| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. бариб̣б̣ааж̇агаваг̇г̇о
3. Paribbājakavaggo
1. д̇звиж̇ж̇аважчасуд̇д̇аван̣н̣анаа
1. Tevijjavacchasuttavaṇṇanā
185. звам̣ мз суд̇анд̇и д̇звиж̇ж̇аважчасуд̇д̇ам̣. д̇ад̇т̇а згабун̣д̣арийгзд̇и бун̣д̣арийго вужжад̇и сзд̇амб̣аругко, со д̇асмим̣ аараамз зго бун̣д̣арийго ад̇т̇ийд̇и згабун̣д̣арийго. зд̇ад̣̇ахосийд̇и д̇ад̇т̇а бависид̇угаамад̇ааяа ахоси. жирассам̣ ко, бханд̇зд̇и багад̇ияаа ааг̇ад̇абуб̣б̣ад̇ам̣ убаад̣̇ааяа. д̇хаммасса жаануд̇хамманд̇и ид̇ха саб̣б̣ан̃н̃уд̇ан̃н̃аан̣ам̣ д̇хаммо наама, махааж̇анасса б̣яаагаран̣ам̣ ануд̇хаммо наама. сзсам̣ ж̇ийвагасуд̇д̇з (ма. ни. 2.51 аад̣̇аяо) вуд̇д̇анаяамзва. на мз д̇зд̇и ананун̃н̃ааяа тад̇ваа анун̃н̃амби бадигкибад̇и. ‘‘саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанаад̇ий’’д̇и хи ид̣̇ам̣ ануж̇аанид̇аб̣б̣ам̣ сияаа, – ‘‘жарад̇о жа мз…бз… бажжубадтид̇а’’нд̇и ид̣̇ам̣ бана наануж̇аанид̇аб̣б̣ам̣. саб̣б̣ан̃н̃уд̇ан̃н̃аан̣зна хи ааваж̇ж̇ид̇ваа баж̇аанаад̇и. д̇асмаа ананун̃н̃ааяа тад̇ваа анун̃н̃амби бадигкибанд̇о звамааха.
185.Evaṃme sutanti tevijjavacchasuttaṃ. Tattha ekapuṇḍarīketi puṇḍarīko vuccati setambarukkho, so tasmiṃ ārāme eko puṇḍarīko atthīti ekapuṇḍarīko. Etadahosīti tattha pavisitukāmatāya ahosi. Cirassaṃ kho, bhanteti pakatiyā āgatapubbataṃ upādāya. Dhammassa cānudhammanti idha sabbaññutaññāṇaṃ dhammo nāma, mahājanassa byākaraṇaṃ anudhammo nāma. Sesaṃ jīvakasutte (ma. ni. 2.51 ādayo) vuttanayameva. Na me teti ananuññāya ṭhatvā anuññampi paṭikkhipati. ‘‘Sabbaññū sabbadassāvī aparisesaṃ ñāṇadassanaṃ paṭijānātī’’ti hi idaṃ anujānitabbaṃ siyā, – ‘‘carato ca me…pe… paccupaṭṭhita’’nti idaṃ pana nānujānitabbaṃ. Sabbaññutaññāṇena hi āvajjitvā pajānāti. Tasmā ananuññāya ṭhatvā anuññampi paṭikkhipanto evamāha.
186. аасаваанам̣ каяаад̇и зд̇т̇а сагим̣ кийн̣аанам̣ аасаваанам̣ буна кзбзд̇аб̣б̣аабхааваа яаавад̣̇зваад̇и на вуд̇д̇ам̣. буб̣б̣зниваасан̃аан̣зна жзд̇т̇а бхаг̇аваа ад̇ийд̇аж̇аананаг̇ун̣ам̣ д̣̇ассзд̇и, д̣̇иб̣б̣ажагкун̃аан̣зна бажжуббаннаж̇аананаг̇ун̣ам̣, аасавагкаяан̃аан̣зна логуд̇д̇араг̇ун̣анд̇и. ид̇и имаахи д̇ийхи виж̇ж̇аахи сагалаб̣уд̣̇д̇хаг̇ун̣з сам̣кибид̇ваа гат̇зси.
186.Āsavānaṃ khayāti ettha sakiṃ khīṇānaṃ āsavānaṃ puna khepetabbābhāvā yāvadevāti na vuttaṃ. Pubbenivāsañāṇena cettha bhagavā atītajānanaguṇaṃ dasseti, dibbacakkhuñāṇena paccuppannajānanaguṇaṃ, āsavakkhayañāṇena lokuttaraguṇanti. Iti imāhi tīhi vijjāhi sakalabuddhaguṇe saṃkhipitvā kathesi.
г̇ихисам̣яож̇ананд̇и г̇ихиб̣анд̇ханам̣ г̇ихибаригкаарзсу ниганд̇им̣. над̇т̇и ко важчаад̇и г̇ихисам̣яож̇анам̣ аббахааяа д̣̇угкассанд̇агаро наама над̇т̇и. язби хи санд̇ад̇имахаамад̇д̇о уг̇г̇асзно сздтибуд̇д̇о вийд̇асогад̣̇аарагод̇и г̇ихилин̇г̇з тид̇аава арахад̇д̇ам̣ бад̇д̇аа, д̇зби маг̇г̇зна саб̣б̣асан̇каарзсу ниганд̇им̣ сугкаабзд̇ваа бад̇д̇аа. д̇ам̣ бад̇ваа бана на д̇зна лин̇г̇зна адтам̣су, г̇ихилин̇г̇ам̣ наамзд̇ам̣ хийнам̣, уд̇д̇амаг̇ун̣ам̣ д̇хаарзд̇ум̣ на саггод̇и. д̇асмаа д̇ад̇т̇а тид̇о арахад̇д̇ам̣ бад̇ваа д̇ам̣д̣̇ивасамзва баб̣б̣аж̇ад̇и ваа бариниб̣б̣аад̇и ваа. бхуумад̣̇звад̇аа бана д̇идтанд̇и. гасмаа? нилийяаногаасасса ад̇т̇ид̇ааяа. сзсагаамабхавз мануссзсу сод̇аабаннаад̣̇аяо д̇аяо д̇идтанд̇и, гаамааважарад̣̇звзсу сод̇аабаннаа сагад̣̇ааг̇аамино жа, анааг̇аамикийн̣аасаваа банзд̇т̇а на д̇идтанд̇и. гасмаа? д̇ан̃хи таанам̣ лал̣ид̇аж̇анасса ааваасо, над̇т̇и д̇ад̇т̇а д̇зсам̣ бавивзгаарахам̣ бадижчаннадтаанан̃жа. ид̇и д̇ад̇т̇а кийн̣аасаво бариниб̣б̣аад̇и, анааг̇аамий жавид̇ваа суд̣̇д̇хааваасз ниб̣б̣ад̇д̇ад̇и. гаамааважарад̣̇звад̇о убари бана жад̇д̇аароби арияаа д̇идтанд̇и.
Gihisaṃyojananti gihibandhanaṃ gihiparikkhāresu nikantiṃ. Natthi kho vacchāti gihisaṃyojanaṃ appahāya dukkhassantakaro nāma natthi. Yepi hi santatimahāmatto uggaseno seṭṭhiputto vītasokadārakoti gihiliṅge ṭhitāva arahattaṃ pattā, tepi maggena sabbasaṅkhāresu nikantiṃ sukkhāpetvā pattā. Taṃ patvā pana na tena liṅgena aṭṭhaṃsu, gihiliṅgaṃ nāmetaṃ hīnaṃ, uttamaguṇaṃ dhāretuṃ na sakkoti. Tasmā tattha ṭhito arahattaṃ patvā taṃdivasameva pabbajati vā parinibbāti vā. Bhūmadevatā pana tiṭṭhanti. Kasmā? Nilīyanokāsassa atthitāya. Sesakāmabhave manussesu sotāpannādayo tayo tiṭṭhanti, kāmāvacaradevesu sotāpannā sakadāgāmino ca, anāgāmikhīṇāsavā panettha na tiṭṭhanti. Kasmā? Tañhi ṭhānaṃ laḷitajanassa āvāso, natthi tattha tesaṃ pavivekārahaṃ paṭicchannaṭṭhānañca. Iti tattha khīṇāsavo parinibbāti, anāgāmī cavitvā suddhāvāse nibbattati. Kāmāvacaradevato upari pana cattāropi ariyā tiṭṭhanti.
собааси гаммаваад̣̇ийд̇и соби гаммаваад̣̇ий ахоси, гирияамби на бадиб̣аахид̇т̇а. д̇ан̃хи зганавуд̇игаббамад̇т̇агз ад̇д̇аанам̣язва г̇ахзд̇ваа гат̇зд̇и. д̇ад̣̇аа гира махаасад̇д̇о баасан̣д̣абариг̇г̇ан̣ханад̇т̇ам̣ баб̣б̣аж̇ид̇о д̇ассаби баасан̣д̣асса нибпалабхаавам̣ ж̇аанид̇ваа вийрияам̣ на хаабзси, гирияаваад̣̇ий худ̇ваа саг̇г̇з ниб̣б̣ад̇д̇ад̇и. д̇асмаа звамааха. сзсам̣ саб̣б̣ад̇т̇а уд̇д̇аанамзваад̇и.
Sopāsi kammavādīti sopi kammavādī ahosi, kiriyampi na paṭibāhittha. Tañhi ekanavutikappamatthake attānaṃyeva gahetvā katheti. Tadā kira mahāsatto pāsaṇḍapariggaṇhanatthaṃ pabbajito tassapi pāsaṇḍassa nipphalabhāvaṃ jānitvā vīriyaṃ na hāpesi, kiriyavādī hutvā sagge nibbattati. Tasmā evamāha. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̇звиж̇ж̇аважчасуд̇д̇аван̣н̣анаа нидтид̇аа.
Tevijjavacchasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. д̇звиж̇ж̇аважчасуд̇д̇ам̣ • 1. Tevijjavacchasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. д̇звиж̇ж̇аважчасуд̇д̇аван̣н̣анаа • 1. Tevijjavacchasuttavaṇṇanā
