| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੧੩. ਤੇਰਸਮਨਯੋ ਅਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ
13. Terasamanayo asaṅgahitenasampayuttavippayuttapadavaṇṇanā
੪੪੮. ਯੇਹੀਤਿ ਰੂਪਕ੍ਖਨ੍ਧਧਮ੍ਮਾਯਤਨਾਦੀਹਿ। ਤੀਹਿਪਿ ਖਨ੍ਧਾਯਤਨਾਦਿਸਙ੍ਗਹੇਹਿ। ਪੁਨ ਯੇਹੀਤਿ ਅਰੂਪਭવਾਦੀਹਿ। ਓਲ਼ਾਰਿਕਾਯਤਨਾਨੇવ ਹੋਨ੍ਤਿ ਆਯਤਨਧਾਤੁਸਙ੍ਗਹੇਹਿਪਿ ਅਸਙ੍ਗਹਿਤਤ੍ਤਾ। ਤੇਤਿ ਚਤੁવੋਕਾਰਭવਾਦਯੋ। વੁਤ੍ਤਾવਸੇਸਾਤਿ ਰੂਪਕ੍ਖਨ੍ਧਧਮ੍ਮਾਯਤਨਾਦੀਹਿ ਅવਸਿਟ੍ਠਾ। ਸਤਿਪਿ ਅਸਙ੍ਗਾਹਕਤ੍ਤੇ ਤੇਹਿ ਅਸਙ੍ਗਹਿਤਾਨਂ ਸਮ੍ਪਯੋਗੋ ਨ ਸਮ੍ਭવਤੀਤਿ વੇਦਨਾਕ੍ਖਨ੍ਧਾਦਯੋ ਇਧ ਤੇਰਸਮਨਯੇ વਿਸ੍ਸਜ੍ਜਨਂ ਨ ਰੁਹਨ੍ਤਿ ਨਾਰੋਹਨ੍ਤਿ। ਤੇਨਾਹ ਅਟ੍ਠਕਥਾਯਂ ‘‘વੇਦਨਾਕ੍ਖਨ੍ਧੇਨ ਹਿ ਖਨ੍ਧਾਦਿવਸੇਨ ਰੂਪਾਰੂਪਧਮ੍ਮਾ ਅਸਙ੍ਗਹਿਤਾ ਹੋਨ੍ਤਿ, ਤੇਸਞ੍ਚ ਸਮ੍ਪਯੋਗੋ ਨਾਮ ਨਤ੍ਥੀ’’ਤਿ (ਧਾਤੁ॰ ੪੪੮) ਅਸਙ੍ਗਾਹਕਾ ਏવ ਨ ਹੋਨ੍ਤਿ ਅવਿਕਲਪਞ੍ਚਕ੍ਖਨ੍ਧਾਦਿਸਮੁਦਾਯਭਾવਤੋ।
448. Yehīti rūpakkhandhadhammāyatanādīhi. Tīhipi khandhāyatanādisaṅgahehi. Puna yehīti arūpabhavādīhi. Oḷārikāyatanāneva honti āyatanadhātusaṅgahehipi asaṅgahitattā. Teti catuvokārabhavādayo. Vuttāvasesāti rūpakkhandhadhammāyatanādīhi avasiṭṭhā. Satipi asaṅgāhakatte tehi asaṅgahitānaṃ sampayogo na sambhavatīti vedanākkhandhādayo idha terasamanaye vissajjanaṃ na ruhanti nārohanti. Tenāha aṭṭhakathāyaṃ ‘‘vedanākkhandhena hi khandhādivasena rūpārūpadhammā asaṅgahitā honti, tesañca sampayogo nāma natthī’’ti (dhātu. 448) asaṅgāhakā eva na honti avikalapañcakkhandhādisamudāyabhāvato.
ਤੇਤਿ ‘‘ਦੁਕ੍ਖਸਚ੍ਚਾਦੀ’’ਤਿ ਆਦਿ-ਸਦ੍ਦੇਨ વੁਤ੍ਤਧਮ੍ਮਾ। ਅਸਬ੍ਬ…ਪੇ॰… ਸਿਯੁਂ ਅવਿਤਕ੍ਕਾવਿਚਾਰਾਦਿਧਮ੍ਮਾ વਿਯ। ਨ ਤੇਸਂ વਿਪ੍ਪਯੋਗੋ ਨਤ੍ਥਿ ਤਬ੍ਬਿਨਿਮੁਤ੍ਤਸ੍ਸ ਚਿਤ੍ਤੁਪ੍ਪਾਦਸ੍ਸ ਸਮ੍ਭવਤੋ। વੇਦਨਾਕ੍ਖਨ੍ਧੇਨ ਅਸਙ੍ਗਹਿਤਾਨਂ ਅਨਾਰਮ੍ਮਣਮਿਸ੍ਸਕਤ੍ਤਾ ਨ ‘‘વਿਪ੍ਪਯੋਗਸ੍ਸ ਅਤ੍ਥਿਤਾਯਾ’’ਤਿ વੁਤ੍ਤਂ। ਤਥਾ ਚਾਹ ‘‘ਰੂਪਾਰੂਪਧਮ੍ਮਾ ਅਸਙ੍ਗਹਿਤਾ’’ਤਿ। ਉਭਯਾਭਾવਤੋਤਿ ਸਮ੍ਪਯੋਗવਿਪ੍ਪਯੋਗਾਭਾવਤੋ। ਅਨਾਰਮ੍ਮਣਸਹਿਤਸਬ੍ਬવਿਞ੍ਞਾਣਤਂਧਾਤੁਸਮ੍ਪਯੁਤ੍ਤਤਦੁਭਯਧਮ੍ਮਾ ਅਚੇਤਸਿਕਚੇਤਸਿਕਲੋਕਿਯਪਦਾਦੀਨਂ વਸੇਨ વੇਦਿਤਬ੍ਬਾ।
Teti ‘‘dukkhasaccādī’’ti ādi-saddena vuttadhammā. Asabba…pe… siyuṃ avitakkāvicārādidhammā viya. Na tesaṃ vippayogo natthi tabbinimuttassa cittuppādassa sambhavato. Vedanākkhandhena asaṅgahitānaṃ anārammaṇamissakattā na ‘‘vippayogassa atthitāyā’’ti vuttaṃ. Tathā cāha ‘‘rūpārūpadhammā asaṅgahitā’’ti. Ubhayābhāvatoti sampayogavippayogābhāvato. Anārammaṇasahitasabbaviññāṇataṃdhātusampayuttatadubhayadhammā acetasikacetasikalokiyapadādīnaṃ vasena veditabbā.
ਤੇਰਸਮਨਯਅਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ ਨਿਟ੍ਠਿਤਾ।
Terasamanayaasaṅgahitenasampayuttavippayuttapadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੧੩. ਅਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦਨਿਦ੍ਦੇਸੋ • 13. Asaṅgahitenasampayuttavippayuttapadaniddeso
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੩. ਤੇਰਸਮਨਯੋ ਅਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ • 13. Terasamanayo asaṅgahitenasampayuttavippayuttapadavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੩. ਤੇਰਸਮਨਯੋ ਅਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ • 13. Terasamanayo asaṅgahitenasampayuttavippayuttapadavaṇṇanā
