| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
10. д̇звиж̇ж̇асуд̇д̇ам̣
10. Tevijjasuttaṃ
99. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
99. Vuttañhetaṃ bhagavatā, vuttamarahatāti me sutaṃ –
‘‘д̇хаммзнаахам̣, бхигкавз, д̇звиж̇ж̇ам̣ б̣раахман̣ам̣ бан̃н̃аабзми, наан̃н̃ам̣ лабид̇алаабанамад̇д̇зна.
‘‘Dhammenāhaṃ, bhikkhave, tevijjaṃ brāhmaṇaṃ paññāpemi, nāññaṃ lapitalāpanamattena.
‘‘гат̇ан̃жаахам̣, бхигкавз, д̇хаммзна д̇звиж̇ж̇ам̣ б̣раахман̣ам̣ бан̃н̃аабзми, наан̃н̃ам̣ лабид̇алаабанамад̇д̇зна? ид̇ха, бхигкавз, бхигку анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о. со д̇ад̇о жуд̇о амуд̇ра уд̣̇абаад̣̇им̣. д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о. со д̇ад̇о жуд̇о ид̇хуубабанно’д̇и . ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. аяамасса батамаа виж̇ж̇аа ад̇хиг̇ад̇аа ход̇и, авиж̇ж̇аа вихад̇аа, виж̇ж̇аа уббаннаа, д̇амо вихад̇о, аалого уббанно, яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
‘‘Kathañcāhaṃ, bhikkhave, dhammena tevijjaṃ brāhmaṇaṃ paññāpemi, nāññaṃ lapitalāpanamattena? Idha, bhikkhave, bhikkhu anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto. So tato cuto amutra udapādiṃ. Tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto. So tato cuto idhūpapanno’ti . Iti sākāraṃ sauddesaṃ anekavihitaṃ pubbenivāsaṃ anussarati. Ayamassa paṭhamā vijjā adhigatā hoti, avijjā vihatā, vijjā uppannā, tamo vihato, āloko uppanno, yathā taṃ appamattassa ātāpino pahitattassa viharato.
‘‘буна жабарам̣, бхигкавз, бхигку д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и. аяамасса д̣̇уд̇ияаа виж̇ж̇аа ад̇хиг̇ад̇аа ход̇и, авиж̇ж̇аа вихад̇аа, виж̇ж̇аа уббаннаа, д̇амо вихад̇о, аалого уббанно, яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
‘‘Puna caparaṃ, bhikkhave, bhikkhu dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā. Te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā. Te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti. Ayamassa dutiyā vijjā adhigatā hoti, avijjā vihatā, vijjā uppannā, tamo vihato, āloko uppanno, yathā taṃ appamattassa ātāpino pahitattassa viharato.
‘‘буна жабарам̣, бхигкавз, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяамасса д̇ад̇ияаа виж̇ж̇аа ад̇хиг̇ад̇аа ход̇и, авиж̇ж̇аа вихад̇аа, виж̇ж̇аа уббаннаа, д̇амо вихад̇о, аалого уббанно, яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о. звам̣ ко ахам̣, бхигкавз, д̇хаммзна д̇звиж̇ж̇ам̣ б̣раахман̣ам̣ бан̃н̃аабзми, наан̃н̃ам̣ лабид̇алаабанамад̇д̇знаа’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Puna caparaṃ, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayamassa tatiyā vijjā adhigatā hoti, avijjā vihatā, vijjā uppannā, tamo vihato, āloko uppanno, yathā taṃ appamattassa ātāpino pahitattassa viharato. Evaṃ kho ahaṃ, bhikkhave, dhammena tevijjaṃ brāhmaṇaṃ paññāpemi, nāññaṃ lapitalāpanamattenā’’ti. Etamatthaṃ bhagavā avoca. Tatthetaṃ iti vuccati –
‘‘буб̣б̣зниваасам̣ яовзд̣̇и 1, саг̇г̇аабааяан̃жа бассад̇и;
‘‘Pubbenivāsaṃ yovedi 2, saggāpāyañca passati;
ат̇о 3 ж̇аад̇игкаяам̣ бад̇д̇о, абхин̃н̃аавосид̇о муни.
Atho 4 jātikkhayaṃ patto, abhiññāvosito muni.
‘‘зд̇аахи д̇ийхи виж̇ж̇аахи, д̇звиж̇ж̇о ход̇и б̣раахман̣о;
‘‘Etāhi tīhi vijjāhi, tevijjo hoti brāhmaṇo;
д̇амахам̣ вад̣̇аами д̇звиж̇ж̇ам̣, наан̃н̃ам̣ лабид̇алаабана’’нд̇и.
Tamahaṃ vadāmi tevijjaṃ, nāññaṃ lapitalāpana’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇асамам̣.
Ayampi attho vutto bhagavatā, iti me sutanti. Dasamaṃ.
бан̃жамо ваг̇г̇о нидтид̇о.
Pañcamo vaggo niṭṭhito.
д̇ассуд̣̇д̣̇аанам̣ –
Tassuddānaṃ –
басаад̣̇а ж̇ийвид̇а сан̇гхаади , аг̇г̇и убабаригкаяаа;
Pasāda jīvita saṅghāṭi , aggi upaparikkhayā;
убабад̇д̇и 5 гаама галяаан̣ам̣, д̣̇аанам̣ д̇хаммзна д̇з д̣̇асаад̇и.
Upapatti 6 kāma kalyāṇaṃ, dānaṃ dhammena te dasāti.
д̇иганибаад̇о нидтид̇о.
Tikanipāto niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 10. д̇звиж̇ж̇асуд̇д̇аван̣н̣анаа • 10. Tevijjasuttavaṇṇanā
