| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
13. д̇звиж̇ж̇асуд̇д̇аван̣н̣анаа
13. Tevijjasuttavaṇṇanā
518. звам̣ мз суд̇ам̣…бз… госалзсууд̇и д̇звиж̇ж̇асуд̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа. манасаагаданд̇и д̇асса г̇аамасса наамам̣. уд̇д̇арзна манасаагадассаад̇и манасаагадад̇о авид̣̇уурз уд̇д̇арабассз. амб̣аванзд̇и д̇арун̣аамб̣аругкасан̣д̣з, раман̣ийяо гира со бхуумибхааг̇о, хздтаа раж̇ад̇абаддасад̣̇исаа ваалигаа виббагин̣н̣аа, убари ман̣ивид̇аанам̣ вияа гханасаакаабад̇д̇ам̣ амб̣аванам̣. д̇асмим̣ б̣уд̣̇д̇хаанам̣ анужчавигз бавивзгасукз амб̣аванз вихарад̇ийд̇и ад̇т̇о.
518.Evaṃme sutaṃ…pe… kosalesūti tevijjasuttaṃ. Tatrāyaṃ anuttānapadavaṇṇanā. Manasākaṭanti tassa gāmassa nāmaṃ. Uttarena manasākaṭassāti manasākaṭato avidūre uttarapasse. Ambavaneti taruṇaambarukkhasaṇḍe, ramaṇīyo kira so bhūmibhāgo, heṭṭhā rajatapaṭṭasadisā vālikā vippakiṇṇā, upari maṇivitānaṃ viya ghanasākhāpattaṃ ambavanaṃ. Tasmiṃ buddhānaṃ anucchavike pavivekasukhe ambavane viharatīti attho.
519. абхин̃н̃аад̇аа абхин̃н̃аад̇аад̇и гулажаарид̇д̇аад̣̇исамбад̇д̇ияаа д̇ад̇т̇а д̇ад̇т̇а бан̃н̃аад̇аа. жан̇гийд̇иаад̣̇ийни д̇зсам̣ наамаани. д̇ад̇т̇а жан̇гий обаасаад̣̇аваасиго. д̇ааругко ижчаанан̇г̇алаваасиго. богкарасаад̇ий уггадтаваасиго. ж̇аан̣усон̣ий саавад̇т̇иваасиго. д̇од̣̇зяяо д̇уд̣̇иг̇аамаваасиго. ан̃н̃з жаад̇и ан̃н̃з жа б̣ахуж̇анаа. ад̇д̇ано ад̇д̇ано ниваасадтаанзхи ааг̇анд̇ваа манд̇асаж̇жхааяагаран̣ад̇т̇ам̣ д̇ад̇т̇а бадивасанд̇и. манасаагадасса гира раман̣ийяад̇ааяа д̇з б̣раахман̣аа д̇ад̇т̇а над̣̇ийд̇ийрз г̇зхаани гаарзд̇ваа баригкибаабзд̇ваа ан̃н̃зсам̣ б̣ахуунам̣ бавзсанам̣ ниваарзд̇ваа анд̇аранд̇араа д̇ад̇т̇а г̇анд̇ваа васанд̇и.
519.Abhiññātā abhiññātāti kulacārittādisampattiyā tattha tattha paññātā. Caṅkītiādīni tesaṃ nāmāni. Tattha caṅkī opāsādavāsiko. Tārukkho icchānaṅgalavāsiko. Pokkharasātī ukkaṭṭhavāsiko. Jāṇusoṇī sāvatthivāsiko. Todeyyo tudigāmavāsiko. Aññe cāti aññe ca bahujanā. Attano attano nivāsaṭṭhānehi āgantvā mantasajjhāyakaraṇatthaṃ tattha paṭivasanti. Manasākaṭassa kira ramaṇīyatāya te brāhmaṇā tattha nadītīre gehāni kāretvā parikkhipāpetvā aññesaṃ bahūnaṃ pavesanaṃ nivāretvā antarantarā tattha gantvā vasanti.
520-521. ваасздтабхаарад̣̇вааж̇аананд̇и ваасздтасса жа богкарасаад̇ино анд̇зваасигасса, бхаарад̣̇вааж̇асса жа д̇ааругканд̇зваасигасса. зд̇з гира д̣̇вз ж̇аад̇исамбаннаа д̇ин̣н̣ам̣ взд̣̇аанам̣ баараг̇уу ахзсум̣. ж̇ан̇гхавихааранд̇и ад̇ижиранисаж̇ж̇абажжаяаа гиламат̇авинод̣̇анад̇т̇ааяа ж̇ан̇гхажаарам̣. д̇з гира д̣̇ивасам̣ саж̇жхааяам̣ гад̇ваа сааяанхз вудтааяа нхаанийяасамбхаараг̇анд̇хамаалад̇злад̇ход̇авад̇т̇аани г̇аахаабзд̇ваа ад̇д̇ано бариж̇анабаривуд̇аа нхааяид̇угаамаа над̣̇ийд̇ийрам̣ г̇анд̇ваа раж̇ад̇абаддаван̣н̣з ваалигаасан̣д̣з абараабарам̣ жан̇гамим̣су. згам̣ жан̇гаманд̇ам̣ ид̇аро анужан̇гами, буна ид̇арам̣ ид̇арод̇и. д̇зна вуд̇д̇ам̣ ‘‘анужан̇гаманд̇аанам̣ анувижаранд̇аана’’нд̇и. маг̇г̇аамаг̇г̇зд̇и маг̇г̇з жа амаг̇г̇з жа. гад̇амам̣ ну ко бадибад̣̇ам̣ буурзд̇ваа гад̇амзна маг̇г̇зна саггаа сукам̣ б̣рахмалогам̣ г̇анд̇унд̇и звам̣ маг̇г̇аамаг̇г̇ам̣ аараб̣бха гат̇ам̣ самудтаабзсунд̇и ад̇т̇о. ан̃ж̇асааяанод̇и уж̇умаг̇г̇ассзд̇ам̣ взважанам̣, ан̃ж̇асаа ваа уж̇угамзва зд̇зна ааяанд̇и ааг̇ажчанд̇ийд̇и ан̃ж̇асааяано нияяааниго нияяаад̇ийд̇и нияяааяанд̇о нияяаад̇и, г̇ажчанд̇о г̇ажчад̇ийд̇и ад̇т̇о.
520-521.Vāseṭṭhabhāradvājānanti vāseṭṭhassa ca pokkharasātino antevāsikassa, bhāradvājassa ca tārukkhantevāsikassa. Ete kira dve jātisampannā tiṇṇaṃ vedānaṃ pāragū ahesuṃ. Jaṅghavihāranti aticiranisajjapaccayā kilamathavinodanatthāya jaṅghacāraṃ. Te kira divasaṃ sajjhāyaṃ katvā sāyanhe vuṭṭhāya nhānīyasambhāragandhamālateladhotavatthāni gāhāpetvā attano parijanaparivutā nhāyitukāmā nadītīraṃ gantvā rajatapaṭṭavaṇṇe vālikāsaṇḍe aparāparaṃ caṅkamiṃsu. Ekaṃ caṅkamantaṃ itaro anucaṅkami, puna itaraṃ itaroti. Tena vuttaṃ ‘‘anucaṅkamantānaṃ anuvicarantāna’’nti. Maggāmaggeti magge ca amagge ca. Katamaṃ nu kho paṭipadaṃ pūretvā katamena maggena sakkā sukhaṃ brahmalokaṃ gantunti evaṃ maggāmaggaṃ ārabbha kathaṃ samuṭṭhāpesunti attho. Añjasāyanoti ujumaggassetaṃ vevacanaṃ, añjasā vā ujukameva etena āyanti āgacchantīti añjasāyano niyyāniko niyyātīti niyyāyanto niyyāti, gacchanto gacchatīti attho.
д̇аггарасса б̣рахмасахаб̣яад̇ааяаад̇и яо д̇ам̣ маг̇г̇ам̣ гарод̇и бадибаж̇ж̇ад̇и, д̇асса б̣рахмунаа сад̣̇д̇хим̣ сахабхаавааяа, згадтаанз баад̇убхаавааяа г̇ажчад̇ийд̇и ад̇т̇о. явааяанд̇и яо аяам̣. агкаад̇од̇и гат̇ид̇о д̣̇ийбид̇о. б̣раахман̣зна богкарасаад̇инаад̇и ад̇д̇ано аажарияам̣ абад̣̇исад̇и. ид̇и ваасздто сагамзва аажарияаваад̣̇ам̣ т̇омзд̇ваа баг̇г̇ан̣хид̇ваа вижарад̇и. бхаарад̣̇вааж̇оби сагамзваад̇и. д̇зна вуд̇д̇ам̣ ‘‘нзва ко асагки ваасздто’’д̇иаад̣̇и.
Takkarassa brahmasahabyatāyāti yo taṃ maggaṃ karoti paṭipajjati, tassa brahmunā saddhiṃ sahabhāvāya, ekaṭṭhāne pātubhāvāya gacchatīti attho. Yvāyanti yo ayaṃ. Akkhātoti kathito dīpito. Brāhmaṇena pokkharasātināti attano ācariyaṃ apadisati. Iti vāseṭṭho sakameva ācariyavādaṃ thometvā paggaṇhitvā vicarati. Bhāradvājopi sakamevāti. Tena vuttaṃ ‘‘neva kho asakkhi vāseṭṭho’’tiādi.
д̇ад̇о ваасздто ‘‘убхиннамби амхаагам̣ гат̇аа анияяаанигаава, имасмин̃жа логз маг̇г̇агусало наама бход̇аа г̇од̇амзна сад̣̇исо над̇т̇и, бхаван̃жа г̇од̇амо авид̣̇уурз васад̇и, со но д̇улам̣ г̇ахзд̇ваа нисиннаваан̣иж̇о вияа ган̇кам̣ чинд̣̇иссад̇ий’’д̇и жинд̇зд̇ваа д̇амад̇т̇ам̣ бхаарад̣̇вааж̇асса аарожзд̇ваа убхоби г̇анд̇ваа ад̇д̇ано гат̇ам̣ бхаг̇авад̇о аарожзсум̣. д̇зна вуд̇д̇ам̣ ‘‘ат̇а ко ваасздто…бз… явааяам̣ агкаад̇о б̣раахман̣зна д̇ааругкзнаа’’д̇и.
Tato vāseṭṭho ‘‘ubhinnampi amhākaṃ kathā aniyyānikāva, imasmiñca loke maggakusalo nāma bhotā gotamena sadiso natthi, bhavañca gotamo avidūre vasati, so no tulaṃ gahetvā nisinnavāṇijo viya kaṅkhaṃ chindissatī’’ti cintetvā tamatthaṃ bhāradvājassa ārocetvā ubhopi gantvā attano kathaṃ bhagavato ārocesuṃ. Tena vuttaṃ ‘‘atha kho vāseṭṭho…pe… yvāyaṃ akkhāto brāhmaṇena tārukkhenā’’ti.
522. зд̇т̇а бхо г̇од̇амаад̇и зд̇асмим̣ маг̇г̇аамаг̇г̇з. виг̇г̇ахо виваад̣̇од̇иаад̣̇ийсу буб̣б̣уббад̇д̇иго виг̇г̇ахо. абарабхааг̇з виваад̣̇о. д̣̇увид̇хоби зсо наанаааажарияаанам̣ ваад̣̇ад̇о наанааваад̣̇о.
522.Ettha bho gotamāti etasmiṃ maggāmagge. Viggaho vivādotiādīsu pubbuppattiko viggaho. Aparabhāge vivādo. Duvidhopi eso nānāācariyānaṃ vādato nānāvādo.
523. ат̇а гисмим̣ бана вод̇и д̇вамби аяамзва маг̇г̇од̇и ад̇д̇ано аажарияаваад̣̇амзва баг̇г̇аяха д̇идтаси, бхаарад̣̇вааж̇оби ад̇д̇ано аажарияаваад̣̇амзва, згассааби згасмим̣ сам̣саяо над̇т̇и. звам̣ сад̇и гисмим̣ во виг̇г̇аход̇и бужчад̇и.
523.Atha kismiṃ pana voti tvampi ayameva maggoti attano ācariyavādameva paggayha tiṭṭhasi, bhāradvājopi attano ācariyavādameva, ekassāpi ekasmiṃ saṃsayo natthi. Evaṃ sati kismiṃ vo viggahoti pucchati.
524. маг̇г̇аамаг̇г̇з , бхо г̇од̇амаад̇и маг̇г̇з бхо г̇од̇ама амаг̇г̇з жа, уж̇умаг̇г̇з жа ануж̇умаг̇г̇з жаад̇и ад̇т̇о. зса гира згаб̣раахман̣ассааби маг̇г̇ам̣ ‘‘на маг̇г̇о’’д̇и на вад̣̇ад̇и. яат̇аа бана ад̇д̇ано аажарияасса маг̇г̇о уж̇умаг̇г̇о, на звам̣ ан̃н̃зсам̣ ануж̇аанаад̇и, д̇асмаа д̇амзвад̇т̇ам̣ д̣̇ийбзнд̇о ‘‘гин̃жааби бхо г̇од̇амаа’’д̇иаад̣̇имааха.
524.Maggāmagge, bho gotamāti magge bho gotama amagge ca, ujumagge ca anujumagge cāti attho. Esa kira ekabrāhmaṇassāpi maggaṃ ‘‘na maggo’’ti na vadati. Yathā pana attano ācariyassa maggo ujumaggo, na evaṃ aññesaṃ anujānāti, tasmā tamevatthaṃ dīpento ‘‘kiñcāpi bho gotamā’’tiādimāha.
саб̣б̣аани д̇аанийд̇и лин̇г̇авибаллаасзна вад̣̇ад̇и, саб̣б̣з д̇зд̇и вуд̇д̇ам̣ ход̇и. б̣ахуунийд̇и адта ваа д̣̇аса ваа. наанаамаг̇г̇аанийд̇и маханд̇аамаханд̇аж̇ан̇гхамаг̇г̇асагадамаг̇г̇аад̣̇ивасзна наанаавид̇хаани сааманд̇аа г̇ааманад̣̇ийд̇ал̣аагакзд̇д̇аад̣̇ийхи ааг̇анд̇ваа г̇аамам̣ бависанамаг̇г̇аани.
Sabbāni tānīti liṅgavipallāsena vadati, sabbe teti vuttaṃ hoti. Bahūnīti aṭṭha vā dasa vā. Nānāmaggānīti mahantāmahantajaṅghamaggasakaṭamaggādivasena nānāvidhāni sāmantā gāmanadītaḷākakhettādīhi āgantvā gāmaṃ pavisanamaggāni.
525-526. ‘‘нияяанд̇ийд̇и ваасздта вад̣̇зсий’’д̇и бхаг̇аваа д̇игкад̇д̇ум̣ важийбхзд̣̇ам̣ гад̇ваа бадин̃н̃ам̣ гаараабзси. гасмаа? д̇ид̇т̇ияаа хи бадиж̇аанид̇ваа бажчаа ниг̇г̇аяхамаанаа аваж̇аананд̇и. со д̇ат̇аа гаад̇ум̣ на сагкиссад̇ийд̇и.
525-526.‘‘Niyyantīti vāseṭṭha vadesī’’ti bhagavā tikkhattuṃ vacībhedaṃ katvā paṭiññaṃ kārāpesi. Kasmā? Titthiyā hi paṭijānitvā pacchā niggayhamānā avajānanti. So tathā kātuṃ na sakkhissatīti.
527-529. д̇зва д̇звиж̇ж̇аад̇и д̇з д̇звиж̇ж̇аа. вагааро ааг̇амасанд̇химад̇д̇ам̣. анд̇хавзн̣ийд̇и анд̇хабавзн̣ий, згзна жагкумад̇аа г̇ахид̇аяадтияаа годим̣ зго анд̇хо г̇ан̣хад̇и, д̇ам̣ анд̇хам̣ ан̃н̃о д̇ам̣ ан̃н̃од̇и звам̣ бан̣н̣аасасадти анд̇хаа бадибаадияаа гхадид̇аа анд̇хавзн̣ийд̇и вужжад̇и. барамбарасам̣сад̇д̇аад̇и ан̃н̃аман̃н̃ам̣ лаг̇г̇аа, яадтиг̇аахагзнаби жагкумад̇аа вирахид̇аад̇и ад̇т̇о. зго гира д̇худ̇д̇о анд̇хаг̇ан̣ам̣ д̣̇исваа ‘‘асугасмим̣ наама г̇аамз каж̇ж̇абхож̇ж̇ам̣ сулабха’’нд̇и уссаахзд̇ваа ‘‘д̇зна хи д̇ад̇т̇а но саами нзхи, ид̣̇ам̣ наама д̇з д̣̇змаа’’д̇и вуд̇д̇з, лан̃ж̇ам̣ г̇ахзд̇ваа анд̇араамаг̇г̇з маг̇г̇аа оггамма маханд̇ам̣ г̇ажчам̣ анубариг̇анд̇ваа буримасса хад̇т̇зна бажчимасса гажчам̣ г̇ан̣хаабзд̇ваа ‘‘гин̃жи гаммам̣ ад̇т̇и, г̇ажчат̇а д̇аава д̇умхз’’д̇и вад̇ваа балааяи, д̇з д̣̇ивасамби г̇анд̇ваа маг̇г̇ам̣ авинд̣̇амаанаа ‘‘гухим̣ но жагкумаа, гухим̣ маг̇г̇о’’д̇и барид̣̇звид̇ваа маг̇г̇ам̣ авинд̣̇амаанаа д̇ад̇т̇зва марим̣су. д̇з санд̇хааяа вуд̇д̇ам̣ ‘‘барамбарасам̣сад̇д̇аа’’д̇и. буримобийд̇и буримзсу д̣̇асасу б̣раахман̣зсу згоби. маж̇жхимобийд̇и маж̇жхимзсу аажарияабаажариязсу згоби. бажчимобийд̇и ид̣̇аани д̇звиж̇ж̇зсу б̣раахман̣зсу згоби. хассаган̃н̃зваад̇и хасид̇аб̣б̣амзва. наамаган̃н̃зваад̇и лаамагам̣язва. д̇ад̣̇зд̇ам̣ ад̇т̇аабхаавзна рид̇д̇агам̣, рид̇д̇агад̇д̇ааязва д̇ужчагам̣. ид̣̇аани б̣рахмалого д̇аава д̇идтад̇у, яо д̇звиж̇ж̇зхи на д̣̇идтабуб̣б̣ова. язби жанд̣̇имасуурияз д̇звиж̇ж̇аа бассанд̇и, д̇зсамби сахаб̣яад̇ааяа маг̇г̇ам̣ д̣̇зсзд̇ум̣ наббахонд̇ийд̇и д̣̇ассанад̇т̇ам̣ ‘‘д̇ам̣ гим̣ ман̃н̃асий’’д̇иаад̣̇имааха.
527-529.Teva tevijjāti te tevijjā. Vakāro āgamasandhimattaṃ. Andhaveṇīti andhapaveṇī, ekena cakkhumatā gahitayaṭṭhiyā koṭiṃ eko andho gaṇhati, taṃ andhaṃ añño taṃ aññoti evaṃ paṇṇāsasaṭṭhi andhā paṭipāṭiyā ghaṭitā andhaveṇīti vuccati. Paramparasaṃsattāti aññamaññaṃ laggā, yaṭṭhigāhakenapi cakkhumatā virahitāti attho. Eko kira dhutto andhagaṇaṃ disvā ‘‘asukasmiṃ nāma gāme khajjabhojjaṃ sulabha’’nti ussāhetvā ‘‘tena hi tattha no sāmi nehi, idaṃ nāma te demā’’ti vutte, lañjaṃ gahetvā antarāmagge maggā okkamma mahantaṃ gacchaṃ anuparigantvā purimassa hatthena pacchimassa kacchaṃ gaṇhāpetvā ‘‘kiñci kammaṃ atthi, gacchatha tāva tumhe’’ti vatvā palāyi, te divasampi gantvā maggaṃ avindamānā ‘‘kuhiṃ no cakkhumā, kuhiṃ maggo’’ti paridevitvā maggaṃ avindamānā tattheva mariṃsu. Te sandhāya vuttaṃ ‘‘paramparasaṃsattā’’ti. Purimopīti purimesu dasasu brāhmaṇesu ekopi. Majjhimopīti majjhimesu ācariyapācariyesu ekopi. Pacchimopīti idāni tevijjesu brāhmaṇesu ekopi. Hassakaññevāti hasitabbameva. Nāmakaññevāti lāmakaṃyeva. Tadetaṃ atthābhāvena rittakaṃ, rittakattāyeva tucchakaṃ. Idāni brahmaloko tāva tiṭṭhatu, yo tevijjehi na diṭṭhapubbova. Yepi candimasūriye tevijjā passanti, tesampi sahabyatāya maggaṃ desetuṃ nappahontīti dassanatthaṃ ‘‘taṃ kiṃ maññasī’’tiādimāha.
530. д̇ад̇т̇а яад̇о жанд̣̇имасуурияаа уг̇г̇ажчанд̇ийд̇и яасмим̣ гаалз уг̇г̇ажчанд̇и. яад̇т̇а жа ог̇г̇ажчанд̇ийд̇и яасмим̣ гаалз ад̇т̇амзнд̇и, уг̇г̇аманагаалз жа ад̇т̇ан̇г̇аманагаалз жа бассанд̇ийд̇и ад̇т̇о. ааяаажанд̇ийд̇и ‘‘уд̣̇зхи бхавам̣ жанд̣̇а, уд̣̇зхи бхавам̣ суурияаа’’д̇и звам̣ ааяаажанд̇и. т̇омаяанд̇ийд̇и ‘‘соммо жанд̣̇о, бариман̣д̣ало жанд̣̇о, саббабхо жанд̣̇о’’д̇иаад̣̇ийни вад̣̇анд̇аа басам̣санд̇и. бан̃ж̇алигаад̇и баг̇г̇ахид̇аан̃ж̇алигаа. намассамаанаад̇и ‘‘намо намо’’д̇и вад̣̇амаанаа.
530. Tattha yato candimasūriyā uggacchantīti yasmiṃ kāle uggacchanti. Yattha ca oggacchantīti yasmiṃ kāle atthamenti, uggamanakāle ca atthaṅgamanakāle ca passantīti attho. Āyācantīti ‘‘udehi bhavaṃ canda, udehi bhavaṃ sūriyā’’ti evaṃ āyācanti. Thomayantīti ‘‘sommo cando, parimaṇḍalo cando, sappabho cando’’tiādīni vadantā pasaṃsanti. Pañjalikāti paggahitaañjalikā. Namassamānāti ‘‘namo namo’’ti vadamānā.
531-532. яам̣ бассанд̇ийд̇и зд̇т̇а яанд̇и нибаад̇амад̇д̇ам̣. гим̣ бана на гираад̇и зд̇т̇а ид̇ха бана гим̣ вад̇д̇аб̣б̣ам̣. яад̇т̇а гира д̇звиж̇ж̇зхи б̣раахман̣зхи на б̣рахмаа сагкид̣̇идтод̇и звамад̇т̇о д̣̇адтаб̣б̣о.
531-532.Yaṃ passantīti ettha yanti nipātamattaṃ. Kiṃ pana na kirāti ettha idha pana kiṃ vattabbaṃ. Yattha kira tevijjehi brāhmaṇehi na brahmā sakkhidiṭṭhoti evamattho daṭṭhabbo.
ажиравад̇ийнад̣̇ийубамаагат̇аа
Aciravatīnadīupamākathā
542. самад̇ид̇д̇игаад̇и самабхарид̇аа. гаагабзяяаад̇и яад̇т̇а гад̇т̇ажи д̇ийрз тид̇зна гаагзна саггаа баад̇унд̇и гаагабзяяаа. баарам̣ д̇арид̇угаамод̇и над̣̇им̣ ад̇иггамид̇ваа барад̇ийрам̣ г̇анд̇угаамо. авхзяяаад̇и баггосзяяа. зхи баараабааранд̇и амбхо баара абаарам̣ зхи, ат̇а мам̣ сахасаава г̇ахзд̇ваа г̇амиссаси, ад̇т̇и мз ажжааяигагамманд̇и ад̇т̇о.
542.Samatittikāti samabharitā. Kākapeyyāti yattha katthaci tīre ṭhitena kākena sakkā pātunti kākapeyyā. Pāraṃ taritukāmoti nadiṃ atikkamitvā paratīraṃ gantukāmo. Avheyyāti pakkoseyya. Ehi pārāpāranti ambho pāra apāraṃ ehi, atha maṃ sahasāva gahetvā gamissasi, atthi me accāyikakammanti attho.
544. яз д̇хаммаа б̣раахман̣агаарагаад̇и зд̇т̇а бан̃жасийлад̣̇асагусалагаммабат̇абхзд̣̇аа д̇хаммаа б̣раахман̣агаарагаад̇и взд̣̇ид̇аб̣б̣аа , д̇аб̣б̣ибарийд̇аа аб̣раахман̣агаарагаа. инд̣̇амавхааяаамаад̇и инд̣̇ам̣ авхааяаама баггосаама. звам̣ б̣раахман̣аанам̣ авхааяанасса нирад̇т̇агад̇ам̣ д̣̇ассзд̇ваа бунаби бхаг̇аваа ан̣н̣авагужчияам̣ суурияо вияа ж̇аламаано бан̃жасад̇абхигкубаривуд̇о ажиравад̇ияаа д̇ийрз нисинно абарамби над̣̇ийубамам̣язва аахаранд̇о ‘‘сзяяат̇аабий’’д̇иаад̣̇имааха.
544.Ye dhammā brāhmaṇakārakāti ettha pañcasīladasakusalakammapathabhedā dhammā brāhmaṇakārakāti veditabbā , tabbiparītā abrāhmaṇakārakā. Indamavhāyāmāti indaṃ avhāyāma pakkosāma. Evaṃ brāhmaṇānaṃ avhāyanassa niratthakataṃ dassetvā punapi bhagavā aṇṇavakucchiyaṃ sūriyo viya jalamāno pañcasatabhikkhuparivuto aciravatiyā tīre nisinno aparampi nadīupamaṃyeva āharanto ‘‘seyyathāpī’’tiādimāha.
546. гаамаг̇ун̣аад̇и гаамаяид̇аб̣б̣адтзна гаамаа, б̣анд̇ханадтзна г̇ун̣аа. ‘‘ануж̇аанаами бхигкавз, ахад̇аанам̣ вад̇т̇аанам̣ д̣̇иг̇ун̣ам̣ сан̇гхаади’’нд̇и (махаава. 348) зд̇т̇а хи бадаладто г̇ун̣адто. ‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇ий’’д̇и зд̇т̇а раасадто г̇ун̣адто. ‘‘сад̇аг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379) зд̇т̇а аанисам̣садто г̇ун̣адто. ‘‘анд̇ам̣ анд̇аг̇ун̣ам̣ (ку. баа. 3.1) гаяираа маалааг̇ун̣з б̣ахуу’’д̇и (д̇ха. ба. 53) жа зд̇т̇а б̣анд̇ханадто г̇ун̣адто. ид̇хааби зсзва ад̇хиббзд̇о. д̇зна вуд̇д̇ам̣ ‘‘б̣анд̇ханадтзна г̇ун̣аа’’д̇и. жагкувин̃н̃зяяаад̇и жагкувин̃н̃аан̣зна бассид̇аб̣б̣аа. зд̇знубааязна сод̇авин̃н̃зяяаад̣̇ийсуби ад̇т̇о взд̣̇ид̇аб̣б̣о. идтаад̇и барияидтаа ваа хонд̇у, маа ваа, идтаарамман̣абхууд̇аад̇и ад̇т̇о. ганд̇аад̇и гааманийяаа. манаабаад̇и манавад̣дханагаа. бияаруубаад̇и бияаж̇аад̇игаа. гаамуубасан̃хид̇аад̇и аарамман̣ам̣ гад̇ваа уббаж̇ж̇амаанзна гаамзна убасан̃хид̇аа. раж̇анийяаад̇и ран̃ж̇анийяаа, рааг̇уббад̇д̇игааран̣абхууд̇аад̇и ад̇т̇о.
546.Kāmaguṇāti kāmayitabbaṭṭhena kāmā, bandhanaṭṭhena guṇā. ‘‘Anujānāmi bhikkhave, ahatānaṃ vatthānaṃ diguṇaṃ saṅghāṭi’’nti (mahāva. 348) ettha hi paṭalaṭṭho guṇaṭṭho. ‘‘Accenti kālā tarayanti rattiyo, vayoguṇā anupubbaṃ jahantī’’ti ettha rāsaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho guṇaṭṭho. ‘‘Antaṃ antaguṇaṃ (khu. pā. 3.1) kayirā mālāguṇe bahū’’ti (dha. pa. 53) ca ettha bandhanaṭṭho guṇaṭṭho. Idhāpi eseva adhippeto. Tena vuttaṃ ‘‘bandhanaṭṭhena guṇā’’ti. Cakkhuviññeyyāti cakkhuviññāṇena passitabbā. Etenupāyena sotaviññeyyādīsupi attho veditabbo. Iṭṭhāti pariyiṭṭhā vā hontu, mā vā, iṭṭhārammaṇabhūtāti attho. Kantāti kāmanīyā. Manāpāti manavaḍḍhanakā. Piyarūpāti piyajātikā. Kāmūpasañhitāti ārammaṇaṃ katvā uppajjamānena kāmena upasañhitā. Rajanīyāti rañjanīyā, rāguppattikāraṇabhūtāti attho.
г̇ад̇хид̇аад̇и г̇зд̇хзна абхибхууд̇аа худ̇ваа. мужчид̇аад̇и мужчаагаараббад̇д̇ааяа ад̇химад̇д̇агааяа д̇ан̣хааяа абхибхууд̇аа. аж̇жхобаннаад̇и ад̇хиобаннаа ог̇аал̣хаа ‘‘ид̣̇ам̣ саара’’нд̇и баринидтаанаббад̇д̇аа худ̇ваа. анаад̣̇ийнавад̣̇ассаавинод̇и аад̣̇ийнавам̣ абассанд̇аа. аниссаран̣абан̃н̃аад̇и ид̣̇амзд̇т̇а ниссаран̣анд̇и, звам̣ бариж̇аананабан̃н̃аавирахид̇аа, бажжавзгкан̣абарибхог̇авирахид̇аад̇и ад̇т̇о.
Gadhitāti gedhena abhibhūtā hutvā. Mucchitāti mucchākārappattāya adhimattakāya taṇhāya abhibhūtā. Ajjhopannāti adhiopannā ogāḷhā ‘‘idaṃ sāra’’nti pariniṭṭhānappattā hutvā. Anādīnavadassāvinoti ādīnavaṃ apassantā. Anissaraṇapaññāti idamettha nissaraṇanti, evaṃ parijānanapaññāvirahitā, paccavekkhaṇaparibhogavirahitāti attho.
548. ааваран̣аад̇иаад̣̇ийсу ааваранд̇ийд̇и ааваран̣аа. ниваарзнд̇ийд̇и нийваран̣аа. онанд̇ханд̇ийд̇и онааханаа. барияонанд̇ханд̇ийд̇и барияонааханаа. гаамажчанд̣̇аад̣̇ийнам̣ вид̇т̇аарагат̇аа висуд̣̇д̇химаг̇г̇ад̇о г̇ахзд̇аб̣б̣аа.
548.Āvaraṇātiādīsu āvarantīti āvaraṇā. Nivārentīti nīvaraṇā. Onandhantīti onāhanā. Pariyonandhantīti pariyonāhanā. Kāmacchandādīnaṃ vitthārakathā visuddhimaggato gahetabbā.
549-550. аавуд̇аа нивуд̇аа онад̣̇д̇хаа барияонад̣̇д̇хаад̇и бад̣̇аани ааваран̣аад̣̇ийнам̣ васзна вуд̇д̇аани. сабариг̇г̇аход̇и ид̇т̇ибариг̇г̇ахзна сабариг̇г̇аход̇и бужчад̇и. абариг̇г̇ахо бхо г̇од̇амаад̇иаад̣̇ийсуби гаамажчанд̣̇асса абхаавад̇о ид̇т̇ибариг̇г̇ахзна абариг̇г̇ахо. б̣яаабаад̣̇асса абхаавад̇о гзнажи сад̣̇д̇хим̣ взражид̇д̇зна авзро. т̇инамид̣̇д̇хасса абхаавад̇о жид̇д̇аг̇злан̃н̃асан̇каад̇зна б̣яаабаж̇ж̇зна аб̣яаабаж̇ж̇о. уд̣̇д̇хажжагуггужжаабхаавад̇о уд̣̇д̇хажжагуггужжаад̣̇ийхи сам̣гилзсзхи асам̣гилидтажид̇д̇о субарисуд̣̇д̇хамаанасо. вижигижчааяа абхаавад̇о жид̇д̇ам̣ васз вад̇д̇зд̇и. яат̇аа жа б̣раахман̣аа жид̇д̇аг̇ад̇игаа хонд̇ийд̇и, жид̇д̇асса васзна вад̇д̇анд̇и, на д̇аад̣̇исод̇и васавад̇д̇ий.
549-550.Āvutā nivutā onaddhā pariyonaddhāti padāni āvaraṇādīnaṃ vasena vuttāni. Sapariggahoti itthipariggahena sapariggahoti pucchati. Apariggaho bho gotamātiādīsupi kāmacchandassa abhāvato itthipariggahena apariggaho. Byāpādassa abhāvato kenaci saddhiṃ veracittena avero. Thinamiddhassa abhāvato cittagelaññasaṅkhātena byāpajjena abyāpajjo. Uddhaccakukkuccābhāvato uddhaccakukkuccādīhi saṃkilesehi asaṃkiliṭṭhacitto suparisuddhamānaso. Vicikicchāya abhāvato cittaṃ vase vatteti. Yathā ca brāhmaṇā cittagatikā hontīti, cittassa vasena vattanti, na tādisoti vasavattī.
552. ид̇ха ко банаад̇и ид̇ха б̣рахмалогамаг̇г̇з. аасийд̣̇ид̇ваад̇и амаг̇г̇амзва ‘‘маг̇г̇о’’д̇и убаг̇анд̇ваа. сам̣сийд̣̇анд̇ийд̇и ‘‘самад̇ала’’нд̇и сан̃н̃ааяа бан̇гам̣ од̇ин̣н̣аа вияа ануббависанд̇и. сам̣сийд̣̇ид̇ваа висаарам̣ баабун̣анд̇ийд̇и звам̣ бан̇гз вияа сам̣сийд̣̇ид̇ваа висаарам̣ ан̇г̇аман̇г̇асам̣бхан̃ж̇анам̣ баабун̣анд̇и. сугкад̇арам̣ ман̃н̃з д̇аранд̇ийд̇и марийжигааяа ван̃жзд̇ваа ‘‘гаагабзяяаа над̣̇ий’’д̇и сан̃н̃ааяа ‘‘д̇ариссаамаа’’д̇и хад̇т̇зхи жа баад̣̇зхи жа вааяамамаанаа сугкад̇аран̣ам̣ ман̃н̃з д̇аранд̇и. д̇асмаа яат̇аа хад̇т̇абаад̣̇аад̣̇ийнам̣ сам̣бхан̃ж̇анам̣ барибхан̃ж̇анам̣, звам̣ абааязсу сам̣бхан̃ж̇анам̣ барибхан̃ж̇анам̣ баабун̣анд̇и. ид̇хзва жа сукам̣ ваа саад̇ам̣ ваа на лабханд̇и. д̇асмаа ид̣̇ам̣ д̇звиж̇ж̇аанам̣ б̣раахман̣аананд̇и д̇асмаа ид̣̇ам̣ б̣рахмасахаб̣яад̇ааяа маг̇г̇ад̣̇ийбагам̣ д̇звиж̇ж̇агам̣ бааважанам̣ д̇звиж̇ж̇аанам̣ б̣раахман̣аанам̣. д̇звиж̇ж̇ааирин̣анд̇и д̇звиж̇ж̇аааран̃н̃ам̣ ирин̣анд̇и хи аг̇аамагам̣ махаааран̃н̃ам̣ вужжад̇и. д̇звиж̇ж̇аавивананд̇и бубпапалзхи абарибхог̇аругкзхи сан̃чаннам̣ нируд̣̇агам̣ аран̃н̃ам̣ . яад̇т̇а маг̇г̇ад̇о уггамид̇ваа баривад̇д̇ид̇умби на саггаа хонд̇и, д̇ам̣ санд̇хааяааха ‘‘д̇звиж̇ж̇аавивананд̇иби вужжад̇ий’’д̇и. д̇звиж̇ж̇ааб̣яасананд̇и д̇звиж̇ж̇аанам̣ бан̃жавид̇хаб̣яасанасад̣̇исамзд̇ам̣. яат̇аа хи н̃аад̇ирог̇абхог̇а д̣̇идти сийлаб̣яасанаббад̇д̇асса сукам̣ наама над̇т̇и, звам̣ д̇звиж̇ж̇аанам̣ д̇звиж̇ж̇агам̣ бааважанам̣ ааг̇амма сукам̣ наама над̇т̇ийд̇и д̣̇ассзд̇и.
552.Idhakho panāti idha brahmalokamagge. Āsīditvāti amaggameva ‘‘maggo’’ti upagantvā. Saṃsīdantīti ‘‘samatala’’nti saññāya paṅkaṃ otiṇṇā viya anuppavisanti. Saṃsīditvā visāraṃ pāpuṇantīti evaṃ paṅke viya saṃsīditvā visāraṃ aṅgamaṅgasaṃbhañjanaṃ pāpuṇanti. Sukkhataraṃ maññe tarantīti marīcikāya vañcetvā ‘‘kākapeyyā nadī’’ti saññāya ‘‘tarissāmā’’ti hatthehi ca pādehi ca vāyamamānā sukkhataraṇaṃ maññe taranti. Tasmā yathā hatthapādādīnaṃ saṃbhañjanaṃ paribhañjanaṃ, evaṃ apāyesu saṃbhañjanaṃ paribhañjanaṃ pāpuṇanti. Idheva ca sukhaṃ vā sātaṃ vā na labhanti. Tasmā idaṃ tevijjānaṃ brāhmaṇānanti tasmā idaṃ brahmasahabyatāya maggadīpakaṃ tevijjakaṃ pāvacanaṃ tevijjānaṃ brāhmaṇānaṃ. Tevijjāiriṇanti tevijjāaraññaṃ iriṇanti hi agāmakaṃ mahāaraññaṃ vuccati. Tevijjāvivananti pupphaphalehi aparibhogarukkhehi sañchannaṃ nirudakaṃ araññaṃ . Yattha maggato ukkamitvā parivattitumpi na sakkā honti, taṃ sandhāyāha ‘‘tevijjāvivanantipi vuccatī’’ti. Tevijjābyasananti tevijjānaṃ pañcavidhabyasanasadisametaṃ. Yathā hi ñātirogabhoga diṭṭhi sīlabyasanappattassa sukhaṃ nāma natthi, evaṃ tevijjānaṃ tevijjakaṃ pāvacanaṃ āgamma sukhaṃ nāma natthīti dasseti.
554. ж̇аад̇асам̣вад̣дход̇и ж̇аад̇о жа вад̣дхид̇о жа, яо хи гзвалам̣ д̇ад̇т̇а ж̇аад̇ова ход̇и, ан̃н̃ад̇т̇а вад̣дхид̇о, д̇асса саманд̇аа г̇аамамаг̇г̇аа на саб̣б̣асо бажжагкаа хонд̇и, д̇асмаа ж̇аад̇асам̣вад̣дход̇и ааха. ж̇аад̇асам̣вад̣дхоби яо жиранигканд̇о, д̇асса на саб̣б̣асо бажжагкаа хонд̇и. д̇асмаа ‘‘д̇аавад̣̇зва авасада’’нд̇и ааха, д̇ан̇кан̣амзва нигканд̇анд̇и ад̇т̇о. д̣̇анд̇хааяид̇ад̇д̇анд̇и аяам̣ ну ко маг̇г̇о, аяам̣ на нукод̇и ган̇каавасзна жирааяид̇ад̇д̇ам̣. вид̇т̇ааяид̇ад̇д̇анд̇и яат̇аа сукумам̣ ад̇т̇аж̇аад̇ам̣ сахасаа бужчид̇асса гассажи сарийрам̣ т̇ад̣̇д̇хабхаавам̣ г̇ан̣хаад̇и, звам̣ т̇ад̣̇д̇хабхааваг̇г̇ахан̣ам̣. на д̇взваад̇и иминаа саб̣б̣ан̃н̃уд̇ан̃н̃аан̣асса аббадихад̇абхаавам̣ д̣̇ассзд̇и. д̇асса хи бурисасса маараавадданаад̣̇ивасзна сияаа н̃аан̣асса бадигхаад̇о. д̇зна со д̣̇анд̇хааязяяа ваа вид̇т̇ааязяяа ваа. саб̣б̣ан̃н̃уд̇ан̃н̃аан̣ам̣ бана аббадихад̇ам̣, на саггаа д̇асса гзнажи анд̇арааяо гаад̇унд̇и д̣̇ийбзд̇и.
554.Jātasaṃvaḍḍhoti jāto ca vaḍḍhito ca, yo hi kevalaṃ tattha jātova hoti, aññattha vaḍḍhito, tassa samantā gāmamaggā na sabbaso paccakkhā honti, tasmā jātasaṃvaḍḍhoti āha. Jātasaṃvaḍḍhopi yo ciranikkhanto, tassa na sabbaso paccakkhā honti. Tasmā ‘‘tāvadeva avasaṭa’’nti āha, taṅkhaṇameva nikkhantanti attho. Dandhāyitattanti ayaṃ nu kho maggo, ayaṃ na nukhoti kaṅkhāvasena cirāyitattaṃ. Vitthāyitattanti yathā sukhumaṃ atthajātaṃ sahasā pucchitassa kassaci sarīraṃ thaddhabhāvaṃ gaṇhāti, evaṃ thaddhabhāvaggahaṇaṃ. Na tvevāti iminā sabbaññutaññāṇassa appaṭihatabhāvaṃ dasseti. Tassa hi purisassa mārāvaṭṭanādivasena siyā ñāṇassa paṭighāto. Tena so dandhāyeyya vā vitthāyeyya vā. Sabbaññutaññāṇaṃ pana appaṭihataṃ, na sakkā tassa kenaci antarāyo kātunti dīpeti.
555. уллумбад̇у бхавам̣ г̇од̇амод̇и уд̣̇д̇харад̇у бхавам̣ г̇од̇амо. б̣раахман̣им̣ баж̇анд̇и б̣раахман̣ад̣̇аарагам̣, бхавам̣ г̇од̇амо мама б̣раахман̣абуд̇д̇ам̣ абааяамаг̇г̇ад̇о уд̣̇д̇харид̇ваа б̣рахмалогамаг̇г̇з бад̇идтабзд̇ууд̇и ад̇т̇о. ат̇асса бхаг̇аваа б̣уд̣̇д̇хуббаад̣̇ам̣ д̣̇ассзд̇ваа сад̣̇д̇хим̣ буб̣б̣абхааг̇абадибад̣̇ааяа мзд̇д̇аавихаараад̣̇иб̣рахмалогаг̇аамимаг̇г̇ам̣ д̣̇зсзд̇угаамо ‘‘д̇зна хи ваасздтаа’’д̇иаад̣̇имааха. д̇ад̇т̇а ‘‘ид̇ха д̇ат̇ааг̇ад̇о’’д̇иаад̣̇и сааман̃н̃апалз вид̇т̇аарид̇ам̣. мзд̇д̇аасахаг̇ад̇знаад̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ висуд̣̇д̇химаг̇г̇з б̣рахмавихаарагаммадтаанагат̇ааяам̣ вуд̇д̇ам̣. сзяяат̇ааби ваасздта б̣алаваа сан̇кад̇хамод̇иаад̣̇и бана ид̇ха абуб̣б̣ам̣. д̇ад̇т̇а б̣алаваад̇и б̣аласамбанно. сан̇кад̇хамод̇и сан̇кад̇хамаго. аббагасирзнаад̇и агижчзна ад̣̇угкзна. д̣̇уб̣б̣ало хи сан̇кад̇хамо сан̇кам̣ д̇хаманд̇оби на саггод̇и жад̇ассо д̣̇исаа сарзна вин̃н̃аабзд̇ум̣, наасса сан̇касад̣̇д̣̇о саб̣б̣ад̇о парад̇и. б̣алавад̇о бана вибпаариго ход̇и, д̇асмаа ‘‘б̣алаваа’’д̇иаад̣̇имааха. мзд̇д̇ааяа жзд̇овимуд̇д̇ияаад̇и зд̇т̇а мзд̇д̇аад̇и вуд̇д̇з убажаароби аббанааби ваддад̇и, ‘‘жзд̇д̇овимуд̇д̇ий’’д̇и вуд̇д̇з бана аббанаава ваддад̇и. яам̣ бамаан̣агад̇ам̣ гамманд̇и бамаан̣агад̇ам̣ гаммам̣ наама гаамааважарам̣ вужжад̇и. аббамаан̣агад̇ам̣ гаммам̣ наама руубааруубааважарам̣. д̇ан̃хи бамаан̣ам̣ ад̇иггамид̇ваа од̣̇иссагаанод̣̇иссагад̣̇исаапаран̣авасзна вад̣дхзд̇ваа гад̇ад̇д̇аа аббамаан̣агад̇анд̇и вужжад̇и. на д̇ам̣ д̇ад̇раавасиссад̇и на д̇ам̣ д̇ад̇раавад̇идтад̇ийд̇и д̇ам̣ гаамааважарагаммам̣ д̇асмим̣ руубааважарааруубааважарагаммз на охийяад̇и, на д̇идтад̇и. гим̣ вуд̇д̇ам̣ ход̇и – д̇ам̣ гаамааважарагаммам̣ д̇асса руубааруубааважарагаммасса анд̇араа лаг̇г̇ид̇ум̣ ваа таад̇ум̣ ваа руубааруубааважарагаммам̣ парид̇ваа барияаад̣̇ияид̇ваа ад̇д̇ано огаасам̣ г̇ахзд̇ваа бад̇идтаад̇ум̣ на саггод̇и. ат̇а ко руубааважарааруубааважарагаммамзва гаамааважарам̣ махогхо вияа барид̇д̇ам̣ уд̣̇агам̣ парид̇ваа барияаад̣̇ияид̇ваа ад̇д̇ано огаасам̣ г̇ахзд̇ваа д̇идтад̇и. д̇асса вибаагам̣ бадиб̣аахид̇ваа саяамзва б̣рахмасахаб̣яад̇ам̣ убанзд̇ийд̇и. звам̣вихаарийд̇и звам̣ мзд̇д̇аад̣̇ивихаарий.
555.Ullumpatu bhavaṃ gotamoti uddharatu bhavaṃ gotamo. Brāhmaṇiṃ pajanti brāhmaṇadārakaṃ, bhavaṃ gotamo mama brāhmaṇaputtaṃ apāyamaggato uddharitvā brahmalokamagge patiṭṭhapetūti attho. Athassa bhagavā buddhuppādaṃ dassetvā saddhiṃ pubbabhāgapaṭipadāya mettāvihārādibrahmalokagāmimaggaṃ desetukāmo ‘‘tena hi vāseṭṭhā’’tiādimāha. Tattha ‘‘idha tathāgato’’tiādi sāmaññaphale vitthāritaṃ. Mettāsahagatenātiādīsu yaṃ vattabbaṃ, taṃ sabbaṃ visuddhimagge brahmavihārakammaṭṭhānakathāyaṃ vuttaṃ. Seyyathāpi vāseṭṭha balavā saṅkhadhamotiādi pana idha apubbaṃ. Tattha balavāti balasampanno. Saṅkhadhamoti saṅkhadhamako. Appakasirenāti akicchena adukkhena. Dubbalo hi saṅkhadhamo saṅkhaṃ dhamantopi na sakkoti catasso disā sarena viññāpetuṃ, nāssa saṅkhasaddo sabbato pharati. Balavato pana vipphāriko hoti, tasmā ‘‘balavā’’tiādimāha. Mettāya cetovimuttiyāti ettha mettāti vutte upacāropi appanāpi vaṭṭati, ‘‘cettovimuttī’’ti vutte pana appanāva vaṭṭati. Yaṃ pamāṇakataṃ kammanti pamāṇakataṃ kammaṃ nāma kāmāvacaraṃ vuccati. Appamāṇakataṃ kammaṃ nāma rūpārūpāvacaraṃ. Tañhi pamāṇaṃ atikkamitvā odissakaanodissakadisāpharaṇavasena vaḍḍhetvā katattā appamāṇakatanti vuccati. Na taṃ tatrāvasissati na taṃ tatrāvatiṭṭhatīti taṃ kāmāvacarakammaṃ tasmiṃ rūpāvacarārūpāvacarakamme na ohīyati, na tiṭṭhati. Kiṃ vuttaṃ hoti – taṃ kāmāvacarakammaṃ tassa rūpārūpāvacarakammassa antarā laggituṃ vā ṭhātuṃ vā rūpārūpāvacarakammaṃ pharitvā pariyādiyitvā attano okāsaṃ gahetvā patiṭṭhātuṃ na sakkoti. Atha kho rūpāvacarārūpāvacarakammameva kāmāvacaraṃ mahogho viya parittaṃ udakaṃ pharitvā pariyādiyitvā attano okāsaṃ gahetvā tiṭṭhati. Tassa vipākaṃ paṭibāhitvā sayameva brahmasahabyataṃ upanetīti. Evaṃvihārīti evaṃ mettādivihārī.
559. зд̇з маяам̣ бхаванд̇ам̣ г̇од̇аманд̇и ид̣̇ам̣ д̇зсам̣ д̣̇уд̇ияам̣ саран̣аг̇аманам̣. батамамзва хзд̇з маж̇жхимабан̣н̣аасагз ваасздтасуд̇д̇ам̣ суд̇ваа саран̣ам̣ г̇ад̇аа, имам̣ бана д̇звиж̇ж̇асуд̇д̇ам̣ суд̇ваа д̣̇уд̇ияамби саран̣ам̣ г̇ад̇аа. гад̇ибаахажжаязна баб̣б̣аж̇ид̇ваа аг̇г̇ан̃н̃асуд̇д̇з убасамбад̣̇ан̃жзва арахад̇д̇ан̃жа алад̇т̇ум̣. сзсам̣ саб̣б̣ад̇т̇а уд̇д̇аанамзваад̇и.
559.Etemayaṃ bhavantaṃ gotamanti idaṃ tesaṃ dutiyaṃ saraṇagamanaṃ. Paṭhamameva hete majjhimapaṇṇāsake vāseṭṭhasuttaṃ sutvā saraṇaṃ gatā, imaṃ pana tevijjasuttaṃ sutvā dutiyampi saraṇaṃ gatā. Katipāhaccayena pabbajitvā aggaññasutte upasampadañceva arahattañca alatthuṃ. Sesaṃ sabbattha uttānamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
д̇звиж̇ж̇асуд̇д̇аван̣н̣анаа нидтид̇аа.
Tevijjasuttavaṇṇanā niṭṭhitā.
нидтид̇аа жа д̇зрасасуд̇д̇абадиман̣д̣ид̇асса сийлагканд̇хаваг̇г̇асса
Niṭṭhitā ca terasasuttapaṭimaṇḍitassa sīlakkhandhavaggassa
ад̇т̇аван̣н̣анаад̇и.
Atthavaṇṇanāti.
сийлагканд̇хаваг̇г̇адтагат̇аа нидтид̇аа.
Sīlakkhandhavaggaṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 13. д̇звиж̇ж̇асуд̇д̇ам̣ • 13. Tevijjasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 13. д̇звиж̇ж̇асуд̇д̇аван̣н̣анаа • 13. Tevijjasuttavaṇṇanā
