̣од̇хисад̇д̇о бана нааг̇аб̣ало т̇аамасамбанно, соби нам̣ ниббийл̣зси, ат̇асса адтийни бхиж̇ж̇анаагаараббад̇д̇аани ахзсум̣. ат̇асса зд̇ад̣̇ахоси ‘‘аяам̣ вад̣дханд̇о мам̣ маарзссад̇и, гзна ну ко убааязна бурзд̇аран̃н̃зва маарзяяа’’нд̇и. д̇ад̇о жинд̇зси ‘‘аяам̣ авид̣̇уурз рагкасабариг̇г̇ахид̇о саро ад̇т̇и, д̇ад̇т̇а нам̣ рагкасзна каад̣̇аабзссаамий’’д̇и. ат̇а нам̣ звамааха ‘‘д̇аад̇а, ахам̣ махаллаго, имам̣ яуут̇ам̣ д̇уяхам̣ нияяаад̣̇зми, аж̇ж̇зва д̇ам̣ рааж̇аанам̣ гароми, асугасмим̣ наама таанз саро ад̇т̇и, д̇ад̇т̇а д̣̇вз гумуд̣̇инияо, д̇иссо уббалинияо, бан̃жа бад̣̇уминияо жа бубпанд̇и, г̇ажча, д̇ад̇о бубпаани аахараа’’д̇и. со ‘‘саад̇ху, д̇аад̇а, аахариссаамий’’д̇и г̇анд̇ваа сахасаа анод̇арид̇ваа саманд̇аа бад̣̇ам̣ барижчинд̣̇анд̇о од̇ин̣н̣абад̣̇ан̃н̃зва ад̣̇д̣̇аса, на уд̇д̇ин̣н̣абад̣̇ам̣. со ‘‘иминаа сарзна рагкасабариг̇г̇ахид̇зна бхавид̇аб̣б̣ам̣, маяхам̣ бид̇аа ад̇д̇анаа маарзд̇ум̣ асаггонд̇о рагкасзна мам̣ каад̣̇аабзд̇угаамо бхависсад̇и , ахам̣ иман̃жа сарам̣ на од̇ариссаами, бубпаани жа г̇ахзссаамий’’д̇и нируд̣̇агадтаанам̣ г̇анд̇ваа взг̇ам̣ г̇ахзд̇ваа уббад̇ид̇ваа барад̇о г̇ажчанд̇о нируд̣̇агз огаасз тид̇аанзва д̣̇вз бубпаани г̇ахзд̇ваа барад̇ийрз бад̇и. барад̇ийрад̇оби оримад̇ийрам̣ ааг̇ажчанд̇о д̇знзвубааязна д̣̇вз г̇ан̣хи. звам̣ убхосу бассзсу раасим̣ гаронд̇о бубпаани жа г̇ан̣хи, рагкасасса жа аан̣адтаанам̣ на од̇ари.
So vānaro attano puttaṃ disvāva ‘‘ayaṃ vaḍḍhanto mayhaṃ yūthaṃ pariharituṃ na dassati, idāneva māretabbo’’ti ‘‘etaṃ āliṅganto viya gāḷhaṃ pīḷetvā jīvitakkhayaṃ pāpessāmī’’ti cintetvā ‘‘ehi, tāta, ettakaṃ kālaṃ kahaṃ gatosī’’ti bodhisattaṃ āliṅganto viya nippīḷesi. Bodhisatto pana nāgabalo thāmasampanno, sopi naṃ nippīḷesi, athassa aṭṭhīni bhijjanākārappattāni ahesuṃ. Athassa etadahosi ‘‘ayaṃ vaḍḍhanto maṃ māressati, kena nu kho upāyena puretaraññeva māreyya’’nti. Tato cintesi ‘‘ayaṃ avidūre rakkhasapariggahito saro atthi, tattha naṃ rakkhasena khādāpessāmī’’ti. Atha naṃ evamāha ‘‘tāta, ahaṃ mahallako, imaṃ yūthaṃ tuyhaṃ niyyādemi, ajjeva taṃ rājānaṃ karomi, asukasmiṃ nāma ṭhāne saro atthi, tattha dve kumudiniyo, tisso uppaliniyo, pañca paduminiyo ca pupphanti, gaccha, tato pupphāni āharā’’ti. So ‘‘sādhu, tāta, āharissāmī’’ti gantvā sahasā anotaritvā samantā padaṃ paricchindanto otiṇṇapadaññeva addasa, na uttiṇṇapadaṃ. So ‘‘iminā sarena rakkhasapariggahitena bhavitabbaṃ, mayhaṃ pitā attanā māretuṃ asakkonto rakkhasena maṃ khādāpetukāmo bhavissati , ahaṃ imañca saraṃ na otarissāmi, pupphāni ca gahessāmī’’ti nirudakaṭṭhānaṃ gantvā vegaṃ gahetvā uppatitvā parato gacchanto nirudake okāse ṭhitāneva dve pupphāni gahetvā paratīre pati. Paratīratopi orimatīraṃ āgacchanto tenevupāyena dve gaṇhi. Evaṃ ubhosu passesu rāsiṃ karonto pupphāni ca gaṇhi, rakkhasassa ca āṇaṭṭhānaṃ na otari.
ат̇асса ‘‘ид̇о уд̇д̇ари угкибид̇ум̣ на сагкиссаамий’’д̇и д̇аани бубпаани г̇ахзд̇ваа згасмим̣ таанз раасим̣ гаронд̇асса со рагкасо ‘‘маяаа зд̇д̇агам̣ гаалам̣ зваруубо бан̃н̃аваа ажчарияабурисо на д̣̇идтабуб̣б̣о, бубпаани жа наама яаавад̣̇ижчагам̣ г̇ахид̇аани, маяхан̃жа аан̣адтаанам̣ на од̇арий’’д̇и уд̣̇агам̣ д̣̇вид̇хаа бхинд̣̇анд̇о уд̣̇агад̇о удтааяа б̣од̇хисад̇д̇ам̣ убасан̇гамид̇ваа ‘‘ваанаринд̣̇а, имасмим̣ логз яасса д̇аяо д̇хаммаа ад̇т̇и, со бажжаамид̇д̇ам̣ абхибхавад̇и, д̇з саб̣б̣зби д̇ава аб̣бханд̇арз ад̇т̇и ман̃н̃з’’д̇и вад̇ваа б̣од̇хисад̇д̇асса т̇уд̇им̣ гаронд̇о имам̣ г̇аат̇амааха –
Athassa ‘‘ito uttari ukkhipituṃ na sakkhissāmī’’ti tāni pupphāni gahetvā ekasmiṃ ṭhāne rāsiṃ karontassa so rakkhaso ‘‘mayā ettakaṃ kālaṃ evarūpo paññavā acchariyapuriso na diṭṭhapubbo, pupphāni ca nāma yāvadicchakaṃ gahitāni, mayhañca āṇaṭṭhānaṃ na otarī’’ti udakaṃ dvidhā bhindanto udakato uṭṭhāya bodhisattaṃ upasaṅkamitvā ‘‘vānarinda, imasmiṃ loke yassa tayo dhammā atthi, so paccāmittaṃ abhibhavati, te sabbepi tava abbhantare atthi maññe’’ti vatvā bodhisattassa thutiṃ karonto imaṃ gāthamāha –
58.
58.
‘‘яасса зд̇з д̇аяо д̇хаммаа, ваанаринд̣̇а яат̇аа д̇ава;
‘‘Yassa ete tayo dhammā, vānarinda yathā tava;
д̣̇агкияам̣ суурияам̣ бан̃н̃аа, д̣̇идтам̣ со ад̇ивад̇д̇ад̇ий’’д̇и.
Dakkhiyaṃ sūriyaṃ paññā, diṭṭhaṃ so ativattatī’’ti.
д̇ад̇т̇а д̣̇агкияанд̇и д̣̇агкабхааво, самбад̇д̇абхаяам̣ вид̇хамид̇ум̣ ж̇аананабан̃н̃ааяа самбаяуд̇д̇ауд̇д̇амавийрияассзд̇ам̣ наамам̣. суурияанд̇и суурабхааво, ниб̣бхаяабхаавассзд̇ам̣ наамам̣. бан̃н̃аад̇и бан̃н̃аабад̣̇адтаанааяа убааяабан̃н̃ааязд̇ам̣ наамам̣.
Tattha dakkhiyanti dakkhabhāvo, sampattabhayaṃ vidhamituṃ jānanapaññāya sampayuttauttamavīriyassetaṃ nāmaṃ. Sūriyanti sūrabhāvo, nibbhayabhāvassetaṃ nāmaṃ. Paññāti paññāpadaṭṭhānāya upāyapaññāyetaṃ nāmaṃ.
звам̣ со д̣̇агарагкасо имааяа г̇аат̇ааяа б̣од̇хисад̇д̇асса т̇уд̇им̣ гад̇ваа ‘‘имаани бубпаани гимад̇т̇ам̣ харасий’’д̇и бужчи. ‘‘бид̇аа мам̣ рааж̇аанам̣ гаад̇угаамо, д̇зна гааран̣зна хараамий’’д̇и. ‘‘на саггаа д̇аад̣̇исзна уд̇д̇амабурисзна бубпаани вахид̇ум̣ ахам̣ вахиссаамий’’д̇и угкибид̇ваа д̇асса бажчад̇о бажчад̇о аг̇амааси. ат̇асса бид̇аа д̣̇уурад̇ова д̇ам̣ д̣̇исваа ‘‘ахам̣ имам̣ ‘рагкасабхад̇д̇ам̣ бхависсад̇ий’д̇и бахин̣им̣, со д̣̇аанзса рагкасам̣ бубпаани г̇аахаабзнд̇о ааг̇ажчад̇и, ид̣̇аанимхи надто’’д̇и жинд̇знд̇о сад̇д̇ад̇хаа хад̣̇аяапааланам̣ бад̇ваа д̇ад̇т̇зва ж̇ийвид̇агкаяам̣ бад̇д̇о. сзсаваанараа саннибад̇ид̇ваа б̣од̇хисад̇д̇ам̣ рааж̇аанам̣ агам̣су.
Evaṃ so dakarakkhaso imāya gāthāya bodhisattassa thutiṃ katvā ‘‘imāni pupphāni kimatthaṃ harasī’’ti pucchi. ‘‘Pitā maṃ rājānaṃ kātukāmo, tena kāraṇena harāmī’’ti. ‘‘Na sakkā tādisena uttamapurisena pupphāni vahituṃ ahaṃ vahissāmī’’ti ukkhipitvā tassa pacchato pacchato agamāsi. Athassa pitā dūratova taṃ disvā ‘‘ahaṃ imaṃ ‘rakkhasabhattaṃ bhavissatī’ti pahiṇiṃ, so dānesa rakkhasaṃ pupphāni gāhāpento āgacchati, idānimhi naṭṭho’’ti cintento sattadhā hadayaphālanaṃ patvā tattheva jīvitakkhayaṃ patto. Sesavānarā sannipatitvā bodhisattaṃ rājānaṃ akaṃsu.
сад̇т̇аа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа яуут̇абад̇и д̣̇звад̣̇ад̇д̇о ахоси, яуут̇абад̇ибуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā yūthapati devadatto ahosi, yūthapatiputto pana ahameva ahosi’’nti.
д̇аяод̇хаммаж̇аад̇агаван̣н̣анаа адтамаа.
Tayodhammajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 58. д̇аяод̇хаммаж̇аад̇агам̣ • 58. Tayodhammajātakaṃ
