| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
6. д̇змияажарияааван̣н̣анаа
6. Temiyacariyāvaṇṇanā
48. чадтз гаасирааж̇асса ад̇раж̇од̇и гаасиран̃н̃о ад̇раж̇о буд̇д̇о яад̣̇аа хоми, д̇ад̣̇аа мууг̇абагкод̇и наамзна, д̇змияод̇и вад̣̇анд̇и манд̇и д̇змияод̇и наамзна мууг̇абагкавад̇аад̇хидтаанзна ‘‘мууг̇абагко’’д̇и маад̇аабид̇аро аад̣̇им̣ гад̇ваа саб̣б̣зва мам̣ вад̣̇анд̇ийд̇и самб̣анд̇хо. махаасад̇д̇асса хи ж̇аад̇ад̣̇ивасз сагалагаасирадтз д̣̇зво васси, яасмаа жа со ран̃н̃о жзва амажжаад̣̇ийнан̃жа хад̣̇аяам̣ ул̣аарзна бийд̇исинзхзна д̇змаяамаано уббанно, д̇асмаа ‘‘д̇змияагумааро’’д̇и наамам̣ ахоси.
48. Chaṭṭhe kāsirājassa atrajoti kāsirañño atrajo putto yadā homi, tadā mūgapakkhoti nāmena, temiyoti vadanti manti temiyoti nāmena mūgapakkhavatādhiṭṭhānena ‘‘mūgapakkho’’ti mātāpitaro ādiṃ katvā sabbeva maṃ vadantīti sambandho. Mahāsattassa hi jātadivase sakalakāsiraṭṭhe devo vassi, yasmā ca so rañño ceva amaccādīnañca hadayaṃ uḷārena pītisinehena temayamāno uppanno, tasmā ‘‘temiyakumāro’’ti nāmaṃ ahosi.
49. сол̣асид̇т̇исахассаананд̇и сол̣асаннам̣ гаасиран̃н̃о ид̇т̇ааг̇аарасахассаанам̣. на виж̇ж̇ад̇и бумод̇и буд̇д̇о на лаб̣бхад̇и. на гзвалан̃жа буд̇д̇о зва, д̇хийд̇аабисса над̇т̇и зва. ахорад̇д̇аанам̣ ажжаязна, ниб̣б̣ад̇д̇о ахамзгагод̇и абуд̇д̇агассзва д̇асса ран̃н̃о б̣ахуунам̣ сам̣важчараанам̣ ад̇ийд̇ад̇д̇аа анзгзсам̣ ахорад̇д̇аанам̣ абаг̇аманзна саггад̣̇ад̇д̇ияо ахамзгагова б̣од̇хибариязсанам̣ жарамаано, д̇ад̣̇аа д̇асса буд̇д̇о худ̇ваа уббаннод̇и сад̇т̇аа вад̣̇ад̇и.
49.Soḷasitthisahassānanti soḷasannaṃ kāsirañño itthāgārasahassānaṃ. Na vijjati pumoti putto na labbhati. Na kevalañca putto eva, dhītāpissa natthi eva. Ahorattānaṃ accayena, nibbatto ahamekakoti aputtakasseva tassa rañño bahūnaṃ saṃvaccharānaṃ atītattā anekesaṃ ahorattānaṃ apagamanena sakkadattiyo ahamekakova bodhipariyesanaṃ caramāno, tadā tassa putto hutvā uppannoti satthā vadati.
д̇ад̇рааяам̣ анубуб̣б̣игат̇аа – ад̇ийд̇з б̣аараан̣асияам̣ гаасирааж̇аа раж̇ж̇ам̣ гаарзси. д̇асса сол̣асасахассаа ид̇т̇ияо ахзсум̣. д̇аасу згааби буд̇д̇ам̣ ваа д̇хийд̇арам̣ ваа на лабхад̇и. нааг̇араа ‘‘амхаагам̣ ран̃н̃о вам̣саанурагкаго згоби буд̇д̇о над̇т̇ий’’д̇и виббадисаарий ж̇аад̇аа саннибад̇ид̇ваа рааж̇аанам̣ ‘‘буд̇д̇ам̣ бад̇т̇зхий’’д̇и аахам̣су. рааж̇аа сол̣асасахассаа ид̇т̇ияо ‘‘буд̇д̇ам̣ бад̇т̇зт̇аа’’д̇и аан̣аабзси. д̇аа жанд̣̇аад̣̇ийнам̣ убадтаанаад̣̇ийни гад̇ваа бад̇т̇знд̇ияоби на лабхим̣су. аг̇г̇амахзсий банасса мад̣̇д̣̇арааж̇ад̇хийд̇аа жанд̣̇аад̣̇звий наама сийласамбаннаа ахоси. рааж̇аа ‘‘д̇вамби буд̇д̇ам̣ бад̇т̇зхий’’д̇и ааха. саа бун̣н̣амад̣̇ивасз убосат̇игаа худ̇ваа ад̇д̇ано сийлам̣ ааваж̇ж̇зд̇ваа ‘‘сажаахам̣ акан̣д̣асийлаа, иминаа мз сажжзна буд̇д̇о уббаж̇ж̇ад̇уу’’д̇и сажжагирияамагааси. д̇ассаа сийлад̇зж̇зна саггасса аасанам̣ ун̣хаагаарам̣ д̣̇ассзси. сагго ааваж̇ж̇знд̇о д̇ам̣ гааран̣ам̣ н̃ад̇ваа ‘‘жанд̣̇аад̣̇звияаа буд̇д̇абадилаабхасса убааяам̣ гариссаамий’’д̇и д̇ассаа анужчавигам̣ буд̇д̇ам̣ убад̇хаарзнд̇о б̣од̇хисад̇д̇ам̣ д̇аавад̇им̣сабхаванз ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа д̇ад̇о жавид̇ваа убарид̣̇звалогз уббаж̇ж̇ид̇угаамам̣ д̣̇исваа д̇асса санд̇игам̣ г̇анд̇ваа ‘‘самма, д̇аяи мануссалогз уббаннз баарамияо жа д̇з буурзссанд̇и, махааж̇анасса жа вуд̣дхи бхависсад̇и, аяам̣ гаасиран̃н̃о жанд̣̇аа наама аг̇г̇амахзсий буд̇д̇ам̣ бад̇т̇зд̇и, д̇ассаа гужчияам̣ уббаж̇ж̇аахий’’д̇и ааха.
Tatrāyaṃ anupubbikathā – atīte bārāṇasiyaṃ kāsirājā rajjaṃ kāresi. Tassa soḷasasahassā itthiyo ahesuṃ. Tāsu ekāpi puttaṃ vā dhītaraṃ vā na labhati. Nāgarā ‘‘amhākaṃ rañño vaṃsānurakkhako ekopi putto natthī’’ti vippaṭisārī jātā sannipatitvā rājānaṃ ‘‘puttaṃ patthehī’’ti āhaṃsu. Rājā soḷasasahassā itthiyo ‘‘puttaṃ patthethā’’ti āṇāpesi. Tā candādīnaṃ upaṭṭhānādīni katvā patthentiyopi na labhiṃsu. Aggamahesī panassa maddarājadhītā candādevī nāma sīlasampannā ahosi. Rājā ‘‘tvampi puttaṃ patthehī’’ti āha. Sā puṇṇamadivase uposathikā hutvā attano sīlaṃ āvajjetvā ‘‘sacāhaṃ akhaṇḍasīlā, iminā me saccena putto uppajjatū’’ti saccakiriyamakāsi. Tassā sīlatejena sakkassa āsanaṃ uṇhākāraṃ dassesi. Sakko āvajjento taṃ kāraṇaṃ ñatvā ‘‘candādeviyā puttapaṭilābhassa upāyaṃ karissāmī’’ti tassā anucchavikaṃ puttaṃ upadhārento bodhisattaṃ tāvatiṃsabhavane nibbattitvā tattha yāvatāyukaṃ ṭhatvā tato cavitvā uparidevaloke uppajjitukāmaṃ disvā tassa santikaṃ gantvā ‘‘samma, tayi manussaloke uppanne pāramiyo ca te pūressanti, mahājanassa ca vuḍḍhi bhavissati, ayaṃ kāsirañño candā nāma aggamahesī puttaṃ pattheti, tassā kucchiyaṃ uppajjāhī’’ti āha.
со ‘‘саад̇хуу’’д̇и бадиссун̣ид̇ваа д̇ассаа гужчияам̣ бадисанд̇хим̣ г̇ан̣хи. д̇асса сахааяаа бан̃жасад̇аа д̣̇звабуд̇д̇аа кийн̣ааяугаа д̣̇звалогаа жавид̇ваа д̇ассзва ран̃н̃о амажжабхарияаанам̣ гужчийсу бадисанд̇хим̣ г̇ан̣хим̣су. д̣̇звий г̇аб̣бхасса бад̇идтид̇абхаавам̣ н̃ад̇ваа ран̃н̃о аарожзси. рааж̇аа г̇аб̣бхабарихаарам̣ д̣̇аабзси. саа барибун̣н̣аг̇аб̣бхаа д̇хан̃н̃абун̃н̃алагкан̣асамбаннам̣ буд̇д̇ам̣ виж̇ааяи. д̇ам̣д̣̇ивасамзва амажжаг̇зхзсу бан̃жагумаарасад̇аани виж̇ааяим̣су. убхаяамби суд̇ваа рааж̇аа ‘‘мама буд̇д̇асса бариваараа зд̇з’’д̇и бан̃жаннам̣ д̣̇аарагасад̇аанам̣ бан̃жад̇хаад̇исад̇аани бзсзд̇ваа гумаарабасаад̇ханаани жа бзсзси. махаасад̇д̇асса бана ад̇ид̣̇ийгхаад̣̇ид̣̇осавиваж̇ж̇ид̇аа аламб̣ад̇т̇анаа мад̇хурат̇ан̃н̃аа жад̇усадтид̇хаад̇ияо д̣̇ад̇ваа маханд̇ам̣ саггаарам̣ гад̇ваа жанд̣̇аад̣̇звияааби варам̣ ад̣̇ааси. саа г̇ахид̇агам̣ гад̇ваа табзси. д̣̇аараго махад̇аа бариваарзна вад̣дхад̇и. ат̇а нам̣ згамаасигам̣ алан̇гарид̇ваа ран̃н̃о санд̇игам̣ аанаяим̣су. рааж̇аа бияабуд̇д̇ам̣ ологзд̇ваа аалин̇г̇ид̇ваа ан̇гз нисийд̣̇аабзд̇ваа рамаяамаано нисийд̣̇и.
So ‘‘sādhū’’ti paṭissuṇitvā tassā kucchiyaṃ paṭisandhiṃ gaṇhi. Tassa sahāyā pañcasatā devaputtā khīṇāyukā devalokā cavitvā tasseva rañño amaccabhariyānaṃ kucchīsu paṭisandhiṃ gaṇhiṃsu. Devī gabbhassa patiṭṭhitabhāvaṃ ñatvā rañño ārocesi. Rājā gabbhaparihāraṃ dāpesi. Sā paripuṇṇagabbhā dhaññapuññalakkhaṇasampannaṃ puttaṃ vijāyi. Taṃdivasameva amaccagehesu pañcakumārasatāni vijāyiṃsu. Ubhayampi sutvā rājā ‘‘mama puttassa parivārā ete’’ti pañcannaṃ dārakasatānaṃ pañcadhātisatāni pesetvā kumārapasādhanāni ca pesesi. Mahāsattassa pana atidīghādidosavivajjitā alambatthanā madhurathaññā catusaṭṭhidhātiyo datvā mahantaṃ sakkāraṃ katvā candādeviyāpi varaṃ adāsi. Sā gahitakaṃ katvā ṭhapesi. Dārako mahatā parivārena vaḍḍhati. Atha naṃ ekamāsikaṃ alaṅkaritvā rañño santikaṃ ānayiṃsu. Rājā piyaputtaṃ oloketvā āliṅgitvā aṅke nisīdāpetvā ramayamāno nisīdi.
50. д̇асмим̣ кан̣з жад̇д̇ааро жораа аанийд̇аа. рааж̇аа д̇зсу згасса саган̣дагаахи гасаахи бахаарасахассам̣ аан̣аабзси, згасса сан̇калигааяа б̣анд̇хид̇ваа б̣анд̇ханааг̇аараббавзсанам̣, згасса сарийрз сад̇д̇иббахаарад̣̇аанам̣, згасса суулааробанам̣. махаасад̇д̇о бид̇у гат̇ам̣ суд̇ваа сам̣взг̇аббад̇д̇о худ̇ваа ‘‘ахо мама бид̇аа раж̇ж̇ам̣ ниссааяа бхаарияам̣ нираяаг̇аамигаммам̣ гарод̇ий’’д̇и жинд̇зси. бунад̣̇ивасз нам̣ сзд̇ажчад̇д̇асса хздтаа алан̇гад̇асирисаяанз нибаж̇ж̇аабзсум̣.
50. Tasmiṃ khaṇe cattāro corā ānītā. Rājā tesu ekassa sakaṇṭakāhi kasāhi pahārasahassaṃ āṇāpesi, ekassa saṅkhalikāya bandhitvā bandhanāgārappavesanaṃ, ekassa sarīre sattippahāradānaṃ, ekassa sūlāropanaṃ. Mahāsatto pitu kathaṃ sutvā saṃvegappatto hutvā ‘‘aho mama pitā rajjaṃ nissāya bhāriyaṃ nirayagāmikammaṃ karotī’’ti cintesi. Punadivase naṃ setacchattassa heṭṭhā alaṅkatasirisayane nipajjāpesuṃ.
со т̇огам̣ нид̣̇д̣̇ааяид̇ваа бадиб̣уд̣̇д̇хо агкийни уммийлзд̇ваа сзд̇ажчад̇д̇ам̣ ологзнд̇о маханд̇ам̣ сиривибхавам̣ басси. ат̇асса багад̇ияааби сам̣взг̇аббад̇д̇асса ад̇ирзгад̇арам̣ бхаяам̣ уббаж̇ж̇и. со ‘‘гуд̇о ну ко ахам̣ имам̣ рааж̇аг̇зхам̣ ааг̇ад̇о’’д̇и убад̇хаарзнд̇о ж̇аад̇иссаран̃аан̣зна д̣̇звалогад̇о ааг̇ад̇абхаавам̣ н̃ад̇ваа д̇ад̇о барам̣ ологзнд̇о уссад̣̇анираяз баггабхаавам̣ басси. д̇ад̇о барам̣ ологзнд̇о д̇асмим̣язва наг̇арз рааж̇абхаавам̣ басси. ат̇а со ‘‘ахам̣ вийсад̇ивассаани раж̇ж̇ам̣ гаарзд̇ваа асийд̇ивассасахассаани уссад̣̇анираяз бажжим̣, ид̣̇аани бунаби имасмим̣ жораг̇зхз ниб̣б̣ад̇д̇осми, бид̇ааби мз хияяо жад̇уусу жорзсу аанийд̇зсу д̇ат̇ааруубам̣ парусам̣ нираяасам̣вад̇д̇анигам̣ гат̇ам̣ гат̇зси. на мз иминаа авид̣̇ид̇авибулаанад̇т̇аавахзна раж̇ж̇зна ад̇т̇о, гат̇ам̣ ну ко имамхаа жораг̇зхаа мужжзяяа’’нд̇и жинд̇знд̇о нибаж̇ж̇и. ат̇а нам̣ згаа д̣̇звад̇хийд̇аа ‘‘д̇аад̇а д̇змияагумаара, маа бхааяи, д̇ийн̣и ан̇г̇аани ад̇хидтахид̇ваа д̇ава сод̇т̇и бхависсад̇ий’’д̇и самассаасзси. д̇ам̣ суд̇ваа махаасад̇д̇о раж̇ж̇асан̇каад̇аа анад̇т̇ад̇о мужжид̇угаамо сол̣асасам̣важчараани д̇ийн̣и ан̇г̇аани ажалаад̇хидтаанавасзна ад̇хидтахи. д̇зна вуд̇д̇ам̣ ‘‘гижчаалад̣̇д̇хам̣ бияам̣ буд̇д̇а’’нд̇иаад̣̇и.
So thokaṃ niddāyitvā paṭibuddho akkhīni ummīletvā setacchattaṃ olokento mahantaṃ sirivibhavaṃ passi. Athassa pakatiyāpi saṃvegappattassa atirekataraṃ bhayaṃ uppajji. So ‘‘kuto nu kho ahaṃ imaṃ rājagehaṃ āgato’’ti upadhārento jātissarañāṇena devalokato āgatabhāvaṃ ñatvā tato paraṃ olokento ussadaniraye pakkabhāvaṃ passi. Tato paraṃ olokento tasmiṃyeva nagare rājabhāvaṃ passi. Atha so ‘‘ahaṃ vīsativassāni rajjaṃ kāretvā asītivassasahassāni ussadaniraye pacciṃ, idāni punapi imasmiṃ coragehe nibbattosmi, pitāpi me hiyyo catūsu coresu ānītesu tathārūpaṃ pharusaṃ nirayasaṃvattanikaṃ kathaṃ kathesi. Na me iminā aviditavipulānatthāvahena rajjena attho, kathaṃ nu kho imamhā coragehā mucceyya’’nti cintento nipajji. Atha naṃ ekā devadhītā ‘‘tāta temiyakumāra, mā bhāyi, tīṇi aṅgāni adhiṭṭhahitvā tava sotthi bhavissatī’’ti samassāsesi. Taṃ sutvā mahāsatto rajjasaṅkhātā anatthato muccitukāmo soḷasasaṃvaccharāni tīṇi aṅgāni acalādhiṭṭhānavasena adhiṭṭhahi. Tena vuttaṃ ‘‘kicchāladdhaṃ piyaṃ putta’’ntiādi.
д̇ад̇т̇а гижчаалад̣̇д̇ханд̇и гижчзна гасирзна жирагаалабад̇т̇анааяа лад̣̇д̇хам̣. абхиж̇аад̇анд̇и ж̇аад̇исамбаннам̣. гааяаж̇уд̇ияаа жзва н̃аан̣аж̇уд̇ияаа жа саманнааг̇ад̇ад̇д̇аа ж̇уд̇инд̇харам̣. сзд̇ажчад̇д̇ам̣ д̇хаараяид̇ваана, саяанз босзд̇и мам̣ бид̇аад̇и бид̇аа мз гаасирааж̇аа ‘‘маа нам̣ гумаарам̣ раж̇о ваа уссааво ваа’’д̇и ж̇аад̇агаалад̇о бадтааяа сзд̇ажчад̇д̇асса хздтаа сирисаяанз саяаабзд̇ваа маханд̇зна бариваарзна мам̣ босзд̇и.
Tattha kicchāladdhanti kicchena kasirena cirakālapatthanāya laddhaṃ. Abhijātanti jātisampannaṃ. Kāyajutiyā ceva ñāṇajutiyā ca samannāgatattā jutindharaṃ. Setacchattaṃ dhārayitvāna, sayane poseti maṃ pitāti pitā me kāsirājā ‘‘mā naṃ kumāraṃ rajo vā ussāvo vā’’ti jātakālato paṭṭhāya setacchattassa heṭṭhā sirisayane sayāpetvā mahantena parivārena maṃ poseti.
51. нид̣̇д̣̇ааяамаано саяанаварз баб̣уж̇жхид̇ваа ахам̣ ологзнд̇о бан̣д̣арам̣ сзд̇ажчад̇д̇ам̣ ад̣̇д̣̇асам̣. язнаахам̣ нираяам̣ г̇ад̇од̇и язна сзд̇ажчад̇д̇зна д̇ад̇о д̇ад̇ияз ад̇д̇абхаавз ахам̣ нираяам̣ г̇ад̇о, сзд̇ажчад̇д̇асийсзна раж̇ж̇ам̣ вад̣̇ад̇и.
51.Niddāyamāno sayanavare pabujjhitvā ahaṃ olokento paṇḍaraṃ setacchattaṃ addasaṃ. Yenāhaṃ nirayaṃ gatoti yena setacchattena tato tatiye attabhāve ahaṃ nirayaṃ gato, setacchattasīsena rajjaṃ vadati.
52. саха д̣̇идтасса мз чад̇д̇анд̇и д̇ам̣ сзд̇ажчад̇д̇ам̣ д̣̇идтасса д̣̇идтавад̇о мз саха д̇зна д̣̇ассанзна, д̣̇ассанасамагааламзваад̇и ад̇т̇о. д̇аасо уббаж̇ж̇и бхзравод̇и субаривид̣̇ид̇аад̣̇ийнавад̇д̇аа бхаяаанаго жид̇д̇уд̇раасо уд̣̇абаад̣̇и. винижчаяам̣ самаабанно, гат̇аахам̣ имам̣ мун̃жиссанд̇и гат̇ам̣ ну ко ахам̣ имам̣ раж̇ж̇ам̣ гаал̣аган̣н̣им̣ мун̃жзяяанд̇и звам̣ вижааран̣ам̣ аабаж̇ж̇им̣.
52.Saha diṭṭhassa me chattanti taṃ setacchattaṃ diṭṭhassa diṭṭhavato me saha tena dassanena, dassanasamakālamevāti attho. Tāso uppajji bheravoti suparividitādīnavattā bhayānako cittutrāso udapādi. Vinicchayaṃ samāpanno, kathāhaṃ imaṃ muñcissanti kathaṃ nu kho ahaṃ imaṃ rajjaṃ kāḷakaṇṇiṃ muñceyyanti evaṃ vicāraṇaṃ āpajjiṃ.
53. буб̣б̣асаалохид̇аа маяханд̇и буб̣б̣з згасмим̣ ад̇д̇абхаавз мама маад̇убхууд̇абуб̣б̣аа д̇асмим̣ чад̇д̇з ад̇хивад̇т̇аа д̣̇звад̇аа маяхам̣ ад̇т̇агааминий хид̇зсиний. саа мам̣ д̣̇исваана д̣̇угкид̇ам̣, д̇ийсу таанзсу яож̇аяийд̇и саа д̣̇звад̇аа мам̣ д̇ат̇аа жзд̇од̣̇угкзна д̣̇угкид̇ам̣ д̣̇исваа мууг̇абагкаб̣ад̇хирабхаавасан̇каад̇зсу д̇ийсу раж̇ж̇ад̣̇угкад̇о нигкаманагааран̣зсу яож̇зси.
53.Pubbasālohitā mayhanti pubbe ekasmiṃ attabhāve mama mātubhūtapubbā tasmiṃ chatte adhivatthā devatā mayhaṃ atthakāminī hitesinī. Sā maṃ disvāna dukkhitaṃ, tīsu ṭhānesu yojayīti sā devatā maṃ tathā cetodukkhena dukkhitaṃ disvā mūgapakkhabadhirabhāvasaṅkhātesu tīsu rajjadukkhato nikkhamanakāraṇesu yojesi.
54. бан̣д̣ижжаяанд̇и бан̣д̣ижжам̣, аяамзва ваа баато. маа вибхааваяаад̇и маа багаасзхи. б̣ааламад̇од̇и б̣аалод̇и н̃аад̇о. саб̣б̣од̇и сагало анд̇ож̇ано жзва б̣ахиж̇ано жа. ожинааяад̇ууд̇и нийхарат̇зд̇ам̣ гаал̣аган̣н̣инд̇и аваж̇аанаад̇у. звам̣ д̇ава ад̇т̇о бхависсад̇ийд̇и звам̣ яат̇аавуд̇д̇анаязна аваж̇аанид̇аб̣б̣абхаавз сад̇и д̇уяхам̣ г̇зхад̇о нигкаманзна хид̇ам̣ баарамибарибууран̣ам̣ бхависсад̇и.
54.Paṇḍiccayanti paṇḍiccaṃ, ayameva vā pāṭho. Mā vibhāvayāti mā pakāsehi. Bālamatoti bāloti ñāto. Sabboti sakalo antojano ceva bahijano ca. Ocināyatūti nīharathetaṃ kāḷakaṇṇinti avajānātu. Evaṃ tava attho bhavissatīti evaṃ yathāvuttanayena avajānitabbabhāve sati tuyhaṃ gehato nikkhamanena hitaṃ pāramiparipūraṇaṃ bhavissati.
55. д̇зд̇ам̣ важананд̇и д̇з зд̇ам̣ д̇ийн̣и ан̇г̇аани ад̇хидтаахийд̇и важанам̣. ад̇т̇агаамааси мз аммаад̇и амма д̣̇звад̇з, мама ад̇т̇агаамаа аси. хид̇агаамаад̇и д̇ассзва барияааяаважанам̣. ад̇т̇од̇и ваа зд̇т̇а сукам̣ взд̣̇ид̇аб̣б̣ам̣. хид̇анд̇и д̇асса гааран̣абхууд̇ам̣ бун̃н̃ам̣.
55.Tetaṃvacananti te etaṃ tīṇi aṅgāni adhiṭṭhāhīti vacanaṃ. Atthakāmāsi me ammāti amma devate, mama atthakāmā asi. Hitakāmāti tasseva pariyāyavacanaṃ. Atthoti vā ettha sukhaṃ veditabbaṃ. Hitanti tassa kāraṇabhūtaṃ puññaṃ.
56. сааг̇арзва т̇алам̣ лабхинд̇и жораг̇зхз вад̇аахам̣ ж̇аад̇о, аху мз махаавад̇аанад̇т̇од̇и согасааг̇арз осийд̣̇анд̇о д̇ассаа д̣̇звад̇ааяа ахам̣ важанам̣ суд̇ваа сааг̇арз осийд̣̇анд̇о вияа т̇алам̣ бад̇идтам̣ алабхим̣, раж̇ж̇агулад̇о нигкаманобааяам̣ алабхинд̇и ад̇т̇о. д̇аяо ан̇г̇з ад̇хидтахинд̇и яаава г̇зхад̇о нигкамим̣, д̇аава д̇ийн̣и ан̇г̇аани гааран̣аани ад̇хидтахим̣.
56.Sāgareva thalaṃ labhinti coragehe vatāhaṃ jāto, ahu me mahāvatānatthoti sokasāgare osīdanto tassā devatāya ahaṃ vacanaṃ sutvā sāgare osīdanto viya thalaṃ patiṭṭhaṃ alabhiṃ, rajjakulato nikkhamanopāyaṃ alabhinti attho. Tayo aṅge adhiṭṭhahinti yāva gehato nikkhamiṃ, tāva tīṇi aṅgāni kāraṇāni adhiṭṭhahiṃ.
57. ид̣̇аани д̇аани саруубад̇о д̣̇ассзд̇ум̣ ‘‘мууг̇о ахоси’’нд̇и г̇аат̇амааха. д̇ад̇т̇а багкод̇и бийтасабби. сзсам̣ сувин̃н̃зяяамзва.
57. Idāni tāni sarūpato dassetuṃ ‘‘mūgo ahosi’’nti gāthamāha. Tattha pakkhoti pīṭhasappi. Sesaṃ suviññeyyameva.
звам̣ бана махаасад̇д̇з д̣̇звад̇ааяа д̣̇иннанаяз тад̇ваа ж̇аад̇авассад̇о бадтааяа мууг̇аад̣̇ибхаавзна ад̇д̇аанам̣ д̣̇ассзнд̇з маад̇аабид̇аро д̇хаад̇иаад̣̇аяо жа ‘‘мууг̇аанам̣ ханубарияосаанам̣ наама зваруубам̣ на ход̇и, б̣ад̇хираанам̣ ган̣н̣асод̇ам̣ наама зваруубам̣ на ход̇и, бийтасаббийнам̣ хад̇т̇абаад̣̇аа наама зваруубаа на хонд̇и, бхавид̇аб̣б̣амзд̇т̇а гааран̣зна, виймам̣сиссаама на’’нд̇и жинд̇зд̇ваа ‘‘кийрзна д̇аава виймам̣сиссаамаа’’д̇и сагалад̣̇ивасам̣ кийрам̣ на д̣̇знд̇и. со суссанд̇оби кийрад̇т̇ааяа сад̣̇д̣̇ам̣ на гарод̇и.
Evaṃ pana mahāsatte devatāya dinnanaye ṭhatvā jātavassato paṭṭhāya mūgādibhāvena attānaṃ dassente mātāpitaro dhātiādayo ca ‘‘mūgānaṃ hanupariyosānaṃ nāma evarūpaṃ na hoti, badhirānaṃ kaṇṇasotaṃ nāma evarūpaṃ na hoti, pīṭhasappīnaṃ hatthapādā nāma evarūpā na honti, bhavitabbamettha kāraṇena, vīmaṃsissāma na’’nti cintetvā ‘‘khīrena tāva vīmaṃsissāmā’’ti sakaladivasaṃ khīraṃ na denti. So sussantopi khīratthāya saddaṃ na karoti.
ат̇асса маад̇аа ‘‘буд̇д̇о мз чаад̇о, кийрамасса д̣̇зт̇аа’’д̇и кийрам̣ д̣̇аабзси. звам̣ анд̇аранд̇араа кийрам̣ ад̣̇ад̇ваа згасам̣важчарам̣ виймам̣санд̇ааби анд̇арам̣ на бассим̣су. д̇ад̇о ‘‘гумаарагаа наама буувакаж̇ж̇агам̣ бияааяанд̇и, палаапалам̣ бияааяанд̇и, гийл̣анабхан̣д̣агам̣ бияааяанд̇и, бхож̇анам̣ бияааяанд̇ий’’д̇и д̇аани д̇аани балобханийяаани убанзд̇ваа виймам̣санавасзна балобхзнд̇аа яаава бан̃жавассагаалаа анд̇арам̣ на бассим̣су. ат̇а нам̣ ‘‘д̣̇аарагаа наама аг̇г̇ид̇о бхааяанд̇и, мад̇д̇ахад̇т̇ид̇о бхааяанд̇и, саббад̇о бхааяанд̇и, угкид̇д̇аасигабурисад̇о бхааяанд̇и, д̇зхи виймам̣сиссаамаа’’д̇и яат̇аа д̇зхисса анад̇т̇о на ж̇ааяад̇и, д̇ат̇аа буримамзва сам̣вид̣̇ахид̇ваа ад̇ибхаяаанагаагаарзна убаг̇ажчанд̇з гаарзсум̣.
Athassa mātā ‘‘putto me chāto, khīramassa dethā’’ti khīraṃ dāpesi. Evaṃ antarantarā khīraṃ adatvā ekasaṃvaccharaṃ vīmaṃsantāpi antaraṃ na passiṃsu. Tato ‘‘kumārakā nāma pūvakhajjakaṃ piyāyanti, phalāphalaṃ piyāyanti, kīḷanabhaṇḍakaṃ piyāyanti, bhojanaṃ piyāyantī’’ti tāni tāni palobhanīyāni upanetvā vīmaṃsanavasena palobhentā yāva pañcavassakālā antaraṃ na passiṃsu. Atha naṃ ‘‘dārakā nāma aggito bhāyanti, mattahatthito bhāyanti, sappato bhāyanti, ukkhittāsikapurisato bhāyanti, tehi vīmaṃsissāmā’’ti yathā tehissa anattho na jāyati, tathā purimameva saṃvidahitvā atibhayānakākārena upagacchante kāresuṃ.
махаасад̇д̇о нираяабхаяам̣ ааваж̇ж̇зд̇ваа ‘‘ид̇о сад̇аг̇ун̣зна сахассаг̇ун̣зна сад̇асахассаг̇ун̣зна нираяо бхааяид̇аб̣б̣о’’д̇и нижжалова ход̇и. звамби виймам̣сид̇ваа анд̇арам̣ на бассанд̇аа буна ‘‘д̣̇аарагаа наама самаж̇ж̇ад̇т̇игаа хонд̇ий’’д̇и самаж̇ж̇ам̣ гаарзд̇вааби махаасад̇д̇ам̣ саан̣ияаа баригкибид̇ваа аж̇аананд̇ассзва жад̇уусу бассзсу сан̇касад̣̇д̣̇зхи бхзрисад̣̇д̣̇зхи жа сахасаа зганиннаад̣̇ам̣ гаарзд̇вааби анд̇хагаарз гхадзхи д̣̇ийбам̣ убанзд̇ваа сахасаа аалогам̣ д̣̇ассзд̇вааби сагаласарийрам̣ паан̣ид̇зна магкзд̇ваа б̣ахумагкигз таанз нибаж̇ж̇аабзд̇вааби нхаабанаад̣̇ийни агад̇ваа ужжаарабассаавамад̇т̇агз нибаннам̣ аж̇жхубзгкид̇вааби д̇ад̇т̇а жа балибаннам̣ саяамаанам̣ барихаасзхи аггосанзхи жа гхаддзд̇вааби хздтааман̃жз аг̇г̇игабаллам̣ гад̇ваа ун̣хасанд̇аабзна бийл̣зд̇ваабийд̇и звам̣ наанаавид̇хзхи убааязхи виймам̣санд̇аабисса анд̇арам̣ на бассим̣су.
Mahāsatto nirayabhayaṃ āvajjetvā ‘‘ito sataguṇena sahassaguṇena satasahassaguṇena nirayo bhāyitabbo’’ti niccalova hoti. Evampi vīmaṃsitvā antaraṃ na passantā puna ‘‘dārakā nāma samajjatthikā hontī’’ti samajjaṃ kāretvāpi mahāsattaṃ sāṇiyā parikkhipitvā ajānantasseva catūsu passesu saṅkhasaddehi bherisaddehi ca sahasā ekaninnādaṃ kāretvāpi andhakāre ghaṭehi dīpaṃ upanetvā sahasā ālokaṃ dassetvāpi sakalasarīraṃ phāṇitena makkhetvā bahumakkhike ṭhāne nipajjāpetvāpi nhāpanādīni akatvā uccārapassāvamatthake nipannaṃ ajjhupekkhitvāpi tattha ca palipannaṃ sayamānaṃ parihāsehi akkosanehi ca ghaṭṭetvāpi heṭṭhāmañce aggikapallaṃ katvā uṇhasantāpena pīḷetvāpīti evaṃ nānāvidhehi upāyehi vīmaṃsantāpissa antaraṃ na passiṃsu.
махаасад̇д̇о хи саб̣б̣ад̇т̇а нираяабхаяамзва ааваж̇ж̇зд̇ваа ад̇хидтаанам̣ авигобзнд̇о нижжалова ахоси. звам̣ баннарасавассаани виймам̣сид̇ваа ат̇а сол̣асавассагаалз ‘‘бийтасаббино ваа хонд̇у мууг̇аб̣ад̇хираа ваа раж̇анийязсу араж̇ж̇анд̇аа д̣̇уссанийязсу ад̣̇уссанд̇аа наама над̇т̇ийд̇и наадагаанисса бажжубадтабзд̇ваа виймам̣сиссаамаа’’д̇и гумаарам̣ г̇анд̇ход̣̇агзна нхаабзд̇ваа д̣̇звабуд̇д̇ам̣ вияа алан̇гарид̇ваа д̣̇звавимаанагаббам̣ бубпаг̇анд̇хад̣̇аамаад̣̇ийхи згаамод̣̇абамод̣̇ам̣ баасаад̣̇ам̣ ааробзд̇ваа уд̇д̇амаруубад̇хараа бхаававилаасасамбаннаа д̣̇зважчараабадибхааг̇аа ид̇т̇ияо убадтабзсум̣ – ‘‘г̇ажчат̇а нажжаад̣̇ийхи гумаарам̣ абхирамаабзт̇аа’’д̇и. д̇аа убаг̇анд̇ваа д̇ат̇аа гаад̇ум̣ вааяамим̣су. со б̣уд̣̇д̇хисамбаннад̇ааяа ‘‘имаа мз сарийрасампассам̣ маа винд̣̇им̣суу’’д̇и ассаасабассаасз нирунд̇хи. д̇аа д̇асса сарийрасампассам̣ авинд̣̇анд̇ияо ‘‘т̇ад̣̇д̇хасарийро зса, нааяам̣ мануссо, яагко бхависсад̇ий’’д̇и баггамим̣су.
Mahāsatto hi sabbattha nirayabhayameva āvajjetvā adhiṭṭhānaṃ avikopento niccalova ahosi. Evaṃ pannarasavassāni vīmaṃsitvā atha soḷasavassakāle ‘‘pīṭhasappino vā hontu mūgabadhirā vā rajanīyesu arajjantā dussanīyesu adussantā nāma natthīti nāṭakānissa paccupaṭṭhapetvā vīmaṃsissāmā’’ti kumāraṃ gandhodakena nhāpetvā devaputtaṃ viya alaṅkaritvā devavimānakappaṃ pupphagandhadāmādīhi ekāmodapamodaṃ pāsādaṃ āropetvā uttamarūpadharā bhāvavilāsasampannā devaccharāpaṭibhāgā itthiyo upaṭṭhapesuṃ – ‘‘gacchatha naccādīhi kumāraṃ abhiramāpethā’’ti. Tā upagantvā tathā kātuṃ vāyamiṃsu. So buddhisampannatāya ‘‘imā me sarīrasamphassaṃ mā vindiṃsū’’ti assāsapassāse nirundhi. Tā tassa sarīrasamphassaṃ avindantiyo ‘‘thaddhasarīro esa, nāyaṃ manusso, yakkho bhavissatī’’ti pakkamiṃsu.
звам̣ сол̣аса вассаани сол̣асахи махаавиймам̣саахи анзгаахи жа куд̣̇д̣̇агавиймам̣саахи бариг̇г̇ан̣хид̇ум̣ асаггун̣ид̇ваа маад̇аабид̇аро ‘‘д̇аад̇а, д̇змияагумаара, маяам̣ д̇ава амууг̇аад̣̇ибхаавам̣ ж̇аанаама, на хи д̇зсам̣ зваруубаани мукаган̣н̣асод̇абаад̣̇аани хонд̇и, д̇вам̣ амхзхи бад̇т̇зд̇ваа лад̣̇д̇хабуд̇д̇аго, маа но наасзхи, сагалаж̇амб̣уд̣̇ийбз рааж̇уунам̣ санд̇игаа г̇арахад̇о можзхий’’д̇и саха висум̣ висун̃жа анзгаваарам̣ яаажим̣су. со д̇зхи звам̣ яаажияамааноби асун̣анд̇о вияа худ̇ваа нибаж̇ж̇и.
Evaṃ soḷasa vassāni soḷasahi mahāvīmaṃsāhi anekāhi ca khuddakavīmaṃsāhi pariggaṇhituṃ asakkuṇitvā mātāpitaro ‘‘tāta, temiyakumāra, mayaṃ tava amūgādibhāvaṃ jānāma, na hi tesaṃ evarūpāni mukhakaṇṇasotapādāni honti, tvaṃ amhehi patthetvā laddhaputtako, mā no nāsehi, sakalajambudīpe rājūnaṃ santikā garahato mocehī’’ti saha visuṃ visuñca anekavāraṃ yāciṃsu. So tehi evaṃ yāciyamānopi asuṇanto viya hutvā nipajji.
58. ат̇а рааж̇аа махаасад̇д̇асса убхо баад̣̇з ган̣н̣асод̇з ж̇ивхам̣ убхо жа хад̇т̇з гусалзхи бурисзхи виймам̣саабзд̇ваа ‘‘яад̣̇иби абийтасаббиаад̣̇ийнам̣ вияасса баад̣̇аад̣̇аяо, д̇ат̇ааби аяам̣ бийтасабби мууг̇аб̣ад̇хиро ман̃н̃з, ийд̣̇исз гаал̣аган̣н̣ибурисз имасмим̣ г̇зхз васанд̇з д̇аяо анд̇арааяаа бан̃н̃ааяанд̇и ж̇ийвид̇асса ваа чад̇д̇асса ваа махзсияаа ваа’’д̇и лагкан̣абаатагзхи ид̣̇аани гат̇ид̇ам̣. ж̇аад̇ад̣̇ивасз бана ‘‘д̇умхаагам̣ д̣̇оманассабарихаран̣ад̇т̇ам̣ ‘д̇хан̃н̃абун̃н̃алагкан̣о’д̇и вуд̇д̇а’’нд̇и амажжзхи аарожид̇ам̣ суд̇ваа анд̇арааяабхаязна бхийд̇о ‘‘г̇ажчат̇а нам̣ аваман̇г̇аларат̇з нибаж̇ж̇аабзд̇ваа бажчимад̣̇ваарзна нийхараабзд̇ваа аамагасусаанз никан̣ат̇аа’’д̇и аан̣аабзси. д̇ам̣ суд̇ваа махаасад̇д̇о хадто уд̣̇аг̇г̇о ахоси – ‘‘жирассам̣ вад̇а мз манорат̇о мад̇т̇агам̣ баабун̣иссад̇ий’’д̇и. д̇зна вуд̇д̇ам̣ ‘‘д̇ад̇о мз хад̇т̇абаад̣̇з жаа’’д̇иаад̣̇и.
58. Atha rājā mahāsattassa ubho pāde kaṇṇasote jivhaṃ ubho ca hatthe kusalehi purisehi vīmaṃsāpetvā ‘‘yadipi apīṭhasappiādīnaṃ viyassa pādādayo, tathāpi ayaṃ pīṭhasappi mūgabadhiro maññe, īdise kāḷakaṇṇipurise imasmiṃ gehe vasante tayo antarāyā paññāyanti jīvitassa vā chattassa vā mahesiyā vā’’ti lakkhaṇapāṭhakehi idāni kathitaṃ. Jātadivase pana ‘‘tumhākaṃ domanassapariharaṇatthaṃ ‘dhaññapuññalakkhaṇo’ti vutta’’nti amaccehi ārocitaṃ sutvā antarāyabhayena bhīto ‘‘gacchatha naṃ avamaṅgalarathe nipajjāpetvā pacchimadvārena nīharāpetvā āmakasusāne nikhaṇathā’’ti āṇāpesi. Taṃ sutvā mahāsatto haṭṭho udaggo ahosi – ‘‘cirassaṃ vata me manoratho matthakaṃ pāpuṇissatī’’ti. Tena vuttaṃ ‘‘tato me hatthapāde cā’’tiādi.
д̇ад̇т̇а мад̣̇д̣̇ияаад̇и мад̣̇д̣̇анавасзна виймам̣сид̇ваа. ануунад̇анд̇и хад̇т̇аад̣̇ийхи авигалад̇ам̣. нинд̣̇исунд̇и ‘‘звам̣ ануунааваяавоби самаано мууг̇аад̣̇и вияа д̣̇иссамаано ‘‘раж̇ж̇ам̣ гаарзд̇ум̣ абхаб̣б̣о, гаал̣аган̣н̣ибурисо аяа’’нд̇и г̇арахим̣су. ‘‘нид̣̇д̣̇ису’’нд̇иби баато, вад̣̇им̣сууд̇и ад̇т̇о.
Tattha maddiyāti maddanavasena vīmaṃsitvā. Anūnatanti hatthādīhi avikalataṃ. Nindisunti ‘‘evaṃ anūnāvayavopi samāno mūgādi viya dissamāno ‘‘rajjaṃ kāretuṃ abhabbo, kāḷakaṇṇipuriso aya’’nti garahiṃsu. ‘‘Niddisu’’ntipi pāṭho, vadiṃsūti attho.
59. чад̣д̣анам̣ анумод̣̇исунд̇и рааж̇ад̣̇ассанад̇т̇ам̣ ааг̇ад̇аа саб̣б̣зби ж̇анабад̣̇аваасино сзнаабад̇ибурохид̇аббамукаа рааж̇абурисаа д̇з саб̣б̣зби згаманаа самаанажид̇д̇аа худ̇ваа анд̇арааяабарихаран̣ад̇т̇ам̣ ран̃н̃аа аан̣ад̇д̇аа бхуумияам̣ никан̣анавасзна мама чад̣д̣анам̣ мукасан̇гожам̣ агад̇ваа абхимукабхаавзна саад̇ху судту ид̣̇ам̣ гад̇д̇аб̣б̣амзваад̇и анумод̣̇им̣су.
59.Chaḍḍanaṃ anumodisunti rājadassanatthaṃ āgatā sabbepi janapadavāsino senāpatipurohitappamukhā rājapurisā te sabbepi ekamanā samānacittā hutvā antarāyapariharaṇatthaṃ raññā āṇattā bhūmiyaṃ nikhaṇanavasena mama chaḍḍanaṃ mukhasaṅkocaṃ akatvā abhimukhabhāvena sādhu suṭṭhu idaṃ kattabbamevāti anumodiṃsu.
60. со мз ад̇т̇о самиж̇жхат̇аад̇и яассад̇т̇ааяа яад̣̇ад̇т̇ам̣ д̇ад̇о мууг̇аад̣̇ибхааваад̇хидтаанавасзна д̣̇уггаражаран̣ам̣ жин̣н̣ам̣ жарид̇ам̣, со ад̇т̇о мама самиж̇жхад̇и. д̇зсам̣ мама маад̇аабид̇уаад̣̇ийнам̣ мад̇им̣ ад̇хиббааяам̣ суд̇ваа со ахам̣ мама ад̇хиббааяасамиж̇жханзна хадто анубад̇хаарзд̇ваа бхуумияам̣ никан̣анаануж̇аананзна сам̣виг̇г̇амаанасова ахосинд̇и важанасзсзна самб̣анд̇хо взд̣̇ид̇аб̣б̣о.
60.So me attho samijjhathāti yassatthāya yadatthaṃ tato mūgādibhāvādhiṭṭhānavasena dukkaracaraṇaṃ ciṇṇaṃ caritaṃ, so attho mama samijjhati. Tesaṃ mama mātāpituādīnaṃ matiṃ adhippāyaṃ sutvā so ahaṃ mama adhippāyasamijjhanena haṭṭho anupadhāretvā bhūmiyaṃ nikhaṇanānujānanena saṃviggamānasova ahosinti vacanasesena sambandho veditabbo.
61. звам̣ гумаарасса бхуумияам̣ никан̣анз ран̃н̃аа аан̣ад̇д̇з жанд̣̇аад̣̇звий д̇ам̣ бавад̇д̇им̣ суд̇ваа рааж̇аанам̣ убасан̇гамид̇ваа, ‘‘д̣̇зва, д̇умхзхи маяхам̣ варо д̣̇инно, маяаа жа г̇ахид̇агам̣ гад̇ваа табид̇о, д̇ам̣ мз ид̣̇аани д̣̇зт̇аа’’д̇и. ‘‘г̇ан̣ха, д̣̇звий’’д̇и. ‘‘буд̇д̇асса мз раж̇ж̇ам̣ д̣̇зт̇аа’’д̇и. ‘‘буд̇д̇о д̇з гаал̣аган̣н̣ий, на саггаа д̣̇аад̇у’’нд̇и. ‘‘д̇зна хи, д̣̇зва, яааваж̇ийвам̣ ад̣̇знд̇о сад̇д̇а вассаани д̣̇зт̇аа’’д̇и. ‘‘д̇амби на саггаа’’д̇и. ‘‘ча вассаани, бан̃жажад̇д̇аарид̇ийн̣ид̣̇вззгам̣ вассам̣, сад̇д̇а маасз, чабан̃жажад̇д̇аарод̇аяод̣̇вззгам̣ маасам̣ад̣̇д̇хамаасам̣сад̇д̇аахам̣ д̣̇зт̇аа’’д̇и. саад̇ху г̇ан̣хаад̇и.
61. Evaṃ kumārassa bhūmiyaṃ nikhaṇane raññā āṇatte candādevī taṃ pavattiṃ sutvā rājānaṃ upasaṅkamitvā, ‘‘deva, tumhehi mayhaṃ varo dinno, mayā ca gahitakaṃ katvā ṭhapito, taṃ me idāni dethā’’ti. ‘‘Gaṇha, devī’’ti. ‘‘Puttassa me rajjaṃ dethā’’ti. ‘‘Putto te kāḷakaṇṇī, na sakkā dātu’’nti. ‘‘Tena hi, deva, yāvajīvaṃ adento satta vassāni dethā’’ti. ‘‘Tampi na sakkā’’ti. ‘‘Cha vassāni, pañcacattāritīṇidveekaṃ vassaṃ, satta māse, chapañcacattārotayodveekaṃ māsaṃaddhamāsaṃsattāhaṃ dethā’’ti. Sādhu gaṇhāti.
саа буд̇д̇ам̣ алан̇гаараабзд̇ваа ‘‘д̇змияагумаарасса ид̣̇ам̣ раж̇ж̇а’’нд̇и наг̇арз бхзрим̣ жараабзд̇ваа наг̇арам̣ алан̇гаараабзд̇ваа буд̇д̇ам̣ хад̇т̇игканд̇хам̣ ааробзд̇ваа сзд̇ажчад̇д̇ам̣ мад̇т̇агз гаараабзд̇ваа наг̇арам̣ бад̣̇агкин̣ам̣ гад̇ваа ааг̇ад̇ам̣ алан̇гад̇асирисаяанз нибаж̇ж̇аабзд̇ваа саб̣б̣арад̇д̇им̣ яаажи – ‘‘д̇аад̇а д̇змияа, д̇ам̣ ниссааяа сол̣аса вассаани нид̣̇д̣̇ам̣ алабхид̇ваа род̣̇амаанааяа мз агкийни уббаггаани, согзна хад̣̇аяам̣ бхиж̇ж̇ад̇и вияа, д̇ава абийтасаббиаад̣̇ибхаавам̣ ж̇аанаами, маа мам̣ анаат̇ам̣ гарий’’д̇и. иминаа нияаамзна ча д̣̇ивасз яаажи. чадтз д̣̇ивасз рааж̇аа сунанд̣̇ам̣ наама саарат̇им̣ баггосаабзд̇ваа ‘‘свз баад̇ова аваман̇г̇аларат̇зна гумаарам̣ нийхарид̇ваа аамагасусаанз бхуумияам̣ никан̣ид̇ваа бат̇авивад̣дханагагаммам̣ гад̇ваа зхий’’д̇и ааха. д̇ам̣ суд̇ваа д̣̇звий ‘‘д̇аад̇а, гаасирааж̇аа д̇ам̣ свз аамагасусаанз никан̣ид̇ум̣ аан̣аабзси. свз маран̣ам̣ баабун̣иссад̇ий’’д̇и ааха.
Sā puttaṃ alaṅkārāpetvā ‘‘temiyakumārassa idaṃ rajja’’nti nagare bheriṃ carāpetvā nagaraṃ alaṅkārāpetvā puttaṃ hatthikkhandhaṃ āropetvā setacchattaṃ matthake kārāpetvā nagaraṃ padakkhiṇaṃ katvā āgataṃ alaṅkatasirisayane nipajjāpetvā sabbarattiṃ yāci – ‘‘tāta temiya, taṃ nissāya soḷasa vassāni niddaṃ alabhitvā rodamānāya me akkhīni uppakkāni, sokena hadayaṃ bhijjati viya, tava apīṭhasappiādibhāvaṃ jānāmi, mā maṃ anāthaṃ karī’’ti. Iminā niyāmena cha divase yāci. Chaṭṭhe divase rājā sunandaṃ nāma sārathiṃ pakkosāpetvā ‘‘sve pātova avamaṅgalarathena kumāraṃ nīharitvā āmakasusāne bhūmiyaṃ nikhaṇitvā pathavivaḍḍhanakakammaṃ katvā ehī’’ti āha. Taṃ sutvā devī ‘‘tāta, kāsirājā taṃ sve āmakasusāne nikhaṇituṃ āṇāpesi. Sve maraṇaṃ pāpuṇissatī’’ti āha.
махаасад̇д̇о д̇ам̣ суд̇ваа ‘‘д̇змияа, сол̣аса вассаани д̇аяаа гад̇о вааяаамо мад̇т̇агам̣ бад̇д̇о’’д̇и хадто уд̣̇аг̇г̇о ахоси. маад̇уяаа банасса хад̣̇аяам̣ бхиж̇ж̇анаагаарам̣ вияа ахоси. ат̇а д̇ассаа рад̇д̇ияаа ажжаязна баад̇ова саарат̇и рат̇ам̣ аад̣̇ааяа д̣̇ваарз табзд̇ваа сириг̇аб̣бхам̣ бависид̇ваа ‘‘д̣̇зви, маа маяхам̣ гуж̇жхи, ран̃н̃о аан̣аа’’д̇и буд̇д̇ам̣ аалин̇г̇ид̇ваа нибаннам̣ д̣̇звим̣ бидтихад̇т̇зна абанзд̇ваа гумаарам̣ угкибид̇ваа баасаад̣̇аа од̇ари. д̣̇звий урам̣ бахарид̇ваа махаасад̣̇д̣̇зна барид̣̇звид̇ваа махаад̇алз охийяи.
Mahāsatto taṃ sutvā ‘‘temiya, soḷasa vassāni tayā kato vāyāmo matthakaṃ patto’’ti haṭṭho udaggo ahosi. Mātuyā panassa hadayaṃ bhijjanākāraṃ viya ahosi. Atha tassā rattiyā accayena pātova sārathi rathaṃ ādāya dvāre ṭhapetvā sirigabbhaṃ pavisitvā ‘‘devi, mā mayhaṃ kujjhi, rañño āṇā’’ti puttaṃ āliṅgitvā nipannaṃ deviṃ piṭṭhihatthena apanetvā kumāraṃ ukkhipitvā pāsādā otari. Devī uraṃ paharitvā mahāsaddena paridevitvā mahātale ohīyi.
ат̇а нам̣ махаасад̇д̇о ологзд̇ваа ‘‘маяи агат̇знд̇з маад̇у сого б̣алаваа бхависсад̇ий’’д̇и гат̇зд̇угаамо худ̇вааби ‘‘сажз гат̇зссаами сол̣аса вассаани гад̇о вааяаамо могхо бхависсад̇и, агат̇знд̇о банаахам̣ ад̇д̇ано жа маад̇аабид̇уунан̃жа бажжаяо бхависсаамий’’д̇и ад̇хиваасзси. саарат̇и ‘‘махаасад̇д̇ам̣ рат̇ам̣ ааробзд̇ваа бажчимад̣̇ваараабхимукам̣ рат̇ам̣ бзсзссаамий’’д̇и баажийнад̣̇ваараабхимукам̣ бзсзси. рат̇о наг̇араа нигкамид̇ваа д̣̇звад̇аанубхаавзна д̇ияож̇анадтаанам̣ г̇ад̇о. махаасад̇д̇о судтуд̇арам̣ д̇удтажид̇д̇о ахоси. д̇ад̇т̇а ванагхадам̣ саарат̇исса аамагасусаанам̣ вияа убадтааси. со ‘‘ид̣̇ам̣ таанам̣ сунд̣̇ара’’нд̇и рат̇ам̣ оггамаабзд̇ваа маг̇г̇абассз табзд̇ваа рат̇аа оруяха махаасад̇д̇асса аабхаран̣абхан̣д̣ам̣ омун̃жид̇ваа бхан̣д̣игам̣ гад̇ваа табзд̇ваа гуд̣̇аалам̣ аад̣̇ааяа авид̣̇уурз ааваадам̣ кан̣ид̇ум̣ аарабхи. д̇зна вуд̇д̇ам̣ ‘‘нхаабзд̇ваа анулимбид̇ваа’’д̇иаад̣̇и.
Atha naṃ mahāsatto oloketvā ‘‘mayi akathente mātu soko balavā bhavissatī’’ti kathetukāmo hutvāpi ‘‘sace kathessāmi soḷasa vassāni kato vāyāmo mogho bhavissati, akathento panāhaṃ attano ca mātāpitūnañca paccayo bhavissāmī’’ti adhivāsesi. Sārathi ‘‘mahāsattaṃ rathaṃ āropetvā pacchimadvārābhimukhaṃ rathaṃ pesessāmī’’ti pācīnadvārābhimukhaṃ pesesi. Ratho nagarā nikkhamitvā devatānubhāvena tiyojanaṭṭhānaṃ gato. Mahāsatto suṭṭhutaraṃ tuṭṭhacitto ahosi. Tattha vanaghaṭaṃ sārathissa āmakasusānaṃ viya upaṭṭhāsi. So ‘‘idaṃ ṭhānaṃ sundara’’nti rathaṃ okkamāpetvā maggapasse ṭhapetvā rathā oruyha mahāsattassa ābharaṇabhaṇḍaṃ omuñcitvā bhaṇḍikaṃ katvā ṭhapetvā kudālaṃ ādāya avidūre āvāṭaṃ khaṇituṃ ārabhi. Tena vuttaṃ ‘‘nhāpetvā anulimpitvā’’tiādi.
д̇ад̇т̇а нхаабзд̇ваад̇и сол̣асахи г̇анд̇ход̣̇агагхадзхи нхаабзд̇ваа. анулимбид̇ваад̇и сурабхивилзбанзна вилимбзд̇ваа. взтзд̇ваа рааж̇авзтананд̇и гаасирааж̇уунам̣ бавзн̣ияааг̇ад̇ам̣ рааж̇амагудам̣ сийсз бадимун̃жид̇ваа. абхисин̃жид̇ваад̇и д̇асмим̣ рааж̇агулз рааж̇аабхисзганияаамзна абхисин̃жид̇ваа. чад̇д̇зна гаарзсум̣ бурам̣ бад̣̇агкин̣анд̇и сзд̇ажчад̇д̇зна д̇хаарияамаанзна мам̣ наг̇арам̣ бад̣̇агкин̣ам̣ гаарзсум̣.
Tattha nhāpetvāti soḷasahi gandhodakaghaṭehi nhāpetvā. Anulimpitvāti surabhivilepanena vilimpetvā. Veṭhetvā rājaveṭhananti kāsirājūnaṃ paveṇiyāgataṃ rājamakuṭaṃ sīse paṭimuñcitvā. Abhisiñcitvāti tasmiṃ rājakule rājābhisekaniyāmena abhisiñcitvā. Chattena kāresuṃ puraṃ padakkhiṇanti setacchattena dhāriyamānena maṃ nagaraṃ padakkhiṇaṃ kāresuṃ.
62. сад̇д̇аахам̣ д̇хаараяид̇ваанаад̇и маяхам̣ маад̇у жанд̣̇аад̣̇звияаа варалаабханавасзна лад̣̇д̇хам̣ сад̇д̇аахам̣ мама сзд̇ажчад̇д̇ам̣ д̇хаараяид̇ваа. уг̇г̇ад̇з равиман̣д̣алзд̇и д̇ад̇о бунад̣̇ивасз суурияаман̣д̣алз уг̇г̇ад̇амад̇д̇з аваман̇г̇аларат̇зна мам̣ наг̇арад̇о нийхарид̇ваа бхуумияам̣ никан̣анад̇т̇ам̣ саарат̇и сунанд̣̇о ванамубаг̇ажчи.
62.Sattāhaṃ dhārayitvānāti mayhaṃ mātu candādeviyā varalābhanavasena laddhaṃ sattāhaṃ mama setacchattaṃ dhārayitvā. Uggate ravimaṇḍaleti tato punadivase sūriyamaṇḍale uggatamatte avamaṅgalarathena maṃ nagarato nīharitvā bhūmiyaṃ nikhaṇanatthaṃ sārathi sunando vanamupagacchi.
63. саж̇ж̇ассанд̇и саннад̣̇д̇хо ассам̣, яуг̇з яож̇ид̇ассам̣ мз рат̇ам̣ маг̇г̇ад̇о уггамаабанавасзна згогаасз гад̇ваа. хад̇т̇амужжид̇од̇и мужжид̇ахад̇т̇о, рат̇абаажанад̇о муд̇д̇ахад̇т̇од̇и ад̇т̇о. ат̇а ваа хад̇т̇амужжид̇од̇и хад̇т̇амуд̇д̇о мама хад̇т̇ад̇о мужжид̇ваад̇и ад̇т̇о. гаасунд̇и ааваадам̣. никаад̇унд̇и никан̣ид̇ум̣.
63.Sajjassanti sannaddho assaṃ, yuge yojitassaṃ me rathaṃ maggato ukkamāpanavasena ekokāse katvā. Hatthamuccitoti muccitahattho, rathapācanato muttahatthoti attho. Atha vā hatthamuccitoti hatthamutto mama hatthato muccitvāti attho. Kāsunti āvāṭaṃ. Nikhātunti nikhaṇituṃ.
64-5. ид̣̇аани яад̣̇ад̇т̇ам̣ маяаа сол̣аса вассаани мууг̇авад̇аад̣̇иад̇хидтаанзна д̣̇уггаражарияаа ад̇хидтид̇аа, д̇ам̣ д̣̇ассзд̇ум̣ ‘‘ад̇хидтид̇амад̇хидтаана’’нд̇и г̇аат̇аад̣̇ваяамааха.
64-5. Idāni yadatthaṃ mayā soḷasa vassāni mūgavatādiadhiṭṭhānena dukkaracariyā adhiṭṭhitā, taṃ dassetuṃ ‘‘adhiṭṭhitamadhiṭṭhāna’’nti gāthādvayamāha.
д̇ад̇т̇а д̇аж̇ж̇знд̇о вивид̇хагааран̣аад̇и д̣̇вимаасигагаалад̇о бадтааяа яаава сол̣асасам̣важчараа т̇ан̃н̃абадисзд̇ханаад̣̇ийхи вивид̇хзхи наанаббагаарзхи гааран̣зхи д̇аж̇ж̇аяанд̇о бхаяавид̣̇д̇хам̣санавасзна вихзтияамаано. сзсам̣ сувин̃н̃зяяамзва.
Tattha tajjento vividhakāraṇāti dvimāsikakālato paṭṭhāya yāva soḷasasaṃvaccharā thaññapaṭisedhanādīhi vividhehi nānappakārehi kāraṇehi tajjayanto bhayaviddhaṃsanavasena viheṭhiyamāno. Sesaṃ suviññeyyameva.
ат̇а махаасад̇д̇о сунанд̣̇з гаасум̣ кан̣анд̇з ‘‘аяам̣ мз вааяаамагаало’’д̇и удтааяа ад̇д̇ано хад̇т̇абаад̣̇з самб̣аахид̇ваа рат̇аа од̇арид̇ум̣ мз б̣алам̣ ад̇т̇ийд̇и н̃ад̇ваа жид̇д̇ам̣ уббаад̣̇зси. д̇аавад̣̇звасса баад̣̇абад̇идтаанадтаанам̣ ваад̇абун̣н̣абхасд̇ажаммам̣ вияа уг̇г̇анд̇ваа рат̇асса бажчиманд̇ам̣ аахажжа адтааси. со од̇арид̇ваа гад̇ибаяз ваарз абараабарам̣ жан̇гамид̇ваа ‘‘яож̇анасад̇амби г̇анд̇ум̣ мз б̣алам̣ ад̇т̇ий’’д̇и н̃ад̇ваа рат̇ам̣ бажчиманд̇з г̇ахзд̇ваа гумаарагаанам̣ гийл̣анаяаанагам̣ вияа угкибид̇ваа ‘‘сажз саарат̇и маяаа сад̣̇д̇хим̣ бадивируж̇жхзяяа, ад̇т̇и мз бадивируж̇жхид̇ум̣ б̣ала’’нд̇и саллагкзд̇ваа басаад̇ханад̇т̇ааяа жид̇д̇ам̣ уббаад̣̇зси. д̇ан̇кан̣ан̃н̃зва саггасса бхаванам̣ ун̣хаагаарам̣ д̣̇ассзси. сагго д̇ам̣ гааран̣ам̣ н̃ад̇ваа виссагаммам̣ аан̣аабзси – ‘‘г̇ажча гаасирааж̇абуд̇д̇ам̣ алан̇гарохий’’д̇и. со ‘‘саад̇хуу’’д̇и вад̇ваа д̣̇иб̣б̣зхи жа маанусзхи жа алан̇гаарзхи саггам̣ вияа д̇ам̣ алан̇гари. со д̣̇зварааж̇алийл̣ааяа саарат̇исса кан̣аногаасам̣ г̇анд̇ваа ааваадад̇ийрз тад̇ваа –
Atha mahāsatto sunande kāsuṃ khaṇante ‘‘ayaṃ me vāyāmakālo’’ti uṭṭhāya attano hatthapāde sambāhitvā rathā otarituṃ me balaṃ atthīti ñatvā cittaṃ uppādesi. Tāvadevassa pādapatiṭṭhānaṭṭhānaṃ vātapuṇṇabhastacammaṃ viya uggantvā rathassa pacchimantaṃ āhacca aṭṭhāsi. So otaritvā katipaye vāre aparāparaṃ caṅkamitvā ‘‘yojanasatampi gantuṃ me balaṃ atthī’’ti ñatvā rathaṃ pacchimante gahetvā kumārakānaṃ kīḷanayānakaṃ viya ukkhipitvā ‘‘sace sārathi mayā saddhiṃ paṭivirujjheyya, atthi me paṭivirujjhituṃ bala’’nti sallakkhetvā pasādhanatthāya cittaṃ uppādesi. Taṅkhaṇaññeva sakkassa bhavanaṃ uṇhākāraṃ dassesi. Sakko taṃ kāraṇaṃ ñatvā vissakammaṃ āṇāpesi – ‘‘gaccha kāsirājaputtaṃ alaṅkarohī’’ti. So ‘‘sādhū’’ti vatvā dibbehi ca mānusehi ca alaṅkārehi sakkaṃ viya taṃ alaṅkari. So devarājalīḷāya sārathissa khaṇanokāsaṃ gantvā āvāṭatīre ṭhatvā –
‘‘гинну санд̇арамаанова, гаасум̣ кан̣аси саарат̇и;
‘‘Kinnu santaramānova, kāsuṃ khaṇasi sārathi;
будто мз самма агкаахи, гим̣ гаасуяаа гариссасий’’д̇и. (ж̇аа. 2.22.3) –
Puṭṭho me samma akkhāhi, kiṃ kāsuyā karissasī’’ti. (jā. 2.22.3) –
ааха.
Āha.
д̇зна уд̣̇д̇хам̣ анологзд̇ваава –
Tena uddhaṃ anoloketvāva –
‘‘ран̃н̃о мууг̇о жа багко жа, буд̇д̇о ж̇аад̇о ажзд̇асо;
‘‘Rañño mūgo ca pakkho ca, putto jāto acetaso;
сомхи ран̃н̃аа самаж̇жхидто, буд̇д̇ам̣ мз никан̣ам̣ ванз’’д̇и. (ж̇аа. 2.22.4) –
Somhi raññā samajjhiṭṭho, puttaṃ me nikhaṇaṃ vane’’ti. (jā. 2.22.4) –
вуд̇д̇з махаасад̇д̇о –
Vutte mahāsatto –
‘‘на б̣ад̇хиро на мууг̇осми, на багко на жа вийгало;
‘‘Na badhiro na mūgosmi, na pakkho na ca vīkalo;
ад̇хаммам̣ саарат̇и гаяираа, мам̣ жз д̇вам̣ никан̣ам̣ ванз.
Adhammaṃ sārathi kayirā, maṃ ce tvaṃ nikhaṇaṃ vane.
‘‘ууруу б̣аахун̃жа мз басса, бхаасид̇ан̃жа сун̣охи мз;
‘‘Ūrū bāhuñca me passa, bhāsitañca suṇohi me;
ад̇хаммам̣ саарат̇и гаяираа, мам̣ жз д̇вам̣ никан̣ам̣ ванз’’д̇и. (ж̇аа. 2.22.5-6) –
Adhammaṃ sārathi kayirā, maṃ ce tvaṃ nikhaṇaṃ vane’’ti. (jā. 2.22.5-6) –
вад̇ваа буна д̇зна ааваадакан̣анам̣ бахааяа уд̣̇д̇хам̣ ологзд̇ваа д̇асса руубасамбад̇д̇им̣ д̣̇исваа ‘‘мануссо ваа д̣̇зво ваа’’д̇и аж̇аананд̇зна –
Vatvā puna tena āvāṭakhaṇanaṃ pahāya uddhaṃ oloketvā tassa rūpasampattiṃ disvā ‘‘manusso vā devo vā’’ti ajānantena –
‘‘д̣̇звад̇аа нуси г̇анд̇хаб̣б̣о, ад̣̇у сагго буринд̣̇ад̣̇о;
‘‘Devatā nusi gandhabbo, adu sakko purindado;
го ваа д̇вам̣ гасса ваа буд̇д̇о, гат̇ам̣ ж̇аанзму д̇ам̣ маяа’’нд̇и. (ж̇аа. 2.22.7) –
Ko vā tvaṃ kassa vā putto, kathaṃ jānemu taṃ maya’’nti. (jā. 2.22.7) –
вуд̇д̇з –
Vutte –
‘‘намхи д̣̇зво на г̇анд̇хаб̣б̣о, нааби сагго буринд̣̇ад̣̇о;
‘‘Namhi devo na gandhabbo, nāpi sakko purindado;
гаасиран̃н̃о ахам̣ буд̇д̇о, яам̣ гаасуяаа никан̃н̃аси.
Kāsirañño ahaṃ putto, yaṃ kāsuyā nikhaññasi.
‘‘д̇асса ран̃н̃о ахам̣ буд̇д̇о, яам̣ д̇вам̣ саммуубаж̇ийваси;
‘‘Tassa rañño ahaṃ putto, yaṃ tvaṃ sammūpajīvasi;
ад̇хаммам̣ саарат̇и гаяираа, мам̣ жз д̇вам̣ никан̣ам̣ ванз.
Adhammaṃ sārathi kayirā, maṃ ce tvaṃ nikhaṇaṃ vane.
‘‘яасса ругкасса чааяааяа, нисийд̣̇зяяа саязяяа ваа;
‘‘Yassa rukkhassa chāyāya, nisīdeyya sayeyya vā;
на д̇асса саакам̣ бхан̃ж̇зяяа, мид̇д̇ад̣̇уб̣бхо хи баабаго.
Na tassa sākhaṃ bhañjeyya, mittadubbho hi pāpako.
‘‘яат̇аа ругко д̇ат̇аа рааж̇аа, яат̇аа саакаа д̇ат̇аа ахам̣;
‘‘Yathā rukkho tathā rājā, yathā sākhā tathā ahaṃ;
яат̇аа чааяуубаг̇о босо, звам̣ д̇вамаси саарат̇и;
Yathā chāyūpago poso, evaṃ tvamasi sārathi;
ад̇хаммам̣ саарат̇и гаяираа, мам̣ жз д̇вам̣ никан̣ам̣ ванз’’д̇и. (ж̇аа. 2.22.8-11) –
Adhammaṃ sārathi kayirā, maṃ ce tvaṃ nikhaṇaṃ vane’’ti. (jā. 2.22.8-11) –
аад̣̇инаа наязна д̇хаммам̣ д̣̇зсзд̇ваа д̇зна нивад̇д̇анад̇т̇ам̣ яаажид̇о анивад̇д̇анагааран̣ам̣ баб̣б̣аж̇ж̇аачанд̣̇ам̣ д̇асса жа хзд̇у нираяабхаяаад̣̇игам̣ ад̇ийд̇абхавз ад̇д̇ано бавад̇д̇им̣ вид̇т̇аарзна гат̇зд̇ваа д̇ааяа д̇хаммагат̇ааяа д̇ааяа жа бадибад̇д̇ияаа д̇асмимби баб̣б̣аж̇ид̇угаамз ж̇аад̇з ран̃н̃о имам̣ –
Ādinā nayena dhammaṃ desetvā tena nivattanatthaṃ yācito anivattanakāraṇaṃ pabbajjāchandaṃ tassa ca hetu nirayabhayādikaṃ atītabhave attano pavattiṃ vitthārena kathetvā tāya dhammakathāya tāya ca paṭipattiyā tasmimpi pabbajitukāme jāte rañño imaṃ –
‘‘рат̇ам̣ нияяаад̇аяид̇ваана, анан̣о зхи саарат̇и;
‘‘Rathaṃ niyyātayitvāna, anaṇo ehi sārathi;
анан̣асса хи баб̣б̣аж̇ж̇аа, зд̇ам̣ исийхи ван̣н̣ид̇а’’нд̇и. (ж̇аа. 2.22.44) –
Anaṇassa hi pabbajjā, etaṃ isīhi vaṇṇita’’nti. (jā. 2.22.44) –
вад̇ваа д̇ам̣ виссаж̇ж̇зси.
Vatvā taṃ vissajjesi.
со рат̇ам̣ аабхаран̣аани жа г̇ахзд̇ваа ран̃н̃о санд̇игам̣ г̇анд̇ваа д̇амад̇т̇ам̣ аарожзси. рааж̇аа д̇аавад̣̇зва ‘‘махаасад̇д̇асса санд̇игам̣ г̇амиссаамий’’д̇и наг̇арад̇о ниг̇г̇ажчи сад̣̇д̇хим̣ жад̇уран̇г̇инияаа сзнааяа ид̇т̇ааг̇аарзхи нааг̇араж̇аанабад̣̇зхи жа. махаасад̇д̇оби ко саарат̇им̣ уяяож̇зд̇ваа баб̣б̣аж̇ид̇угаамо ж̇аад̇о. д̇асса жид̇д̇ам̣ н̃ад̇ваа сагго виссагаммам̣ бзсзси – ‘‘д̇змияабан̣д̣ид̇о баб̣б̣аж̇ид̇угаамо, д̇асса ассамабад̣̇ам̣ баб̣б̣аж̇ид̇абаригкаарз жа маабзхий’’д̇и. со г̇анд̇ваа д̇ияож̇анигз ванасан̣д̣з ассамам̣ маабзд̇ваа рад̇д̇идтаанад̣̇иваадтаанажан̇гаманабогкаран̣ийпаларугкасамбаннам̣ гад̇ваа саб̣б̣з жа баб̣б̣аж̇ид̇абаригкаарз маабзд̇ваа сагадтаанамзва г̇ад̇о. б̣од̇хисад̇д̇о д̇ам̣ д̣̇исваа саггад̣̇ад̇д̇ияабхаавам̣ н̃ад̇ваа бан̣н̣асаалам̣ бависид̇ваа вад̇т̇аани абанзд̇ваа д̇аабасавзсам̣ г̇ахзд̇ваа гадтад̇т̇арз нисинно адта самаабад̇д̇ияо, бан̃жа жа абхин̃н̃ааяо ниб̣б̣ад̇д̇зд̇ваа баб̣б̣аж̇ж̇аасукзна ассамз нисийд̣̇и.
So rathaṃ ābharaṇāni ca gahetvā rañño santikaṃ gantvā tamatthaṃ ārocesi. Rājā tāvadeva ‘‘mahāsattassa santikaṃ gamissāmī’’ti nagarato niggacchi saddhiṃ caturaṅginiyā senāya itthāgārehi nāgarajānapadehi ca. Mahāsattopi kho sārathiṃ uyyojetvā pabbajitukāmo jāto. Tassa cittaṃ ñatvā sakko vissakammaṃ pesesi – ‘‘temiyapaṇḍito pabbajitukāmo, tassa assamapadaṃ pabbajitaparikkhāre ca māpehī’’ti. So gantvā tiyojanike vanasaṇḍe assamaṃ māpetvā rattiṭṭhānadivāṭṭhānacaṅkamanapokkharaṇīphalarukkhasampannaṃ katvā sabbe ca pabbajitaparikkhāre māpetvā sakaṭṭhānameva gato. Bodhisatto taṃ disvā sakkadattiyabhāvaṃ ñatvā paṇṇasālaṃ pavisitvā vatthāni apanetvā tāpasavesaṃ gahetvā kaṭṭhatthare nisinno aṭṭha samāpattiyo, pañca ca abhiññāyo nibbattetvā pabbajjāsukhena assame nisīdi.
гаасирааж̇ааби саарат̇инаа д̣̇ассид̇амаг̇г̇зна г̇анд̇ваа ассамам̣ бависид̇ваа махаасад̇д̇зна саха самааг̇анд̇ваа гад̇абадисант̇ааро раж̇ж̇зна ниманд̇зси. д̇змияабан̣д̣ид̇о д̇ам̣ бадигкибид̇ваа анзгаагааравогаарам̣ анижжад̇аад̣̇ибадисам̣яуд̇д̇ааяа жа гаамаад̣̇ийнавабадисам̣яуд̇д̇ааяа жа д̇хаммияаа гат̇ааяа рааж̇аанам̣ сам̣взж̇зси. со сам̣виг̇г̇амаанасо гхарааваасз угган̣тид̇о баб̣б̣аж̇ид̇угаамо худ̇ваа амажжз ид̇т̇ааг̇аарз жа бужчи. д̇зби баб̣б̣аж̇ид̇угаамаа ахзсум̣. ат̇а рааж̇аа жанд̣̇аад̣̇звим̣ аад̣̇им̣ гад̇ваа сол̣аса сахассз ород̇хз жа амажжаад̣̇игз жа баб̣б̣аж̇ид̇угаамз н̃ад̇ваа наг̇арз бхзрим̣ жараабзси – ‘‘яз мама буд̇д̇асса санд̇игз баб̣б̣аж̇ид̇угаамаа, д̇з баб̣б̣аж̇анд̇уу’’д̇и. суван̣н̣агодтааг̇аараад̣̇ийни жа вивараабзд̇ваа виссаж̇ж̇аабзси. нааг̇араа жа яат̇аабасаарид̇зязва аабан̣з вивадад̣̇ваараанзва г̇зхаани жа бахааяа ран̃н̃о санд̇игам̣ аг̇амам̣су. рааж̇аа махааж̇анзна сад̣̇д̇хим̣ махаасад̇д̇асса санд̇игз баб̣б̣аж̇и. саггад̣̇ад̇д̇ияам̣ д̇ияож̇анигам̣ ассамабад̣̇ам̣ барибуури.
Kāsirājāpi sārathinā dassitamaggena gantvā assamaṃ pavisitvā mahāsattena saha samāgantvā katapaṭisanthāro rajjena nimantesi. Temiyapaṇḍito taṃ paṭikkhipitvā anekākāravokāraṃ aniccatādipaṭisaṃyuttāya ca kāmādīnavapaṭisaṃyuttāya ca dhammiyā kathāya rājānaṃ saṃvejesi. So saṃviggamānaso gharāvāse ukkaṇṭhito pabbajitukāmo hutvā amacce itthāgāre ca pucchi. Tepi pabbajitukāmā ahesuṃ. Atha rājā candādeviṃ ādiṃ katvā soḷasa sahasse orodhe ca amaccādike ca pabbajitukāme ñatvā nagare bheriṃ carāpesi – ‘‘ye mama puttassa santike pabbajitukāmā, te pabbajantū’’ti. Suvaṇṇakoṭṭhāgārādīni ca vivarāpetvā vissajjāpesi. Nāgarā ca yathāpasāriteyeva āpaṇe vivaṭadvārāneva gehāni ca pahāya rañño santikaṃ agamaṃsu. Rājā mahājanena saddhiṃ mahāsattassa santike pabbaji. Sakkadattiyaṃ tiyojanikaṃ assamapadaṃ paripūri.
сааманд̇арааж̇аано ‘‘гаасирааж̇аа баб̣б̣аж̇ид̇о’’д̇и суд̇ваа ‘‘б̣аараан̣асираж̇ж̇ам̣ г̇ахзссаамаа’’д̇и наг̇арам̣ бависид̇ваа д̣̇званаг̇арасад̣̇исам̣ наг̇арам̣ сад̇д̇арад̇анабхарид̇ам̣ д̣̇звавимаанагаббам̣ рааж̇анивзсанан̃жа д̣̇исваа ‘‘имам̣ д̇ханам̣ ниссааяа бхаязна бхавид̇аб̣б̣а’’нд̇и д̇аавад̣̇зва нигкамид̇ваа бааяаасум̣. д̇зсам̣ ааг̇аманам̣ суд̇ваа махаасад̇д̇о вананд̇ам̣ г̇анд̇ваа аагаасз нисийд̣̇ид̇ваа д̇хаммам̣ д̣̇зсзси. д̇з саб̣б̣з сад̣̇д̇хим̣ барисааяа д̇асса санд̇игз баб̣б̣аж̇им̣су. звам̣ абарзби абарзбийд̇и махаасамааг̇амо ахоси. саб̣б̣з палаапалаани барибхун̃ж̇ид̇ваа саман̣ад̇хаммам̣ гаронд̇и. яо гаамаад̣̇ивид̇аггам̣ вид̇аггзд̇и, д̇асса жид̇д̇ам̣ н̃ад̇ваа махаасад̇д̇о д̇ад̇т̇а г̇анд̇ваа аагаасз нисийд̣̇ид̇ваа д̇хаммам̣ д̣̇зсзд̇и.
Sāmantarājāno ‘‘kāsirājā pabbajito’’ti sutvā ‘‘bārāṇasirajjaṃ gahessāmā’’ti nagaraṃ pavisitvā devanagarasadisaṃ nagaraṃ sattaratanabharitaṃ devavimānakappaṃ rājanivesanañca disvā ‘‘imaṃ dhanaṃ nissāya bhayena bhavitabba’’nti tāvadeva nikkhamitvā pāyāsuṃ. Tesaṃ āgamanaṃ sutvā mahāsatto vanantaṃ gantvā ākāse nisīditvā dhammaṃ desesi. Te sabbe saddhiṃ parisāya tassa santike pabbajiṃsu. Evaṃ aparepi aparepīti mahāsamāgamo ahosi. Sabbe phalāphalāni paribhuñjitvā samaṇadhammaṃ karonti. Yo kāmādivitakkaṃ vitakketi, tassa cittaṃ ñatvā mahāsatto tattha gantvā ākāse nisīditvā dhammaṃ deseti.
со д̇хаммассаванасаббааяам̣ лабхид̇ваа самаабад̇д̇ияо абхин̃н̃ааяо жа ниб̣б̣ад̇д̇зд̇и. звам̣ абароби абаробийд̇и саб̣б̣зби ж̇ийвид̇абарияосаанз б̣рахмалогабарааяанаа ахзсум̣. д̇иражчаанаг̇ад̇ааби махаасад̇д̇з исиг̇ан̣зби жид̇д̇ам̣ басаад̣̇зд̇ваа часу гаамасаг̇г̇зсу ниб̣б̣ад̇д̇им̣су. махаасад̇д̇асса б̣рахмажарияам̣ жирам̣ д̣̇ийгхамад̣̇д̇хаанам̣ бавад̇д̇ид̇т̇а. д̇ад̣̇аа чад̇д̇з ад̇хивад̇т̇аа д̣̇звад̇аа уббалаван̣н̣аа ахоси, саарат̇и саарибуд̇д̇ад̇т̇зро, маад̇аабид̇аро махаарааж̇агулаани, барисаа б̣уд̣̇д̇хабарисаа, д̇змияабан̣д̣ид̇о логанаат̇о.
So dhammassavanasappāyaṃ labhitvā samāpattiyo abhiññāyo ca nibbatteti. Evaṃ aparopi aparopīti sabbepi jīvitapariyosāne brahmalokaparāyanā ahesuṃ. Tiracchānagatāpi mahāsatte isigaṇepi cittaṃ pasādetvā chasu kāmasaggesu nibbattiṃsu. Mahāsattassa brahmacariyaṃ ciraṃ dīghamaddhānaṃ pavattittha. Tadā chatte adhivatthā devatā uppalavaṇṇā ahosi, sārathi sāriputtatthero, mātāpitaro mahārājakulāni, parisā buddhaparisā, temiyapaṇḍito lokanātho.
д̇асса ад̇хидтаанабаарамий ид̇ха мад̇т̇агам̣ бад̇д̇аа, сзсабаарамияоби яат̇аарахам̣ нид̣̇д̇хаарзд̇аб̣б̣аа. д̇ат̇аа маасаж̇аад̇агаалад̇о бадтааяа нираяабхаяам̣ баабабхийруд̇аа раж̇ж̇аж̇иг̇ужчаа нзгкамманимид̇д̇ам̣ мууг̇аад̣̇ибхааваад̇хидтаанам̣ д̇ад̇т̇а жа вирод̇хиббажжаяасамод̇хаанзби нижжалабхаавод̇и звамаад̣̇аяо г̇ун̣аанубхааваа вибхаавзд̇аб̣б̣аад̇и.
Tassa adhiṭṭhānapāramī idha matthakaṃ pattā, sesapāramiyopi yathārahaṃ niddhāretabbā. Tathā māsajātakālato paṭṭhāya nirayabhayaṃ pāpabhīrutā rajjajigucchā nekkhammanimittaṃ mūgādibhāvādhiṭṭhānaṃ tattha ca virodhippaccayasamodhānepi niccalabhāvoti evamādayo guṇānubhāvā vibhāvetabbāti.
д̇змияажарияааван̣н̣анаа нидтид̇аа.
Temiyacariyāvaṇṇanā niṭṭhitā.
ад̇хидтаанабаарамий нидтид̇аа.
Adhiṭṭhānapāramī niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 6. д̇змияажарияаа • 6. Temiyacariyā
