| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਥਮ੍ਭਾਰੋਪਕਤ੍ਥੇਰਅਪਦਾਨવਣ੍ਣਨਾ
2. Thambhāropakattheraapadānavaṇṇanā
ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਕਂ ਆਯਸ੍ਮਤੋ ਥਮ੍ਭਾਰੋਪਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਧਮ੍ਮਦਸ੍ਸਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਸਦ੍ਧੋ ਪਸਨ੍ਨੋ ਪਰਿਨਿਬ੍ਬੁਤੇ ਭਗવਤਿ ਤਸ੍ਸ ਭਗવਤੋ ਧਾਤੁਗਬ੍ਭਮਾਲ਼ਕੇ ਥਮ੍ਭਂ ਨਿਖਨਿਤ੍વਾ ਧਜਂ ਆਰੋਪੇਸਿ। ਬਹੂਨਿ ਜਾਤਿਸੁਮਨਪੁਪ੍ਫਾਨਿ ਗਨ੍ਥਿਤ੍વਾ ਨਿਸ੍ਸੇਣਿਯਾ ਆਰੋਹਿਤ੍વਾ ਪੂਜੇਸਿ।
Nibbutelokanāthamhītiādikaṃ āyasmato thambhāropakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto dhammadassissa bhagavato kāle kulagehe nibbatto saddho pasanno parinibbute bhagavati tassa bhagavato dhātugabbhamāḷake thambhaṃ nikhanitvā dhajaṃ āropesi. Bahūni jātisumanapupphāni ganthitvā nisseṇiyā ārohitvā pūjesi.
੫. ਸੋ ਯਾવਤਾਯੁਕਂ ਠਤ੍વਾ ਕਾਲਂ ਕਤ੍વਾ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਸਬ੍ਬਤ੍ਥ ਪੂਜਿਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਦਹਰਕਾਲਤੋ ਪਭੁਤਿ ਪੂਜਨੀਯੋ ਸਾਸਨੇ ਬਦ੍ਧਸਦ੍ਧੋ ਪਬ੍ਬਜਿਤ੍વਾ ਸਹ ਪਟਿਸਮ੍ਭਿਦਾਹਿ ਅਰਹਤ੍ਤਂ ਪਤ੍ਤੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਮਾਹ। ਤਤ੍ਥ ਨਿਬ੍ਬੁਤੇ ਲੋਕਨਾਥਮ੍ਹੀਤਿ ਸਕਲਲੋਕਸ੍ਸ ਨਾਥੇ ਪਧਾਨਭੂਤੇ ਪਟਿਸਰਣੇ ਚ ਸਤ੍ਥਰਿ ਖਨ੍ਧਪਰਿਨਿਬ੍ਬਾਨੇਨ ਨਿਬ੍ਬੁਤੇ ਨਿਬ੍ਬੁਤਦੀਪਸਿਖਾ વਿਯ ਅਦਸ੍ਸਨਂ ਗਤੇਤਿ ਅਤ੍ਥੋ। ਧਮ੍ਮਦਸ੍ਸੀਨਰਾਸਭੇਤਿ ਚਤੁਸਚ੍ਚਧਮ੍ਮਂ ਪਸ੍ਸਤੀਤਿ ਧਮ੍ਮਦਸ੍ਸੀ, ਅਥ વਾ ਸਤਿਪਟ੍ਠਾਨਾਦਿਕੇ ਸਤ੍ਤਤਿਂਸਬੋਧਿਪਕ੍ਖਿਯਧਮ੍ਮੇ ਦਸ੍ਸਨਸੀਲੋ ਪਸ੍ਸਨਸੀਲੋਤਿ ਧਮ੍ਮਦਸ੍ਸੀ, ਨਰਾਨਂ ਆਸਭੋ ਪવਰੋ ਉਤ੍ਤਮੋਤਿ ਨਰਾਸਭੋ, ਧਮ੍ਮਦਸ੍ਸੀ ਚ ਸੋ ਨਰਾਸਭੋ ਚੇਤਿ ਧਮ੍ਮਦਸ੍ਸੀਨਰਾਸਭੋ, ਤਸ੍ਮਿਂ ਧਮ੍ਮਦਸ੍ਸੀਨਰਾਸਭੇ। ਆਰੋਪੇਸਿਂ ਧਜਂ ਥਮ੍ਭਨ੍ਤਿ ਚੇਤਿਯਮਾਲ਼ਕੇ ਥਮ੍ਭਂ ਨਿਖਨਿਤ੍વਾ ਤਤ੍ਥ ਧਜਂ ਆਰੋਪੇਸਿਂ ਬਨ੍ਧਿਤ੍વਾ ਠਪੇਸਿਨ੍ਤਿ ਅਤ੍ਥੋ।
5. So yāvatāyukaṃ ṭhatvā kālaṃ katvā devamanussesu saṃsaranto ubhayasampattiyo anubhavitvā sabbattha pūjito imasmiṃ buddhuppāde ekasmiṃ kulagehe nibbatto daharakālato pabhuti pūjanīyo sāsane baddhasaddho pabbajitvā saha paṭisambhidāhi arahattaṃ patto attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Tattha nibbute lokanāthamhīti sakalalokassa nāthe padhānabhūte paṭisaraṇe ca satthari khandhaparinibbānena nibbute nibbutadīpasikhā viya adassanaṃ gateti attho. Dhammadassīnarāsabheti catusaccadhammaṃ passatīti dhammadassī, atha vā satipaṭṭhānādike sattatiṃsabodhipakkhiyadhamme dassanasīlo passanasīloti dhammadassī, narānaṃ āsabho pavaro uttamoti narāsabho, dhammadassī ca so narāsabho ceti dhammadassīnarāsabho, tasmiṃ dhammadassīnarāsabhe. Āropesiṃ dhajaṃ thambhanti cetiyamāḷake thambhaṃ nikhanitvā tattha dhajaṃ āropesiṃ bandhitvā ṭhapesinti attho.
੬. ਨਿਸ੍ਸੇਣਿਂ ਮਾਪਯਿਤ੍વਾਨਾਤਿ ਨਿਸ੍ਸਾਯ ਤਂ ਇਣਨ੍ਤਿ ਗਚ੍ਛਨ੍ਤਿ ਆਰੋਹਨ੍ਤਿ ਉਪਰੀਤਿ ਨਿਸ੍ਸੇਣਿ, ਤਂ ਨਿਸ੍ਸੇਣਿਂ ਮਾਪਯਿਤ੍વਾ ਕਾਰੇਤ੍વਾ ਬਨ੍ਧਿਤ੍વਾ ਥੂਪਸੇਟ੍ਠਂ ਸਮਾਰੁਹਿਨ੍ਤਿ ਸਮ੍ਬਨ੍ਧੋ। ਜਾਤਿਪੁਪ੍ਫਂ ਗਹੇਤ੍વਾਨਾਤਿ ਜਾਯਮਾਨਮੇવ ਜਨਾਨਂ ਸੁਨ੍ਦਰਂ ਮਨਂ ਕਰੋਤੀਤਿ ਜਾਤਿਸੁਮਨਂ, ਜਾਤਿਸੁਮਨਮੇવ ਪੁਪ੍ਫਂ ‘‘ਜਾਤਿਸੁਮਨਪੁਪ੍ਫ’’ਨ੍ਤਿ વਤ੍ਤਬ੍ਬੇ ਗਾਥਾਬਨ੍ਧਸੁਖਤ੍ਥਂ ਸੁਮਨਸਦ੍ਦਸ੍ਸ ਲੋਪਂ ਕਤ੍વਾ ‘‘ਜਾਤਿਪੁਪ੍ਫ’’ਨ੍ਤਿ વੁਤ੍ਤਂ, ਤਂ ਜਾਤਿਸੁਮਨਪੁਪ੍ਫਂ ਗਹੇਤ੍વਾ ਗਨ੍ਥਿਤ੍વਾ ਥੂਪਮ੍ਹਿ ਆਰੋਪਯਿਂ, ਆਰੋਪੇਤ੍વਾ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
6.Nisseṇiṃ māpayitvānāti nissāya taṃ iṇanti gacchanti ārohanti uparīti nisseṇi, taṃ nisseṇiṃ māpayitvā kāretvā bandhitvā thūpaseṭṭhaṃ samāruhinti sambandho. Jātipupphaṃ gahetvānāti jāyamānameva janānaṃ sundaraṃ manaṃ karotīti jātisumanaṃ, jātisumanameva pupphaṃ ‘‘jātisumanapuppha’’nti vattabbe gāthābandhasukhatthaṃ sumanasaddassa lopaṃ katvā ‘‘jātipuppha’’nti vuttaṃ, taṃ jātisumanapupphaṃ gahetvā ganthitvā thūpamhi āropayiṃ, āropetvā pūjesinti attho. Sesaṃ suviññeyyamevāti.
ਥਮ੍ਭਾਰੋਪਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Thambhāropakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਥਮ੍ਭਾਰੋਪਕਤ੍ਥੇਰਅਪਦਾਨਂ • 2. Thambhāropakattheraapadānaṃ
