| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
48. т̇зяяасам̣ваасагавад̇т̇угат̇аа
48. Theyyasaṃvāsakavatthukathā
110. баариж̇ан̃н̃абад̇д̇ассаад̇и барихааяад̇ийд̇и бариж̇аани, иссарияабхог̇аад̣̇и, д̇асса бхааво баариж̇ан̃н̃ам̣, иссарияабхог̇аад̣̇игкаяо, д̇ам̣ бад̇д̇од̇и баариж̇ан̃н̃абад̇д̇о, д̇асса. ‘‘баариж̇ун̃н̃абад̇д̇ассаа’’д̇иби угаарзна саха баато ад̇т̇и. кийн̣аголан̃н̃од̇и зд̇т̇а гулз ж̇аад̇аа голан̃н̃аа, н̣яабажжаяо, нагаарааг̇амо. кийн̣аа голан̃н̃аа ассаад̇и кийн̣аголан̃н̃од̇и важанад̇т̇ам̣ д̣̇ассзнд̇о ааха ‘‘маад̇ибагкабид̇ибагкад̇о’’д̇иаад̣̇и. д̇ад̇т̇а маад̇ибагкабид̇ибагкад̇од̇и маад̇уяаа багко маад̇ибагко, бид̇уно багко бид̇ибагко, маад̇ибагко жа бид̇ибагко жа маад̇ибагкабид̇ибагкаа. паад̇им̣ гаад̇унд̇и зд̇т̇а паа-д̇хаад̇у вад̣дханад̇т̇од̇и ааха ‘‘вад̣дхзд̇у’’нд̇и. ‘‘бужчияамаано’’д̇и иминаа ануяун̃ж̇ияамаанод̇и зд̇т̇а ануд̇яуубасаг̇г̇авасзна яуж̇асад̣̇д̣̇о бужчанад̇т̇од̇и д̣̇ассзд̇и.
110.Pārijaññapattassāti parihāyatīti parijāni, issariyabhogādi, tassa bhāvo pārijaññaṃ, issariyabhogādikkhayo, taṃ pattoti pārijaññapatto, tassa. ‘‘Pārijuññapattassā’’tipi ukārena saha pāṭho atthi. Khīṇakolaññoti ettha kule jātā kolaññā, ṇyapaccayo, nakārāgamo. Khīṇā kolaññā assāti khīṇakolaññoti vacanatthaṃ dassento āha ‘‘mātipakkhapitipakkhato’’tiādi. Tattha mātipakkhapitipakkhatoti mātuyā pakkho mātipakkho, pituno pakkho pitipakkho, mātipakkho ca pitipakkho ca mātipakkhapitipakkhā. Phātiṃ kātunti ettha phā-dhātu vaḍḍhanatthoti āha ‘‘vaḍḍhetu’’nti. ‘‘Pucchiyamāno’’ti iminā anuyuñjiyamānoti ettha anutyūpasaggavasena yujasaddo pucchanatthoti dasseti.
т̇зяяасам̣ваасагод̇и т̇знанам̣ т̇зяяам̣ нагаарасса яагаарам̣ гад̇ваа, т̇зяяааяа сам̣ваасаго имассаад̇и т̇зяяасам̣ваасаго. зд̇т̇а жа на гзвалам̣ вассаг̇ан̣анаад̣̇игоязва сам̣ваасо наама ход̇и, ат̇а ко т̇зяяааяа лин̇г̇аг̇ахан̣амби сам̣ваасоязва наама. д̇асмаа д̇асса д̇ивид̇хабхаавам̣ д̣̇ассзнд̇о ааха ‘‘д̇аяо’’д̇иаад̣̇и. д̇ад̇т̇а лин̇г̇ам̣ т̇знзд̇ийд̇и лин̇г̇ат̇знаго, зсзва наяо ид̇арзсуби. д̇амад̇т̇ам̣ вид̇т̇аарзнд̇о ааха ‘‘д̇ад̇т̇аа’’д̇иаад̣̇и. д̇ад̇т̇а яод̇и т̇зяяасам̣ваасаго. лин̇г̇амад̇д̇ассзваад̇и зд̇т̇а мад̇д̇асад̣̇д̣̇зна сам̣ваасаад̣̇аяо нивад̇д̇зд̇и.
Theyyasaṃvāsakoti thenanaṃ theyyaṃ nakārassa yakāraṃ katvā, theyyāya saṃvāsako imassāti theyyasaṃvāsako. Ettha ca na kevalaṃ vassagaṇanādikoyeva saṃvāso nāma hoti, atha kho theyyāya liṅgagahaṇampi saṃvāsoyeva nāma. Tasmā tassa tividhabhāvaṃ dassento āha ‘‘tayo’’tiādi. Tattha liṅgaṃ thenetīti liṅgathenako, eseva nayo itaresupi. Tamatthaṃ vitthārento āha ‘‘tatthā’’tiādi. Tattha yoti theyyasaṃvāsako. Liṅgamattassevāti ettha mattasaddena saṃvāsādayo nivatteti.
вид̣̇зсанд̇и ад̇д̇ано д̣̇зсад̇о вияог̇ам̣ д̣̇зсам̣. висад̣̇д̣̇о хзд̇т̇а вияог̇ад̇т̇аваажаго. ат̇а ваа ви д̣̇уурам̣ д̣̇зсам̣. висад̣̇д̣̇о хзд̇т̇а д̣̇уурад̇т̇аваажаго. мусаад̇и абхууд̇ад̇т̇з д̣̇уд̇ияанд̇анибаад̇о, абхууд̇ам̣ важананд̇и ад̇т̇о. бадиб̣аахад̇ийд̇и ан̃н̃з ниваарзд̇и. сам̣ваасат̇знаго наамаад̇и зд̇т̇а го сам̣ваасо наама, нану згагаммаад̣̇игод̇и ааха ‘‘бхигкувассаг̇ан̣анаад̣̇иго’’д̇иаад̣̇и. бхигкувассаг̇ан̣анаад̣̇игод̇и аад̣̇исад̣̇д̣̇зна яат̇аавуд̣дхам̣ ванд̣̇анасаад̣̇ияанам̣ аасанабадиб̣ааханам̣ убосат̇абавааран̣аад̣̇ийсу санд̣̇иссананд̇и имаани сан̇г̇ан̣хаад̇и. ‘‘гирияабхзд̣̇о’’д̇и иминаа сам̣ згад̇о васияад̇и анзнаад̇и сам̣ваасод̇и важанад̇т̇зна гирияабхзд̣̇о сам̣ваасо наамаад̇и д̣̇ассзд̇и. имасмим̣ ад̇т̇зд̇и имасмим̣ вад̇т̇умхи, имасмим̣ таанзд̇и ад̇т̇о. иминаа баарааж̇игаад̣̇идтаанз бана згагаммаад̣̇иго сам̣ваасо наамаад̇и д̣̇ассзд̇и.
Videsanti attano desato viyogaṃ desaṃ. Visaddo hettha viyogatthavācako. Atha vā vi dūraṃ desaṃ. Visaddo hettha dūratthavācako. Musāti abhūtatthe dutiyantanipāto, abhūtaṃ vacananti attho. Paṭibāhatīti aññe nivāreti. Saṃvāsathenako nāmāti ettha ko saṃvāso nāma, nanu ekakammādikoti āha ‘‘bhikkhuvassagaṇanādiko’’tiādi. Bhikkhuvassagaṇanādikoti ādisaddena yathāvuḍḍhaṃ vandanasādiyanaṃ āsanapaṭibāhanaṃ uposathapavāraṇādīsu sandissananti imāni saṅgaṇhāti. ‘‘Kiriyabhedo’’ti iminā saṃ ekato vasiyati anenāti saṃvāsoti vacanatthena kiriyabhedo saṃvāso nāmāti dasseti. Imasmiṃ attheti imasmiṃ vatthumhi, imasmiṃ ṭhāneti attho. Iminā pārājikādiṭṭhāne pana ekakammādiko saṃvāso nāmāti dasseti.
‘‘лин̇г̇асса жзва сам̣ваасасса жаа’’д̇и иминаа убхаяат̇знагод̇и зд̇т̇а убхаяасаруубам̣ д̣̇ассзд̇и.
‘‘Liṅgassa ceva saṃvāsassa cā’’ti iminā ubhayathenakoti ettha ubhayasarūpaṃ dasseti.
зд̇т̇аад̇и т̇зяяасам̣ваасагадтаанз. рааж̇а…бз… бхаязхи ваад̇и зд̇т̇а бхаяасад̣̇д̣̇о бажжзгам̣ яож̇зд̇аб̣б̣о. рааж̇абхаязна жа д̣̇уб̣бхигкабхаязна жа ганд̇аарабхаязна жа рог̇абхаязна жа взрибхаязна жаад̇и хи ад̇т̇о. жийвараг̇ахан̣ад̇т̇анд̇и жийвараахаран̣ад̇т̇ам̣, аяамзва ваа баато. ваасад̣̇д̣̇о хзд̇вад̇т̇ам̣ ваа самбад̣̇аанад̇т̇ам̣ ваа самбин̣д̣зд̇и. аяам̣ г̇аат̇аа вибхад̇д̇ияаа уббадибаадид̇д̇аа бхаг̇г̇арийд̇исан̇каад̇аа алан̇гаарад̣̇осаа на муд̇д̇аа. лин̇г̇анд̇и саман̣алин̇г̇ам̣. ид̇хаад̇и имасмим̣ саасанз.
Etthāti theyyasaṃvāsakaṭṭhāne. Rāja…pe… bhayehi vāti ettha bhayasaddo paccekaṃ yojetabbo. Rājabhayena ca dubbhikkhabhayena ca kantārabhayena ca rogabhayena ca veribhayena cāti hi attho. Cīvaragahaṇatthanti cīvarāharaṇatthaṃ, ayameva vā pāṭho. Vāsaddo hetvatthaṃ vā sampadānatthaṃ vā sampiṇḍeti. Ayaṃ gāthā vibhattiyā uppaṭipāṭittā bhaggarītisaṅkhātā alaṅkāradosā na muttā. Liṅganti samaṇaliṅgaṃ. Idhāti imasmiṃ sāsane.
наад̇хиваасзд̇ийд̇и на самбадижчад̇и. яааваад̇и яад̇д̇агам̣ гаалам̣, аяам̣ банзд̇т̇а яож̇анаа – ид̇ха яо рааж̇а…бз… бхаязна ваа жийвараг̇ахан̣ад̇т̇ам̣ ваа лин̇г̇ам̣ аад̣̇ияад̇и, со суд̣̇д̇хамаанасо худ̇ваа яаава сам̣ваасам̣ наад̇хиваасзд̇и, д̇аава зсо ‘‘т̇зяяасам̣ваасаго наамаа’’д̇и на вужжад̇ийд̇и.
Nādhivāsetīti na sampaṭicchati. Yāvāti yattakaṃ kālaṃ, ayaṃ panettha yojanā – idha yo rāja…pe… bhayena vā cīvaragahaṇatthaṃ vā liṅgaṃ ādiyati, so suddhamānaso hutvā yāva saṃvāsaṃ nādhivāseti, tāva eso ‘‘theyyasaṃvāsako nāmā’’ti na vuccatīti.
д̇ад̇раад̇и д̇аасу г̇аат̇аасу. ид̇хаад̇и имасмим̣ саасанз. званд̇и лин̇г̇з г̇ахияамаанз. д̇асминд̇и ж̇анз. аносарид̇вааваад̇и аноггамид̇ваава. лин̇г̇ам̣ абанзд̇ваад̇и саяам̣ г̇ахид̇ам̣ саман̣алин̇г̇ам̣ винаасзд̇ваа. баб̣б̣аж̇ид̇аалаяанд̇и баб̣б̣аж̇ид̇ачааяам̣. буб̣б̣зд̇и сам̣ваасат̇знагз.
Tatrāti tāsu gāthāsu. Idhāti imasmiṃ sāsane. Evanti liṅge gahiyamāne. Tasminti jane. Anosaritvāvāti anokkamitvāva. Liṅgaṃ apanetvāti sayaṃ gahitaṃ samaṇaliṅgaṃ vināsetvā. Pabbajitālayanti pabbajitachāyaṃ. Pubbeti saṃvāsathenake.
саб̣б̣абаасан̣д̣ияабхад̇д̇аанийд̇и саб̣б̣аани баасан̣д̣ам̣ уд̣̇д̣̇исса д̣̇иннаани бхад̇д̇аани.
Sabbapāsaṇḍiyabhattānīti sabbāni pāsaṇḍaṃ uddissa dinnāni bhattāni.
сад̇д̇з вахад̇ийд̇и сад̇д̇аваахо. вирамид̇аб̣б̣анд̇и взрам̣, д̇ам̣ бавад̇д̇зд̇ийд̇и взриго. гааязна барихарид̇аб̣б̣аанийд̇и гааяабарихаарияаани. д̇анд̇и д̇увам̣. хийнааяаавад̇д̇абхааванд̇и хийнааяа г̇ихибхаавааяа аавад̇д̇абхаавам̣.
Satte vahatīti sattavāho. Viramitabbanti veraṃ, taṃ pavattetīti veriko. Kāyena pariharitabbānīti kāyaparihāriyāni. Tanti tuvaṃ. Hīnāyāvattabhāvanti hīnāya gihibhāvāya āvattabhāvaṃ.
уббаб̣б̣аж̇ид̇ваад̇и баб̣б̣аж̇авияог̇ам̣ гад̇ваа. д̇амад̇т̇анд̇и уббаб̣б̣аж̇ид̇асан̇каад̇амад̇т̇ам̣. ассаад̇и махаасааман̣зрасса.
Uppabbajitvāti pabbajaviyogaṃ katvā. Tamatthanti uppabbajitasaṅkhātamatthaṃ. Assāti mahāsāmaṇerassa.
маханд̇о ваад̇и зд̇т̇а ваасад̣̇д̣̇о г̇арахад̇т̇о. баг̇зва д̣̇ахарод̇и д̣̇ассзд̇и. аб̣яад̇д̇о ход̇ийд̇и яож̇анаа. сод̇и сааман̣зро.
Mahanto vāti ettha vāsaddo garahattho. Pageva daharoti dasseti. Abyatto hotīti yojanā. Soti sāmaṇero.
важчаг̇орагкаад̣̇ийнийд̇и зд̇т̇а важчод̇и д̇арун̣аг̇он̣о. со хи маад̇усанд̇игз васад̇ийд̇и важчо. маад̇уяаа вияог̇агаалз ваа вассад̇ийд̇и важчод̇и вужжад̇и. иминаа д̣̇аммаг̇аваж̇араг̇г̇авааби сааман̃н̃ад̇о г̇ахид̇аа. г̇о вужжад̇и кзд̇д̇абхууми. важчо жа г̇о жа важчаг̇аваа, д̇зсам̣ рагканам̣ важчаг̇орагко, со аад̣̇и язсам̣ гасигаммаад̣̇ийнанд̇и важчаг̇орагкаад̣̇ийни. ‘‘суубасамбанно’’д̇и иминаа г̇ахадтамби сажз убасамбаад̣̇зд̇и, суубасамбаннод̇и д̣̇ассзд̇и. анубасамбаннагаалзязваад̇и сааман̣зрагаалзязва. винаяавинижчаязд̇и винаяз вуд̇д̇асса т̇зяяасам̣ваасагасса винижчаяз. т̇зяяасам̣ваасаго ход̇и лин̇г̇асса абанийд̇ад̇д̇аа.
Vacchagorakkhādīnīti ettha vacchoti taruṇagoṇo. So hi mātusantike vasatīti vaccho. Mātuyā viyogakāle vā vassatīti vacchoti vuccati. Iminā dammagavajaraggavāpi sāmaññato gahitā. Go vuccati khettabhūmi. Vaccho ca go ca vacchagavā, tesaṃ rakkhanaṃ vacchagorakkho, so ādi yesaṃ kasikammādīnanti vacchagorakkhādīni. ‘‘Sūpasampanno’’ti iminā gahaṭṭhampi sace upasampādeti, sūpasampannoti dasseti. Anupasampannakāleyevāti sāmaṇerakāleyeva. Vinayavinicchayeti vinaye vuttassa theyyasaṃvāsakassa vinicchaye. Theyyasaṃvāsako hoti liṅgassa apanītattā.
т̇зяяасам̣ваасаго на ход̇и салин̇г̇з тид̇ад̇д̇аа. аяамби т̇зяяасам̣ваасаго на ход̇и гаасааяз сауссаахад̇д̇аа. т̇зяяасам̣ваасаго ход̇и гаасааяз д̇хурасса нигкид̇д̇ад̇д̇аа.
Theyyasaṃvāsako na hoti saliṅge ṭhitattā. Ayampi theyyasaṃvāsako na hoti kāsāye saussāhattā. Theyyasaṃvāsako hoti kāsāye dhurassa nikkhittattā.
т̇зяяасам̣ваасаго на ход̇и салин̇г̇з тид̇ад̇д̇аа. нзва т̇зяяасам̣ваасаго ход̇и гаасааяз сауссаахад̇д̇аа. мзт̇унасзванаад̣̇ийхийд̇иаад̣̇исад̣̇д̣̇зна баан̣аад̇ибаад̇аад̣̇аяо сан̇г̇ан̣хаад̇и. т̇зяяасам̣ваасаго ход̇и гаасааяз д̇хурасса нигкид̇д̇ад̇д̇аа. оваддиганд̇и ад̇ховаддзна гаран̣ам̣. рагкад̇и д̇ааваад̇и д̇аава рагкад̇и виймам̣санзна ниваасид̇ад̇д̇аа. лин̇г̇анд̇и саман̣алин̇г̇ам̣. т̇зяяасам̣ваасаго ход̇и г̇ихилин̇г̇асса самбадижчид̇ад̇д̇аа.
Theyyasaṃvāsako na hoti saliṅge ṭhitattā. Neva theyyasaṃvāsako hoti kāsāye saussāhattā. Methunasevanādīhītiādisaddena pāṇātipātādayo saṅgaṇhāti. Theyyasaṃvāsako hoti kāsāye dhurassa nikkhittattā. Ovaṭṭikanti adhovaṭṭena karaṇaṃ. Rakkhati tāvāti tāva rakkhati vīmaṃsanena nivāsitattā. Liṅganti samaṇaliṅgaṃ. Theyyasaṃvāsako hoti gihiliṅgassa sampaṭicchitattā.
виймам̣сад̇и ваа самбадижчад̇и ваа рагкад̇иязва од̣̇аад̇авад̇т̇асса анд̇огаасааяабхаавад̇о. ‘‘бхигкунияааби зсзва наяо’’д̇и вуд̇д̇амзвад̇т̇ам̣ вибхаавзнд̇о ааха ‘‘саабий’’д̇иаад̣̇и.
Vīmaṃsati vā sampaṭicchati vā rakkhatiyeva odātavatthassa antokāsāyabhāvato. ‘‘Bhikkhuniyāpi eseva nayo’’ti vuttamevatthaṃ vibhāvento āha ‘‘sāpī’’tiādi.
вуд̣дхабаб̣б̣аж̇ид̇о сааман̣зрод̇и самб̣анд̇хо. баал̣ияамбийд̇и банд̇ияамби. сзно мам̣сабзсим̣ г̇ахзд̇ваа г̇ажчад̇и вияа бхад̇д̇абин̣д̣з бад̇д̇ам̣ убанаамзд̇ваа г̇ахзд̇ваа г̇ажчад̇и. т̇зяяасам̣ваасаго на ход̇и вассаанам̣ аг̇ан̣анад̇д̇аа.
Vuḍḍhapabbajito sāmaṇeroti sambandho. Pāḷiyampīti pantiyampi. Seno maṃsapesiṃ gahetvā gacchati viya bhattapiṇḍe pattaṃ upanāmetvā gahetvā gacchati. Theyyasaṃvāsako na hoti vassānaṃ agaṇanattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 48. т̇зяяасам̣ваасагавад̇т̇у • 48. Theyyasaṃvāsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / т̇зяяасам̣ваасагавад̇т̇угат̇аа • Theyyasaṃvāsakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
