| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா
13. Terasamanayo asaṅgahitenasampayuttavippayuttapadavaṇṇanā
448. இதா³னி அஸங்க³ஹிதேனஸம்பயுத்தவிப்பயுத்தபத³ங் பா⁴ஜேதுங் ரூபக்க²ந்தே⁴னாதிஆதி³ ஆரத்³த⁴ங். தத்த² யே பஞ்சமே அஸங்க³ஹிதேனஅஸங்க³ஹிதபத³னித்³தே³ஸே ரூபக்க²ந்தே⁴ன ஸதி³ஸபஞ்ஹா த⁴ம்மா, யே ச அரூபப⁴வேன ஸதி³ஸா, தேயேவ உத்³த⁴டா. ஸேஸா பன ந ருஹந்தீதி ந உத்³த⁴டா. வேத³னாக்க²ந்தே⁴ன ஹி க²ந்தா⁴தி³வஸேன பன ரூபாரூபத⁴ம்மா அஸங்க³ஹிதா ஹொந்தி. தேஸஞ்ச ஸம்பயோகோ³ நாம நத்தி². தஸ்மா யானி பதா³னி ருஹந்தி, தானேவ ஸதி³ஸவிஸ்ஸஜ்ஜனேஹி ஸத்³தி⁴ங் ஸமோதா⁴னெத்வா உத்³த⁴டானி. தத்த² யே த⁴ம்மா புச்சா²ய உத்³த⁴டத⁴ம்மேஹி க²ந்தா⁴தி³வஸேன அஸங்க³ஹிதா, தே யேஹி ஸம்பயுத்தா ச விப்பயுத்தா ச, தேஸங் வஸேன க²ந்தா⁴தி³விபா⁴கோ³ வேதி³தப்³போ³.
448. Idāni asaṅgahitenasampayuttavippayuttapadaṃ bhājetuṃ rūpakkhandhenātiādi āraddhaṃ. Tattha ye pañcame asaṅgahitenaasaṅgahitapadaniddese rūpakkhandhena sadisapañhā dhammā, ye ca arūpabhavena sadisā, teyeva uddhaṭā. Sesā pana na ruhantīti na uddhaṭā. Vedanākkhandhena hi khandhādivasena pana rūpārūpadhammā asaṅgahitā honti. Tesañca sampayogo nāma natthi. Tasmā yāni padāni ruhanti, tāneva sadisavissajjanehi saddhiṃ samodhānetvā uddhaṭāni. Tattha ye dhammā pucchāya uddhaṭadhammehi khandhādivasena asaṅgahitā, te yehi sampayuttā ca vippayuttā ca, tesaṃ vasena khandhādivibhāgo veditabbo.
தத்ராயங் நயோ – ரூபக்க²ந்தே⁴ன தாவ விஞ்ஞாணமேவ தீஹி ஸங்க³ஹேஹி அஸங்க³ஹிதங். தங் வேத³னாதீ³ஹி தீஹி க²ந்தே⁴ஹி, த⁴ம்மாயதனத⁴ம்மதா⁴தூஸு ச வேத³னாதீ³ஹேவ ஸம்பயுத்தங். ஏகேன ரூபக்க²ந்தே⁴ன, த³ஸஹி ரூபாயதனரூபதா⁴தூஹி, த⁴ம்மாயதனத⁴ம்மதா⁴தூஸு ச ரூபனிப்³பா³னத⁴ம்மேஹி விப்பயுத்தங். தங் ஸந்தா⁴ய தே த⁴ம்மா தீஹி க²ந்தே⁴ஹீதிஆதி³ வுத்தங். இமினா நயேன ஸப்³ப³த்த² அத்தோ² வேதி³தப்³போ³தி.
Tatrāyaṃ nayo – rūpakkhandhena tāva viññāṇameva tīhi saṅgahehi asaṅgahitaṃ. Taṃ vedanādīhi tīhi khandhehi, dhammāyatanadhammadhātūsu ca vedanādīheva sampayuttaṃ. Ekena rūpakkhandhena, dasahi rūpāyatanarūpadhātūhi, dhammāyatanadhammadhātūsu ca rūpanibbānadhammehi vippayuttaṃ. Taṃ sandhāya te dhammā tīhi khandhehītiādi vuttaṃ. Iminā nayena sabbattha attho veditabboti.
அஸங்க³ஹிதேனஸம்பயுத்தவிப்பயுத்தபத³வண்ணனா.
Asaṅgahitenasampayuttavippayuttapadavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 13. அஸங்க³ஹிதேனஸம்பயுத்தவிப்பயுத்தபத³னித்³தே³ஸோ • 13. Asaṅgahitenasampayuttavippayuttapadaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
