| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
5. ட²பெத்வா அரியமக்³க³ந்திகதா²வண்ணனா
5. Ṭhapetvā ariyamaggantikathāvaṇṇanā
789-790. இதா³னி ட²பெத்வா அரியமக்³க³ந்திகதா² நாம ஹோதி. தத்த² ‘‘யஸ்மா அரியமக்³கோ³ ‘து³க்க²னிரோத⁴கா³மினிபடிபதா³’தி வுத்தோ, தஸ்மா ட²பெத்வா அரியமக்³க³ங் அவஸேஸா ஸங்கா²ரா து³க்கா²’’தி யேஸங் லத்³தி⁴, ஸெய்யதா²பி ஹேதுவாதா³னங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ ஏவங் ஸமுத³யஸ்ஸாபி து³க்க²பா⁴வோ ஆபஜ்ஜதீ’’தி சோதே³துங் து³க்க²ஸமுத³யோபீதி ஆஹ. இதரோ ஹேதுலக்க²ணங் ஸந்தா⁴ய படிக்கி²பதி. புன புட்டோ² பவத்தபரியாபன்னபா⁴வங் ஸந்தா⁴ய படிஜானாதி. தீணேவாதி பஞ்ஹேஸு ஸுத்தவிரோத⁴ப⁴யேன படிக்கி²பதி, லத்³தி⁴வஸேன படிஜானாதி. ஸேஸமெத்த² உத்தானத்த²மேவாதி.
789-790. Idāni ṭhapetvā ariyamaggantikathā nāma hoti. Tattha ‘‘yasmā ariyamaggo ‘dukkhanirodhagāminipaṭipadā’ti vutto, tasmā ṭhapetvā ariyamaggaṃ avasesā saṅkhārā dukkhā’’ti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi evaṃ samudayassāpi dukkhabhāvo āpajjatī’’ti codetuṃ dukkhasamudayopīti āha. Itaro hetulakkhaṇaṃ sandhāya paṭikkhipati. Puna puṭṭho pavattapariyāpannabhāvaṃ sandhāya paṭijānāti. Tīṇevāti pañhesu suttavirodhabhayena paṭikkhipati, laddhivasena paṭijānāti. Sesamettha uttānatthamevāti.
ட²பெத்வா அரியமக்³க³ந்திகதா²வண்ணனா.
Ṭhapetvā ariyamaggantikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (170) 5. ட²பெத்வா அரியமக்³க³ந்திகதா² • (170) 5. Ṭhapetvā ariyamaggantikathā
