| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૨. થનસ્સિતદારકઙ્ગપઞ્હો
2. Thanassitadārakaṅgapañho
૨. ‘‘ભન્તે નાગસેન, ‘થનસ્સિતદારકસ્સ એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ ? ‘‘યથા, મહારાજ, થનસ્સિતદારકો સદત્થે લગ્ગતિ, ખીરત્થિકો રોદતિ, એવમેવ ખો, મહારાજ, યોગિના યોગાવચરેન સદત્થે લગ્ગિતબ્બં, સબ્બત્થ ધમ્મઞાણેન ભવિતબ્બં, ઉદ્દેસે પરિપુચ્છાય સમ્મપ્પયોગે પવિવેકે ગરુસંવાસે કલ્યાણમિત્તસેવને. ઇદં, મહારાજ, થનસ્સિતદારકસ્સ એકં અઙ્ગં ગહેતબ્બં. ભાસિતમ્પેતં, મહારાજ, ભગવતા દેવાતિદેવેન દીઘનિકાયવરે પરિનિબ્બાનસુત્તન્તે –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ઇઙ્ઘં તુમ્હે, આનન્દ, સારત્થે 1 ઘટથ, સારત્થે અનુયુઞ્જથ;
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
સારત્થે અપ્પમત્તા આતાપિનો પહિતત્તા વિહરથા’’’તિ.
Sāratthe appamattā ātāpino pahitattā viharathā’’’ti.
થનસ્સિતદારકઙ્ગપઞ્હો દુતિયો.
Thanassitadārakaṅgapañho dutiyo.
Footnotes:
